هل تعتبر كبشرة المداخلات دليل اثبات ؟

بلحيـــل ...
زمان في بروف درسنا في البرليم اسمه صديق ودرسنا فيزياء كهربية
وبالمناسبة الزول دا كان انصار سنة واول ما يدخل القاعة
يا مقبل على السبورة .. أو بعاين لفوق ...

المهم لما زول مننا يسأل زي سؤالك دا كان بقول للزول بعد ما يجاوب عليهو:
بروف صديق : أما ســـؤالك بليد ياخ

بنكتب البيعجبنا و العاوز يكبشر يكبشر
ذي ما عاوز وكان داير انا بكبشر ليهو الانا كتبتو
ماعندنا قشة مرة . يبلها و يشرب مويتها .

ازيك يا ايمن

اهلين يا فيصل

Quote: بنكتب البيعجبنا و العاوز يكبشر يكبشر ذي ما عاوز وكان داير انا بكبشر ليهو الانا كتبتو ماعندنا قشة مرة . يبلها و يشرب مويتها .

في ناس بتكتب البيعجبها ،،، وبعدين ببقى ليها بمبي .... حيرقااان

سلام أيمن،

إذا فهمتك صح، قصدك أنه الكبشرة ممكن بسهولة التلاعب بها هبر الفوتوشوب و ما شابه... رأيي انه ممكن جدا وشخصيا ما بعتبرها دليل قاطع إذا نفاها صاحب المداخلة إلا بوجود عدد من الشهود انهم شافو التعليق الأصلي...

وإذا فهمتك غلط، اعمل رايح


تحياتي...

سلامات ابو يمن
دكتور قرشي تناول الموضوع دا هنا تأريخ ما أهمله التأريخ .. لكل من يعتبر الكبشرة دليلا قاطعا !!(كبشرات)

في رأيي من ناحية قانونية نعم يمكن التشكيك في الكابشر كدليل اثبات ما لم يدعم بشهادة شهود قرأوه في حينه
لكن في محاكمات البورد هنا مافي مشكلة بالإعتماد عليه لأنو ما في زول بنكر او يشكك في الكلام الكتبو بيدو و قروه مية نفر على الأقل
إلاّ يكون النوع ابوعين قوية الذي لا تعني له كلمة مصداقية شيئ

سلام أيمن محمود.


بإستحدام برنامج بسيط جدا painting. وخاصية ال crop.
الإجابة:
إستخدام الكابشر لا يعتبر دليل إدانة.

لا الصورة
ولا الصوت
ولا الفيديو ذاتو (يعتبروا ادلة لا يرقى اليهم الشك)

يا الامين اختشي ياخ

الناس البقولوا بعدم الاعتداد بها كدليل ..
اعتقد في حاجة اسمها كشف أو فحص الدليل ..
ويا امبده وأيمن وود البشرى .. ومن لفه لفهم ...
البصمات ممكن تتلاعب فيها والاصوات .... الخ
الطب اتطور يا عمك ..
الكبشـــرة هنا في البورد تعتبر دليل لأن البضاعة معروضة في سوق الله أكبر دا
أي كلمة هنا بطلع عليها الناس كلهم وبالتالي ماف مجال عشان تنكر ..
الصور التي عدلتم فيها (أيمن/أمبده) بنفس السهولة ممكن أكتشف ليك انها معدله ..
والله صحي ()
وبعدين في كم واحد حريف عشان يقدر يعدل في الصور ..
ويا أمبده الخط مختلف عن الخط الذي يكتب به اسم العضو فوق الصورة ..
أنا بقول كلامي ككلام فني فقط .. مع إني ضد الكبشرة .. وضد ابتزاز الاعضاء ..
بكبشرة ما يكتبون .. ودا واحد من أسباب تدني مستوى البورد واحجام الناس عن الكتابه ..

هذا والله اعلم ......... ومعاً ضد الكبشره

سلام يا هندسة


الكبشر طالما لمشاركة فى الموقع هنا .. فهى بكل تأكيد غير قابلة للتزوير
لأنو فى 3 حالات هنا :
1/ يا اما المشاركة المكبشرة موجوده ضمن مشاركات صاحبها واى واحد ممكن يجيبها ويثبتها ..
2/ يا اما تعدل عليها فى مكانها الأصلي .. وبرضو ادارة الموقع ممكن تجيب المشاركة قبل التعديل (الخاصية دى موجوده فى منتديات في بولتين) ومفروض تكون موجوده هنا
3/ يا اما حذفتها الادارة .. وبرضو الادارة ممكن تسترجعها اذا دعت الضرورة



فاذا واحد نكر قال انا ما كتبتها
اعتقد هنا دور الادارة فى اثبات الموضوع ده

الامين البشاري ووضاح
عدم ثبات وصدقية كبشرة المداخلات - كدليل في محاكم سودانيزاونلاين ،،، أ عتقد انو شئ مؤكد
اما لو كانت المسألة قانوية ( محاكم وكده) ،،، اعتقد من السهولة اثبات التزوير من عدمه ،،،

معا من اجل سودانيز اونلاين خالي من الكبشرة

Quote: الامين البشاري ووضاح عدم ثبات وصدقية كبشرة المداخلات - كدليل في محاكم سودانيزاونلاين ،،، أ عتقد انو شئ مؤكد اما لو كانت المسألة قانوية ( محاكم وكده) ،،، اعتقد من السهولة اثبات التزوير من عدمه ،،، معا من اجل سودانيز اونلاين خالي من الكبشرة

يا هندسة وضح ياخى جطتنا

انت بتتكلم عن الكبشرة المعدلة .. ولا الما معدلة ؟
لانو المعدلة ... مفروض ادارة المنتدى تقدر تجيب الاصلية من الداتا بتاعت الموقع
والما معدلة اكيد ما محتاجة اى تعب ..


وليه الكبشرة مؤكد عدم صدقيتها فى سودانيز ؟

Quote: معا من اجل سودانيز اونلاين خالي من الكبشرة

الكبشرة لها وجهان ..
فقدان المصداقية للمستعين بها ....
وفيها اختصار الطريق للاثبات المراد ..
لكن في كلا الحالتين ..
هي أداة فارغه لي زول هونطليس ساي ..........

سلام عليكم اخونا ايمن

في اعتقادي الموضع اصبح ترصد اخطاء الغير ( ان كانت مقصوده او غير مقصوده )
و عمل منها كوبي و في حال حصل اختلاف في وجهات النظر او المخاشنات تطلع
الكبشره , يعني في بعض الاعضاء دي شقلتهم و ما اثروا البورد بشي , دي وجة نظر
زول كان بعاين من بعيد قبل ما يخش البورد .

Quote: الكبشرة لها وجهان .. فقدان المصداقية للمستعين بها .... وفيها اختصار الطريق للاثبات المراد .. لكن في كلا الحالتين .. هي أداة فارغه لي زول هونطليس ساي ..........

جمال ود القوز

الكبشرة الغرض الاساسي منها هو ابتزاز الكاتب بما سطره كيبورده
انت وأيمن جديدين في البورد دا ..ويمكن لسه ما اتعرضوا لمواقف
تخليكـ تخرج عن طوركـ وتكتب حاجة ممكن بعدين يبتزك بيها واحد
وواحد دي خط تحتها خطين .. لأنو في ناس هنا
الله لا يوريكـ ممكن ساي كده وبدون أي سبب يتلحك ويطلعك من المود حقك
وبرضو في ناس شغلتهم في البورد دا الكبشـــرة بس ..
وديل زي ما تفضلت انت وقلت عليهم ....
لو الأمر بيدي أوظفهم طوالي في دار الوثائق واقسام الأرشيف

Quote: الكبشرة الغرض الاساسي منها هو ابتزاز الكاتب بما سطره كيبورده

لا اتفق مع الكلام يا ود البشاري
و اديك مثال حصل معاي انا تحديدا
معاوية الكذّاب كذب في حقي و تاني يوم في المكتب لقيت البوست اتحذف, على حظي انا نمت و خليت البوست مفتوح في البيت فلما رجعت عملت كابشر للكذب بتاعو وطالبتو باثباته او يعترف بكذبه
زي دا هو النوع القصدتو بابو عين بيضاء ولا يتورّع عن الكذب, يعني لولا الكابشر كان نكر عديلو أو كان جو المطيّباتية وحاملي الدلاليك نكرو نيابة عنه
لكن رؤية الكابشر كانت بتروق العالم في علبها, وبعد دا كان بجي من يقول ليك طيب انت قلت ليه شنو, وقال ليك شنو وبتاع, مرّة اضطريت انقل البوست كامل.
فا الكبشرة ليست شراّ كلّها, آكشوالي هي توول, زيّها وزي القلم و الكيبورد و غيرها من التوولز, لو استخدمتها بغرض شرير فهي اداة شر, ولو لغرض نبيل أو إحقاق حق فهي أداة نبيلة

ابو حتوت

سلام والظاهر فايرس السواسيو مأثر عليك لسه

Quote: لا اتفق مع الكلام يا ود البشاري و اديك مثال حصل معاي انا تحديدا

طيب :)

Quote: معاوية الكذّاب كذب في حقي و تاني يوم في المكتب لقيت البوست اتحذف, على حظي انا نمت و خليت البوست مفتوح في البيت فلما رجعت عملت كابشر للكذب بتاعو وطالبتو باثباته او يعترف بكذبه زي دا هو النوع القصدتو بابو عين بيضاء ولا يتورّع عن الكذب, يعني لولا الكابشر كان نكر عديلو أو كان جو المطيّباتية وحاملي الدلاليك نكرو نيابة عنه لكن رؤية الكابشر كانت بتروق العالم في علبها, وبعد دا كان بجي من يقول ليك طيب انت قلت ليه شنو, وقال ليك شنو وبتاع, مرّة اضطريت انقل البوست كامل.

طيب ما ياهو نفس كلامي الاختلاف وين يا هندسه؟
الكابشر انت مسكته وقعدته تسك في معاوية وضغطت عليهو بانو يقول ويكتب
أنا معاوية عبيد الكذااااب ... بهته ود البشـــرى في كدا كدا

ما علينا ..
يا ود البشــرى صدقني ما كنته محتاج لكابشـــر أظن في ناس غيرك قاموا بيها
مع العلم معاوية بنفسه معترف بما كتبه في حقك...
المهم قبل اكتشاف الكابشــر دا يا ود البشــرى ..
الناس كانت في أمن وأمان وصدقني ماف زول بقدر ينكر ما كتبته يداه
ببساطه وزي ما قلته انت فوق (أو غيرك) امكانية انو الزول ينكر كلام كتبه دي صعبه
وصعبه شديد كمان لأنو البورد دا فيهو اعضاء وقراء وم امكانيات الاتصال والتواصل دي
في ناس كتار بكونوا قروا المداخلة واطلعوا عليها....

Quote: فا الكبشرة ليست شراّ كلّها, آكشوالي هي توول, زيّها وزي القلم و الكيبورد و غيرها من التوولز, لو استخدمتها بغرض شرير فهي اداة شر, ولو لغرض نبيل أو إحقاق حق فهي أداة نبيلة

نعم هي توووووووول ويحدد استخدامها الغرض منها
لكن الغالبية بتستخدمها للابتزاز والتحرش بالآخـــرين ..

كن بخير

الإختلاف يا بشاري في قولة انو الكبشرة الغرض الأساسي منها الإبتزاز
وانا اديتك مثال الغرض كان إحقاق حق
ودي تفرق بكتير من الأبتزاز

Quote: الناس كانت في أمن وأمان وصدقني ماف زول بقدر ينكر ما كتبته يداه ببساطه وزي ما قلته انت فوق (أو غيرك) امكانية انو الزول ينكر كلام كتبه دي صعبه

صاح صعبة لكن كمان في ناس بتاكل مال النبي عادي ولا يهمّها :)

بعدين تعرف الابتزاز الو كابشر دا أخير مليون مرة من الإبتزاز الساي
على الأقل دا الناس بتقرا الكابشر و تقيّم الحاصل, لكن لما اقول انت قلت كذا وكذا وما اجيب كابشر بيبقى تقييم الناس يعتمد على مصداقيتك
وفي الحتة دي في ناس بتاكل هوا

تحياتي راعي البوست

Quote: لو الأمر بيدي أوظفهم طوالي في دار الوثائق واقسام الأرشيف

علا صحيح ياعمده بشاري كبشششور سيد الاسم راح فين

في ناس بتكتب البيعجبها ،،، وبعدين ببقى ليها بمبي .... حيرقااان

والمشكلة يا ايمن المكتوب ذاتو مشاتر, صدق القائل: المشاترة اعييت من يداويها.

علا صحيح ياعمده بشاري كبشششور سيد الاسم راح فين

يا حامد كبشور ومشاتر كله من طينة واحدة, يختفيا اوقات ثم يعودا. اولاد مصارين خضراء


ولك ولايمن مودتنا

الكبشرة زي ما قال ود البشرى في المنبر دليل إثبات وفي نفس الوقت دليل اتهام


لكن ما يعنيني هنا أنّ أي كتابات منبرية يمكن تلمن يملك قدرات بسيطة في لغة ال HTML تزويرها وتحويرها وتغييرها وذلك بتغير في الكود كما يشاء ويدخل صور أصلية وبنفس نوعية الخطوط المستخدمة ولا يمكن بأي حال معرفة حقيقتها لأنّها غير تلك التي تعالج بالفوتوشوب أو غيره من معالجات الصورة

فهنا أنت تعالج كود HTML ومن ذم تقوم بعمل كابشر للعمل المعالج

شفت يا ايمن لما الدنيا تبقى ليل تشيل عدة الشغل وتجي تشرك ..
اي كركبة تكبشر وتخت لليوم الاسود () منبر بكري دي ما فيهو أمان
وحنك كلام الليل يمحوهو النهار دا حنك النحل الما بجيب عسل زاتو

تجهز الكابشرات دي وأي حاجة ليها يوما شفت كيف








شايفك أول أمبارح مستمخ في المولد ()
فـ يا عباد الله اعملو حسابكم من كتابة الليل
التي لا ترحم صاحبها ابان البل

Quote: صاح صعبة لكن كمان في ناس بتاكل مال النبي عادي ولا يهمّها :)

ما دام جابت ليها أكل مال النبي خلاص بعديها ليكـ بمزاجي ..
لكن الابتزاز اكثر من احقاق الحق في استخدامات الكابشر ..

الله هونيني .. ثم الله فرجيني

Quote: ما دام جابت ليها أكل مال النبي خلاص بعديها ليكـ بمزاجي ..

اتمنى يا البشاري ما يكون حصل سوء فهم هنا سواء من جانبي او من جانبك
ومسألة ياتو الأكتر ما بتفرق طالما كل واحد ونيته وهي في النهاية أداة و العايز يبتز بدون كابشر بتصرف
الله هونينا كلّنا و يفرّجها علينا :)

Quote: اتمنى يا البشاري ما يكون حصل سوء فهم هنا سواء من جانبي او من جانبك ومسألة ياتو الأكتر ما بتفرق طالما كل واحد ونيته وهي في النهاية أداة و العايز يبتز بدون كابشر بتصرف الله هونينا كلّنا و يفرّجها علينا :)

ابداً ياخ والله لا جاب سوء وسوء نيه والخرابيط دي
بالمناسبة البيناتنا عامرة فخليها كده وأخد راحتك عااادي

كن بخير

كلام فرانكلي ده مهم جدا واهو الدليل




اي واحد عاوز تزويراية زي دي يدفع والعبد لله جاهز :)

تحياتي يا ايمن وضيوفك؛؛؛

انا بفتكر الكبشرة براها ليست دليل لوحدها
اهو انا عملت مثال من مداخلتك الاولي ونسبتها لي نفسي:





ودي المداخلة المزّورة:

عشان ما أكبشر ليكم ...كل واحد يخلي بالو من كيبوردو..

وكل زول يكون مُتسق مع افكارو واطروحاته.
وميزان عدالتك يكون واحد.

Quote: شايفك أول أمبارح مستمخ في المولد ()

استمخاخ الف يا انقابو