Post: #1
Title: عزيزى المغترب (20 سنة فما فوق) ،، {يوجد حوار ذو شجون} ؟!!!!!!!
Author: walid taha
Date: 03-23-2013, 01:41 PM
لمكان : "صيوان عِرِس"وجمع من الحضور
تفاصيل الحوار
أحدهم مازحا : بالله عليك الله شوف صابر ده مغترب مليون سنة هسه جا قعد ما عندو تعريفة ده كلام ده ؟.!!
أثار الكلام بركان فى نفس صابر فكان رده مُسكتا : والله صاح ماعندى تعريفة ، لكن عندى النوتة حقتى دى (وهزّ بنوتته الحمراء القديمة -التى أكل عليها الدهر وشرب - فى الهواء) وفتح صفحاتها ذات التواريخ القديمة مستعرضاً :
يستتبع
|
Post: #2
Title: Re: عزيزى المغترب (20 سنة فما فوق) ،، {يوجد حوار ذو شجون} ؟!!!!!!!
Author: محمد عبد الله الامين
Date: 03-23-2013, 01:44 PM
Parent: #1
واصل من غير فواصل ... نشوف اخر صابر واخرنا شنوو ههه
|
Post: #3
Title: Re: عزيزى المغترب (20 سنة فما فوق) ،، {يوجد حوار ذو شجون} ؟!!!!!!!
Author: walid taha
Date: 03-23-2013, 01:58 PM
Parent: #1
إنتا يا عمر مش قبل كم سنة قلت لى ( ياخى داير لى شيلة ورسلتها ليك ، حصل ولا ما حصل ؟
ثم إلتفت إلى إبراهيم
إنتا يا إبراهيم قبل كده ما قلت لى عايز أصلح بيتى ورسلت ليك حق الصيانة ؟!
وإنتا يا مختار الفصاحة ليك شنو مش قلت لى عايز لى كمبيوتر لولدى بالشى الفلانى ورسلتو ليك ؟
وإنتو يا القاعدين ديل مش الزاوية البتتعطلوا فيها دى مش وقعت فى الخريف وأن صلحتها ليكم ؟ حصل ولا ما حصل ؟!
وهكذا مضى صابر يتلو ما تحتويه النوتة ولم تخل النوتة من إسم أحد من الجالسين إلا و مدون امامه قائمة الطلبات التى كان لا يتردد صابر فى الإستجابة لها !!!!
فلف الجمع صمت ووجوم بعد هذه الرسالة القوية !
الحوار – وإن كان يبدو طريفا – لكن ذو مضمون يعرفه تمام كل من طرق باب الإغتراب وخاض غماره وكل من لاق جحود ونكران تجاه هذا العطاء الممتد .
فكم بالله من (صابر) بيننا !
|
Post: #4
Title: Re: عزيزى المغترب (20 سنة فما فوق) ،، {يوجد حوار ذو شجون} ؟!!!!!!!
Author: خضر الطيب
Date: 03-23-2013, 03:10 PM
Parent: #3
سلام يا وليد
الصابرات روابح ذى مابقولوا ياخوي
المعادله صعبه جدا , انحنا تقريبا من اكثر الشعوب مسانده للاهل , ودي غريزه وميزه , انا شخصيا سعيد بيها جدا
نكاد نكون ابعد الناس عن الانانيه الا ماندر , مساعدة الاهل دي كانت سبب لناس كثيرين انهم يهاجروا
فى ناس كانت رواتبم عاليه قدروا يعملوا شئ لاهلهم وليهم فى نفس الوقت , وفى ناس الواحد بستكثر على نفسو اي حاجه
طالما اهلو محتاجين , على حسب تجربتي فى السعوديه , فى ناس بسكنوا بربع قيمة حق السكن عشان يرسلوا الباقى للسودان
وفى ناس داخلين فى ديون لا يعلم بيها الا الله عشان التزامات تجاه الاهل فى السودان.
لكن اي انسان يصادف جحود ذى دا , اكيد دا ابتلاء من ربنا يصبر عليهو ومافى داعي يمن على زول عشان قال ليهو انت عملت شنو فى غربتك
قبل اسبوع جاري انقليزي بتونس معاي , مستنكر انو ولدو طلب منو دين خمسه جنيه , خمسه جنيه بس , فلك ان تقيس.
ربنا يجعل كل الشئ القدموهو الناس لاهلهم فى ميزان حسناتهم , ولا ندم .
|
|