خط هيثرو وما ادراك ما هيثرو ....مزيدا من الدغمسة ...

الان علي قناة الشروق
برنامج المحطة الوسطى
الحلقة التانية من مسلسل خط هيثرو والأربعين حرامي
==================================


الخط ما اتباع ..........
انتو فاهمين غلط .......

ال SLOT اتبدلت مع ال BMI
شقي الحال الرجل الخفي البدلها دا منو من العصابة
وحتي لو بدل وبس
هبر فيها كم مليون
ومعاه منو من عصابة علي بابا

ودايرين يضحكوا علينا لسة
سودانير لو بكرة عايزة تنزل في لندن ممكن
بس يقدموا طلب
ويمكن يدوهم ويمكن لا
او يحدفوهم علي جاتويك، ستاندستيد، لوتون الخ.....

الشريك الاستراتيجي يشترط يكون عنده
القدرة المالية
والخبرة
شركة عارف الخاصة والتي لا تتبع للحكومة الكويتية
لا تملك المال
ولا الخبرة
ورأس مالها 122 مليون درهم كويتي فقط
تشتري 70% من اسهم سودانير الناقل الوطني لحكومة السودان !!!!!!!!!!!!!

دي عملوها كيف ؟؟؟؟؟
وكيف فازوا بالعطاء دون كل المتقدمين من الشركات الاخري ؟؟؟؟؟؟؟

والشريف قادينا من الاسبوع الفات بمقدرات شركة عارف والتي تدير استثمارات في امريكا واكثر من 60 دولة في العالم.............


شركة عارف قالوا دفعنا كل القيمة المتفق عليها علي قيمة سودانير 125 مليون دولار
وحقيقة دفعوا 40 دولار انقذت بنك امدرمان الوطني من الفلس
والباقي كسور وبواقي لسة ما تموها :

. عدد واحد طيارة مستعملة من الباكستان وقعت في مطار الخرطوم وقتلت الابرياء الله يرحمهم.....

. طيارة تاني جابوها وليوم الليلة مسجلة باسم دولة جزر القمر لاسباب فنية !!!!!

. الباقي راح شمار في مرقة.......

. خربوا ابو سودانير وصفوا كل الخبرات للصالح العام

وزير المالية اليوم في الصحف قال شركة عارف لم تقم بالا يفاء بالتزاماتها المالية الي الان !!!!!!!!!!
شركة عارف تناقض كلام الوزير وتؤكد قيامها بدفع كل التزاماتها المتفق عليها !!!!!!!!!!!!!!!!!

الحكومة السودانية دايرة تستعيد سودانير للبلد
وشركة عارف مطالبة بقروشها والتي لم تدفعها كاملة
ال 125 مليون دولار ......

والحكومة تكون لجنة بقيادة علي بابا عشان يشوف الموضوع دا كيف .....

احتار انا .........

يا حمودي ..

من خلال متابعتي للحلقة بتاعة امبارح .. وكمان الحلقة الفاتت ..
توصلت لشئ واحد انه إذا كانت هذه الشخصيات التي تتكلم ..
وبهذه العقليات الضحلة هي من كانت تدير سودانير ..
وكذلكـ كانت تدير شئون الولايات .. والوزارات ..
وتعتلي أرفع المناصب بالدولة .. لتتحكم في مقادير خلق الله ..
وتخطط لهم .. وترسم سياسيات شديدة الحساسية والأهمية ..
تتعلق بمصالح المواطن والدولة .. وتتحكم في مصائر أجيال قادمة ..
وتتصرف في المال العام .. وتحكم بان هذا ذا جدوى وهذا لاجدوى منه ..
ليهو حق خط هيثرو مايعرفوا الباعو ذاتو منو ..
لغة عجيبة ومغالطات .. وكلام فاضي .. واستخفاف بعقول الناس ..
وضحكـ على ذقون الفهم والادراكـ .. وترسيخ جديد لمفاهيم الصاح والخطأ ..
ومايستقيم وما لا يستقيم .. وكسر لعنق الحقائق .. وقصم ظهر المواطن بكل هذه الترهات ..
خلال متابعتكـ للحوار ..
يأتيكـ أحساس طاغي بأنكـ في دلالة العربات .. أو في سوق العيش ..
مع كامل احترامي لهذين السوق والعاملين فيهما .. لكن ما بهكذا أشخاص .. ولا بهكذا عقليات ..
يتم إدارة الخطوط الجوية السودانية وكافة وزارات وولايات وأجهزة وهياكل الدولة ..
وفي الآخر نقول العيب مش عليهم العيب على اللي جابهم ..

ويشهد الله ليلة امس تحسست ( البضاعة ) التي بين يدي وحمدت الله سيدي ..
وشر البليه مايضحكـ ...

تسلم اخي جمال لمداخلتك الكريمة




اتفق معك تماما ان المشكلة تكمن في هذه الشخصيات الضحلة والتي تدير سودانير واشباههم الذين يديرون مرافق الدولة الاخري .....
كمية من المغالطات والاستخفاف بالعقول ....
الملفت جدا للنظر
قوة العين
وضرب التربيزة
ولغة التحدي والتهديد علي الهواء

تولي امثال هؤلاء السادة ادارة امور بلادنا
سمح لعارف والفيحاء التلاعب بمؤسساتنا القومية

والسماح لمزيد من الدمار الشامل من قبل الكوايتة لكل ماله قيمة في بلادنا....
ولعلك اضطلعت علي الاعلان الذي ورد في صحيفة الخال الرائسي الانتباهة صباح اليوم

عارف اخد جكته وتبعته الفيحاء
والان يدعون مكتب ابو جمال للاستخدام ليستثمر في اعراضنا بهذه الطريقة الفاضحة والرخيصة


حسبنا الله ونعم الوكيل

من هو ابوجمال صاحب اعلان الانتباهة الغريب علي مجتمعنا السوداني ؟