Post: #1 Title: يالجماعة الحارقين دمهم في كورتنا الشينة دي .. إختشوا Author: حيدر حسن ميرغني Date: 03-24-2013, 07:21 PM
وينا الكورة جوووة البلد ذاتا عشان تحلموا بإنتصارات خارجية آخر هلال مريخ ورب الكعبة شاهدتها بالصدفة لقيت بوستات ود الباوقة احسن منها
- احسن لينا نلعب كريكت
Post: #2 Title: Re: يالجماعة الحارقين دمهم في كورتنا الشينة دي .. إختشوا Author: جمال ود القوز Date: 03-24-2013, 07:29 PM Parent: #1
إختشوت ........... ومين سمعكـ يأخ .. تاني مادايرين معاهم .. لا كورة ولا بتيخ ............
Post: #3 Title: Re: يالجماعة الحارقين دمهم في كورتنا الشينة دي .. إختشوا Author: حيدر حسن ميرغني Date: 03-24-2013, 07:39 PM Parent: #2
ياجمال الجماعة ديل الناقصهم شنو عشان يبقو مثل غيرهم من اللاعبين تسمع بالمليارات حقت التسجيلات تقول حايجيبو كأس العالم الغلط في الناس المغشوشة فيهم وفي مدربهم التحفة مازدا ياخي ديل اكبر وهم ربنا ابتلانا بيهم
Post: #4 Title: Re: يالجماعة الحارقين دمهم في كورتنا الشينة دي .. إختشوا Author: حيدر حسن ميرغني Date: 03-24-2013, 07:44 PM Parent: #3
يا حيدر أها يعني تاني منو الما حارقين دمهم وما يختشوا ؟ السياسة مثلا ؟؟؟ السودان الطيش .. الفن ... الثقافة ... علم الذرة .. الخ .. الحال كلو من بعضو يا حبيب .. الجميع حارق دمو ورزو وأية حاجة في ولا حاجة .. من وجهة نظري كلو يخشى ويقوم يلف .
والله تباري الجماعة ديل يجيك دغِت زي، وإنت لِسّع سِغيّر وقاعد تبيع سجاير في صف السينما. مخيييييير غايتو...
Post: #7 Title: Re: يالجماعة الحارقين دمهم في كورتنا الشينة دي .. إختشوا Author: ولياب Date: 03-25-2013, 06:02 AM Parent: #6
حيدر مسكاقنا
هذا توجهي وقناعتي بأننا لا نعرف أية كورة ، حتى السلة التي كنا نتغنى بها أيام وجود أخوتنا من الجنوب لم نفلح فيها .
ودايماً بقول للناس هنا ، نحن عديل ما عندنا كورة وكفاك تشوف هلال مريخ وتطلع بقناعة كاملة الدسم بأننا في وادي آخر من دنيا الكرة ومن الذين يمارسون اللعبة الشعبية الأولى ، يا خي عندنا هنا في الرياض حواري وبعض الميادين الشباب يلعبون كرة أحلى وأمتع من مستوى الفريق القومي السوداني .
كل مرة نأخذ على دماغنا ونولول ، نحتاج لقرار جرئ بعدم مشاركتنا في أي محفل أقليمي لمدة خمسة أعوام ، يتم فيها التدريب والتأهيل لأناس آخرين يستطيعون أن يمارسوا لعبة القدم بالصورة التي نراها على الأقل أفريقياً أو عربياً ( وما حنمشي على العالمية ) .
عديل كرتنا متأخرة وهذا بفضل اللاعبين .
Post: #8 Title: Re: يالجماعة الحارقين دمهم في كورتنا الشينة دي .. إختشوا Author: khaleel Date: 03-25-2013, 06:20 AM Parent: #7
