Post: #1
Title: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 01:33 PM
Parent: #0
الحب في زمن الصواميل
حدثت (عزو) بحديث الذي حدث لي، في الليلة السابقة، كعادتنا نتذاكر الاحداث جليلها وحقيرها، نستخلص منها العبر، في شأن المبتدأ والخبر، طرقت درباً للإيناس يحبه عزو، قلت له بانني التقيت بحسناء لم أرها منذ زمن بعيد، موغل في البعد، فانتبهت حواسه، قلت: كنا جماعة في مقهىً عربي، نتجالس ليلة أمس، حينما أتت تخطر تتبعها رفيقتها، مر السحابة لاريث ولا عجل، توقفت حركة التنفس الطبيعية عند الناس، والأشجار التي تحيط بالمكان، سكت وشيشها، تباطأت في مشيتها، مثلما يحدث في إعلانات العطور، وسبحت في هواء من مشاعرنا، حتي سقط العدل على المدافع، قلت احدث عزو، وقد افلت ما بيديه مصغياً، ثم إنها جلست وصاحبتها، في مواقع يقابل مقعدي واصدقائي، من زاوية منفرجة، ساد هرج بين النادلات فتنافسن على خدمتها، حتى العنادل حيا النيل صادحها، ثم انتبهنا نحن الاربعة في مجلسنا، إلى حقيقة أن حديثنا صار همساً، ولم يكن هنالك أي داعٍ لذلك، فاستعدنا اصواتنا، وتظاهر كل الرجال الجالسين في المواقع المختلفة، بلامبالاة زائفة، كل يحرس عيون الآخر بعيونه، خشية أن تنزلق في اتجاه المائدة التي تجلس عليها، فأصبح المكان أشبه بمتحف للشمع.
إختلست النظر إليها من على البعد، تحسست رقبتي، فوجدتها قصيرة إزاء هذا الشعر، فصرفت عقلي عن التمني، بيد أن عيني عاودتا النظر دون اعتبار لاوامري، وفي هذه المرة رايتها بوضوح وجلاء، فاصطفقت (أدراج) عقلي لدهشتي، واحسست بيد تنقب فيها في سرعة وجلبة، حتي حسبت الناس يسمعونها وهي تفتح وتسد، وفجأة وفي (فايل) قديم، وجدتها، صورتها، إسمها، المكان الزمان، وكل ما يود صاحب الضمان الإجتماعي علمه، قبل أن يباشر حديثه معك عن الفرق بين المعاش المبكر والمعاش الاساسي، قلت لنفسي استريح من اثقال عبء هبط فجأة على روحي، احدث أقرب الجالسين إليّ (عصام عصام، أنا الزولة دي بعرفا)، تحول عصام ونفسه قد سودته إليّ، رأيته وقد اكتسى وجهه بتعابيرعددت من بينها، الرثاء والنقمة والحب والكره والغضب والحنان، حتي تحول وجهه في النهاية إلي وجه (توني مونتانا) الشهير ب (اسكار فيس)، ارتعدت حين هم بقتلي، وفي يده يحمل منشارا كهربائياً، بيد أنه أشار في رده على افترائي (عيان بيان بالعمل يا صديق)، نهضت من مكاني، ومشيت في اتجاهها مثلما مشي قريبي الشايقي وهو يلهج (الناس بشوق نبيها، من المالح فاتو غادي، إنتي ريدك جابني تنقاسي، اللحج في ها اول تبادي)، تحفز الخلق من حركتي المجنونة، حتى وكأنني سمعتهم يهتفون (الشعب يريد إسقاط النظام كلو)، واكاد أجزم بأنني رأيت الشفوت والشبيحة وأن جمالاً وخيلاً بعثها مبارك من مكان حبسه في أثري، كرمال لحسن الترابي، وانا ماضٍ إلى نهايتي مثل (أورفيوس) ساعة سقوطه، رفعت راسها عجبا ، فالتقت عيوننا وهي محاربة كما يقول الشاعر الغنائي، تململت جليستها قلقاً، فتذكرت ان كل كنزا ليه جان، فلم أعرها اهتماماً، بدا الأمر كله مثل مزحة سخيفة، ولكن لم يكن أمامي خيار غير السير قدماً، سجن سجن، غرامة غرامة، ادركت كوكب المريخ، فمددت يدي دون تفكير، فمدت يدها دون وعي، فتصافحنا، قلت إن لم تكن هي، فذي جائزتي قد نلتها، وبلسان الذي يلحدون إليه، ولساني عربي مبين، ابتدرته رعبها
إزيك
أهلاً .............. وعيون القلعة وجواهرها تتقافز أمامي
حذفت من عقلي ولساني وعلى الفورعبارة (إنتي ما عرفتيني ولا شنو)، فطيرة محلاة بعبط الدنيا والآخرة، عوضا عنها لهجت
إنتي مش إسمك حنتوشة؟
أيوه أنا حنتوشة عرفت كيف؟
ثقتي تضخمت حتي ضاق بها الأفق الرحيب، وعاودتني آلام الكاريزما المزمنة
مش كنتو ساكنين جنب (ساوث كاونتي)؟
اضطربت عيونها ... واجابت وكانها غائبة عن الوعي .. نعم ... صمت .. بمعني أها، ثم أن مقدمة شعرها، واكاد أقسم، بانها تحركت باتجاه حركة جبينها الذي اعتصرته، بحثاً عن إلفة وليفة في وجهي، أو شامة، أو سلسة ذهبية منحني أياها ابي (دهر مندرا) قبل وفاته، ليفرق بيني وبين توأمي (رام سينغ)
ايواااا صاح .. إنت عبدو مش؟
وهنا، هنا في هذه اللحظة سادتي، مددت رجلي، وتبينت ارتعاشا في يدي.
من ورائي أحسست بالغضب الساطع وهو آتٍ، وأصوات الذين أنتظروا في صبر، فرقعة صوت الصفعة على وجهي، They want their money back، بيد انهم اقتنعوا بانها إنما اجلت لزمن لاحق، تحدثنا في رفق عن ذلك الزمن في (ساوث كاونتي)، عن الناس وأغنيات ماكسويل وعن الدنيا (وياهو حالها)، وتبادلنا أرقام الهواتف، والناس في شغل عن امر واقعهم، حتى كاد الكيزان أن يستولوا على مكاسبهم الثورية.
إنتهت المقابلة، مثلما بدأت، ليس تماماً، فنظرة الرعب تحولت إلى ابتسامة مشعة، عدت إلى موقعي، وحينما التف القوم حولي، بذلت لهم آخر مافي جعبتي من (غتاتة)، فقلت لهم موصداً الابواب في وجه أمانيهم العذبة:
الزولة دي طلعت قريبتي.
فانحسروا عني في خيبة
إلا أن عزو لم يقنع بنهاية قصتي ، ففاجأني بالسؤال
أن شا الله تكون ربّطت؟
اربّط شنو؟
تربط الصواميل، كان ماقادر انا بربط ليك، أنت زمان أخواتك ما شبطو ليك الصواميل مع صاحباتن؟؟
قلت لا، قال: إنتو كنتو في أفغانستان؟ حب السودانيين ده يا صديقي، عبارة عن صامولة كبيرة جداً إن تأتي لك لقاء فتاة جميلة أعجبتك
فلا تتوانى عن تشبيط صواميلها، إن لم تفعل شبطها غيرك!
من لحظة فراقي عزو وأنا أبحث عن زردية.
|
Post: #2
Title: Re: الحب في زمن الصواميل .... تاج السر الملك
Author: سناء الصباغ
Date: 03-20-2013, 02:08 PM
Parent: #1
تاج راسنا
كيف حالك وازيك
لكن الكبكبة ما عنده (اي بطل القصة)
بس انا بتكيف من عزو دايما عملي وحلوله جاهزة
|
Post: #3
Title: Re: الحب في زمن الصواميل .... تاج السر الملك
Author: Emad Abdulla
Date: 03-20-2013, 02:20 PM
Parent: #2
الله ياخي ..
الله عليك يا السر ياخي ..
يعدل يومك و سنينك ياخ ..
قول آمين .
|
Post: #4
Title: Re: الحب في زمن الصواميل .... تاج السر الملك
Author: بله محمد الفاضل
Date: 03-20-2013, 02:25 PM
Parent: #3
قول آمين2
|
Post: #12
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 02:54 PM
Parent: #4
امين يا بله يا صديقي
|
Post: #7
Title: Re: الحب في زمن الصواميل .... تاج السر الملك
Author: أمير محي الدين محمد
Date: 03-20-2013, 02:35 PM
Parent: #3
ياملك طواااالي دندنت ...وشوشني العبيرً..فـــ إنتشيتُ
يا تاجنا ..تجيّنا .. طوااالي يجينا ..معاك زمن نمتّع نفسنا بالدهشة
|
Post: #14
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 03:02 PM
Parent: #7
امير محي الدين الصديق
تدندن انت وزرديتك في ايدك شايفك هه
مر عليك الوضع ده قبل كده
تخياتي
|
Post: #11
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 02:53 PM
Parent: #3
عمدة ولد عبد الله
والله عدلة اليوم ومن تفضلك عدلة السنين دعوة ولا أجمل منها
لك مودتي العامرة والابدية
|
Post: #5
Title: Re: الحب في زمن الصواميل .... تاج السر الملك
Author: Yassir Tayfour
Date: 03-20-2013, 02:26 PM
Parent: #2
يا تاج
هاك الجقاجِق دي ؛)
|
Post: #6
Title: Re: الحب في زمن الصواميل .... تاج السر الملك
Author: حبيب نورة
Date: 03-20-2013, 02:29 PM
Parent: #5
جميل يا تاج
|
Post: #8
Title: Re: الحب في زمن الصواميل .... تاج السر الملك
Author: haroon diyab
Date: 03-20-2013, 02:46 PM
Parent: #6
سلامات ياتاج
ويوم جميل
|
Post: #16
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 03:05 PM
Parent: #8
اخي هارون دياب
ويومك أجمل
|
Post: #9
Title: Re: الحب في زمن الصواميل .... تاج السر الملك
Author: حسن مهدي
Date: 03-20-2013, 02:47 PM
Parent: #6
ابداع يا تاج
|
Post: #35
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 07:36 PM
Parent: #9
حسن مهدي
شكري وتقديري
|
Post: #17
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 03:31 PM
Parent: #6
تسلم يا حبيبي حبيبها
حارس المومياء العظيم
|
Post: #15
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 03:03 PM
Parent: #5
ياسر طيفور
كدي بالجنبة إنت قريبك عثمان اليومين دي غتس وين؟؟
نرجع للجقاجق، عندي فيها نكتة ساحولها لعنايتك في الفيس بوك.
تحياتي
|
Post: #10
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 02:49 PM
Parent: #2
سناء يا صباغ
غايتو البطل ده مسود وشنا قدام الناس
وعلى قولك عزو شايل التول بوكس بتاعو دائما وابدا
كيف شباب التاكا بهناك؟
|
Post: #13
Title: Re: الحب في زمن الصواميل .... تاج السر الملك
Author: محمد جبره
Date: 03-20-2013, 02:57 PM
Parent: #10
| Quote: اضطربت عيونها ... واجابت وكانها غائبة عن الوعي .. نعم ... صمت .. بمعني أها، ثم أن مقدمة شعرها، واكاد أقسم، بانها تحركت باتجاه حركة جبينها الذي اعتصرته، بحثاً عن إلفة وليفة في وجهي، أو شامة، أو سلسة ذهبية منحني أياها ابي (دهر مندرا) قبل وفاته، ليفرق بيني وبين توأمي (رام سينغ) |
ابداع وكفى
تحياتي
|
Post: #18
Title: Re: الحب في زمن الصواميل .... تاج السر الملك
Author: محمد حيدر المشرف
Date: 03-20-2013, 04:06 PM
Parent: #13
الله يخليك ياخ !!
|
Post: #24
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 05:58 PM
Parent: #18
يا ود المشرف
تعيش انت ويدوم خيرك
|
Post: #19
Title: Re: الحب في زمن الصواميل .... تاج السر الملك
Author: طلحة عبدالله
Date: 03-20-2013, 04:14 PM
Parent: #13
يا ملك
إتا متأكد إسمها حنتوشة ؟؟؟؟
لو خليتني إسمها سوسن وإسم الدلع سوسكا .
|
Post: #20
Title: Re: الحب في زمن الصواميل .... تاج السر الملك
Author: بدرالدين الطائف
Date: 03-20-2013, 04:23 PM
Parent: #19
جيمل يا تاج هذا النص.
ويزبط صواميل المزاج.
|
Post: #26
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 06:02 PM
Parent: #20
دعواتك يا بدر الدين
فالمنغصات لا تكل ولا تمل
تقول بدوها ماهية
شكرا لك
|
Post: #21
Title: Re: الحب في زمن الصواميل .... تاج السر الملك
Author: Osman Musa
Date: 03-20-2013, 04:32 PM
Parent: #19
عزيزنا التاج
سلامات
عان جاي يا التاج
زولك سحار نيويورك السحر اليهودية دأك
شاف زي زولتكم الصومالية بتاعت لا ريث ولا عجلو دي .
قام قال : يا جماعة دي رأبطة قدرة فول ؟؟؟؟؟؟؟؟
|
Post: #22
Title: Re: الحب في زمن الصواميل .... تاج السر الملك
Author: د.نجاة محمود
Date: 03-20-2013, 05:28 PM
Parent: #21
العارف عزو مستريح والله
قصة مبالغة
مودتي ياخي
|
Post: #28
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 06:24 PM
Parent: #22
يا دكتورة نجاة اختي العزيزة
معرفة (عزو) كنز هههههه
تحياتي
|
Post: #27
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 06:22 PM
Parent: #21
يا عثمان موسي شووق و الله
لكن هسي الجاب سيرة صومالية منو؟؟ ههههههه
لسه جيرانك ديلك مهودين بيك؟؟
|
Post: #25
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 06:00 PM
Parent: #19
طلحة الصديق وقت الضيق
حسيت بآلالمك السوسنية
ركب الاسم واقراها من جديد هههه
|
Post: #23
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 05:56 PM
Parent: #13
محمد جبرة العزيز
لك شكري وتقديري
|
Post: #29
Title: Re: الحب في زمن الصواميل .... تاج السر الملك
Author: saif massad ali
Date: 03-20-2013, 06:36 PM
Parent: #23
الله يفتح عليك يا تاج
واصل
|
Post: #33
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 07:29 PM
Parent: #29
saif massad ali
تحياتي يا اخي العزيز
فتحا مبينا لنا ولكم
|
Post: #44
Title: Re: الحب في زمن الصواميل .... تاج السر الملك
Author: زهير عثمان حمد
Date: 03-21-2013, 00:19 AM
Parent: #29
أحي
وأحي أنا
ح أموت قريب جدا أنا
كنت نايم وصحيت من شوية
|
Post: #67
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-21-2013, 06:00 PM
زهير عثمان
بسم الله مالك
Quote: أحي
وأحي أنا
ح أموت قريب جدا أنا
كنت نايم وصحيت من شوية |
حلمت بقمرية؟؟؟
هههههه
|
Post: #51
Title: Re: الحب في زمن الصواميل .... تاج السر الملك
Author: سيف اليزل برعي البدوي
Date: 03-21-2013, 11:14 AM
Parent: #29
دوما تبهج يومنا يا تاجنا...يديك العافية ...
مودتي
سيف
|
Post: #70
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-21-2013, 06:24 PM
Parent: #51
سيف اليزل العزيز
جيت بوين؟؟ لولا المشاركات مستقيمة ما كان حصلتك ههه
تحياتي ليك
|
Post: #30
Title: Re: الحب في زمن الصواميل .... تاج السر الملك
Author: أسامه الكرور
Date: 03-20-2013, 06:37 PM
Parent: #23
| Quote: وهنا، هنا في هذه اللحظة سادتي، مددت رجلي، وتبينت ارتعاشا في يدي. |
كبكابه ومبدع والله
غايتو إحتياطاً من اليوم .. حأخلى الزرديه فى الجيب .. بس المشكله فى الرجفه والإرتعاشه دى
|
Post: #31
Title: Re: الحب في زمن الصواميل .... تاج السر الملك
Author: محمد عوض السيد
Date: 03-20-2013, 06:47 PM
Parent: #30
..
كتابة جميلة بحق
بتستاهل ليها كباية جبنة لاعادة القراة من جديد
مع ودي
واحترامي
|
Post: #41
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 10:37 PM
Parent: #31
والله يا محمد عوض السيد لو سقيتني من جبنتك دي
بتعدل مزاجي
تحياتي
|
Post: #32
Title: Re: الحب في زمن الصواميل .... تاج السر الملك
Author: طلحة عبدالله
Date: 03-20-2013, 07:01 PM
Parent: #30
Quote:
حسيت بآلالمك السوسنية
|
ربنا يحفظ هذه السوسنة المحسية النضرة أينما كانت .
|
Post: #34
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 07:30 PM
Parent: #30
والله يا اسامة لقيتك نجيض تشبط وانت ماسي ه
الارتعاش ده عليك بالغرنجال
تحياتي
|
Post: #36
Title: Re: الحب في زمن الصواميل .... تاج السر الملك
Author: Amir Omer
Date: 03-20-2013, 07:57 PM
Parent: #34
الله عليك يا تاج ... تصوير بالكاميرا وبالكلمة
أنت (عزو) دا مهندس ميكانيكي ولا شنو؟ ههههه
ـــــ
القراية ليك في أخر الليل والجو هادئ ... متعة كبيرة!
|
Post: #37
Title: Re: الحب في زمن الصواميل .... تاج السر الملك
Author: عمر علي حسن
Date: 03-20-2013, 08:46 PM
Parent: #36
Quote:
الله عليك يا تاج ... تصوير بالكاميرا وبالكلمة
أنت (عزو) دا مهندس ميكانيكي ولا شنو؟ ههههه
|
يا استاذ
ليس بوسعي الا ان اقول لك جدع ياولد .. اولا للتصوير بالكلمة كما قال ابني امير .. فانا لم اشهد تصويرك بالكاميرا ولكنني
اكتفي بشهادته .. فهو حاذق ومجيد وفنان
وثانيا للكبكبه العصرية المباشرة (ولا اقول المباغته) فهي لاتخيب ابدا .. وايضا لانك لم تبرد احشاء الجماعه ولم تغلق الباب
دون عزو (لتقريط) الصواميل ..
والله العظيم اوسكار
عمر علي حسن (ابو امير الفوق ده)
|
Post: #38
Title: Re: الحب في زمن الصواميل .... تاج السر الملك
Author: طلحة عبدالله
Date: 03-20-2013, 09:46 PM
Parent: #37
خخخخخخخ
كل أبو بى ولدو معجب
أو كما قال الشاعر القديم ..
إتا برضو أوسكار يا ريس .
|
Post: #39
Title: Re: الحب في زمن الصواميل .... تاج السر الملك
Author: عمر علي حسن
Date: 03-20-2013, 09:53 PM
Parent: #38
| Quote: كل أبو بى ولدو معجب |
شفت ازاي ياشيخنا ..
لكني بالجد معجب بالاستاذ الملك .. وحقوا نشوف كم اوسكار (قبض) في البوست ده بس
تحياتي .
عمر علي حسن
|
Post: #40
Title: Re: الحب في زمن الصواميل .... تاج السر الملك
Author: مامون أحمد إبراهيم
Date: 03-20-2013, 09:55 PM
Parent: #37
تسلم يا ملك الحب والجمال
مشتاقين ياخي
|
Post: #46
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-21-2013, 02:46 AM
Parent: #40
سلامات يا مامون
كيفك وكيف الدوحة على حسك
شفنا صلاح قبل اسبوع وهو بخير والحمد لله
|
Post: #43
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 10:44 PM
Parent: #37
السيد الاستاد الفاضل عمر علي حسن
تسعدني وتشرفني اطلالتك الراقية، ولا ريب فممثلكم أمير خير سفير
أها عشانك ده رابط للتصوير والتصوير
https://www.facebook.com/pages/Taj-Elsir-Elmelik/138745689502332
ولوما ظبط هاك تاني
https://sites.google.com/site/elmeliksite/
والاوسكار ده خلي لى مع طلحة ده لغاية ما نصلكم بهناك، هههههه
نديك بالدس حصة حصتين في الكبكبة العصرية
وملحق في المباغته (دا نت طلعت حريف).
قال (لاتخيب ابدا) والله سمعتو باضاني دي
تحياتي
تاج السر
|
Post: #42
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-20-2013, 10:39 PM
Parent: #36
سلامات يا أمير عمر
نسوي شنو مع الصور المبهولة دي غير نوثق ههه
تحيتي لك وانت تقرأ في هدوء الليل
شكرا لك
|
Post: #45
Title: Re: الحب في زمن الصواميل .... تاج السر الملك
Author: محمد على طه الملك
Date: 03-21-2013, 00:45 AM
Parent: #42
خلاس الربيع دخل قمتو لشولاتكم؟
ربنا يمتعك دنيا وآخرة ياخي.
|
Post: #47
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-21-2013, 02:49 AM
Parent: #45
ود اعمي محمد علي
ربيع وين؟ على باليمين صقطيبة الله ياجرك ما عايزة تتخارج
لكن قمنا على قولك، أكل العيش يحي الخفية
تحياتي لك وللمعاك
|
Post: #48
Title: Re: الحب في زمن الصواميل .... تاج السر الملك
Author: الصادق سيكا
Date: 03-21-2013, 03:04 AM
Parent: #47
الملك أنت ملك الحكى بلا منازع ....
اعجابى بك مسربلاً فى دواخلى ..
قواسيب من الود
|
Post: #49
Title: Re: الحب في زمن الصواميل .... تاج السر الملك
Author: عمر علي حسن
Date: 03-21-2013, 10:48 AM
Parent: #48
Quote: https://sites.google.com/site/elmeliksite/
|
يا امير ..
الحق ابوك بي نسخه من الدغمسة .. خلينا ندغمسا ليكم زي ما تجي تجي ..
اما انت ايها الملك الحكيم .. فسننتظرك مرحبين وفي ايدينا زهرة وطباشيره لتكتب لنا بها درس المباغته ..ولأسألك ليه اهلك
الدناقله الانصار سموك تاج السر ..
حاجه تحير .. وانت طلعت فعلا تاج سر ..
تحياتي
عمر علي حسن
|
Post: #50
Title: Re: الحب في زمن الصواميل .... تاج السر الملك
Author: طلحة عبدالله
Date: 03-21-2013, 11:09 AM
Parent: #49
والله يا ملك وما طالبني حليفة نتمناك ونترجاك بى هنا
ألكع تعال ياخ .
|
Post: #59
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-21-2013, 03:22 PM
Parent: #50
يا طلحة
Quote: والله يا ملك وما طالبني حليفة نتمناك ونترجاك بى هنا
ألكع تعال ياخ . |
تسلم يا صديقي ووالله مما يسعدني
بختف (الهنباكة) وجي بس الكتاب الجديد يطلع اجيبو معاي
|
Post: #52
Title: Re: الحب في زمن الصواميل .... تاج السر الملك
Author: محمد على طه الملك
Date: 03-21-2013, 11:38 AM
Parent: #49
| Quote: .. حاجه تحير .. وانت طلعت فعلا تاج سر .. |
سلامات يا سعاتو ..
صاحب الاسم مولود في بطن بيتنا ..
قالو الختم الكبير كان ماشي مصر ..
لما حسه الحرمه داخلا على يوما خلاها ؤ واصل ..
عقب جاء ساقها بوليدها ..
وازيدك من الشعر بيت ..
حبوبتنا عمة الإمام المهدي وحبوبتنا التانية حرم السيد المحجوب ( بيت المال ) ..
وكمان عندنا حبوبة كانت آخر زوجات الخليفة جابت خبرو إلا ما لحقت جابت منو ..
والله صحي .^ - ^
|
Post: #53
Title: Re: الحب في زمن الصواميل .... تاج السر الملك
Author: عمر علي حسن
Date: 03-21-2013, 12:26 PM
Parent: #52
| Quote: حبوبتنا عمة الإمام المهدي وحبوبتنا التانية حرم السيد المحجوب ( بيت المال ) .. |
يا قاضي الملوك يا مولانا
تمتعت بصلات مميزة باولاد الملك من جيلنا والاجيال الاسبق .. جدعان وضكرانين وكرماء واولاد قبائل ..
بس سيطر علي فهمي انهم انصار من الزبير الي آخر ملك فيهم .. والطريف كذلك انهم مريخاب .. شوف
الحكمة ..
صحيح ان الاسر العظيمة تجمع ولا تفرق وتنفتح ولا تنغلق .. لذلك كان واجبا علي ان التمس وجود زيجات
سياسية وقبليه تضيف للاسرة .. هذا منطقي في ثقافة الاجداد واعرافهم ..
اذن الزول ده سر ايضا من اسرار هذا الفهم العالي ..
تحياتي لكم
عمر علي حسن
|
Post: #54
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-21-2013, 01:01 PM
Parent: #53
السيد الفاضل عمر علي حسن
Quote: يا قاضي الملوك يا مولانا
تمتعت بصلات مميزة باولاد الملك من جيلنا والاجيال الاسبق .. جدعان وضكرانين وكرماء واولاد قبائل ..
بس سيطر علي فهمي انهم انصار من الزبير الي آخر ملك فيهم .. والطريف كذلك انهم مريخاب .. شوف
الحكمة ..
صحيح ان الاسر العظيمة تجمع ولا تفرق وتنفتح ولا تنغلق .. لذلك كان واجبا علي ان التمس وجود زيجات
سياسية وقبليه تضيف للاسرة .. هذا منطقي في ثقافة الاجداد واعرافهم ..
اذن الزول ده سر ايضا من اسرار هذا الفهم العالي . |
نحن شوايقة يا رسول الله
ومن الطرائف أن أسرة الملك في الشايقية و أسرة الملك في الدناقلة هم في حقيقة الأمر أسرة واحدة
وأصولهم جعلييين، أنقسمت الأسرة في المنطقتين وسادت القبيلتين، وهلالاب كمان، أصولنا في جزيرة
مساوي وهي عتبة خمية مقدسة، ننحدر من الملك شاويش، الم1كور في حرب النهر لتشرشل، وجدودنا جلهم قضى في معركة كورتي، أما الميلاد و النشأة
ففي منبع الأسرار مدينة ود مدني العظيمة والتي ندين لها بكل ما تعلمناه في الدنيا، وكلما اهتدينا بهديه
ولك ولود أعمي التحية
|
Post: #55
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-21-2013, 01:05 PM
Parent: #48
سلام يا سيكا
Quote: الملك أنت ملك الحكى بلا منازع ....
اعجابى بك مسربلاً فى دواخلى ..
قواسيب من الود |
شكري و تقديري
من غرائب الصدف أن صديقا عزيزا من شباب نيويورك
ذكر اسمك صدفة بالأمس (وهو حاليا بفرجينيا)، فقلت له أن اسمك
وبعدها وجدت مداخلتك، ما بقول اسمو عبد العزيز شنقب ده ، يمكن تكون طالبو قروش
ههههه
|
Post: #56
Title: Re: الحب في زمن الصواميل .... تاج السر الملك
Author: عمر علي حسن
Date: 03-21-2013, 01:30 PM
Parent: #55
طبعا هذا يفرحني .. ويبدو انني وقفت عند الفرع الدنقلاوي المريخابي مثل الزبير حمد الملك وعبالاله محمد علي الملك والراحل الوليد محمد طه
الملك والزبير الملك بتاع سودانير وكلهم دناقله ومريخاب (يا كافي البلا) .. وهؤلاء بالذات اصحابي جدا ... لذلك اعتمدت غيرهم ممن ورد عليّ من
آل الملك دناقله ومريخاب ... (غفله مني .. تقول شنو)
عمر علي حسن
|
Post: #60
Title: Re: الحب في زمن الصواميل .... تاج السر الملك
Author: محمد على طه الملك
Date: 03-21-2013, 03:41 PM
Parent: #56
يا سعاتو شرفنا بزداد بمعرفتك..
الزبير حمد الملك طبعا هو الجد رحمه الله ..وزملاك الذكرتهم اعمامي لزم وفعلا مريخاب على السكين ..
:
يا التاج طبعا الناس جرو جاويش العدلانابي للفرع الجعلي ..
بس هو وجدودنا ونساب نفس عرق ملوك الفونج الأوائل ..
بالإضافة لزواج لاحق للملك جاويش من جارة إبنة ملك أرقو ..
وجاب منها محمود العدلانابي جد أسرة الملك بالحلفاية..
معليش قلبنا البوست شجرة انساب.
|
Post: #68
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-21-2013, 06:06 PM
Parent: #60
محمد علي ود الملك
Quote: الزبير حمد الملك طبعا هو الجد رحمه الله ..وزملاك الذكرتهم اعمامي لزم وفعلا مريخاب على السكين ..
:
يا التاج طبعا الناس جرو جاويش العدلانابي للفرع الجعلي ..
بس هو وجدودنا ونساب نفس عرق ملوك الفونج الأوائل ..
بالإضافة لزواج لاحق للملك جاويش من جارة إبنة ملك أرقو ..
وجاب منها محمود العدلانابي جد أسرة الملك بالحلفاية..
معليش قلبنا البوست شجرة انساب. |
كلامك ده عدلان عبد العزيز من طرف الوراريق بسمع فيك
غشو جدي ادوهو الكتابة لمن ما انتصر جا طاشي فيهم قص قامو فزو مشو رفاعة
حجباتن طلعت ما كاربة
واصل يا رجل فمالمعرفة اهم شي نصيبه في الدنيا
|
Post: #57
Title: Re: الحب في زمن الصواميل .... تاج السر الملك
Author: ibrahim fadlalla
Date: 03-21-2013, 01:31 PM
Parent: #55
تاج السر ...ويا له من تاج ...
الله يديك العافية على الكلام البسلك الروح والخيال ...
عزو ده غايتو ما خليت ليهو جبنة يرقد عليها ...كشفت نوبتو تب ...
لاكين تعرف يا التاج ...نوع عزو حقك ده ...يبدو لي على وشك الإنقراض والله أعلم ...
مع الإنقلاب الخريفي الحاصل في الـ" سود ناس " ومجتمعاتو المتكاتـ(لـ)فـة ...
تسلم يا ملك ...
|
Post: #65
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-21-2013, 05:56 PM
Parent: #57
ابراهيم فضل الله الاديب الاريب
Quote:
Author: ibrahim fadlalla
تاج السر ...ويا له من تاج ...
الله يديك العافية على الكلام البسلك الروح والخيال ...
عزو ده غايتو ما خليت ليهو جبنة يرقد عليها ...كشفت نوبتو تب ...
لاكين تعرف يا التاج ...نوع عزو حقك ده ...يبدو لي على وشك الإنقراض والله أعلم ...
مع الإنقلاب الخريفي الحاصل في الـ" سود ناس " ومجتمعاتو المتكاتـ(لـ)فـة |
انا والله مقصر في عدم تقديم عزو في بوست منفصل حتى يتعرف الناس عليه
لكن الراجل مشغول دايما، وكلما انسى موضوع الكتابة، يجيني ناطي
والكتلفة دي يا ديننا وديدننا
لك مودتي الخالصة
|
Post: #58
Title: Re: الحب في زمن الصواميل .... تاج السر الملك
Author: waleed dawash
Date: 03-21-2013, 02:41 PM
Parent: #1
| Quote: من لحظة فراقي عزو وأنا أبحث عن زردية. |
زردية اكتر من القلتو ده؟
الله يعدلها عليك محل ماتقبل
|
Post: #61
Title: Re: الحب في زمن الصواميل .... تاج السر الملك
Author: عمر علي حسن
Date: 03-21-2013, 04:35 PM
Parent: #58
| Quote: الزبير حمد الملك طبعا هو الجد رحمه الله . |
يا مولانا
رحم الله الشيخ الزبير واخانا العزيز بروفسير الوليد
جدك دا انا قطعت ليه تعظيم في مؤتمر الادارة الاهليه الذي عقد بالخرطوم ونحن اشبال صغار خلي الناس كلهم قالوا الضابط ده
دنقلاوي ...
الذي نفعنا ووقف جبارتنا اننا حظينا بالعمل الحكومي في ظل هؤلاء الرجال الذين لن يتكرروا ...
عمر علي حسن
|
Post: #62
Title: Re: الحب في زمن الصواميل .... تاج السر الملك
Author: طلحة عبدالله
Date: 03-21-2013, 04:47 PM
Parent: #58
Quote: وهلالاب كمان،
بختف (الهنباكة) وجي بس الكتاب الجديد يطلع اجيبو معاي
|
يا ملك رسل لينا كتابك زي المرة الفاتت وإتا خليك قاعد ما في داعي تتعب نفسك .. 
Quote:
ومريخاب (يا كافي البلا)
|
يا ريس المريخاب بلا على الهلالاب دي حقيقة لا ننكرها وشرف لا ندعيه ..
|
Post: #63
Title: Re: الحب في زمن الصواميل .... تاج السر الملك
Author: عمر علي حسن
Date: 03-21-2013, 05:35 PM
Parent: #62
| Quote: يا ريس المريخاب بلا على الهلالاب دي حقيقة |
يا طلحة ياخ دي جمله اعتراضيه (مشتركه) ..
الراجل خليهو يشيل هاند باقه ويجي .. يمكن نلقي فيها شي
عمر علي حسن
|
Post: #64
Title: Re: الحب في زمن الصواميل .... تاج السر الملك
Author: طلحة عبدالله
Date: 03-21-2013, 05:41 PM
Parent: #63
يا ريس
سؤال
إتا زمن أيام نجوم الرياضة أيام كان المرحوم حسن عزالدين رئيس التحرير 97- 1999
كتا موجود في رئاسة نادي الهلال ولا قبلها واللا متين ..؟؟ أنا غايتو بتذكر إنك كنت
موجود أواخر التسعينات .
ممكن لو تفضلت تجاوبني السؤال دا هنا وهناك في بوست التاريخ ..
وممكن ما تجاوبني طبعا ..
|
Post: #74
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-22-2013, 02:59 AM
Parent: #64
هسي يا طلحة بعد نويت تقولي رسل الكتاب وخليك في محلك؟؟
|
Post: #66
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-21-2013, 05:58 PM
Parent: #58
وليد ودواش سلام
انا شايل مفتاح عجل طلع اكبر من الصواميل
اسمو شنو هو ....... اها مفتاح صليب
شكرا لك يا صديقي
|
Post: #69
Title: Re: الحب في زمن الصواميل .... تاج السر الملك
Author: عمر علي حسن
Date: 03-21-2013, 06:21 PM
Parent: #66
| Quote: وممكن ما تجاوبني طبعا .. |
ايوه اجاوبك ..
لكن كدي الحق لينا الفنان الملك العايز يشبّط بت الناس بي مفتاح عجل .. قول ليهو دي خليها لي عزو . وقول ليهو الصليب ما عنده
مفتاح .. عنده مفك .......
اما انا فقد تركت العمل الاداري بنادي الهلال سنة 1982 بعد 12 سنه متواليه في مجلس الاداره كعضو ونائب سكرتير وسكرتير
ورئيس ونائب رئيس وسكرتير ونائب رئيس وتسلمها مني الطيب عبد الله .. ثم تفرغت للكتابه والاعمال المسانده .. تم اغتربت ..
ومن ديك وعيك .. المرحوم حسن عزالدين كان صديقي ومات وانا في الغربه ..
عمر علي حسن
|
Post: #71
Title: Re: الحب في زمن الصواميل .... تاج السر الملك
Author: محمد على طه الملك
Date: 03-21-2013, 07:21 PM
Parent: #69
| Quote: غشو جدي ادوهو الكتابة لمن ما انتصر جا طاشي فيهم قص قامو فزو مشو رفاعة |
ههههه ..
باقيهم مسكناهم عندنا بى غادي حتى حلتم اسمها شايقي مار* ضهر بيوتنا ..
:
*مار = حي .
:
Quote: جدك دا انا قطعت ليه تعظيم في مؤتمر الادارة الاهليه الذي عقد بالخرطوم ونحن اشبال صغار خلي الناس كلهم قالوا الضابط ده
دنقلاوي ... |
يا سعاتو انت قايل مافي ..
كدا اتر تالا الطرف الحنيّن قطع شك ما بتعدم.
|
Post: #72
Title: Re: الحب في زمن الصواميل .... تاج السر الملك
Author: عمر علي حسن
Date: 03-21-2013, 08:07 PM
Parent: #71
| Quote: كدا اتر تالا الطرف الحنيّن قطع شك ما بتعدم. . |
اعدم كيف يامولانا ؟
جدي محمد احمد العايدابي والد امي دنقلاوي .. وجدي الجاك ود نميري (ابن خاله) دنقلاوي وانصاري حارب مع الخليفه
وجدي حمزة ود خيري دنقلاوي مايزال له اثر ونخل في دنقلا .. وجدكم الزبير كان صبوح الوجه ابيضا وعاليا وكان
يشبه جدي العايدابي .. ولكن هيبته الزائده هي التي جعلت التعظيم يخرج من الاعماق ..
عمر علي حسن
|
Post: #73
Title: Re: الحب في زمن الصواميل .... تاج السر الملك
Author: محمد على طه الملك
Date: 03-21-2013, 09:18 PM
Parent: #72
Quote: جدي محمد احمد العايدابي والد امي دنقلاوي .. وجدي الجاك ود نميري (ابن خاله) دنقلاوي وانصاري حارب مع الخليفه
وجدي حمزة ود خيري دنقلاوي مايزال له اثر ونخل في دنقلا .. وجدكم الزبير كان صبوح الوجه ابيضا وعاليا وكان
يشبه جدي العايدابي .. ولكن هيبته الزائده هي التي جعلت التعظيم يخرج من الاعماق .. |
ونعمة بالله يا سعادتو ما قلت ليك؟
ياخي ناس العايدابي أسرة كبيرة ومعروفة في دنقلا ..
كمان وكت وصلت ود نميري قول لى ود شيقوق شفولك خال ^ _ ^
|
Post: #75
Title: Re: الحب في زمن الصواميل .... تاج السر الملك
Author: mohmmed said ahmed
Date: 03-22-2013, 05:20 AM
Parent: #73
برافو يا تاج
اديت عزو فى حنانو
|
Post: #76
Title: Re: الحب في زمن الصواميل .... تاج السر الملك
Author: عمر علي حسن
Date: 03-22-2013, 11:51 AM
Parent: #75
| Quote: كمان وكت وصلت ود نميري قول لى ود شيقوق شفولك خال |
كالكثير من الاسر السودانية تشابكت اصولنا واختلطت دماؤنا .. وتنازعت اسرتنا انتماءات عريقه بالدناقله والشايقيه
والجعليين والحلاوين .. وهذه الاخيرة علق عليها شيقوق صواميله ولم ينتظر مثل تاج السر الملك (ليقرطها) صديقه عزو ..
فشبطها وقرطها بنفسه وعمد نفسه خالا لشخصي وعمدني خالا له .. والخئولة صلة حنونه وودوده وهذا يؤكد لك انه عرف
كيف يلعب اللعبة علي اصولها .. وهو محام لا تعوزه الحيلة ولا المنطق .. فاذا (نفضناه) فانه سيرفع عريضة دعوي
مؤسسة علي قرابته لجدودي الحلاوين اولاد كوداب الذين وردوا الينا من القضيضيم في الصعيد ولم يكتفو بالزواج من
اخوات اجدادنا الاخرين بل الزموا اولادهم بالزواج من عماتنا وخالاتنا وزوجوا بناتهم لاعمامنا واخوالنا ..
ما من فكاك يا مولانا القاضي ..
عمر علي حسن
|
Post: #78
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-22-2013, 01:53 PM
Parent: #76
Quote: كالكثير من الاسر السودانية تشابكت اصولنا واختلطت دماؤنا .. وتنازعت اسرتنا انتماءات عريقه بالدناقله والشايقيه
والجعليين والحلاوين .. وهذه الاخيرة علق عليها شيقوق صواميله ولم ينتظر مثل تاج السر الملك (ليقرطها) صديقه عزو ..
فشبطها وقرطها بنفسه وعمد نفسه خالا لشخصي وعمدني خالا له .. والخئولة صلة حنونه وودوده وهذا يؤكد لك انه عرف
كيف يلعب اللعبة علي اصولها .. وهو محام لا تعوزه الحيلة ولا المنطق .. فاذا (نفضناه) فانه سيرفع عريضة دعوي
مؤسسة علي قرابته لجدودي الحلاوين اولاد كوداب الذين وردوا الينا من القضيضيم في الصعيد ولم يكتفو بالزواج من
اخوات اجدادنا الاخرين بل الزموا اولادهم بالزواج من عماتنا وخالاتنا وزوجوا بناتهم لاعمامنا واخوالنا |
أها يا سعادتو النكلمك
أنا اهلي من جهة أمي، حلاوين وبطاحين و مجاذيب، وقد كان لهم الأثر الأكبر في مدي بما لا يفنى
من القص، ومن قدرة العيش بحرية ودون خوف وببساطة ممعنة، جدودي من جهة أمي ينتشرون سائحين
اولياء و صعاليك من دامر المجذوب إلى ود المجدوب و حلة حسن وفداسي والحصاحيصا وحلة حسن وودمدني
واب حراز والروف . شفت اللخبتة دي.
|
Post: #77
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-22-2013, 01:47 PM
Parent: #75
سلام أخي محمد سيد أحمد
انا خايف والله هو الاداني في حناني
ههههههه
|
Post: #79
Title: Re: الحب في زمن الصواميل .... تاج السر الملك
Author: عمر علي حسن
Date: 03-22-2013, 06:20 PM
Parent: #77
Quote: و حلة حسن وفداسي والحصاحيصا وحلة حسن وودمدني
واب حراز والروف . شفت اللخبتة دي. |
يا ملك يا فنان
حبه شويه كده وتطلع قريبي وشيقوق يتلب فينا ويقول انا خالكم الاثنين ..
دي حلاوة السودان
عمر علي حسن
|
Post: #80
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-23-2013, 02:11 PM
Parent: #79
ياليت قومي يعلمون
ما كان اتقسم
|
Post: #81
Title: Re: الحب في زمن الصواميل .... تاج السر الملك
Author: محمد على طه الملك
Date: 03-23-2013, 02:56 PM
Parent: #80
قسمة ؤ بقت علينا ..
النصيب دا لامتين يا ربي ؟
|
Post: #82
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-25-2013, 03:42 PM
Parent: #81
الله يستر على البقية الباقية من الاقاليم
|
Post: #83
Title: Re: الحب في زمن الصواميل .... تاج السر الملك
Author: محمد عوض السيد
Date: 03-25-2013, 04:39 PM
Parent: #82
| Quote: أنا اهلي من جهة أمي، حلاوين |
مادام عندك عرق بالحلاوين والحصاحيصا
وقعت معاي في خط سكة حديد واحدة اتاريك
وفعلا هي حلاوة السودان
بكل الوانه وقبائله ومدنه وقراه
مع ودي
واحترامي
|
Post: #84
Title: Re: الحب في زمن الصواميل .... تاج السر الملك
Author: Tagelsir Elmelik
Date: 03-28-2013, 05:38 AM
Parent: #83
محمد عوض قريبي
Quote: وفعلا هي حلاوة السودان
بكل الوانه وقبائله ومدنه وقراه
|
Amen to that
|
|