النجيضه انسي تساهيل انسي اخوك انسي اي زول كلما ترجع في اجازه اعمل مقتدرتك و بعداك واصل يا اخوي المتكوله واقعه ، و ما حك جسمك ذي ضفرك
في الختام ضيعنا الكتير و ده نصيحه لله
الزبير الختمي
Post: #3 Title: Re: شركة تساهيل الخاض التجربة معاهم يدينا النجيضة Author: محمد المسلمي Date: 03-24-2013, 02:26 PM Parent: #2
كبر اللفة
Post: #4 Title: Re: شركة تساهيل الخاض التجربة معاهم يدينا النجيضة Author: Jamal Mustafa Date: 03-24-2013, 02:39 PM Parent: #3
غايتو ياخالد فبل التجربة حضرنا تنوير لمندوب الشركة ولسوء حظه وقع فى ناس أفتراض سوء الظن عندهم عالى جدا وده شغلهم . وتمت محاصرته بعدد من الأسئلة غايتو قال المرة الجاية بجينا جاهز المهم الواضح من كلامو أنو الشركة حريصة على ضماناتها دون ذكر ضمانات للمستفيد أذكر قال الأقساط تكتب شيكات مقدما وانت عرف مجرد تحرير شيك تانى رجعة مافى إلا السداد عموما ا،شاء الله أجى واحد منهم ووضح لينا الصورة أكثر بالذات ضمانات الشركة للمستفيد من خدماتهم مع التقدير ،،
Post: #5 Title: Re: شركة تساهيل الخاض التجربة معاهم يدينا النجيضة Author: محمد عمر الفكي Date: 03-24-2013, 02:44 PM Parent: #4
ود العطا وابو علي ازيك ياخي وليك وحشة نصيحة عامة وما بعرف شركة تساهيل دي شنو وبتبيع شنو لكن الحاجة من تلقى اسمها تسابيح، تهاليل، استبشار وما شابهها طوالي اختاها.
سوي مقدرتكـ بالعندكـ .. إنشاء الله تشتري عجله .. لكن شيكات تتحرر لي زمناً ما معروفه ظروفه .. تبقى شغلة مجهجه .. واهلنا قالوا زماان الني للنار .. وتساهيل أو خلاف تساهيل .. شغله مخستكه ونيه .. تابعت بعض معاناة من رهنوا منازلهم .. من اجل سيارة .. فأأت الظروف عكس مايشتهون .. فراحت بيوتهم .. وتشتتوا في بيوت الايجار .. ومعاناة متواصلة الفصول .. طبعاً تساهيل ماعندهم رهن بيوت . تقريباً عملوا فيها ضوابط .. لكن هي من باب ضرب المثل .. نصيحتي ليكـ .. ما تتورط ..........
Post: #8 Title: Re: شركة تساهيل الخاض التجربة معاهم يدينا النجيضة Author: الطاهر عثمان Date: 03-24-2013, 04:09 PM Parent: #7
شوف يا صاحب البوست انا ما اتعاملت مع تساهيل لكن حضرت ليهم حلقة في النيل الازرق اعتقد جابو المستشار القانوني بتاعم مما بدا يتكلم انو هو حريص علي مصلحة العملاء والزباين اكتر من مصلحة الشركة عرفتو نصاب لانو ما ممكن تكون حريص علي مصلحة المشغلك وبيديك مرتبك اكتر من عملاءة دة من ناحية ومن ناحية تانية كان كلامهم ما كلام بزنس وعمل كان كلام عاطفي انو احنا جينا عشان نريح المغترب ونساعدة في انو يشتري بيت او عربية وانو عملهم يبتغون به وجه الله تعالي والكلام المكانو المستجد وخطب الجمعه ما شركات الاستثمار قبل يومين سمعت جارتنا بتكلم زوجتي انو اخوها مشي مكاتب تساهيل في جدة ودفع الف ريال رسوم دراسة ولمن رجع ليهم لقاهم قفلو المكتب وجوالتهم مغلقة تاني حاجة اي حاجة في السودان ولعدم استقرار سعر الصرف والاسعارذالكل يوم في وادي دي اي حاجة تتباع بالاقساط بتنضرب في خمستاشر عشان الشركة تطلع ربحانه في الاخر امسك كلام الناس البيقولو ليك ابني او اشتري علي قدر قروشك انشاء الله مل سنة تبني مدماك احسن لك
انا مصرفي محترف ومشيت البنك عشان اخد سلفية اكمل بيها البيت قبل سنوات موظف الاستثمار كان احد موظفيني زمان لمن طرحت ليهو الغرض من الزيارة قال لي انت الكنت بتعلمنا ليهو زمان نسيتو ولا شنو امشي حسبها وتعال لو عاوز تنفذ بننفذ معاك في اربعه وعشرين ساعه وفعلا مشيت وتاني ما جيتو عشان انا كان غرضي ابني اخلص واسدد الاقساط ولمن حسبتها لقيت حا ادفع اربعه الي ثلاثة ونص من القيمة الحقيقية بين ارباح البنك وقروش الدراسة بتاعت المشروع لقيمة الرهن ورسومة ولقيمة فك الرهن ودمغه الجريح والضريبة والقيمة المضافة وهلما جرا
اي حاجة اسمها يغلب علية الطابع الديني ابعد منو او علي الاقل شكك فيهو حتي يتبين العكس لان غمس الدين في التجارة دايما ما يكون ستار او واجهه لاستمالة القلوب باسم الدين
Post: #19 Title: Re: شركة تساهيل الخاض التجربة معاهم يدينا النجيضة Author: خالد العطا Date: 03-25-2013, 11:28 AM Parent: #9
Quote: اي حاجة اسمها يغلب علية الطابع الديني ابعد منو او علي الاقل شكك فيهو حتي يتبين العكس لان غمس الدين في التجارة دايما ما يكون ستار او واجهه لاستمالة القلوب باسم الدين
الزيبر صالح
تسلم وردك وافي وكافي شكرا ليك مره اخرى
Post: #16 Title: Re: شركة تساهيل الخاض التجربة معاهم يدينا النجيضة Author: خالد العطا Date: 03-25-2013, 11:06 AM Parent: #8
اخوي الطاهر سلام
Quote: غايتو طريقة تسويقهم ما عجبتني ما بتحس بيها حقيقية
ما ده المحير بوبي ظاتووووووووووو
Post: #15 Title: Re: شركة تساهيل الخاض التجربة معاهم يدينا النجيضة Author: خالد العطا Date: 03-25-2013, 11:04 AM Parent: #7
ود القوز سلاااااااااااام
Quote: نصيحتي ليكـ .. ما تتورط ..........
لي هسه زول شكرلي الناس ديل مافي
تسلم وشكرن للنصيحة
Post: #14 Title: Re: شركة تساهيل الخاض التجربة معاهم يدينا النجيضة Author: خالد العطا Date: 03-25-2013, 11:03 AM Parent: #6
Quote: ياخالد أمسك فى كلام ود المسلمى دة قوى ..
مزمل خيري
سلام
كبرنا اللفة وزغنا بي الكبري كمان
Post: #13 Title: Re: شركة تساهيل الخاض التجربة معاهم يدينا النجيضة Author: خالد العطا Date: 03-25-2013, 11:02 AM Parent: #5
Quote: نصيحة عامة وما بعرف شركة تساهيل دي شنو وبتبيع شنو لكن الحاجة من تلقى اسمها تسابيح، تهاليل، استبشار وما شابهها طوالي اختاها.
Quote: ود العطا وابو علي ازيك ياخي وليك وحشة نصيحة عامة وما بعرف شركة تساهيل دي شنو وبتبيع شنو لكن الحاجة من تلقى اسمها تسابيح، تهاليل، استبشار وما شابهها طوالي اختاها.
هههههههههههههه والله تحفة يا محمد عمر الفكي قلت لي يكتل منها ملف طوالي؟
الله يجازي المتاجرين بالدين
Post: #11 Title: Re: شركة تساهيل الخاض التجربة معاهم يدينا النجيضة Author: خالد العطا Date: 03-25-2013, 10:59 AM Parent: #4
Quote: غايتو ياخالد فبل التجربة حضرنا تنوير لمندوب الشركة ولسوء حظه وقع فى ناس أفتراض سوء الظن عندهم عالى جدا وده شغلهم . وتمت محاصرته بعدد من الأسئلة غايتو قال المرة الجاية بجينا جاهز المهم الواضح من كلامو أنو الشركة حريصة على ضماناتها دون ذكر ضمانات للمستفيد أذكر قال الأقساط تكتب شيكات مقدما وانت عرف مجرد تحرير شيك تانى رجعة مافى إلا السداد عموما ا،شاء الله أجى واحد منهم ووضح لينا الصورة أكثر بالذات ضمانات الشركة للمستفيد من خدماتهم مع التقدير ،،
يا جيمي سلااااااااااااام
تحرير شيك معناها ضمنو حقهم قبل ما يشتغلوا
وكمان في البال سندس الزراعي
Post: #12 Title: Re: شركة تساهيل الخاض التجربة معاهم يدينا النجيضة Author: خالد العطا Date: 03-25-2013, 11:01 AM Parent: #3
محمد المسلمي
تعجبني صراحتك
يعني نعمل شتات بي الالوان كمان
Post: #10 Title: Re: شركة تساهيل الخاض التجربة معاهم يدينا النجيضة Author: خالد العطا Date: 03-25-2013, 10:56 AM Parent: #2
Quote: الاخ خالد لك التحيه
النجيضه انسي تساهيل انسي اخوك انسي اي زول كلما ترجع في اجازه اعمل مقتدرتك و بعداك واصل يا اخوي المتكوله واقعه ، و ما حك جسمك ذي ضفرك
Quote: نصيحة عامة وما بعرف شركة تساهيل دي شنو وبتبيع شنو لكن الحاجة من تلقى اسمها تسابيح، تهاليل، استبشار وما شابهها طوالي اختاها.
Quote: باقي ليهم شركة تحاميل بس هههههههه
نهاركم إبداااااااااع هههههههههههه
Post: #18 Title: Re: شركة تساهيل الخاض التجربة معاهم يدينا النجيضة Author: فايزودالقاضي Date: 03-25-2013, 11:13 AM Parent: #17
Quote: شركة تساهيل الخاض التجربة معاهم يدينا النجيضة
تجربة شنو ؟!!
Post: #21 Title: Re: شركة تساهيل الخاض التجربة معاهم يدينا النجيضة Author: خالد العطا Date: 03-25-2013, 11:56 AM Parent: #18
فايز سلام
Quote: تجربة شنو ؟!!
مباراة ودية لخوض المنافسات القارية
ق ل وبعد ده كله مشتاقين
Post: #22 Title: Re: شركة تساهيل الخاض التجربة معاهم يدينا النجيضة Author: خالد العطا Date: 03-25-2013, 11:57 AM Parent: #17
نادر التوم
سلام
Quote: نهاركم إبداااااااااع هههههههههههه
نهارك سعيد يا عسل
Post: #20 Title: Re: شركة تساهيل الخاض التجربة معاهم يدينا النجيضة Author: Osama Mirghani Date: 03-25-2013, 11:29 AM Parent: #10
والله خوفتونا يا جماعة......أنا حاليا داخل فى مفاوضات مع شركة إسمها العمرانية عشان إستثمار قطعة أرض فى موقع ممتاز ...وتمت موافقتهم....يبنوا ويرجعوا قروشهم من إستثمار العقار...............رأيكم شنو أستمر ولا أشتت......الله يفيدكم ......السودان بقى يخوف !!!!
ياخالد فتش بوست بنك البركة في الصفحة التالتة ولا الرابعة ماعارف فاتحه عصام محمد يوسف وانا منزل عروضهم ..
غايتو انا لي قطعة ارض اخدتها قبل 11 سنة قبل سنتين عملت الاساس وقبل سنة عملت السور وقبل كم شهر اشتريت باب للسور والمفتاح معاى وبس وصيت اولادي من بعدي يبقوا ماسكين على جمر القضية دي.
Quote: وبحسابات بسيطة يعني لو كانت التكلفة الفعلية لبناء المنزل حوالي مليار مع شركة تساهيل تكون التكلفة 2 مليار وسبعمائة الف.
Post: #29 Title: Re: شركة تساهيل الخاض التجربة معاهم يدينا النجيضة Author: محمد فضل محمد Date: 03-25-2013, 02:18 PM Parent: #28
قرات مداخلة جيدة للاستاذ / عمر جدة ارجو ان يستفاد منها
Quote: البنوك السودانية والحيكومة السودانية وقبلهم اى مسعول حيكومي يموتوا موووووووت في الاخضر الليموني ، وقلت لى شنو ؟؟ دايرين يساعدوا المغتربين ؟؟ دي ما وقعت لي نهاااااائي ، منذ متى البنوك السودانية تقدم مساعدات للمغتربين ؟( لكن هم دايرين التانية جلب الاخضر الليموني ، ولولا هذا الاخضر لما فكروا في المغتربين اصلا ) تكفي مأساة بنك امدرمان الوطني عندما اودعت شريحة كبيرة من المغتربين اموالهم ( بالدولار ) كودائع استثمارية فيه ، ولكنها اصبحت ودائع ( استنزافية ) وذلك عندما تجمدت تلك الودائع بسبب ان اغلب المغتربين رفضوا سحبها وذلك لأن البنك كان يشترط ان تسحب المبلغ بالعملة المحلية وبالسعر الرسمي الذي كان يعادل 2700 جنيه في حين ان السعر في السوق الموازي يصل الى 5 الف جنيه وقتها ؟؟ يعني المغتربين فقدوا نصف قيمة ودائعهم بسبب انهيار الجنيه ،، طيب ما هو ذنبهم وهم اودعوا اموالهم بالدولار ؟؟ الظريفة طبعا لمن تمشي البنك ما بقولوا ليك ما بنديك بالدولار ، لكن بقولوا ليك حاليا مافي دولار لكن بنديك بالجنيه فقط ؟؟؟؟؟؟ وبالسعر ( النصفي ) اقصد الرسمي اها ردا على سؤالك وهل هامش الربح سنوي وهل هامش الربح علي المتبقي من المبلغ؟؟؟ طبعا هم قالوا هامش الربح من 4.5% الى 6% دا معناها انو كلما ذادت عدد سنوات القرض كلما ذادت نسبة هامش الربح ( السنوي ) لو افترضنا انو مدة سداد القرض تمتد ما بين 5 الى 8 سنوات ، هذا يعني ان هامش الربح السنوي هو 4.5% في حال انك ألتزمت بالسداد في خمس سنوات ، و 5% في حال بالسداد في 6 سنوات و5.5% في حال التزامت بالسداد في 7 سنوات و6% في حال التزمت بالسداد في 8 سنوات ، هذا مثال فقط ، يعني كلما ذادت عدد سنوات السداد كلما ذادت نسبة هامش الربح السنوي بعدين البنوك ما عندهم حاجة اسمها ( هامش الربح على المبلغ المتبقى نهااااااائي ) ، يعني حتى المبلغ اللي بتسددوا في اثناء سدادك للاقساط دا برضو عليهو هامش ربح ، كمثال افترض انك اخدت قرض مبلغ 500 ألف ريال ، اول سؤال بسألوهو ليك عايز تسدد في كم سنة ؟؟ مثلا قلت عايز اسدد في 8 سنوات ، طوالي بضربوا ال 500 ألف في 6% هامش الربح السنوي في عدد السنين 8 سنوات = 500000*6/100*8 = 240000 ريال ، معناها حا تسدد 740 ألف ريال خلال ال 8 سنوات ، بمعدل 92.5 ألف ريال سنويا الملاحظة : مثلا بعد مرور 4 سنوات حا تكون سددت نصف المبلغ المطلوب منك وهو 370 ألف ريال صح ؟؟ لكن حا تفضل تدفع في هامش الربح حقو الى ان تسدد كاااامل المبلغ شفت اللعبة كيييييف؟ نعرج شويه كمان على اللعبة بتاعة شركة تساهيل تساهيل دي بتدفعك 30% فورا من قيمة التمويل وهل تصدق انك حا تفضل تدفع في هامش الربح السنوي للدفعة الفورية دي لحدي ما تسدد كل المبلغ ؟؟؟؟؟ يعني تدفع هامش ربح على قروشك اللي انت بتديها ليهم هههههههههههه والله انا بقيت ادورها في مخي ما وقعت لي كيف يشيلوا مني قروش ويدفعوني عليها ارباح ؟؟؟؟؟؟ يعني لو اقترضت مليار جنيه من تساهيل حا تدفع 300 مليون هي عبارة عن 30% فورا ،، وطبعا هامش الربح 6% سنويا ، لو افترضنا مدة سدادك للقرض 10 سنوات مثلا ، حا يكون عليك تدفع مليار مضروب في ستة في المية مضروب في 10 عدد السنوات يعني حا تدفع 600 مليون كأرباح للعشر سنوات لكن ال 600 مليون دي انت ما حا تدفعها عشان تقترض مليار ،، حا تدفعها لأنك حا تقترض 700 مليون لانك اصلا دافع 300 مليون كاش اللعبة التانية : اصلا هم ما بدوك القرض نقدا وانما بدوك ليهو مواد بناء ودي طبعا فرصة عشان يربحوا فيك ( لمن بهناك ) اللعبة التالتة : المقاول الببني ليك من طرفهم يعني برضو ( بسلخك سلخ ) اللعبة الرابعة : بستغلوا ال 30% اللي بتدفعها فورا دي لمن تقول بس ( يعني بدوروها في السوق ) وما ببدوا ليك في البنيان الا بعد طلااااااع روح وتكون ال 30% او ال 300 مليون بقت 500 مليون اللعبة الخامسة : لمن يجوا يبدوا ليك البنيان ، ما حيصرفوا ال 500 مليون دي كلها بين يوم وليلة بل شويه شويه وباقي المبلغ برضوا بكون مدور في السوق يعني ممكن يتشيطنوا والمبلغ دا ( 500 مليون ) يقررررررب يتموا ليك بنيانك بيهو ، وفي نفس الوقت انت بعد المبلغ دا حا تسدد ليهم 700 مليون باقي المبلغ المقترض و600 مليون ارباح يعني حا تدفع مليار وتلتمية مليون تاني ، تفضل تسدد فيها لمن تقول بس ، في حين انو هم بنوا ليك من 30% اللي دفعتها مقدما اللعبة السادسة : عزيزي المقترض هل تعلم ان قيمة ايجار عقارك الذي سوف تشيده لك تساهيل لا يتجاوز 4% سنويا من قيمته في احسن الظروف ؟؟؟ في حين انو الشركة بتاخد منك 6% سنويا ، يعني بتاخد منك ايجار عقارك ومن ( جيبك الخاص ) عشان تسدد ليهم ، وما تنسى انو هم ماخدين منك 300 مليون قبييييييييل كاااش داون نصيحة : انو الواحد مننا يستغل ال 30% اللي مفترض يدفعها كاش بطريقة كويسة ويحاول يبني بيها براهو ، يعني تدخلها في مشروع وتبني من عائد المشروع ( قول لحدي الهيكل مثلا ) وبعد داك تبيع المشروع وتشطب بيهو ،، وصدقوني حا تبني بيتك وما حا تنهك نفسك باقساط ورهن ارض وافلام هندية ، ممكن الواحد يقول تساهيل حا تبني اسرع مما ابني انا براى من عائد مشروع ؟؟ صح حا تبني ليك اسرع لكن ما هي الفائدة ؟؟ حا تبني اسرع وحا تفضل تدفع في هامش ربح سنوي يتجاوز ( قيمة ايجار عقارك السنوية )
