Post: #1 Title: السودان VS غانا . (المبارة والاهداف ) + الي متي هذا الحال ؟ Author: طارق حرسي Date: 03-24-2013, 09:04 PM Parent: #0
الاهداف
Post: #2 Title: Re: السودان VS غانا . (المبارة والاهداف ) + الي متي هذا الحال ؟ Author: طارق حرسي Date: 03-24-2013, 09:07 PM Parent: #1
الشوط الاول
Post: #3 Title: Re: السودان VS غانا . (المبارة والاهداف ) + الي متي هذا الحال ؟ Author: طارق حرسي Date: 03-24-2013, 09:08 PM Parent: #2
الشوط الثاني
Post: #4 Title: Re: السودان VS غانا . (المبارة والاهداف ) + الي متي هذا الحال ؟ Author: طارق حرسي Date: 03-24-2013, 09:11 PM Parent: #3
منتخب تم تجميعه في ايام
لا إعداد ولا استعداد ولا معكسر ماشين لي شنو ؟؟ وعشان يعملو شنو ؟؟ وعايزين يحققوا شنو ؟؟
Post: #5 Title: Re: السودان VS غانا . (المبارة والاهداف ) + الي متي هذا الحال ؟ Author: طارق حرسي Date: 03-24-2013, 09:17 PM Parent: #4
اليوم حقق منتخب تنزانيا الفوز علي منتخب المغرب بثلاثة اهداف مقابل هدف
وبالامس حقق منتخب كينيا التعادل مع منتخب نيجيريا في نيجيريا بهدف لكل
ومنتخبنا يخسر بالاربعة ..
وبخطأ اداري يخسر ثلاثة نقاط
Post: #7 Title: Re: السودان VS غانا . (المبارة والاهداف ) + الي متي هذا الحال ؟ Author: طارق حرسي Date: 03-24-2013, 09:25 PM Parent: #5
ومنتخب اثيوبيا يتصدر مجموعته بفارق نقطتين عن جنوب افريقيا
Post: #6 Title: Re: السودان VS غانا . (المبارة والاهداف ) + الي متي هذا الحال ؟ Author: Mohamed Hamed Ahmed Date: 03-24-2013, 09:24 PM Parent: #4
بلد كل شئ فيها معوج (والعرجا لي مراحا)
Post: #8 Title: Re: السودان VS غانا . (المبارة والاهداف ) + الي متي هذا الحال ؟ Author: عبد الوهاب المليك Date: 03-24-2013, 10:18 PM Parent: #4
Quote: منتخب تم تجميعه في ايام
لا إعداد ولا استعداد ولا معكسر ماشين لي شنو ؟؟ وعشان يعملو شنو ؟؟ وعايزين يحققوا شنو ؟؟
عشان ياخدوا أربعة أهداف مع الرأفة .. والأربعة دي حكايته شنو معانا ؟ أحمد الله وأشكر فضله بطلت تشجيع كورة منذ الرياضة الجماهيرية .. أيام الهلال هلال والمريخ مريخ والموردة موردة والنيل نيل والتحرير تحرير والفريق القومي فريق قومي بالطول وبالعرض يهز الأرض .. أيام الجيل الذهبي والعهد الذهبي للكرة السودانية .. والله العظيم ما بيحصل أقرأ صفحات الرياضة في الصحف السودانية إلا بالصدفة .. ولا بشاهد مباريات .. حفاظاً على صحتي وباقي عميري .. ولا بتداخل في أي بوست خاص بالكورة السودانية لأني ما بفهم فيها حاجه .. بس لفتت نظري الأربعات دي .. وغزارة الأهداف التي تستقبلها الشبكة السودانية .. عشان كدا دخلت البوست دا وبعتذر لصاحب البوست ..
يا مثبت العقل والدين ..
Post: #9 Title: Re: السودان VS غانا . (المبارة والاهداف ) + الي متي هذا الحال ؟ Author: نادر الفضلى Date: 03-25-2013, 03:45 AM Parent: #8
عدم الإعداد شماعة .. ياها كورتم والأربعة ما كعبة يحمده ربهم ما زادت وإضاعفت الغانيين ديل نظامهم بيدونا إثنين من بدرى وبيقيفوا، المرة دى المباراة ثأرية لأنه جماعتنا أخر مرة إطااولوا عليهم وطلعوها عندهم تعادل سلبى
Post: #10 Title: Re: السودان VS غانا . (المبارة والاهداف ) + الي متي هذا الحال ؟ Author: ايهاب محجوب Date: 03-25-2013, 07:12 AM Parent: #4
ياحرسي سلام زمان هنا في ابوظبي و تحديدا منطقة مصفح كان بيجي لاعب سوداني دولي و في فترة كدا من كثرت الزيارات بقي صاحبنا عديل المهم في واحدة من زيارته قعد حوالي شهرين (ترفيه للجيش) و كان الفريق القومي معسكر رجع قبل المباراة بي يوم و الصحف بي عنوان كبير عودة الاعب فلان من فترة اعداد بالامارات تصدق في المباراة كان اساسي و الله من المباراة دي رميت طوبة الكورة السودانية
Post: #11 Title: Re: السودان VS غانا . (المبارة والاهداف ) + الي متي هذا الحال ؟ Author: الصادق صديق سلمان Date: 03-25-2013, 07:32 AM Parent: #10
شوف يا حرسي
لا تتوقع شيء في هذه الأيام من الذين يجلسون على كراسي القرار في وطني الحبيب وذلك وبكل بساطة لأنهم لا يعملون بضمير ولا يخافون الله فينا قتلوا فينا كل شيء جميل, جتى كرة القدم التي نحبها قتلوا فينا حبها لأنهم لم يحسنوا إدارتها وتطويرها ليفرح الشعب السوداني
حتى اللاعبين لا يلعبون الكرة بضمير رغم أنهم غير ملامين لأنهم اتصلوا عليهم وقالوا ليهم يلا اركبوا الطيارة نمشي تلعب مع غانا بدون حتى تمرين واحد مع بعض , كيف يستوي هذا الكلام يا حرسي ياخ؟؟؟؟؟؟؟؟؟؟؟؟
أسأل الله أن يريحنا منهم
Post: #12 Title: Re: السودان VS غانا . (المبارة والاهداف ) + الي متي هذا الحال ؟ Author: طارق حرسي Date: 03-25-2013, 07:40 AM Parent: #11
Quote: Mohamed Hamed Ahmed بلد كل شئ فيها معوج (والعرجا لي مراحا)
غايتو يا حبيب نقول ربنا يصلح الحال بس بالجد حاجة تمرض
Post: #13 Title: Re: السودان VS غانا . (المبارة والاهداف ) + الي متي هذا الحال ؟ Author: طارق حرسي Date: 03-25-2013, 07:48 AM Parent: #12
Quote: عبدالوهاب المليك بس لفتت نظري الأربعات دي .. وغزارة الأهداف التي تستقبلها الشبكة السودانية .. عشان كدا دخلت البوست دا وبعتذر لصاحب البوست ..
الحبيب عبدالوهاب ولا يهمك ياخ شيل راحتك يا حبيب واتفشي سااااااااااااااي
نعمل شنو عاد
دي كورتنا وديل اولادنا
مودتي
Post: #14 Title: Re: السودان VS غانا . (المبارة والاهداف ) + الي متي هذا الحال ؟ Author: طارق حرسي Date: 03-25-2013, 08:09 AM Parent: #13
Quote: نادر الفضلي عدم الإعداد شماعة ..
الحبيب نادر
لا يمكن ان تجمع فريق في ظرف ثلاثة ايام وبدون معكسر وبدون تمارين وبدون مباريات ودية لاداء مبارة في تصفيات كاس العالم ومع منتخب مثل منتخب (غانا) ... من المعروف بان جميع المنتخبات وقبل بداية اي بطولة وبفترة طويلة جداً يكونوا عملو جميع الترتيبات اللازمة للتجهيز لها من اختيار لاعبين ومعسكرات ومباريات ودية و مع منتخبات كبيرة للوقوف علي مستوي اللاعبين ومدي جاهزيتهم ومعالجة الاخطاء والسلبيات حتي يتم اختيار التشكيل المناسب للمنتخب .. والإعداد يعتبر هو الاهم لتحقيق اي نتائج ايجابية في اي بطولة ...
يعني زي التصفيات دي مفروض كان يكون التجهيز لها من قبل سنة من الآن ..
لكن المنتخب لم يجد الاهتمام والدعم اللازم من قبل الدولة ... فلذلك النتيجة متوقعة ومنطقية مقارنة بظروف المنتخب التي يمر بها من اهمال واضح ..
مودتي
Post: #15 Title: Re: السودان VS غانا . (المبارة والاهداف ) + الي متي هذا الحال ؟ Author: طارق حرسي Date: 03-25-2013, 08:19 AM Parent: #14
Quote: الصادق صديق سلمان شوف يا حرسي
لا تتوقع شيء في هذه الأيام من الذين يجلسون على كراسي القرار في وطني الحبيب وذلك وبكل بساطة لأنهم لا يعملون بضمير ولا يخافون الله فينا قتلوا فينا كل شيء جميل, جتى كرة القدم التي نحبها قتلوا فينا حبها لأنهم لم يحسنوا إدارتها وتطويرها ليفرح الشعب السوداني
حتى اللاعبين لا يلعبون الكرة بضمير رغم أنهم غير ملامين لأنهم اتصلوا عليهم وقالوا ليهم يلا اركبوا الطيارة نمشي تلعب مع غانا بدون حتى تمرين واحد مع بعض , كيف يستوي هذا الكلام يا حرسي ياخ؟؟؟؟؟؟؟؟؟؟؟؟
أسأل الله أن يريحنا منه
حبيبنا الصادق كلام سليم المنتخب لم يجد الاهتمام والدعم اللازم .. والخسارة متوقعة ولا لوم علي المدرب او اللاعبين .. ولا يمكن في ظرف اسبوع تكون منتخب وتسافر عشان تلعب مبارة ومع منتخب كبير زي منتخب غانا ..
مودتي
Post: #16 Title: Re: السودان VS غانا . (المبارة والاهداف ) + الي متي هذا الحال ؟ Author: طارق حرسي Date: 03-25-2013, 08:26 AM
Quote: ايهاب محجوب و الله من المباراة دي رميت طوبة الكورة السودانية