Post: #1
Title: ما بال الكيزان حضورهم باهت وضعيف ؟!
Author: أيمن محمود
Date: 03-19-2013, 11:44 AM
Parent: #0
هي الطيارة براها البتطفي نورها؟!
التاريخ لا يرحم ، وارشيف سودانيزاونلاين نتمناه باقياً للابناء والاحفاد ، كم من تائبون في هذا المنبر ومازال تاريخهم الاسود يطاردهم !
الانقاذ زائلة .. زائلة ،،، ويبقى ما خطت اياديهم شاهدا عليهم
بعضهم كان يُحسن الظن بشيعته التي كان يناصرها ووضع يده بكفها وأخذت عليه العهد والبيعة ، وطفق يدافع عنها ردحا من الزمان !
حتى أكتشف عبر هذا المنبر وعبر الحقيقة انه موهوم !
بعضهم ما زال يدافع على استحياء ،،
نعم يصعب على الكثيرين تقبل حقيقة ان ماضيهم وما قاموا عليه وناصروه كان هباءاً كاذباً!
الوعي ،،، الوعي
والله لأستغرب جدا من بعض ممن حباهم الله العلم والمعرفة وما يزالون يناصرون الانقاذ !
اظنها عصبية و قبلية ليس أكثر ،،، وهي المصالح ربما !
عوار الانقاذ الشديد لا يخطئه الا الاعمى !
|
Post: #2
Title: Re: ما بال الكيزان حضورهم باهت وضعيف ؟!
Author: بشير أحمد
Date: 03-19-2013, 01:55 PM
| Quote: ما بال الكيزان حضورهم باهت وضعيف ؟! |
القال ليك منو؟
قاعدين نتفرج في خبوب وعبوب المعارضة ؛كل واحد ماسك في رقبة التاني...
وده كريدت في صالح الكيزان.
_______
تحياتي؛؛؛
|
Post: #3
Title: Re: ما بال الكيزان حضورهم باهت وضعيف ؟!
Author: محمد المسلمي
Date: 03-19-2013, 03:03 PM
Parent: #2
الاخ ايمن سلام ولعلك بخير
انت تعارض او تؤيد فالمسألة هنا اختيارية حسب ماهو مفهوم لديك لكن المسالة عندي ليس كذلك بل مسالة شرعية يضبطها الشرع الاسلامي
ووفق منهج السلف الصالح انه لا يجوز الخروج علي الحاكم المسلم الا وفق شروط معينة يصعب تحقيقها في الوقت الراهن عشان كدي الحاكم
عندي ليس البشير او نافع كل من يصل الي الحكم فهو عند السلف لا يجوز الخروج عليه
وممكن البشير يتنازل ونويد من يأتي بعده او من يأتي بالشوري فسوف نويده ولو كان انقلاب ناس ود ابراهيم نجح كنت سوف أؤيده
لعلك تكون فهمتني والا تفهمني غلط
|
Post: #4
Title: Re: ما بال الكيزان حضورهم باهت وضعيف ؟!
Author: ود الباوقة
Date: 03-19-2013, 04:33 PM
Parent: #3
| Quote: والله لأستغرب جدا من بعض ممن حباهم الله العلم والمعرفة وما يزالون يناصرون الانقاذ ! |
تصدق نحن برضو مستغربين
كيف زول ربنا اكرمو بالعقل ويمشي يباري لي لينين وخرتوشف
وقورباتشوف وعرامانوف
مش مسالة تحير بالله
|
Post: #8
Title: Re: ما بال الكيزان حضورهم باهت وضعيف ؟!
Author: أيمن محمود
Date: 03-19-2013, 11:52 PM
Parent: #4
| Quote: كيف زول ربنا اكرمو بالعقل ويمشي يباري لي لينين وخرتوشف |
يا ود الباوقة ما في زول الله اداهو عقل سليم بباري ليهو زول ويبقيهو سيدو !
مسألة انو الزول مؤيد لفكر معين و مقتنع بيهو دي حاجة بتخصو وما فيها عيب ،،، طالما لم يؤدي هذا التأييد لظلم الناس
العيب والغريب انو الانسان يؤيد حكومة تمارس القتل والظلم والتشريد والسرقة ،،، مهماً كان شعارها او دينها !
|
Post: #5
Title: Re: ما بال الكيزان حضورهم باهت وضعيف ؟!
Author: الصادق اسماعيل
Date: 03-19-2013, 04:33 PM
Parent: #3
Quote: ووفق منهج السلف الصالح انه لا يجوز الخروج علي الحاكم المسلم الا وفق شروط معينة يصعب تحقيقها في الوقت الراهن عشان كدي الحاكم
عندي ليس البشير او نافع كل من يصل الي الحكم فهو عند السلف لا يجوز الخروج عليه
|
البعض يعبد السلف اكثر من عبادته لله
محمد المسلمي
تحياتي عساك طيب
|
Post: #9
Title: Re: ما بال الكيزان حضورهم باهت وضعيف ؟!
Author: أيمن محمود
Date: 03-20-2013, 06:45 AM
Parent: #3
وعليكم السلام أخ محمد المسلمي
Quote: المسالة عندي ليس كذلك بل مسالة شرعية يضبطها الشرع الاسلامي
ووفق منهج السلف الصالح انه لا يجوز الخروج علي الحاكم المسلم الا وفق شروط معينة يصعب تحقيقها في الوقت الراهن عشان كدي الحاكم
عندي ليس البشير او نافع كل من يصل الي الحكم فهو عند السلف لا يجوز الخروج عليه |
اولا يا محمد المسلمي من وجهة نظر السلف المسألة مختلف عليها اختلاف كبير ولو اردت آراء السلف لأتيتك بها
ثانيا - ربنا احل للانسان ان (يقتل) دفاعا عن نفسه ، عرضه ، وماله ، فما بالك ان اجتمعت كل هذه الاسباب لخروج الانسان عن هذا الحاكم الذي يتسبب بكل هذا ؟!
ام انك ترى ان الانقاذ الآن لا تتعدى على أرواح وأعراض واموال الناس بالباطل ؟
|
Post: #12
Title: Re: ما بال الكيزان حضورهم باهت وضعيف ؟!
Author: فتح العليم محمد أبوالقاسم
Date: 03-20-2013, 07:56 AM
Parent: #3
الاستاذ / محمد المسلمى
أمل ان توضح شروط الخروج عن الحاكم المسلم ؟ وماهي صعوبة تحقيقها في الوقت الراهن ؟
مع احترامي
|
Post: #6
Title: Re: ما بال الكيزان حضورهم باهت وضعيف ؟!
Author: أيمن محمود
Date: 03-19-2013, 07:57 PM
Parent: #2
بشير أحمد
طيب ما ياهو انت بتعترف انكم بتتفرجوا ساي!
مسألة انو في بعض المعارضين مختلفين مع بعض فدي ظاهرة صحية وهي تدافع الناس الطبيعي في الاراء !
اظنه قد اتسع الفتق على الراتق عندكم ، ونحن نصبح ونمسي على خيبات العايرة وادوها سوط هذه
ولا اظنه يفوت عليك ان روح هذه الحكومة قد بلغت الحلقوم وقرب أوان خروجها
|
Post: #7
Title: Re: ما بال الكيزان حضورهم باهت وضعيف ؟!
Author: Abd Alla Elhabib
Date: 03-19-2013, 10:30 PM
Parent: #6
Quote: كيف زول ربنا اكرمو بالعقل ويمشي يباري لي
لينين وخرتوشف وقورباتشوف وعرامانوف |
أها إنتو الأكرموكم بي العقـل ده سويتوا
بيهـوشنو غير ممارسة الإجـرام : كتلتو الألآف
وشردتوا الملايين وعذبتوالمئات وسرقتوا
خـيرات الشعـوب ... إنتو أوس خ منهم كتير ..
قول لينا ; لنين وخرتشوف وغورباتشوف وعرمان مجتمعين
كتلو كم وعذبو كم وشردوا كم .. وما تتفاصح ساي يا جهلول
بالمقارنة المجـردة : الشيوعـيون أفضل منكم بي ألف مـرة
---------
تحياتي يا أيمـن
|
Post: #10
Title: Re: ما بال الكيزان حضورهم باهت وضعيف ؟!
Author: محمد البشرى الخضر
Date: 03-20-2013, 07:29 AM
Parent: #7
حضورهم ضعيف وباهت المقصودة دي وين يا ايمن؟
لو هنا فـ سو وات ؟ بالنسبة للحاصل على الواقع و تأثير الحضور الضعيف على الثورة المرتقبة
من زمان معروفة الأسافير عموما و سودانيز خصوصا مناطق محررة :) و الكيزان وضعهم فيها زي دفاع الهلال في ساحل العاج
|
Post: #11
Title: Re: ما بال الكيزان حضورهم باهت وضعيف ؟!
Author: تيسير عووضة
Date: 03-20-2013, 07:52 AM
Parent: #10
سلامات عزيزنا أيمن ..
قالوا الشينة منكورة !
ود الباوقة يمتنعون 
| Quote: من زمان معروفة الأسافير عموما و سودانيز خصوصا مناطق محررة :) |
|
Post: #13
Title: Re: ما بال الكيزان حضورهم باهت وضعيف ؟!
Author: Deng
Date: 03-20-2013, 11:39 AM
Parent: #11
الأخ أيمن محمود
سلام.
الكيزان مقدور عليهم تماما في هذا البورد. وهم يدرون جيدا أنهم منهزمين لأنهم يدافعون على الباطل.
أما العناصر الإنتهازية وأصحاب المواقف الرمادية، يجب الأنتباه لهم جيدا. فهم الذين يدافعون على هذا النظام المجرم بالوكالة ويعطونه مبررات واهية. تابع البوستات ذات القضايا الحاسمة والتي لا تحتمل الحياد، وسوف تجدهم بكثرة. أنهم يعارضون المعارضة ولكنهم لا يعارضون النظام أبدا.
|
Post: #14
Title: Re: ما بال الكيزان حضورهم باهت وضعيف ؟!
Author: عيسى مصطفى عثمان
Date: 03-20-2013, 11:50 AM
Parent: #13
| Quote: تابع البوستات ذات القضايا الحاسمة والتي لا تحتمل الحياد، وسوف تجدهم بكثرة. أنهم يعارضون المعارضة ولكنهم لا يعارضون النظام أبدا. |
لك التحية يا دينق ولايمن صاحب البوست
|
Post: #15
Title: Re: ما بال الكيزان حضورهم باهت وضعيف ؟!
Author: محمد المسلمي
Date: 03-20-2013, 12:02 PM
Parent: #14
ايمن محمود والضيوف سلام
فقه السلف حول الخروج علي الحاكم المسلم واضح ومعلوم لمن اراد ان يتبعه
اما فقه التكفيرين والعلمانيين الحمدلله ربنا صرفه عنا نسال الله ان يثبتنا علي
طريق الحق والفتنة نائمة لعن الله من ايقظها
|
Post: #16
Title: Re: ما بال الكيزان حضورهم باهت وضعيف ؟!
Author: Mohammed Sedeq
Date: 03-20-2013, 12:16 PM
Parent: #15
Quote: فقه السلف حول الخروج علي الحاكم المسلم واضح ومعلوم لمن اراد ان يتبعه
اما فقه التكفيرين والعلمانيين الحمدلله ربنا صرفه عنا نسال الله ان يثبتنا علي
طريق الحق والفتنة نائمة لعن الله من ايقظها |
تكلتها فوق السلف
|
Post: #17
Title: Re: ما بال الكيزان حضورهم باهت وضعيف ؟!
Author: Abd Alla Elhabib
Date: 03-20-2013, 12:45 PM
Parent: #15
Quote: نسال الله ان يثبتنا
علي طريق الحق. |
أوعي يازول !
طريق الكيزان ده ما طريق حق ولا حاجة
ديل أكتر جماعة شوهت ديننا السمــــح !!
وشنو يا مسلمي شابكنا : الخروج علي
الحاكم المسلم : الصادق المهدي ده كان
سـيخي* لما خرجتم عليه ولا الحاكم المسلم
ده إلا يكون كوز ليستفيد من القالب بتاعك ده !!
_____
غلطاتك الإملائية قلت كثيراً
أوعَ تكون مشدّدوا لواهد مُؤلِّم يا !!
|
Post: #18
Title: Re: ما بال الكيزان حضورهم باهت وضعيف ؟!
Author: Deng
Date: 03-20-2013, 03:55 PM
Parent: #17
بعد كل القتل والتعذيب والتشريد الذي مارسته حكومة الإنقاذ المجرمة الفاشية، يقول محمد المسلمي أنه لا يجب الخروج عليهم!
محمد المسلمي.
أختشي.
|
Post: #19
Title: Re: ما بال الكيزان حضورهم باهت وضعيف ؟!
Author: محمد المسلمي
Date: 03-20-2013, 04:02 PM
Parent: #18
دينق دولة الجنوب شايفها شغالة شغل كويس مع حكومة دولة السودان بعد ده تشري ليك لبن بارد وتكبر الملف
ونجض لينا بعد ده المناتلين الهنا وخليك حريص ياقول ال البندر ههههههههههههههه
ــــــــــــــــــــــــــــــــ
دينق نسيت اقول ليك اختشي
|
Post: #20
Title: Re: ما بال الكيزان حضورهم باهت وضعيف ؟!
Author: محمد المسلمي
Date: 03-20-2013, 04:16 PM
Parent: #19
| Quote: البعض يعبد السلف اكثر من عبادته لله |
الصادق اسماعيل دي جبتها كبيرة ماعندهم لعب في العقيدة والتوحيد استغفرالله يازول
الصادق ياحبيبنا لعلك والاسرة بخير
|
Post: #21
Title: Re: ما بال الكيزان حضورهم باهت وضعيف ؟!
Author: عبداللطيف شريف على
Date: 03-20-2013, 04:23 PM
Parent: #17
Quote: أوعي يازول !
طريق الكيزان ده ما طريق حق ولا حاجة
ديل أكتر جماعة شوهت ديننا السمــــح !!
وشنو يا مسلمي شابكنا : الخروج علي
الحاكم المسلم : الصادق المهدي ده كان
سـيخي* لما خرجتم عليه ولا الحاكم المسلم
ده إلا يكون كوز ليستفيد من القالب بتاعك ده !! |
|
Post: #22
Title: Re: ما بال الكيزان حضورهم باهت وضعيف ؟!
Author: أيمن محمود
Date: 03-20-2013, 08:13 PM
Parent: #13
الاخ دينق
تحياتي
Quote: الكيزان مقدور عليهم تماما في هذا البورد. وهم يدرون جيدا أنهم منهزمين لأنهم يدافعون على الباطل.
أما العناصر الإنتهازية وأصحاب المواقف الرمادية، يجب الأنتباه لهم جيدا. فهم الذين يدافعون على هذا النظام المجرم بالوكالة ويعطونه مبررات واهية. تابع البوستات ذات القضايا الحاسمة والتي لا تحتمل الحياد، وسوف تجدهم بكثرة. أنهم يعارضون المعارضة ولكنهم لا يعارضون النظام أبدا |
كما قال الاخ محمد البشرى وكما تقول - سودانيزاونلاين محررة - الا جيوب من الرماديين المتخفين والذين مهمتهم معارضة المعارضين دفاعا عن الانقاذ !
|
Post: #23
Title: Re: ما بال الكيزان حضورهم باهت وضعيف ؟!
Author: الصادق اسماعيل
Date: 03-20-2013, 08:29 PM
Parent: #22
Quote: الصادق اسماعيل دي جبتها كبيرة ماعندهم لعب في العقيدة والتوحيد استغفرالله يازول
الصادق ياحبيبنا لعلك والاسرة بخير |
ود المسلمي سلام يغشاك
طبعاً هي (كبيرة) لأنو في ناسس كتيرين بيقولوا ليك نحنا على مذهب (السلف) وكلام (السلف) وهو الكلام النهائي، عشان كده قلنا نوع الناس ديل هم بيعبدوا (السلف)، وديل النوع البيقولوا (وجدنا آباءنا).
الذي اعرفه أن الله يحاسب الناس على فهمهم وليس على فهم السلف.
وعشان نديك مثال من نفس كلامك
لمن تجي تقول لي أنا ما بمرق على الحاكم (عشان كلام السلف)
أنا بقول ليك أنا بمرق ضد الحاكم واحاربو عشان كلام الله
وَمَا لَكُمْ لاَ تُقَاتِلُونَ فِي سَبِيلِ اللَّهِ وَالْمُسْتَضْعَفِينَ مِنَ الرِّجَالِ وَالنِّسَاء وَالْوِلْدَانِ الَّذِينَ يَقُولُونَ رَبَّنَا أَخْرِجْنَا مِنْ هَذِهِ الْقَرْيَةِ الظَّالِمِ أَهْلُهَا وَاجْعَل لَّنَا مِن لَّدُنكَ وَلِيًّا وَاجْعَل لَّنَا مِن لَّدُنكَ نَصِيرًا
لكن السؤال الكبير:
يوم القيامة أنا حأقول لي الله شنو (اني اتبعت ما قال السلف) لو السلف بيغنوني من الله ان باتبع كلامم، ولا ما بيغنوني من الله انا بتبع كلام الله. شاييف كيف؟
|
|