Post: #1
Title: زعافة البطل........
Author: حاتم الياس
Date: 03-19-2013, 01:19 AM
Parent: #0
نفضت الغبار عن هذه الأوضة الأسفيرية...ليخرج البعض الى ساحة ملاعب ورقية مشهورة ماكان ليحلموا بأن تمشى اقدامهم فى نجيلها الأخضر فى داخل مساحة البطل المكتوبة والمقرؤة ونقلهم من مجهول الأسافير الى معلوم الصحافة كقرويين يصعد بهم اسانسير لناطحة سحاب.. والبطل بالمناسبة (زميل دراسة) مامن حيث المعاصرة ولكن بأعتبار أننا تخرجنا معاً من جامعات المغرب وهى معلومة اسعدتنى جداً بعد ان عرفتها لاحقاً ... لكن المهم يلاحظ أن ثمة سعادة خفية بالتأكيد تغمر فريق الوحدة المغمور برابطة ناشئى جبرونة غرب بعد ان تكرم البطل وأفرد لسيرتهم حيزا فيما يكتبه وكانت وكأنها فرصة أتاحها القدر للمنافسة فى دورى الأضواء وكان مأخاف الكضب لاتستطيع أن تميز فى كتاباتهم النشطة هذه الايام بين صوت الزغاريد والحروف بين البوستات..الحال هنا مثل الطرفة التى كانت تقال عن فريق (الأصلاح) بتاع حى السيد المكى وهو فريق كان له تاريخ قديم وحافل لكن فى السبعينات والثمانينات اصبح ضيفاً شرفياً على دورى الدرجة الثالثة هو وفرق أخرى مثل فريق الربيع الأمدرمانى والأنتصار والحديد الأمدرمانى لكن الأصلاح بلاشك كان حالة فريدة..حيث دفن نهائياً حلم الصعود للدرجة الثانية فى تراب دار الرياضة أمدرمان فكانت نقاط مباراته مضمونه للفريق الذى يقابله....ولما لم يكن هناك قانون للهبوط من الدرجة الثالثة اكتفى الفريق بالتواجد فيها بمنأى عن تهدي المغادرة...بالطبع القصة عن فريق الأصلاح ليست واقعية بشكل كامل فقد شهدت بنفسى صولات وجولات لهذا الفريق وكان مميزاً بحق لكنه سؤ الحظ (حتى أخلى ذمتى)..لكن من طرائف الرياضيين قالوا أنو فريق الأصلاح شدة ماكان بيتغلب والغلب اصبح حقيقة ثابته له فى روليت دورى الثالثة قالوا يوم كانت عندهم مبارة اتعادلوا فيها مع فريق تانى ...فرحتهم بهذا التعادل جعلتهم ينسوا كراتهم فى الميدان...(كان كل فريق بجيب كورتين معاهو للمباراة بحسب القانون)
فرحت وغبطة من نفضت عنهم زعافة البطل الغبار’ تخفى وتظهر مثل النجم مسرورا ف(حظكم ومبروك......... بس ماتنسوا الكور فى الميدان زى ناس الأصلاح)
(الكتابة دى دمها خفيف...موش بالله)
|
Post: #2
Title: Re: زعافة البطل........
Author: طه جعفر
Date: 03-19-2013, 02:11 AM
Parent: #1
هذا انت و هذه طريقة تفكيرك
خلاص نكلم ليك البطل يكتب عنك و عن قرية الجول و كمان الباوقة
عشان تبقي مشهور اكتر يا المقددا
Quote: نفضت الغبار عن هذه الأوضة الأسفيرية...ليخرج البعض الى ساحة ملاعب ورقية مشهورة ماكان ليحلموا بأن تمشى اقدامهم فى نجيلها الأخضر فى داخل مساحة البطل المكتوبة والمقرؤة ونقلهم من مجهول الأسافير الى معلوم الصحافة كقرويين يصعد بهم اسانسير لناطحة سحاب.. والبطل بالمناسبة (زميل دراسة) مامن حيث المعاصرة ولكن بأعتبار أننا تخرجنا معاً من جامعات المغرب ... اقول أن ثمة سعادة خفية بالتأكيد تغمر فريق الوحدة برابطة ناشئى جبرونة غرب بعد ان ذكرهم البطل فى مقاله وكأنها فرصة أتاحها القدر للمنافسة فى دورى الأضواء..الحال هنا مثل الطرائف التى كانت تقال عن فريق (الأصلاح) بتاع حى السيد المكى وهو فريق كان له تاريخ قديم وحافل لكن فى السبعينات والثمانينات اصبح ضيفاً شرفياً على دورى الدرجة الثالثة هو وفرق أخرى مثل فريق الربيع الأمدرمانى والأنتصار والحديد الأمدرمانى لكن الأصلاح بلاشك كان حالة فريدة..حيث دفن نهائياً حلم الصعود للدرجة الثانية فى تراب دار الرياضة أمدرمان فكانت نقاط مباراته مضمونه للفريق الذى يقابله....ولما لم يكن هناك قانون للهبوط من الدرجة الثالثة اكتفى الفريق بالتواجد فيها بمنأى عن تهدي المغادرة...بالطبع القصة عن فريق الأصلاح ليست واقعية بشكل كامل فقد شهدت بنفسى صولات وجولات لهذا الفريق وكان مميزاً بحق لكنه سؤ الحظ (حتى أخلى ذمتى)..لكن من طرائف الرياضيين قالوا أنو فريق الأصلاح شدة ماكان بيتغلب والغلب اصبح حقيقة ثابته له فى روليت دورى الثالثة قالوا يوم كانت عندهم مبارة اتعادلوا فيها مع فريق تانى ...فرحتهم بهذا التعادل جعلتهم ينسوا كراتهم فى الميدان...(كان كل فريق بجيب كورتي معاهو للمباراة بحسب القانون)
فرحت وغبطة من نفضت عنهم زعافة البطل الغبار’ تخفى وتظهر مثل النجم مسرورا ف(حظكم ومبروك......... بس ماتنسوا الكور فى الميدان زى ناس الأصلاح)
(الكتابة دى دمها خفيف...موش بالله)[/QUOTE
فعلا كتابة دمها خفيف و جميلة بمعايير امثالك .
قوم لف يا سخيف
طه جعفر
|
Post: #3
Title: Re: زعافة البطل........
Author: طه جعفر
Date: 03-19-2013, 02:19 AM
Parent: #2
انت ما كان تخلي الشكرة
تعملا ليك الدكتورة نجاة محمود
يا كاتبها المفضل !!!!!!!!!!
و الله يا حاتم انت من اسخف البشر
و ملعون ابو الدنيا البتجمعنا بنوعك
يا سخيف و لو للحظة
زول ميت و بائس
و خريج المغرب مع مصطفي عبد العزيز البطل
كلكم ابطال مغاربة
|
Post: #5
Title: Re: زعافة البطل........
Author: سيف النصر محي الدين
Date: 03-19-2013, 02:26 AM
Parent: #3
سلامات يا حاتم
غايتو لغاية وقت قريب الأخ البطل ده ما كان من قادة الرأي في السودان و لا من كتاب الصحف المؤثرين. و انا ازعم يا حاتم انو هذا الأخ هو ايضا من كتاب
الاسافير و له فيها وجود اكبر من وجوده خارجها . لكن كمان كان بقت الامور اتغيرت فسبحان الله الذي يغير و لا يتغير.
|
Post: #4
Title: Re: زعافة البطل........
Author: Sinnary
Date: 03-19-2013, 02:25 AM
Parent: #2
ما عارف يا أستاذ حاتم هل هي كتابة رد الفعل أم ماذا؟ إذ أنها تتكثف زراية بزملاء إن لم يستحقوا تقدير جودة الكتابة فناً لا إحتراف منك علي أقله
فهم يستحقون إعترافنا بنبل المواقع المعرفية التي عنها يصدرون و زوايا النظر التي عليها يؤسسون رؤاهم
|
Post: #6
Title: Re: زعافة البطل........
Author: طه جعفر
Date: 03-19-2013, 02:45 AM
Parent: #4
Quote: ما عارف يا أستاذ حاتم هل هي كتابة رد الفعل أم ماذا؟ إذ أنها تتكثف زراية بزملاء إن لم يستحقوا تقدير جودة الكتابة فناً لا إحتراف منك علي أقله
فهم يستحقون إعترافنا بنبل المواقع المعرفية التي عنها يصدرون و زوايا النظر التي عليها يؤسسون رؤاهم |
شكرا سناري
حاتم الياس لا يشبهنا فهو مغاربي
و من الابطال
و نحن من دهماء القرويين
شفت الديكتاتورية و الخوف بتجوط الراس كيف يا سناري
أهو زي حاتم الياس مثال
علي جوطة الراس بالحياة في سودان الانقاذ
|
Post: #7
Title: Re: زعافة البطل........
Author: زياد جعفر عبدالله
Date: 03-19-2013, 03:06 AM
Parent: #6
قريبي حاتم ود الياس
كيفنك يا صاحب..
أنا والله يا حاتم لا بعرف البطل دا و لا الاخوة و الاخوات الكتب عنهم البطل
و بغض النظر عن موضوع خلافهم الاصلي...المقال الكتبه الزول دا يا حاتم أقل ما يمكن وصفه أنه مسيء و به كثير من الاسفاف..
بالله يا حاتم صحافة ينكتب فيها الكلام الشين الفي المقال دا يتقال عنها ناطحة سحاب؟؟؟
...
شكلك كورتك فكت يا قريبي 
|
Post: #8
Title: Re: زعافة البطل........
Author: محمد البشرى الخضر
Date: 03-19-2013, 03:36 AM
Parent: #7
| Quote: (الكتابة دى دمها خفيف...موش بالله) |
ابدا ... بل العكس تماما
|
Post: #9
Title: Re: زعافة البطل........
Author: HAYDER GASIM
Date: 03-19-2013, 03:37 AM
Parent: #7
وماذا كتب البطل؟
بإعتبار {الجهل} من حقوق الإنسان
|
Post: #10
Title: Re: زعافة البطل........
Author: حمد عبد الغفار عمر
Date: 03-19-2013, 07:25 AM
Parent: #9
حاتم الياس المحامي وموثق العقود (على ما اعتقد)
البطل ممكن يكون جاهل بالقانون
انت مالك ؟
|
Post: #11
Title: Re: زعافة البطل........
Author: حامد بدري
Date: 03-19-2013, 07:46 AM
Parent: #10
المبروك ودالياس اولن نشكر ليك فضلك في منحي الباسويرد في المكان الجميل ده
وصباحك عافيه ياابقدوم
جبتنا لينا الكلام في صمة خشمنا ونحنا اهل قانون طلبة المغرب كلهم اخوان في الرضاعه
وده مابدي الحق للبطل او ايو كان يتطاول ويسئ لي الناس ويشتموم وبي حجر واحدوسندو ودليلو
من دقنو وافتلو يعني معقوله بس الكلام الشين الكاتبو المابشبه الرجال ده يكون معتمد على كتابه
الناس دي ظاتا وعايزنا نصدقو كمان متابع المنبر ده من ايام الراحل عبدالماجد الله يرحموكان منبر عام
مالكوم عايزين تقلبوهو منبذ عام
|
Post: #12
Title: Re: زعافة البطل........
Author: وليد محمد المبارك
Date: 03-19-2013, 07:46 AM
Parent: #10
والله يا حاتم ما بشبهك
كدي نعمل تقييم للبطل ولمن كتب عنهم
1. دينا خالد .. ناخد الافتراض بتاع البطل بانها هالة عبد الحليم .. هسع في ذمتك في مقارنة بين البطل وهالة عبد الحليم ؟!
2. تيسير عووضة .. البت دي زولة قوية وكتابتها بتعبر عنها وناجحة في عملها جدا .. ولو خلت شغلها الناجحة فيه وكتبت في الصحف .. حا تكون رئيست تحريرو واقصد البطل
3. ود المشرف .. ياخ ده قرا صيدلة في الخرطوم .. تاني شنو ؟
4. قيقراوي .. ما بعرفوا لكن كتابته في المنبر تشهد ليه بالتهذيب .. وبعضا من منطق .. وكثيرا من رجاحة الرائ
5. واخيرا طه جعفر .. مع انو انا وطه على النقيض في الافكار واحتمال الافعال .. لكن يكفيه انه شال جائزة الطيب صالح .. زولك ده شال جايزة وين ؟
عليه يا حاتم صحبك هو المتمسح في الجماعة ديل وقاشر بيهم
|
Post: #14
Title: Re: زعافة البطل........
Author: عوض محمد احمد
Date: 03-19-2013, 07:55 AM
Parent: #12
كتابة لزجة
|
Post: #15
Title: Re: زعافة البطل........
Author: حامد بدري
Date: 03-19-2013, 07:57 AM
Parent: #12
Quote: .. يعني ما قصر معاه المجموع فقام طقاها للمغرب كايس قراية قدر مجموعو ( مع الاعتذار لكل من درس في المغرب )
|
ياشفت صباح الخير عليك
اولاد المغرب ناسن عيشتوم تتمنا ودراسة القانون لو مشيت اشتغلتا
في التشليح بتاع العربات زي كده بتنفعك وخريجي المغرب ممكن جدا
بي مجموعوم الناقص ده نعمل منهم توليفه تحكم البلد عديل وتوديها بر الامان
اعتذارك مامقبول عليك الله امسح المجموع ده واكتب في حاتم الدايرو
|
Post: #17
Title: Re: زعافة البطل........
Author: وليد محمد المبارك
Date: 03-19-2013, 08:32 AM
Parent: #15
تم الاجراء يا حامد
نكرر الاعتذار
|
Post: #13
Title: Re: زعافة البطل........
Author: داليا حافظ
Date: 03-19-2013, 07:52 AM
Parent: #10
إذا كان التشهير عندك = الشهرة
فدمك خفيف فعلا!
|
Post: #16
Title: Re: زعافة البطل........
Author: Deng
Date: 03-19-2013, 08:32 AM
Parent: #13
لا يا ولدنا حاتم الياس.
الكلام ده فعلا ما بشبهك. رغم أنتمائك للفكر العروبوي إلا أنا كنت مصنفك كزول مثقف.
لكن تجي تسقط السقطة دي! فدي مبالغة. كما تعلم نحن دائما بنخوض نقاشاتنا مع أصحاب الوزن الثقيل من الفكر. ولكن تجي أنت تجلطها بالطريقة دي! فدي سقطة منك عديل كده.
يا قيقراوي ألحق زوبوننا حاتم الياس العروبوي.
بالمناسبة. الكتابة في صحف الخرطوم ليس صفة مميزة. خصوصا في زمن الإنقاذ.
فمن الذي يا ترى يتشرف أن يكتب في نفس الصحف مع الهندي عز الدين أو أسحق فضل الله أو... وأو... الى نهاية القائمة؟
|
Post: #18
Title: Re: زعافة البطل........
Author: tmbis
Date: 03-19-2013, 09:50 AM
Parent: #16
| Quote: 5. واخيرا طه جعفر .. مع انو انا وطه على النقيض في الافكار واحتمال الافعال .. لكن يكفيه انه شال جائزة الطيب صالح .. زولك ده شال جايزة وين ؟ |
تعرف يا شفــت من يوميها وانا بطلت اقرا اي حاجة متعلقـة بي ادب الطيب صالح ..
وامس القريبة دي بكري ابوبكري حذف ليهو بوست لي الاديب دا والله كان مفروض يعلقو لينـا فووووق في راس المنبر دا .. عشان نعرف انو البطل بتاع جريدة الخرتوم عندنا بطل ابطـل منو في منبر بكري ابوبكري ..
لذلك:
موقفي كان واضح .. البطل يغلط مع قيقراوي وتيسيير والمشرف مهما كان بيني وبينهم من اي حركة من الحركات المسلحـة عاجلا ام اجلا فأنا بدخل معاهو في حتـة ضيقة .. واحتمال كبير اكان غنو لي الحتة الفيها قالو الدود قرقر ديك .. ومعاها زغرودة في سلم مي .. احتمال كبير زي الكورجـة بتاعت ناس قريمان واستيف .. وإلخ من المناضلين ديل .. اكل ليك منهم تلاتة علب بي حجم علبة الفورموستي الكبيرة بالقديم .. وانضف سنوني بي خيط مراتب نمرة عشرة .
اما لو قعد يكتب من حسع دي لي يوم الدين .. طه جعفر .. ودينا خالد .. والله ياها اضاني وياها القشة المكسورة فيها ..
..
هذا كما ويسرني ان ارحب بي الزول الكاتب بي اسم دينق في المداخلة الدينقاوية دي ..
والله يا دينق تكتب كلام زي دا حسع دي كان يكون جاك تسمم يا بالميت يكونو عاملين ليك تجديد نزور بمناسبة ذكرى موتك وذلك في شاطئ بحيرة سيوبيريو .
يا حاتم ..
ياخ الاديب طـه جعفـر عندو عقدة الذنب والحساسية من ريحـة البندر ..واولاد البندر .. وكلما يتبندر له في ذهنــه .. فشنو عليك الله وجه لينا قوسك اللعيــن لمكان الهدف بالضبط .. انت كمان عايز تضحك فينا الكتااب الكنديين واللا انـا مالي ..؟
|
Post: #19
Title: Re: زعافة البطل........
Author: Deng
Date: 03-19-2013, 09:57 AM
Parent: #18
Quote: هذا كما ويسرني ان ارحب بي الزول الكاتب بي اسم دينق في المداخلة الدينقاوية دي ..
والله يا دينق تكتب كلام زي دا حسع دي كان يكون جاك تسمم يا بالميت يكونو عاملين ليك تجديد نزور بمناسبة ذكرى موتك وذلك في شاطئ بحيرة سيوبيريو |
ال Bouncer تيمبس.
أنت لسه بتتعابط وبتتهابل في البورد ده؟
|
Post: #20
Title: Re: زعافة البطل........
Author: tmbis
Date: 03-19-2013, 10:09 AM
Parent: #19
انتو شنو يا جماعة الحركة بتاعت المتأمركين الطالعين لي فيها الليلة من الصباح دي ..
محمد سليمان استيف تسالو يقوليك يا بوكسي .. الزول البكتب بي اسم دينق تديهو على راسو يقوليك يا بيونسي ..
يا بشر هوووي .. اكتبو لينـا بالعربي الواحد دا .. الما بقدر يكتب بالعربي حقنا بتاع اولاد الحلة دا .. يكتب لينا بي عربي جوبـا .. يا بي عربـي اعرب من عربي جوبـا ولا يكلف الله نفسا الا وسعهـا ..
الواحد فيكم لما بيحرقوالكلام .. مالو بيشيل باص وورد الواحد التاني بكتب بيهو ..؟
لاحظ يا الزول القاعد جمب طلحـة .. لاحظ عليك الله الزول الشايل باص وورد دينق دا بتاع حركات كيفن..؟
|
Post: #21
Title: Re: زعافة البطل........
Author: tmbis
Date: 03-19-2013, 10:48 AM
Parent: #20
| Quote: يا تمبس ويا دينق يعلم الله انتو الاثنين أنا بقرأ اسمكم لو بوست أو مداخلة بدخل بشوف الحاصل شنو. فدحين العنوا الشيطان ووالله كل واحد فيكم اعسل من التاني ومتابعنكم من سنين نرجو تصفية وتنقية الاجواء |
يديك العافية يا محمد جمال ..
والله انا ما قاعد ارد لي الناس الفي المحيط الهادي ، لقناعة ما بداخلي انو معظم الناس دي عبارة عن اسماء وهمية بتشاركنا نفس المكان دا .. او موقوفه او اشباح الغرض الاساسي انو تشتمك وتعمل على اغتيال شخصيتك وبكري فتح الباب دا من غير تنظيم ..
لكن ولي معزة خاصة جدا بداخلي لطلبـة المغرب وابناء المغرب .. انا رديت ليك وبشكرك على الكلام السمح دا ..
لكـن ..
يا محمد .. سواء ان كان دينق او الزول القاعد يكتب بي اسم دينق .. الاتنين ديل .. لو ما اخدو على راسهم من كل فترة وفترة .. صدقني البكان دا ببقى كعب جدا .. ودينق دا ما تشفو عامل ليك فيها مسكين كدا .. والله دينق دا من النوع الكان فكيتو بطير ..
فشنو..؟ اخير استمتتع ونحن قاعدين نطيره ليهو من راسو .. لحدت ما يبقى واااعي .. ويبقى بني ادم بفهم بي مخو الفاضي دا
شكرا يا زول وغايتو لو بقيت بعاتي من البعاعيت ديل .. ردي دا ما عافيهو ليك ...
|
Post: #22
Title: Re: زعافة البطل........
Author: عبدالله شمس الدين مصطفى
Date: 03-19-2013, 11:18 AM
Parent: #21
| Quote: (الكتابة دى دمها خفيف...موش بالله) |
بل الكتابة دى عقلها خفيف بما لا يشبهك يا حاتم.
أعِدْ...... كما يكتبها أستاذ اللغة العربية.
|
Post: #23
Title: Re: زعافة البطل........
Author: د.نجاة محمود
Date: 03-19-2013, 12:03 PM
Parent: #22
ياكاتبي المفضل كتابتك دمها خفيف وفيها تقريق لكن الناس
دي بقت عدمانة من السينس اوف هيومار وعايزة.ليها زول تتفشى فيه
مضحكني كلام طه في موضوع العيش تحت الدكتاتوريات وهو الطلع من تحتها اول مس
ومرقها في كندا وبقى يتكلم عن العيش والتربية تحت الدكتاتوريات
بالجد كيف اهل الربع وخلاس جينا للقضارف وضبانها
نحيلك الى فلم ودي الان زيلخ وتلبس طه وتحوره على كل حتة يمشي فيها
يمكنك ان تخرج الولد من الضهاري ولكن لا يمكنك اخراج الضهاري منو
مثل كندي
|
Post: #24
Title: Re: زعافة البطل........
Author: Deng
Date: 03-19-2013, 02:07 PM
Parent: #23
| Quote: يا تمبس ويا دينق يعلم الله انتو الاثنين أنا بقرأ اسمكم لو بوست أو مداخلة بدخل بشوف الحاصل شنو. فدحين العنوا الشيطان ووالله كل واحد فيكم اعسل من التاني ومتابعنكم من سنين نرجو تصفية وتنقية الاجواء |
الأخ محمد جمال.
شكرا لحسن ظنك بي.
ولكن هذا التمبس من مساندي هذا النظام المجرم منذ أول يوم له في هذا المنبر. أرجو منك أن تتابع كتاباته جيدا، لكي تعرف أين تصب ومن تخدم بالضبط.
بالله كده أقراء كلامه التحت ده لكي تعرف كلام الطير في الباقير الكاتبو ده.
Quote: يديك العافية يا محمد جمال ..
والله انا ما قاعد ارد لي الناس الفي المحيط الهادي ، لقناعة ما بداخلي انو معظم الناس دي عبارة عن اسماء وهمية بتشاركنا نفس المكان دا .. او موقوفه او اشباح الغرض الاساسي انو تشتمك وتعمل على اغتيال شخصيتك وبكري فتح الباب دا من غير تنظيم ..
لكن ولي معزة خاصة جدا بداخلي لطلبـة المغرب وابناء المغرب .. انا رديت ليك وبشكرك على الكلام السمح دا ..
لكـن ..
يا محمد .. سواء ان كان دينق او الزول القاعد يكتب بي اسم دينق .. الاتنين ديل .. لو ما اخدو على راسهم من كل فترة وفترة .. صدقني البكان دا ببقى كعب جدا .. ودينق دا ما تشفو عامل ليك فيها مسكين كدا .. والله دينق دا من النوع الكان فكيتو بطير ..
فشنو..؟ اخير استمتتع ونحن قاعدين نطيره ليهو من راسو .. لحدت ما يبقى واااعي .. ويبقى بني ادم بفهم بي مخو الفاضي دا
شكرا يا زول وغايتو لو بقيت بعاتي من البعاعيت ديل .. ردي دا ما عافيهو ليك ... |
الكلام ده الغرض منو تشتيت الكورة والتهريج فقط ولا غير.
|
Post: #25
Title: Re: زعافة البطل........
Author: tmbis
Date: 03-20-2013, 07:40 AM
Parent: #24
| Quote: كلامك قاسي يا تمبس وما كان العشم ياخ .. بس تاني ما تعمم ما كل الناس بتمشي حقها زينا نحن التحت ديل .. فرحنا معاك وزعلنا ليك وما بنعرفك برضو بقينا بعاعيت .. ما تتهجس الخير |
يا ام اياد سلامات ..
انا ما عممت يا ستي .. انا قلت معظم ولو قلت كل كان المسالة بتكون واضحـة ..
انا بقرا جيدا الكلام البتكتب من تحت .. وحتى الكلام البيصلني في بريدي الخاص والبتوضع من فترة لي اخرى هنا في البورد ..
وبعرف بفرق تماما بين الناس البتتمنى ليك الخير وبتقيف معاك في الحلوة والمره ..
وبين الناس الفعلا عندها اسماء فوق في البورد .. وما قادره تكتب ليك في عينك وتجي تستخدم المكان البديل دا .. كنفاج ..
علي سبيل المثال .. في واحد موقوف من طرف ادارة الموقع بعد ان تعرض لي ولي زوجتي .. امس القريبه دي جاي رادي لي من تحت ... وابتدا برنامج الشتايم تاني من جديد .. تفتكري يا ام اياد .. معاي حق واللا مما معاي ..؟
ماف قساوة يا ام اياد بقدرما شكل الكتابة عايز ليهو شوية فرز .. وعلى العموم انا قاعد اقابل كل كتابة بتتكتب لي بالتقدير والاحترام من الناس الفعلا بتحترم نفسها وهم بالعدد .. واحسبك واحدة منهم .. ودا السبب الخلاني ارد لي محمد جمال الكتب لي المداخلة ..
وحسع دي لو ما عندي ليك تقدير خاص .. ايضا ما ح ارد ليك كان واوضح ليك وجهة نظري ولو كان هناك اي نوع من التعميم ما كان خصيتك بالرد الطويل دا ..
|
Post: #29
Title: Re: زعافة البطل........
Author: tmbis
Date: 03-20-2013, 08:49 AM
Parent: #24
| Quote: الكلام ده الغرض منو تشتيت الكورة والتهريج فقط ولا غير. |
غايتو يا الشايل الباص واللوري حقات دينق شكرتك على الله .. عايز تجيب لي دينق سمعة ساكت ..
ياخ دينق دا عندو مداخلتين لي شخصي الضعيف . والمداخلتين انا حافظم عن ظهر قلب .. كمان حسع دي عايز تجيب لينا واحدة تالتة بتاعت تشتيت ؟؟
هو من متين ظاطوووو دينق قاعد يهتم بي القراية واللا الكتابة واللا درس العصر .؟؟
رجع الباص وورد دا لي سيدو .. ولما يجي دينق انا عندي معاهو كلام ..
عواليييق
|
Post: #37
Title: Re: زعافة البطل........
Author: Deng
Date: 03-21-2013, 07:00 AM
Parent: #29
Quote: غايتو يا الشايل الباص واللوري حقات دينق شكرتك على الله .. عايز تجيب لي دينق سمعة ساكت ..
ياخ دينق دا عندو مداخلتين لي شخصي الضعيف . والمداخلتين انا حافظم عن ظهر قلب .. كمان حسع دي عايز تجيب لينا واحدة تالتة بتاعت تشتيت ؟؟
هو من متين ظاطوووو دينق قاعد يهتم بي القراية واللا الكتابة واللا درس العصر .؟؟
رجع الباص وورد دا لي سيدو .. ولما يجي دينق انا عندي معاهو كلام ..
عواليييق |
ال Bouncer وركيب الأغانيDJ التمبس.
شوف يا أمنجي. أوعك ولو للحظة تفتكر أنك من الناس المحترمين في البورد ده!
أنت من الذين يخدمون ويدافعون على حكومة الإنقاذ الفاسدة المجرمة، وده تاريخك في هذا البورد. حركات البلطجة دي أجري ألعب بيها بعييد.
|
Post: #26
Title: Re: زعافة البطل........
Author: Osman Hjaj
Date: 03-20-2013, 08:13 AM
Parent: #1
Quote:
(الكتابة دى دمها خفيف...موش بالله) |
بالعكس تماما
|
Post: #27
Title: Re: زعافة البطل........
Author: esam gabralla
Date: 03-20-2013, 08:31 AM
خفيفه جدآ ... تتلولح مع الهوا ... و تثير الشفقه
|
Post: #28
Title: Re: زعافة البطل........
Author: kamal omer
Date: 03-20-2013, 08:43 AM
Parent: #27
أظن إنو كمية الإساءات الاتقالت للمقصودين بالأمر في مقال البطل ، ما بتستحمل اي نوع من ( الخفة )
|
Post: #30
Title: Re: زعافة البطل........
Author: قيقراوي
Date: 03-20-2013, 09:16 AM
Parent: #27
صدقت يا حاتم
العوة دي كانت مرايا مصقولة بعناية فائقة
كل زول شاف فيها صورتو .. تماماً
انا شخصياً فعلت
-------
لا ادري ان كان البطل هو صاحب الزعافة .. حسب زعمك
ام طالته اطرافها .. وطالتك انت دا في ذاتك
هوو نوز!؟
|
Post: #31
Title: Re: زعافة البطل........
Author: حاتم الياس
Date: 03-20-2013, 02:40 PM
Parent: #30
نسيت أن اقول أن فريق الأصلاح كان يطلق عليه لقب... (هاردلك)....فى دورى السنترليق..
|
Post: #32
Title: Re: زعافة البطل........
Author: Yassir Tayfour
Date: 03-20-2013, 02:53 PM
Parent: #31
ما نسيت حاجة تانية؟
|
Post: #33
Title: Re: زعافة البطل........
Author: Siham Elmugammar
Date: 03-20-2013, 04:06 PM
Parent: #32
كمان جابت ليها سينس او هيمور
تمااااام تمام تمام
|
Post: #34
Title: Re: زعافة البطل........
Author: سفيان بشير نابرى
Date: 03-20-2013, 04:26 PM
Parent: #33
يا دجانقو شايفك بي جاي تفلق و في بوست الصور تداوي !!!
غايتو الواحد لما يكون عامل فيها بلعب في الممتاز ياهو بشيل
حال ناس الاصلاح سااااي .
يا خوي عوس عواستك سااااي مافي زول طالبك تضامن
حتى سيد الزعافه ما اظنو راجي تفاسيرك .
الشي البحير جد جد الناس الزيك كدا دا الطاير ليهم حياد في رأسهم.
يا سهام يارئيس سيبك منو الزول دا .
بالله كتابتي الفوق دي دمها ما خفيف؟
أنت تحديداً آ السبابي ماني راجي ردك ثمح؟
|
Post: #35
Title: Re: زعافة البطل........
Author: Siham Elmugammar
Date: 03-20-2013, 06:36 PM
Parent: #34
والله يا سفيان رغم شغلة الرئاسة دى
الا ن تجليات اولدنا حاتم تستحق بعض من وقتنا الغالى
وترا نحن قاعدين نسوى شنو يعنى
اهم حاجة نركز مع السنس اوف هيومر
اها قلت ليك عندى واحد قريبنا راجل جياشى صعب موت
وبتاع مشاكل درجة اولى وفوق ده سكرجى صاح
المهم الجماعة معظمهم ناس صوفية و سبح و اوراد
مضايقين منه جدا..
المهم يوم عقد بتو .. واحد من الاعمام (على حسب روايته ليتر اون انو كان سرحان فى شخصية ابو العروس دى)
اها قام اخوه الهوا ابوى قال ليهو خلاس قوم نبارك و نمشى
قال ليك عمى مشى عديل لى ابو العريس داير يقول مبروك
قال ليهو احسن الله عزاءكم و جبر كسركم
دمى خفيف موش 
|
Post: #36
Title: Re: زعافة البطل........
Author: سفيان بشير نابرى
Date: 03-20-2013, 08:01 PM
Parent: #35
يارئيسة و الله لو ما (مناغمتك) لي ما كنت جاي حتت الزعافه دي
بس كمان البحير انو الموضوع في حد نفسو عايز سنس مش عايز
زول يحايد رجاااله سااااي كدا .
ياخ زول يعرض بخلق الله عديل كدا و يشيل الكلام و يكسر رقبتو
و يركبو في سياق تاني و يجيك بتاع ال(دوري الممتاز دا) و يقول
ليك زعافه و مازعافه!!!؟
هاك السنس .
بس للضمان البطل الجد جد ياهو الانقريابي دا .
يارئيس سهام ياخ مافي افضل من السنس لما يقع في حتتو
ولا شنو ؟
|
|
|