Post: #1
Title: ود الباوقة (2) يوسف الحداد (طبال )جديد بالمنبر (كوز)اسرار
Author: معاوية عبيد الصائم
Date: 03-18-2013, 02:01 PM
الشاعر الدجال المدعو يوسف الحداد
انتهازى ودجال ومتسلق من الدرجة الاولى ...
ياعمك نحنا هنا ...ف تعال منسل
يوسف الحداد ابقى مارق
http://nawaonline.net/vb/showthread.php?s=29...1bfb425c46andt=15331
لدينا المزيد
نسال الله للبوست الثبات امييييييييييييييييييييييييييييييين
|
Post: #2
Title: Re: اضبـط اشهر طبالى مجرم لاهاى دخل المنبر ....
Author: باسط المكي
Date: 03-18-2013, 02:10 PM
Parent: #1
ما بثنينا قرار زي ده
وما بنهتم وفيه نفاصل
سيف العز البيه نبشر
بينا وبينك ياهو الفاصل
***
ليك كم سنة تتربص بينا
عاقد الشينة تصر وتحاول
خبت وعبت وجيت بى شيتا
لاموجود فينا ولاحاصل
والموضوع ما موضوع دار فور
لو دار فور كان هين وساهل
بس ده مخطط صهيونى مستهدفنا
وحتما ذايل **
***
ماك نصيح يالما بتنسما
ماك نصيح يا اوكامبو
ولا ده كلام زولا عاقل
يا مجنون الريح كان عصفت
نحن السيل والبرق الشايل
والقانون مالاك بنعرفو
وعندنا ناسا فيه فطاحل
يرتبو ترتيب من تانى
ويوضعو ليه مواد ومداخل
قرارك بلو واشرب مويتو
ظنك اننا بنخاف قايل
الحس كوعك وعاين حاجبك
وامسك طرف الهوى لو طايل
يا صهيونى مزاعمك باطلة
وحكمك يا مستهتر باطل
كل العالم يشهد انك
اكبر مجرم ومدعى فاشل
***
وبى ياسين وخواتم البقرة
والايات الليها منازل
وبى ط س وح م ع
المنشار الطالع ونازل
وباللالوب سبح الالفية
والتهليل المفزع وقاتل
وبالصلاح والمداح
والساجدين عرقن نتاح
يشيلك ريح ويختك ريح
وترميك موجة على الساحل
يتهد الليل كدى فوق راسك
ويمطر فيك رصاص وقنابل
فيك تتلمى كبار المرده
وكل عفاريت الجن فى بابل
يا موهوم بتقبل وين
من غضب الله الجاييك نازل
هاك من مرنا كب واشرب
نحن عدونا بنسقى حناضل
والسودان بى طولو وعرضو
ارسل ليك بالجملة رسايل
اكد ليك بالصوت والصورة
حقيقة شعب عريق ومناضل
***
اتجاوزت وفت حدودك
اطاولت كمان يا جاهل
على ريسنا وتاج عزتنا
ورمز سيادتنا الباسل
ورمز الامة بتفدى عيونا
كل الناس شعوب وقبايل
نحن فدا الوطن الممتد
والماعون الواسع وشايل
نحن فدا الوطن الشامخ
والتاريخ الناصع وحافل
نحن فدا الوطن المتوحد
بى راي شعبو ومتكامل
نحن فدا الوطن المعروف
بسماتو الطيبة وناسو افاضل
ونحن فدا العلم البيرفرف فى الافاق
وسلامنا الشامل
ونحن ونحن الشرف البازخ
وعلشان عزة نموت ونقاتل
***
يوسف الحداد
معزرة اعزائى للغيبة والله مابايدى لكم العتبى
|
Post: #3
Title: Re: اضبـط اشهر طبالى مجرم لاهاى دخل المنبر ....
Author: بشير أحمد
Date: 03-18-2013, 03:02 PM
Parent: #2
ياها عِرفتكـ يامعاوية ...دايما بتهابش الناس المساكين؛
السم القدر غداكـ ما بتقدر عليهم.
|
Post: #4
Title: Re: اضبـط اشهر طبالى مجرم لاهاى دخل المنبر ....
Author: ابكر سعيد آدم
Date: 03-18-2013, 06:58 PM
Parent: #3
ما تكلم زول اضربهم في الانكل
الكيزان حرامية كبار
ديل بسرقو الكلام من خشم سيدو خليك من سرقة اموال الشعب
|
Post: #5
Title: Re: اضبـط اشهر طبالى مجرم لاهاى دخل المنبر ....
Author: خضر الطيب
Date: 03-19-2013, 07:25 AM
Parent: #4
صباح الاشراق يا طوربيد
بالله دا طلع شاعر البلاط ؟
يعني باوقشن توو
|
Post: #6
Title: Re: اضبـط اشهر طبالى مجرم لاهاى دخل المنبر ....
Author: ABUHUSSEIN
Date: 03-20-2013, 09:51 AM
Parent: #5
عنوان البوست :-
| Quote: اضبـط اشهر طبالى مجرم لاهاى دخل المنبر .... |
تم تعديله إلى :-
| Quote: ود الباوقة (2) يوسف الحداد (طبال )جديد بالمنبر (كوز)اسرار |
يعني ود الباوقة دا..... لازم تدخلو في السخف بتاعك دا ....
|
Post: #7
Title: Re: اضبـط اشهر طبالى مجرم لاهاى دخل المنبر ....
Author: الطيب رحمه قريمان
Date: 03-20-2013, 05:19 PM
Parent: #6
الحبيب معاوية لك التحية الطيبة
ما شاء الله عليك يا حبيب دائما صاحى
|
Post: #8
Title: Re: اضبـط اشهر طبالى مجرم لاهاى دخل المنبر ....
Author: ود الباوقة
Date: 03-20-2013, 05:58 PM
Parent: #7
التحية والقومة للوطني الغيور يوسف الحداد
والعار والشنار لبربار وامثاله
ولا نامت اعين الجبناء
...................................................
ابو حسين سيبك منو
الزول دا ما فيهو خير
|
|