شعر سااااااااااااااااااااااي

في هذا البوست ساحاول ان انزل تباعا اخر ما كتبت

(1)

اليوم
اكملت لك مشاعري
رضيت لك القلب مسكن واستتر.
بين المناسك والفروض ،
وطهارة الانفاس في غسق السحر،
كان تعميد الحروف
كان عند النيل
عند الضفاف البكر حين النجمة الوسنى
تغادر صفحة فجر انتثر
تبتلت كلماتي المملوء بالعشق الجنون
خبئيني بين خفقات هواك
فانا
ياروعة الصبح السفر
اهواك منذ بداية الكلمة
وحين تكوتن امشاج احرفنا
تنبض بالحنين،
ما هذه الاشواق الا
سوسنات تاتي اليك تعلن انني
صرخة الميلاد
دهشة الابهار
في موج ذهول قد بهر
كلف انا
وانت
يا روعة ربيع ازدهر
اهواك في سري
وفي جهري
وحين الصحو والاحلام
والشوق المطر

وبس

صباحاتي
بدايت النهار الشال ملامح وصفك النادر
كمل فيني الكلام الكان بحاول ابدى بيه اليوم
وبدا فيني الكلام الجد واقول يا ربي يا قادر
سنا البت البتشبه في السما بدورك
ونور مشكاة وتضوي بلا الوقود النار
زي زيتونة
زي ايقونة
زي فرحا بسيل ناعم
ويخلي براكين الهوى الهادر
تئز جوة القلب
واشوفك يا منابع الريدة
يا لحظة وجود عابق
تزيلي سحابات الحزن
وتحميني
من زمنا عجيب غادر
واجيك يا اروع الاشيا
اشيل موالي واهديكي
طنابيرا
ومسدارا قدر
قصة تعاقب الليل
قدر فرحة طلوع صبحا مغتغت في مسامات الضلام ردحا
قدر بهجة فراشات

تغازل في زهيرات الربيع الفاح
عشان حسنك صبح فضاح
واظل سادر
وبس