على الحركات المسلحة التوجه نحو الخرطوم بدلا من القتال في دارفور

على الحركات المسلحة التوجه نحو الخرطوم بدلا من القتال في دارفور


03-24-2013, 10:57 AM


  » http://sudaneseonline.com/cgi-bin/sdb/2bb.cgi?seq=msg&board=420&msg=1364119020&rn=0


Post: #1
Title: على الحركات المسلحة التوجه نحو الخرطوم بدلا من القتال في دارفور
Author: Gafar Bashir
Date: 03-24-2013, 10:57 AM

دعا الدكتور حامد التجاني الناشط السياسي والأستاذ بالجامعة الامريكية في القاهرة – الحركات التي تقاتل الحكومة في دارفور بالتوجه الى الخرطوم . وأضاف في مقابلة مع ان المعارك يجب الا تكون في شرق الجبل ( ما مفروض تكون حول الفاشر ولا حول نيالا او غيرها ، يجب ان تنتقل هذه المعارك الى الخرطوم )
وقال في الحوار( أي حركة عندها قوة مفروض تمشي الخرطوم مش تجي تجفف القرى والفرقان … الناس ديل انتهوا ، والانسان بتاع دارفور ما ممكن يكون على طول كده ).. ( ما يحدث هو ان الناس ستطرد وكلهم حيدخلوا المدن . .. والخلاء بعدا جفا مافيش حاجة ).
وأكد انه ولمصلحة الحركات المسلحة نفسها (هذه المعارك ستجفف مصادرهم وقواعدهم ، والناس تفر وتتكدس في المدن ، ودا الديراه الحكومة بالضبط ) .
ودعا الدكتور حامد النازحين واللاجئين ان يطلبوا من الحركات وبصوت واحد ان تذهب جميع قياداتهم للميدان ، و(يمشوا الخرطوم ويحسم الصراع لان المشكلة في الخرطوم هناك وليس في دارفور) .
وناشد النازحين واللاجئين وأهل دارفور كافة للتوحد ، ووجه مناشدة للنازحين واللاجئين بان يشكلوا لجانا موحدة من المعسكرات للتحدث بإسم قضيتهم بشكل وصوت واضح وموحد ، وان يكون الهدف الاساسي (مش عزل دارفور ) ، وانما الهدف الاساسي هو التحدث مع القوى المدنية في السودان لاسقاط النظام في الخرطوم .. (يجب على اهل دارفور ان يتوحدوا وان يتذكروا ان عدوهم الحقيقي هوالبشير وعلى عثمان والقيادات الاخرى المتنفذه المؤتمر الوطني).

Post: #2
Title: Re: على الحركات المسلحة التوجه نحو الخرطوم بدلا من القتال في دارفور
Author: tmbis
Date: 03-25-2013, 06:44 AM
Parent: #1

Quote: يجب ان تنتقل هذه المعارك الى الخرطوم

.. والله كلام كويس .. واحسن زاتووو لانو بالنسبة للناس البتقاتل من كيبورداته برضو تدخل الخرتوم جووووه .. مش كل دقيقة والتانية مرسلين اسطول امريكي وبارجات .. وشويـة شفع مبلبعين ،
كل القووة الخرتوم جووووووووه .. كل القووة الخرتوم جوووه .

..
لقينا البوست باير ومهمش قلنا نساعد بي شعارات ..

Post: #3
Title: Re: على الحركات المسلحة التوجه نحو الخرطوم بدلا من القتال في دارفور
Author: ismeil abbas
Date: 03-25-2013, 07:57 AM
Parent: #2

Quote: دعا الدكتور حامد التجاني الناشط السياسي والأستاذ بالجامعة الامريكية في القاهرة – الحركات التي تقاتل الحكومة في دارفور بالتوجه الى الخرطوم .


وهو فى القاهرة....!!!!!!!!!!!!!!!!!!!!!!!!!!!!!!

التحية للجميع.

Post: #4
Title: Re: على الحركات المسلحة التوجه نحو الخرطوم بدلا من القتال في دارفور
Author: tmbis
Date: 03-25-2013, 08:07 AM
Parent: #3

خليك من القاهرة القريبة دي يا سمعـة ...
قبل كدا في واحد قاعد في مكان لما يجي يطلع من غرفتو عشان يمشي الحمام يفج التلج فججان ... وبعد دا كلو كمان
قال عايز الجماعة يدخلو جووه .. .. ابواق الحـــرب بالمنبر .. إنتباهـ ..
غايتو نقول شنو بس ..؟؟
انت عامل كيف يا سمعة

Post: #5
Title: Re: على الحركات المسلحة التوجه نحو الخرطوم بدلا من القتال في دارفور
Author: Gafar Bashir
Date: 03-25-2013, 10:55 AM
Parent: #4

Quote: لقينا البوست باير ومهمش قلنا نساعد بي شعارات ..


تسلم يا تمبس ...العشرة ما بتهون الا علي اولاد الحرام
اتنين منك في الحكومة كان حلينا كل المشاكل ... علي الاقل الاعتراف بالتهميش خليك من الكرم الحاتمي في المساعدة

Post: #6
Title: Re: على الحركات المسلحة التوجه نحو الخرطوم بدلا من القتال في دارفور
Author: Gafar Bashir
Date: 03-25-2013, 11:07 AM
Parent: #4

تحياتي استاذ اسماعيل عباس
وتمبس مرة تانية

ما هي المشكلة ان يكون في القاهرة، هل يفترض ان من يغادر السودان لا يحق له الحديث عما يدور في السودان ما اهو نحن كلنا برة السودان وبندي نفسنا الحق نتكلم في الحرب الدارت قبل كدة في الخرطوم وما شفت لي واحد رجع السودان عشان يحمي حمي الخرطوم، يبقي ليي هي حكراً علينا ... وشنو بالضبط المعيب في الموضوع.

واذا افترضنا ان الكلام صحيح لانه مرتبط بالحرب زي الرابط بتاع تمبس البتكلم فيهو عن ابواق الحرب، الحرب مشكلتها شنو مالها ما جميلة وسمحة ومدورة في دارفور ليها سنين بتاكل في الاخضر واليابس ونحن في كيبورداتنا، بقت شينة لمن تجي الخرطوم ؟
يبقي علي الاقل لو هي شينة للدرجة دي البتخلي الناس مجرد ما سمعوا كلمة الحرب والخرطوم ينوموا ويقوموا مهلوسين ادوا الناس حق انها تحمي نفسها بالسلاح من المليشيا المسلحاها الحكومة في دارفور ... ونحن حي الله لو جات الخرطوم برضو في كيبورداتنا نحدد منو يدخل الخرطوم ومنو ما يدخلها ...

يعني هل نفهم من كدة ان ناس دارفور ديل بس قاموا من صباح الرحمن في يوم من الايام قالو نحن السلام والامن ده زهجنا منو ...عازين نبقي دعاة حرب.

Post: #7
Title: Re: على الحركات المسلحة التوجه نحو الخرطوم بدلا من القتال في دارفور
Author: tmbis
Date: 03-25-2013, 11:33 AM
Parent: #6

Quote: مشكلتها شنو مالها ما جميلة وسمحة ومدورة في دارفور ليها سنين بتاكل في الاخضر واليابس ونحن في كيبورداتنا، بقت شينة لمن تجي الخرطوم ؟

وحسع دي القاليك منو ما سمحـة ..؟
انا القدامك دا مقتنع بيها اسمح من سماحتك المقتنع بيها انت دا .. وانت قايل سماحة الحرب دي في شنو اهي ورتنا زي نوعيتك دي في الانترنت .. تنظر وتكضب .. وفي نفس الوكت تعمل فيها مثقفة وانها بتدينا حلول ..
والعجيب انو طقطقة كيبوردات .. وابواغ .. يعني بالنسبة لي الحرب بتبقى شينة في حتة واحده
في الحتة بتاعت انو الواحد يكون قاعد خاتي الخمسة في التلاتة .. ينتظر انصاف المثقفين ينظرو ليهو .. ولما تجيهو في الخرتوم .. يلقى زي ناس جعفر بشير وجادات .. وقريمان فاكنها فينا هنا دا .. ونحن في انتظارم بي هناك في الخرتوم ..
لذلك ..
الناس البتاكل في الدراهم من المنظمات الخارجية ليهم حق .. يقولو العايزين يقولوهو ..
لكن المشكلة في الناس الجاريين متابعين السيرة .. والواحد يجيك لابس ليهو كرفتتين وعايز يحاضرك اونلاين .. ولما تعصرو كلامو كلو خارم بارم .. حب للنجومية ليس إلا ..
تعرف يا جعفر بشير .. من فترة طويلة جدا وانت مرتبط لي في ذهني بالعقلية السطحيـة .. زي المرافعين البتاكل من الجيفه بعدما الاسود والنمور تتركـه ..
يعني بي صورة اوضح:
قاعد تحب الظهور بي كلام الناس التانيين ..
وفعلا العشرة ما بتهون .. واحمد الله لي اني عشتك حقيقة في فترة من الزمان .. ولو ما عارف نهجك كيف ..؟ ومحدودية فهمك لي الكثير من الامور .. والله حسع دي كان جيت في بوستيك دا وكتبت ليك :
ايها الرائع جععفر بشير يالك من مناضل نخله .. إلخ إلخ

Post: #8
Title: Re: على الحركات المسلحة التوجه نحو الخرطوم بدلا من القتال في دارفور
Author: tmbis
Date: 03-25-2013, 11:41 AM
Parent: #7

Quote: ونحن حي الله لو جات الخرطوم برضو في كيبورداتنا نحدد منو يدخل الخرطوم ومنو ما يدخلها ...
يعني هل نفهم من كدة ان ناس دارفور ديل بس قاموا من صباح الرحمن في يوم من الايام قالو نحن السلام والامن ده زهجنا منو ...عازين نبقي دعاة حرب.
نرجع تاني لي حجوة ام ضبيبينة حقت الاديب طـه جعفر .. القصة حقت اولاد امدرمان واولاد الخرتوم .. ودي العقدة الحقيقية المتمثله لدى البعض .. الواحد فاكر انو الخرتوم دي الاسكريم الفيها دا قاعد لحدت الان .. وتتكلم معاهو كلمتين يجي يقوليك الحرب في دارفور ..
يعني حسع بي محدودية فهمك دي .. خليك من الزول الكاتب من القاهرة .. بي فهمك المحدود دا .. عشان الحرب دي قايمة في دارفور .. يا ربع المثقفاتي .. عايز تنقله للخرتوووم محل الاسكريم ..؟
دا بذكرني الحركة القلتها لي زمااان ديك لو بتتذكر مقولتك الشهيرة لما كنت بتناقش معاك ..
وشبكتني .. الجيل دا لازم يعتذر للجنوبيين ...
ولما قلت ليك بي ياتو فهم وكيفن..؟
شبكتني كلام حشو ساكت ومن لحظته عرفتك انك قاعد ساااكت وسبب رئيسي من ازمـة كبيرة جدا .. وكررتها لي في هتافك في بوست الخاتم عدلان عليه رحمة الله ..
بي فهم انو الواحد عينو للعوج .. عايز يهلل ليهو ويطبل ليهو .. لقى السيرة وعايز يركب فيها

Post: #9
Title: Re: على الحركات المسلحة التوجه نحو الخرطوم بدلا من القتال في دارفور
Author: Gafar Bashir
Date: 03-25-2013, 02:17 PM
Parent: #8

Quote: انت مرتبط لي في ذهني بالعقلية السطحيـة ..
قاعد تحب الظهور بي كلام الناس التانيين ..
محدودية فهمك لي الكثير من الامور ..
دي العقدة الحقيقية المتمثله لدى البعض ..
محدودية فهمك دي ..
ربع المثقفاتي ..


بقولوا يا تمبس العقول الكبيرة تناقش الأفكار والمتوسطة تناقش الأشياء أما العقول الصغيرة فهي التي تناقش الأشخاص‎ ...
اسهل حاجة في الدنيا دي لمن ما يكون عندك قدرة علي التفكير او النقاش او الاجابة علي الاسئلة انك تنبذ او تسيئ وبصراحة لا انا عندي وقت لي قصص الشفع والمنابذة دي ولا انت عندك مكان ما نبذوك فيهو ...

عشان كدة اسئلتي المطروحة حاتظل مطروحة لحد ما تلقي اجابة:

ما هو المعيب في ان يكتب من في القاهرة عن الحرب في الخرطوم؟
ولماذا يكتب تمبس بالكيبورد ويطلب من الاخرين الكتابة بالرصاص؟
ولماذا الحرب جميلة في دارفور وقبيحة في الخرطوم؟
ولماذا يكون لزاماً علي ابناء دارفور ان يعودوا لحمل الساح لاكتساب الحق في الحديث عن الحرب بينما يمتلك تمبس هذا الحق وهو لا يكتب بالرصاص بل بالكيبورد ؟
ولماذا لا يتحدث تمبس عن اثرياء وتجار الحرب في الشمال؟

اما باقي كلامك الفوق ده كلو ما شايف فيهو حاجة مفيدة للأسف يمكن عقلي اقل ما انو يستوعب الفلسفة بتاعتك لكن اعذرني ياها دي امكانياتي ...

Post: #10
Title: Re: على الحركات المسلحة التوجه نحو الخرطوم بدلا من القتال في دارفور
Author: tmbis
Date: 03-25-2013, 02:23 PM
Parent: #9

Quote: ولا انت عندك مكان ما نبذوك فيهو ...

ديل ما ياهم انصاف المثقفاتية البتكلم عنهم وهم ازمـة البورد دا .. انت زعلته ليييه ..؟ مش قلته العشرة ما بتهون ..
اهو انا قاعد اديك من الصنف القديم ..
لانو عارفك عاجز عن اشياء كتيرة وقف فيها حمارك في العقبـة .. قلت بس اعمل ليك اعادة عرض ..
....
اسئلتك دي انا برضو بصنفه اسئلة العاجز .. لاني انا اساسا عارفك عاجز عن اشاء كتيرة وقلت يا زول احتمال اترقيت شوية وتخليت عن خزعبلاتك القديمة ..
بعدين انت بتزعل بي سرعة مالك .. وبتشبكنا اانا ما عندي زمن ..
ما قبل كدا شايل ليك بوست لي حدادي مدادي وبتشرح فيهو وعامل فيها حافظه .. حسع دي بقى ليك بمبي مالك يا ربع المثقفاتي ..؟
..

وبعداك كلووو ..
نحن كسكان خرطوم والله يشرفنا انو ننازل امثالك ديل وامثال كاتب الكلام دا .. ننازلم قبال الجيش والحمد لله رب العالمين ..
كلام المنابر سمح وكلام الكيبوردات ..

Post: #11
Title: Re: على الحركات المسلحة التوجه نحو الخرطوم بدلا من القتال في دارفور
Author: Gafar Bashir
Date: 03-25-2013, 02:28 PM
Parent: #10

عشان كدة اسئلتي المطروحة حاتظل مطروحة لحد ما تلقي اجابة:

ما هو المعيب في ان يكتب من في القاهرة عن الحرب في الخرطوم؟
ولماذا يكتب تمبس بالكيبورد ويطلب من الاخرين الكتابة بالرصاص؟
ولماذا الحرب جميلة في دارفور وقبيحة في الخرطوم؟
ولماذا يكون لزاماً علي ابناء دارفور ان يعودوا لحمل الساح لاكتساب الحق في الحديث عن الحرب بينما يمتلك تمبس هذا الحق وهو لا يكتب بالرصاص بل بالكيبورد ؟
ولماذا لا يتحدث تمبس عن اثرياء وتجار الحرب في الشمال؟

Post: #12
Title: Re: على الحركات المسلحة التوجه نحو الخرطوم بدلا من القتال في دارفور
Author: Idris Logma
Date: 03-25-2013, 03:06 PM
Parent: #11

Quote: نحن كسكان خرطوم والله يشرفنا انو ننازل امثالك ديل وامثال كاتب الكلام دا .. ننازلم قبال الجيش والحمد لله رب العالمين ..
كلام المنابر سمح وكلام الكيبوردات ..


اي خرطوم !!!!!!!!!!!!!!!!!!
قال نحن ناس الحرتوم
والله ناس البشير وعلي عثمان وغازي ومندور وغندور وغيرهم الطول في حياتهم امثال زولك دا !!!!!!!!!!!!!!!!!!!!!!
التركي ولا المتورك
اهنلنا الغبش لمن سكنوا في العشش الجرافات دخلتها وكسرتها وقالوا لهم نرحلكم لحلة اسمها الانقاذ !!!!!!!!!!!!!!!!!!!!
هنيئا لك بالخرتوم
كل القوة الخرطوم جوة ... هذه الصيحة تهز مضاجعهم كفاية ما عايزين حرب في الهامش كل اذا عرف طعم الحرب فأن السلام يأتينا راكضا

Post: #13
Title: Re: على الحركات المسلحة التوجه نحو الخرطوم بدلا من القتال في دارفور
Author: Gafar Bashir
Date: 03-25-2013, 03:24 PM
Parent: #12

Quote: هذه الصيحة تهز مضاجعهم كفاية ما عايزين حرب في الهامش كل اذا عرف طعم الحرب فأن السلام يأتينا راكضا


عشان كدة يا ادريس الفجر الجديد كان مرعب واي كلام عن حمل السلاح هو الضمانة الوحيدة للسلام ... اما ما تبقي فليس سوي محض هراء مع الجبهة الاسلامية