Post: #3 Title: Re: يا دكتور احمد القرشي..هاااك طب الاسنان ده!! Author: Imad Khalifa Date: 03-20-2013, 09:22 PM Parent: #2
يا اخي دا اسطي ماهر شغلو بالخيط والمونة الملونة وكمان ختما بالتعميشة....هاهاها
سلامات يالناظر هباني وشكرا على الفيديو الظريف وبعد كدا أحمد القرشي الا ابقى بتاع حقيبة بس!!
لكما تحياتي
Post: #4 Title: Re: يا دكتور احمد القرشي..هاااك طب الاسنان ده!! Author: Ahmed al Qurashi Date: 03-20-2013, 10:34 PM Parent: #3
يا هشام هباني والله انا انا لو عارفوا كده كان شفنا لينا قراية تانية
يا أخي الناس ديل خلوني احس باني ضيعت سنوات من عمري
لك كل الود
Post: #8 Title: Re: يا دكتور احمد القرشي..هاااك طب الاسنان ده!! Author: هشام هباني Date: 03-21-2013, 06:57 AM Parent: #4
العزيز دكتور احمد
سلامات ومشتاقون
يااااخي الهند دي فيها جنس فوضي صحيه غير معقوله ......يعني معقولة الامور دي مطلوقه ساكت كده لا ضوابط ولا يحزنون.............. والزول الحكيم ده مغتس يدينو ال######انات في خشم الزول السجمان المريل ده .. عااادي زي الزبادي........الله العن ابو الفقر والجهل.
تحياتي للاسرة الكريمة
Post: #10 Title: Re: يا دكتور احمد القرشي..هاااك طب الاسنان ده!! Author: حامد الغبشاوي Date: 03-23-2013, 01:48 PM Parent: #4
الحبيب والعزيز دكتوور قرشي سلامات
Quote: يا هشام هباني والله انا انا لو عارفوا كده كان شفنا لينا قراية تانية
يا أخي الناس ديل خلوني احس باني ضيعت سنوات من عمري
كيف اخبارك التحية موصوله ايضا للأخ هشام هباني
Post: #7 Title: Re: يا دكتور احمد القرشي..هاااك طب الاسنان ده!! Author: هشام هباني Date: 03-21-2013, 06:50 AM Parent: #3
العزيز عماد
تحياتي
حقو الواحد اسافر الهند اجيب ليهو عشرين دكتور اسنان شعبي من النوع ده. وافكهم في الخرتوم وام درمان وبحري........غايتو لو رخصوا ليهم تاني ناس احمد القرشي حق موية الفول ما الموا فيهو!!
Post: #5 Title: Re: يا دكتور احمد القرشي..هاااك طب الاسنان ده!! Author: هشام هباني Date: 03-21-2013, 06:04 AM Parent: #2
العزيز عبد الرحمن الحلاوي
والله اهلنا الهنود ديل عايشين باالبركة ساكت.......حتي الانسان بسمكروهو زي العربية في اقرب شارع لا تمريض ولا نضافة ولا بنج ولا مطهرات غايتو الله العن ابو الفقر!
تحياتي للاسرة
Post: #6 Title: Re: يا دكتور احمد القرشي..هاااك طب الاسنان ده!! Author: Ahmed al Qurashi Date: 03-21-2013, 06:40 AM Parent: #5
الأسنان من مادة الاكريل ، لكن الزول دا بجرب من طرف
الأسنان الفوق جربها للاسنان التحت في المحاولة التانية وبعدين جرب كم نوع وبرد بعضها اخيرا لتكون مناسبة
الماادة المستعملة لتثبت عليها الاسنان تسمى self curing acrylic resin
نستعملها دائما للحام الطقوم المكسورة وفي اجهزة التقويم المتحرك
أغرب ما في التركيب دا الزول دا عملو تركيب ثابت تاني ما يطلع اصلو
وضع سلك في البداية وربطو بقوة حول الأسنان الطبيعية
بعدبن وضع حوله مادة الاكريل وثبت عليها الأسنان المطلوبه
حيث تنشف هذه المادة على السلك والاسنان مما يصعب اخراجها حتي بواسطة حداد خلي طبيب أسنان
والله مبالغة يا هشلم هباني
Post: #9 Title: Re: يا دكتور احمد القرشي..هاااك طب الاسنان ده!! Author: د. ياسر عبد القادر Date: 03-21-2013, 09:53 AM Parent: #6
(-:
Post: #11 Title: Re: يا دكتور احمد القرشي..هاااك طب الاسنان ده!! Author: Moneim Malik Date: 03-23-2013, 05:11 PM Parent: #9
بالغت ياهبانى تحياتى
Quote: أغرب ما في التركيب دا الزول دا عملو تركيب ثابت تاني ما يطلع اصلو
وضع سلك في البداية وربطو بقوة حول الأسنان الطبيعية
بعدبن وضع حوله مادة الاكريل وثبت عليها الأسنان المطلوبه
يعنى عمل ليهو صبة ثابتة تانى قريدر مايفرتقها لكن سؤالى يا د هل ممكن تصاب بالسوس ايضا تحياتى
Post: #12 Title: Re: يا دكتور احمد القرشي..هاااك طب الاسنان ده!! Author: Ahmed al Qurashi Date: 03-23-2013, 05:39 PM Parent: #11
Quote: لكن سؤالى يا د هل ممكن تصاب بالسوس ايضا
ابن خالتي العزيز / عبدالمنعم مالك
لك التحية والسلام وعبرك الى أسرتك الكريمة
يأخي دي مش تصاب بالتسوس الشغل دا ممكن يؤدي الى اي مرض تتخيله
لانو اولا بتتراكم الاوسلخ وبقايا الأكل والبلاك مما يؤدي للإصابة بامراض اللثة والتسوس
وتسلقط الاسنان خاصة تلك التي ربطت عليها الأسلاك
ويمكن ان يؤدي هذا الطقم الى الإصابة بسرطان الفك نتيجة chronic trauma
لك كل الود والتقدير
Post: #13 Title: Re: يا دكتور احمد القرشي..هاااك طب الاسنان ده!! Author: محمد عوض السيد Date: 03-23-2013, 08:13 PM Parent: #12
..
دي الدكترة والا بلاش و د/ احمد القرشي زاتو يخلي الشغلة دي ويتفرغ بالكامل من اجل التوثيق للغناء السوداني
..
Post: #14 Title: Re: يا دكتور احمد القرشي..هاااك طب الاسنان ده!! Author: Ahmed al Qurashi Date: 03-23-2013, 08:32 PM Parent: #13
Quote: دي الدكترة والا بلاش و د/ احمد القرشي زاتو يخلي الشغلة دي ويتفرغ بالكامل من اجل التوثيق للغناء السوداني
تعرف يا محمد عوض السيد أحسن لينا نتفرغ للحقيبة
والحمد لله انو الناس ديل في الهند ، لو كانوا في السودان وطاتنا اصبحت
