Post: #1
Title: نحن العرب ناس مسامحين خلاص
Author: Alfarwq
Date: 04-02-2013, 11:09 AM
Parent: #0
طبعا نحن دي .. العبد الله ما داخل فيها .. لاني رطاني ..
ما عنصرية ... لكن حكي
|
Post: #2
Title: Re: نحن العرب ناس مسامحين خلاص
Author: Mohamed E. Seliaman
Date: 04-02-2013, 11:11 AM
Parent: #1
| Quote: طبعا نحن دي .. العبد الله ما داخل فيها |
ولا على كيفك !
|
Post: #3
Title: Re: نحن العرب ناس مسامحين خلاص
Author: Alfarwq
Date: 04-02-2013, 11:12 AM
Parent: #1
قبل ما نحكي ... بالجد العرب مسامحين؟؟ و من هم العرب في سودانا دي؟
|
Post: #4
Title: Re: نحن العرب ناس مسامحين خلاص
Author: Alfarwq
Date: 04-02-2013, 11:14 AM
Parent: #3
سمعا و طاعة يا حبشي ...
وين يا راجل ... الرياض ما بعيدة
|
Post: #5
Title: Re: نحن العرب ناس مسامحين خلاص
Author: Alfarwq
Date: 04-02-2013, 11:18 AM
Parent: #4
تراجي ربنا يخلي ليك اولادك اقيفي بعيد .. بأعتبار ما سيكون
ام قريبي ود القاضي قرب تعال ما تبتعد ...
دينق الموضوع ما بهمك في شئ ...
|
Post: #6
Title: Re: نحن العرب ناس مسامحين خلاص
Author: Alfarwq
Date: 04-02-2013, 11:24 AM
Parent: #5
المسامحة : بضم الميم من سمح ، الملاينة والموافقة على ما أريد منه ..
كلام المعجم
|
Post: #7
Title: Re: نحن العرب ناس مسامحين خلاص
Author: Alfarwq
Date: 04-02-2013, 11:54 AM
Parent: #6
أذا مافي زول مستعد للرد .. طيب نحكي و نشوف رايكم شنو ...
في زيارة لاحد اسواق الاثاث بمدينة الرياض لقيت اثناء التجول دكان صاحبه سوداني .. فقلت الزول دي اولى بي قروشي و دخلت توش و الراجل ما قصر رحب بي و اصر اشرب كباية شاي ... و الونسة بدت .. و حكي كتير لا مجال له .. لكن الشئ الخلاني اتوقف عن الونسة و اخت كباية الشاي و اطلع من الدكان بضحك على نفسي, المقولة التالية و الماسمعت بعدها اي شئ:
"نحن العرب ناس مسامحين خلاص .. لكن الرطانة ناس غتيتين"
و الزول دي عرف انا من الشرق ...
|
Post: #8
Title: Re: نحن العرب ناس مسامحين خلاص
Author: محمد إبراهيم علي
Date: 04-02-2013, 12:05 PM
Parent: #7
كويس انك استدركت وطلعت روحك الليلة كان جاتك خالتك تراجي كست بيك العرايا
مشتاقين يا حبشي منك له :)
|
Post: #10
Title: Re: نحن العرب ناس مسامحين خلاص
Author: محمد المسلمي
Date: 04-02-2013, 12:14 PM
Parent: #8
الفاروق ياحبيبنا سلام
خلينا من العرب والرطانة تعال لينا بي هناك علي الروافض واتباعهم
|
Post: #9
Title: Re: نحن العرب ناس مسامحين خلاص
Author: عبد الناصر الخطيب
Date: 04-02-2013, 12:13 PM
Parent: #7
Quote: أذا مافي زول مستعد للرد .. طيب نحكي و نشوف رايكم شنو ...
في زيارة لاحد اسواق الاثاث بمدينة الرياض لقيت اثناء التجول دكان صاحبه سوداني .. فقلت الزول دي اولى بي قروشي و دخلت توش و الراجل ما قصر رحب بي و اصر اشرب كباية شاي ... و الونسة بدت .. و حكي كتير لا مجال له .. لكن الشئ الخلاني اتوقف عن الونسة و اخت كباية الشاي و اطلع من الدكان بضحك على نفسي, المقولة التالية و الماسمعت بعدها اي شئ:
"نحن العرب ناس مسامحين خلاص .. لكن الرطانة ناس غتيتين"
و الزول دي عرف انا من الشرق ...
؟ |
الفاروق
بعد التحية وكتير السلام ,,,
_رغم أني ما قاعد أتداخل في المنبر مع الرطانة_
زمني الفي الشرق لاحظته حاجة معظم الناس بطلقوا لقب عرب على أهل الشرق
ده من ناحية ومن ناحية تانية زولك ده ما أختوا ذرة من الشك أنو بجامل فيك بكلاموا ده
_ عوز يفرح زبونو_ لانو يافاروق وفق المعايير السودانية كل السودانيين عرب !!!!
وما عرب عاديين أهبش من طرف حتلقي كل الناس يا جدهم النبي ياكمان صحابي من العيار التقيل
يعني بثقافة المجتمع نحنه ((( أعرب عرب موجودين في العالم حاليا )))
بغض النظر عن صحة المبالغة في العروبة دي من عدمه
دي معتقدات إجتماعية راسخة ... ما تقدر تأخد وتدي فيها بأى نوع من الواقع أو المنطق
ما عندي مانع أشوف ليك واسطة رغم اعترافك انك رطاني تعبي استمارة عروبة
ونوقعة ليك من شيخ عرب المنبر (( بريمة بن محمد )) ونعتمدك عربي معانا
_ عوز المفيد في الامور دي موضوعنا جائط شديد _
ليك ولصاحب المعيار تحية
|
Post: #11
Title: Re: نحن العرب ناس مسامحين خلاص
Author: عبد الحكم ابراهيم الحاج
Date: 04-02-2013, 12:24 PM
Parent: #9
Quote: طبعا نحن دي .. العبد الله ما داخل فيها .. لاني رطاني ..
ما عنصرية ... لكن حكي |
برضو سمحين
|
Post: #12
Title: Re: نحن العرب ناس مسامحين خلاص
Author: Deng
Date: 04-02-2013, 12:51 PM
Parent: #11
يعني حتى ما كان عندك الشجاعة الكافية لكي تقول له بأنه مخطئ ؟
مافي فايدة.!!
|
Post: #13
Title: Re: نحن العرب ناس مسامحين خلاص
Author: حاتم الياس
Date: 04-02-2013, 02:54 PM
Parent: #12
شايف السفن عندها وحدة قياس أسمها (العُقدة)..يقول ليك ماشى بكم عقده كده...أسى شايف مركب دينق دى لفت بكم عُقدة كده بعد ماقرت كلمة (عرب)
|
Post: #14
Title: Re: نحن العرب ناس مسامحين خلاص
Author: Deng
Date: 04-03-2013, 06:16 AM
Parent: #13
| Quote: شايف السفن عندها وحدة قياس أسمها (العُقدة)..يقول ليك ماشى بكم عقده كده...أسى شايف مركب دينق دى لفت بكم عُقدة كده بعد ماقرت كلمة (عرب) |
أنظرو من الذي يتحدث هنا!
أنه موهوم العروبة حاتم الياس(عصمت سيف الدولة). حاتم الياس يحلم بتطبيق نظريات القومية العربية في بلاد السودان بلاد السود. هل توجد عقد أكثر من ذلك؟
صحي الأختشو ماتو.
|
Post: #15
Title: Re: نحن العرب ناس مسامحين خلاص
Author: Alfarwq
Date: 04-03-2013, 11:58 AM
Parent: #14
يا أهلنا الحلوين السلام عليكم ... ما كنت عارف عندي كوتة محددة للمداخلات لقيت نفسي في السهلة ...
كدي اعفوا لي خلوني افطكم و نمشي لمستر جورج بوك ..
يا جورج ربنا يهديك للاسلام و يسهل امرك عشان تفكر بي راسك .. قلت ليك فوق الكلام دي ما بهمك ... الكلام خاص بالعرب و الناس الدايرة تبقى عرب .. و بعدين انت مادام عندك مشكلة مع العرب مالك تكتب بلغتهم؟؟؟
|
Post: #16
Title: Re: نحن العرب ناس مسامحين خلاص
Author: Alfarwq
Date: 04-03-2013, 12:48 PM
Parent: #15
الحبيب محمد ابراهيم اخبارك و شوقنا اكثر ... بس ما تلمني مع حبشي جدة فنحن الاصل و هم الفرع .. بما انك عربي صافي ما تمشي معاي للزول دي تفنعوا الحبش مسامحين و حنين ... بالمناسبة انا عقدته صلح من طرف واحد مع خالتي تراجي و دعيت لاولادها يمكن قلبها يحن علينا و تضمني في زمرة المرضى عنهم ...
حباب ود المسلمي .. اخبارك يا حبيبنا ... و الله طاوقت بي هناك بس لقيت مشاركتكم وصلت دشليون ... بس وعد بمر عليكم بي هناك و معاي الكثير عن معتقدهم.
عبدالناصر ابو النسب يا جميل تحيات و سلام اكتر ... ابو النسب بإعتبار ماخد بتنا .... بالمناسبة البت الفي الصورة الله يحفظها عسل بس .. بحكاية السودان كله عرب .. جدي رحمته الله عليه كان مغيوظ منها شديد بالذات لمن تجي من اهلي الحباب .. كبار الحباب كان عندهم جلسة يومية في سوق كسلا و فيها ونسة الناس الكبار جميلة و ممتعة و مضحكة .. في جلسة من الجلسات, النقاش كان عن اصل الحباب و انهم من الجزيرة العربية و قام واحد قال نحن جدنا ابي لهب (الوحيد من اعمام الرسول صلى الله عليه و سلم ما حاجزته قبيلة تاني قام عمنا اتشربك فيه) .. جدي الكلام حرقه و بنبرة بتاعت زعل لا تخلوا من سخرية قال ليهم هي نحن اصلنا من فلسطين يهود ... نحن و الفلاشة اولاد عم ...
يا عبدالناصر يا اخوي المشكلة معتقد كل سوداني عربي و جده العباس او حمزة اصبح متوارث .. و المصيبة الاكبر التعصب للمعتقد دي بقى اقوى و اعنف .. في المقابل في تعصب مضاد للافريقية و ما اظن ده وضع صحي .. بخصوص استمارة العروبة تم اعتمادها من قبل بس قريبي ود القاضي لسه ما عنده اي هوية فما تتوصى .... ليك و للحبشي صاحب المعيار و كل الحلوين اجمل تحية ..
عبدالحكم انت الاحلى و الاسمح ... احمد الله يا عبدالحكم اخوي انه سنين الهجرة و الغربة علمتني اتمسك بي هوية واحدة و هي انسان مسلم .. نهايتها القبر و بعداك هويتك ما بتنفعك ...
حباب حاتم ... خليك من دينق معقد و المشكلة الكبرى داير الناس تبقى مثله .. و الادهى مباري الناس المتعقد منهم .. شفت كمية النقص و الارتباك و التخبط ..
...
|
Post: #17
Title: Re: نحن العرب ناس مسامحين خلاص
Author: Deng
Date: 04-03-2013, 01:21 PM
Parent: #16
| Quote: يا جورج ربنا يهديك للاسلام و يسهل امرك عشان تفكر بي راسك .. قلت ليك فوق الكلام دي ما بهمك ... الكلام خاص بالعرب و الناس الدايرة تبقى عرب .. و بعدين انت مادام عندك مشكلة مع العرب مالك تكتب بلغتهم؟؟؟ |
ده مش أنت الفاروق اللي كنت بتنقل بوستات الأرهاب بهذا الموقع ولا أنت فاروق أخر؟
الذين يدعون الأخرين لكي يعتنقون دياناتهم يجب عليهم أن يقدمون لهم نموذج أسلامي يحتذى به، ولكن في حالتك أنت يا الفاروق. فأنت من المؤيدين للجماعة الإرهابية. فعن أي "هداية" تتحدث؟
لا تعتقد بأن زاكرتنا ضعيفة في هذا المنبر.
للمرة المليون. لا مشكلة لي مع العرب لأنهم مجرد عرب. مشكلتي مع الذين يدعون العروبة ويريدون فرضها على الأخرين. أنت الأن بتكتب باللغة العربية فهل هي لغتك أنت؟
|
Post: #18
Title: Re: نحن العرب ناس مسامحين خلاص
Author: حاتم الياس
Date: 04-03-2013, 01:33 PM
Parent: #17
والله عندك مشكلة لى بعد بكره ياخواجة....ونحن كعرب قاعديييين ثقافة وتاريخ..وهسع سمعت انو ناس كاودا ديل جايين بالبصات مع فريق هلال كادوقلى....
---
يعنى حلم دخول الخرطوم ده اتلحس ببح
|
Post: #19
Title: Re: نحن العرب ناس مسامحين خلاص
Author: Alfarwq
Date: 04-03-2013, 01:43 PM
Parent: #17
B]يا هو انا زاتي المشيت جري لبكري اشتكتني ... يا هو انا الوهابي الارهابي ... و ما تفتكر كلمة ارهاب دي تخوفني بيها ...
اذا انا ما نموذج يحتذى به .. عندك ناس كتار ممكن تحتذي بيهم مدام مقتنع انه الاسلام هداية ...
و يا جورج بوك الشينة منكورة ... انت اول ما تسمع عرب او اسلام راسك يضرب و تبدى الهلوسة ... و بالمناسبة انا بكتب بالعربي لان احب انتسب للعرب ... بس انت مافي شئ يخليك تكتب عربي ...
|
Post: #20
Title: Re: نحن العرب ناس مسامحين خلاص
Author: نايف محمد حامد
Date: 04-03-2013, 02:56 PM
Parent: #19
للصراحة و الصراحة راحة
عندنا النوبيين فى الشمال لو عايز واحد يرتكب فيك جريمة قول ليهو يا عربى
رغم انى لا اقر ذلك على المستوى الشخصى
تحياتى صاحب البوست
|
Post: #21
Title: Re: نحن العرب ناس مسامحين خلاص
Author: Artiga Gilani
Date: 04-04-2013, 08:45 AM
Parent: #20
بسم الله الرحمن الرحيم
الفاروق اخوى
تستحضرنى طرفة بموضوعك دا حاكاها لى الوالد
كان عندى عم بلعب فى حى العرب عليه الرحمة اسمو ادروب جيلانى زمن
عمنا / عبدالله والد ماجد .. وكان مشهور بالضربات الركنية
ضربة ركنية معناها هدف من الركنية طوالى .. فكان عندهم
مباراة ضد فريق والوالد دخل المباراة وكان جالس جنبو واحد
وبتونس معاهو ادى وبشجع الفريق التانى .. فجات ضربة ركنية
وعمى عكس الركنية وعلقا فى الزاوية البعيدة .. زولك حرقو القون واتلفت
على الوالد وقال ليهو : بالله ( العربى ) دا تقول رجلو فيها ميزان موية ....
وطبعاً الوالد ما عرف يقول ليهو شنو غير يضحك ويردد فى سرو ( قل هو
الله احد )
غايتو نحنا رطانة لكن برضو بقولو جدنا الحسن ولا الحسين ما عارف
دى تلفق كيف
زولك داك خلى يورجغ براهو وما تشتغل بيهو بخرب ليك البوس
ارتيقا
|
|