Post: #1
Title: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-02-2013, 10:18 PM
غايتو اليومين الحالة (سعبه) خلاص
..
..
__
الجيب : سيارة تستخدمها الشرطة والجوازات السعودية
المراعي: شركة ألبان شهيرة جداً في السعودية عندهم لبن وزبادي أمممممممممم
|
Post: #2
Title: Re: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-02-2013, 10:24 PM
Parent: #1
أما العبارة الفوق والتي جاءت في عنوان البوست
فهي عبارة شهيرة لسوداني جاء للعمرة وزاغ ليهو فترة كده
لغاية ما يوم اتقبض واترفع في الجيب ...
والظاهر صاحبنا كان بحب منتجات شركة المراعي شديد
اها صاحبنا وهو في الباخرة وهي متحركة في رحلة العودة القسرية للسودان
من بعيد شاف ليهو جيب من جيبات الشرطة دي..
فقال عبارته أعلاه وهو يتحســـر على فراق منتجات المراعــي 
|
Post: #3
Title: Re: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-02-2013, 10:26 PM
Parent: #2
صورة الجيب ..
|
Post: #5
Title: Re: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-02-2013, 10:35 PM
Parent: #3
صور منتجات شركة المراعــي ..
موقع الشـــركة هنا
|
Post: #4
Title: Re: يا (الجيب) الما بتراعــي الحرمتنا من (المراعي)!
Author: محمد عثمان
Date: 04-02-2013, 10:28 PM
Parent: #2
حكايتك دى عندها علاقه بشندى..؟!
|
Post: #6
Title: Re: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-02-2013, 10:39 PM
Parent: #4
أها اليومين دي في كشات شديدة جدا في السعودية
الحاجة المتعارف عليها الكشات كانت لغير المقيمين
أو الذين لا يحملون اقامات نظامية ...
أها المرة الكشات اختلفت بعد قرار مجلس الوزراء السعودي الأخير
وهو أي زول ما شغال مع كفيله اصبح عماله سائبة وزائده عن الحاجة
وديل تحديدا المستهدفين بالكشات دي...
وديل لأنهم ناس مقيمين اقامات نظامية فهم متعودين على المراعي
ويعز عليهم فراقه بهذه السهولة .....
|
Post: #7
Title: Re: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-02-2013, 10:44 PM
Parent: #6
| Quote: حكايتك دى عندها علاقه بشندى..؟! |
عاين دا كمان شـــندي فيها مراعي 
غايتو النصيحة الما ضاق لبن المراعي نص عمره ضايع
|
Post: #8
Title: Re: يا (الجيب) الما بتراعــي الحرمتنا من (المراعي)!
Author: علي محمد الفكي
Date: 04-02-2013, 11:24 PM
Parent: #7
البشاري
لبن شندي نادر
والله صحي
|
Post: #9
Title: Re: يا (الجيب) الما بتراعــي الحرمتنا من (المراعي)!
Author: أيمن محمود
Date: 04-02-2013, 11:39 PM
Parent: #8
| Quote: الما ضاق لبن المراعي نص عمره ضايع |
الما ضاق لبن المراعي نص عمره ضاعِ
حس شعري - مافي ؟!
سلامي يا البشاري اللمراعي مباري
|
Post: #10
Title: Re: يا (الجيب) الما بتراعــي الحرمتنا من (المراعي)!
Author: سيف النصر محي الدين
Date: 04-03-2013, 01:53 AM
Parent: #9
و الله يا أمين زولك ده ما عندو موضوع ساي، مراعي شنو عليك الله ؟
بقى بي كم هسه ؟ غايتو انا بتذكر انهم كل يوم كانوا بزودوه ريال. جماعتك فلسوا يا امين و غلبهم البسوه ده إلى جانب الاضطرابات السياسية و ارتفاع
وتيرة التذمر الشعبي للدرجة التي جعلت مجلس الوزراء يصدر قرارته المزعومة هذه لتشتيت انتباه الناس و اشغالهم بقضايا جانبية بعيدا عن القضايا
الحقيقية من فساد و صراع على السلطة ظهرت بوادره و فاحت رائحته.
|
Post: #19
Title: Re: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-03-2013, 11:59 AM
Parent: #10
| Quote: و الله يا أمين زولك ده ما عندو موضوع ساي، مراعي شنو عليك الله ؟ |
اووووووو دكتور سيف النصر محي الدين
مشيت محل الطراوة وبقيت تفلت ساااي
يا زول نحن لسه بنحاحي وساكين الريال والهلل دا
فشنو براحة علينا ياخ ..
غايتو 5 سنوات تاني المغتربين بالعدد في البلد دي
والعرست عرست .. الما عرست الله معاها
|
Post: #12
Title: Re: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-03-2013, 07:58 AM
Parent: #9
Quote: الما ضاق لبن المراعي نص عمره ضاعِ
حس شعري - مافي ؟! |
يعني أقول شنو مثلاً
المراعي المراعي الديمه طعمو طاغي ....
أنت قايلني أنا صديق مهدي ولا شنو؟!
|
Post: #11
Title: Re: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-03-2013, 07:55 AM
Parent: #8
Quote: البشاري
لبن شندي نادر
والله صحي |
علي فكي شندي متين بقى فيها لبن؟
وما تخليني أقول لك كما قال جحا حينما تم سؤاله عن ايهما اطيب
بالفطير باللبن أم الأرز باللبن؟
فقال جحا: أنا لا أحكم على غائب هاتوا بالفطير والأرز باللبن لأتذوقهما ثم احكم
فدحين يا اخوي المراعي دا انا جربته تب
بس لبن شندي دا اول مرة اسمع بيهو
|
Post: #13
Title: Re: يا (الجيب) الما بتراعــي الحرمتنا من (المراعي)!
Author: محمد عمر الفكي
Date: 04-03-2013, 08:32 AM
Parent: #11
افة هذا المنبر هي عدم المصداقية
جيبك الفوق دا ما عنده علاقة بالكشات، دي صورة الجيب ربنا يكفيك شره
|
Post: #14
Title: Re: يا (الجيب) الما بتراعــي الحرمتنا من (المراعي)!
Author: محمد عمر الفكي
Date: 04-03-2013, 08:36 AM
Parent: #13
هسي ياللمين دا بني ادم ولا عرقي؟
|
Post: #15
Title: Re: يا (الجيب) الما بتراعــي الحرمتنا من (المراعي)!
Author: محمد عبد الله الامين
Date: 04-03-2013, 08:47 AM
Parent: #14
| Quote: بس لبن شندي دا اول مرة اسمع بيهو |
لبن شندي ( نــــــــــــــــــــــادر ) مثيلو يا البشاري
|
Post: #21
Title: Re: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-03-2013, 12:07 PM
Parent: #15
| Quote: لبن شندي ( نــــــــــــــــــــــادر ) مثيلو يا البشاري |
يطرشنا ما سمعنا بيهو ..
تحياتي
|
Post: #16
Title: Re: يا (الجيب) الما بتراعــي الحرمتنا من (المراعي)!
Author: حامد بدري
Date: 04-03-2013, 08:47 AM
Parent: #14
البشاري وانا جارررري كاك صباحك صافي
صدقني الصافي طعمو غيير
| Quote: موقع الشـــركة هنا |
الحركة دي في البوسطي بتاع المهارات مالقيتا وبي هناك عندك ساهلة
هنا غلبني خد راحتك وتشكراتي ليك ياهندسه 
قاعد تصبر على ناس الكنبه الورا كاك
|
Post: #22
Title: Re: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-03-2013, 12:10 PM
Parent: #16
Quote: البشاري وانا جارررري كاك صباحك صافي
صدقني الصافي طعمو غيير |
حامد بدري أخـــوي نحن فطومنا بالمراعي ..
الصافي طعمه حامض وينفع في ملاح الروب
..
..
Quote: الحركة دي في البوسطي بتاع المهارات مالقيتا وبي هناك عندك ساهلة
هنا غلبني خد راحتك وتشكراتي ليك ياهندسه |
موجودة يا حامد أخوي .. وكان غلبتك رن لي العصر بديك ليها
|
Post: #20
Title: Re: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-03-2013, 12:06 PM
Parent: #13
Quote: افة هذا المنبر هي عدم المصداقية
جيبك الفوق دا ما عنده علاقة بالكشات، دي صورة الجيب ربنا يكفيك شره |
هووووي يا بطحاني عليك الله ما تغالط في جيبات الرياض ونجران
للنكته بقية يا محمد عمر بل نكات
غايتو الحالة بقت صعبه ... المغترب قال لبت عمو:
يا بت عمي اسمعي كلامي دا الحالة بقت شلش
سنة للبشير ..
وسنة للكفيل ..
وسنة للتدبير ..
قالت ليهو والله أخير منك زول العمرة والتسفير
ابوي قال تاني ما بنتظر كتير
دا كلام واحدة راجيه ليها مغترب ...
|
Post: #17
Title: Re: يا (الجيب) الما بتراعــي الحرمتنا من (المراعي)!
Author: جمال السنوسي
Date: 04-03-2013, 08:50 AM
Parent: #11
| Quote: علي فكي شندي متين بقى فيها لبن؟ |
شندي دي مشوهرو بالفرد
فرد شندي ( الغزل اليدوي(
غايتو لبن شندي ده شفتو قبل يومين في المصنع الجديد
وعندهم غباشة بالنكهات فراولة منقة وغيرها
|
Post: #23
Title: Re: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-03-2013, 12:13 PM
Parent: #17
Quote: شندي دي مشوهرو بالفرد
فرد شندي ( الغزل اليدوي) |
انا زاتي قلته كده ...
وبعدين لبن كل يوم .. كل يوم ياخ
جداد.. سواسيو ماف
|
Post: #18
Title: Re: يا (الجيب) الما بتراعــي الحرمتنا من (المراعي)!
Author: الأمين كامل الأمين
Date: 04-03-2013, 10:53 AM
Parent: #1
الحبيب الامين البشارى
اها بتيخ نجران كيف ؟ هههههههه
طبعا ما ح تعرفنى بالاسم الرسمى ( نقيب بس )
|
Post: #24
Title: Re: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-03-2013, 12:19 PM
Parent: #18
أوضتين وبرنده قصدي الأمين كامل الأمين
يخــربني كان عرفتك ياخ
لكن الحبيب دي مطمئنة مرحب بيك وحبابك ألف
التلفون والبريد في البروفايل
|
Post: #25
Title: Re: يا (الجيب) الما بتراعــي الحرمتنا من (المراعي)!
Author: وضاح عبدالرحمن جابر
Date: 04-03-2013, 02:47 PM
Parent: #24
بالله استعدلت الكيبورد وداير اكتب مشاركة
اعاين بي قزاز المكتب اشوف ليك الجيب جايى قاشط فوووووو ولمباتو تبرق بس سحاب قبلي
قلت لا اله الا الله الجيب من قدامك ومن وراك
كااااااااااااك
تعرف يا اللمين لى فى البلد دى قريب الستاشر ... لحدى الليله دى ما بكون شربت لى رطلين لبن
ستاشر سنه وانا ما قادر (استسيغ) طعم لبنهم المصنوع ده
ياااخى ده موية ساااى .. مراعي ولا الصافي ولا غيرو
ياخوى كباية لبن محلوبة من الضرع ... اظنها هنا تعمل ليها 5 ارطال بالميت كده ...
|
Post: #26
Title: Re: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-03-2013, 05:58 PM
Parent: #25
Quote: بالله استعدلت الكيبورد وداير اكتب مشاركة
اعاين بي قزاز المكتب اشوف ليك الجيب جايى قاشط فوووووو ولمباتو تبرق بس سحاب قبلي
قلت لا اله الا الله الجيب من قدامك ومن وراك
كااااااااااااك |
والله يا وضاح قعدته اضحك زي المجنون في المكتب
غايتو حالة صعبه خلاث ...
Quote: تعرف يا اللمين لى فى البلد دى قريب الستاشر ... لحدى الليله دى ما بكون شربت لى رطلين لبن
ستاشر سنه وانا ما قادر (استسيغ) طعم لبنهم المصنوع ده
ياااخى ده موية ساااى .. مراعي ولا الصافي ولا غيرو |
ستاشر سنة مع كفيلك ولا لا؟
قالوا في واحد جاب ابوه زيارة لمدة شهر واحد
وعمك بدأ يضرب ليك في المراعي
زولنا قعد 3 شهور وجددوا ليهو 3 شهور تاني
وما مقتنع يرجع كلو كلو ...
فدحين يا أخوي النعمة دي ما تضيعها ســـاي
عشان لو الجيب مسكك ما تندم بعدين
|
Post: #27
Title: Re: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-03-2013, 06:28 PM
Parent: #26
Quote: احدهم حكى لى حكاية العربى المشى يرعى ابل عند البدو وحين ذهابه الى السودان انشد قائلا:
شراب الدلة والشاى الخفيف الحب .... طلّع دينا يا العرب البتاكلو الضب
وحين جلوسه مع اهله مدة الاجازة وفلسه الشديد انشد قائلا:
طرينا اب خمسمية والبدو الطيبين .... الجابنا للسودان جاب الحمار للطين
ورغم هذا فالسعوديه ليست هى الحل |
الطيب عبد الله
تحياتي وشكراً على المشاركة الظريفة دي ياخ
|
Post: #28
Title: Re: يا (الجيب) الما بتراعــي الحرمتنا من (المراعي)!
Author: الصادق سيكا
Date: 04-03-2013, 07:17 PM
Parent: #27
النصيحة لى الله لبن المراعى مبالغ فيهو حاجة ما تخلص ..
يا بشارى فى طريقة ترسل لى رطلين ..؟
|
Post: #29
Title: Re: يا (الجيب) الما بتراعــي الحرمتنا من (المراعي)!
Author: سيف النصر محي الدين
Date: 04-03-2013, 08:29 PM
Parent: #28
واحد صاحبنا يا امين كان عامل نفسو سمسار فيز جاب ليهو واحد سعودي دايرليهو راعاوية، المهم صاحبنا ساق السعودي سوق الناقة
عشان ينقي من البضاعة بمزاجو، اها لموا في واحد مثقف في البل شديد قعد يكلمهم عن الجمال و انواعها و طباعها لامن السعودي اتكيف.
السعودي في النهاية قال بس عايز الزول ده، و الزول ماعندو نية اغتراب و ما داير البهدلة، قام السعودي قال ليهو يازول تمشي معاي و بديك
الف و خمسمية في الشهر زولنا طوالي رد ليهو: انا بديك الفين و خمسمية انت اقعد معي قبلك هني ده.. كاااااك و تاني كاااااك.
دي حصلت بالجد و الله صحي.
|
Post: #30
Title: Re: يا (الجيب) الما بتراعــي الحرمتنا من (المراعي)!
Author: وضاح عبدالرحمن جابر
Date: 04-04-2013, 06:36 AM
Parent: #29
Quote: واحد صاحبنا يا امين كان عامل نفسو سمسار فيز جاب ليهو واحد سعودي دايرليهو راعاوية، المهم صاحبنا ساق السعودي سوق الناقة
عشان ينقي من البضاعة بمزاجو، اها لموا في واحد مثقف في البل شديد قعد يكلمهم عن الجمال و انواعها و طباعها لامن السعودي اتكيف.
السعودي في النهاية قال بس عايز الزول ده، و الزول ماعندو نية اغتراب و ما داير البهدلة، قام السعودي قال ليهو يازول تمشي معاي و بديك
الف و خمسمية في الشهر زولنا طوالي رد ليهو: انا بديك الفين و خمسمية انت اقعد معي قبلك هني ده.. كاااااك و تاني كاااااك.
دي حصلت بالجد و الله صحي.
|
من المفارقات يا دكتور
راعي سوداني فى السعودية سألته ... كفيلك ده عندو كم من البهايم .. حسب لى كده ما اكتر خمسة جمال .. على غنم ما بزيدو من عشرين
ببيع ويشترى فيهم للمواسم ..
فقلت ليهو انت فى السودان عندك كم ؟ قال لى انا واخوى عندنا اكتر من مية راس ضان .. وعندنا بقر وووووووووو
طيب شغال هنا بى كم .. قال لى بى 1.500 ريال
|
Post: #32
Title: Re: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-04-2013, 09:35 AM
Parent: #29
Quote: قام السعودي قال ليهو يازول تمشي معاي و بديك
الف و خمسمية في الشهر زولنا طوالي رد ليهو: انا بديك الفين و خمسمية انت اقعد معي قبلك هني ده.. كاااااك و تاني كاااااك.
دي حصلت بالجد و الله صحي. |
تحياتي مرة تانية يا دكتور سيف
عارف القروش بتخلي الزول يفتكر انو اي حاجة ممكن تشتريها بالقروش
ياخ انا بعرف ناس لو اديتهم السعودية دي كلها ما بطلعوا من السودان
|
Post: #31
Title: Re: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-04-2013, 09:32 AM
Parent: #28
Quote: النصيحة لى الله لبن المراعى مبالغ فيهو حاجة ما تخلص ..
يا بشارى فى طريقة ترسل لى رطلين ..؟ |
طوالي يا الصادق بس رسل لينا عنوانك
تجيك عبوة دسمه من المراعي
|
Post: #33
Title: Re: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-04-2013, 09:43 AM
Parent: #31
Quote: فقلت ليهو انت فى السودان عندك كم ؟ قال لى انا واخوى عندنا اكتر من مية راس ضان .. وعندنا بقر وووووووووو
طيب شغال هنا بى كم .. قال لى بى 1.500 ريال |
يا وضاح
عارف المشكلة مش في الكم ولكن في الكيف
مرة قابلت لي واحد زي صاحبك دا كفيله كل العنده 10 نياق ومعاهم فحل
قال لي أنا راتبي بطلع بس من حليب النياق دا
أما الفحل دا فقصته قصه ياخ..
قال لي : الفحل دا سعره فوق ال 10 ملايين ريال
وناس الحلال التانية يجيبوا ليهو النياق (زي ناقة فيصل ) ديك
عشان يعشـــرها وبعد ما العملية تتم يدفع صاحب الناقة ما بين 30 - 50 ألف ريال للكفيل
شفته كيف؟
الناس ديل ما بشتغلوا شغل وهم زي بتاعنا داك ياخ
تحياتي
|
Post: #34
Title: Re: يا (الجيب) الما بتراعــي الحرمتنا من (المراعي)!
Author: صبري طه
Date: 04-04-2013, 09:52 AM
Parent: #33
يا الأمين البُشاري ...
من ناحية الغذاء .. السودان أفضل إن توفر ...
يا عزيزي حتى البصل بتاعنا زيّو مافي ...
في إجازتي الأخيرة أوّل ما وصلت البيت لقيت الجماعة مجهّزين لي الغداء ...
قعدت في الصينية .. وأوّل حاجة عملتها إيدي مشت لي صحت السلطة والتقطت لي قطعة بصلة ...
طبعاً كُنت عايش بإحساس بصل هناالميت داك .. ويا صاحبك دخلتها في خشمي وقرشتها .. وعينك ما تشوف إلاّ النور ..
من سخونتها قُمت أعرض وأبشّر ...
مثال آخر: ياخي لاحظ لي بطيخ البلد دي وبطّيخ بلدنا وشوف الفرق كيف ...
بطيخ السودان من السكّر الفيهو عادي أصابعيك يتلصّقوا مع بعض ...
بطيخ البلد دي .. أصابعيك أطعم منّو ...
وبرضو لاحظ لي طعم الفول هنا وعندنا ...
مراعي شنو يا اللخو إنت شكلك ما شربت اللّبن طازج بالجردل .. دا شغل نفسيات وفلس ساكت كدا ...
ــــ
|
Post: #35
Title: Re: يا (الجيب) الما بتراعــي الحرمتنا من (المراعي)!
Author: الامين موسى البشاري
Date: 04-04-2013, 10:07 AM
Parent: #34
صبري طه
حبابك يا عريس ياخ ..
اتا يا صبري فاكرني زول خراطيم وأم درامين ولا شنو؟
اخوكـ شرب اللبن في القرعة ومباشرة من الضرع لي
نحن بنتكلم عن زول تاني يبدي تحسره على فراق المراعي
اصلا ماف وجه مقارنه بين طعم أي حاجة هنا وفي السودان
..
..
___
تعال كدي ضوق بتيخ نجران وبعدين احكم
يمكن تغير رأيكـ
وبالمرة جرب الموز والمنقه .. جد حاجة ما تخلص
عارف ليه لأننا قريبين من اليمن اضافة الى عذوبة المياه الجوفيه هنا
|
|