ارشح وادعم على عثمان طه للرئاسة!!!!!

اغرب شعب ..يعنى منو ممكن يجى بدل طريد لاهاى وبطل ابادة شعبنا فى دار فور والنيل الازرق والشرق والشمال
منو ممكن يجى بديل لمحلل ركـــــوب بنات الغرب من ولاد الشمال ..لانو شرف ..منو ممكن بجى بديل مرمل النساء وقاتل
الابرياء ...منو ممكن يجى بدل (الاسرة )المالكة البشير اخوان ..منو ممكن يكون بديل لقاتل رفاقه فى شهر التوبة والغفران


شعب غريب ..ومتسرع فى كل شى !!!

البديل المقترح (الاشاعة ) السيد العارف ببواطن الفجور ..الزعيم رقم صفر المجرم الدموى على السجمان
احد موسسى العنصرية فى السودان رفيق الكلـــــــب نافع والقـــذر المعتوه الطيب ال######ـــان ......الذى
اشرف اشراف مباشر على التكنيل بالشعب السودانى...


مش قريب ده على السجمان مشى قابل صديقو القديم على الحاج لــــــــــــــص طريق الغرب ؟؟؟؟؟


يخسى ويخس عليكم ياكيزان ويخس على كل انتهازى وارزقجى ..يدعمكم ..هنا وللا بكدى واهلوا بايتن القوا وكايس حق الدواء



وبالمرة كدى برشح غريبة وود الباوقة السيدح ...ك عازفين ...

يا معاوية .. نهاركـ سعيد..

الواحد ان نضم وقال الفي ضميرو ( تقولوا ) عليهو انت بتدعم الكيزان و " معارد " وبتضرب في ناس المعارضة الشرفاء ووجه كيبوردك شوية للكيزان
وبتخدم خط الامنجية ووو..
وان سكت عاين للبيحصل دا بيحن على ناس كتيرين من القفف الشايلنها دي و( قيل ) ضنب الككو الطويل الما عاوز يتفكّ دا ..!!

بزعل بالجد وقت القي الجماعة هنا بيتلقفوا اي كلمة مارقة من هنا والا هنا ويجوا كلهم جاريين الاعمى شايل المكسر يديها مساحة اكبر من مساحتها ودا عشان شنو؟
عشان يحققوا - لاجنحة المؤتمر او الكيزان المتصارعة - غرضهم من بث الاشاعة او المعلومة.. وبالتاكيد ردود الفعل دي بتخدمهم..

تتذكر قبل كم اسبوع انتشرت فكرة انه المرشح يكون ( سعادتو ) بكري حسن صالح ؟؟؟
هل تتذكر منو في المنبر دا الجاء ذكر الموضوع دا عرضياً كدة وخلى البوستات تطاقش ما بين عبد الرحيم وبكري حسن صالح؟؟
كدي راجع ارشيف المنبر دا وبتلقي انه اول من ذكر بكري هو ايضاً اول من ذكر على عثمان الان..
إنتو يا ناس متين حا تتعلموا انه ما توفروا للكيزان ديل الشئ المطلوب وتخدموهم في غرضهم؟؟!

حاجة مشينة جداً وقت تلقى ليـك ناس معارضة بتحقق اغراض اجنحة الكيزان المتصارعة بدون وعي منها وبتشيل القفة برضا تام جداً
رغم انه البعض منهم بيعملها بكامل وعيه وادراكه وهو عارف بيسوي في شنو لانه جزء من مهمته اول ماجور عليها
لكن البعض الآخر البيعملها وهو يظن في نفسه الرفض ديل ياهم البيزعلوا..
وغن نضمنا يقولوا ليك يآخي ابعد ما تشاكل لينا المعارض الهصور الهزبر الجهبذ الذي ما عارف تاريخه كم بوست كدة وكتب ايش كدة وقبل كدة ناس الامن هرشوهو..

عموماً .. اهو اهو اهو اهو هسع تسمع نضال وبطيخ وخط المعارضة والكيزان وقصص تحيرك عن الهم العام :) ...



ـــــــــــــــــــ
بالجنبة كدة يا معاوية عبيد.. وبعيدا عن موضوع البوست
مشتاق والله لمنعم بيجو .. الزول دا ما عندك ليهو تلفون او ايميل .. من فارق المنبر ودروبنا ما اتلاقت تاني
تحياتي

إضافة تانية يا معاوية..

إذا كنا ( اساساً ) جاديين في ذهاب النظام ومحاكمة رموزه .. فلماذا النقاش حول البديل " المقترح " من قبل المؤتمر الوطني!
هل دا بيفرق انه نغير البشير او يتغير على عثمان او بكري حسن صالح او حتى ان شاء الله ربيع عبد العاطي!
مش هم كلهم النظام !

هل تسجيل الإدانة من قبل المعارضة داخل او خارج السودان باعتباره على عثمان مجرم حرب يجب على المجتمع الدولى رفضه يعطي شرعية لمن سيخلفه
في قيادة النظام بإعتباره غير مجرم حرب؟
هل إذا رشح المؤتمر الوطني جعفر الصادق الميرغني حا يُقبل باعتباره غير مجرم حرب!

طيب سؤال آخر :
الحملة الاعلامية ضد على عثمان وضد ترشيح على عثمان الا تعطي ( للاجنحة الاخرى ) مبرر مفاده ان المجتمع الدولى والشعب السودان لا يقبل بعلي عثمان؟
ماهي فايدة هذا المبرر للمؤتمر الوطني في رايك..

Mouawia Obid Al-Saym · مصر

Quote: حيدر ود الزين تحياتى ..انا فوق وضحت انو الفكرة دى اشاعة من المؤتمر اللاوطنى والغرض منها زى ما انت وضحت ..شغلة الناس ....اتفق معاك فى معظم ما كتبت ...وتحياتى

معاوية شكلك لسع من ذوي الدخل المحدود

شاكر لك الاتفاق معي في ( معظم ) ما كتبته..
وكويس انك ما شبكتني - دا منبر حر - كما يفعل بعض " الزملاء "...




في انتظارك - غداً - تصبح على خير ههههههههههههه

سلام يا طوربيد

مانطلبه هو بالتأكيد ليس تبديل اوجه من داخل النظام , بل المطلوب والذى يجمع عليه كل الحادبين على مصلحة السودان هو ذهاب هذا النظام البائس الى غير رجعه

الجهود التي يقوم بها الفاسد على عثمان محمد طه فى الاتصال باعداء الامس ليكونوا عونا له فى مهمته القذره لن تشفع له ولن تثمر كما يرجو

حيث ان اعداء الامس لهم راي مغايرا تماما هم يسعون كذلك الى رد الصاع لعلى عثمان وجماعته بعد ان استعملوهم كورق حمام ورموهم فى السجون وفى المنافى ,

جاء اليوم والنظام فى اسوأ حالاته , ان يرد الترابي وجماعته الصاع صاعين لمن باعهم بثمن بخس الا وهو على عثمان ,

وفى هذه المساجلات ستكون قضية الانقلابيين هي الطعم الذى يحمله على عثمان لطاولة اعداء الامس لابداء حسن النوايا مع بعض التنازلات الاخرى لكسب مزيدا من الوقت ,

مع ارسال اشارات للحركه الشعبيه . الايام المقبله وعلى حسب اتصالات مع بعض الرموز فى هذا البلد ستكشف الكثير المثير الخطر .. فترقبونا وترقبوها