يا مغتربين.. رأيكم شنو ترتاحوا في صالون الفن؟

أنا مغترب ومن سنين طويلة..

وعارف كويس هم الإغتراب.. والضغوط اليومية..

وعارف الناس بقت تطلع من الشغل وتمشي على بيتها تاخد ليها نومة وتقعد تصاقر التلفزيون..

وإنتو عارفين كويس ما تقدمه بعض القنوات التلفزيونية من برامج..

وبعض ليال بورتسودان مثال حي لذلك..

خلاصة الكلام..

عاااادي جداً مطلع كل شهر أو كل شهرين (بعد قبض المرتبات).. تجتمع شلة يجمعها حب الفن والأدب في أحد الصالونات أمسية خميس أو جمعة. وتختار في كل جلسة أحد الفنانين الذين وضعوا بصمتهم على خارطة الفن السوداني أو أحد الشعراء أو الملحنين ليكون مثار النقاش من المختصين في هذا الأمر.. مع تقديم نماذج من أعماله..

قلت الكلام ده لأني عارف مدينة جدة بالمملكة العربية السعودية تحديداً وأعتقد بقية مدن المهجر.. يتواجد بها العديد من الشعراء والملحنين والمطربين والأدباء..

ولا يتعارض هذا الأمر مع أية موانع باعتبار أنه لقاء عادي في صالون إحدى الاستراحات أو أي مكان آخر..

رأيكم شنو يا بورداب جدة..

عارف نفسي جديييييد لنج.. بس يمكن أنفع..

معليش أخي ود الباوقة أرد عليك هنا رغم أن ردك بهناك..

واللخبطة الحصلت دي.. لدواع تنظيمية..

الرد: ياخ أنا في كلامي ده كلللللوا نهائي ما قلت يجي فنان من السودان عشان يكون ضيف لصالون.. أنا قلت تقديم نماذج من أحد المطربين المتواجدين في ذات المدينة..

أرجع اقرأ كلامي تاني.. مع تقديري..

Quote: . أنا قلت تقديم نماذج من أحد المطربين المتواجدين ذات المدينة..

اخي خالد

يمكننا رفدكم من الرياض بالمطرب ( مصطفى قرع )

لا داعي لافتراع بوست اخر

يمكنك اخي خالد تعديل العنوان في نفس البوست

وشكرا

ياخ إنت لو راجل ما جادي خلي الناس الجادين يردوا..

وركز في حاجة تانية ..

Quote: ياخ إنت لو راجل ما جادي خلي الناس الجادين يردوا..

يا اخ كيف ما جادي ؟؟

خلاص أنا بعتبرك جادي.. بس لغاية الآن لافي بي في فراغ..

ما شفت منك حاجة تودي البوست ده لقدام..

Quote: خلاص أنا بعتبرك جادي.. بس لغاية الآن لافي بي في فراغ.. ما شفت منك حاجة تودي البوست ده لقدام..

البوست اوديهو لي قدام كيف

ونحن ما عارفين حاجة

انتو ابدو في التجهيزات ونحن حاضرين

يا اخي خالد

بارك الله فيك

بكلمة حلوة.. وفكرة أحلى..

تحياتي لكل أهل الفن الجميلين جداً في الرياض..

الفنان الجميل والجاد في فنه ...خالد على ..سلامات ..

ربما كان اول لقائي بك في تكريم رابطة ابناء كسلا بجدة للفنان الكبير / ابراهيم حسين ، وانت كنت احد الفنانين الذين شاركوا في تكريم كروان الشرق واسهموا في انجاح التكريم ..واعتقد انك من الاصوات الجميلة والجادة في جدة في ممارسة الغناء بمسئولية واحترام ..

اذكر في اول لقاء شاركتُ فيه مع بورداب جدة تم تقديم بعض المقترحات للبورداب
وتقدم الدكتور بشرى الفاضل بمقترح هو اقرب لفكرة بوستك هذا وهوإقامة جلسات دورية بين البورداب لمناقشة بعض الكتب في مختلف دروب الثقافة غناءاً او شعراً او رواية او حتى سياسة ..ولكن لم يجد هذا المقترح فرصة للتطبيق لانشغالات الغربة وربما عدم التجانس السياسي والفكرى واختلاف الميولات ..

يمكن دمج الفكرتين وشخصيا ادعمهما ..
عايزين نستفيد ونستمتع ..


تحياتي ياجميل ..

العزيز فايز..

لك تقديري وشكري.. أعتقد إنك قريب جداً من مجتمع جدة وهو يزخر بكوكبة جميلة من المبدعين.. ويحتاج فقط (للتفعيل)..

الفكرة ما أعتقد أنها صعبة.. وتحتاج لإرادة قوية من المنظمين.. ويمكن عملنا قبل كده تجمعات مشابهة إلى حد كبير لمضمون البوست..

واحد من التجمعات دي كان عن أغنية الحقيبة.. وكانت هناك مشاركة واسعة من أهل الأدب والفن وبحضور أخوة شعراء سعوديين.. ورافقنا في تقديم النماذج الفنان الأستاذ عادل الصديق..

ياخ خلينا نتقابل.. ونتكلم باستفاضة..

الموضوع في اعتقادي مهم وضروري..

Quote: ياخ خلينا نتقابل.. ونتكلم باستفاضة..

تسلم اخي خالد وبينا تواصل ان شاء الله
واتمنى ان ينجح هذا العمل ..



تحياتي ،،

Quote: يمكننا رفدكم من الرياض بالمطرب ( مصطفى قرع ) وشكرا

انحنا عندنا خالد طماطم ..
قال قرع قال .
شكلو تابع للمشروع الخضاري :D

Quote: انحنا عندنا خالد طماطم .. قال قرع قال .

اخي امجد

المطرب مصطفى قرع يعرفه كل اهل الرياض

وانا شخصيا من المعجبين جدا بفنه

شكرا ليك

Quote: المطرب مصطفى قرع يعرفه كل اهل الرياض

انا من سكان الرياض لي قرابة العشرة سنوات الا شوية .
ما سمعت بي فنان اسمو مصطفي ( قرع) .

عموماً اذا صح ان هنالك مطرب بهذا الاسم ( قرع) فانا مدين لك باعتذار .

تحياتي .

بإذن الله يا فايز.. رقمك معاي..