Post: #1
Title: بورداب الخرطوووووم طمنونا على شعوركم مع الحلاقات المدوره فى البلد دى .
Author: اسلام عبد الرحمن عمر
Date: 03-20-2013, 04:12 AM
والله القصه دى من امس ماقادر ابلعها ياخ
لا كيف يعنى تكون ماشى فى الشارع يلاقوك يمسكوك يحلقو ليك ؟؟؟؟
أها لو كنت حالق اساساً يدونى سوطين يقولو لى القال ليك تحلق منووو ؟؟
|
Post: #2
Title: Re: بورداب الخرطوووووم طمنونا على شعوركم مع الحلاقات المدوره فى البلد
Author: اسلام عبد الرحمن عمر
Date: 03-20-2013, 05:14 AM
Parent: #1
قالوا عن موضوع الحلاقة :
البشير :
على الشباب الاقتداء برئاسة الجمهورية فى الصلع
تيتاوى :
اكتشاف قمل اسرائيلى فى شعور الشباب قد تنشأ منها افكار صهيونية مدمره
وزير الماليه :
نحن نصدر النبق ,, والذهب ,, والدكاتره ,,,,, والشعر
قطبى المهدى :
هنالك خطة لجعل الجيش يكتسب خبرات الحلاقه لارسالهم للدول النامية
نافع :
ايوو ديل صعاليق ساكت وبنحلق ليهم والماعاجبوا يلحس كوووعو
نقلاً من صفحة واحد صاحبنا فى الفيس ( حلقوا لى واحد صاحبو )
|
Post: #3
Title: Re: بورداب الخرطوووووم طمنونا على شعوركم مع الحلاقات المدوره فى البلد
Author: اسلام عبد الرحمن عمر
Date: 03-20-2013, 08:09 AM
Parent: #2
حاجه عجيبه ....
ياربى يكون فى واحد من الحكومه جاب ليهو شحنة امواس حلاقه من الصين وماقدير
يبيعها فى السوق ..
قام باعا لى ناس الشرطة العسكرية ؟؟؟؟؟
احتمااااااااااال والله
|
Post: #4
Title: اتجاه لالغاء النشاط السياسي بالجامعات الحكومية
Author: العوض المسلمي
Date: 03-20-2013, 08:24 AM
Parent: #3
دايرين يتعلموا الحلاقة في الشعب !!!!
اها نحن ناس الصلع ديل رائهم فينا شنو ؟
يغيروا الحلاقة لجلد :)
|
Post: #5
Title: Re: اتجاه لالغاء النشاط السياسي بالجامعات الحكومية
Author: اسلام عبد الرحمن عمر
Date: 03-20-2013, 08:32 AM
Parent: #4
اووو شيخ شيوخ بورداب الخرطوم كيفك ياخ ..
انت وناجى الملك وطارق الامين (من الناجين ) من الموس
اعملوا حسابكم ياخ بعدين قالوا اى زول الايام دى بمشى قندرهار ياكل لحمه بحلقوا ليهو صلعه
اها يا شيخ العوض كلموا حزرواالبورداب العندهم تفف ديل (جمع تفه )
أها برضو يا شيخ العوض نازر الخليفه برضو من الناجين من الموس معاكم قبيل نسيتو
خالص الود يا شيخ العوض
|
Post: #6
Title: Re: اتجاه لالغاء النشاط السياسي بالجامعات الحكومية
Author: اسلام عبد الرحمن عمر
Date: 03-20-2013, 10:07 AM
Parent: #5
والله موضوع الحلاقة بتاعت الشعب دى ذكرتنى نكتة الحكومه
قالو الحكومه قررت 15 سوط لكل الشعب ,, اى زول يجى يسجل ويتجلد 15 سوط
القرار طلع والناس عملت نايمه , فى واحد قالوا من الصباااااح بدرى مشى يفتش فى
محل الجلد وين .. اها
الجماعه قالوا ليهو يازول انت جنيت بتفتش للجلد براك
قال ليهم :
(والله يا اخوانا الحكومه دى مامضمونه بكره يعملوهن 100 جلده هههههه اخير نتجلد ال 10 سااااى )
اها :
الناس الماحلقوا ليهم ,, انا شايف احسن تمشوا تتحلقوا
والحكومه تسهل الموضوع دى للمواطنين يعنى عشان تقلل المعانه وكدى
تقوم تفتح ليها مراكز للحلاقة .. فى الاحياء
وتدى الناس مهلا يعنى فترة سماح لحدى اسبوع كدى
بعد داك الموضوع يكون عندوا ضوابط ماسااااى كدى
يعنى لازم تكون مطلع الرقم الوطنى عشان تتحلق ...
وممكن برضوا يعملو رسوم خفيفه كدى للموضوع
|
|