Post: #1
Title: الطفأ النور دا منو؟
Author: قيقراوي
Date: 04-01-2013, 00:16 AM
Parent: #0
يا عمك لسة عندنا باقي حسابات ياخي
---------
شكراً جزيلاً يا ريس
طيب ياخي في اطار التعاون بين البلدين الشقيقين دا ما تجي نرفع مستوى التمثيل الدبلوماسي لي مكتبة عديييل كدا
المافي شنو؟
:)
|
Post: #2
Title: Re: الطفأ النور منو دا منو؟
Author: ابراهيم عبدالناصر
Date: 04-01-2013, 00:17 AM
Parent: #1
قيقراوي ..
معاك شمعه ؟؟
|
Post: #6
Title: Re: الطفأ النور منو دا منو؟
Author: قيقراوي
Date: 04-01-2013, 00:42 AM
Parent: #2
ابراهيم يا عمك
عليك عمك دا ما بذكرك مشرف المكتبة؟
-------
ولا بشهلك ذاتو ..
ان شاء الله يكون باقي ليك سطر واااحد!
كف نف بطفي النور
|
Post: #3
Title: Re: الطفأ النور منو دا منو؟
Author: قيقراوي
Date: 04-01-2013, 00:20 AM
Parent: #1
كل ارشفة وانتو بالف خير يا شباب
ان شاء الله دايمن تامين ولامين
معاوية الزبير ما كملنا باقي النضم
مشتاقين يا حبيبنا مصطفى عبيد
اما نت يا حبيبا لا نورة ففي الزبالتي كنتما
حبيبة لا نورا ..
سجم نورا
قيل:
دي مكتبة منو ياقيقا......!!
ربنا يرحم حبيبنا د. مجدي ويبشبش الطوبة التحت راسو
مرت سنة وشهر ..
كان اسي استلم البوست دا!!
-------
اسمارت والله انا اسف جداً
امسحيها لي في ي ي وش حبيب نورة دا
|
Post: #4
Title: Re: الطفأ النور منو دا منو؟
Author: سارة عيسى أحمد
Date: 04-01-2013, 00:34 AM
Parent: #3
كل ارشفة وإنت بخير
كامل التضامن معاك مقدماً
|
Post: #9
Title: Re: الطفأ النور منو دا منو؟
Author: قيقراوي
Date: 04-01-2013, 00:55 AM
Parent: #4
سارة عيسى الاخرى
Quote:
كل ارشفة وإنت بخير
|
وانت بالف خير يا صديقة
----------
Quote:
كامل التضامن معاك مقدماً
|
كلام رجال؟
انا بعد الخنتيلا هارسلف جرت واطي .. صراحة بقيت ما بثق في تضامنكن
تضامن بنين بس بعدا
|
Post: #5
Title: Re: الطفأ النور منو دا منو؟
Author: smart_ana2001
Date: 04-01-2013, 00:36 AM
Parent: #3
كل أرشفة و أنتو بألف خير.
معقولة يا قيقا يا أخي.!!! العفو.
يسلم وش حبيب نورة. :)
|
Post: #8
Title: Re: الطفأ النور منو دا منو؟
Author: حبيب نورة
Date: 04-01-2013, 00:52 AM
Parent: #5
Quote: كل أرشفة و أنتو بألف خير.
معقولة يا قيقا يا أخي.!!! العفو.
يسلم وش حبيب نورة. :) |
ينصر دينك يا سمارت
ربنا يعلّي مراتبك
ويعمّر مكاتبك :)
|
Post: #11
Title: Re: الطفأ النور منو دا منو؟
Author: قيقراوي
Date: 04-01-2013, 01:08 AM
Parent: #5
Quote:
كل أرشفة و أنتو بألف خير.
معقولة يا قيقا يا أخي.!!! العفو.
يسلم وش حبيب نورة. :)
|
والله راحة انا ما عرف بكري حاقر بيك ليه؟
ياخي تسلمي والله
--------
هو قليك حبيب نورة وشو باقي فيو مزعة لحم من مراقبة الناس في المترو؟
احكي ليكم نكتة في الليل دا رايكم شنو؟
عارفكم موافقين .. اسي في منو في الربع الخالي دا يونسكم يا سقد (ناس المشرق)
واحد ببيع سلات -لحم مشوي على الحصى لغير الناطقين بها- في موقف اللواري
اها ناول الزبون، واللوري اتحرك .. وبقا جاري ورا اللوري .. جيب القروش يااا
جاري ورا اللوري ويكورك : جيب القروش يااا .. لمن فقد الامل قال ليو:
اه هو ذاتو ميت!
حلوة مش؟
اها حبيب نورا دا وشو سلات الزول دا بس
|
Post: #7
Title: Re: الطفأ النور منو دا منو؟
Author: حبيب نورة
Date: 04-01-2013, 00:48 AM
Parent: #3
Quote: كل ارشفة وانتو بالف خير يا شباب
ان شاء الله دايمن تامين ولامين
معاوية الزبير ما كملنا باقي النضم
مشتاقين يا حبيبنا مصطفى عبيد
اما نت يا حبيبا لا نورة ففي الزبالتي كنتما
حبيبة لا نورا ..
سجم نورا
قيل:
دي مكتبة منو ياقيقا......!!
ربنا يرحم حبيبنا د. مجدي ويبشبش الطوبة التحت راسو
مرت سنة وشهر ..
كان اسي استلم البوست دا!!
|
تعرف يا قيقرة _ أنا الشي المجهجه باكات أفاكري _ أب صلعة ده !! معقولة يقعّد زول عندو طريقة يتلولو ويحاور في البوستات زيك في الكنبة ؟
زيك وزي حافظ أنقابو البلا البكري جابو ؟
ياخ إنت ما ساعل في ليونيل ميسي وبتدخلا وهي طايرة :)
أقول ليك حاجة ؟ سيبك من سمارت هسه وتعال نأجر ليك مكتبة ود البشرى أو ود جبرين أو واحد من الرهط ديل مفروش
وممكن كمان تاخدا قانون جديد _ أها قصرت معاك ؟
كااااااااااااااااك لكن
والله أب صلعة ده أتلوّم وأتكوّم
|
Post: #10
Title: Re: الطفأ النور منو دا منو؟
Author: الصادق سيكا
Date: 04-01-2013, 00:58 AM
Parent: #7
| Quote: الطفأ النور منو دا منو؟ |
معليش يا قيقا انا جديد فى بلدكم دى بس نوركم ده مش المفروض ينطفى الساعة اطناشر بى توقيتنا ..؟
كامل تضامنى مع الطفأ النور
|
Post: #12
Title: Re: الطفأ النور منو دا منو؟
Author: smart_ana2001
Date: 04-01-2013, 01:16 AM
Parent: #10
عاد يا حبيب نورة دعوتك دي سمحة شديد خلاص. يسمع منك ربنا.
قيقا، شكرًا علي النكتة. ظريفة. أحم أحم.
|
Post: #23
Title: Re: الطفأ النور منو دا منو؟
Author: قيقراوي
Date: 04-01-2013, 11:59 AM
Parent: #12
Quote:
قيقا، شكرًا علي النكتة. ظريفة. أحم أحم.
|
انت الاظرف
--------
لأجل الشباب النابهين الزيكم ديل نكتب نحن .. ولأجيال الغد
ونتحمل رزالة البطل .. وصاحب البطل
و ورجغة القراء الاعزاء على ألب بشاشا
والمشاهدين المتحلقين على الشاشة العزيزين على ألب جادات
لك سنما ما عنا
لكن انت ان شاء الله يوم شكرك ما يجي
فعلاً اسمارت ..
عملتي حساب اليوم الاسود (اقري: يوم تتورطي ليك في نكتة بااايخة بوخ شديد زي بتاعتي دي)
قدمتي السبت .. وبجي اللحد ؤ بنجاملك والله
المافي شنو
مرة قاعدين انا وفادي ولدي - 9 سنوات راس .. انا اورجغ بجمبة (اقري بناتل في ي مطعم الباشا دا بي جاي) وهو يورجغ بي جمبة .. والتلفزيون يورجغ
الباب دقا .. اها مشى فتح الباب .. طلعت بت الجيران : امي رسلت ليكم (الزلابية) دي
المعاط دا بدل ما يدخل بت الناس، شاحطا في الباب .. ويدو في صحن الزلابية .. ضاقا ليك كدا وصاح: امك دي ذكية خلاص!
المشهد دا كلو مع بعضو ماااا قسم معاي -الحال المايل مااااا بعجبني انا- الصورة دي مقلوبة .. ولاااازم نعدلا
نهرتو، وقلت للبت اتفضلي .. واتفضلت انا على صحن الزلابية توش بدون (احم حم ) زي بتاعتك دي .. ولا (كونستتيوشن) ذاتو زي ما قال المتفلهم!
صدقي ربك رب الخير ما (فتح) علي باي ي ي ي شيء غير نفسسسس عبارة فادي: والله صحي امك دي ذكية
لكن هي ما زلابية زي الزلابية ياخ!
اها تتنازلي عن الاسم باخوي واخوك .. ول ترسلي لينا صحن زلابية ونكون ليك لجنة برئاستي تنبثق عنها لجنة فرعية برئاسة فادي نقيس الـIQ بتاعك؟
|
Post: #14
Title: Re: الطفأ النور منو دا منو؟
Author: قيقراوي
Date: 04-01-2013, 01:27 AM
Parent: #10
Quote:
معليش يا قيقا انا جديد فى بلدكم دى بس نوركم ده مش المفروض ينطفى الساعة اطناشر بى توقيتنا ..؟
كامل تضامنى مع الطفأ النور
|
عليكم الله شوفوا البرلوم دا متفائل كيف!؟
----------
يا زول انا لي خمسة سنة هنا .. ولي اسي دي ما فهمت الارشفة دي مواعيدا متين
يا زول مسائل غميسة زي دي اظنها في سنة ساتة .. مقرر الرياضيات السياسية العليا والدقيقة
غايتو اهو كل بداية ربع بنباصرا بي بوست من سلسلة : الطفأ النور دا منو؟
نسوي شنو. .. اهو آخر ما تفتقت عنو عبقرية ذوات اليدين
|
Post: #13
Title: Re: الطفأ النور منو دا منو؟
Author: قيقراوي
Date: 04-01-2013, 01:18 AM
Parent: #7
Quote:
كااااااااااااااااك لكن
والله أب صلعة ده أتلوّم وأتكوّم
|
مخيييير بودوهو النار بعدين
ما قالوا ليكم اليتيم مااااا تقهرو؟
----------
المكتبة انا قنعت منها ...
(ياخي دي فيها نكتة لكن في الخور ح استحي احكيها ليك)
غايتو دي الا تلز تلفون نحكيا ليك في اضانك .. واهو كلو قراية باللضنين
|
Post: #15
Title: Re: الطفأ النور منو دا منو؟
Author: سارة عيسى أحمد
Date: 04-01-2013, 01:30 AM
Parent: #13
كلام نسوان جد..
وما بعدو كلام ..
ولا أقول ليك تضامن مؤقت لحدي ما نتأكد من شخصيتك ..مش اللخو بكتب باسم مستعار برضو ؟
النكته مبالغه في البياخه !
النصيحة عاد ..كان يجيك بهق كان ما يجيك
|
Post: #16
Title: Re: الطفأ النور منو دا منو؟
Author: Elmuiz Haggaz
Date: 04-01-2013, 01:30 AM
Parent: #13
قيقراوي ازيك وما طالبني حليفة.... كقارئ اكتر من انى مشارك هنا قررت اقاطعك لولا شوتك الأخيرة لمصطفي عبد العزيز الفضل (الفضل منه شوية في الفترة الأخيرة )
المهم يا شاب بوستاتك لذيذة وذكية بس كتابتك كتيرة ياخي!!! هسا في زول عنده زمن يقرأ التعليق ويعمل اسكرول داون عشان يقرأ تعليقك علي تعليقك في نفس المداخلة؟ انت الله ما ليك
اها شفت بعد الجرة الطويلة دي ما عندي تعليق تانى بس عايز اوريك انه الموضوع دا معاط وما عنده معنى
|
Post: #17
Title: Re: الطفأ النور منو دا منو؟
Author: قيقراوي
Date: 04-01-2013, 01:41 AM
Parent: #16
سارة والمعز
اختشوا
---------
ياخي بطلوا القراية باللضنين ..
دي سلسلة الطفا النور منو؟
ما الهجائات!!
ويا سارة انت متين رميتي ذمتك الاستك البعرفا انا ديك وحلفوك قسم بقيتي تمرقي النصيحة كمان؟
ياشباب اصلاً انا مفكر اتلاشى .. لكن بي طريقتكم دي الواحد يمش ينتحر. .. ويجي يتلاشى بعد داك
|
Post: #18
Title: Re: الطفأ النور منو دا منو؟
Author: ابراهيم عبدالناصر
Date: 04-01-2013, 01:59 AM
Parent: #17
بح . . .خلاس كفاكم
تنتحر شنو يا قِر ..
تم لينا سلسلة الطفا النور منو؟
اربع خمس حلقات تانية
مخيير الله قاعد قريب الليل راجي
النيو منبر ده ..
ساعة جات 12 وماحصل شئ قلت بتكون دي كضبة ابريل ومافي ارشفه ..
الله وكيلك نزلت بوست " الارشفة دي كضبة ابريل " عينك ما تشوف الا النور والخور
|
Post: #19
Title: Re: الطفأ النور منو دا منو؟
Author: سارة عيسى أحمد
Date: 04-01-2013, 03:06 AM
Parent: #18
| Quote: ياشباب اصلاً انا مفكر اتلاشى .. لكن بي طريقتكم دي الواحد يمش ينتحر. .. ويجي يتلاشى بعد داك |
لا عليك النبي ما تتلاشي...كان مشيت من هنا يقوم المنبر يختفي !
أحكي لينا قصة لما تمشي من حتة بتقوم بتختفي ديك :)
معليش ..امسحا لينا في وش حبيب نورا ده
|
Post: #20
Title: Re: الطفأ النور منو دا منو؟
Author: محمد البشرى الخضر
Date: 04-01-2013, 04:42 AM
Parent: #19
قيقرا صباح الخير
النبريك أول برية في الربع الجديد
النكتة بايخة نسبيا لكن للزول العارف الفيرشن الأصلي - غير العائلي - بضحك بالتضامن وكدا
|
Post: #21
Title: Re: الطفأ النور منو دا منو؟
Author: عمر مصطفى مضوي
Date: 04-01-2013, 06:57 AM
Parent: #20
قيقرواي سلام يغشاك ،،،،
الطفا النور منو / دي عبارة سار بها ركبان ثمانينيات القرن الماضي من زوار وطلبة جمهورية مصر العربية ،،من الطشمنجية ومن لف لفهم ،،
والسبب أنه وفي ذلك الزمن نزلت إلى الاسواق طشمة مضروبة ممكن تلحس الزول عادي جدا وفي اقل حالاتها تسبب العمى وخلال الثلث الساعة الاول من بداية القعدة .
واصبحت لفترة زمنية طويلة الطشمة نوع من المجازفة الشديدة وإذا ماذكرت هذه الجملة في اي قعدة على الجميع التوجه للمستشفى باسرع مايمكن ، فهي علامة على أن هناك من أنطفا نور عينيه .بفعل الطشمة .
وتقبل التحية والدعاء الخالص لك بمكتبة لاتديك ولا تمضع فيك ،،،
تحياتي ،،،،
|
Post: #29
Title: Re: الطفأ النور منو دا منو؟
Author: قيقراوي
Date: 04-02-2013, 08:49 AM
Parent: #21
حبيبنا عمر مصطفى مضوي
نور الله عليك ياخي
Quote:
الطفا النور منو / دي عبارة سار بها ركبان ثمانينيات القرن الماضي من زوار وطلبة جمهورية مصر العربية ،،من الطشمنجية ومن لف لفهم ،،
|
ورد في سفر رقراق الضو التالت الموسوم بـ: Re: السلام عليكم و رحمة الله .. الطفا النور منو يا اخوانا!؟
Quote:
ايام الجامعة -داخلية ترهاقا- كان معانا واحد ( جلابي ) اسمو محمد الجيلي، من جلابة القطينة اظنو ..
ياخ الزول دا منجضنا نجاض عديييل كدا .. جلابة على مجولبين
مرة ايام امتحانات كان عيان، و راقد في السرير دبل بيد، التحت ..
سفيان زميلو في الغرفة قاعد في الطربيزة بذاكر، و النوع البدق و يغني اثناء ساعات المذاكرة الرسمية داك
الغرفة القصادم طوالي كيزان .. استاءوا من الحولية العاملا ليهم سفيان دي ..
جوهوا بالدرب و اتهارشوا معاهو .. و هددوا بانهم لو سمعوا صوت بغم ساي منو بجوا يطفوا ليو النور
اها الجلابي العيان دا و لا نايم و لا حاجة بمثل ساي - ما جلابي كمان ياخ! - سحب ليك عكاز المكنسة بكراعو برااااااحة و طفأ النور لصاحبنا من غير ما يثير اي شكوك انو ديل ما الكيزان !
و صاحبنا سفيان مش اكتفى بازعاج الكيزان بس .. بل قوّم الداخلية كلها على فرِد رجل ..
شايل ليهو باقة و يدقدق ماش و جايي في الممر !!
انقر الكيزان طلعوا من غرفتم!؟
|
-----------
لووووووووووووب
خلينا نلم المال دا:
Quote:
وتقبل التحية والدعاء الخالص لك بمكتبة لاتديك ولا تمضع فيك ،،،
|
ياخي دي اجمل دعوة (مع اني صراحة ما فهمتها .. لكن مادام فيها سيرة حبيبة ألبي .. هوو كيرز! )
|
Post: #28
Title: Re: الطفأ النور منو دا منو؟
Author: قيقراوي
Date: 04-01-2013, 10:58 PM
Parent: #20
Quote:
قيقرا صباح الخير
النبريك أول برية في الربع الجديد
النكتة بايخة نسبيا لكن للزول العارف الفيرشن الأصلي - غير العائلي - بضحك بالتضامن وكدا
|
النصيحة يا ود البشرى النكتة بااايخة
انا ذاااتي ما عارف الورطني فيها شنو!؟
-------------
لكن انت في دا ول في اصحابي ديل!!
كشفت راسي واتكيت -محل قال البطل - ودعيت عليهم ..
اللهم عليك باصدقائي .. اللخ اللخ
ياخي اتلخبتوا علي ؤ بقيت ما فارز اصحابي من اصحاب البطل ذاتو!
|
Post: #26
Title: Re: الطفأ النور منو دا منو؟
Author: قيقراوي
Date: 04-01-2013, 04:02 PM
Parent: #19
Quote:
أحكي لينا قصة لما تمشي من حتة بتقوم بتختفي ديك :)
|
عزيزي القارئ في ي ي ي ذمتك ما حننتك؟
ياخي الناس ديل حافظين انقابو كووولهم .. وما فاهمين اي شي ..
على قول السوريين (ما عارفين وين الله حاطهم!!)
يا شباب الاضنين دي الله اداكم ليها للنضارة والعمة .. ما للقراية ياخي!
كرهتنونا البلي ذاتو!!
يا شباب هوووي دا ما برنامج ما يطلبه المستمعين هنا ...
حكينا ليكم نكتة السلات قلتو بااايخة ..
اها .. ياهو الفي
الجود بالموجود .. عيب الزاد ولا عيب سيدو
--------
نظرية التلاشي دي مستندة على التفسير الذاتي للوجود .. لمن الزول يكون (عميغ) يعني
ويفكر من جوووة .. من معدتو ؤ كدا
اها انا معذور .. كنت سغير الزمن داك
البطل الستيني مغرور ومفتكر نفسو محور الكون فوق كم؟
|
Post: #24
Title: Re: الطفأ النور منو دا منو؟
Author: قيقراوي
Date: 04-01-2013, 02:13 PM
Parent: #18
Quote:
تنتحر شنو يا قِر ..
تم لينا سلسلة الطفا النور منو؟
|
بي كم؟
-----------
انت عارف الدنيا دي فيها شيوعيين ليه؟
ما هو عشان عدم عدالة توزيع الثروة دي ذااااتا ..
ناس تورجغ يدوها قروش .. وناس تشق حنكا دا فينا .. برضو يدفعوا ليها
وناس ليها الله وعيشة السوق ..
تجي تمارس حقها في التعديل الرابع في حقوق اللنسان .. ؤ تورجع
ما يدوها اي ي ي ي شيء!؟
وناس تغوص عمق البحار، لا تلقى لؤلؤ لا صدف ..
وناس برررررررررررة في رمل الشواطئ، تلقى اللالئ بالصدف!
حظي كدغيغ
عشان كدا الواحد عاوز يكون (اسمارت) بعد دا .. ملح نهي زندقي
اسي كان من زمان فطنت للشغلة دي .. كان يكون عندي عمارتين تلاتة!
المافي شنو .. ما في ناس بتكافئ الورجغة بالمال
ورزق المورجغين على (اصحاب البطل)
|
Post: #22
Title: Re: الطفأ النور منو دا منو؟
Author: قيقراوي
Date: 04-01-2013, 09:11 AM
Parent: #16
عزيز القارئ
Quote:
قيقراوي ازيك وما طالبني حليفة.... كقارئ اكتر من انى مشارك هنا قررت اقاطعك لولا شوتك الأخيرة لمصطفي عبد العزيز الفضل (الفضل منه شوية في الفترة الأخيرة )
المهم يا شاب بوستاتك لذيذة وذكية بس كتابتك كتيرة ياخي!!! هسا في زول عنده زمن يقرأ التعليق ويعمل اسكرول داون عشان يقرأ تعليقك علي تعليقك في نفس المداخلة؟ انت الله ما ليك
|
وقع ليك كلامنا عزيزي القارئ؟
ياخي انا بعد قريت كلام المعز دا، طوالي راجعت حسابي البنكي ..
لقيتو يشكو قلة الفيران!!
انتو يا شباب ما جادين ول شنو؟
جنس تهديداتكم دي تقولوها لزول ما عندو حديدة
هوو كيرز!؟
-----------
اسي البطل منو؟
البطل داك بقدر يقول لعزيزو القارئ كدا؟
|
Post: #25
Title: Re: الطفأ النور منو دا منو؟
Author: محمد عوض السيد
Date: 04-01-2013, 02:44 PM
Parent: #22
..
سلامات عوافي
قيقراوي كيفنك ؟
من ماقريت العنوان كنت مفتكر حا القي حاجة تانية من شاكلة الشطف النملة منو والحنن التمساح منو
وخأب ظني
وربع جديد بخير
مع ودي
|
Post: #27
Title: Re: الطفأ النور منو دا منو؟
Author: حبيب نورة
Date: 04-01-2013, 05:25 PM
Parent: #25
ههههههههههههههههههههههههههههههههههههههههه
مبالغة
|
Post: #30
Title: Re: الطفأ النور منو دا منو؟
Author: قيقراوي
Date: 04-02-2013, 10:40 AM
Parent: #25
شهوة لوجود النساء اللواتى يخفن قليلاً
ولكن يقفن طويلاً بجفن الردى وهو نائم
وطرحاتهن الغيوم واقدامهن الجنان
وفى روحهن الاساور والماس لا فى المعاصم
يطرز اثوابهن العجاج الكريم
فيخدشن خوذة عصر الغزاة ويسقطن عصر الهوانم
شهوة لوجود الرجال الذين بنوا فى المضافه
بيت الكرم
وبيت النكات اللئيمه
بيت التهكم من كل عال قوى
وبيت المساء الطويل بطول الجدال
واخبار كل البلاد كأن الحصيرةَ من تحتهمْ
هيئةٌ للأُمَمْ
شهوة لبلاد تطالب ابناءَها
باقل من الموت جيلا فجيلا
وفيها من الوقت وقتٌ نخصصه
للخطايا الحميمه والغلط الادمى البسيط
وزحزحةِ الافتراض البطوليِّ عنّا قليلا
فمسكينةٌ أُمَّةٌ حين تحتاج كلَّ البطولات من كلِّ أبنائها
وتعيش الحياةَ قتيلا قتيلاً
شهوةٌ لبلاد تقل الاناشيد فيها
وفيها نعود الى نمنمات احتياجاتنا العابرات
بلا خجل او ندم
شهوة ان ارد على الهاتف المتاخر ليلا
بدون التوجس من كارثه
--------
Quote:
من ماقريت العنوان كنت مفتكر حا القي حاجة تانية من شاكلة الشطف النملة منو والحنن التمساح منو
وخاب ظني
|
عوض السيد يا عمك
علي بالحلال ما ترجع فاضي ..
تشتري كـــلب؟
بهوهو
والله صحي
تأجر بيت نمل طيب؟
نااااصية
المافي شنو؟
كتب البياتي (للضمان في ما معناه لاني ما حااافظ كويس .. لقد شكوت الى وكيعٍ سوء حفظي ... اللخ اللخ)
مملكة النمل ككل الممالك ..
ملكة
جنود
عمال
ومفكرين .. يتساءلون:
هل ثمة وجود لغيرنا!؟
وكتب خالد مونيكا*، كتب عماد بوصالح:
"بعدما خرجت الانسانية من مشوار التثوير الطويل .. جريح
لاذ الكاتب بعالمه الخاص .. يتأمل ويتعلم من تأملاته ..
لاحظ إن الديناصورات بوحشيتها الاسطورية هي التي انقرضت!
وعاش النمل .. كائناً رقيقا .. يموت إن مسه الماء ..
عاش حليفاً للسكر"
ستجدون "حديث النمل والديناصورات" رواه قيقاراوي ضمن سفره الموعود"اناشيد الزنادقة واحاديث الوجود والارتقاء والبقاء ..دارونية جديدة"
* ومونيكا ليست هي مونيكا لوينسكي الامريكية ..
بل هي زنجية لانفجار موقوت في النسل
وسط الدينكا والباريا لنجل المندكورو الموعود
بأبن يشـــــــــــــــــــــرب المريسة
|
Post: #31
Title: Re: الطفأ النور منو دا منو؟
Author: أمير محمد ادريس
Date: 04-02-2013, 11:06 AM
Parent: #30
تحياتي حبيب الشعب
بصراحة انا اول واحد ح أعمل مظاهرات في المنبر ده علشان يدوك مكتبة ، ما معقولة يدو ناس كتابتم مسيخة وتطمم البطن ، وناس كتابتم زي الورد ويفتحو النفس علشان يقرو ليهم في كل بوست وفي كل لحظة تتمنى تقرا ليهم مداخلاتم لقايت هسع ما يدوهم مكتبة .
|
Post: #32
Title: Re: الطفأ النور منو دا منو؟
Author: قيقراوي
Date: 04-02-2013, 11:59 AM
Parent: #31
مجنون
مجنون مجنون
مجنون الحزن المسجون
بارود الحزن المسحون
جواي انا شافع محزون
عن امو بفتش فتيش
فتش فتيش هبش هبيش
دقش دقيش
يصرخ ياناس
مريم محمود راحت شقيش
في زنك اللحمة وفي الزحمة
مريم محمود راحت شقيش
في منحنيات الاسواق
مريم محمود راحت شقيش
ولا آه يا مريم محمود
آه يا مريم محمود
يا ذات الضل الممدود
يا ذات القلب الساساق
حتلت جواي الاشواق
حتلت جواك الاشواك
وكنت الولد المحبوب
لا هجراً ليك ولا عاق
حبيتك ذي ما حبيت
الوطن
الوالد
البيت
منك خطفوني تماسيح
كم مرة وخلو التباريح
كم جيتك راجع مسحور
بذات الوجه المفرور
البيني وبينك عصفور
علي قلبومنشن صياد
ظلموك يا مريم ظلموك
حرموك يا مريم حرموك
خلوا الدمعة تفصد خدك في الاعياد
مشوك في الشوك علي حد السيف
اتعلمتي الشك في الغرباء
وكنتي ملاذ الشتا والصيف
سرقوا امانك وإطمئنانك
قلبك كل ما باب الشارع دق يدق
إيدك ترجف في الصقاطة
وشك شاحب ربنا يستر يمكن هم
تفرحي فرحاً قدر الدنيا
إذا ما كان الطارق صاحب
حالاً نارك بالهبابة لهيبا يبق
-------------
أمير حبيب ألبي
حبيب الشعب .. وشاعر الشعب هو "محجوب شريف" .. عاش محجوباً لأنو شريف
فطوبى للشرفاء
واسبقْ رفاقَكَ للقيود فـإنني آمنتُ أنْ لا حرَّ غيرُ مُقيَّد
Quote:
أفتكر البيت ورد في رائعة الصاغ محمود أبو بكر "صه يا كنار"..
|
والعهدة على حبيبنا وفنانا وصديقنا حوتة
وتحية كبيرة لأبو الجنون
اشهد بانى امنت ...
|
Post: #33
Title: Re: الطفأ النور منو دا منو؟
Author: قيقراوي
Date: 04-02-2013, 03:36 PM
Parent: #32
ح نحكي ليكم قصة التلاشي يا سارة بلاش .. لكن اكون طالبك
Quote:
نظرية التلاشي دي مستندة على التفسير الذاتي للوجود .. لمن الزول يكون (عميغ) يعني
ويفكر من جوووة .. من معدتو ؤ كدا
|
القصة وما فيها ياستي فطارة سغر ساي ..
وما اظنها تاتاية وحبوة بعيدة كتير في دروب استكناه الوجود .. من الحبو الصحي صحي
محاولة تفسير الوجود انطلاقاً من ذاتك دي فكرة بيض .. كابيض ما يكون .. الدرجة البتكون ماسح كلو كلو
كنت بفتكر انو (الوجود) للآخرين .. احياء واشياء (المستقل عن ذاتي) انو وجود ما حقيقي .. او قولي ما موجود!
المسألة دي كانت مكلفة معاي جداً، انت براااك عارفة اخوك (طيب) كيف
الفكرة ببساطة واقتضاب غير مخل تتلخص في انو الوجود هو وجود مؤقت، مكان انا موجود بس ..
وكان مشيت بتلاشى ..
شاهد الله مرات اتأخر في المدرسة عشااان ادي اصحابي فرصة يعيشو شوية .. او اكون زعلان من ناس البيت اضيقا عليهم
وكلو من جنس (كويت البحر في ي ي ي ي صرتو)
-----------
المكان (3)
في الساحل .. او "ثمانية قرون لتعليم اسبانيا سنن الوضوء"
كنا صغاراً حينما فاجأتنا قذائفهم ..
كنا صغار ..
لم نستدر لنعلن المنجنيق!
او نخاصم زرقة الماء والموت ..
نحتفل بالدخان
وحال أن رأينا الدروع عليهم ..
ارتدينا مشيماتنا في نكوص
وبتنا نجابه الموتَ، بالمرحِ الطفولي ..
ومراكب الورق .. واسطورة بن زياد!
خالد عباس الطاهر (خالد مونيكا)
التعديل: لتصحيح التصحيف .. وتحرير التحريف في حديث المكان
بالمناسبة يا شباب، خالد مونيكا، قاص وشاعر .. وتشكيلي
سبعة صنايع معاصرة، والبخت الاسفيري ضائع
عرفتوا سبب الاصرار؟
|
Post: #34
Title: Re: الطفأ النور منو دا منو؟
Author: حافظ انقابو
Date: 04-02-2013, 08:52 PM
Parent: #33
| Quote: الطفأ النور منو دا منو؟ |
أنقابو
هسة دا سؤال ليك
حبيب نورة
Quote: زيك وزي حافظ أنقابو البلا البكري جابو ؟
|
قول ماشاء الله يا ممسوخ
______________________
Quote: عزيزي القارئ في ي ي ي ذمتك ما حننتك؟
ياخي الناس ديل حافظين انقابو كووولهم |
اخخخخخخخ
الشهرة متاعب
كل أرشفة والجميع بخير
|
Post: #35
Title: Re: الطفأ النور منو دا منو؟
Author: قيقراوي
Date: 04-03-2013, 09:45 AM
Parent: #34
Quote:
زيك وزي حافظ أنقابو البلا البكري جابو ؟
|
انقابو جابو طقلو يكركب لكن!
جبت لينا الهوا يا فردة
ارخي سحس .. حلفتك بالنبي
[خلي مزاجك راااايق] يا عمك
الفي شنو هو؟
ؤ لو الموود ح يأفل .. فك (باريو)
المافي شنو .. بالعدم فك (شامبيون)
وطلّع (البطل) الجواك .. كان ما يطلع صاحبو ساي!
----------
ياخي والله اكتشفت ليك انو راسي دا -بجانب الورجغة طبعاً- ملياااااان ..
شعارات وهتافات واكلشيهات جااااهزة .. بس (بكسر الباء)
شكراً جزيلاً يا بطل ..
اسي الزول كان يوديها وين؟
كيف نعيش برا (البطل) انحنا ذاتو!
|
Post: #36
Title: Re: الطفأ النور منو دا منو؟
Author: قيقراوي
Date: 04-03-2013, 01:29 PM
Parent: #35
الوخذة كما دوّنها الألم
نص قصصي - خالد عباس الطاهر
ثلاثة شوارع من منزلنا وتنزل الي النهر .. اثنان فقط وبعدها تكون في حظيرة الأبقار. ومرورك يا سيدي يعني انك ستستنشق، رضيت أم أبيت ما يقارب الثلاثين ألف رائحة .. رائحة الأبقار وهي تجتر رائحة العلف المبلول، رائحة الروس المترامي داخل وخارج الحظيرة، رائحة .. ورائحة.
إضافة لرائحة لا اظنها ستكون جميلة ولو علي سبيل المجاملة .. هي عبارة عن رائحة لمشيمات وتبائع لعجول وليدة، يطن حولها الذباب الأخضر، شبعت منها الكلاب ونامت حولها في استرخاء استعدادا لمهام مسائية وسهرات خاصة، خاصة أن والدي احضر من نقطة البوليس المجاورة ######ه تختلف عن صويحباتها في الشكل، قصيرة القوام، كثيفة الشعر، لا تري من أطرافها إلا نهاياتها دالية الأشياء. وحتي وهي في الحظيرة .. ظلت تحتفظ بلقب حكومي ذي حصانة: (الكــلبة البوليسية)!
|
Post: #37
Title: Re: الطفأ النور منو دا منو؟
Author: قيقراوي
Date: 04-03-2013, 01:37 PM
Parent: #36
وأنت تري منظر الكـلبة البوليسية وهي تتقافز أمامك بطلعتها الثلجية ومنظر الأبقار. اعني لو كنت اصلا من هواة الاستمتاع بالأفلام الأجنبية، وشاقك منظر ال######ه البوليسية وهي تتراءى أمامك بطلعتها الثلجية، ومنظر الأبقار، ستسحب مسدسك الغير موجود أصلا .. وتصلح من شأن طاقية الكاوبوي علي راسك، وتطلق ثلاث طلقا إيذاناً بابتداء المعركة .. أوصيك بان لا تفعل هذا فالشعب هنا طيب ومسالم، وليس له غير الزرع والضرع والتحايا الوريفة ..
أنا لا أوصيك بهذا وحتى لو تماهي معك المكان .. وامتثل لخيالك الجامح ودوي فعلا .. صوت ثلاث طلقات ليشق ذلك السكون الريفي المهيب .. ستتلخص ظلال هذا الفعل في الاتي :
الصبايا الجميلات سيغرقن جدائلهن بزيت الكركار العطر .. ويصلحن من شأن النهود الكواعب استعداداً لرقصة مفدوعة .
الشباب سيهبطون السهل يشربون ما وسعت الأقداح .. ويأتوا متأخرين بعض الشئ لأنهم ليسوا شغوفين بالبدايات .
العجائز من الجنسين.. ولا أظن أن كلمة عجائز تحتاج إلي تمييز.. سيأتونك بعد أداء الفرض.
سيأتيك هذا الخليط المتنافر المتجانس.. العجائز الورعين.. الصبايا الجميلات.. الشباب السُكارى
ستجد نفسك يا صديقي محاصرا وسط حلبة رقص .. لأنهم سيظنون أن هنالك عرساً أو زيجة صوت الطلقات النارية يعني عندهم ذلك .. حينها لن تستطيع أن تقنعهم بأنك كابوي فقط سترقص ستمتعك الصبايا بالرقص اللين.. والشباب بالصياح .. والعجائز بزغاريد صقلتها التجربة
حينها ستقول يا صديقي الشعب هنا طيب ومسالم ليس له غير الزرع والضرع والتحايا الوريفه.
|
Post: #38
Title: Re: الطفأ النور منو دا منو؟
Author: قيقراوي
Date: 04-03-2013, 01:44 PM
لا تطلق عنان الخيال وكن واقعي مثل صديقا لي، وقف معي أمام الزريبة وأنا ثمل برائحتها وهو يشاهد منظر حلب اللبن.. ومنظر الأبقار قال لي حينها.. لو رأت صديقتي البرجوازية المدللة منظر الزريبة ومنظر حلب اللبن، ستعافه وستكره حتى ثوب الزفاف الأبيض الذي تتمناه..
كن واقعي مثله يا صديقي ولا تطلق لخيالك العنان .. ولكن هذه الوصية لا تجعلك بان تترك الحبل علي القارب لتقترب كثيرا وأنت تأخذ المنعطف قرب الزريبة حتى لاتتلقفك قرون ثور هائج..لا تحاول يا صديقي أن تقنعني بان الأبقار ستألفك بالبنطال والقميص .. لأنها ستظنك الطبيب البيطري فحتى الطبيب عندما يأتي إلي قريتنا يلبس عراقي شكنيتا ومركوب قطع سعدين .. ويدخل الزريبة يحقن، ويضع الأصباغ ويرحل من حيث أتي مع الالتزام التام بالمزاج البقري ..
|
Post: #39
Title: Re: الطفأ النور منو دا منو؟
Author: قيقراوي
Date: 04-03-2013, 01:48 PM
Parent: #38
الآن أنت في طريقك إلي النهر.. أدرك هذا من منظر التربة الطينية الخفيفة التي بدأت تعلو قدميك وقبيل وصولك إلي النهر ستمر بمصانع الطوب الآجر.. هنالك يا صديقي ستجد طفولة بائسة ستجد أطفال دون سن العمل يعملون بكد واجتهاد ينقلون الطوب ويحملون الأشياء لحنين خاص بالله عليك القي عليهم التحية.. أنا واثق أنهم سيردون عليك بأحسن منها هذا أن استطاعوا.. أو يرفعون إليك الأوجه فلا تري فيها غير العرق المتسربل كالنشيد الحزايني ..
اجزم انك ستأسى لهم لو كنت حجراً ستأسى لهم .. ولو كنت مثقفا حقيقاً سيمر براسك كل ما قيل بشأن العدالة الاجتماعية وكل أحوال الرأسمالية والإقطاع.
ستأسى لهم وربما يسبب انشغالك بهم
----------
نكتفي بهذا القدر من الوخذة كما دونها الألم ..
اوصيكم بان ترجعوا لبقية القصة في مظنها .. لم يرغب
بس ما في زول يعمل فيها كاوبوي
|
Post: #40
Title: Re: الطفأ النور منو دا منو؟
Author: مصطفى عبيد
Date: 04-03-2013, 02:20 PM
Parent: #39
قيقراوي انشاء الله أحوالك طيبة
ما ممكن طبعاً تكتفي بهذا القدر .. لا تكمل القصة ولا حتى تقول لينا (مظنها) وين ؟
|
Post: #41
Title: Re: الطفأ النور منو دا منو؟
Author: قيقراوي
Date: 04-03-2013, 03:06 PM
Parent: #40
Quote:
قيقراوي انشاء الله أحوالك طيبة
ما ممكن طبعاً تكتفي بهذا القدر .. لا تكمل القصة ولا حتى تقول لينا (مظنها) وين ؟
|
رايكم شنو احكي ليكم نكتة بدلا؟
ما بايخة والله ... بس مااا عايلية!
----------
صدق اتورط في دي برضو ..
كنت محتفظ بيها في ذاكرة اكستيرنل .. راحت
الانترينال في المكتب ما فيها كلو شي
غايتو أهو اعتمدت عليها .. وجازفت الباقي من ذاكرة بايلوجية واحد قيقا
لكن عندي ملف MP3 ممكن لو لزيت ايميل نجازفو ليك
والدهشة مضمونة
"الدلكة دميرة هذا العام" تقراها باضانك بس ..
ياخي دا نص منحوت على كم مستوى لغوي وبسبح في اربعة ألسن على الاقل!!
والعجب "دندورمة بروح سعاد"
يا النبي محسن!!
او قول يا المسيّح ود البتولا!!
|
Post: #42
Title: Re: الطفأ النور منو دا منو؟
Author: مصطفى عبيد
Date: 04-03-2013, 04:03 PM
Parent: #41
Quote: لكن عندي ملف MP3 ممكن لو لزيت ايميل نجازفو ليك
والدهشة مضمونة
"الدلكة دميرة هذا العام" تقراها باضانك بس ..
ياخي دا نص منحوت على كم مستوى لغوي وبسبح في اربعة ألسن على الاقل!!
والعجب "دندورمة بروح سعاد" |
تعرف قصة القراية بالأضنين دي يمكن أكون ما واقع لي تمام القصد منها هنا
لكن في القصة والرواية بالذات أنا لو ما سمعت الناس الفيها وانا بقرا يبقى ضيعت زمن في كلام ما منو فايدة
مثلاً الأكتر متعة إنك تقرا قصص علي المك ولا تسمعها بي صوتو ؟
راجع المسنجر رسلت الايميل ماعارف وصل ولا لا
وألف شكر مقدما
|
Post: #43
Title: Re: الطفأ النور منو دا منو؟
Author: أمير محي الدين محمد
Date: 05-15-2013, 10:54 AM
Parent: #42
test
ــ
|
|