Post: #3 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-02-2013, 11:17 PM Parent: #2
أها، يا ود شيقوق، شِن قولك في البقت علينا دي ؟؟؟
Post: #4 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-02-2013, 11:19 PM Parent: #3
كدي بجيكم صآد كان الله هوّن...
Post: #5 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: سليمان القرشي Date: 04-03-2013, 00:27 AM Parent: #4
ذات في يوم والقيمة تهتف مطرا نقع فوق نوار الطلح الفقع ريحة البرم ان جاتك فايت ريحة الخمرة الفوق اردافا مجدع.امنت بالله ودالمدير كيف حالك ياخي شوف دكتور بادي تشبيهو جميل كيف لانو البرم للناس الحناكيش زهرة الطلح يعني من نفس فصيلة المقبلات شبه الارض في الخريف بالانثي في كامل زينتها واناقتها وتفوح منها رائحة الطيب. ودالمدير انا البوست دا كان افوتو افوتو مفلق والعجب كان جاك عمنا ودشيقوق اقدل كدي ومشنق طاقيتو واخد ليهو تبة سمحة الكلام بقصر تب . حضور ومتابعة تسلم عادل عبد العزيز مكتشف الجمال تسلم ودالمدير تسلم ودشيقوق
Post: #6 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-03-2013, 01:45 AM Parent: #5
Quote: كدى قبال ما نتوكر ليقدام الرقراق معروف للجميع هو شنو ولا نشرحو ؟ اخير نشرحو مراعاة لظروف البعض اللذىن لم يتمكنوا من العيش فى الريف ولم يتعرفوا على مثل هذه المصطلحات .. اها الرقراق ده يا حبان هو ضؤ الشمس اللذى يتسلل ما بين فتحات الراكوبة المعروشة من القش او الصريف فتكون فيها فتحات تدخل بعض اشعة الشمس وتتساقط على عيون او جباه الناس النائمين او مستلقيين فى الراكوبه وبالتالى تكون مزعجة جدا وقد تجلب لهم الصداع لاحقا .
كدي يا عادل تعال النشوف شيخنا المتنبئ قال شنو في الرقراق ؟؟؟:
قال المتنبئ في وصف شِعب بوان:
طَبَتْ فُرْسَانَنَا وَالخَيلَ حتى خَشِيتُ وَإنْ كَرُمنَ من الحِرَانِ غَدَوْنَا تَنْفُضُ الأغْصَانُ فيهَا على أعْرافِهَا مِثْلَ الجُمَانِ فسِرْتُ وَقَدْ حَجَبنَ الحَرّ عني وَجِئْنَ منَ الضّيَاءِ بمَا كَفَاني وَألْقَى الشّرْقُ مِنْهَا في ثِيَابي دَنَانِيراً تَفِرّ مِنَ البَنَانِ.
جمال المكان جعل المتنبئ يخشى علي خيله أن تحرِن فيهو وترفض الحركة ومواصلة السير، ونحن عندنا الحمار وكت يحرن أمانة ماهو عنيد وبُوّم. أها، بعد المتنبئ واصل السير الرقراق بقى يتنفض فوق أعراف الخيل مِتل الجُمان كما شبهه المتنبئ. (الجمان خرز من فضة يشبه اللآلىء). في مواصلة السير حجبت الأغصان الشمس وأصبح يصله من ضؤها ما يسقط عليه من خلآل فتحات الأغصان، وهو الرقراق الذي شبهه المتنبئ بالدنانير التي يصعب الإمساك بها. (الشرق تعني الشمس). أها، دا الرقراق.
والله شهيتونا رقدة تحت ضُل منقة فوق عنقريب كرآب ما فوقوا غير شلتوت وِسادة.
التحية ليك يا عادل، والبوست بتاعك زاغ مِننا في زحمة كرقة بكري دي. دحين يا أخوي العفو والعافية...
Post: #7 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-03-2013, 01:53 AM Parent: #6
سليمان القرشي، حبابك ألف.
الفي الصورة دا البرم، كدي اليجي ود شيقوق بعدين بنوريك العلآقة بين ريحة البرم وريحة خُمُر الفوق اردافها مجدّع.
لك مودتي، وابقى قريب...
Post: #8 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-03-2013, 06:53 AM Parent: #7
Post: #9 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: Kabar Date: 04-03-2013, 07:00 AM Parent: #8
كتب معاوية ( المـُســـّلــّط):
Quote: قال شنو في الرقراق ؟؟؟:
قال المتنبئ في وصف شِعب بوان:
غايتو يا معاوية.. القصيدة دي درسوني ليها في تانية متوسطة..و امتحنت فيها..و الغريبة نجحت فيها... لكن حكاية ربطها بالرقراق دي تب ما جات بالخاطر (يعني نظام نديك تسعة من عشرة)...!!! بالغتا فووكا عديييل يا قريبي..!!!
دي تسليطة ، من ربونا ، ما بعدها تسليطة يااااااخ...
حبابك يا صديقي...
كبر
Post: #10 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-03-2013, 07:11 AM Parent: #9
يا ود المدير دا شنو؟ وحياتك ما شفت البوست دا علا هسه
جاييك برواقة خليني بس انفض الشغل الفي الطاولة دا
عبرك احيي سرنا عادل عبد العزيز على البوست الذى تفضل بإدارجه في هذا المنتدى خلال إجازتي السنوية التي قضيتها بالدندر بعيدا عن عوالم الاسافير.
Post: #15 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-03-2013, 09:55 AM Parent: #10
البركة بوستيك جاب ليك العالم كبر يا المدير
Post: #14 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-03-2013, 09:53 AM Parent: #7
Quote: الفي الصورة دا البرم، كدي اليجي ود شيقوق بعدين بنوريك العلآقة بين ريحة البرم وريحة خُمُر الفوق اردافها مجدّع.
دى نوارة يا ود المدير مش برم - صحيح البرم نفسه نوار ولكن كلمة برم تطلق بالتحديد على نوارة الطلح وهي صفراء اللون ولها مذاق حلو ورائحة أخاذة .
غايتو الفوق اردافا مجدع دا علا يكون حتحات الدلكة المعطونة في الخمرة
Post: #12 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-03-2013, 09:33 AM Parent: #6
Quote: الرقراق
يا حليلو رقراق الصريف ورقراق القطية ورقراق الكنجة
ويا حليل اعراس زمان
متابعني ولا طاشي برة الشبكة يا المدير؟
Post: #13 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-03-2013, 09:48 AM Parent: #5
سليمان ود القرشي
كيفك وبوركت يا الحبيب
ذات في يوم والقيمة تهتف مطرا نقع فوق نوار الطلح الفقع ريحة البرم ان جاتك فايت ريحة الخمرة الفوق اردافا مجدع
صحيح دكتور بادي مبدع وتتسم مفردات شهره بسحر بلاغتها وامعانها في المحلية
Post: #11 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-03-2013, 09:30 AM Parent: #3
المدير
Quote: أها، يا ود شيقوق، شِن قولك في البقت علينا دي ؟؟؟
ياخ انا عذري واضح - بقول لعادل قريبي انا كنت في ضهاري الدندر وقت عملت البوست ولما رجعت لقيت الارشفة لحستو
ممكن انزل ليكم صورة من جواز سفري عشان تامنوا عديل كدا
اها انت بتقول ليهو شنو يا العشاء ؟
Post: #16 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-03-2013, 10:52 AM Parent: #11
Quote:
دى نوارة يا ود المدير مش برم - صحيح البرم نفسه نوار ولكن كلمة برم تطلق بالتحديد على نوارة الطلح وهي صفراء اللون ولها مذاق حلو ورائحة أخاذة .
سلآم ود شيقوق. حبابك.
يا ود شيقوق إنت زول صعيد وأنا زول سافل. أها هاك دا برم.
البرم عندنا لا سافل هو نوار أشجار الطلح والسُنُط معاً. رغم أنّ النوارة شكلها وآحد لكن تجد الأشجار تختلف في شكلها عن بعضها البعض.
في العربي الفصيح يطلق البرم علي ثمر الطلح، أما ثمر السُنُط فهو القرض اللِيلنا الوآحد دا. ثمر الطلح في عاميتنا بنقولوا، العُليّف.
الفي الصورة الأولي برضو برم لكن يبدو أنّ البيئة التي نمى فيها مختلفة.
مودتي...
Post: #17 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-03-2013, 10:57 AM Parent: #16
Quote: البرم عندنا لا سافل هو نوار أشجار الطلح والسُنُط معاً. رغم أنّ النوارة شكلها وآحد لكن تجد الأشجار تختلف في شكلها عن بعضها البعض.
كلام صحيح مية المية ومتفق مع توصيف عولك ناس الصعيد
Quote: في العربي الفصيح يطلق البرم علي ثمر الطلح، أما ثمر السُنُط فهو القرض اللِيلنا الوآحد دا. ثمر الطلح في عاميتنا بنقولوا، العُليّف.
والله طالما بتعرف العليف تاني زولا بنازلك مافي طااب
بس الفي الصورة دى ما اظن برم انتظرني بخمشوا ليك هسه وبجيك
Post: #18 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: جعفر محي الدين Date: 04-03-2013, 11:10 AM Parent: #17
التحية لكم ثلاثتكم ود المدير وصاحبه ود شيقوق وصاحبي عادل عبد العزيز ودعونا ندعو أخونا عادل عبد العزيز بإعادة كتابة الخيط بتاعو مرة تانية عشان نجمع فيه ما اندثر وفي طريقه للاندثار من ثقافتنا الشعبية وتراثنا ويكون مشلعيب زي مشلعيبي دا http://www.asdgaalnil.com/showthread.php?t=37
المسنوح ود شيقوق الشي الطراك أعراس زمان دا ما هين
شكلك كنت بتتكل رويسك على الصريف لامن تقرصك شمس الصباح أو تعضيك رتيلا
Post: #19 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-03-2013, 11:27 AM Parent: #17
Quote: ذات في يوم والغيمة تهتِّف مطراً نقّع فوق نوار الطلح الفقع ريحة البرم إن جاتك عطراً فايت خُمر الفوق اردافا مجدّع.
يا ود القرشي محمد بادي دا زول بالحيل شديد. الزول دا في لحظة شوق شديد جاب الغيمة والمطر وريحة البرم، ودا كلوا شوق للمكان في زمان معيّن. عارف دايماً المطر بتهيج ريحة البرم، وريحة البرم بتكون أجمل لآمن شدُرة الطلح يكون تحتا مُراح غنم وتتمازج ريحة البرم مع ريحة المُراح مع دُعاش المطر.آآآآآآآآآخ يا أنا. دي ريحة يمين الله فايتا خمر الفوق اردافا مجدع وجميع العطور الباريسية، نعمنها ريحة بُكان. ود بادي هنا بيتنفس المكان ويستنشق عبيره في لحظة شوق شديد.
في بدلية المُسدار ود بادي قال: أنا اخو البِت اللكعت قرن الخُمرة النازة علي وِردان الصبوة الرآكزا.
القرن في المقطع هو شعر البنت، ولكعتو أي جدعتو وكشحتو فوق وريد الصبي الركز للشبال، والوريد عرق في الرقبة. دايماً الصبي بيدنقر للشبال والبت بتكشح فوقوا شعرا. لآحظ شعر البنت تريان بعطر الخُمرة. في المقطع المعني قال ود بادي: ريحة البرم إن جاتك عِطراً فايت خُمر الفوق اردافا مجدّع. أي ريحة البرم دي وكت تجيك مع ريحة دُعاش المطر تكون أجمل وأحلى من ريحة شعر البنت المعطون بعطر الخُمرة ومجدّع فوق اردافها، أي نازل فوق الأرداف بصورة مُسدلة، والأرداف هي كفل البنت وهذا كناية عن طول الشعر.
الكلآم النفر دا بيطرطش يا ود القرشي في نفر غربتنا دي...
Post: #20 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: وضاحة Date: 04-03-2013, 11:31 AM Parent: #19
ود المدير مشتاققين
لو تسمح
اشرح الكلمات الاتية
النِتعضّر ونقعلوا
Post: #21 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-03-2013, 11:38 AM Parent: #20
Quote: ود المدير مشتاققين
لو تسمح
اشرح الكلمات الاتية
النِتعضّر ونقعلوا
تقع لِهاتِك. إنت التِعِضِر أكان ما عرفتيهو وقعان الزول فوق راس رفيقوا كمان ماكِ عارفا ؟؟؟.
يا الطيّب أخوي أنا والله ما بقدر علي النفر دا، وهادي طرفي من البوست...
Post: #22 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-03-2013, 11:38 AM Parent: #20
جعفر
كيفك
Quote: شكلك كنت بتتكل رويسك على الصريف لامن تقرصك شمس الصباح أو تعضيك رتيلا
هههههههههههههههههههها يعني الواحد اكان كتب ليهو كليمة عوييييييييييييييييييصة وبتورية بعييييييييييييييييييدة برضو ملاحقنو؟
تاني الواحد ما يقول خلق الله دى ممكن كلها تدقسا
لكن بيني وبينك يا جعفر اخوي زول بيعرف المشلعيب دا السايبة ديييييييييييك ما بتفوتو
Post: #23 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-03-2013, 11:41 AM Parent: #22
Quote: يا الطيّب أخوي أنا والله ما بقدر علي النفر دا، وهادي طرفي من البوست...
سمح دودر جاي انا معاك بالطوالة
Post: #24 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-03-2013, 11:45 AM Parent: #23
Quote: سمح دودر جاي انا معاك بالطوالة
المسنوحة دي بدت معانا من العنوان، ومُسدار ود بادي دا دربو كلو دقدآق.
غايتو،،،، الله يلزمنا الصبُر...
Post: #28 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-03-2013, 04:18 PM Parent: #24
Quote: المسنوحة دي بدت معانا من العنوان، ومُسدار ود بادي دا دربو كلو دقدآق.
غايتو،،،، الله يلزمنا الصبُر...
انا لسه لابد في الدكة - دودر بقول ليك
ما تعمل اضان الحامل طرشاء
وين جعفر ؟
Post: #25 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: محمد علي شقدي Date: 04-03-2013, 11:49 AM Parent: #20
عادل عبد العزيز ما قصر معانا تب ساق المتعة دي لينا ولو بعد حين ما في أي داعي للشرح يا ودالمدير ود شيقوق الفهم (بكج) والمفردة لما تمرق من جملتها بتغرق
Post: #26 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-03-2013, 12:20 PM Parent: #25
Quote: البركة بوستيك جاب ليك العالم كبر يا المدير
أها أنا الزول دا وححححدوا ما بقدر عليهو، وهو كمان ختاني في حِتّة ضيّقة شديد بحكاية تسعة من عشرة دي، دحين مافي زول بيوفيهو حقو نيابة عني غيرك يا ود شيقوق. إسركن تب.
كبر يا قريبي، ألف مرحب بيك يا صديق، وإن شاء الله يوم شُكرك ما يجي.
Post: #27 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: عادل عبدالعزيز عبد الرحيم Date: 04-03-2013, 01:08 PM Parent: #26
Post: #46 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: Ghazi Othman Date: 04-05-2013, 07:04 AM Parent: #27
ود عبد العزيز الجعلي الصميم تحياتي و الله زمان غازي ود هندسة موجود في الرياض ؟؟ 0500605918
Post: #30 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-03-2013, 04:26 PM Parent: #26
Quote: أها أنا الزول دا وححححدوا ما بقدر عليهو، وهو كمان ختاني في حِتّة ضيّقة شديد بحكاية تسعة من عشرة دي، دحين مافي زول بيوفيهو حقو نيابة عني غيرك يا ود شيقوق. إسركن تب.
نعم يا المدير صديقي كبر جاك ولسان حالو بقول :
آكل حارة ما أضوق باردة ماك داريني حس اب جقرة والقربين دوام باريني أسال منى ربعاي البعرفوا قريني
زولك ما براهو عندو قرين وقرينو نحن بنعرفو لكن ما بنتكلم بيهو
Post: #32 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: شمس الدين التوم Date: 04-03-2013, 07:10 PM Parent: #30
ازيك يا بلدياتي ودالمدير
ساعه ليقيتك تعتضر لي عادل جئت جاري للبوست بالديداب لان عادل اخو وبيتلقي وسلامي لاخونا بمديرية النيل
التعديل لزوم الاضافه
Post: #33 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: عادل عبدالعزيز عبد الرحيم Date: 04-03-2013, 08:46 PM Parent: #30
انت ا معاوية اخوى مسعول من الخير الداهى دا بحبتو من وين بعد ما بكرى ابصلعة ردمو ردم الويل
بعدين طوالى شفتك فنتر فوق الطلح والشاف والكليت انت بايت كتر ولا شنو يا اخوى
وما تنسى ود بادى قال فى وصف سمحاتنا ود العين النايم زرقن مو زايغق رسيان وميقن وسيدن من الوجعة عروقو يطقن
دحين يا اخوى خايف عليك من طققان العوق والله صحى
Post: #42 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: عادل عبدالعزيز عبد الرحيم Date: 04-04-2013, 12:11 PM Parent: #30
Quote: يا ود شيقوق إنت زول صعيد وأنا زول سافل.
يا ود المدير على الحرام انتوالاتنين قطبين فى البورد دا زى القطبين الجنوبى والشمالى الفى الكون ده كله دحين من الليلة عديناك القطب السافلى لهذا البورد وود شيقوق القطب الصعيدى
لكن انا خايف على ود شيقوق من كيكى ينافسه فى قطبية الصعيد دى ولا كييف ؟؟؟؟
Post: #29 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-03-2013, 04:22 PM Parent: #25
شقدي
Quote: عادل عبد العزيز ما قصر معانا تب ساق المتعة دي لينا ولو بعد حين ما في أي داعي للشرح يا ودالمدير ود شيقوق الفهم (بكج) والمفردة لما تمرق من جملتها بتغرق
صدقت صدقت حلاتها في دفتها للبحيت .
لكن يا شقدي باقي ليك اولاد البندر وناس وضاحة ديل ما بتقمحوا ساااااي؟
Post: #34 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: عادل عبدالعزيز عبد الرحيم Date: 04-03-2013, 08:51 PM Parent: #29
بعدين آ ود المدير حرم تضرك ووقعانك فوق راسى ده ماقبلو ليك علا تجيب لى ود البشارى وتحاحى لى ود الدسيس وتشرك لى ود القاضى وتجيبم بيجاى كما ن كان جيت ود الرياض ما خليت شئ تب
ود شيقوق انمهل لى آ زول جاييك فوق الدرب ديداب
Post: #35 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-04-2013, 01:03 AM Parent: #34
Quote: التحية لكم ثلاثتكم ود المدير وصاحبه ود شيقوق وصاحبي عادل عبد العزيز ودعونا ندعو أخونا عادل عبد العزيز بإعادة كتابة الخيط بتاعو مرة تانية عشان نجمع فيه ما اندثر وفي طريقه للاندثار من ثقافتنا الشعبية وتراثنا ويكون مشلعيب زي مشلعيبي دا
Post: #36 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-04-2013, 01:08 AM Parent: #34
Quote: التحية لكم ثلاثتكم ود المدير وصاحبه ود شيقوق وصاحبي عادل عبد العزيز ودعونا ندعو أخونا عادل عبد العزيز بإعادة كتابة الخيط بتاعو مرة تانية عشان نجمع فيه ما اندثر وفي طريقه للاندثار من ثقافتنا الشعبية وتراثنا ويكون مشلعيب زي مشلعيبي دا
جعفر محي الدين، السلآم يغشاك شقيش تقبّل.
لو سمحت نحن مشلعيبك دا دايرين نستعملوا مرجع في سياحتنا دي، وأخونا عادل تراهو ظهر. إن دُرتوا تواصلو هنا حبابكم ألف، وإن درتوا عادل يفتح لكم ديوانوا سليل الرحماب ما ظنيت ديوانوا يبقى عندو سدادة.
لك مودتي يا رجل...
Post: #37 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-04-2013, 01:27 AM Parent: #36
Quote: انا لسه لابد في الدكة - دودر بقول ليك
ما تعمل اضان الحامل طرشاء
وين جعفر ؟
أها عارف، وكِت تسخي وتقعُد تشم شِم في الطُعُم دِيّك الساعة بدور أسمع دقة فرنيبك في أضاني.
جعفر وين ؟؟؟...
Post: #38 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-04-2013, 01:33 AM Parent: #37
Quote: ود المدير مشتاققين
لو تسمح
اشرح الكلمات الاتية
النِتعضّر ونقعلوا
شوقنا تسّب وطمح يا وضاحة.
نتعضّر ظنيتها محرفة من نتعذّر. يعني أهلنا قلبوا الذال ضاد.
الوقع فوق الراس دا إلا تحضريلك مجلس صُلُح، والآ ود شيقوق يشوفلك بصارة.
أها، قصرت معاكِ ؟؟؟...
Post: #39 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-04-2013, 06:39 AM Parent: #38
Quote: عادل عبد العزيز ما قصر معانا تب ساق المتعة دي لينا ولو بعد حين ما في أي داعي للشرح يا ودالمدير ود شيقوق الفهم (بكج) والمفردة لما تمرق من جملتها بتغرق
سلآمات، أخونا محمد علي شقدي.
كلآمك في محلو يا شقدي، لكن زي ما قال لك ود شيقوق شِن نسوي نحن مع جنوّن البندر ؟؟؟. عارف، أوّل ما مشيت البندر حكايتي جاطت لأني كنت بنضم علي سجيتي، وفي كتير من المرات بلقى ناس البندر ما فاهمني. كنت بقولهم والله الما عاش في القرية حكايتو بايظة تب، ها ناس علي اليمين إنتو النضمي دا ما بتعرفوهو. في نفس الوكت هم كانوا بيشوفوا إني زول عِريبي اشو ساكت.
حبابك عشرة يا شقدي...
Post: #40 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-04-2013, 06:49 AM Parent: #39
المدير
اها اوعاك تبقى إطيقش وتقوم تقول لناس البندر ( السلام عليكم) وهم متابعين ليهم مسلسل
ولا كمان تسلم عليهم وهم ماسكين ورق حريق .
ولا كمان لحظة مبارة هلال مريخ
ولا كمان بعد يطفوا النيران كل النيران - ولا كمان تقوم تمد حلاوة لطفلهم وهو متابع إسبيستون
Post: #41 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-04-2013, 07:30 AM Parent: #40
Post: #43 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-04-2013, 01:36 PM Parent: #41
Quote: اوع ينفلخ في راسك عود طلح
أها، يِنفَلِخ دي شُوُفولا دبارة. غايتو أنا القدرت عليهو ضبطتها ليكم بالتنوين...
Post: #44 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-04-2013, 01:42 PM Parent: #43
Post: #45 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-05-2013, 00:37 AM Parent: #44
Quote: ازيك يا بلدياتي ودالمدير
ساعه ليقيتك تعتضر لي عادل جئت جاري للبوست بالديداب لان عادل اخو وبيتلقي وسلامي لاخونا بمديرية النيل
سلآمات قريبي، ود التوم. أعفى لينا كان جبناك جاري بالديداب، ونحمد الله النجاك من الجضول والعترة فوق التقانت.
ود الفراش قال: بشوف بربر بشوف جوخه وحريره بشوف الميضنة الفوق الجزيرة بشوف ركب العبايدة البي خبيره ترى البردين كسح فات القطيرة بشوف تربيزة فوقا تمانية بيرة.
حباب أهلنا، حباب ناسنا ليكم شوقنا بربخاً مفتوح...
Post: #47 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: عادل عبدالعزيز عبد الرحيم Date: 04-05-2013, 11:34 AM Parent: #45
عارف يا ود شيقوق قريبى ود المدير ده بيسوى النم فوق طلح الهشابة الناشف ده
اها دا لو جاء على الصعيد وحضرلو قرة من قرر الخريف وكرف له كرفة من همبريب النجمة بيسوى كيفن
حرم كان فات ود بادى ليغادى
انا طبعا ود سافل لكن ترباية صعيد نواحى سنار وكوستى وبابنوسة عشان كدى متفوق على قريبى ود المدير فى كرفان نسام الصعيد وعندى فوقو نمات من اهل الصعيد كان اسعفتنى الذاكرة بيجبها ليكم هنا باذن الله
Post: #49 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-05-2013, 11:50 AM Parent: #47
Quote: وعندى فوقو نمات من اهل الصعيد كان اسعفتنى الذاكرة بيجبها ليكم هنا باذن الله
عليك النبي سمعنا النمات دي يا عدولي
Post: #48 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-05-2013, 11:40 AM Parent: #45
Quote: وما تنسى ود بادى قال فى وصف سمحاتنا ود العين النايم زرقن مو زايغق رسيان وميقن وسيدن من الوجعة عروقو يطقن
دحين يا اخوى خايف عليك من طققان العوق والله صحى
الكلآم هنا يا عادل عن بنات البوادي وبنات الريف، وبرضو المتنبئ عندو قول فوقن ذي قول ود بادي. المتنبئ ألبسهن توب الفصحى، وود بادي ألبسهن توب العامية. لكن ود بادي تحدث عن الأدب والخجل حيث لا يجدي الجمال فتيلا معهن. قال المتنبئ: مَنِ الجآذِرُ في زِيّ الأعَارِيبِ حُمْرَ الحِلَى وَالمَطَايَا وَالجَلابيبِ إنْ كُنتَ تَسألُ شَكّاً في مَعارِفِها فمَنْ بَلاكَ بتَسهيدٍ وَتَعذيبِ ما أوْجُهُ الحَضَرِ المُسْتَحسَناتُ بهِ كأوْجُهِ البَدَوِيّاتِ الرّعَابيبِ حُسْنُ الحِضارَةِ مَجلُوبٌ بتَطْرِيَةٍ وَفي البِداوَةِ حُسنٌ غيرُ مَجلوبِ أينَ المَعيزُ مِنَ الآرَامِ نَاظِرَةً وَغَيرَ ناظِرَةٍ في الحُسنِ وَالطّيبِ أفدِي ظِبَاءَ فَلاةٍ مَا عَرَفْنَ بِهَا مَضْغَ الكلامِ وَلا صَبغَ الحَواجيبِ وَلا بَرَزْنَ مِنَ الحَمّامِ مَاثِلَةً أوراكُهُنَّ صَقيلاتِ العَرَاقيبِ .
شوف الجمال دا طبيعي لم تشبه شائبة الصنعة. حُسن غير مصنوع وأوجه لم تعرف لها المساحيق درب وحواجب كما خلقها ربها، والكلآم ليس فيه تكلُف وصنعة. جمال طبعي أصلوا ما مزوّر، يا قول الغناي.
شيخنا ود بادي قال: وينا مراتع الدرت الباسط دايما ببكي عليهن وين بنوت الحلة البكّر عصرا بدري يسون في شاهيهن بعد الليل ما يهّود ونحن نهّود.. عاد أماتن ينادن ليهن نمشي على القيزان نتقادم أقيس الخطوة مع التاتاي ومشيهن والله البعد الحاصل ما نساني وحاتكن في قمراتنا بشوفو وشيهن الا النضم أب غنة اللهج السكر وين بلقاهو بنات الريل الدوب ليهن الخوف يا ناس كان يبقى الشوق الحاصل بينا معشعش فيهن مقنع سابل وين بلقاهو طرفا ذابل وين بلقاهو وعين بتدنقر من واليهن
الوجنات الشعّن بقّن ود العين النايم زرقن مو زايغ رسيان وميقّن زولن كان خدران ومحقّن من الشوفة عروقو يطقّن كان الدنيا بصح تتخلا كنا بركنا معاهن فوق رملاة الحلة الا كمان بنشوفا مذلة.
شوف المقنع السابل والطرف الذابل من الحياء والإحترام المبالغ فيه الذي يحيل بينهن ورفع العين للنظر للوالي. قمّة الخجل، وما أجمل الخجل في البنات !!!.
الرسيان وميقن يا عادل من الشوفة عروقو يطقن، فما بالك أنا وود شيقوق اللآجين وخفيفين ؟؟؟، من الشوفة علي اليمين ما يفضل فينا عِرِق...
Post: #50 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: وضاحة Date: 04-05-2013, 12:21 PM Parent: #48
ود المدير المطرطش وشيقا المدودر
انتوا عنصريين كلامكن كلوا عن بنات الريف
يعنى بنات البندر ما خاشين فى الكاتوقرى بتاعتكم اصبروا يا ظلامة
هاكم شوفوا ود البطانة دا قال شنو فى بت البندر وضاحة يا مسانيح
ممشوقة القوام من قايما رُشُرش عينا كل الشافو للمستشقي تب ودّينا الديس النزل في اردافا سايل زينة يا ابو مروة من الحبو ولّع فينا
احديثها دقاق بعقبو الهمس وماهو تهتر لحاحظها جحيم بترمي رجال جدعها تجتر خامه الليل مشيها حرن ردفها افتر سوت مركز الهامل وصعها تستنر
شارفه توغال البرق النطر قدام مخرته في الضماير وعلاها صدار عام لو قصدت تجيك ومدت الابهام بتشوف العجب وتغبي طول العام
فيك دغمه مها العشنوق وفيك هديل وفيك بسماً متل فجاج سحاب الليل وفيك هضليم نعاماً زعزعنو الخيل وفيك لون التليب الجف من السيل
تلاهو الكفل فى المشيه لامن تاتا نهيداً برتكان ما ضاق لو مسه بتاتا جوز عينيهو سهاماً للقلوب حتاته يمشى الكى قبل . سوا الحكاية غتاته
Post: #51 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: وضاحة Date: 04-05-2013, 12:22 PM Parent: #48
مكرر
Post: #52 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-05-2013, 12:31 PM Parent: #51
Quote: تلاهو الكفل فى المشيه لامن تاتا نهيداً برتكان ما ضاق لو مسه بتاتا جوز عينيهو سهاماً للقلوب حتاته يمشى الكى قبل . سوا الحكاية غتاته
بطقوك عين يا مسنوحة
امسحي الكلام دا قبال تتلحسي
Post: #53 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-05-2013, 01:20 PM Parent: #52
Quote: المدير
اها اوعاك تبقى إطيقش وتقوم تقول لناس البندر ( السلام عليكم) وهم متابعين ليهم مسلسل
ولا كمان تسلم عليهم وهم ماسكين ورق حريق .
ولا كمان لحظة مبارة هلال مريخ
ولا كمان بعد يطفوا النيران كل النيران - ولا كمان تقوم تمد حلاوة لطفلهم وهو متابع إسبيستون
الله يستُر يا ود شيقوق.
هسّع فتحة خشُمنا المسنوحة دي خفست فوقنا.
الكُدني يا ود شيقوق أكان لقيتني صُطا لي شي
باقي أنا مرات بسرح...
Post: #56 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-05-2013, 04:32 PM Parent: #53
Quote: باقي أنا مرات بسرح...
اها دي السرحة البتطير جداد الوادي ذاتو
Post: #54 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: وضاحة Date: 04-05-2013, 01:30 PM Parent: #52
يا المسنوح انا بت شيوخ جدى حامد اب عصاءة سيف صقر الغبيشة وصادق قولت ها
الهواء الخمك هههههههه
حليلك يا المسنوح المدودر
ويا حليل ايام زمانك والدراب الكنت بتفكوا من غير تتلفت
غايتوا من جاء خالك دا جهجك وبقى وشى البامية ما ياهوا
Post: #55 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: عادل عبدالعزيز عبد الرحيم Date: 04-05-2013, 02:53 PM Parent: #54
Quote: عليك النبي سمعنا النمات دي يا عدولي
ب
يا ود شيقوق امانه ما تلوم فوقى باسم الدلع البوست ده بوست ناسا اشو تقولى عدولى
على الحرام ما تسحبها ما انم لك ولا نمه من نمات الصعيد
يا زول مالك داير تودينا درب المرجخة من ضو
هيييع ااباابابابااب
Post: #58 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-05-2013, 04:39 PM Parent: #55
Quote: يا ود شيقوق امانه ما تلوم فوقى باسم الدلع البوست ده بوست ناسا اشو تقولى عدولى
على الحرام ما تسحبها ما انم لك ولا نمه من نمات الصعيد
يا زول مالك داير تودينا درب المرجخة من ضو
هيييع ااباابابابااب
عيييييييييك انت غافل ولا شنو ؟
عايزين نعمل نيو فيرجن لاسمك دا عشان يأكلك عيش مع الحمام يا عشاي
Post: #57 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-05-2013, 04:36 PM Parent: #54
Quote: يا المسنوح انا بت شيوخ جدى حامد اب عصاءة سيف صقر الغبيشة وصادق قولت ها
هههههههههههههههههههههههههههههههههههها مسنوحة اكان غفلنا هسي بتجي بتقولي انا سليلة اسامة ابن زيد
Quote: حليلك يا المسنوح المدودر
ويا حليل ايام زمانك والدراب الكنت بتفكوا من غير تتلفت
غايتوا من جاء خالك دا جهجك وبقى وشى البامية ما ياهوا
خلي خالي يغفل بس عشان اديك فلقة في راسك الماكن دا عمرك ما تنسيها
Post: #59 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-05-2013, 09:09 PM Parent: #57
Quote: هههههههههههههههههههههههههههههههههههها مسنوحة اكان غفلنا هسي بتجي بتقولي انا سليلة اسامة ابن زيد
يا ود شيقوق عليك الله المسنوحة السادرة ومِندلية بي بوصة رقبتا في بوستينا دا خُتلها طوبة لا تروح تقلبوا علينا...
Post: #60 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: عادل عبدالعزيز عبد الرحيم Date: 04-05-2013, 10:26 PM Parent: #59
دحين اختوها بلا تكتحكم وتكتحنا معاكم بلا كتيح ليلى علوى للكوامر فى درب الكلالاب وخور الفيل
Post: #61 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: عادل عبدالعزيز عبد الرحيم Date: 04-06-2013, 12:33 PM Parent: #60
فوق حبة لحدى ما تجى وضاحة تكتح
Post: #62 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: وضاحة Date: 04-06-2013, 01:37 PM Parent: #61
عادل خلى وضاحة هاك شوف دى
Post: #63 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-06-2013, 02:06 PM Parent: #62
Quote: ود المدير المطرطش وشيقا المدودر
انتوا عنصريين كلامكن كلوا عن بنات الريف
يعنى بنات البندر ما خاشين فى الكاتوقرى بتاعتكم اصبروا يا ظلامة
هاكم شوفوا ود البطانة دا قال شنو فى بت البندر وضاحة يا مسانيح
كدي تعالي لي بجاي يا سجمانة أوريك هوايل جِدِك العبادي. في سايق الفيات قال: أنزل يا صديقى* و شوف يد القدرة و شوف حسن البداوة الما لمس بدرة وراد النهر أردونى ما بدرة الكاتل الصفار أم نضرة الخضرة ما نفرن تقول سابق الكلام إلفة عطشان قلت ليهن و صحت البلفة مافيش كاس قريب قالن لى دون كلفة تشرب بى كفوفنا لما تتكفى.
قال لي صاحبو أنزل شوف جمال البدو الطبيعي. خلقة ربنا من غير مساحيق وبُدرة، وقال، قاااااادر الله!!! الزول دا من شِدة الجمال وُر دُو لُب وقع. كِتِل تب بين صفراء فاقع لونها والخُدرة الدقاقة، وكلو اورقانيك يا وضاحة. بعدين الكلآم والتعامل مع الغريب فيهو عفوية وأريحية مبالغ فيها لدرجة إنهن أدنو إحساس كأنهن يعرفنه ويألفنه من زمن. لكن رغم دا كلو هو سيطرت عليهو روح الحضر الماكرة التي تعشق اللف والدوران. الراجل رويان وميتو معاهو في العربية، لكن بعضمة لسانوا قال إنوا خدعهن وتظاهر بأنه يكاد يموت من العطش، ومبسوط جداً أن صحت البلفة البلفا ليهن بإظهار العطش وعدم وجود قيروانة. بكل بساطة ومن غير كُلفة قالن ليهو ما مُشكلة نسقيك بكفوفنا لآمِن تروى. البداوة والريف جمال وعفوية وأريحية. دي حقيقة. والله صحي. نو اوفنس يا مسنوحة...
Post: #64 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-06-2013, 02:12 PM Parent: #63
Quote: عادل خلى وضاحة هاك شوف دى
Post: #65 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-06-2013, 02:13 PM Parent: #63
Quote: عادل خلى وضاحة هاك شوف دى
Post: #66 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: عادل عبدالعزيز عبد الرحيم Date: 04-06-2013, 11:38 PM Parent: #65
Quote: عادل خلى وضاحة هاك شوف د
عارفة يا وضاحة بحس بيها متسلبطة فى الشعر
ما عارف ليه؟؟؟؟؟
Post: #67 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-07-2013, 05:11 AM Parent: #66
Quote: عارفة يا وضاحة بحس بيها متسلبطة فى الشعر
ما عارف ليه؟؟؟؟؟
يا عادل متسلبطة شنو ياخ ؟ وضاحة دي - وحياتك - اكان تكت ليك راسا لا تحت وغنت ليك في عيدان الطلح تبكيك بدموعك
Post: #68 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: عبيد الطيب Date: 04-07-2013, 07:15 AM Parent: #67
Quote: في العربي الفصيح يطلق البرم علي ثمر الطلح، أما ثمر السُنُط فهو القرض اللِيلنا الوآحد دا. ثمر الطلح في عاميتنا بنقولوا، العُليّف
ود المدير وأبوي الطيب وصاحب البوست وضيوفو والمتاوقين بي تحت الصريف سلاااااااااااام ومحبة والله كنت كارب قشاطتي وما شفت لمّة القرايب الا هسّاع
نحن عندنا في بوادي الغرب بنقول العِلِّيف لي ثمر شجر السيِّال ودائما يكون علف للبهائم الدقاقة "ماعز ضأن" وفي الصيف ايضا من احسن مراعي دمر النّوق او كما يقول شاعرنا ود المُر
"أني وجبادة الشايل البرم علِّيفُو نجعنا حلالي من بلد البضوِّي شنيفو قعود سقّاي أبو دكنة المحمِّر قيفو يسألنا الله واواي اللّناقيب كيفو"
أما ثمر السنط فهو "القرض" ودي ترا الشجرة التي وجد الشاعر الناصر قريب الله الحسناء الكاهلية علي رأس أغصانها وكانت ترتدي تلك الحسناء "السدرانة" "وفتاة لقيتها ثم تجر ثمر السنط بإنفراد الغزال تمنح الغصن أسفل قدميها ويداها في صدر آخر عالِ فيظل النهدان في خفقان الموج والكشح مفرط في الهزالِ تجني ثمرة السُّنط لدباغة الجلود لزينة هودجها "شليل - مفارع- عضبة...........الخ الناس في القوّة وإنت مشوقر رعيت عضاوة الدّلج الصعيد ناس أُوقر ديك البهرة في القف السّنافو متوقِر هبود جلد أبو نصاً رقيق مو مبوبر "والهبود هو الرماد ويستعمل في الدباغة"
بجيكم بي مهلة لي رعابيب "حُمْ " الأستاذ وأعني المتنبي كما كان يسميه الراحل الطيب صالح
محبتي
Post: #69 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: Abdlaziz Eisa Date: 04-07-2013, 08:05 AM Parent: #68
عزيزي معاوية المدير
سلامات
وتقعلولو فوق راسو حتة واحدة كدا..!!
يعني احتمال يكون فيها فلعة وجرجرة!!
غايتو انا من شفت اسم شيقوق ده جيت داخل بي زوادتي.. حزمة حزمتين عنكوليب ولي قدام
مودتي
Post: #71 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-07-2013, 09:07 AM Parent: #69
Quote: غايتو انا من شفت اسم شيقوق ده جيت داخل بي زوادتي.. حزمة حزمتين عنكوليب ولي قدام
السقداوي السقداوي يا مسنوح اوع تلهمنا العدار واب قفا
Post: #70 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-07-2013, 09:06 AM Parent: #68
Quote: والمتاوقين بي تحت الصريف
نان فاكرني بتفوت على دي يا العشاء؟
Quote: نحن عندنا في بوادي الغرب بنقول العِلِّيف لي ثمر شجر السيِّال ودائما يكون علف للبهائم الدقاقة "ماعز ضأن" وفي الصيف ايضا من احسن مراعي دمر النّوق او كما يقول شاعرنا ود المُر
"أني وجبادة الشايل البرم علِّيفُو نجعنا حلالي من بلد البضوِّي شنيفو قعود سقّاي أبو دكنة المحمِّر قيفو يسألنا الله واواي اللّناقيب كيفو"
تسلم يا العبيد
Post: #72 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-07-2013, 11:14 AM Parent: #70
للجمع الجميل مع محبتي ومودتي.
كتّر خيركم كتير...
Post: #73 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-08-2013, 10:58 AM Parent: #72
Quote: ود المدير وأبوي الطيب وصاحب البوست وضيوفو والمتاوقين بي تحت الصريف سلاااااااااااام ومحبة والله كنت كارب قشاطتي وما شفت لمّة القرايب الا هسّاع
حباب ود المقدم.
نوّخ وابقى لا داخل.
يا جماعة والله مداخلآت الفيس بوك دي طوالي مبقياني في حرج. دايماً قبل أرُد علي المدآخلة بفقدها !!! عليكم الله المدآخلة التحت دي والله فقدتها، دحين كان فيكم وآحد ظاهرة عندو اليقتبسها وينزلها عشان نرد عليها.
عظيم شكري لصاحب المدآخلة وأرجو أن لا يكون سحبها ظناً منه أن قد تجاهلناها...
Post: #74 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: وضاحة Date: 04-08-2013, 12:44 PM Parent: #73
انت يا ود المدير مالك مع ناس الفيس ديل
Post: #75 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: وضاحة Date: 04-08-2013, 12:48 PM Parent: #74
Quote: يا عادل متسلبطة شنو ياخ ؟ وضاحة دي - وحياتك - اكان تكت ليك راسا لا تحت وغنت ليك في عيدان الطلح تبكيك بدموعك
معاوية شيقوق دا ودى الضل
Post: #76 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-08-2013, 02:35 PM Parent: #75
Quote: معاوية شيقوق دا ودى الضل
الزول دا قايلك دباسة واللآ شنو ؟؟؟
قبل تسأليني الدباسة هي أُم خنّاق في لغة أهل السافل، والمعنى وآضح إفتكر...
Post: #77 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: عبيد الطيب Date: 04-08-2013, 04:06 PM Parent: #76
Quote: قبل تسأليني الدباسة هي أُم خنّاق في
يا سلاااااااام ود المدير "أُم خنّاق مفردة أحسبها إندثرت وأيضا خنّاق طويرة أُم قوقي هو "الهضليم" تعال شوف الرائع الراحل "بخيت ود عبد المولي" قال شنو
"أني ونجر اللِّزيرق وعفشتي ومعلوقي علي الشّارف تقول خنَّاق طويرة أُم قوقي عند معاك شروط وعلقة يا الخازوقي علي أُم عنقا قزاز رومي وقيافي وسوقي"
محبتي
Post: #78 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: عادل عبدالعزيز عبد الرحيم Date: 04-12-2013, 08:54 PM Parent: #77
انا ناس ابتسألو من ال زول على اليمين خوتكم خوة عجول واحد يرعى والتانى وكران
كنت قاطع نت
ودى جدعة ليك يا ود المدير وبهديها ليوضاحة وودشيقوق كمان من حقه يسمعها قال شادينا ود الحورى
يا قشيش بلد الكربكان يا الشرب بالنجمة رويان عوج البل وفقع الضان انت حراسك 80 وكل حارسا عنده ######ين وكل ######ا عنده جروين وكل جرو عنده ضنبين وكل ضنبا فيه وردتين
Post: #79 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: الطيب شيقوق Date: 04-12-2013, 09:14 PM Parent: #75
Quote: معاوية شيقوق دا ودى الضل
سواء
Post: #80 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: وضاحة Date: 04-12-2013, 09:46 PM Parent: #79
العبيد ترجم بالله عليك ما فهمتى اتكتح
شيقا انت فاضى صفحة سواء شنو
Post: #81 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-13-2013, 00:13 AM Parent: #80
Quote: سلامات
وتقعلولو فوق راسو حتة واحدة كدا..!!
يعني احتمال يكون فيها فلعة وجرجرة!!
غايتو انا من شفت اسم شيقوق ده جيت داخل بي زوادتي.. حزمة حزمتين عنكوليب ولي قدام
يا عبد العزيز عيسى يا اخي تسلم من كل شر وبلا. قالوا متألم شوية ويا اخي بُعد الشر عليك.
أمانة ماك زول وآجب. حتي المرض ما نساك وآجبك!!!. أها،نحن برانا بنقشّر ونقرُش معاهو. كتّر حيّرك...
Post: #82 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-13-2013, 06:29 AM Parent: #81
Quote: ود المدير و زوارو ..العوافي ..ياني الكنتا مداخل معاكم واستغربت لما ما لقيتا اها جنس ده ما لاقاني ضمة ضمة في الاسافير دي ... عموما ... مستمتع بالجد و متابع النضمي السمح ده و بعدين اختنا وضاحة دي ما دباسة دي ام قيردون .. رقاصة وغنايا و نقادة .. بتعضر يا وضاحة
شاحد الله يمتعك بالصحة والعافية يا جلآل. عارف، دي المرّة التانية النادرة دي تبقى علي !!!، وتراني أباصر خايف اللوم وحاتك.
أُم قيردون لا سافل بنقولها الكرلي، وهي طائر وديع وحذر لأبعد حد. وأُم قيردون تأتي لبلدنا في فصل الشتاء. وِكتين الشاتي يخُت أها هي بتجي، وهي من الطيور التي تألف المكان. أذكر كانت في أُم قيردون عرجاء، وكانت تألف منزلنا وتأتي إليه في موسم الشتاء دوماً. كنا نحن سُغار نغني لها: أُم قيردون يا الحاجة ولدك عريس يا الحاجة يسِف الدريس يا الحاجة.
والله أيام يا ود جلآل. بس وضاحة دي تشبه لي أُم بِعبِر كان الفي البروفايل دي صورتها واللآ ما صورتا.
مودتي...
Post: #83 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: معاوية المدير Date: 04-13-2013, 11:46 AM Parent: #82
Quote: العبيد ترجم بالله عليك ما فهمتى اتكتح
Quote: معلوقي
يا وضاحة المعلوق دا في اللغة العربية ما يُعلق عليه الشئ، واللحم وكِت يعلقوهو بيقولوا عليه في اللغة العربية برضو معلوق.
عندنا لا سافل بنسميهو المُعلآق، وفي الغالب الأعم يُعرف بالمشعليب في عموم وطنا الحبيب.
يا ود المقدم شوف جكتك مع باقي النضمي، أنا قُدُرتي سويتا...
Post: #84 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: عبيد الطيب Date: 04-13-2013, 12:10 PM Parent: #83
Quote: العبيد ترجم بالله عليك ما فهمتى اتكتح
نجر اللّيزيرق يقصد به سرج البعير والإزيرق نجار سروج شهير عفشتي ومعلوقي كل لوازم الرحلة من سعن او قربة ومخلاية وضبية وفروة وتركيبة وبطانية وقيد وعقال وبندقية ....الخ وكما تقول الحكامة من غنا الجرارية "الفروة والإحرام والرقيبة من قدّام البي الرّسن حطّام آ خير أُمُّم سو لي زمام
وعلي الشّارف يقصد به بعيره وشارف أي شوح وطويل "خنَّاق طويرة أم قوقي يقصد بها ذكر النِّعام "الهضليم" الذي شبه به بعيره وللشرح أكثر عن الهضليم مراجعة بوست "الدّرب إنشحط" وطويرة أم قوقي يقصد بها النّعامة "الربدة" وعنده جائزة لبعيره إذا أوصله لفرقان "أم عنقا كزجاجة الروم"
اها يا وضاحة الشرح دي كلُّو عشان بوستك الإنساني الرائع و الذي إهتممت به وآخرون معك عن أطفالنا
محبتي
Post: #85 Title: Re: يا ود شيقوق تعال النِتعضّر لعادل عبد العزيز ونقعلوا فوق راسو ... Author: عادل عبدالعزيز عبد الرحيم Date: 04-13-2013, 08:31 PM Parent: #82
