قال لي: اي مصيبه في الدنيا دي النسوان

واحد قاعد في النت بي مزاااااااااااج .......
سمع ليك الكوراك والشكل بي هناك
الولد ما عايز اسمع كلام امو
يا ولد هييييييييييي اعمل حسابك واسمع الكلام !!!!!!
كل ما اقول ليك حاجة زي أنا البكلم في الحيطه ما بتعبرني !!!!
الصوت علا والجوطه حصلت ...
الراجل اتنفض وقام مشي علي الشكله هجم علي الولد هجوم لفظي عنيف....
يا ولد انت قليل الادب جننتنا طلعت روحنا ..
يعني انت ارجل من ابوك؟؟؟؟
امك أنا بسمع كلاما !!!
انت عاوز تعمل لينا عنتر


نواصـــــــــــــل

برضو نواصـــــــــل لحين نكب الرواية

سلامات ياشريف
اول حاجة وينك مختفي ليك مدة
فقدناك والله .
غايتو فتحت ليك ملف خطير
ننتظر معاك نشوف البوست
ماش علي وين .
تسلم ياحبيب

.
.


كاااااااااااااااكـ

بالقرب من مركز الشرطه بحي الملز قابلت شاب وجيه وظريف من اولاد امدرمان بداية تجاهلني وفتح درج السياره في محاوله اخري منه لكي لا اقترب وانشغل بالبحث داخل الدرج عندما اصبحت قريب من السياره استمعت الي الفنان وردي جميله ومستحيله كانت لي رغبه بأن اعكر مزاج الراجل اتت الرغبه من التجاهل والصدود في التعامل معي خاصة وهو سوداني.
ممسك بريموت الام بي ثري قلب الاغنيه لفنان اخر ((ندي القلعة)). خشيت فيهو توش ........
الاغنيه دي مغيرها مالك جميله ومستحيله يا سلاااااااام معقولة من فنان افريقيا لي ندي القلعة بالغته والله مع وقفتنا هنا جمب مركز الشرطه وصوت ندي القلعة ياها الكشه راسها عديل..... ثم واصلت في الثرثرة بدون توقف .... عندك موضوع مع ناس الشرطه ديل .... الله اكفينا شر الشرطه.
اندهش من سيل الملاحظات والاسئله والزول الدمو الثقيل وكما يقول ناس الروايات (( كاد أن يموت غظا وبدأ الشرر يتطاير من عينيه)) مقومات لي شكله كاربه جاتو في محلو.
اخذ نفس لي جوه دليل علي ضيق الصدر حسيت وجودو داخل السيارة هو المانع ما ارشني بي بنيه ضرب الدريكسون بي يدو .
صنقعت لي فوق رميت عيني في عينو بنفس درجة نظرات عيونو .... احدر لي واحدر ليهو...... قلته البتبقي تبقي يعني الزول مفتكرني بهرش منو ثم تانيا احنا قدام مركز الشرطه في هذه البلد الطرشا حا إعمل شنو لو رفع يدو تاني ما بنزلها بلد الكلـــــبشه فيها ساهلة زي الغويشات ......
ثم نطق بعد صمت طويل !!!!!!!!.
يا ود الحلال الفينا مكفينا ما عندك شغله انكشح من قدامي كان انته مجنون الله اشفيك.... يلا فرتق ورينا عرض اكتافك... شنو عايز تعمل لي فيها سوداني ونتونس سوا الله اهديك ما تبقي لي زي حكومة الانقاذ تتلحني شتت يا زول من قدامي احسن ليك.
فعلا كان شكلي غريب من الملابس التي ارتديها فانله رياضيه مكرفسه مع بنطلون والحذاء سفنجه نسائيه ملونه والشعر منكوش...
كنت في حوار داخلي مع النفس يا ربي الزول أثاقل عليهو شويه اكرهو المسأله عايزه ليها سجاره عشان افكر كويس هبشته جيب البنطلون اكتشفت الجيوب خاليه حتي من المحفظه والتي بها الاوراق الثبوتيه كانت صدمه ذهنيه وخلعه!!!!!
معقوله اطلع من البيت بدون اوراق ثبوتيه..... وكمان واقف قدام مركز شرطه بي شكلي ده الراجل كلامو صاح فعلا انا مجنون رجعته للسياره في علبة سجائر قديمه كنت حردانا شربته منها سجاره قبل كده عملت لي ابو الشهيق زي الشارب لي عرقي حار شلته علبة السجاير بليت السجاره بي اللعاب حسب نظرية ناس السطله للترطيب وقعدته قدام السياره في الواطه ونظرته ناحية صاحبنا....
ترجل من سيارتو وجاني عديل بدأت تتضح ملامحو بعد نزل من السيارة كانت مفاجأة ...الله الراجل طلع تايسون ضخم الجثة يا ود الناس مالك بتهابش.
ثم وجه كلامه ....ابو الشباب دخلتك علي غريبه بي شكلك المبشتن قولته الراجل مجنون و ل بتاع حشيش عندو مصيبه جوة الشرطه.... بيني وبينك فورت دمي علي شويه كان طلعتني من علبي براقب فيك شوفتك فتحت العربية الفارهة لو لا صوت الريموت كان اضفت لي مجنون وبتاع حشيش حرامي الاكد لي الكلام انك صاحب العربية طلعته علبة سجاير من جوة اتاكدت انك ما حرامي.
طيب نتثاقل عليك وقت فورت دمي اشحدك سجارتين واحده اشربا حس والثانيه للنوم بعدين الساعه بقت الثانيه ليلا ما اعتقد في محل فاتح.....
قعد معاي في المسطبه واخذتنا الونسه سألتو عن سبب وقفتوا هنا بالقرب من مركز الشرطه؟؟؟؟
اجابني ... طبعا النسوان اي مصيبه في الدنيا دي النسوان كرهته حاجه اسما مرأة اسغفر الله الواحد والدتو كان ما وصي بيها الاسلام وعندها حق علينا الواحد ادخلا في زمرة الكره.
ياخي مصيبه غريبه الله اقطع اليوم المانا فيهم واقطعني انا ذاتي من الدنيا دي.... كنت زمان مرتاح.............
سألتوا بدون الدخول في تفاصيل المشكله مع الشرطه قلته الزول ده براهو بنبرش لي بعد شويه من جابت ليها نسوان ومشاكل نسوان (( انت متزوج يا الحبيب)) ؟؟؟؟؟
كانت الاجابه مدهشه لا لا والله عامل عقد بس
طيب مالك ومال مشاكل النسوان انت لسع بره الكيس ؟؟؟؟
ده كيس زبالة ياخي تعرف انا شغال في شركة تأمين الدوام بتاعي الساعه سبعه ونص صباحا راجل منضبط في شغلي لمدة اربعه سنوات ما اتاخرت يوم واحد الصباح.
حسي لي شهرين تتصل بي زوجت المستقبل جاري معاها في مشكلة اخوها مسكوهو في سجارة حشيش مع الاولاد المراهقين الولد ده بدرس في الهند بالله من جاء الاجازه كل يوم طالع لينا بي مصيبة أنا كرهان حوامة اختو في محلات الاثاث والاسواق للتجهيز للكيس الزفت جاب لينا حاجه جديده مطاردة الشرطه نفتش في طريقه نطلعو كل يوم بمشي البيت انوم الساعة ثلاثة صباحا كان ممكن اقول ليهم بتكم دي زي ما قلته انت لسع بره الكيس ما تمسكوني بالعقد العملتو واطلقا ليهم بس الواحد دخل في التزامات اسريه بين الاسرتين واشربك شربكه لا يعلم بي فكتها الي الله ياخ ام فتفت ما بتفكها .
وما جميله اخلاقيا لو اتصلت عليهو في مشكله ما اقيف جمبها ..... تعرف انا من زمان كنت بضحك علي الرجال اقولو ليك ده بتخوفو مرتو وده راجل عره ساكت والثاني راجل دلدول والثالث راجل خيخه مليون الالقاب والمسطلحات للرجال البخافو من نسوانم حسي يادووووووووبك عرفته ليه الرجال بتخاف من النسوان ممكن تقلع ليك بي مصيبه تخليك لافي زي المترار وراسك دايش ما تطلع منها تاني ترشك بي واحده وهكذا دواليك.. حكايه غريبه.....
ثم اختتم حديثه (( الواطه قربت للصباح والبلد دي سخانتا جهنم يا خي ما نقعد جوه عربيتك ونشغل المكيف ولو ما اثقالت عليك نولع لينا سجاره تاني ونكمل باقي ونستنا.
سؤال يا لاخو صحي انت متزوج ومالك بتكابس في الشرطه بالليل زي حالتي؟؟؟
قولته ليهو: حكاية نقعد في العربيه ونشغل المكيف ممكن بس حكاية تولع سجاره جوه العربيه انا ممنوع من التدخين داخل العربيه.....
لم اكمل باقي اسئلته في الاجابه ابتسم وقال:
(( يا ابو الشباب ادينا السجاره وخلينا في واطة الله متوهطين اجابة سؤال انك متزوج خليها والله ياخ ده سؤال غبي مني بصورة غريبه شكلك الحايم بيهو نص الليل مع سفنجتك الحريميه أعتقد اجابة بدون سؤال لحالتك ما كان في داعي أأكد حكاية انك متزوج بي يلا ندخن جوه السيارة تعرف النسوان ما عارف مشكلتا مع الصاعوط والسجاير شنو وخاصة لو بتكشح عالم تقفل ليك كل سبل الترفيه الروحي .... واقول ليك حاجه تانيه حكاية جيت هنا لي شنو برضو خليها انا شايف ود شاب سوداني جوه قال نزل البقاله وخلي سيارتو شغاله عشان المكيف والسخانه لما رجع لقاها اتسرقت اكيد ده اخو زوجتك......

Quote: سلامات ياشريف اول حاجة وينك مختفي ليك مدة فقدناك والله . غايتو فتحت ليك ملف خطير ننتظر معاك نشوف البوست ماش علي وين . تسلم ياحبيب

سليمان يا حبيبنا سلام وتحية
وكيف اخبار الاهل
شوقنا ليكم محيطات
بس البلد هنا ومشاغلها
ملف اكثر من خطير يا الحبيب والناس بتهرب منو
تحياتي وتقديري

عباس

تحياتى
واللة حكيك الحلو دا بلمنى فيك فى الرياض الواسعة دى

ياعبس سؤالى ليكم يامغتربين انتو معظمكم ليه حريص على شراء فيزا لاخو الزوجة قبل الشقيق ولية يامغتربين شقيقك قاعد فى بيت العزابة واخو زوجتك غرفتو بى تلفزيونهامعاكم فى الشقة الضيقة دى وبيعزم اصحابوا يجو يتغدوا معاهو يوم الجمعة ويحضروا الماتشات لانو عندو كرت الجزيرة الرياضية .

عباس

تحياتى
واللة حكيك الحلو دا بلمنى فيك فى الرياض الواسعة دى

ياعبس سؤالى ليكم يامغتربين انتو معظمكم ليه حريص على شراء فيزا لاخو الزوجة قبل الشقيق ولية يامغتربين شقيقك قاعد فى بيت العزابة واخو زوجتك غرفتو بى تلفزيونهامعاكم فى الشقة الضيقة دى وبيعزم اصحابوا يجو يتغدوا معاهو يوم الجمعة ويحضروا الماتشات لانو عندو كرت الجزيرة الرياضية .

الدسيس


ازززززياك

الحكي ماااااا

عندك لااااكيين

قلنا نسلم عليك يا ركس و كدا...


كيفك يا زول..؟؟

Quote: محمد علي شقدي · جامعة سنار الكليكات دي كلها نسوان ولا كيف يا دسيس والنت العدو الاول للشركاء والعمل وكل الاشياء الجادة نسبياً

ود شقدي سلام
حيرتنا شغال تحت وفوق
النت مصيبتو مصيبة ما تجيبو في البيت وب تجيبو وبين
غايتو النسوان التكنلوجيا حيرتم عدييييييييييييييل افتشو الجوالات و ل الفيس و ل تويتر حكاية تفتيش الايميلات اصبحت عادة قديمة
واحد قلت ليهو حوامتك في المنابر وتدقش الكثير في المنتديات جهجه المرأة في متابعتك
قال لي كان الله ريحك قوقل ما اريحك الزولة بقت تكتب اسمي وتعمل بحث

Quote: كاااااااااااااااكـ

عمران ازيك يا الحبيب
عجبتك !!!!!!
انشاءالله اعجبك السمح لي اولاد وزوجتك ....
اولادك مرفقات يا الحبيب
في استاذة تحت معترضه علي حكاية زوجتي العزيز وتذكير المؤنث كما ردي تحت بالله في ارجل من الزوجة
تحياتي وتقديري

Quote: قال لي كان الله ريحك قوقل ما اريحك الزولة بقت تكتب اسمي وتعمل بحث

هههههه ههههه هههه
متابعين يا الشريف

Quote: ياعبس سؤالى ليكم يامغتربين انتو معظمكم ليه حريص على شراء فيزا لاخو الزوجة قبل الشقيق ولية يامغتربين شقيقك قاعد فى بيت العزابة واخو زوجتك غرفتو بى تلفزيونهامعاكم فى الشقة الضيقة دى وبيعزم اصحابوا يجو يتغدوا معاهو يوم الجمعة ويحضروا الماتشات لانو عندو كرت الجزيرة الرياضية .

عباس جاوب السؤال دا بعدين نقول ليك راينا في قصتك الحلوة دي ..

Quote: تعرف انا من زمان كنت بضحك علي الرجال اقولو ليك ده بتخوفو مرتو وده راجل عره ساكت والثاني راجل دلدول والثالث راجل خيخه مليون الالقاب والمسطلحات للرجال البخافو من نسوانم حسي يادووووووووبك عرفته ليه الرجال بتخاف من النسوان ممكن تقلع ليك بي مصيبه

كلنا كنا فاكرين كده لكين الاتضح لينا بعد الزواج انو كلام المره هو البمشي
لنهم بمتلكوا القوه الناعمه

Quote: عباس تحياتى واللة حكيك الحلو دا بلمنى فيك فى الرياض الواسعة دى ياعبس سؤالى ليكم يامغتربين انتو معظمكم ليه حريص على شراء فيزا لاخو الزوجة قبل الشقيق ولية يامغتربين شقيقك قاعد فى بيت العزابة واخو زوجتك غرفتو بى تلفزيونهامعاكم فى الشقة الضيقة دى وبيعزم اصحابوا يجو يتغدوا معاهو يوم الجمعة ويحضروا الماتشات لانو عندو كرت الجزيرة الرياضية .

يا سلااااااااام يا محمد احمد موضوع مهم خلاس
اولا نقول ليك التحية والسلام يا حبيبنا
وما دام في البلد هنا اكيد بنتقابل الله اختينا شر العواقب

ما نطلع من الموضع بالله فتش لينا الزوجة تكون لابته وين!!!!!!!!!
يا الحبيب ازيك من البيت شعر... اخوها بعد ما تجيبو وتقعدو وتفتش ليهو الشغل واتجدع علي كيفو ادخلو ليك تاني في شوف ليهو عربية من شركات التقسيط وبعد ما اركب العربية واكيد من قعدتو بكون راكب في ضهرك بتخش تاني في تفتيش المرأة والزواج بتاعو ..... أي والله. وبعد داك الحكاية بتكون جاطت تنفتش ليهو الشقة عشان ارحل فيها لو بيتكم ضيق ولازم تكون جمبكم ولو شاكل مرتو اجوكم الاثنين وتقعد الليل كلو في الجوديه وخاصة لو الشكله يوم جمعه معناها تاني يوم ما تمشي الشغل
اها بعد ما الله اكرمو بالولادة تساسق معاهو في المستشفي والاستراحات عشان السماية وتجرجر في الخروف والناس تلقاها تتغذي وانت ساكي الرغيف القصر.
غيتو سألتني سؤال اجابتو صعبة ؟؟؟؟؟؟؟؟؟؟؟؟؟
اها اخو الزوج المسكين بعد ما قاعد بعيد ما بتخلوهو في حالو أي ازمة مادية ارسلوك ليهو تتدين منو دين بدون رجعه.... لو سافرت اوصل الاولاد المدارس وعيييييييييييك واهم شيء اسكن بره منك.
جهجهتني بي سؤالك زي جهجهة اخو الزوج

Quote: الدسيس ازززززياك الحكي ماااااا عندك لااااكيين

garjah سلام يا حبيبنا
شاكر وممنون للمتابعه وربنا اعلي مراتبك وارفع مقامك لرفع المفترع
واكفيك شر الحياة ما بخارجها وداخلها تفسير داخلها الافدار بس ما تقول لي تفسير خارجها موضوع البوست يا حبيبنا
تحياتي وتقديري

Quote: قلنا نسلم عليك يا ركس و كدا... كيفك يا زول..؟؟

محمد عثمان يا وجيه
تحياتي وسلامي
سلامك لاقينو ياخ طلتك بي الدنيا
زارتنا البركه
شاكر ومقدر متابعتك

Quote: هههههه ههههه هههه متابعين يا الشريف

سامي سلام يا وجيه
اخبارك والاهل
سعيد جدا بمتابعتك
تحياتي وكامل تقديري

والله ياعباس كلامك ده بقى لينا زي البنقو ،،
يضحك فينا ويبكينا ،،
ولو مافي نصدع

Quote: عباس جاوب السؤال دا بعدين نقول ليك راينا في قصتك الحلوة دي ..

ابوالدر يا صديق اخبارك والاسرة الكريمة
البلد هنا اهم شيء فيها المحرم اخو الزوجه محرم .....
بعدين بقولو انت بتتزوج اسرة والاخ يشملها بالاضافة للام والاب وهلمجرا
اتحياتي وتقديري

Quote: كلنا كنا فاكرين كده لكين الاتضح لينا بعد الزواج انو كلام المره هو البمشي لنهم بمتلكوا القوه الناعمه

سلام يا الحبيب
يا راجل الكلام بس !!!!! ا
لقوة الناعمة قبل الزواج ام بعد الزواج ؟؟؟؟
عبدالله شكرا للمتابعة
مع تحياتي وتقديري

Quote: والله ياعباس كلامك ده بقى لينا زي البنقو ،، يضحك فينا ويبكينا ،، ولو مافي نصدع

ناصر حسين سلام يا وجيه
ولد وبت بيلعبوا مع بعض لعبة الصراحة ..



الولد: أنتي أمك أول ما بتصحي الصباح بتعمل شنو ؟؟؟
البنت: بتضرب بابا بالشبشب ،
فضحك الولد ضحكا شديدا
البنت: بتضحك ليه ؟ ..
الولد: عشان أبوكي ده ما راجل راجل ...
البنت: طيب أبوك أنت أول ما بيصحي بيعمل شنو ؟؟؟؟
الولد: بدس الشبشب