شجعان السودان.. الذين وضعوا البلد فى المقدمة وخرجوا حاملين رؤوسهم فوق ايديهم ضد نظام غادر..
اليوم يخرجون احرارا ....
لا يظنن احدا ان اطلاق السراح منة من الرئيس او مؤتمره الوطنى..
اطلاق السراح بسبب الزنقة السياسية التى وجد الحكام انفسهم فيها فطفقوا يبحثون عن مخرج..
الاصل ان يكون الناس احرارا فيما يفعلون او يقولون
ولكن العصابة قررت ان الحرية منة منها تمنحها لمن تشاء و تمنعها عن من تشاء
اليوم تفتحون باب السجون للتخارج
بكره انشاء لله يفتح ابوابها لكم الشعب السودانى
Post: #5 Title: Re: اشهد بانى امنت ... Author: عمر الفاروق Date: 04-02-2013, 07:50 AM Parent: #3
الصورة دي في صالة القدوم ؟ غايتو الزول الورا على اليمين ده ما جاي من معتقل لو نطط..
Post: #6 Title: Re: اشهد بانى امنت ... Author: منتصر صلاح Date: 04-02-2013, 08:00 AM Parent: #3
هؤلاء هم الاحرار خرجو من سجن صغير لـ سجن كبير وهو الوطن وباذن الله سوف يحررونه بتضحياتهم وببسالتهم .. الصورة تعبر عن قوة عزيمتهم وارادتهم الفولازية .. لهم التحية والانحناءة
Post: #7 Title: Re: اشهد بانى امنت ... Author: Mahmoud Mustafa Mahmoud Date: 04-02-2013, 08:14 AM Parent: #6
جني يا حبيب...
كدي أسمحوا لي أعمل سمكرة "عروضية" بسيطة
إقرأ هكذا:
واسبقْ رفاقَكَ للقيود فـإنني آمنتُ أنْ لا حرَّ غيرُ مُقيَّد
أفتكر البيت ورد في رائعة الصاغ محمود أبو بكر "صه يا كنار"..
تحياتي وتقديري..
..
Post: #8 Title: Re: اشهد بانى امنت ... Author: محمد علي البصير Date: 04-02-2013, 08:29 AM Parent: #7
هاهيا هاماتكم بدت عالية وقد علا ملامحكم وعثاء الحبس والمعتقل
حسبوها ذلة ، ولكنه شرف عظيم يا يناله إلا أمثالكم
وسوف تصفو الليالي بعد كدرتها ،،،، وكل دور إذا ما تم ينقلب
أبشر يا بروف محمد وصحبه الأنقياء
Post: #9 Title: Re: اشهد بانى امنت ... Author: Wasil Ali Date: 04-02-2013, 08:36 AM Parent: #8
Post: #10 Title: Re: اشهد بانى امنت ... Author: عمر الفاروق Date: 04-02-2013, 08:37 AM Parent: #8
Quote: وقد علا ملامحكم وعثاء الحبس والمعتقل
إنت جااادي يا ود البصير؟؟ غالبية الناس الفي الصورة دي ظاهر على ملامحهم النعمة والروقة داخل المعتقل ..جلاليب بيضا مكوية لحى محلوقة بي مزاااج وجيهة ...عمم ملفوفة بي مزااااج أكتر..
يعني اسة عايزين تقنعوني البيقبضوهم في المظاهرات من شباب بلادي بيطلعو من نففففس المعتقل بتاع الجماعة ديل؟؟
مجنون مجنون مجنون مجنون الحزن المسجون بارود الحزن المسحون جواي انا شافع محزون عن امو بفتش فتيش فتش فتيش هبش هبيش دقش دقيش يصرخ ياناس مريم محمود راحت شقيش في زنك اللحمة وفي الزحمة مريم محمود راحت شقيش في منحنيات الاسواق مريم محمود راحت شقيش ولا آه يا مريم محمود آه يا مريم محمود يا ذات الضل الممدود يا ذات القلب الساساق حتلت جواي الاشواق حتلت جواك الاشواك وكنت الولد المحبوب لا هجراً ليك ولا عاق حبيتك ذي ما حبيت الوطن الوالد البيت منك خطفوني تماسيح كم مرة وخلو التباريح كم جيتك راجع مسحور بذات الوجه المفرور البيني وبينك عصفور علي قلبومنشن صياد ظلموك يا مريم ظلموك حرموك يا مريم حرموك خلوا الدمعة تفصد خدك في الاعياد مشوك في الشوك علي حد السيف اتعلمتي الشك في الغرباء وكنتي ملاذ الشتا والصيف سرقوا امانك وإطمئنانك قلبك كل ما باب الشارع دق يدق إيدك ترجف في الصقاطة وشك شاحب ربنا يستر يمكن هم تفرحي فرحاً قدر الدنيا إذا ما كان الطارق صاحب حالاً نارك بالهبابة لهيبا يبق
Post: #14 Title: Re: اشهد بانى امنت ... Author: سامى عبد المطلب Date: 04-02-2013, 09:55 AM Parent: #13
انا لله ياخى .... مشهد رهيييب لم اتمالك معه ان تطفر من عينى دمعه حرّى .... من يعوض هذه البنت غياب والدها عنها ....؟
واسبقْ رفاقَكَ للقيود فـإنني آمنتُ أنْ لا حرَّ غيرُ مُقيَّد
أفتكر البيت ورد في رائعة الصاغ محمود أبو بكر "صه يا كنار"..
تحياتي وتقديري..
..
اكيد وهى صه يا كنار رائعة النسر الصاغ محمود ابوبكر التى يحفظها الشعب السودانى والتى اوردتها هنا مرارا وتكرارا بل قلت هنا انها قصيدة القصائد كونتيك لا كونتيك والتى تستحق ان تكون السلام الجمهورى بدلا من قصيدة احمد محمد صالح هذه القصيدة لم تترك مكانا او مبررا للتخاذل صَهْ يا كنارُ وضعْ يمينكَ في يـدي ودعِ المزاحَ لذي الطلاقـةِ والددِ صه غيرَ مأمـورٍ وهـاتِ هـواتناً دِيَماً تهشّ علـى أَصِـيد الأغـيد
فإذا ادّخـرتَ إلى الصباح بسالـةً فاعلمْ بأن اليومَ أنسبُ من غـد واسـبقْ رفاقَكَ للقيـود فـإنني آمـنتُ أنْ لا حـرَّ غيرُ مُقيَّد وأمـلأْ فـؤادَكَ بالـرجاء فإنها «بلقيسُ» جاء بها ذهـابُ الهدهـد فإذا تبدّد شـملُ قومكَ فاجْمَعنْ فإذا أبَوْا فاضربْ بعزمـة مُفـرَد
فالبندقيـةُ في بـدادِ بيوتـهـا طلعـتْ بمجـدٍ ليس بالمتبـدّد فإذا صغـرتَ فكـنْ وضـيئاً نَيّراً مثلَ اليراعـةِ في الظـلام الأسود فإذا وجـدتَ من الفكـاك بوادراً فابذلْ حياتَـكَ غـيرَ مغلـولِ اليد فإذا صغـرتَ فكـنْ وضـيئاً نَيّراً مثلَ اليراعـةِ في الظـلام الأسود فإذا ادّخـرتَ إلى الصباح بسالـةً فاعلمْ بأن اليومَ أنسبُ من غـد شكرا ليك يا حبيب جنى
يا مجمر سؤال بسيط وجادي فيهو والله مع إني فهمت تمااما مقاصدك.. المشهد والصور دي إتكررت كم مرة مع الترابي في السنوات الأخيرة دي !!!! لي ما شهدتوا بي إنكم آمنتوا؟؟؟ والله يا مجمر واسمع كلامي ده نحن كشعب سوداني لو ما خلينا التوم والشمار البنعملوا لي ناس ونخلي ناس عمرنا ما ح نتقدم شبر لي قدام .. الخيوط متشابكة ومتداخلة ..ونحن مازلنا بتاعين ناساست في البكيات في الاعراس في الاعتقالات في و في وفي وفي وفي .
يا الفاروق ياخ معليش اسمح لي أرد عليك...الناس ديل طالعين من سجن كوبر مش من معتقلات الأمن أو بيوت الأشباح...يعني لا بمنعوهم يستحموا ولا يلبسوا أو يحلقوا وكمان بسمحوا ليهم بالزيارات الأسرية...بعدين ياخ الناس ديل برسلوا رسالة واضحة للنظام بانهم لن ينكسروا ويخرجوا كالمجرمين بل شامخين...أذكر في بداية التسعينات عندما كان صديقنا المرحوم طارق فريجون معتقلا وكل زيارة كنا نجده نظيف ولبس السجن الدمورية مكوي،،،وكل ما أراه كنت أردد مالك يا زمان شبعتنا هولة لبست الناس تيابا حاشا مي هولة
Post: #24 Title: Re: اشهد بانى امنت ... Author: كمال عباس Date: 04-02-2013, 03:19 PM Parent: #22
** تحياتي ياعزيزي جني ** الحرية لكافة معتقلي الرأي والفكر , الحرية حق وليست منحةيتصدق بها الطغاة, إن كان هناك توجه جاد لإنهاء الإعتقال السياسي فلابد من الغاء القوانين المقيدة للحريات وعلي رأسها قانون جهاز الأمن البغيض وكفالة حق التظاهر والنشاط السياسي وإطلاق الحريات العامة وصيانة حقوق - الإنسان والمواطنة - وعدم المساس بالحق الأصيل للقوي والتنظيمات السودانية - في بناء تحالفاتها ... ** إطلاق سراح بعض المعتقلين في ظل بقاء ذات القوانين التي إعتقلتهم - خطوة تكتيكيةعرجاء - لا نهج إستراتيجي يرمي لإنهاء ممارسة الإعتقال !! **لابد أن يشمل إطلاق سراح المعتقلين -معتقلي الهامش , وإجتثاث مسببات الحروب -وتجفيف منابع التهميش ورد المظالم.. ........
عفراء يا سند .. شكراً على الرد ووالله كلامك قااادر استوعبو وافهمو تماااماً .. لكن انا مصصر إنو نحن السودانيين شغالين علييي كيفنا ..العايزين نعملوا مناضل بنعملوا والعايزين نعملوا شماخ بنشمخو والعايزين ندق بيهو الدلجة بندق بيهو وكلللو بناء على المزاجية .. الترابي في السنوات الاخيرة المضت دي مرق شامخ كم مرة هكذا شموخ؟؟؟
Post: #30 Title: Re: اشهد بانى امنت ... Author: محمد محمود محمد Date: 04-02-2013, 09:28 PM Parent: #27
الأخ عمر الفاروق__
Quote: الترابي في السنوات الاخيرة المضت دي مرق شامخ كم مرة هكذا شموخ؟؟؟
_______ حكاية حسن الترابي مع الجماعة ديل ..تصفية حسابات الشعب السوداني ما عندو دخل بيها الترابي في نظري لو قضى كل ما تبقى من باقي عمرو في حبس انفرادي..لن يعوّض الشعب السوداني ماضاع من عمره واحلام جيل كامل في وطن ديمقراطي ...يسع الجميع...بسبب روعنته وغبائه السياسي لك التحية
Post: #31 Title: Re: اشهد بانى امنت ... Author: صديق محمد عثمان Date: 04-02-2013, 10:18 PM Parent: #29
سلام يا حيدر
في خلوة يوسف تنضج التجربة السياسية ، ويجتمع الأغبش جماعة ود المختار ديل ، والوجيه زي هشام المجمر ، وأظن ان المجمر يوافقني الرأي أن من كلنوا يحسبون انفسهم وجهاء وقادة سياسيين يتعلمون في هذه الخلوة القسرية من الذين يعتبرهم الفاروق غبش ، هناك يلتقي الكودة وعبدالعزيز خالد بعساكر من الجيش والامن ما كان لهم ان يلتقوا بهم ، وهناك يلتقون ببعض من غررت بهم قوى الهوس والتطرف
قي هذه الخلوة ومنها تتعلم دروسا قلما تتوفر لك خارجها ، وتعقل قول النبي يوسف لرسول السلطان ان يرجع إلى ربه فيسأله ما بال النسوة ؟ لا يتعجل الخروج بل يستقصي من زوال السبب الذي ادخله إلى السجن .
كنت قبل قليل في لقاء تلفزيوني ومعي احد قادة النظام فقال ان بقية المعتقلين الذين لم يفرج عنهم لأنهم أما محكومين أو منتظرين المحاكمة !!!! فقلت يا اخي مانديلا كان محكوم في قضية ارهاب ، والعاللم كله كان يراه مدافع عن الحرية
نحن عشنا و اتربينا فى احياء شعبية لو كان حى الدناقلة جنوب او حى المزاد... لعبنا فى الطين وقبضنا القبور...وصنعنا العربات من الصفيح وجرينا بالترتار..زمنا كان اغلب الناس غبش..