*** آي أبو حسين جا تاني ...... ***

لقيتني مافيش و رميت مداخلتك دي .....؟؟؟؟؟

و عاين دا كمان ...

Quote: سؤال بالجنبه .. انتو مافى اوبشن بتاع مداخله واحده كل يومين .. EVERY OTHER DAY

إنت عايز تلخبط لينا الصيدلة مع المنبرة .......؟؟؟؟؟

في أوبشن زي دي ......بس بتسأل ليه ..؟؟؟

Quote: هي ابو الحسين دة الجابو حوش الناس الفوق منو

شايقي و صلعتو كبييييييييييييييييييييييرة ..... بتفاصح على شنو ما عارف ...!!!!!!!

وقع ماسمى - ابو حسين - سلامات يازوول معكر دمك الدنيا صباح

عبد الحكم الدنيا صباح مالك علي ....؟؟؟؟

دا يوم شنو دا الليلة ....؟؟؟

1 أبريل
و ربع جديد
و عبدالحكم ..؟؟؟؟

Quote: أبوحسين جا تاني..؟

تاني
و تالت
و رابع

أبو حسين بعاتي ...؟؟؟

السلام عليكم.. دقيقة يا بو حسين وقف الرش شوية لقايت ما أسلم عليك واقول ليك رش الحاقدين وخسوسا ود الصايم وأبو حتوت وود جبريل .. ولا تأخذك بهم حنية ولا يحزنون ...

قالت هالة صدقى فى مسلسل ارابيسك قولتها التى سارت بها الركبان:
كَنًك يا بوزيد ما غزيت

ويشهدنى فى عقوبات بكرى ابوبكر عديمة الجدوى تماما بعد فتح حدود المنبر السفلى لجيوش المحكومين بعدم الكتابه قول إحداهن:
يحموهم من المريسه, يِشِدٌوا العرقى

لا حول ولا قوة الا بالله ..
مرحبا بعودتك على أية حال ..

رش الفوق ده رش تقيل كمان يا أبوحسين ده كتره خالص خالص

تحياتي ود المشرف

Quote: قالت هالة صدقى فى مسلسل ارابيسك قولتها التى سارت بها الركبان: كَنًك يا بوزيد ما غزيت ويشهدنى فى عقوبات بكرى ابوبكر عديمة الجدوى تماما بعد فتح حدود المنبر السفلى لجيوش المحكومين بعدم الكتابه قول إحداهن: يحموهم من المريسه, يِشِدٌوا العرقى لا حول ولا قوة الا بالله .. مرحبا بعودتك على أية حال ..

حيرتني و الله في تنقلك ما بين هالة صدقي و المريسة ....

المرة دي حاول غير اللونية

لو سمحت

Quote: السلام عليكم.. دقيقة يا بو حسين وقف الرش شوية لقايت ما أسلم عليك واقول ليك رش الحاقدين وخسوسا ود الصايم وأبو حتوت وود جبريل .. ولا تأخذك بهم حنية ولا يحزنون ...

و عليكم السلام ...

و إنت الأداك حصانة منو

Quote: المرة دي حاول غير اللونية

كدي غير لينا إنت اللونية بتاعتك دي و نحن لك من التابعين إن شاء الله

Quote: كدي غير لينا إنت اللونية بتاعتك دي و نحن لك من التابعين إن شاء الله

اللون الفوشي كيف معاك ؟؟؟؟

هههههههههه ..
شفت يا أمير الكلام ده كيف ؟!

Quote: حيرتني و الله في تنقلك ما بين هالة صدقي و المريسة ....

لا لأى محاولة لحرف مسار البوست

حبابك ... حبابك يا أبوحسين
ليك وحشة..وحمدلله على السلامة..




...............................
كدي باصر لينا حصانة بالجنبة كدة ..نحن ناس مسالمين وما بنتحمل ..

عوووك ياودالصايم وود البشرى وتمبس امسكو العكاز من الزول دا

Quote: لا لأى محاولة لحرف مسار البوست

صااااااااااااااحي .................... لا مريسة لا عرقي ......

Quote: كدي باصر لينا حصانة بالجنبة كدة ..نحن ناس مسالمين وما بنتحمل ..

ما بديك شي ما بتستحقو يا أخوي ......

Quote: حبابك ... حبابك يا أبوحسين ليك وحشة..وحمدلله على السلامة..

حبابك ألف ....
لكن حمدا لله على السلامة دي ما عرفتك بتقصد بيها شنو ...؟؟؟؟
حكاية إني كنت موقف دي إشاعة من ناس حاقدين و إنت صدقتها
يعني ما أديتني أي فرصة علشان أتجود عليك بي حصانة و هاردلك ....

Quote: اللون الفوشي كيف معاك ؟؟؟؟

الفوشي يا كبير .....

السلام عليكم ابوحسين

كل - ربع - وانت بخير

يا ابوحسين عشان الحساب وكدا, رفعوا ليك الليمت لكم في اليوم؟

Quote: السلام عليكم ابوحسين كل - ربع - وانت بخير

و عليكم السلام ...

بس ربع دي ما عرفتك قاصد بيها شنو ...؟؟؟
لأنو في واحد أخوك فوق جاب سيرة المريسة و العرقي ....

Quote: يا ابوحسين عشان الحساب وكدا, رفعوا ليك الليمت لكم في اليوم؟

لغاية ما أنا أرسل ليه أقول ليه كفاية .....

Quote: العرقي

ربع في العرقي مافي

أخر شي نص والله أعلم


بعدين مالك كل ما واحد يقول معي السلامه تنط ليهوا جوز

حقو العقوبات تكون تصاعديه فى المنبر ده ..
يعنى لو وصلت حد مداخله فى اليوم ..
العقوبة الجايه - وأكاد أراها - تكون مداخله كل يومين .. ثم مداخله مره فى الاسبوع و .. هكذا

رايكم شنو يا شباب ..

Quote: لغاية ما أنا أرسل ليه أقول ليه كفاية .....

وجع ..

كان كدا اتنفخنا

شفت يا أمير الكلام ده كيف ؟!
---------------
ود المشرف أخوي خايفين نتكلم ..




كامل التضامن مع أبوحسين ضد الخونة والحاقدين .. أها لقيتني كيف يا أبو حسين

Quote: أها لقيتني كيف يا أبو حسين

لقيتك بتتونس مع واحد من الحاقدين على أبو حسين ......

يا بكري عبد الرحمن ..

انت بتجيب الناس الزي ديل من وين!!

ما ممكن يآخ
!!

اوووووووف لقد طهقنا .. لقد طهقنا ..

معليش آ حيدر ..
وابوحسين جا تانى ليست آخر المطاف ..
وكما قال الأخ بعضمة لسانو سيأتى تانى وتالت ورابع ..
وعشان كده انا اقترحت العقوبات التصاعدية ..

Quote: وعشان كده انا اقترحت العقوبات التصاعدية ..

عقوبات تصاعدية واقترح كمان النقاط..
أي يكون في البروفايل عندك عدد خمسة نجمات هكذا ( *****)
كل عقوبة تخصم من رصيدك نجمة .. وبعد خمسة عقوبات تاخد تمشي تطلع رخصة من اول جديد..

تخيل مثلاً انه بكري عبد الرحمن طبق نظام النقاط دا فكيف كان سيكون وضع ابو حسين غير ان يظهر بروفايله بهذا الشكل

( - ) ( **************** )


الشعب يريد حلاً

Quote: يا بكري عبد الرحمن .. انت بتجيب الناس الزي ديل من وين!!

إذا كان بكري جاب اشكال بالبشاعة دي ...



المانع شنو إجيب ناس بالوجاهة دي :-

فكرة النقاط فكره ممتازه يا حيدر ..
كل واحد يكتب ومعاهو نجومو ..


..
الكلام ده كيف معاك يا سعادة اللواء؟!

Quote: ربع في العرقي مافي أخر شي نص والله أعلم

بتاع العرقي عارفك مغترب علشان كدا بقول ليك ربع مافي ... عارفك بتدفع أي شئ
أو
إنو ربع ما بعمل ليك حاجة علشان كدا بتطلب نص ...

Quote: محمد حيدر المشرف

Quote: HAIDER ALZAIN

تشابه في الأسماء و إن كتبت بلغة مختلفة ..
فلا غرابة في تشابه سوء النوايا ....

نسأل الله السلامة

Quote: وجع .. كان كدا اتنفخنا

أسكت إنت كمان ....
إنت ما منفوخ من زمااااااااااااااااااااااان يا حسن شحاتة .................

Quote: حقو العقوبات تكون تصاعديه فى المنبر ده .. يعنى لو وصلت حد مداخله فى اليوم .. العقوبة الجايه - وأكاد أراها - تكون مداخله كل يومين .. ثم مداخله مره فى الاسبوع و .. هكذا رايكم شنو يا شباب ..

أنا ما قلت ليك لخبطت ما بين الصيدلة و المنبرة .......
تكاد تقول جرعة في اليوم بدلاً من مداخلة في اليوم .....

Quote: معليش آ حيدر .. وابوحسين جا تانى ليست آخر المطاف .. وكما قال الأخ بعضمة لسانو سيأتى تانى وتالت ورابع .. وعشان كده انا اقترحت العقوبات التصاعدية ..

إنتو مداخلات أبو حسين دي خصماً من مداخلاتكم و ل بتدفعو عليها ضريبة ....؟؟؟

Quote: عقوبات تصاعدية واقترح كمان النقاط.. أي يكون في البروفايل عندك عدد خمسة نجمات هكذا ( *****) كل عقوبة تخصم من رصيدك نجمة .. وبعد خمسة عقوبات تاخد تمشي تطلع رخصة من اول جديد.. تخيل مثلاً انه بكري عبد الرحمن طبق نظام النقاط دا فكيف كان سيكون وضع ابو حسين غير ان يظهر بروفايله بهذا الشكل ( - ) ( **************** ) الشعب يريد حلاً

البقرأ كلامك دا ما إقول دا الطريفي اللي كان بكري بفكو علشان إربطو تاني
يا عربي نسيت أيام يوم آه و ربعين لا.....

Quote: فكرة النقاط فكره ممتازه يا حيدر .. كل واحد يكتب ومعاهو نجومو ..

حيدرك دا لو طبقو النظرية المجلية دي حا إبدأ بدون أي نجمة

لأنو كملها زمااااااااااااااااااااااااااااان........

انا مع حرية التعبير ،،،

Quote: انا مع حرية التعبير ،،،

في زول سألك عن رأيك .....?????

و بعدين إنت صاري لينا وشك كدا ليه ..

ديشاااااااااااك الزول دا خرمان جنس خرم
أها برش ليكم كل مداخلاته هسي وبرجع للفيس من تحت
وعشان كدا قال ليكـ يا ود البشرى لغاية ما أقول بس
..
..


الربع اللين من بشايرو بين

أي مساعده يا أبوحسين نحنا جاهزين ..

Quote: ديشاااااااااااك الزول دا خرمان جنس خرم أها برش ليكم كل مداخلاته هسي وبرجع للفيس من تحت وعشان كدا قال ليكـ يا ود البشرى لغاية ما أقول بس

يا حاقد من هنا و من الفيس و من الوات كمان يعني ممكن أعمكل ليك حصار يا بتاع الملافظ إنت ..

Quote: أي مساعده يا أبوحسين نحنا جاهزين ..

ساعد نفسك يا أخوي .....

ما ملاحظ إنو مداخلاتك بقت كتيرة في البوست دا ....

Quote: Mohamed Jamal · الأكثر تعليقا · ENSA Oujda سؤال برئ: لماذا خفت نجم معاوية عبيد مع توقعي اعتراضك على النجومية رد · أعجبني · متابعة المنشور · منذ حوالي ساعة

محمد جمال شايفك إنضميت لي شرزمة الحاقدين ......

Quote: ود الباوقة بكون قاعد يسخن رد · أعجبني · منذ ‏16‏ دقيقة

عاين الوهم دا كمان ...

الناس ماشين لي فوق .......................
إنت ماشي لي تحت .........................

Quote: حامد بدري · الأكثر تعليقا · ‏44‏ سنة باوقيشان غايتو لصيقة جدا اسمها دي كيفنك اخوي رد · أعجبني · منذ دقيقة تقريباً

إنت عايز تتونس هنا و ل شنو ....؟؟؟


باوقيشان دا عندو حساب في الفيس بوك أمشي إتونس معاه هناك ....

انت ما عندك خبر اني عينت نفسي مساعد ومستشار لحضرتك علشان اضرب ليك الخونه والمارقين والحاسدين أعلاه بيد من حديد ..

Quote: انت ما عندك خبر اني عينت نفسي مساعد ومستشار لحضرتك علشان اضرب ليك الخونه والمارقين والحاسدين أعلاه بيد من حديد ..

إنت إشتغلت في يوم من الأيام كسادن لأحد الأنظمة الشمولية .....؟؟؟؟

Quote: يا حاقد من هنا و من الفيس و من الوات كمان يعني ممكن أعمكل ليك حصار يا بتاع الملافظ إنت ..

يا ابو حسين ارحم نفسك وخدلك بريكـ
شكلك مو أنت وانت قاعد ترد من البورد مباشرة
ايييييييييييييييييييييه دنيا

مرحبتين .. وتاني ما تعمل كدا ...

ارفعو اقل امكم عن ابو حسين

Quote: يا ابو حسين ارحم نفسك وخدلك بريكـ شكلك مو أنت وانت قاعد ترد من البورد مباشرة

إنت لي أسه متابع لي الإعلانات يا وهم ....؟؟؟

Quote: مرحبتين .. وتاني ما تعمل كدا ...

يا زول بعمل أكتر من كدا .....

Quote: ارفعو اقل امكم عن ابو حسين

حافظ الـT-Shirt لو خانقك رجعو لي سيدو ......
خلي إشوف ليك واحد كبير شويه ....

Quote: محمد عبد الله الأمين · الأكثر تعليقا انقابوا النيو لوك ماعندك ياااخ مافي اي شخشخة خرتة البوردااااب رد · أعجبني · متابعة المنشور · منذ ‏3‏ ساعات

النيو لوك ياتي فيهم
الـT-Shirt المستلفو و لأ تقصد الخنقة ...

وانا اقول المنبر منور مالو
يا مرحباً بعودة فارس الكلمة
شوف يا ابو حسين
اثناء ما كنت موقف ظلماً وعدواناً من الريس كانت هناك مواقف غير مشرفة تجاهك من التالية اسمائهم
الامين موسى البشاري (دا فتح البوست)
العتالة
طارق جبريل
ابو حتحوت
حيدر حسن ميرغني (ياخي دا قرب يقلع البوست من سيدو)
معاوية المدير
ود الصائم
البرلوم سيد احمد الشامي
جمال ود القوز
صبري طه برضو مشترك معاهم
فشنو
رش ولاتخاف فيهم لومة لائم
كسرة
عليك الله ما تقول لي شكراً لل............... لاني عارفك مسيخ واول ما حتخطر على بالك
ثانياً
انا الجماعة الفوق ديل كلمتهم ووعيتهم وقلت لهم الزول دا بجيكم راجع لكن ما صدقوني
لكن يا جماعة النبشركم
عمره في الملاعب الرياضية اصلو ما طويل
كسرة تانية وما عندها اي علاقة بالفوق دا
وصل التحايا

Quote: ابوحسين سلام جيتك في بوستيك علي وزن بيتك اسلم عليك بس

و أنا فاتح لي بوست علشان الناس تجي تسلم علي....

Quote: سلامات عوافي ابوحسين عودا حميداً في شمار لافي في المنبر بانك لابد من الكشات الحائمة في البلد ديك

عوداً من وين ...؟؟؟
إنت برضو من الناس اللي بروجوا لي الإشاعات عني .....

ابوحسين سلام
جيتك في بوستيك علي وزن بيتك
اسلم عليك بس

..

سلامات عوافي
ابوحسين عودا حميداً

في شمار لافي في المنبر بانك لابد من الكشات الحائمة في البلد ديك




مع الود

Quote: وانا اقول المنبر منور مالو يا مرحباً بعودة فارس الكلمة شوف يا ابو حسين اثناء ما كنت موقف ظلماً وعدواناً من الريس كانت هناك مواقف غير مشرفة تجاهك من التالية اسمائهم الامين موسى البشاري (دا فتح البوست) العتالة طارق جبريل ابو حتحوت حيدر حسن ميرغني (ياخي دا قرب يقلع البوست من سيدو) معاوية المدير ود الصائم البرلوم سيد احمد الشامي جمال ود القوز صبري طه برضو مشترك معاهم فشنو رش ولاتخاف فيهم لومة لائم كسرة عليك الله ما تقول لي شكراً لل............... لاني عارفك مسيخ واول ما حتخطر على بالك ثانياً انا الجماعة الفوق ديل كلمتهم ووعيتهم وقلت لهم الزول دا بجيكم راجع لكن ما صدقوني لكن يا جماعة النبشركم عمره في الملاعب الرياضية اصلو ما طويل كسرة تانية وما عندها اي علاقة بالفوق دا وصل التحايا

و الله كراهيتي في الدنيا دي المداخلات الطويلة دي .....
قوم لف مليتني فقر .......

Quote: و من الفيس و من الوات كمان

واحد دخل علي مرته لقاها مدمدمه نايمة ...

شداها من شعرها و قاليها قومي ...قبال 30 ثانية كنتي في الوات يا مستهبله ....؟؟؟

ابو حسين ... ازيك ياخي ...

الجابك يجيب ود الموج انشالله ...

Quote: النيو لوك ياتي فيهم الـT-Shirt المستلفو و لأ تقصد الخنقة ...

بقصد طقم السماعات مع التشيرت ... أبيض في أبيض
.
.
يابوحسين ياااخ حافظ افتتح النيولك في بوستي ده وكسر ليك التلج كمان
تقوم تحبطو كده ههههه كامل التضامن مع الاخ انقابو ...

والله يا ابوحسين اثبت بالبوست دا إنّك تستحق لقب كبسور البورد عن جدارة
البجي حايم بجمبك ساي تليّس ليه
العايز يكسّر تلج ترجّعو بي تلجو
العايز يسالمك ساي سلام الله و الرسول دا تكبس ليه
الله يسألني بكري أصلو ما خاتي عليك كان قطع منك الكهرباء

Quote: والله يا ابوحسين اثبت بالبوست دا إنّك تستحق لقب كبسور البورد عن جدارة البجي حايم بجمبك ساي تليّس ليه العايز يكسّر تلج ترجّعو بي تلجو العايز يسالمك ساي سلام الله و الرسول دا تكبس ليه الله يسألني بكري أصلو ما خاتي عليك كان قطع من الكهرباء

Quote: والله يا ابوحسين اثبت بالبوست دا إنّك تستحق لقب كبسور البورد عن جدارة

أبو حسين إترش يا جدعان

Quote: الجابك يجيب ود الموج انشالله ...

العكننة لزومها شنو ......

Quote: بقصد طقم السماعات مع التشيرت ... أبيض في أبيض

الولد ذكي و ل شنو ...؟؟؟؟

Quote: كامل التضامن مع الاخ انقابو .

كدي شوف ليك زول إتضامن معاك إنت الأول ...

Quote: والله يا ابوحسين اثبت بالبوست دا إنّك تستحق لقب كبسور البورد عن جدارة البجي حايم بجمبك ساي تليّس ليه العايز يكسّر تلج ترجّعو بي تلجو العايز يسالمك ساي سلام الله و الرسول دا تكبس ليه الله يسألني بكري أصلو ما خاتي عليك كان قطع منك الكهرباء

يا حسن ياخ البوست من قولة تيت معروووووووووووووووف إتجاهو وين ....
و كل الوهم اللي دخلو هنا دخلو علشان إترشو ....
إنت ذاااااااااااااااتك يا كبتن حسن بتدخل هنا علشان تترشى ...

..

Quote: عوداً من وين ...؟؟؟

للمداخلات الما محدودة

الشمار ماعجبنا وحبينا نتاكد من مدي صحته بس


مع الود

Quote: saidahmed shami

غالبك تكتب الكلام إنتظرت لم كتبو كابتن حسن و كوتو يا الناجح .....

Quote: أبو حسين إترش يا جدعان

حافظ البومة

دي جبتها من وين ................

Quote: الشمار ماعجبنا وحبينا نتاكد من مدي صحته بس

المرة الجاية إتأكد من الشمار بعيد مني و بعدين تعال
علشان أنا ما بتاع شمارات ....

Quote: حافظ البومة

بركة الجيت يا ابو حسين.

يا اخي البورد بلآك مُتعة.
والله صحي.

في ناس كُتار ما دايرنك تجي، رُشهم
ورُش الوآطة زاتها جمبهم.

مودتي...

Quote: يا اخي البورد بلآك مُتعة.

بالغت والله ... ياخ ابو حسين ده زول كويس .. ليه تقول عليه كده؟

عشان عارفاك بتحب القرود .. قلت ما بجيك يدي فاضية

والتحية لبنات خوجلي .. والعزيزة سامية حامد .. واهدي الاغنية لكل الاهل والاصدقاء

الوهم اللي دخلو أخيرا مواعيدي معاكم بكره

فليخسأ الحاقدون !!!
أبوحسين عافية المنبر !!!

الزول دا طلقاته كملن ولا شنو؟!

Quote: بركة الجيت يا ابو حسين.

جيت من وين يا وهم ....
أنا مشيت عشان أجي ...
قاعد ليك و لي أمثالك....

Quote: بالغت والله ... ياخ ابو حسين ده زول كويس .. ليه تقول عليه كده؟

الشماتة ما كويسة و حقدك معروووووووووووووووووف .................
و زي ما قالو القمم مستهدفة ....
و زي ما قالو ناس تانين الما بتلحقو طقعوا ....

Quote: عشان عارفاك بتحب القرود .. قلت ما بجيك يدي فاضية

تصدقي العكس ....
مصيبتي الكبرى إنو القرود متعلقة بي شديد.....
و دونك هذا البوست ............

شيليهم معاك إنتي أولى بيهم .....

Quote: العكننة لزومها شنو ......

ابو حسين ...

الدش ده قالوا في القصر الجمهوري ...

Quote: فليخسأ الحاقدون !!! أبوحسين عافية المنبر !!!

و إنت أولهم يا حاقد.....

Quote: الزول دا طلقاته كملن ولا شنو؟!

عمري دا كلو أعلم فيك يا وهم و برضو في غيك القديم...
قوم لف ... ثم قوم لف .... ثم قوم لف

ما خاتين عليك ناس الليل ...
إن شاء الله إلمو فيك كدا كم واحد على إنفراد إجهجهوك جهجهة شديدة ...

كبسور .. كيف أصبحت؟
نعل ما كمّلت الدراب و الطوب الفي خشم الباب

لسه عندي زخيرة تكفي لرجم كل الحاقدين أمثالك يا حسن شحاتة ............

و أعني ما أقول

بعيدا جدا عن هاله صدقى وحسن آرابيسك ..
ذكرنى هذا البوست بحملة عبد القيوم الانتقامية .. تلك القصه !!
متع الله ابو حسيننا الذى نحب بطول العمر ..

حملة عبد القيوم الانتقامية

بشرى الفاضل

قف!هذه نوا فير من السائل الأحمر ترشح من المداخل والمخارج وأخرى تنز من من البطن المبقورة. هل هصرت الطماطم يوما فى عينى جارك فى مطعم عام حتى سال أكسير حياتها؟ ذلك حال جسد عبد القيوم (ساعتشؤم) رمت به راجلا فى طريق عام وهو الراكب شبابه كله. يصرخ المرء-يقولون- ثلاثا ولكن عبد القيوم يصرخ بلا حصر فى المظاهرات والعراك والسكر وصرخة أخيرة حين دهسته العربة الزيتية ذلك المساء.كانت أمه وهو طفل ترسله للسوق صباحا فيعود محملا بالزيت والسكر وامانى السفر للبعيد المجهول.صوت العربات موسيقاه البدائية الابتدائية: رن رن ترن ترن-رن..يدنو من الواحدة منها ويتغزل كما لم يفعل ابن أبى ربيعة في النساء.
عبد القيوم لا يعجبه القمح الذي يعجب أولاد حاج التوم ولا زراعة الفاصوليا التى تعجب اولاد زكية.ولا السباحة التي يغرم بها خليفة ود حسب الله ولكن عربة ذات سفرة جذبته إليها فأذعن... اقترب من سائقها واتفق معه على السفر المجاني على ان يقوم يرمى (الصاجات)كلما غرقت العربة وكان الرمل بحرا.
-كيف يا ولدى تشتغل فى الحديد؟ ما فيهو امان. يا ولدى الله يهديك.
-يابا ان داير صالحي باركا. الناس كلهم شغالين الحصل ليهم شنو؟ وكان ما كان فهذا زمان تتقلص فيه السلطات الأبوية المطلقة. ودعه ابوه بصوت كانه خارج من البئر. ودعته امه بصحن زاد وصحن دموع....ورجعا لمنزل قلت فئرانه.شهر وأخر وعبد القيوم يروح ويجئ مثل ثور ساقيه كوني يتم دورته فى ثلاث ليال بدلا عن ثلاث دقائق ولكن الدموع والدعوات وصحن الزاد لا تنقطع.
وفى أحدى اوباته اخطر والديه بانه تعلم،وان هذه المرة ستكون الاخيرة فى رحلات الذهاب والإياب الأسبوعية وان العمل فى الخرطوم راقد على قفاه وهكذا كانت مشيئته لا رد غير غزير دموع ومطر الدعوات الحزين.....
لم يمض شهر حتى ارسل عبد القيوم ثلاث جنيهات ولم يمض شهران حتى ارسل جنيهين ونصف وهكذا ظل ما يرسله يتناقص عكسيا مع تالقمه الجديد فى المدينة ولهوها. ومع هذا فان الدعوات المنكسرة من والديه لم تنقص واحدة.ثم كان ما كان من امر العربة الزيتية. الناس تجمهرت حول الجثة وتوقف القاتل مرتبكا فكان يبدو خلف الزجاج كدمية عرض فى متجر .الناس صاحت فيه وبصقت لكنه كان يرتجف- وهكذا اخرج سخط الناس من بين أسنانه المصطكة خوفا.....
قال يوسف صديق:جاءت زوج عبد القيوم تولول:الليلة يا عديلي خليت نائلة وسعد للخلا... البله يا ضوى وركيزة بيتى ووى وى.....
تخرج الجنازات فى المدينة كاى واجب وكاى واجب دفنوا عبد القيوم.
حين كان يافعا كان متخصصا فى صناعة المراكب الصغيرة لأصحابه بالمجان ولأبناء القرية بخمسة قروش، مركب يقضى فى صناعتها نهاره كله-غيره كان يعبر النيل من الجلدة للجلدة او فى فك طلاسم الحروف ولكن عبد القيوم مغرم من بين المعادن بالحديد....فى الخلوة كان الشيخ يرسله ليسقى الحمير او يتسلق النخيل ليحضر له رطبا او ليسرج راحلة ضيف.وهكذا كانت نار القرآن – بردا وسلاما على إبراهيم وأولاد حسب الله وغيرهم وحامية على عبد القيوم. كان عبد القيوم مظلوما ظلم ###### اهل الكهف فى نوم لا صالح له فيه وانتهت حياته فى الخلوة والدرس بصرخة اثر سوط حام.وعبد القيوم يصرخ بلا حصر.
ساعد أباه كأجير مرادف فى ارض لا يملكانها وأحايين أخرى لطخ بيوت الناس بالزبالة وبدلا من ان يعاقب كان يمنح اجرا لقاء التلطيخ....ولكنه اجر لا يتمكن من صره فى طرف ثوبه. وهو كبير ترسله امه الى السوق. الناس فى سنه تموت فى سود العيون وهو يموت فى عينى عربة... البيدفورد يا عبد. الله كريم. الله كريم يرددها مختلفة الإيقاع والزمن بلهجة من كتب عليه الفقر وأذعن....

وصله طرد بلح من أمه , ففرح به فرح عابرا سبيل عفا عنه ###### عقور , فتح الطرد وشمّه . وتمسح به وبكى ودعاه حنينه للعودة فكانت في حياته سكينة , امرأة لا تحمل اسمها ،وهى فى فركة عرسها عفرتت عليه حياته ، طموحها لا نهائي ولا يحوشها حوش . كانت تتجمّل وتشاكسه وتحبه حباً من نوع غريب وجاسر . حدّاثه , (شهرزاد) جارتها بلا منازع , يقطعن بالقسر تلفزيوناتهن ويتسربن إليها فتحكي فيظهر القمر . وتحكي فتضحك الحيوانات الأليفة والنباتات المتسلقة . وتحكي حتى لا تبقى للواحدة من جاراتها مصران فيرجعن عند طرقات عبد القيوم المألوفة المتعبة على الباب . تفتح سكينة وتكون له الليل ببقيته .. حتى أنيلت وأحسنت ولكن حسن مات في مهده , فأسعدت وفي الطريق قادم ...
كان هناك بلدوزر , فرغ به سائقه من يوم عمل شاق . وقفل به راجعاً إلى حظيرة الشركة داس السائق فتأوه البلدوزر من تعب , وان داس السائق مرة أخرى رشح البلدوزر البترول كله كلما يتقيأ مخمور .. رجع السائق إلى الوراء فمشى مرة أخرى إلى الأمام فأبى .. غضب السائق ورجع بسرعة فائقة إلى الوراء فاقترب من المقابر وهتك قبراً , نزل السائق خائفاً وترك الماكينة الصماء مكانها واختفى . كانت الصراصير تناوب الضفادع الحراسة الموسيقية للموتى .. وكانت بالقبر المهتوك حركة .. أطلّت جمجمة من الكوّة المتاحة تلفتت يمنة ويسرة وأعادت رأسها إلى القبر في هدؤ . مرة أخرى , الجمجمة لم تر اللص الذي يخبئ وارده في قبر مجاور ولم تشم رائحة الفجر ولم تسمع صوت الآذان المصري اللكنة .. ولم ! كانت جمجمة مثقوبة في الجبهة بنفس موضع هلال العرس . مثل شوكة سمك البلطي انسلّت الجمجمة من القبر , متبوعة بالهيكل العظمي المتبقي من كائن ما : إسمه عبد القيوم . أحدث الهيكل جلبة لا قبل للحذر بتفاديها ومشى طاخ تراخ طاخ نحو البلدوزر , ولكن كل ذلك مرّ بسلام . ومن الغضب كان تل عبد القيوم يزعتر , حتى امتطى ظهر البلدوزر الضخم . كانت الكوة في موضع الهلال من رأسه تعوي وا وووا وا حيث يتداخل الهواء الفاسد والغضب في لجتها قالت الجن سر أيها البلدوزر قال الضؤ أسرع أيها البلدوزر قال عبد القيوم : ـ هيت لها أيتها الشوارع وا ... وووا .. ! وتحركت الآلة العجيبة من أول إشارة من قيوم القائم قبل القيامة ..
كانت الحركة ذلك الصباح مكدسة العربات مكتظتها . عربات صفراء وحمراء وخضراء , ولا عربات و عربات لا سوداء .. دهش عبد القيوم وهو السائق القدير إذ رأى الجميع يسيرون يمين الشارع . دهش رجل الحركة أن البلدوزر يقوده هيكل عظمي فظيع لات حين مهرب . هذا هو الثور وأنتم المستودع الشهير ..
إشتعل عبد القيوم غضباً . لا أحد يخبرهم بالتغييرات التي تحدث في هذا الكون .. وا ووووا .. وا وطفق يدهس في البطاطس البشرية داخل العربات المكتظة , بعضهم تردد ممن كان في آخر الصف في أن يتركوا مارسيدساتهم هكذا . فكان موتهم مسبباً بالتردد .
هرس . دهس .. يوم كامل وعبد القيوم يدهس . وهذا البلدوزر العجيب لا توقفه المتاريس . ولا طلقات البندقية ولا الدبابات ولم ينضب بتروله . وكان عبد القيوم محنطاً لا يسري الرصاص في جسده الماسي ذي الغضب المفتوح . ذلك الغضب الذي لا يفني ولا يخلق من عدم .
جليلة مدّت رأسها فوق الحائط الذي يفصل بينها وبين الشارع فرمت طفلها وتخلّت عن أمومتها فجأة وصرخت : بسم الله ! اليلة يا شيخي تلحقنا وتنجدنا . مولانا حبيب الله من فوق مئذنة الجامع في الظهر أبصر المشهد فصرخ من خلال الميكرفون : ـ أشهد أن لا إله إلا الله . يا مسلمين توبوا إلى الله . المسيح الدجال ظهر . وأخذ ذو نظارة متخشبة يسير لصق زميله مراقباً , وله ولزميله أعين كخرز الدجاج – الذي يدعى أعينا – تضئ وتنطفئ قال : دا دونكيشوت خلّي بالك بناطح ساكت ..
كان تل عبد القيوم يزعتر : أولاد ال###### تقتلوني ؟ وهو انا شفت حاجة في الدنيا ؟ انتظروا . وقرر عبد القيوم أن يرتاح قليلاً فزاد من سرعة مركبته فأنطلقت بسرعة فلكية واتجه شرقاً وانعطف بعد أن كنس كل البيوت والعمارات التي قابلته وأطفأ غضبه في النيل ..
كان النيل رحباً .. وكان يقبل الجميع ويطيّب خاطرهم . إتجه البلدوزر وتابعه إلى العمق وهناك إقتربت سمكة بلا زعانف وفيما بعد حكت لصويحباتها عن جمجمة مثقوبة تقول بغ – بغ – بغ وكيف أنها حين ولجت بداخلها لم تجد لحماً ينبت لها زعانفها . ضحكت صويحباتها وسبحن معها حول وتحت وفوق وعلى وفي البلدوزر وصاحبه عسى ولعل , لكن فقاقيع من الغضب كانت وحدها تخرج من بين الجسمين الملتحمين معاً بإلفة شديدة

ود المشرف تشتري البوست دا .....؟؟؟؟

إن شاء الله تبيع فيه بنادول ......

Quote: إن شاء الله تبيع فيه بنادول ......

البضحك شنو إنت كمان .......

تحياتي ابو حسين

رش الوهم

التوقيع : مستشارك ومساعدك للاعلام والعلاقات الدولية

Quote: Mamoun A. Nour · Riyadh, Saudi Arabia ههههههههههههههه حقيقي رسمت على وجهي إبتسامة جميلة أبو حسين .. أستمتع بمكاجراتك .... التحية لك وعبرك للجميل حيدر- المشرف - ود البشاري -أنقابو وكثيرين استمتع بهم يوميا ..ياخي إنتو ناس عسل والله رد · أعجبني · متابعة المنشور · منذ ‏5‏ ساعات

يا زول مكاجرات شنو إنت كمان ....