Post: #1 Title: صوت مدهش ...البت دي منو ؟؟؟ Author: نجلاء قرافي Date: 03-26-2013, 12:02 PM Parent: #0
مدهشة البت دي .. فاكين فينا ناس بااااع ومييييييع وكاااااك وهكذا اصوات مخبوءة ..دا حرام والله .
Post: #2 Title: Re: صوت مدهش ...البت دي منو ؟؟؟ Author: نجلاء قرافي Date: 03-26-2013, 12:04 PM Parent: #1
عجبني تعبير
شوفتك لي مفيدة
غاية في الكمال
Post: #3 Title: Re: صوت مدهش ...البت دي منو ؟؟؟ Author: نجلاء قرافي Date: 03-26-2013, 12:15 PM Parent: #2
حلاتها بت سغنونة يعني لو لقت رعاية وتدريب بتبقى شطة خدرا .
Post: #4 Title: Re: صوت مدهش ...البت دي منو ؟؟؟ Author: Haytham Ghaly Date: 03-26-2013, 12:24 PM Parent: #3
Quote: حلاتها بت سغنونة يعني لو لقت رعاية وتدريب بتبقى شطة خدرا .
تحياتنا يا نجلاء
اعملي حسابك كلامك دا باكر باكر بجو تكفيريين المنبر دا ويقولوا ليك فيهو ايحاءات وحاجات تانية
المهم البت دي تقريباً بت سيد الغنية دي زااتا
لكن هو منو؟؟؟؟؟
انا بصراحة ما متذكر الاسم لكن هو مين كدا خوجلي وبغني بالمندلين وبعزفو براهو
وتقريباً عندو علاقة بي توتي امكن يكون ساكن فيها
بالمناسبة انتي من القرافاب اهل مصطفى سيد احمد الله يرحمو وللا تشابه اسماء ساكت وللا منسوبة لي قوز قرافي
البت فعلاً صوتا جميل جدا وادائها رائع وتستحق الاستماع
شكرا نجلاء وتحياتنا تاني
Post: #6 Title: Re: صوت مدهش ...البت دي منو ؟؟؟ Author: نجلاء قرافي Date: 03-26-2013, 12:32 PM Parent: #4
ياهيثم
والله التكفيريين البتقول عليهم ديل لو خشو البوست دا حيسمعو البت دي زي 33 مرة .. الصوت الجميل بفرض نفسو اما الايحاءات دي فالفهم قسم . الله يحفظك يا ست الصوت السمح .
Post: #5 Title: Re: صوت مدهش ...البت دي منو ؟؟؟ Author: نور الدين عثمان Date: 03-26-2013, 12:27 PM Parent: #3
تحياتى اختى نجلاء ...
فعلا صوتها رهيب وامكاناتها عالية جدا وممكن بشوية رعاية تصبح شطة ذى ما قلتى ...
بالنسبة لى الصوت النسائى الرائع جدا هو صوت المختفية عافية حسن...
Post: #7 Title: Re: صوت مدهش ...البت دي منو ؟؟؟ Author: مصعب عوض الكريم علي Date: 03-26-2013, 12:34 PM Parent: #5
- البت دي بت ابراهيم خوجلي صاحب الاغنية .. والاغنية دي في الدورة المدرسية وما اظن ابوها يخليها تخش في موضوع الاغاني بالطول والعرض .. البت عندها مستقبل وقراية . - عافية حسن والله صوت مميز
Post: #9 Title: Re: صوت مدهش ...البت دي منو ؟؟؟ Author: نجلاء قرافي Date: 03-26-2013, 12:40 PM Parent: #7
يامصعب تقصد ابراهيم خوجلي (توتي ) لو هو فعلا برضو صوتو ما ساهل .. هو راجل فنان اعتقد انو يقدر المواهب وما يمنع الناس من الابداع دا كلو ..
Post: #13 Title: Re: صوت مدهش ...البت دي منو ؟؟؟ Author: Haytham Ghaly Date: 03-26-2013, 01:04 PM Parent: #7
Quote: البت دي بت ابراهيم خوجلي صاحب الاغنية .. والاغنية دي في الدورة المدرسية وما اظن ابوها يخليها تخش في موضوع الاغاني بالطول والعرض .. البت عندها مستقبل وقراية . - عافية حسن والله صوت مميز
معناها كلامي صاح لانو دا الشخص الانا قاصدو وهو فعلا ابراهيم خوجلي بتاع توتي ودي بتو غنت في الدورة المدرسية والاغنية تبعو هو زاتو
عافية حسن تقريباً من اجمل الاصوات النسائية في السودان وبرضو اختفت وبنسمع اشاعات عن سبب اختفائها لكن غير مؤكدة
لذلك ما بنقدر نقولا هنا
يا نجلاء القرافاب ديل اهلك وللا لأ ياخ
ليه الطناش يعني؟؟؟
Post: #8 Title: Re: صوت مدهش ...البت دي منو ؟؟؟ Author: نجلاء قرافي Date: 03-26-2013, 12:35 PM Parent: #5
ايوة يانوري يعني الخامات الفريدة دي ما تلقى مساحة (برغم اني ماعارفة ظروفها شنو)
ويفكو فينا (المواسير) ..يعملو لينا نفسيات في اضنينا
Post: #10 Title: Re: صوت مدهش ...البت دي منو ؟؟؟ Author: الصادق سيكا Date: 03-26-2013, 12:44 PM Parent: #5
قيل انها بت الشاعر سيف الدين الدسوقى ولا ادرى مدى صحةالخبر لكن يا قرفى البت دي صوتها موووووبالغة
Post: #11 Title: Re: صوت مدهش ...البت دي منو ؟؟؟ Author: نجلاء قرافي Date: 03-26-2013, 12:48 PM Parent: #10
يا صادق مش كدا عليك الله
اكيد انها ما بت الاستاذ سيف الدسوقي (بعرف اسرتو) .
Post: #12 Title: Re: صوت مدهش ...البت دي منو ؟؟؟ Author: سامى عبد المطلب Date: 03-26-2013, 12:59 PM Parent: #11
هذه الحلقه كانت مع مدارس ادريس بود نوباوى وهو زول فنان وليست فى الدوره المدرسيه
Post: #14 Title: Re: صوت مدهش ...البت دي منو ؟؟؟ Author: نجلاء قرافي Date: 03-26-2013, 01:04 PM Parent: #12
شكرا يا سامي للمعلومة بس ياريت يجي واحد/ واحدة ياكدوا لينا المعلومة انها فعلا بت ابراهيم خوجلي ومواصلة تغني ولا وقفت يعني معلومات عنها كدا لانو صوت جميل فلنتحقق من اصلو وفصلو .
Post: #15 Title: Re: صوت مدهش ...البت دي منو ؟؟؟ Author: عادل الباهي عبدالرازق Date: 03-26-2013, 01:08 PM Parent: #11
العزيزة نجلاء قرافي حياك الله
أن لم تخني زاكرتي الخربه هذة السهرة قدمت مع طالبات أحدي المدارس الخاصة وصاحب المدرسة من ذوي الاحتياجات الخاصة بمناسبة إحراز المدرسة المركز الاول في امتحانات الشهادة السودانية وكانت أولي الشهادة السودانية من هذة المدرسة والبنت دي طالبة آنذاك بهذة المدرسة بس أسمها منو الله يعلم
Post: #16 Title: Re: صوت مدهش ...البت دي منو ؟؟؟ Author: محمد عبد الله الامين Date: 03-26-2013, 01:10 PM Parent: #15
Quote: اكيد انها ما بت الاستاذ سيف الدسوقي (بعرف اسرتو) .
صحيح دي مابت الاستاذ / سيف الدين الدسوقي ....
Post: #23 Title: Re: صوت مدهش ...البت دي منو ؟؟؟ Author: نجلاء قرافي Date: 03-26-2013, 08:44 PM Parent: #16
شكرا يا محمد لزيادة التأكيد
Post: #17 Title: Re: صوت مدهش ...البت دي منو ؟؟؟ Author: وليد عبد اللطيف Date: 03-26-2013, 01:17 PM Parent: #15
لاحولالالالالالالالالالالالالالالالالالا دي صوت عجيب عجيب حبك ياحبيبي اصبح لي فرضة انت سلبت روحي وانا روحك بريده
لي اوصاف عديده افضل من غناها ابراهيم خوجلي ( توتي ) ومبارك حسن بركات البت جمال صوتها بقول انها من االارياف لان اصوت الارياف جميله بها حنيه وتطريب عالي
Post: #24 Title: Re: صوت مدهش ...البت دي منو ؟؟؟ Author: نجلاء قرافي Date: 03-26-2013, 08:47 PM Parent: #17
لاحولالالا ساي يا وليد البت صوتها فيهو جمال وحنية وقوة وتطريب ومعاني كتيرة سمحة ماشاء الله عيني باردة
عدد من المتداخلين قالو انها بت الفنان ابراهيم خوجلي صحي ابن الوز عوام .
Post: #22 Title: Re: صوت مدهش ...البت دي منو ؟؟؟ Author: نجلاء قرافي Date: 03-26-2013, 08:42 PM Parent: #15
حياك الله يا عادل لا اطمن زاكرتك فل الفل اسمها مدارس ادريس الخاصة كما بلغني من عدد من الزملاء وصوت البت صراحة ما من النوع البتنسي اطلاقاً .
Post: #18 Title: Re: صوت مدهش ...البت دي منو ؟؟؟ Author: محمد الامين احمد Date: 03-26-2013, 01:29 PM Parent: #10
تحية طيبة للجميع
هى شهرياز ابراهيم خوجلي
Quote: من اوصاف عديدة ظهرت بى قوافى وفنون جديدة افكارى تايهة __________________________
تطربنى القمارى فى غصنك نشيدة يا الحزت المحاسن يا المنية الوحيدة انا يانور عيونى محبتى ليك اكيدة يا الصاين جمالك حسادك تكيدة ________________
قربك لى سعادة وشوفتك لى مفيدة بشكى ليك حظوظى وظروفى العنيدة يا الناعسات عيونك لى عينا سهيدة بى حالى وسهادى نجوم الليل شهيدة ____________________
يا حبيب انت جافى نيرانى بتزيدة شايل قلبى عندك والروح انت سيدة يا عقد الجواهر يا معنى القصيدة تضرب بى سهامك ارواحنا وتصيدة _____________________
حبك ياحبيبى اصبح لى فريضة فى وصفك مكمل فى ذاتك فريدة انت سلبت روحى وانا روحك بريدة شفنا الصيدة عارت من جيدك وريدة _________________________
الروح تهوى زاتك يا حبيب وانت عيده البدرين تهابك من حسنك بعيدة نظراتك دواى وما منظور تعيده لو طيفك يزورنى دى الليلة السعيدة
Post: #19 Title: Re: صوت مدهش ...البت دي منو ؟؟؟ Author: وليد عبد اللطيف Date: 03-26-2013, 01:40 PM Parent: #18
محمد الامين ... سلامات
Quote:
هى شهرياز ابراهيم خوجلي
شكرا شكرا يتخيل لي انا حضرت هذه الحلقه ابن الوز صحي عوام
Post: #20 Title: Re: صوت مدهش ...البت دي منو ؟؟؟ Author: محمد حيدر المشرف Date: 03-26-2013, 01:47 PM Parent: #19
والله أطربتنى حد الثمالة .. وبى حليفتها كمان يا نجلاء
Post: #21 Title: Re: صوت مدهش ...البت دي منو ؟؟؟ Author: ABUHUSSEIN Date: 03-26-2013, 01:58 PM
ملامح أبوها ظاااااااااااااهرة فيها .....
في الوش و في الصوت كمان ....
Post: #27 Title: Re: صوت مدهش ...البت دي منو ؟؟؟ Author: نجلاء قرافي Date: 03-26-2013, 08:56 PM
يا المشرف مصدقاك من غير حلفان والله شفت الجمال دا كيف ... قادر الله صوت ما منو اتنين
Post: #26 Title: Re: صوت مدهش ...البت دي منو ؟؟؟ Author: نجلاء قرافي Date: 03-26-2013, 08:54 PM Parent: #19
ياوليد هههههههه انت لسة حايم بي جاي صحي والله الجمال بفرض نفسو
أقعد عافية
Post: #25 Title: Re: صوت مدهش ...البت دي منو ؟؟؟ Author: نجلاء قرافي Date: 03-26-2013, 08:52 PM Parent: #18
محمد الامين الله يخدر ضراعك جبتها لينا بالدليل القاطع والاغنية كمان جميلة وكلماتا بسيطة وفيها بلاغة
والاجمل من دا كلوووو ... صوت شهريار ، سمحة وصوتك سمح واسمك كمان سمح الله يحفظك
Post: #28 Title: Re: صوت مدهش ...البت دي منو ؟؟؟ Author: محمد فضل الله المكى Date: 03-27-2013, 05:30 AM Parent: #25
Quote: فاكين فينا ناس بااااع ومييييييع
ؤ ناس زعيط ومعيط يا نجلاء!
منقولة من حفل مدارس إدريس الخاصة ورجل الأعمال (الكفيف) إدريس الفاضل إدريس ظاهر في الصورة
حقاً البت مُدهِشه!
Post: #29 Title: Re: صوت مدهش ...البت دي منو ؟؟؟ Author: نجلاء قرافي Date: 03-27-2013, 11:20 AM Parent: #28
محمد فضل الله المكي
وانا بتصفح في اليوتيوب عترت في اغنية اسمها (الكهربا والنسوان ) استفزني العنوان شديد قلت انسمعها
بتقول الكهربا والنسوان الاتنين ماليهم أمان .
مابنزلها هنا فالمكان نظيف وجميل
يعني هسي ديل نتغاظ منهم ولا نكلم ليهم اهلهم
Post: #30 Title: Re: صوت مدهش ...البت دي منو ؟؟؟ Author: رانيه محمد الشيخ Date: 03-27-2013, 11:32 AM Parent: #29
فعلا صوت رووووووووووووعه ومريح شديد لنفس
Post: #31 Title: Re: صوت مدهش ...البت دي منو ؟؟؟ Author: محمد علي البصير Date: 03-27-2013, 11:51 AM Parent: #30
أستاذة نجلاء ربنا يدك العافية
معاك حق ـ بت موهوبة وعندها صوت يجمع كل صفات الصوت الجميل ( قوة ، تطريب ، سلامة مخارج حروف ، )
على فكرة أستاذ إدريس بجانب أنه مدرس ومربي ومالك ومدير لمدارس إدريس
فهو أيضاً يرعى المواهب لما يتمتع به من حس فني وموهبة فنية ، فهو عازف أورغ بارع وله تسجيلات سابقة بالتلفزيون وأعتقد أنه هجر الموسيقى بعد أصابته بالعمى
Post: #34 Title: Re: صوت مدهش ...البت دي منو ؟؟؟ Author: نجلاء قرافي Date: 03-27-2013, 12:05 PM Parent: #31
اهلا يا محمد يعني هسي البت دي مشاركة من مدرسة خاصة ..وينها المدارس الخاصة البتضيع وقتها في اكتشاف المواهب وتدريبهم (نووو تايم ) أكيد ، كونو هذا الادريس يقوم بذلك فله كل الثناء .
Post: #32 Title: Re: صوت مدهش ...البت دي منو ؟؟؟ Author: صلاح الدين نزلاوى Date: 03-27-2013, 11:51 AM Parent: #30
نجلاء سلامات تحياتى للجميع سمعت هذا الصوت منذ فترة ليست بالقصيرة فى اليوتيوب تحت عنوان اجمل صوت سودانى او هكذا معنى. فعلا اداء رائع للاغنية
لكن انتو بورداب ولا مخبرين بالله تجيبوا الخبر والرد موثق اللهم احفظنا
Post: #36 Title: Re: صوت مدهش ...البت دي منو ؟؟؟ Author: نجلاء قرافي Date: 03-27-2013, 12:09 PM Parent: #32
نزلاوي
فعلا سودانيس اون لاين عالم جميل تلقى فيهو اي حاااجة
المافي شنو !
تحياتي للجميع
Post: #33 Title: Re: صوت مدهش ...البت دي منو ؟؟؟ Author: نجلاء قرافي Date: 03-27-2013, 12:01 PM Parent: #30
بلا شك يا رانية كلام جميل لحن جميل صوت جميل كلو كلو منتهى الجمال
Post: #35 Title: Re: صوت مدهش ...البت دي منو ؟؟؟ Author: keiga2000 Date: 03-27-2013, 12:06 PM Parent: #30
والله فعلا صوت مريح جدا
ولي زمن بسمع فيها ما شبعت هسع لي ايام تجاهلت
يعطيك العافية ذكرتينا ليها
ابومصطفى
Post: #37 Title: Re: صوت مدهش ...البت دي منو ؟؟؟ Author: أبو ساندرا Date: 03-27-2013, 12:19 PM Parent: #35
صوتها دافيء عشان كده مريح لكن اساطين الغناء: عافية حسن رمان موسى
ورمان موبالغة
ما لقيناك يوم داك
Post: #44 Title: Re: صوت مدهش ...البت دي منو ؟؟؟ Author: نجلاء قرافي Date: 03-27-2013, 09:09 PM Parent: #37
الاولى بتفق معاك صوتها جميل وملتزمة التانية غبيانة ومغبية ( حرامي القلوب بي كل نسخها ) بتغنيها وقال شنو لقبها السلطانة .. البت دي طشت من الدرب وتاني ما بترجع يا ابو ساندرا
في فرق بين ما لاقيناك وما لقيناك .
شكرا للهدية اللطيفة ،،،
Post: #42 Title: Re: صوت مدهش ...البت دي منو ؟؟؟ Author: نجلاء قرافي Date: 03-27-2013, 08:43 PM Parent: #35
keiga2000
بالضبط كدا صوتها مريح تعبير مناسب خالص
الله يعافيك يا ود امي
Post: #38 Title: Re: صوت مدهش ...البت دي منو ؟؟؟ Author: محمد فضل الله المكى Date: 03-27-2013, 04:51 PM Parent: #30
Quote: الكهربا والنسوان الاتنين ماليهم أمان
يا نجلاء قطعتي مصاريني بالضحك! ؤ دي بغنيها(عوض الجاز) ولا شنو؟
Post: #39 Title: Re: صوت مدهش ...البت دي منو ؟؟؟ Author: محمد فضل الله المكى Date: 03-27-2013, 04:59 PM Parent: #38
Quote: [Qرمان موسى
يا سعادة المستشار كدي نزله لينا هنا بس ما تطلع (لالوب فرعون) على قول نجلاء!
Post: #40 Title: Re: صوت مدهش ...البت دي منو ؟؟؟ Author: عبدالله كع Date: 03-27-2013, 05:07 PM Parent: #39
ما شالله ........................ ابداع
و سلام يا جماعه
Post: #45 Title: Re: صوت مدهش ...البت دي منو ؟؟؟ Author: نجلاء قرافي Date: 03-27-2013, 09:10 PM Parent: #40
اتفق معاك يا عبدالله إبداع مثلما قلت
Post: #43 Title: Re: صوت مدهش ...البت دي منو ؟؟؟ Author: نجلاء قرافي Date: 03-27-2013, 09:04 PM Parent: #38
الله لا ولاوراك ليهم جنس ديل هو في زول نصيح بغني جنس الخمج دا .
Post: #41 Title: Re: صوت مدهش ...البت دي منو ؟؟؟ Author: Taha Babiker Date: 03-27-2013, 07:00 PM Parent: #30
سلام اكيد ده اسمو ابداع من غير تكلف, فعلا مبدعة بنت مبدع اتمني لو تعمل ليها البوم تسجل فيهو كل اعمال المبدع ابراهيم خوجلي.
شكرا علي هذا البوست المريح للاعصاب.
طـــه بابكر
Post: #46 Title: Re: صوت مدهش ...البت دي منو ؟؟؟ Author: محمد أبوالعزائم أبوالريش Date: 03-27-2013, 09:25 PM Parent: #41
Quote: ؤ دي بغنيها(عوض الجاز) ولا شنو؟
يا سعادتك دي قلبت فيها (هوبا).
يا نجلاء أنا إنفعالي مع الأغنية يمكن يكون مختلف شوية.
أصلو الأغنية رجعتني لي زمن بعيد شديد ... أيام نجومية إبراهيم خوجلي، وهو يغني في الحفلات ... فاصل يقدمه وهو (حاضن) الماندولين ... وفاصل يقدّمه بالرق.
_____ لكن البت سكّت الأغنية شديد ....... الأغنية إيقاعها أبطأ من كده بي كتير
Post: #50 Title: Re: صوت مدهش ...البت دي منو ؟؟؟ Author: نجلاء قرافي Date: 03-28-2013, 01:04 PM Parent: #46
محمد ازيك ياخي
ماقلت رايك في صوت البنية ؟؟
سمعتها بالعود من ابوها ..فعلا شغل متكامل بس الجيل الجديد دا سستمو براهو ..
Post: #48 Title: Re: صوت مدهش ...البت دي منو ؟؟؟ Author: نجلاء قرافي Date: 03-27-2013, 09:49 PM Parent: #41
شكرا علي هذا البوست المريح للاعصاب.
الله يسلمك ياطه
الدنيا كولها جايطة قلنا ناخد لينا انجمامة شوية .
Post: #47 Title: Re: صوت مدهش ...البت دي منو ؟؟؟ Author: الطيب شيقوق Date: 03-27-2013, 09:29 PM Parent: #30
بت القرافي
ازيييييييييك
Quote: بتبقى شطة خدرا
البت مبدعة وتبقى شطة خدرا دي قلبتي فيها هوبة عديل كدا
يا نجلاء انا هنا معروف اعظم هدية تقدم لي برتمانية فيها شطة خدراء
تسلمي يا شطة
Post: #49 Title: Re: صوت مدهش ...البت دي منو ؟؟؟ Author: راشد سيد أحمد الشيخ Date: 03-28-2013, 12:51 PM Parent: #47
يا أم أمنية إختيار ممتاز و غنى يطيب النفس وصوت ما عادي
ليك التشكرات و سلامنا لي عقابك من جم
Post: #51 Title: Re: صوت مدهش ...البت دي منو ؟؟؟ Author: مزمل خيرى Date: 03-28-2013, 03:38 PM Parent: #49
صوتها مميز وجميل وكتير من المبدعين الشباب ما لاقين فرصة للظهور والساحة ماسكنها ناس حمادة بت وحسن عرزة ..