Post: #1 Title: عبد الوهاب وردي دا مالو ...!! Author: الخير محمد عوض Date: 04-02-2013, 08:40 AM Parent: #0
اغرب كائن موسيقي في تاريخ السودان وخير مجسد لمقولة ( غزة الكوع العلي الجوع ) و ( صرة العين العلي الدين )
Post: #2 Title: Re: عبد الوهاب وردي دا مالو ...!! Author: الخير محمد عوض Date: 04-02-2013, 08:52 AM Parent: #1
وقال ايه !!؟؟...................... قال حدق العيون ليك يا وطن :).... حكمته بالغة غايتو
Post: #3 Title: Re: عبد الوهاب وردي دا مالو ...!! Author: garjah Date: 04-02-2013, 08:56 AM Parent: #2
حبيبنا الخير
يكفيه انه ابن وردي
وشخصيا احبه لانه موسيقفي بارع
وان كان مغني نص نص
Post: #4 Title: Re: عبد الوهاب وردي دا مالو ...!! Author: الخير محمد عوض Date: 04-02-2013, 09:08 AM Parent: #3
والله يل قرجة اخوي اتلومت بالحيل ياخ :)..... بالزات في الحتة بتاعة
Quote: يكفيه انه ابن وردي
دي غايتو كلو كلو ما اتوفقت فيها
Quote: وان كان مغني نص نص
لا لاااااااااا يا قرجة ياخ والله ولا نص نص ولا ربع ربع ولا يمكن نهاااااااوي يكون مغني البتة ما عندو اي طريقة مع الحاجة الاسمها غناء دي لا من قريب ولا من بعيد ..... الحاجة الوحيدة الممكن يكون يعرفها هذا العبد الوهاب هي اللداحة وقلة الادب علي الكبااااااااااااااار الما - لو نطط - بلحقهم .
زماااااان حضرت لي لقاء تلفزيوني لعوض دكام رحمه الله , المذيعة سالته عن حاجة كدا ما متذكرها شنو لكن هي زي كانت لوم كدا .... قال ليها يا بتي انا ناس الضرايب بريحوني
Post: #6 Title: Re: عبد الوهاب وردي دا مالو ...!! Author: محمد فضل الله المكى Date: 04-02-2013, 09:15 AM Parent: #3
Quote: [Bيكفيه انه ابن وردي
[/QUOTE
قيل لعبقري الغناء والموسيقى، الفنان القامة السامِقة محمد وردي ، غشيت قبره سحائب الرحمة، إن عبدالوهاب بغني، فقال: واللهِ لو عبدالوهاب بغنِّي دي تبقى كارثة.
صدقني هو كارثة على الغناء وعلى إرث والده بكامِلِه!
Post: #8 Title: Re: عبد الوهاب وردي دا مالو ...!! Author: الخير محمد عوض Date: 04-02-2013, 05:18 PM Parent: #6
تعرف يا محمد فضل مش وردي براهو, عبد الوهاب دا زااااااتو هو زات نفسو كدا عارف انه مصيبة بل بحب العكلتة هههههههههههه
Quote: قيل لعبقري الغناء والموسيقى، الفنان القامة السامِقة محمد وردي ، غشيت قبره سحائب الرحمة، إن عبدالوهاب بغني، فقال: واللهِ لو عبدالوهاب بغنِّي دي تبقى كارثة.
صدقني هو كارثة على الغناء وعلى إرث والده بكامِلِه!
Post: #5 Title: Re: عبد الوهاب وردي دا مالو ...!! Author: محمد الهادى عبد الرحيم Date: 04-02-2013, 09:09 AM Parent: #2
اخونا الخير عوض صبحك الله بالخير
ليس دفاعاً عن عبد الوهاب وردى لكن من خلال متابعتى اليوتيوب الاول اشك فى انه مدبلج حيث لاتتوافق الصورة مع الصوت وهى مختلفة تماما اكرر هذا ليس دفاعل بل مجرد ملاحظة ولذا قد لايكون الاستاذ عبد الوهاب وردى قد قال ماسمعنا فى التسجيل !! وقد يكون فعلا قال ماورد فى التسجيل !! شخصيا قناعتى(الخاصة كمستمع ومتذوف للفن فقط) ان عبد الوهاب وردى ليس بفنان وسبق ان استمعت له فى عدة اغنيات ، كما اعتقد بان تجربته الموسيقية فى التوزيع ضئيله جدا واذا فعلا عبد الوهاب وردى يصف ترباس وعثمان محى الدين وعثمان مصطفى بما قال فاكيد الرجل (مختل) عقليا وذلك استنادا للواقع الذى يقول بان ترباس فنان قامة وكبير وكذلك عثمان مصطفى فنان قامة وكبير واستاذوله صوت نادر الوجود فى الساحة الفنية كما احترم الاخ عثمان محى الدين وتجربته الموسيقية. بخصوص ان ترباس من آثار مايو فقد نسى عبد الوهاب ان (والده) الاستاذ الموسيقارالكبير محمد وردى غنى لثوره مايو كذلك.
مودتى وتقديرى د. محمد الهادى
Post: #7 Title: Re: عبد الوهاب وردي دا مالو ...!! Author: الخير محمد عوض Date: 04-02-2013, 09:42 AM Parent: #5
يا مراحب بيك يا دكتور محمد الهادي
Quote: ليس دفاعاً عن عبد الوهاب وردى لكن من خلال متابعتى اليوتيوب الاول اشك فى انه مدبلج حيث لاتتوافق الصورة مع الصوت وهى مختلفة تماما اكرر هذا ليس دفاعل بل مجرد ملاحظة ولذا قد لايكون الاستاذ عبد الوهاب وردى قد قال ماسمعنا فى التسجيل !!
تعرف يا محمد السيد عبد الوهاب وردي دا النوع العكليتة :) ..... يعني لو الكلام دا ما كان قاله كان هسي مدخل ليك ناس قناة هارموني ديل في غضب المحامين والجرجرات والمحاكم والصحف وووو.... يعني فرصة زي دي لو لقاها تكون بيضت ليهو في عش قمرية هههههههههه .... صدقني يا صديقي ما ورد في الفيديو اعلاه هو - تماما- ما قاله عبد الوهاب !!!
Quote: شخصيا قناعتى(الخاصة كمستمع ومتذوف للفن فقط) ان عبد الوهاب وردى ليس بفنان وسبق ان استمعت له فى عدة اغنيات ، كما اعتقد بان تجربته الموسيقية فى التوزيع ضئيله جدا واذا فعلا عبد الوهاب وردى يصف ترباس وعثمان محى الدين وعثمان مصطفى بما قال فاكيد الرجل (مختل) عقليا وذلك استنادا للواقع الذى يقول بان ترباس فنان قامة وكبير وكذلك عثمان مصطفى فنان قامة وكبير واستاذوله صوت نادر الوجود فى الساحة الفنية كما احترم الاخ عثمان محى الدين وتجربته الموسيقية. بخصوص ان ترباس من آثار مايو فقد نسى عبد الوهاب ان (والده) الاستاذ الموسيقارالكبير محمد وردى غنى لثوره مايو كذلك.
اعلاه كلام سليم واتفق معاك فيه بنسبة 100%
تحيتي واحترامي
Post: #9 Title: Re: عبد الوهاب وردي دا مالو ...!! Author: saidahmed shami Date: 04-03-2013, 05:08 AM
سلامات الخير
عمك قوقل جاب النجيضه
Quote: لهرم الاكبر في السودان وردي(رحمة الله عليه) غضب وازبد وهاج وماج لعلمه ان ابنه عبد الوهاب اصبح مغنيا(ابان غربة وردي) انذاك وبعد عوده وردي(رحمه الله) منع عبد الوهاب من الغناء ليس لانه قاسيا فقط لانه يحب عمله ويحترم تاريخه ولا يجامل فيه حتى ولو كان ابنه وردي يحترم الشعب السوداني ولا يجامل فيه وصرح بها وردي وقال منوا الاجاز صوت عبد الوهاب؟؟؟؟؟ لك الرحمه ايها النوبي العملاق ولكن عبد الوهاب لم يعي الدرس واصبح عبد الوهاب يغني الان بعد وفاة العملاق لكن لن يسمعك احد يا عبد الوهاب لان العملاق وردي قال فيك الحقيقة قبل وفاته انت ملحن وانت موزع جيد ياخي يا ولدي انت ما عندك علاقه بالغناء
Post: #10 Title: Re: عبد الوهاب وردي دا مالو ...!! Author: ترهاقا Date: 04-03-2013, 07:13 AM Parent: #9
بالرغم من إختلافي في بعض النقاط ولكن اكبرت فيه الصراحة والتحدث بدون قيود ، كان صادقا ومحقا في نقاط كثيرة ده وجهة نظره، وقالها واضحة ما عندي خلاف شخصي، وده رايه بدون مجاملة ، المشكلة شنو يا جماعة؟ برضو عجبتني المذيعة اللي طرحت رأيها برضو بدون مجاملة، قصة غنو في فن جديد - مافي المغنين معتمدين على الأغاني القديمة نعم ما في تجديد - نعم معتمدين على الإرث القديم - نعم هل في فنان جديد (بمعنى تجديد) لا - كلهم بيغنوا غنا الكاشف الحقيبة الخ الخ الخ هل في واحد فيهم فرض نفسه بأغانيه الخاصة -- قطعا لا ثم لا ثم لائين يا جماعة ، ما تتعاملعوا مع عبد الوهاب إنو إبن محمد وردي - اتعاملوا معاهو كشخص ليهو حاجاته
ولكم الود
Post: #11 Title: Re: عبد الوهاب وردي دا مالو ...!! Author: Haju Muktar Date: 04-03-2013, 07:50 AM Parent: #10
حوار جميل وعبدالوهاب كان صادق مع نفسو وقال كلامو بكل صراحه واضح وترباس ده مش هو غني هبت ثورة الانقاذ يوم الجيش للشعب انحاز وبعدين رأي عبدالوهاب في غناء الحقيبه واضح ومنطقي الحقيبه غناء كان في فتره تاريخيه وظرف اجتماعي محدد وهي ما منزله من السماء عشان ما يكون في نقد ليها وعثمان مصطفي حطم كثير من طلاب معهد الموسيقي قسم الصوت ورتكب في حقهم الكثير ولهم مرارات مع محاضراته ...
Post: #12 Title: Re: عبد الوهاب وردي دا مالو ...!! Author: ماهر الحويرص Date: 04-03-2013, 08:07 AM Parent: #10
Quote: الرغم من إختلافي في بعض النقاط ولكن اكبرت فيه الصراحة والتحدث بدون قيود ، كان صادقا ومحقا في نقاط كثيرة ده وجهة نظره، وقالها واضحة ما عندي خلاف شخصي، وده رايه بدون مجاملة ، المشكلة شنو يا جماعة؟ برضو عجبتني المذيعة اللي طرحت رأيها برضو بدون مجاملة، قصة غنو في فن جديد - مافي المغنين معتمدين على الأغاني القديمة نعم ما في تجديد - نعم معتمدين على الإرث القديم - نعم هل في فنان جديد (بمعنى تجديد) لا - كلهم بيغنوا غنا الكاشف الحقيبة الخ الخ الخ هل في واحد فيهم فرض نفسه بأغانيه الخاصة -- قطعا لا ثم لا ثم لائين يا جماعة ، ما تتعاملعوا مع عبد الوهاب إنو إبن محمد وردي - اتعاملوا معاهو كشخص ليهو حاجاته
ولكم الود
اوافق الاخ ترهاق في كثير من النقاط , و الراجل قال وجة نظروا في حتات مسكوت عنها في المجال الفني و إن كنت ليس بموسيقي , مثلا عثمان مصطفى كفنان فصوته اكثر من عادي ( في ناس بيقولوا ليك صوت عثمان مصطفى من الاصوات الغليظه النادره ) بس كموسيقي مافي كلام هنالك امثله كثيره في الوسط الفني .
مع كل ودي
Post: #13 Title: Re: عبد الوهاب وردي دا مالو ...!! Author: محمد الكامل عبد الحليم Date: 04-03-2013, 01:55 PM Parent: #12
تحية...
له الحرية في طرح افكاره و يستمر علي هذا المنوال لكن (الخوف يغني ... )
Post: #14 Title: Re: عبد الوهاب وردي دا مالو ...!! Author: كمال ادريس Date: 04-03-2013, 06:13 PM Parent: #13
مرحبا يالخير وضيوفك:
لترباس كلمات لاسعة وردود سريعة
قيل أنه غضب من كلام عبدالوهاب وقال انه موسيقي فاشل... فقالوا له ان الرجل (مايسترو)..فرد (كان مايسترو الله يستروا)
