Post: #1
Title: الواتس أب صنيقير وحقة النيفيا العفينة ديك
Author: عبدالله ود البوش
Date: 03-18-2013, 10:33 AM
Parent: #0
في محادثة تلفونية هذا الصباح مع الزعيم اسماعيل عباس الرجل الخدوم
طلبت خدمته بان يعمل لي حجز للعيال فسألني ان كانت لدي خدمة الواتس اب
طبعا اول مرة اسمع بي اب صنقير دا والله صحي
فلما لم يجد سلوى دفق ابريقه على الويرلس وقال لي اقوليك قولة اسأل منو خالد المحرب
باعتبار ان خالد المحرب ابو القدح الذى اعرف عضته وليس لديه مانعا بان يشرح
لي ابو صنقير المذكور اعلاه حتى لو يأخذ منه الامر ضحوة وضهرية وقومة وقعدة
ويختمها بعبارته الشهيرة ما بشوف باظك اللنقلب
وعلى كل حال خلصت المكالمة بان اركب الوانيت دبل القبين واغني درق بي يا اللوري درق بي
ولاعندو هناك مختصرا المسافات سيرا على اللساتك بدل البهدلة التي لا اطيق لها حداثة ولطافة
--------------
لم يمر الامر هكذا مرور الكرام بل تذكرت ود عاول حينما طلب سفة من اب سروال
فاخرج حقته علبة النيفيا وقال له يا ود عاول دي حقة نيفيا للناس المسقفين فقتا
فحرد ود عاول السفة وركب عربية السوق ومشى طابت اشتري حقة نيفيا
فسأل والبسأل ما بتوه وين حقة النيفيا فارشدوهو المارة بان لا حقة نيفيا ولكن توجد نيفيا
في ذاك الدكان فتوجه له وقال لي ادني حقنة نيفيا
فقال له لاتوجد حقة نيفيا ولكن عندنا نيفيا نديك ليها
آآآآآي اديني ليها وسلمه مبلغا كبيرا من المال ثمن النيفيا
ود عاول خرت النيفيا في واطة الله ومردغ ايدو في التراب حتى يتخلص من ريحتها العفينة
ومشى دفسا صعوط وركب فيها مراية مدورة ويا اب سروال جاك بلا
.
.
قال واتس اب قال
ونس
ايييييييييييه يا زمن وقف شوية
بدورك يا الحبيب بدورك لي قريب بدورك في الهنبريب ويكون الجو رهيب
تعديل خطأ املائي بالعنوان
|
Post: #2
Title: Re: الواتس أب صنيقير وحقة النيفيا العفينة ديك
Author: عبدالله ود البوش
Date: 03-18-2013, 10:56 AM
Parent: #1
يا موسى الراجل تعال ادينا سكة غير اللاعب كما قال عادل خياري
الذي اعاد لي هذه العبارة لسحارة ذاكرتي التي بدأت تشوش عليها الاجهزة المعولقة
ولا استمريت في الزمن الجميل ولا كمان قدرت اكواب ما يمكن تواكبه
كما قال حسين ود الطرشا
تلدو إيال شينين زي دا وتقول رقست جيتي
معاتبا اباه في شناته التي لم تتح ( دي عرفة ناس الزمن الجميل الجزم والنصب بحذف حرف العلة )
له مجالا في الرقيص مع الحسنوات الاي يختارن السمحين بس
|
Post: #3
Title: Re: الواتس أب صنيقير وحقة النيفيا العفينة ديك
Author: عبدالله ود البوش
Date: 03-18-2013, 11:03 AM
Parent: #2
الليلة غايتو لاركبن هذا العالم الحديث طبقا عن طبق
وفي نفس الوقت لن افرط في تلفوني الكشاف الحبيب الذي يضي لي عتمة الظلام
كلما احتجت لفتح كبوت البوكسي عشان اكب ليهو موية
يا حليلك يا الكشاف
.
.
ياربي الواتس اب فيهو نور وبوري ولا عولقا بالغبا ؟
وياربي حقو بجيب لي كم عنز شايل ؟
|
Post: #6
Title: Re: الواتس أب صنيقير وحقة النيفيا العفينة ديك
Author: حسين ديقول
Date: 03-18-2013, 11:17 AM
Parent: #3
Quote: ود عاول خرت النيفيا في واطة الله ومردغ ايدو في التراب حتى يتخلص من ريحتها العفينة
ومشى دفسا صعوط وركب فيها مراية مدورة ويا اب سروال جاك بلا
|
|
Post: #4
Title: Re: الواتس أب صنيقير وحقة النيفيا العفينة ديك
Author: الامين موسى البشاري
Date: 03-18-2013, 11:07 AM
Parent: #2
علي الايمان تاني ما بترجعوا البلد
قبل شوية البطحاني محمد عمر الفكي قال ما بقدر يرد من الموبايل
لكن بامكانه فتح بوستات..
واتا هســـي بتسأل من الخرابه الاسمو الواتس اب
|
Post: #5
Title: Re: الواتس أب صنيقير وحقة النيفيا العفينة ديك
Author: عبدالله ود البوش
Date: 03-18-2013, 11:15 AM
Parent: #4
بركة يا اللمين البشاري الجيت براك تسوق وتقود
يلا اشرح اب صنيقير دا
سمعة قال لي ما بنشرح كلو كلو
واتا زول شراح وروحك طويلة
عشان ما اقوم ادقس واشتري لي واتس داون
.
.
النصيحة كان اشتريت بحقو دا فرشات للديوان كان اخير لي من العولق دا
جني وجن التلفون الببعبصوهو تبعبص دا
مرة دايرة تضوق طعم ملاحا الفركتو وابتو
|
Post: #7
Title: Re: الواتس أب صنيقير وحقة النيفيا العفينة ديك
Author: حسين ديقول
Date: 03-18-2013, 11:21 AM
Parent: #5
أنا غايتو عندي سي تو
بستحمل الدرش ، كتير من الناس بسألوني كان عندي وات أب ولا لا
بقول ليهم ولا بعرفو ، ولا ناوي أسعاهو
سلام عبد الله
|
Post: #9
Title: Re: الواتس أب صنيقير وحقة النيفيا العفينة ديك
Author: عبدالله ود البوش
Date: 03-18-2013, 11:31 AM
Parent: #7
حبيبنا حسين ديقول
قاليك الاستاذة سألت التلميذة من حفر قناة السويس ؟
التلميذة ما عرفت الاجابة والاستاذة دقتا فمشت البيت تبكي
لاقتا حبوبتا مالك يا بت تبكي ؟
قالت ليها الاستاذة قالت لي الحفر قناة السويس منو قلت ليها ما بعرفو ودقتني
حبوبتها قالت ليها بتكوني حرفتيها اتي يا الشويطينة 
انا خايف اشتريهو تقوم امي تقول لي اشتري لي زي حقك دا والله جد
باقي نحن الاتنين تلفوناتنا نوع واحد لاننا بنحب بعض والله صحي
شكرا يا حسين وان شاء الله ان شاء الله لمن الاقيك في لمة البورداب التي تقام
لاستقبال الاعضاء الجدد وبعد عمر طويل يكون في حوزتي المذكور اعلاه
|
Post: #11
Title: Re: الواتس أب صنيقير وحقة النيفيا العفينة ديك
Author: Khalid Saeed
Date: 03-18-2013, 11:37 AM
Parent: #7
حبيبنا ود ا لبوش ..
مشتاقين يعلم الله ..
قبل ماتصل الأرباب المحرب .. اخد نصيحة اخوك ..
الواتساب ده .. جناً ما بنعرفوا .. عليك امان الله .. اتشالقته ونزلته الواتساب في الكمبيوتر .. عينك ماتشوف الا الناس دي .. شبوكني ليك سلامات وناس يسالوك انته وين ...
وناس تقول ليك مبروك الأي فون .. وماعرفتهم فيهم فد زول .. اشوف ارقام بس ..
قلته ارد عليهم .. لقيت كمبيوتري شغال انجليزي .. حلف بالتقطعه ما يتحول عربي .. جيت جاري هنا سألت المختصين .. عملوا نايمين .. مع انهم هم النزلوا بوست فيهو رابط تنزيل الواتسب في الكمبيوتر
ده غير ناس الفيس .. الشافوني نازل من الكمبيتوتر .. رسلوا لي يباركوا الجوال الجديد ..
غايتو البعرفوا ليك .. الواتساب بعلم الكضب .. لأنوا اي زول بارك لي .. قلته ليهو الله يبارك فيك .. ( غلبني اقول ليهم .. ده كمبيوتر وبرنامج ملح .. هههههههههه )
تحياتي لفريد واخوانه ياخ ..
اخوك/ ألأرباب
|
Post: #15
Title: Re: الواتس أب صنيقير وحقة النيفيا العفينة ديك
Author: عبدالله ود البوش
Date: 03-18-2013, 12:34 PM
Parent: #11
| Quote: اتشالقته ونزلته الواتساب في الكمبيوتر |
هههههههههههههههههههههههههههه
سجم امك يا الخزين
حرم انا قايلو تلفون ههههههههههههه
والله لكن محن
قلت لي عووووووووك عووووووك النهار ما طال
الناس دي جنت ولا شنو
حبيبنا خالد سعيد الارباب
نصيحة تخدرك
والشباب جايين عن عقريب وتحياتك وصلت
مشكرين يا بيه
|
Post: #28
Title: Re: الواتس أب صنيقير وحقة النيفيا العفينة ديك
Author: مجاهد محمد الهادي
Date: 03-18-2013, 03:17 PM
Parent: #7
أول تبادي والله كلامك طاعم جنس طعامة وطعومية يا ود البوش ياخ الله يسعدك محل ما تقبل
ومتابعين
Quote: أنا غايتو عندي سي تو
بستحمل الدرش ، كتير من الناس بسألوني كان عندي وات أب ولا لا
بقول ليهم ولا بعرفو ، ولا ناوي أسعاهو
/QUOTE]
زيي اتا يا ديقول .. خليك كدة ما في أحسن من سي تو دا
|
Post: #31
Title: Re: الواتس أب صنيقير وحقة النيفيا العفينة ديك
Author: عبدالله ود البوش
Date: 03-19-2013, 06:54 AM
Parent: #28
مجاهد محمد الهادي
سلام وتحية
ياخي ذوقك اتا دا الطاعم وفاهم البحس الطعومية وارفع المعنويات
والله اديك الصحة والعافية واهنيك زي ما دعيت لي ياخي
ياخي اتا وديقول نورونا على السي تو عشان ندرعوا
شكرا جزيلا يا مجاهد
|
Post: #8
Title: Re: الواتس أب صنيقير وحقة النيفيا العفينة ديك
Author: حسين ديقول
Date: 03-18-2013, 11:27 AM
Parent: #5
............
مكررررررررررررررر
|
Post: #16
Title: Re: الواتس أب صنيقير وحقة النيفيا العفينة ديك
Author: عبدالله ود البوش
Date: 03-18-2013, 12:37 PM
Parent: #8
ليك حق يا ديقول تكرر ما جهازك سي تو
يعني مداخلاتك تيمان ورزقك كيمان
ربنا ازيدك
بس اختا العولق
تحياتي
|
Post: #12
Title: Re: الواتس أب صنيقير وحقة النيفيا العفينة ديك
Author: عادل الباهي عبدالرازق
Date: 03-18-2013, 11:40 AM
Parent: #5
Quote:
عشان ما اقوم ادقس واشتري لي واتس داون |
عمنا عبدالله
حياك الله وطابت اوقاتك بكل خير
خليك في قديمك البرنامج دا بيجيب الهواء أي زول مسجلو في قائمة
الاسماء وعندو البرنامج دا بيجيك ناطي للدردشة في أي وقت لاتعرف
ترد لا تعرف تخبط الهاتف بالحائط ههههههههه .
|
Post: #17
Title: Re: الواتس أب صنيقير وحقة النيفيا العفينة ديك
Author: عبدالله ود البوش
Date: 03-18-2013, 12:45 PM
Parent: #12
Quote: لاتعرف
ترد لا تعرف تخبط الهاتف بالحائط ههههههههه . |
والله يا عادل ولدي انا الكشاف دا كان جرجر وكتر رناتو بفطسو زي السوسيو واقلبو علي بطنو
واخليهو انتح في الفاضي
جني وجن وجع الراس والطاحونة ام حجر ههههههههههههه
.
.
والله انا زعلان منك في عدم العرس
كان الغجرية عرسا
ما تباري اللالاية ساهي
.
.
تحيات وشوق ثم الما دارك ما زعل من عدم عرسك
|
Post: #10
Title: Re: الواتس أب صنيقير وحقة النيفيا العفينة ديك
Author: نادر النور آدم
Date: 03-18-2013, 11:36 AM
Parent: #4
يا زول اها عاد تعال صنقر النحكي لك حكايتي مع الخرابات ديل
الجنيات عندنا في الجمعية لمن يتلاقو عليك امان الله انا قايل بتسالمن التلفونات ما بتسالمو هن
يات من هو مسك تلفونه ومقبل ليه على حيطة
وتسمع قرقر قر .. وهيهيهيهي .. وتعال شوف دي قالت شنو
والعجب العجيب في النص يقول ليك يا فلان .. فلان دا بسعل منك وقال ليك نعلك طيب
اها يعني .. كل شوية واحد يسعلني
عندك نمبز؟؟
عندك فرنج؟؟
عندك اسكايبي؟؟
عندك ما عارف شنو ؟؟
وانا فالح في الفيس وسودانيز وموقع حراج .. زي باص الربع الخرطوم وبالعودة بس ..
وحكمة الله تلفوني تراه اطرش والله كان لوري ود عرفة (ب ح 4 أطرش فرملته تعاشيق وتحانيس)
ِقبل الله الأربعة ما اخد فيهن قبلة
اها يا زول لمن فاض بي الحنين وزاد بي الشجن من كترة نضمي الجنوي ديل
اليوم داك اقول كدي اتلهم لك المرسلات
واشتريت داك يا الجلاكسي بي شريحة نت كمان (دقش ولا مو دقش)
جيت عندنا واحداً مسلّط كدي قلت ليهو تنزل لي الدهنايات ديل جت هنا
وقال بسم الله
وسويت فيهن حسابات كلهن
اها بقيت صحية من الصباح اشغلن ليك
دا يسوي كرررررررررررر
وداك يسوي تييييييييييت
ودا يسوي تيتك تيتك تيتك (مختلفة من تيت تيت السادة دي)
وشي كتابة .. وشي صوت .. وشي صوت وصورة
مرة شفت حمارة العاقب مباشرة من الحلة
(عرفت انو الاسكايب يحجزو فيهو حجز من الانتحار اليوم داك)
اها لمن اتضايق من كترة النضمي بقوم اقفلن
مما واحد يفقدني فيهن وما يلقاني بضرب لي تلفون يقول لي افتح النمبز
او افتح الفرنج
الله ينعل ابو دي شغلة
نحن نصاقر الداهي دا السنة كلها؟
اليوم داك عليك أمان الله فد زهجة سلمتو البيع طوااااااااالي بي شريحتو
.....
.....
.....
حليل زمن الونسة والقعدة في الهمبريب تحت ضل الشدرة الفيها الزير
وحليلنا نحن
وحليلك انت المختفي ذاتك
لتعديل كلمة انت
|
Post: #13
Title: Re: الواتس أب صنيقير وحقة النيفيا العفينة ديك
Author: أمير محمد ادريس
Date: 03-18-2013, 11:49 AM
Parent: #10
شكرا يا حسين وان شاء الله ان شاء الله لمن الاقيك في لمة البورداب التي تقام
لاستقبال الاعضاء الجدد وبعد عمر طويل يكون في حوزتي المذكور اعلاه
---------------------
ههههههههههههههههههه
لكن والله يا ود البوش كتاباتك متعة ،،، متعك الله بالصحة والعافية
تحياتي وتقديري
|
Post: #14
Title: Re: الواتس أب صنيقير وحقة النيفيا العفينة ديك
Author: أمير محمد ادريس
Date: 03-18-2013, 12:03 PM
Parent: #10
شكرا يا حسين وان شاء الله ان شاء الله لمن الاقيك في لمة البورداب التي تقام
لاستقبال الاعضاء الجدد وبعد عمر طويل يكون في حوزتي المذكور اعلاه
---------------------
ههههههههههههههههههه
لكن والله يا ود البوش كتاباتك متعة ،،، متعك الله بالصحة والعافية
تحياتي وتقديري
|
Post: #18
Title: Re: الواتس أب صنيقير وحقة النيفيا العفينة ديك
Author: صلاح أبودية
Date: 03-18-2013, 01:07 PM
Parent: #14
Quote: قلته ارد عليهم .. لقيت كمبيوتري شغال انجليزي .. حلف بالتقطعه ما يتحول عربي .. جيت جاري هنا سألت المختصين ..
عملوا نايمين .. مع انهم هم النزلوا بوست فيهو رابط تنزيل الواتسب في الكمبيوتر |
ود البوش
جبت لينا الهواء !!
يا خالد أظن الرابط كان لتنزيل البرنامج من الكمبيوتر مش فى الكمبيوتر !
والشغلانة تفرق كتير !!
يعنى تنزل البرنامج من الكمبيوتر فى جهاز التلفون !
مش تنزل البرنامج من الإنرنيت فى الكمبيوتر !!
والله أنا أول مرة أعرف إنو الواتسب بنزل فى الكمبيوتر !
هههههه
بوست ممتع ولذيذ !
|
Post: #20
Title: Re: الواتس أب صنيقير وحقة النيفيا العفينة ديك
Author: ismeil abbas
Date: 03-18-2013, 01:27 PM
Quote: لكن والله يا ود البوش كتاباتك متعة ،،، متعك الله بالصحة والعافية
تحياتي وتقديري |
عبرت عنى يا أمير...
حينما تضيق بنا الدروب بنلجأ لبراحات أوسع فعلمتنا الحياة أن الزول المهل دائماً يكون جميلأ...
عبدالله ودالبوش أحد اناس ديل..
كويس محادثتنا اليوم تنتج هذا النتاج الجميل.......
|
Post: #29
Title: Re: الواتس أب صنيقير وحقة النيفيا العفينة ديك
Author: عبدالله ود البوش
Date: 03-18-2013, 03:23 PM
Parent: #20
| Quote: كويس محادثتنا اليوم تنتج هذا النتاج الجميل....... |
منكم واليكم فانتم منبع كل جميل وأساسه
الزول الجميل اسماعيل عباس في طبعو دائما هادي
شكرا لك فقد قلدتني وشاح اعتز به
تحياتي وجاييك في الطريق باذن الله
.
.
عاين جاي وصي لي زول عشان اراعيني سمح ؟
مرة اتصلت علي شركة الاتصال عشان اوصل خدمة في تلفون البيت
الموظف قال لي الخدمة دي بتكلفك كداي من كداي
قلت ليهو ياخي ما تراعيني شوية
ضحك لمن قــح في التلفون حتى حسيت بشرتاب القحة جاني بالسلك في اضاني
شكرا يا معجب
|
Post: #26
Title: Re: الواتس أب صنيقير وحقة النيفيا العفينة ديك
Author: Khalid Saeed
Date: 03-18-2013, 03:09 PM
Quote: ود البوش
جبت لينا الهواء !!
يا خالد أظن الرابط كان لتنزيل البرنامج من الكمبيوتر مش فى الكمبيوتر !
والشغلانة تفرق كتير !!
يعنى تنزل البرنامج من الكمبيوتر فى جهاز التلفون !
مش تنزل البرنامج من الإنرنيت فى الكمبيوتر !!
والله أنا أول مرة أعرف إنو الواتسب بنزل فى الكمبيوتر !
هههههه
بوست ممتع ولذيذ ! |
ههههههههههههههههههههههههههههههههههههههههههههههههههه
حبيبنا أبوديه ...
ذكرتني .. عبد السلام الحبشي .. زوجته ماتت وخلت ليهو 3 اولاد .. اتزوج واحدة زوجها مات وخلا ليها 3 اولاد
اتنيل هو والمره الجديدة جابوا 3 اولاد ..
يوم عبد السلام جايي من الشغل .. لقه الجوطه حاصله في البيت ..
زوجته قالت ليهو ( حصل ياعبد السلام .. اولادك على أولادي .. دقــــوا اولادنا ) ههههههههههههههههههه
دحين واتساب حبيبنا ود البوش .. مع واتسابنا .. مع واتسابكم .. جاطوا لينا واتساب كمبيوترنا ..
ههههههههه
|
Post: #34
Title: Re: الواتس أب صنيقير وحقة النيفيا العفينة ديك
Author: عبدالله ود البوش
Date: 03-19-2013, 10:30 AM
Parent: #26
Quote: دحين واتساب حبيبنا ود البوش .. مع واتسابنا .. مع واتسابكم .. جاطوا لينا واتساب كمبيوترنا ..
|
ههههههههههههههههههههههههه
خالد سعيد الارباب
كل موقف اتا عندك ليهو نكتة
تحياتي والشباب جايين اليوم باذن الله
|
Post: #27
Title: Re: الواتس أب صنيقير وحقة النيفيا العفينة ديك
Author: عبدالله ود البوش
Date: 03-18-2013, 03:14 PM
Quote: والله أنا أول مرة أعرف إنو الواتسب بنزل فى الكمبيوتر !
|
والله انا اول مرة اسمع بيهو ذاتو
.
.
شكرا يا سعادتك صلاح ابودية على التوضيح
تحياتي
|
Post: #22
Title: Re: الواتس أب صنيقير وحقة النيفيا العفينة ديك
Author: عبدالله ود البوش
Date: 03-18-2013, 02:18 PM
Parent: #14
Quote: متعك الله بالصحة والعافية
|
ولمثل دعوتك هذه تهون الكتابة يا أمير
ولك اضعاف ما دعوت لي به
شكرا جزيلا يا اميرنا
|
Post: #19
Title: Re: الواتس أب صنيقير وحقة النيفيا العفينة ديك
Author: عبدالله ود البوش
Date: 03-18-2013, 01:18 PM
Parent: #10
نادر النور ابو النسب الجميل يا رائع
سلام وشوق
اها النبدأ ليك من الناكوس
ياريت لو خليتها بطبعتا ( اتا دا ) وقعها رنان وموغل في المحنة
كدا بقيتا ريحتا فلهمة فلهمة او مدرسة مدرسة او حنكشة بملاح رز ههههههههه
| Quote: عليك امان الله انا قايل بتسالمن التلفونات |
تصوير ولا ابلغ
وصحي اتا عندك نمبز يا نادر ههههههههههههه
عندنا واحد من البلد كان شغال هنا في قصر فترة طويلة
مشى السودان جاتو ملاريا بقى اهضرب وفي نص الهضربة قال داير تميس يا ابو ادريس من التميس
امو بقت تبخر فيهو وتقول يا ابو ادريس من التميس
باعتبار ان التميس واحد من الجن اللحمر
وزولك دا ذاتو وبعد بقى كويس قام مع الدغش وقال لاخواتو
وين توبي ؟
اجي يا بنات امو الجنا دا مو طيب
.
.
| Quote: زي باص الربع الخرطوم وبالعودة |
الله يا الله يا الله
بس لو كنت قاصد المكتوب عليهو الشوق والريد تكون ما خفت فيا الله كلو كلو 
Quote: وحكمة الله تلفوني تراه اطرش والله كان لوري ود عرفة (ب ح 4 أطرش فرملته تعاشيق وتحانيس)
|
يا اب شام وراء وقدام
حليل معتوق
البصل اب حلوق حليل معتوق
والمريسة ضوق ضوق حليل معتوق
.
.
وحليل السواجير 
Quote: واشتريت داك يا الجلاكسي بي شريحة نت كمان (دقش ولا مو دقش)
|
دقش والله والله دقش جد
Quote: ودا يسوي تيتك تيتك تيتك (مختلفة من تيت تيت السادة دي)
|
ههههههههههههههههههههه
خلاك تربع ايديك ملانات قصب ؟
وحسبو شتت قصبو هههههههههههه
.
.
Quote: مرة شفت حمارة العاقب مباشرة من الحلة
|
وكانت عايرة ولا بتفنطط ساهي هههههههههه
حمير العاقب ديل اصلو مافيهن حمارة بت حلال هههههه زي حمير حلبة السواجير
ياخي حلبة السواجير مبالغة والله صحي
عليك الله عامل كيف يا نادر ؟
Quote: الله ينعل ابو دي شغلة
|
والله كان اقوليك قصة ود خشني ما بتكون سمعتها
ود خشني السبعيني مزنوق دخل المستراح وشايل تلفون تلاتين عشرتين التقيل داك
ولابس نضارة قعر الفنجان المانعة ديك
شمرتك يا ودخشني التلفون من الجيب وجنبلغ جوة الجك
دنقر اشوفو النضارة قعر الفنجان جنبلغ جوة الجك ايضا كذلك
قام علي حيلو عرقو اتخرت وقال
انعل ابو دي خرية هههههههههههه
نادر الفي القلب اعلم بيهو رب العالمين
سلام شديد
|
Post: #21
Title: Re: الواتس أب صنيقير وحقة النيفيا العفينة ديك
Author: حسين ديقول
Date: 03-18-2013, 02:18 PM
Parent: #19
Quote: ليك حق يا ديقول تكرر ما جهازك سي تو
يعني مداخلاتك تيمان ورزقك كيمان
ربنا ازيدك
بس اختا العولق
تحياتي |
هه وأنا ذاتي توم
|
Post: #35
Title: Re: الواتس أب صنيقير وحقة النيفيا العفينة ديك
Author: عبدالله ود البوش
Date: 03-19-2013, 10:35 AM
Parent: #21
حسن وحسين راكبين عجلين كباية الشب وقعت رُب
.
.
ربنا يحفظكما
وتحياتي للتوم حسن وياريت اكون عضؤ معانا لان التيمان لازم تكون حاجاتهم متساوية
وياريت كمان يا ديقول تكتب بوست عن مواقف وطرائف التيمان
|
Post: #23
Title: Re: الواتس أب صنيقير وحقة النيفيا العفينة ديك
Author: محمد جبره
Date: 03-18-2013, 02:20 PM
Parent: #19
ود البوش اخوي السترة والفضيحة متقاودات وكتين الداهي دا مرق شيتن تاني ما تلفون ....أب صنيقير دي شوف لها صرفة
............
عرفتك للشيء دا قبالي وجعتني بالحيل
|
Post: #36
Title: Re: الواتس أب صنيقير وحقة النيفيا العفينة ديك
Author: عبدالله ود البوش
Date: 03-19-2013, 10:44 AM
Parent: #23
Quote: وكتين الداهي دا مرق شيتن تاني ما تلفون ....أب صنيقير دي شوف لها صرفة
|
يعني يا محمد جبره (ياخي بالتاء المربوطة أخير )
السوفت ما عندها صنيقير
أها اسع الهوت ميل والجيميل ميل ما عندها صناقير هههههههههه
.
.
| Quote: عرفتك للشيء دا قبالي وجعتني بالحيل |
اسقفوا يا ما مسقفين اسقفو بدل الحسادة دي
اها كان سعين المكنة السمحة البتشغلوا اظنك تنبطن ههههههههه
محمد جبره
سلام ثم شوق ثم العشم في الدنيا دي الاقيك والله صحي
|
Post: #40
Title: Re: الواتس أب صنيقير وحقة النيفيا العفينة ديك
Author: عماد قريش
Date: 03-19-2013, 11:09 AM
Parent: #23
Quote: عندنا واحد من البلد كان شغال هنا في قصر فترة طويلة
مشى السودان جاتو ملاريا بقى اهضرب وفي نص الهضربة قال داير تميس يا ابو ادريس من التميس
امو بقت تبخر فيهو وتقول يا ابو ادريس من التميس
باعتبار ان التميس واحد من الجن اللحمر
وزولك دا ذاتو وبعد بقى كويس قام مع الدغش وقال لاخواتو
وين توبي ؟
اجي يا بنات امو الجنا دا مو طيب
. |
إبداع ياود البوش وربنا يديك العافية
|
Post: #24
Title: Re: الواتس أب صنيقير وحقة النيفيا العفينة ديك
Author: بله محمد الفاضل
Date: 03-18-2013, 02:21 PM
Parent: #19
صنفر أب لمبة يا ود البوش
وركب فيهو الواتس أب صنيقير
هو يقدر يقول بغم
أفا...
لا وكمان تقدر بعد كدا
تستخدموا بدل حقة النيفيا
ههههههههههه
ويلا بالبركة يا اخي
ثم إنه الأشواق وهكذا وهكذا
|
Post: #37
Title: Re: الواتس أب صنيقير وحقة النيفيا العفينة ديك
Author: عبدالله ود البوش
Date: 03-19-2013, 10:53 AM
Parent: #24
الشاعر الجميل بله محمد الفاضل
سلام واحترام ثم شوقا حارا يا رجل
Quote: صنفر أب لمبة يا ود البوش
وركب فيهو الواتس أب صنيقير
|
يازول هوي اب صنيقير دا قاليك ما بشتغل الا بمكنة بالشي الفلاني تجيب مراح غنم
وعليه قنعت من العولق الا فيها لبن ولا فيها سلات ... النضمي الكتير ان بدور بو
.
.
شكرا بله
|
Post: #25
Title: Re: الواتس أب صنيقير وحقة النيفيا العفينة ديك
Author: رانيه محمد الشيخ
Date: 03-18-2013, 02:28 PM
Parent: #1
والله بالغته
وبالغ بتاع النيفيا
ههههههههههههههههههههههههههههههههههههههههههه
غايتو انا بزعل شديد زول يقولى دا شنو الواتساب
دااااااااااااااااااااااااااااا بالجد احلى اختراع اتعمل حسى لتواصل
|
Post: #30
Title: Re: الواتس أب صنيقير وحقة النيفيا العفينة ديك
Author: احمد محمد بشير
Date: 03-18-2013, 10:17 PM
Parent: #25
كنت اسمع بخدمة الوات ساب وما كنت عارف معناها شنو الا بعد بوسطك ده , تلفوني متواضع ولا يسمح بهذه الامكانيات. ..اها انت الواتساب ده بيشغل مجاني مع خط التلفون ولّبيشتغل مع الوايرلس و الانترنت , يعني لازم يكون في نت مع التلفون ولّ الحكاية كيف؟
|
Post: #33
Title: Re: الواتس أب صنيقير وحقة النيفيا العفينة ديك
Author: Salah Awad
Date: 03-19-2013, 07:34 AM
Parent: #30
عمنا عبدالله
متعك الله بالصحة والعافية
كتابة لها لون وطعم وريحة البلد
حكاوي بنشم فيها ريحة (حلٌالنا)
دمت سالما
|
Post: #39
Title: Re: الواتس أب صنيقير وحقة النيفيا العفينة ديك
Author: عبدالله ود البوش
Date: 03-19-2013, 11:04 AM
Parent: #30
Quote: اها انت الواتساب ده بيشغل مجاني مع خط التلفون ولّبيشتغل مع الوايرلس و الانترنت ,
يعني لازم يكون في نت مع التلفون ولّ الحكاية كيف؟ |
والله يا أحمد أخوي أنا علي اجر المناولة بس ونشوف الشباب بقولوا شنو
لا اعرف له صرفا ولا عدلا حتى الاسم بس وامكن اكون كتبتو غلت ذاتو سمعت بيهو سمع امس القريبة دي
وفي ناس من السمع دا حاسدني ( محمد جبره نموذجا )
.
.
شكرا جزيلا صديقي احمد محمد بشير على السؤال الهام علنا نجد اجابة
مع تحياتي
|
Post: #32
Title: Re: الواتس أب صنيقير وحقة النيفيا العفينة ديك
Author: عزالدين عباس الفحل
Date: 03-19-2013, 07:21 AM
Parent: #25
.
|
Post: #38
Title: Re: الواتس أب صنيقير وحقة النيفيا العفينة ديك
Author: عبدالله ود البوش
Date: 03-19-2013, 10:58 AM
Parent: #25
رانيه بت اخوي الرزينة وزينة
شكرا لطلتك البهية هاهنا
Quote: غايتو انا بزعل شديد زول يقولى دا شنو الواتساب
|
وبكدا تكوني زعلانة من السواد الاعظم من شعب السودان
.
.
تحياتي
|
Post: #41
Title: Re: الواتس أب صنيقير وحقة النيفيا العفينة ديك
Author: طارق جبريل
Date: 03-19-2013, 11:28 AM
Parent: #38
ود البوش كيفنك
انا عندي تليفون فيه نص كيلو باقيلك الخرابة دة بيشتغل فوقو
|
|
|