Post: #3 Title: Re: عاجل .. قوات الجبهة الثورية والفجر الجديد بعد خطوات من مدني ... Author: Mohammed Sedeq Date: 04-01-2013, 10:10 AM Parent: #2
بالغت يا تمبس في كتيييرين بكونوا اخدوا ليهم عرضة وضربوا الكوراك لما شافوا العنوان
كل سنة وانت بخير يا حبيب
Post: #14 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 11:05 AM Parent: #3
Quote: في كتيييرين بكونوا اخدوا ليهم عرضة وضربوا الكوراك لما شافوا العنوان
وانتالصادق في واحدين بكونو ضبحـو ليهم كم قزازة كدا على الطاير .. قلت لي المرة الفاتت يا محمد صديق الاعلانات حسب شنـو ..؟ والله قوالتك دي تراجي مصطفى ما سبقتك عليها
Post: #10 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 11:00 AM Parent: #2
Quote: وعاوزين منك فتوي بحكم انك من فقاء البورض
مش فتوى بس .. نديك فتوتك في ايدك ومعها الفاتحـة كمان .. إنت ما عارفني في حتات زي دي بكون مفتي ومن هيئة علماء البوردان وكدا .. بعد قراءتي للمادة موضوع النزاع .. ارجو ان اوجهكم اخي الكريم .. بالضرب بيد من فولاذ مع الرجم من مسافة قريبة على السارق للمقال المعني حيث أن السرقة الالكترونية لا تجوز .. كما أرجو التشديد على الحتة بتاعت الكرتكال دي .. وإنو أخد البتاعة دي بالانقليزي .. في الحتة دي بالذات .. (تقضفوهو) شفته تقضفوهو دي معناته شنـو ..؟ بعدين الحاجة التانية .. لا تاخذكم فيه اي شفقة .. على شاكلة انو برلوم وما عارف .. هو اكان ما عارف .. بي نقط .. نقط مالو ..؟ ختاما اتمنى لكم التوفيق والسداد في مسعاكم .. وكان في صوور أرجو انكم تزودونا يعني كنحن فقهاء وكدا ..
Post: #4 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 10:11 AM Parent: #1
(ق ف ج) وكالات عالمية فجر اليوم زحفت قوات الفجر الجديد تساندها بعض من قوات الجبهو الثورية الموحدة .. وهي في طريقها للخرتوم عاصمة امدرمان .. وكانت القوات قد مرت بي حاضرة الاقليم الاوسط مدينة ود مدني .. وقد اكد بيان للقوات المسلحة السودانية تمت اذاعته في الساعات الاولى من صباح اليوم حقيقة الخبــر .. وكان في وقت لاحق من مساء الأمس قد اعلن القائد العام للقوات المسلحة السودانية سقوط حامية سنار في يد الثوار وذلك بعد دخولهم من عدة محاور مختلفة .. وكانت نفس المدينة قد شهدت أعمال اعتقالات واسعة ابان الانفجارات الأخيرة التي شهدتها المدينة في عدة مناطق حيوية لمرافق الجيش .. ويرجح بعض المحللين أن من قام بتلك الأعمال هم أفراد من قوات الجبهة الثورية التي تعمل ضمن قوات الجيش السوداني ..
Post: #5 Title: Re: عاجل .. قوات الجبهة الثورية والفجر الجديد بعد خطوات من مدني ... Author: سليمان القرشي Date: 04-01-2013, 10:22 AM Parent: #4
ههههههههههه تمبس كل ابريل وانت طيب وتامين ولامين ان شاء الله انا خائف من الناس البختفو ديل يلم في البوست ومن عنوانو وجري علي المنتديات الجبهه الثورية علي مشارف ودمدني الله اكبر الله اكبر ولانامت اعين الكيزان اها الجماعة ناس المصدر هو جاهز ليهم البوست كاتبو كوز كبير تمبس ياخ ياسلااااام معناها الكلام صاح هههههههه تسلم ياحبيب
Post: #16 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 11:09 AM Parent: #5
Quote: يلم في البوست ومن عنوانو وجري علي المنتديات الجبهه الثورية علي مشارف ودمدني الله اكبر الله اكبر ولانامت اعين الكيزان
الله يا ود القرشي انا ما خايف من مجاسفة البوست بي خبرو .. انا خايفم يجاسفوهو .. ويحلق ليهو كمان .. ويجيبو ليهو صورة يا كمان يجيبوني انا قاعدين يحلقو لي ناس الديش بتاع الجبهة الثورية دي وتصورني كاميرا نجلاء سيد أحمد ويكتبو عليهو خاص الفجر الجديد
Post: #6 Title: Re: عاجل .. قوات الجبهة الثورية والفجر الجديد بعد خطوات من مدني ... Author: صلاح أبودية Date: 04-01-2013, 10:27 AM Parent: #4
المصدر ! حتى لو كضب .. لازم مصدر !!
Post: #7 Title: Re: عاجل .. قوات الجبهة الثورية والفجر الجديد بعد خطوات من مدني ... Author: أسامة البلال Date: 04-01-2013, 10:38 AM Parent: #6
خلعتنا يا زول طيب يا تمبا وكت الموضوع طلع كضبة أبريل كان تخليهم يدخلوا كافوري
الحاجة المتأكد منها إنهم حيدخلوا الخرطوم والقصر الجمهمري كمان ولكن عبر الإنقاذ وقبض التمن كما دخلها مناوي من قبل
Post: #9 Title: Re: عاجل .. قوات الجبهة الثورية والفجر الجديد بعد خطوات من مدني ... Author: محمد علي عثمان Date: 04-01-2013, 10:58 AM Parent: #7
النعنشة دي كلها عشان حق الاجار الحتاخدوا من .....الحشرات
Post: #20 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 11:19 AM Parent: #7
Quote: طيب يا تمبا وكت الموضوع طلع كضبة أبريل كان تخليهم يدخلوا كافوري
كافوري شنو يا اسامـة .. ياخ ديل حصلو لحدت الكبري .. عندك محمد سليمان الشهير بي استيف ومعاهو الشهيدة تراجي مصطفى قالو لينا سلمو المفاتيح بتاعات بيوتكم .. يعني عايزني ادخلم كافوري يا اسامـة عشان الدهشــة تكتل لينا قريمان تمنية قيقا ..؟ نديهم حبه حبه كدا .. اي زول يا اسامة بنكتب ليهو في سلمو .. عليك الله هم دافعين حاجة ..؟
Post: #17 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 11:11 AM Parent: #6
Quote: المصدر ! حتى لو كضب .. لازم مصدر !!
يا كومريد ,, امثالي لا يسالون من مصدر
Post: #8 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 10:45 AM Parent: #4
( و ا م ) وكالات : اكد الناطق الالكرتوني باسم قوات الجبهة الثورية الموحدة قريمان تمنية قيقا أن القوات الخاصة للجبهة الثورية .. قدمت بالأمس بيانا بالعمل للتضحية من أجل تخليص شعب السودان من حكومـة المؤتمر الوطني الفاسدة .. ومن سنوات الحكم العجاف والتي ادت إلى تدني مستوى الفرد من التعليم والصحة .. وفي صياغ الحديث أعرب عن أمله في أن يذيع البيـان الأول من خلال صفحتـه الخاصة بمنبر سودانيزاونلاين وقد ناشد الجميع انتظار بيانه بدخول قواتهم الخرطوم خلال الساعات المقبلة .. الجدير بالذكر ان قريمــان تمنية قيقا قد شوهد ضمن القوات الزاحفـة نحو الخرتوم عاصمة امدرمان .. وهو على ظهر مدرعـة من طراز Sony Vaio ذات الهارديسك عالي السعة ... وشوهد ايضا يقوم بتوزيع المنشورات التي تنادي بسقوط نظام الكيزان .. من على ظهر المدرعـة .. وفي ظاهرة عجيبة من نوعها ولأول مرة تشهدها ساحات المعارك قامت مجموعة أخرى من اعلام الفجر بتوزيع فلاشات 32 قيقا محملة باللافتات الدعائية التي قام مؤخرا باعدادها الباقر جكس .. وتقوم جهات أخرى بتوزيع كميات من اجهزة اللابتوب المحمولة تمشيا مع الثورة التقنية التي يقودها بعض افراد القوات الخاصة والتي كلفت بمهام تقنية .. في ظل مواجهتها لقوات الأمن الالكتروني تلك الموالية للحكومة التي انتظمت المواقع الالكترونية والتي دفعت بها القوات الحكومية الفاسدة برضو من أجل افساد بوستات المناضلين والمتعلقة بالزحف نحو الخرتوم عاصمة امدرمان .
Post: #11 Title: Re: عاجل .. قوات الجبهة الثورية والفجر الجديد بعد خطوات من مدني ... Author: محمد علي عثمان Date: 04-01-2013, 11:05 AM Parent: #8
Post: #19 Title: Re: عاجل .. قوات الجبهة الثورية والفجر الجديد بعد خطوات من مدني ... Author: بريمة محمد Date: 04-01-2013, 11:16 AM Parent: #11
تمبس
سلامات ..
الخرتوم إلا كن يزحف عليها الجراد الصحراوى ..
كتروا الموز لو عايزين الزحف!
بريمة
Post: #12 Title: Re: عاجل .. قوات الجبهة الثورية والفجر الجديد بعد خطوات من مدني ... Author: عباس محمود Date: 04-01-2013, 11:05 AM Parent: #8
تمبس ....كل ابريل وانت بخير
ياخي دي عملتها واسعة خالص
Post: #13 Title: Re: عاجل .. قوات الجبهة الثورية والفجر الجديد بعد خطوات من مدني ... Author: عباس محمود Date: 04-01-2013, 11:05 AM Parent: #8
تمبس ....كل ابريل وانت بخير
ياخي دي عملتها واسعة خالص
Post: #21 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 11:22 AM Parent: #13
Quote: تمبس ....كل ابريل وانت بخير ياخي دي عملتها واسعة خالص
.. يعني عليك الله يا عباس ح تكون اوسع من توسيعات قريمان تمنية قيقا الواسعـة ؟؟ قلنا بي مناسبة ابريل دي يا عباس نوسع بيهم شوويـــة .. حسع تلقاهم يتململو ساكت للخبر السعيد دا ويتكشمو .. ويتبسمو لي آخر ضرس ... نفسيات ياااخ
Post: #15 Title: Re: عاجل .. قوات الجبهة الثورية والفجر الجديد بعد خطوات من مدني ... Author: هشام عباس Date: 04-01-2013, 11:05 AM Parent: #8
تمبس سلامات خبرك كذبة ابريل لكن المستبعد شنو فى مثل هذا الخبر اذا كان ام درمان ذات نفسها دخلوها نهار جهار البحمى مدنى شنو
زغاريد نساء وهتافات الرجال فى ام درمان استقبالا لقوات خليل ابراهيم
Post: #18 Title: Re: عاجل .. قوات الجبهة الثورية والفجر الجديد بعد خطوات من مدني ... Author: حيدر حسن ميرغني Date: 04-01-2013, 11:12 AM Parent: #15
غايتو ياتامبا مابتعرفوا تدفنوا السر - جايينكم بالليل اي طرزان يطلع نيمة البيت
Post: #24 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 11:43 AM Parent: #18
Quote: غايتو ياتامبا مابتعرفوا تدفنوا السر
سر شنو البندفنو يا حيدر لي ناس الفجر ديل ..؟ والله نحن ندفن ليهم السر بي هنا .. تلقى سرهم .. يطلع ليك رجلينو بي بره .. ويتشنقل .. مش في حكمة بتقول .. دفـن الليل اب كراعا بره .. بسسس دا ياهو زاتو الدفـن البقصدو ليك ..
Post: #28 Title: Re: عاجل .. قوات الجبهة الثورية والفجر الجديد بعد خطوات من مدني ... Author: عبداللطيف شريف على Date: 04-01-2013, 11:55 AM Parent: #18
اتذكرت حكاية {محمود والنمر } .....!!!
Post: #29 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 11:58 AM Parent: #28
Quote: اتذكرت حكاية {محمود والنمر } .....!!!
محمود ميــن ..؟ محمود المليجي ..؟
Post: #38 Title: Re: عاجل .. قوات الجبهة الثورية والفجر الجديد بعد خطوات من مدني ... Author: عبداللطيف شريف على Date: 04-01-2013, 12:45 PM Parent: #29
Quote: محمود ميــن ..؟ محمود المليجي ..؟
فيل ابرهه.......!
Post: #22 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 11:37 AM Parent: #15
Quote: تمبس سلامات خبرك كذبة ابريل لكن المستبعد شنو فى مثل هذا الخبر اذا كان ام درمان ذات نفسها دخلوها نهار جهار البحمى مدنى شنو
ااهلين يا هشام .. الدخلة دي اسهل منها مافي .. حسع ان القدامك دا ممكن ادخل ليك فيل في كباية شاي عثمان حسين .. المافي شنـو .. ؟ الدخلة اصلا اصلن ما مشكلة .. المشكلة الطلوع كيفنهو ..؟ هاك متع نفسك .. اليوتيوب مليان .. يحمد الله سيدو وزي ما دخلو امدرمان .. فزو جاريين منها
...
Quote: زغاريد نساء وهتافات الرجال فى ام درمان استقبالا لقوات خليل ابراهيم
.. الما عارف يقول عدس .. هنا برضو في ناس قاعده تهتف وتزغرد .. للجيش .. وكان عايز هتافات وزغاريد للر ئيس برضو بنجيبه .. المسألة اسهل مما تتصور ..
Post: #23 Title: Re: عاجل .. قوات الجبهة الثورية والفجر الجديد بعد خطوات من مدني ... Author: Zakaria Gabeir Adam Date: 04-01-2013, 11:39 AM Parent: #1
زننننننننننننننننننننننننننن فعلا كذبت ابريل
Post: #25 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 11:46 AM Parent: #23
فعلــن يا جابر .. بس عشان ما يقولو حرمتهم من ايتها حاجة .. بالذات في ابريل دا .. وزي ما فبراير ليهو ميزاتو .. ايضا يناير ليهو مزياتو وكذلك الحال ابريل .. وتلتين يونيو عيد ثورة الانقاذ الوطني الظافرة .. وخمسة وعشرين مايو عيد ثورة مايو المجيدة .. وإلخ إلخ ..
Post: #26 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 11:49 AM Parent: #25
Quote: تمبس كيفك دي بقايا جهجهة اتحاد مدني ولا شنو ؟
اتحاد مدني شنو البجهجهني انا يا جمال .. انته قايلني خليل واللا كيكي .. واللا ود البشرى ..؟ وانت الصادق تكون دي باقي جهجهة الحضري ..
Post: #27 Title: Re: عاجل .. قوات الجبهة الثورية والفجر الجديد بعد خطوات من مدني ... Author: الجنيد حمد Date: 04-01-2013, 11:54 AM Parent: #25
نبوة قد تتحقق
العزيز / تمبس تحياتي
Post: #30 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 12:01 PM Parent: #27
Quote: نبوة قد تتحقق
الجماعة لاعبين كشتينة في السجـن .. قام واحد قال لي التاني الفورة كم ..؟ داك قاليهو الفورة 1000 في واحد تاني .. قاليهو انت لاحق شنـو ..؟ لذلك يا الجنيد .. نحن لاحقين شنـو ..؟
اهلين ومرحب يا الجنيد ..
Post: #31 Title: Re: عاجل .. قوات الجبهة الثورية والفجر الجديد بعد خطوات من مدني ... Author: الجنيد حمد Date: 04-01-2013, 12:05 PM Parent: #30
لاحقين الوطن
تحياتي مرة اخرى
Post: #32 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 12:09 PM Parent: #31
Quote: لاحقين الوطن
خلاص كنكش شديد في النبوة دي ... وما اكتر الانبياء الألكترونيين .. في هذا الموقع .. والمواقع المجاورة
Post: #34 Title: Re: عاجل .. قوات الجبهة الثورية والفجر الجديد بعد خطوات من مدني ... Author: الجنيد حمد Date: 04-01-2013, 12:21 PM Parent: #32
الربع ده شكلو ربع خير عديل بالنبؤات البدت تنبهل دي
واصل النبؤات ونحن نسعى لتحقيقها
عشان الفورة ما تبقى ولاية تانية
وعشان ما نحضر الجيل الثاني الدايرين يصنعوه ناس قطبي
Post: #36 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 12:30 PM Parent: #34
Quote: الربع ده شكلو ربع خير عديل بالنبؤات البدت تنبهل دي واصل النبؤات ونحن نسعى لتحقيقها
انا يا الجنيد ما من ناس النبؤات .. ولا ناس النبوت . نحن ناس امسك لي واقطع ليك .. بوردي بكري ابوبكري دا .. الانبياء البطلعو لينا النبؤات قاعدين ومالين المكان .. الواحد فيهم (يتبيّن) ومرات يتمها مويـة .. من ناحية باقية ولايـة تانية .. بالشايفو دا باقيـة .. وناس قطبي ديل اصبعم ما بيدخلوهو ..
Post: #33 Title: Re: عاجل .. قوات الجبهة الثورية والفجر الجديد بعد خطوات من مدني ... Author: Elkalakla_sanga3at Date: 04-01-2013, 12:16 PM Parent: #27
عزيزي تمس تحياتي الكيزان ديل قاعدين في السهلة منطقة رفاعية ان قالو بسم الله بصبحو في بتري
Post: #35 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 12:26 PM Parent: #33
Quote: عزيزي تمس تحياتي الكيزان ديل قاعدين في السهلة منطقة رفاعية ان قالو بسم الله بصبحو في بتري
دا كان قالو بسم الله يا الكلاكلـة .. ثم وين انت يا رجــل ..؟
Post: #37 Title: Re: عاجل .. قوات الجبهة الثورية والفجر الجديد بعد خطوات من مدني ... Author: علي عبدالوهاب عثمان Date: 04-01-2013, 12:40 PM Parent: #35
عنوان مثير جدا .. تركت وركضت خلف هذا .. لكن يا تمبس انت تعرف تحكي كويس حتى لوا ختلف الواحد معاك .. عندك اسلوب استرسال تمام وتعرف تجيب حقك وبالزيادة ( متابعك من زمان ) بعدين معنى تمبس بالدنقلاوية هو ( الاخ العزيز ) امبس ( اخي ) تمبس ( اخاه ) تمبسي ( اخوانهم ) بالمناسبة اخوك برلوم .. لكن بصراحة تعرف تسترسل كويس ( شهادة من غير الناطقين ) تحياتي ليك ودمت
Post: #39 Title: Re: عاجل .. قوات الجبهة الثورية والفجر الجديد بعد خطوات من مدني ... Author: ABUHUSSEIN Date: 04-01-2013, 12:46 PM Parent: #37
كدا ما جهجهتنا يا أخ...
أهلي ناس أمبده كل يوم إسخنو في النحاس .. لأنو قالو ليهم الناس ديل جايين بي أم درمان...
كدا حا إزعلو منك ... و حواشات الموز الزرعوها غرب أمبده دي أودوها وين ...؟؟؟
Post: #41 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 01:34 PM Parent: #39
Quote: أهلي ناس أمبده كل يوم إسخنو في النحاس .. لأنو قالو ليهم الناس ديل جايين بي أم درمان...
.... اها يا عادل دا الكلام الما بنفع .. حسع اخونـا هشام دا قال الجماعة قعدت تزغرد .. وانت جبت ليهم النحاس .. يعني الشغلانة بقت حفلة عديل كدا ..؟ غايتو على كل حال المرة دي محل النحاس دا الله اعلم يجو داخلين بيهو .. احتمال كبير يجو داخلين بي أركويت طالما جهزتو ليهم العدة بي امدرمان
Post: #40 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 01:27 PM Parent: #37
Quote: معنى تمبس بالدنقلاوية هو ( الاخ العزيز ) امبس ( اخي ) تمبس ( اخاه ) تمبسي ( اخوانهم )
وهل تعلم يا علي انو في فنان اسمو ( منصور تمبس ) وتاني في فنان برضو اسمو .. (ايمـن تمبس) ..؟ عليك الله مش منطقتك .. بي غير الناطقين بها ..؟ طبعا الحنك بتاع الرندوك دا أو التصريف بتاع تمبس دي ..؟ زمااان صرفتني الزميل تيسير عوووضة قلت ليها يا زولة خير مافي ايتها عوجـة .. يوم مشيت لي محل بتاع تسجيلات كاسيت هنا في الرياض .. وانا كان عندي مرضه كدا بتاعت اسمع اغاني شعبية .. ما مهم من ياتو منطقة لكن المهم انها اغانينا وحقتنا البتعبر عننا .. مشيت لي بتاع المحل كنت بدور عن شريط محدد قمته لقيت ليك شريط مكتوب فوقو منصور تمبس .. ياخ والله سرني هذا الخبر لابعد درجة خاصة انو انا علاء الدين منصور .. فقلته طالما انو المسالة رندوق وناطقين بغير بها فأكيد قاصدني انا على العموم شكرا يا أمبس علي .. لمتابعتك لشخصنا الضعيف من زمان .. وشكرا فيما يخص المدح في الاسترسال .. لكن اعمل حسابك ما يعوقوك الجماعة ديل طالما انك قلته تمبس دا زول كويس
Post: #42 Title: Re: عاجل .. قوات الجبهة الثورية والفجر الجديد بعد خطوات من مدني ... Author: خالد عبد الله محمود Date: 04-01-2013, 02:14 PM Parent: #40
Quote: الجماعة لاعبين كشتينة في السجـن .. قام واحد قال لي التاني الفورة كم ..؟ داك قاليهو الفورة 1000
أأأأخ ياخ !! لو كان قال ليهو الفورة مليون كنت طوالي عرفت الزول ده منو ..
غايتو النجيضة .. التاني ده ود الصايم ...
Post: #43 Title: Re: عاجل .. قوات الجبهة الثورية والفجر الجديد بعد خطوات من مدني ... Author: tmbis Date: 04-01-2013, 02:23 PM Parent: #42
Quote: غايتو النجيضة .. التاني ده ود الصايم ...
.. والله نجيضا يا خالد .. ايوة هو ود الصايم ب يشحمو ولحمـو
