Post: #1 Title: شاهد أهداف سيوي اسبورت في مرمى الهلال(مشاهدة المباراة كاملة) Author: أشرف الرحال Date: 03-21-2013, 05:03 AM
مودتي
الرحـــال
Post: #2 Title: Re: شاهد أهداف سيوي اسبورت في مرمى الهلال Author: أشرف الرحال Date: 03-21-2013, 05:08 AM Parent: #1
الهدف الرابع ده لعبة ملعوبة ولوحة فنانة بالجد
الاهداف الثلاثة اخطاء قاتلة مشتركة ما بين الدفاع ولاعبي الارتكاز وحارس المرمى وسهلة جدا ومؤسفة ان تلج شباك فريق مصنف في القمة على المستوى الداخلي والخارجي
مودتي
الرحـــال
Post: #3 Title: Re: شاهد أهداف سيوي اسبورت في مرمى الهلال Author: Gaafar Ismail Date: 03-21-2013, 05:46 AM Parent: #2
شكرا جزيلا يا أشرف
Post: #4 Title: Re: شاهد أهداف سيوي اسبورت في مرمى الهلال Author: أشرف الرحال Date: 03-21-2013, 06:12 AM Parent: #3
الاخ جعفر ،،، تحياتي
شاكر لك مرورك وشفت الهلال ده اتغلب عبط ساي
مودتي
الرحـــال
Post: #5 Title: Re: شاهد أهداف سيوي اسبورت في مرمى الهلال Author: محمد البشرى الخضر Date: 03-21-2013, 06:14 AM Parent: #4
جمعة للمرة التانية يثبت ضعفه في الكرات الرضية, غريبة رغم قصر قامته متميز أكتر في الكرات الهوائية وين قون تراوري يا رحال
Post: #7 Title: Re: شاهد أهداف سيوي اسبورت في مرمى الهلال Author: أشرف الرحال Date: 03-21-2013, 06:19 AM Parent: #5
الاخ محمد البشرى ،،، تحياتي
والله العظيم وقت عرفت النتيجة 4/1 افتكرت ناس سيوي ده بتاعين كفر صاح لكن لقيت الشغلانية هدايا وعطايا من جمعة ودفاعه
Quote: وين قون تراوري يا رحال
بفتش فيهو قاعد، لكن تراوري ده جهجهم ليك جهجهة وجنس ضرب وقعوا فيهو
انا شخصيا متفائل ان الهلال منتقل الى مرحلة الـ 16
مودتي
الرحـــال
Post: #6 Title: Re: شاهد أهداف سيوي اسبورت في مرمى الهلال Author: تاج السر محمد حامد Date: 03-21-2013, 06:16 AM Parent: #3
Post: #8 Title: Re: شاهد أهداف سيوي اسبورت في مرمى الهلال Author: ناصر احمد الامين Date: 03-21-2013, 06:26 AM Parent: #6
معقولة بس !!!
دا فريق ؟ دا استاد ؟ دا جمهور ؟ دي اقوان ؟ دا حارس ؟
دي اقلاها الهلال مفروض يجي متعادل صفر/ صفر
Post: #9 Title: Re: شاهد أهداف سيوي اسبورت في مرمى الهلال Author: أشرف الرحال Date: 03-21-2013, 06:35 AM Parent: #8
Quote: وشكرا جزيلا .. ولاعدمناك ..
الاستاذ / تاج السر ،،، تحياتي
شاكر لك مرورك
مودتي
الرحـــال
Post: #10 Title: Re: شاهد أهداف سيوي اسبورت في مرمى الهلال Author: keiga2000 Date: 03-21-2013, 06:39 AM Parent: #8
Quote: جمعة للمرة التانية يثبت ضعفه في الكرات الرضية
ود البشــرى الرضيــة دي رجفــه ولا شنــو ... لسع انتو شفتــو حاجــة
ياخي الحقــو زولكم مهند دا وقولوا لي اسحب كلامـك بتاع الأعتــزال
نعم ما اخذه مهند من البرير في التسجيل الاخير يمكن ان يعيشه باقي حياته
والله يستر من خماسيـــة مازمبي
مع تحياتي لك وخليك صنديــد كما عهدناك وتوقع لينا النتيجة كواحده من توقعاتك التي تعرفها ممكن المره دي تصــدق
أبومصطفى
Post: #11 Title: Re: شاهد أهداف سيوي اسبورت في مرمى الهلال Author: أشرف الرحال Date: 03-21-2013, 06:42 AM Parent: #10
الاخ ناصر ،،، تحياتي
Quote: دي اقلاها الهلال مفروض يجي متعادل صفر/ صفر
تعادل شنو !!!
ده فريق يتعادلوا معاهو !!
المفروض الهلال يجي منتصر 4/1
مودتي
الرحـــال
Post: #12 Title: Re: شاهد أهداف سيوي اسبورت في مرمى الهلال Author: محمد البشرى الخضر Date: 03-21-2013, 06:46 AM Parent: #10
هلا ابومصطفى لا مافي خوف إن شاء الله من خماسية مازيمبي وكان على التسجيل بنسجل دي ما مشكلة الخوف من دفاعنا لو أصر الكوتش على حكاية التلاتة مدافعين دي عادي ممكن يجلطوا جلطة او اتنين ينهوا المباراة انا عموما متفائل بالصعود لكن لما افكر فيها بعقل بقول نصعد نمشي وين بالتيم دا
Post: #13 Title: Re: شاهد أهداف سيوي اسبورت في مرمى الهلال Author: أشرف الرحال Date: 03-21-2013, 06:59 AM Parent: #12
Quote: انا عموما متفائل بالصعود لكن لما افكر فيها بعقل بقول نصعد نمشي وين بالتيم دا
دايما الاهلة هم هكذا بعيدين كل البعد عن ثقافة الاقلام السالبة وما بشكروا الراكوبة في الخريف
حتى لو تأهل الهلال فعلا الغريق قدام
مودتي
الرحـــال
Post: #15 Title: Re: شاهد أهداف سيوي اسبورت في مرمى الهلال Author: عبدالمجيد المقابل Date: 03-21-2013, 07:07 AM Parent: #12
بإذن الله سوف يصعد الهلال = و أتوقع مسار العام الماضي للهلال ... إلي الكونفدرالية و لعب نصف النهائي و ربما يلعب النهائي إذا ترك غرزة خرمجتو = سلام لصاحب البوست و زواره الكرام
Post: #14 Title: Re: شاهد أهداف سيوي اسبورت في مرمى الهلال Author: محمد احمد القاضي Date: 03-21-2013, 07:00 AM Parent: #1
الاخ اشرف الرجال الهدف الثاني سكينة فى شمامة ربنا يستر لك التحية
Post: #16 Title: Re: شاهد أهداف سيوي اسبورت في مرمى الهلال Author: أشرف الرحال Date: 03-21-2013, 07:10 AM Parent: #14
Quote: الهدف الثاني سكينة فى شمامة ربنا يستر
الاخ محمد القاضي ،،، تحياتي
اهداف غريبة بالجد
مودتي
الرحــال
Post: #17 Title: Re: شاهد أهداف سيوي اسبورت في مرمى الهلال Author: أشرف الرحال Date: 03-21-2013, 11:11 AM Parent: #16
Quote: ياخي الحقــو زولكم مهند دا وقولوا لي اسحب كلامـك بتاع الأعتــزال
مهند في الموعد ان شاء الله
مودتي
الرحـــال
Post: #18 Title: Re: شاهد أهداف سيوي اسبورت في مرمى الهلال Author: Maawya Hussein Date: 03-21-2013, 11:30 AM Parent: #17
Quote: لو أصر الكوتش على حكاية التلاتة مدافعين دي عادي ممكن يجلطوا جلطة او اتنين ينهوا المباراة
يا ود البشري لو شاهدت المباراة كاملة حا تلقي انو الهلال كان لاعب بي 5 مدافعين وليس 3 ..بشة كان لاعب باك يمين معظم اوقات المباراة وعمر بخيت كان مخمس الدفاع بشكل ثابت ..وكان في عودة لي ايكانغا في الطرف الشمال للمساندة ..مشكلة الهلال الحاليه ما غارزيتو ولا خطة غارزيتو مشكلة الهلال في حراسة المرمي والاستهتار بتاع اللاعب السوداني ..جمعه يتحمل 90 % من مسؤولية الاهداف يليه سنكارا وبوي ومساوي باخطاء فرديه ..كل الاهداف الدخلت مرمي الهلال ماكان فيها ولا هدف انفرادي كل الاهداف لاعبي الهلال كان اكتر من لاعبي سيو لحظة تسجيل الهدف ..
Post: #19 Title: Re: شاهد أهداف سيوي اسبورت في مرمى الهلال Author: Maawya Hussein Date: 03-21-2013, 11:40 AM Parent: #18
غايتو النتيجه العادلة للكورة دي 1-1 (لو كان المعز لاعب )
Post: #20 Title: Re: شاهد أهداف سيوي اسبورت في مرمى الهلال Author: أشرف الرحال Date: 03-21-2013, 11:50 AM Parent: #19
Quote: غايتو النتيجه العادلة للكورة دي 1-1 (لو كان المعز لاعب
غايتو المباراة دي ما نقدر نقول عليها غير ده قضاء الله وقدره
لكن ان شاء الله الهلال متاهل
مودتي
الرحـــال
Post: #21 Title: Re: شاهد أهداف سيوي اسبورت في مرمى الهلال Author: أشرف الرحال Date: 03-21-2013, 12:03 PM Parent: #20
شاهد مباراة الهلال وسيوي كاملة
الشوط الاول للمباراة
الشوط الثاني للمباراة
مودتي
الرحــــال
Post: #22 Title: Re: شاهد أهداف سيوي اسبورت في مرمى الهلال Author: محمد البشرى الخضر Date: 03-21-2013, 12:16 PM Parent: #20
Quote: يا ود البشري لو شاهدت المباراة كاملة حا تلقي انو الهلال كان لاعب بي 5 مدافعين وليس 3
ما طمّنتني كلو كلو يا معاوية نشيل و نليّس في غارزيتو واصراره على التلاتة مدافعين على أمل انو يغيّر, اها اسي نقول شنو تاني :)
Post: #23 Title: Re: شاهد أهداف سيوي اسبورت في مرمى الهلال Author: أشرف الرحال Date: 03-21-2013, 12:23 PM Parent: #22
Quote: اها اسي نقول شنو تاني
ود البشرى قول كده ان شاء الله عبور للـ 16
مودتي
الرحـــال
Post: #24 Title: Re: شاهد أهداف سيوي اسبورت في مرمى الهلال Author: Omar Bob Date: 03-21-2013, 12:29 PM Parent: #22
Quote: نشيل و نليّس في غارزيتو واصراره على التلاتة مدافعين على أمل انو يغيّر, اها اسي نقول شنو تاني :)
نقول يا ود البشري ان اردت ان تلعب باربعه مدافعين العب باربعه مدافعين خانتهم الاساسيه هي الدفاع والله انا لامن شفت المباره المغصه كتلتني اكتر لانو لو سامي عبد الله لاعب الكوره دي في قلب الدفاع جوار مساوي وبويا في الطرف الشمال وكايا في الطرف اليمين اكاد اجزم بان فريق سيو لن يسجل فينا هدفا واحد من الاهداف التي ولجت مرمانا. مشكله اللعب بثلاثه مدافعين انو الكلام دا داير انضباط تكتيكي علي مستوي عالي جدا وهو ما نفقده في اللاعب السوداني لانو اي خطأ بيهدد مرماك تهديد كبير جدا ولو الفريق موفق وحارس مرماك غير موفق فمعناها الضحك شرطك المشكله ان سيو ضيع اهداف مثل الذي احرزها وكان عادي ممكن النتيجه دي تتضاعف
Post: #25 Title: Re: شاهد أهداف سيوي اسبورت في مرمى الهلال Author: Omar Bob Date: 03-21-2013, 12:33 PM Parent: #22
Quote: نشيل و نليّس في غارزيتو واصراره على التلاتة مدافعين على أمل انو يغيّر, اها اسي نقول شنو تاني :)
نقول يا ود البشري ان اردت ان تلعب باربعه مدافعين العب باربعه مدافعين خانتهم الاساسيه هي الدفاع والله انا لامن شفت المباره المغصه كتلتني اكتر لانو لو سامي عبد الله لاعب الكوره دي في قلب الدفاع جوار مساوي وبويا في الطرف الشمال وكايا في الطرف اليمين اكاد اجزم بان فريق سيو لن يسجل فينا هدفا واحد من الاهداف التي ولجت مرمانا. مشكله اللعب بثلاثه مدافعين انو الكلام دا داير انضباط تكتيكي علي مستوي عالي جدا وهو ما نفقده في اللاعب السوداني لانو اي خطأ بيهدد مرماك تهديد كبير جدا ولو الفريق موفق وحارس مرماك غير موفق فمعناها الضحك شرطك المشكله ان سيو ضيع اهداف مثل الذي احرزها وكان عادي ممكن النتيجه دي تتضاعف
Post: #26 Title: Re: شاهد أهداف سيوي اسبورت في مرمى الهلال Author: أشرف الرحال Date: 03-21-2013, 05:15 PM Parent: #25
Quote: والذي يسمع بالنتيجة يتخيل بان الهلال لم يكن موجودا في المباراة وان فريق سيوي قد تسيد الملعب طولا وعرضا منذ البداية وحتي النهاية وان الفريق الذي احرز اربعة اهداف واضاع ضربة جزاء كان هو الافضل والاكثر استحواذا ولكن الواقع لم يكن كذلك فقد كان الهلال هو الاكثر استحواذا والافضل انتشارا ولكن العكس كان صحيحا دون ان نعفي سنكارا وجمعة وكايا من الاخطاء الفردية القاتلة خصوصا سنكارا الذي يبدو انه يحتاج للعب باستمرار ليكون مستواه ثابتا ولا نعرف لماذا ابعده غارزيتو سريعا بعد ان بدا بمستوي جيد من خلال المباريات الاعدادية !
ده كلام الاستاذ/ خالد عزالدين في عموده بدون حجاب .. اتفق تماما معه ان الفريق العاجي ظفر بنتيجه كبيره ولكن مجريات المباراة لا تعكس واقع النتيجة
Quote: and#9632;جماهير الهلال الوفية والتي تعرف ان الانتصار لا يحققه اللاعبون وحدهم كانت قدر التحدي وهي تتخيل الفريق العاجي في قمة المستوي الفني مثله مثل الاهلي القاهري او نساروا النيجيري او حتي اول اغسطس ورغم ذلك اعلنت مبكرا ثقتها في نفسها وفي اللاعبين وقدرة الجميع علي احراز ثلاثية نظيفة وبعد ان شاهد الاهلة المباراة امس زادت الثقة واصبح الجميع مرتاحين وبعيدا عن جنون الكرة واثقين من تأهل الهلال وبعدد كبير من الاهداف .. and#9632;سيوي سبورت فريق عادي جدا وسوف ينال حظه من الضرب في المقبرة كما ناله غيره وسيعرف في مقبرة الابطال ماذا تعني الجرأة علي الهلال !!
يسود التفاؤل جميع الاهلة وان شاء الله التأهل من نصيبنا ولكن زي ما قال ود البشرى الغريق قدام
مودتي
الرحـــال
Post: #27 Title: Re: شاهد أهداف سيوي اسبورت في مرمى الهلال Author: Magdi Algorashi Date: 03-21-2013, 06:59 PM Parent: #26
الرحاال سلام وتحية
والله ياالرحال اجمل مافي البوست دا روحك الرياضية الغير متعصبة
والله لو كل النقاد وكتاب الصحافة الرياضية بمستوي نقدك هذا كنا اليوم ننافس مع الكبار
دا ماتكسير تلج لكن بامانة المنبر كان ناقص هذه البوستات الرياضية الهادفة البعيدة عن التعصب
ربنا ينصر هلالكم في الماتش القادم
ودي
مريخابي من زمن ماماو وجقدول
تعريجة الود مهند الطاهر (قول ليه الشينة منكورة)
Post: #28 Title: Re: شاهد أهداف سيوي اسبورت في مرمى الهلال Author: أشرف الرحال Date: 03-22-2013, 08:30 AM Parent: #27
الصفوة مجدي القرشي ،، جمعة مباركة
Quote: والله لو كل النقاد وكتاب الصحافة الرياضية بمستوي نقدك هذا كنا اليوم ننافس مع الكبار
شاكر لك كلماتك الطيبة وحقيقة ما ضر شئ في هذه البلاد غير العصبية بمختلف تعصباتها رياضية .. سياسية ... قبلية
Quote: ربنا ينصر هلالكم في الماتش القادم
تسلم يا اصيل على هذه الاماني والنوايا السمحة فانت صفوة بحق وحقيقة
