Post: #5 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: celecon Date: 04-02-2013, 04:33 AM Parent: #4
Post: #7 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: يحي قباني Date: 04-02-2013, 04:44 AM Parent: #5
لايك يور لايك يا سيليكون ...
تحياتي ...
Post: #6 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: Kabar Date: 04-02-2013, 04:40 AM Parent: #4
يحي..حبابك يا صديقي كل سنة و انت طيب ياااااخ (المناسبة ذكرى عابرة جميلة تأبي ان تغادر الذاكرة..!!)..
ايام الجامعة.. قمنا جبنا ناس الهيلاهوب ..وكت داك دوبك انشقوا من (الجو الرطب)..يعني الإنشقاقات ماها سياسية و بس..المهم.. اخونا ربيع طه..قام قال ليهو قصيدة..فيها واحدة اسمها الرضية.. فقال: الرضية دي.. بتسف و بتسجر.. و بتسب الدين و بتســدر..
اها بعد الحفلة.. بعض الصديقات قامن ماشات على الداخلية..واحدة شليقة كده..شافتني جات راجعة..قالت يا اخي دايرة اسالك من معني كلمة بتسدر دي شنو؟ ياخي غايتو جنس هرشة واحدة..و قبل ما ابدا الإندياح.. نادتني صديقة تانية..و ما سمعتها ، كويس ، قالت شنو..و بكل براءة قلت ليها:آآآآآآآآآآآ...!!! صاحبتك ما صدقت ، تووش خشت شمال و قالت لي: آآآآآآآآآآآ تجيب مطر.. يا ود انت اطرش..!!!! قلت لصديقتي السائلة.. اها دي التســـديرة... ياخ الزولة اتحرجت جنس حرج واحد..!!!
اها مسئول من الخير.. صاح المحجوب سدر في البرلمان بتسديرة (سفير غانا)؟!!!
و نرجع ليك تاني كن اتذكرنا حاجة..
و دمت.. كبر
Post: #8 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: يحي قباني Date: 04-02-2013, 04:57 AM Parent: #6
Quote: يحي..حبابك يا صديقي كل سنة و انت طيب ياااااخ (المناسبة ذكرى عابرة جميلة تأبي ان تغادر الذاكرة..!!)..
ايام الجامعة.. قمنا جبنا ناس الهيلاهوب ..وكت داك دوبك انشقوا من (الجو الرطب)..يعني الإنشقاقات ماها سياسية و بس..المهم.. اخونا ربيع طه..قام قال ليهو قصيدة..فيها واحدة اسمها الرضية.. فقال: الرضية دي.. بتسف و بتسجر.. و بتسب الدين و بتســدر..
اها بعد الحفلة.. بعض الصديقات قامن ماشات على الداخلية..واحدة شليقة كده..شافتني جات راجعة..قالت يا اخي دايرة اسالك من معني كلمة بتسدر دي شنو؟ ياخي غايتو جنس هرشة واحدة..و قبل ما ابدا الإندياح.. نادتني صديقة تانية..و ما سمعتها ، كويس ، قالت شنو..و بكل براءة قلت ليها:آآآآآآآآآآآ...!!! صاحبتك ما صدقت ، تووش خشت شمال و قالت لي: آآآآآآآآآآآ تجيب مطر.. يا ود انت اطرش..!!!! قلت لصديقتي السائلة.. اها دي التســـديرة... ياخ الزولة اتحرجت جنس حرج واحد..!!!
اها مسئول من الخير.. صاح المحجوب سدر في البرلمان بتسديرة (سفير غانا)؟!!!
و نرجع ليك تاني كن اتذكرنا حاجة..
و دمت.. كبر
كبر ... صديقي الجميل ...
كان صاحبنا ( جلّي ) واحنا شباب جنو يسدر بي كلمة ( أنفخها ) ...
قمت اخدتها منو ... ومره مساهرين بنلعب كشتينة ....
وانا مغلوب و حالتي بالبلا و زهجان ...
اي زول يغلط و يقول أآآآآ ... اديوهو ليك نفخه ...
آخر الليل فترت ... ولسه مغلوب و زهجان ... واحد من الشباب قال أآآآآ
طقيت ليهو في التربيزه ..طق طق ...
قال لي مالك ياخوي فطيتني من النفخ ...؟ ...الكومبريسور حقك فضي ولا شنو ؟؟؟
Post: #9 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: د.يوسف محمد طاهر Date: 04-02-2013, 06:38 AM Parent: #4
سلام قباني طبعاً كلامك ده كلام ( حصري ) كلام ناس كبار وناس عاصمة كمان ..... بكدة أكون اتفقت معاك في الجزئية الأولى ( أشيمط ) واختلفت معاك في الثانية (إقليمي ) لأنو في الأقاليم ليهم أساليبهم الخاصة في ( التسدير ) و ( الرندوق ) وفيها أيضاً تلقى الطلبة ليهم أسلوبهم وكذلك الفنانين ، وناس الكورة ... لكن في أشياء بشترك فيها الجميع . الأجيال الحديثة أيضاً لهم مصطلحاتهم الخاصة بيهم ، بل حتى طريقتهم في الحياة بتختلف عننا . الموضوع جميل وشيق للشياب الزينا لأنو فيه تشبث بالماضي وهذا أحلى شيء للإنسان عندما يكبر .... أمبارح كنت بشاهد في تلفزيون السودان فجابوا جمال النحاس بغني صباح النور عليك يا زهور ... يا أخي في واحد من العازفين كان متكيف بصورة ما عادية وبضحك .... أنا قلت الراجل أكيد ركب قطار الذكريات وهو بعزف ................ يعطيك العافية
Post: #10 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: نادر النور آدم Date: 04-02-2013, 07:16 AM Parent: #9
التسدير واشتقت منه أيضاً: 50 عندنا واحد صاحبنا مدمن تسدير في مرة ابوه .. اللي هو أبووووه يعني جدع كلمة مستحييييل تتفوت النوع البجيب وجع الكليوات داك ههههههههه بقى يقول ليه يا حاج الكلام دا كيف يا ابوي قول بسم الله لما في النهاية اتضايق مسك في الباب وقال يابا اقول ليك حاجة؟ ياخي والله خمسيييييييييييين وهرب بعد داك ههههههههه . . . . . . . عندنا الكتير من الحكايات في الموضوع دا .. لكن ممكن تودي التوج
Quote: سلام قباني طبعاً كلامك ده كلام ( حصري ) كلام ناس كبار وناس عاصمة كمان ..... بكدة أكون اتفقت معاك في الجزئية الأولى ( أشيمط ) واختلفت معاك في الثانية (إقليمي ) لأنو في الأقاليم ليهم أساليبهم الخاصة في ( التسدير ) و ( الرندوق ) وفيها أيضاً تلقى الطلبة ليهم أسلوبهم وكذلك الفنانين ، وناس الكورة ... لكن في أشياء بشترك فيها الجميع . الأجيال الحديثة أيضاً لهم مصطلحاتهم الخاصة بيهم ، بل حتى طريقتهم في الحياة بتختلف عننا . الموضوع جميل وشيق للشياب الزينا لأنو فيه تشبث بالماضي وهذا أحلى شيء للإنسان عندما يكبر .... أمبارح كنت بشاهد في تلفزيون السودان فجابوا جمال النحاس بغني صباح النور عليك يا زهور ... يا أخي في واحد من العازفين كان متكيف بصورة ما عادية وبضحك .... أنا قلت الراجل أكيد ركب قطار الذكريات وهو بعزف ................ يعطيك العافية
يا دكتور سلامات ياخي ...
الكلام ده جزء من ثقافات متعددة كانت موجوده في زمننا ...
وانحنا لازم نوثق ليها ...
انا متأكد جدا انو في عدد كبير من عنوان البوست ... ابي يدخل ...
خوفا علي الشكل الاجتماعي ... ( البرستييج ) ...
وانا اوجه ليهم رسالة ...
من لم يُسَدِّر ... ومن لم يتم تسديره من قبل ...
فليرمي هذا البوست بحجر ...
وعموما البوست لم يفتح لثقافة التسدير فقط ... انما للمفردات المستخدمة بمفاهيم مختلفه ...
لاقتني واحدة _ السنة الفاتت القريبة دي في شارع واحد وأربعين، كانت تحمِد سيدا _ تقلّب في الكفل ذات اليمين وذات الشمال، وتتلاعب به نواحي شل أجب وموبيل وتوتال . لم أشك أبداً أنها شرّامية من طريقة مشيتها، وتوبها الحرير الربط . المهم أنا عملت صديق سرحان وبدأت أرعى في غنم إبليس، حتى أدركت مرابط القلابات . وفي الخاطرِ مقطع : قلب المخضوب فوق للفاقِل دلّى اليمنى ومشى مُتّاقِل . المهم فجأةً كدي لقيت نفسي على بعد نصف خطوة من ديار القوم . ألتفتت ونظرت لي بحدّة، وقالت : مالك في شنو إنت يا زول ؟؟؟ . لم أتوقع ردّة فعلها وقلت بعد تمتمة وتأتأة وبشتنة حال _ متسائلاً : آآآآآآء ؟؟ . قالت لي : أنطّط :) .
بين قوسين
الله يكفينا شرّك
Post: #15 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: فيصل محمد خليل Date: 04-02-2013, 03:33 PM Parent: #14
انا لو جيتكم بالتسديرات بيقلعوا مني الباسورد . برانا صوفتنا حمراء مالك علينا يا قباني
بتذكر المدرس الصعلوق الرسل التلميذ للطباشير
Post: #16 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: عمر السلمة Date: 04-02-2013, 03:39 PM Parent: #13
سلاااااااااااام أستاذ يحي كلام جميل جدا والله .. أما في مسألة التسدير والله زي الإدمان ما بتتخلى كلو كلو
Post: #17 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: يحي قباني Date: 04-03-2013, 04:30 AM Parent: #16
Quote: مالك في شنو إنت يا زول ؟؟؟ . لم أتوقع ردّة فعلها وقلت بعد تمتمة وتأتأة وبشتنة حال _ متسائلاً : آآآآآآء ؟؟ . قالت لي : أنطّط :) .
بين قوسين
الله يكفينا شرّك
يا حبيبنا ...
قلت لي قيامها مثني ... و قعودها فردُ ...
انت البوديك ورا الوزين شنو ؟
Post: #18 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: يحي قباني Date: 04-03-2013, 04:33 AM Parent: #17
Quote: انا لو جيتكم بالتسديرات بيقلعوا مني الباسورد . برانا صوفتنا حمراء مالك علينا يا قباني
بتذكر المدرس الصعلوق الرسل التلميذ للطباشير
فيصل يا قريبي ...
مالو التسدير ...
ما ياها ( سغافتنا ) ... هي و التمباك سوا سوا ...
جيب ولا يهمك ... بس راعي الحاجات الخادشة للحياء ...
Post: #19 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: يحي قباني Date: 04-03-2013, 04:35 AM Parent: #18
Quote: سلاااااااااااام أستاذ يحي كلام جميل جدا والله .. أما في مسألة التسدير والله زي الإدمان ما بتتخلى كلو كلو
عمر سلامات ...
لا مش بس ادمان ...
ادمان و خرمه كمان ...
زمان لما تكون خرمان داير تسدر ليك زول ...
تقول ليهو كلام ما مفهوم و بي صوت واطي ...
ما يسمع يقوم يقول ليك أآآآآآ ...
وتاح ...
Post: #20 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: يحي قباني Date: 04-03-2013, 04:38 AM Parent: #19
Quote: استاذ قباني يشهد الله كل ما اشوف إسمك في موضوع او آخر مشاركة معناه كليك ع طول ، متعة ما بعدها. يأخ تحياتي ليك كتير.
علي حمد الشاطر ...
الله يجبر بي خاطرك ياخ ...
انت زول جميل ...
Quote: (يا عمك) من المصطلحات الحديثة يعنى لو سمعت واحد ناداك يا عمك ما تستغرب لانو انت فى الحقيقة ما عمو اخو ابوهو وفى نفس الوقت اضاف كلمة عم كنوع من الاحترام
Post: #21 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: يحي قباني Date: 04-03-2013, 04:43 AM Parent: #20
من إبداعات عالم التسدير زمان ...
مواكبة الأحداث السياسية ...
يعني بعد حركة هاشم العطا ...
برز اسم هاشم العطا كثيرا ...
وتم ابتكار التسديره الشهيرة ...
و هي من تسديرات سبق الاصرار و الترصد ...
تقول للزول ... القام بالانقلاب كان اسمو منو ؟؟
و تتظاهر بأنك ما عارف ...
وداك بي كل براء يقول ليك ...
هاشم العطا ...
و انت طوالي تكمل الباقي ... ___________________ نفس المتابعة السياسية هي التي أتت بسفير غانا ...
Post: #22 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: خالد العبيد Date: 04-03-2013, 04:46 AM Parent: #18
البنات زاتم ما ساهلات اسمعو دي
ايام السيول واحدة خايضة في الموية عايزة تقطع الشارع في شباب عاملين فيها شرامة ومقددنها قاعدين في الضل يعاينو ليها والبت كل ما تمشي سقف الموية يرتفع .. وهي ترفع فستانها لي فوق واحد من الاولاد كورك ليها باعلى صوت : اوعى البوبينا .. اوعى البوبينا !! البت اتلفتت وقالت ليه ساخرة : يا معفن المكنة جاز !!
------------------------------------ اها يا فيسل فتحتت ليك السكة ادخل يا معفن
Post: #23 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: celecon Date: 04-09-2013, 09:09 AM Parent: #22
متابعة
Post: #24 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: محمد أبوالعزائم أبوالريش Date: 04-09-2013, 10:01 AM Parent: #23
إنا لله .......... العجايز إتلمو !!!!
البوست بدا بي مفردات عديدة (الحلة) ... (الزقاق) ... (التسدير) .... (الشربة) ..... (كبير). قلت أدخل وخايف يبقى التركيز على (التسدير) ....... وقد كان.
التسدير لو إتعمقتو فيهو (مع وجود فيصل خليل وخالد العبيد) ...... بيوديكم الخور بالمزيكا.
زيك أنا والله يا يحي ... قعدت أفتش على معنى الكلمة، غلبني كلو كلو .... برضو في كلمة تسدير ما ليقيت ليها تفسير، وهي ((أُف))
Post: #25 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: أيمن الطيب Date: 04-09-2013, 10:27 AM Parent: #24
سلامات يا قبانى,,
جماهة مدورين حريق تقيل والعصر حاصل واحد عامل ما معصور والتلفزيون شغال توالى وما توالى وسال يااخوانا شيخ حسن دا قاصد شنو بالتوالى دا !!!
الجنبو قال ليه دى يا حبيب تسديرة القرن,,
__________________________________________________________________ حكى السنى دفع الله وقال مرة فرقة الأصدقاء مشت تقدم عروض فى الأقاليم ومشوا ليهم حلة بعييييييييييييدة كدا والحلة كلها جات تشوف الفرقة الجماعة الجايين من امدرمان ديل ومعاهم جكس كمان,,
أها الجماعة ديل وضح إنهم ما بضحكوا ولا قادرين يفهموا الناس ديل بقولوا فى شنو زاتو!! والمصيبة العمدة قاااعد والضحك ساى عند الجماعة ديل عيبتو كبيرة,,
واحدة من الممثلات فى نص المسرحية قالت (آآآآآآآآ) المسرح كلو قام فوووق و ختو ليها التسديرة فى محلها زاتو خالس ,,
السنى قال تمينا ليهم العرض كلو (آآآآ آآآآآ آآآآ آآآآ) والحلة كلها بى عمدتا ذات نفسو سدّروا لمن فتروا,,
الله يديك العافية يا السنى ويسلم قلبك النبيل,,
تحياتى,,
Post: #26 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: محمد أبوالعزائم أبوالريش Date: 04-09-2013, 12:47 PM Parent: #25
الحروب في منطقة اريتريا ادت الي نزوح النساء و الاطفال ... و تركوا الرجال لمجابهة و الحرب و تحرير البلاد ...
وكلنا نعلم ماحدث ... ما قصرنا معاهم بي كرمنا الحاتمي ...
حتي ابو الزهور نفسه ( رحمه الله ) ... قال ليهم اتطمنوا ( فبناتكم و امهاتكم ) في احضان شعبي ...
بقت موضة الشباب في ذلك الزمن ... يقول ليك والله انا ماشي ( احتبش ) ...
يعني انه ماشي ( الحلة ) .. حتي لو كان من يقصدها من بنات السودان ... ولكنه اطال الله عمره ( سيحتبش ) ...
ايام الشريعة ... لو كانت زوجتك حبشية او ارترية ... و استوقفك ( جند الله ) ... يحلك الحلّ بلة ... __________________________________________________________ والله ان امرنا عجبا ....!!!!
والتانية لفتحك الباب للاخريات للدخول لهذا البوست ...
تحياتي لك و ابقي قريبة ...
Post: #37 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: Dawalbait Hamid Date: 04-10-2013, 05:47 AM Parent: #3
Quote: طيب ما كل العالم بيقول ...أ آآآآ ...
اشمعني السودان ؟؟
تاني حاجة تحيّر ... !!!
[أستاذنا هباني شكرا وما أجمل أيام التسدير الذهبية بس التسدير المهذب ما بكيف وأسهل صيد للتسدير الأيام دي الحناكيش ( والتجميع ) زمان حتى في السينما لو ممثل قال آآآآآآآه السنما كلها وبالذات ناس ( الشعب ) ما عندهم غير ( زوووووط) ( للليفة ) ( أنا وخالي ) ، والله مرة جلدونا فصل كامل عشان واحد سدر الأستاذ وبالمناسبة دي يا ريت تمد البوست ليشمل المعاني المقلوبة ( ديل عايزين يزبطوني أغنية لمصطفى قمر ) ( تكل أبشر خشه الجنينة عابدين عوض طه القرشي خيرالسيد ) دي الفبركة منو ؟ تحياتي ضوالبيت
Post: #38 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: الصادق عبدالله الحسن Date: 04-10-2013, 08:43 AM Parent: #37
- بمناسبة هاشم العطا والسياسة – أخي يحي – فإن البعض يصف الرئيس عمر البشير بأنه صاحب نكتة، غير أنني سمعت أحد الخبثاء يقول:
(أن الرئيس عمر البشير نفسه ليس سوى نكتة أطلقها الدكتور حسن الترابي ووضعها على كرسي في القصر الجمهوري). ... .. .
Post: #39 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: الصادق عبدالله الحسن Date: 04-10-2013, 08:47 AM Parent: #38
و يقال أنه و في إحدى جلسات النقاش في برلمان الستينات نُسـب لرئيس الوزراء الأسبق (محمد أحمد محجوب) أنه رّد رداً طريفاً وموجعاً على أحدى النائبات في البرلمان،
تلك النائبة التي نفت أن يكون لها في الموضوع -مثار النقاش- ناقة ولا جمل..
بينما لم يشعر المحجوب بالحرج وهو يوجه كلامه للنائبة المحترمة:
(بل لكي في الموضوع ناقة.. ولكي أيضاً جمل).
Post: #40 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: الصادق عبدالله الحسن Date: 04-10-2013, 08:53 AM Parent: #39
[green]
وبعيداً عن السياسة:
هناك "التسديرة" والطرفة المشهورة في تلفزيون السودان في برنامج المسابقات الذي كان يقدمه المذيع (الأستاذ محمد سليمان) قبل عدة سنوات ،
عندما أجابت تلك الفتاة البريئة على السؤال المتعلق بعدد الأيام التي يمكن للجمل أن يمضيها في الصحراء و أن يبقى حياً بدون ماء. .... ولأن تلك الفتاة شطحت وبالغت في تقدير المدة...
كان ذلك التعليق التلقائي للمذيع الأستاذ (محمد سليمان)
..... ... .. . (والله ده إلا يكون................. إنتي)...... ... .. . فبهت كل من كان يتابع البرنامج من داخل الاستديو وساد الصمت للحظات.......... .
ثم انفجرت قنابل الضحك ترج أنحاء الأستديو
Post: #41 Title: Re: الحِلّة .. و الزُقاق .. والتسدير في الهوا .. وعجائب العامية السودا Author: garjah Date: 04-10-2013, 10:31 AM Parent: #40
