مـهـنــد الـطـاهــر : اذا لــم يـتـأهــل الـهــلال سـاعـتــزل الـكــرة

ماليهو حق والله
ده شرط تعجيزي ...


سلام خليل

Quote: ماليهو حق والله ده شرط تعجيزي ... سلام خليل

الراجل واثق يا منتصر

خليل ياخليل هلالك وين؟
كان كدي نتمني عدم التأهل حتى يفقد الهلال مهند
بالمناسبة حدث أن خسر الهلال 4/1ا مام المحلة المصري بالمحلة وفى الاياب تالق عزالدين الدحيش وقاد الهلال للفوز على المحلة بنفس النتيجة 4/1 وبضربات الترجيح خرج الهلال من المناقسة
اها نحنا معاكم لحتى ضربات الترجيح
لكن المشكلة تجيبوا لاعب زي الدحيش من وين ؟

سلام يا خليل

الهلال لن يتأهل مالم تحدث مهزلة "تحكيمية"..

أقرعوا الدوري الممتاز بس..

Quote: سلام يا خليل الهلال لن يتأهل مالم تحدث مهزلة "تحكيمية".. أقرعوا الدوري الممتاز بس

سلامات يا هادي


افريقيا كلها ماشة كدة

Quote: خليل ياخليل هلالك وين؟ كان كدي نتمني عدم التأهل حتى يفقد الهلال مهند بالمناسبة حدث أن خسر الهلال 4/1ا مام المحلة المصري بالمحلة وفى الاياب تالق عزالدين الدحيش وقاد الهلال للفوز على المحلة بنفس النتيجة 4/1 وبضربات الترجيح خرج الهلال من المناقسة اها نحنا معاكم لحتى ضربات الترجيح لكن المشكلة تجيبوا لاعب زي الدحيش من وين ؟

سلامات يا معاوية


صعب نجيب زي الدحيش ولكن نامل ان يقاتل فتية الهلال حتي اخر نفس

Quote: ما ياها دى المشكله زااااااااتا

عليهم تناسي نتيجة المباراة الاولي يا اسامة ويلعبو بدون ضغط نفسي وعصبي

خليل يا حبيب

مهند ده صغير لسه ياخ

Quote: خليل يا حبيب مهند ده صغير لسه ياخ

وسيطلق عليهم اسكود وتوماهوك كروز من كل ارجاء الملعب


كيفك طارق

سلام يا خليل

Quote: وسيطلق عليهم اسكود وتوماهوك كروز من كل ارجاء الملعب

مهـنّد ده ما عمـل أي حاجة في أبيدجان
هنا البخلّي يأتي بالمستحيلات شنو ?
مهـنّد يعاني من عدم ثبات مستوي الأدآء
يوم في السحاب ويوم في التراب !!
ياخ والله جننونا وكرهونا الكورة وتشجيع الهلال
أبقوا رجال وأمسحوا العار بلاش تصريحات !

كداااااااااااااااااااااااااااااااااااااب
لا حيتأهلو ولا حيعتزل

Quote: كداااااااااااااااااااااااااااااااااااااب لا حيتأهلو ولا حيعتزل

هلا كمال


هذا قدرنا يا صديقي

جمعة : الاهداف اخطاء جماعية .. العقيد : الهلال بامكانه الانتصار
•••••••••••••••••••••••••••••••••••••••••••••••••••••••••••••
صفحه الهلال | كتب : الطاهر الطيب

اشاد حارس الهلال الصاعد جمعة جنارو باداء زملائه الذين قال انهم قدموا مباراة كبيرة رغم الخسارة ولكن الحظ قد عبس لهم في احايين كثيرة مؤكدا ان الاهداف الاربعة التي ولجت مرماه نتجت عن اخطاء جماعية استغلها الفريق العاجي وقال ان فرصة الفوز تعتبر متاحة لزملائه لتعويض الخسارة والتأهل للمرحلة القادمة وقال ان جماهير الهلال عليها ان لاتحزن وتعمل على مساندة الفريق في المباراة القادمة

وعلى جانب آخر، قال العقيد حسن محمد صالح مدير العلاقات العامة بنادي الهلال ان النتيجة التي خرج بها الهلال تعتبر مدهشة وليست كبيرة لان الفريق العاجي قد كان محظوظا واستغل هفوات الهلال الذي كان لاعبوه يبدو عليهم الارهاق والتعب وبامكان الهلال الانتصار عليه باية نتيجة فقط نتمنى ان يكون التأمين والتصميم والطموح عالية للثأر منه بمقبرة الابطال

لا مستحيل في (المقبرة)
الثلاثاء 19 مارس 2013 الساعة 2:15
< في سبعينيات القرن الماضي ...قدم محجوب شريف (جميلة ومستحيلة)...اول اغاني محجوب العاطفية ...واعمقها (رومانسية) حيث السعي بين الممكن والاستحالة.

< بين الشمس والارض.

< والرجوع باستحالة الوصول.

< قبل (جميلة ومستحيلة) كان الفنان محمد وردي قد غنى في 1969م اغنية من (غير ميعاد) للتجاني سعيد الذي كان وقتها طالبا في المرحلة الثانوية.

< كان محمد وردي قد وجد (من غير ميعاد) منشورة في الصفحة الفنية التى يحررها محمد يوسف موسي في احدى صحف الخرطوم وقتها ..فاعجب وردي بالكلمات وشرع في تلحينها ...واتصل بمحمد يوسف موسي لاستئذان شاعرها من التغني بها.

< وقد كان محمد يوسف موسي حلقة الوصل بين محمد وردي والطالب وقتها في الثانوي العالي التجاني سعيد.

< استمع التجاني سعيد لاغنية (من غير ميعاد) في التلفزيون القومي للسودان قبل ان يلتقى بي محمد وردي.

< كان التجاني وقتها غير مصدق ان فنان في قامة وردي يغني له وهو في المرحلة الثانوية ..حتى ان التجاني (لكز) والده عندما كان يسمع للاغنية معه ..وقال له الاغنية دي كاتبها انا.

< يومها نظر سعيد الي ابنه (التجاني) وهو مستعجبا من الاغنية ومن كاتبها الذي اصبح (رجلا)...وشاعرا يغني له محمد وردي نفسه.

< عندما جاء التجاني سعيد بصحبة محجوب شريف الى اتحاد الفنانين من اجل الالتقاء بالفنان محمد وردي ، لاول مرة...كان وردي وهو يضم التجاني سعيد اليه بقامته الطويلة تجعل اقدام الاخير ترتفع عن الارض وهو يعانقه يقول له : (والله لو كنت عارفك صغيّر كدا ما كنت غنيت ليك).

< معروف ان وردي وقتها كان يغني لعمالقة الشعراء اسماعيل حسن وصلاح احمد ابراهيم ومرسي صالح سراج.

< كان هذا هو اول لقاء يجمع بين وردي والتجاني سعيد في اتحاد الفنانين ...اما محجوب شريف فقد كان بعيدا عن تلك الاحداث ...لم يكن يعرفه احد في ذلك الوقت.

< اخذ محجوب شريف موقعا بعيدا في اتحاد الفنانين ..وهو ينظر الي صديقه التجاني سعيد وهو في حضرة محمد وردي.

< ومحجوب شريف كان عندما يجلس مع صديقه التجاني سعيد في خور الثورة في المساء ..يمازحه التجاني بانه شاعر غني له محمد وردي.

< حتى جاء محمد وردي بعد ذلك وغني لمحجوب شريف (جميلة ومستحيلة) الاغنية التى قدمت لنا (الرومانسية) في شكل آخر.

< قدمتها لنا في طبق من الحواس الراقية.

< خرجنا منها ..ونحن اكثر سعادة ...واكثر تمددا بالحب ...والفرح ..والممكن رغم (استحالة) الجمع في (جميلة ومتسحيلة).

< من هذه الاغنية في ظني ...تعلمنا اول محاولاتنا في كسر القيود ...والخروج على الناس ..والشيوع في الطرقات.

< اوقدنا الف شمعة ..وشمعة ..وبقينا ما سائلين في زول.

< كانت اغنية (جميلة ومستحيلة) تمثل لنا حالة من (الفلهمة) ..وتشعرنا اننا نترقى درجات ودرجات في سلم الانسانية والعاطفة والثقافة.

< كنا نشعر باننا نتحرر بهذه (الاغنية).

< وقد كانت (جميلة ومستحيلة) فتحا جديدا للاغنية السودانية..طرق بها محجوب شريف دروبا كانت مغلقة.

< (جميلة ومستحيلة) عندي تشبه حالات الفرح الفلسفي التى اشاعها عمر الطيب الدوش مع محمد وردي الذي غني له اكثر اغاني الحب فلسفة وتعقيدا.

< غني محمد وردي لعمر الطيب الدوش ..(الود) ..ثم غني له (بناديها) ..وجاء في تمانينات القرن الماضي وغني له (الحزن القديم) ..والاغنيات الثلاثة تمثل حالة من حالات التشبع الفلسفي العميق في حضور الاغنية السودانية.

< لا اريد ان اذهب في ذلك المجال بعيدا ..لكن (ادوّن) ذلك في دفتر الحضور ...اغتسالا.

< الحزن القديم ..حالة من الانفلات من قانون الجاذبية الارضية ..وتحليق بعيدا بعيدا.

< كثيرا من الاغنيات تخرجنا من حالة (الانغلاق) التى نعاني منها الان.

< تنشلنا من حالة (احباط) جماعى ....نغرق فيه للنخرة.

< ونكفكف ..ونتنفر ...ونلعن حظنا العنيد.

< احتاج ان اتحدث عن (جميلة ومستحيلة) ...والود وبناديها ...والحزن القديم ...وانا ابحث عن مدخل (شرعي) يخفف عندي وجعة الخسارة 1 /4.

< اعود الي (جميلة ومستحيلة)...وانشر غسيلي هذا ..(جراحا).

< عندما اجلس اليوم مع محجوب شريف ..اشعر ان محجوب هذا خلق ليمنحنا (القدرة).

< محجوب ...رجل لا يعرف الانكسار ...هو قوي في كل الحالات ..لا تجده قط في حالة من حالات الاحباط.

< دائما هو قوي ..لا يهزه شيء.

< خلق هكذا ليكون (رمزا) ..وقويا يمنحنا (الضوء) عندما تبخل علينا الشمس باشعتها.

< محجوب شريف ...لا يفك وصلة (الاوكسجين) من انفه ...هو في هذه الحالة 24 ساعة ..برئة عليلة يرهقها حتى (النسيم).

< مع ذلك ...هو يبحث باستمرار عن خدمة الاخرين ...وعن صناعة الفرح ..ومساعدة المحتاجين.

< قدم قبل فترة محجوب شريف مبادرة لدعم نساء الناسور البولي من خلال التنافس بين الهلال والمريخ في العطاء من اجل اولئك المحتاجين.

< لكن ..لا المريخ ..ولا الهلال كانوا في الموعد.

< اتذكر في المؤتمر الصحفي ..مندوب المريخ يعلن عن رغبتهم الاكيدة في المساعدة ...وعن استعدادتهم للتنازل عن دخل بعض المباريات دعما للمبادرة.

< لكن الي الان لم يتحرك احد من المريخ نحو ذلك الذي اعلن عنه في (المنصة) بواسطة المكرفون.

< دا كلو كان كلام ساكت ..وشيء للفهلوة والاستعراض الاعلامي ..لا غير.

< اما الهلال فقد كان غائبا حتى عن الحضور.

< لم نجد الهلال ..وكان المريخ وجوده زي عدمه.

< اخر لقاء جمعني بالشاعر محجوب شريف ...وجدته يقول لي في حسرة ..اسمع فكرة المنافسة بين الهلال والمريخ من اجل تلك المشاريع الخيرية شيلها من رأسك...خلاص نفكر لينا في حاجة تانية.

< هذا امر قد نعود اليه ..وقد نشرحه بصورة اكبر ..في مساحات قادمة بحثا عن تفعيّل دور الهلال والمريخ من اجل المساهمة في تلك المشاريع الخيرية ..والنبيلة التى يخترعها محجوب شريف.

< اعود الي (جميلة ومستحيلة).

< اغلب الظن ان محجوب شريف كتب هذه الاغنية في بواكير شبابه ..وقد عاش تفاصيل الاغنية حقا ..واصبحت تلك الجميلة مستحيلة عنده.

< إلا ان محجوب شريف تجاوز مربع هذه الاغنية ...وكتب روائع كثيرة في الوطن الكبير ..وفي زوجته الانسانة الفاضلة الاستاذة اميرة الفاضل وفي بنتيه مريم ومي ...(مريم ومي بنياتي)...وقد غني سيف الجامعة وفرقة عقد الجلاد لمريم ومي اغنيات شرعت وسنت لاحساس الابوة في الاغنية السودانية ...واحساس الاب ببناته ..وهذا شيء كان تفتقده الاغنية السودانية ...وكان تفقده حتى حواسنا والوجدان السوداني الذي كان فقيرا عن هذا التنظيم والتشريع العاطفي النبيل والجميل.

< (جميلة ومستحيلة) اسم اطلق على جامعة الخرطوم ..عندما كانت جامعة الخرطوم ..جميلة ...وكانت مستحيلة ..فاستحقت الجامعة الام ان تكون (جميلة ومستحيلة).

< الان نحن ندخل مباراة الاياب التى تجمع بين الهلال وسيوي العاجي باحساس (جميلة ومستحيلة)..وان كانت الاستحالة في الاغنية قد تحققت.

< في مباراة الاياب نبحث عن ان نكسر طوق الاستحالة هذا ..عملا بمبدأ لا مستحيل في (المقبرة).

< واحسب ان جمهور الهلال ..لا يعرف الاستحالة ..وقد جربنا ذلك في حضرته كثيرا.

< نجحنا في كل التحديات التى دخل فيها الهلال....وخرجنا بفضل الجمهور من كل الانفاق التى وضعتنا فيها الظروف والاقدار.

< والهلال قادر على ان يتجاوز هذه المعضلة ...بالارقام وبالعزيمة والتاريخ والاصرار ..وبجمهور الهلال الراقي والعظيم.

< نملك نوعية من اللاعبين ..يمتلكون من المواهب والامكانيات ما يمكنهم من فعل المستحيل.

< المعز محجوب ..عندما يكون (حضورا) تستعصي شباكه على الجميع.

< ومساوي ..يدافع ويهاجم بنفس القدرة ...تجده في المكان الذي تحتاج اليه.

< ونزار (الصاعقة) ..طاقة جبارة ..وامكانيات لا نجدها إلا في (برشلونة).

< وبشة (الفراشة) يحلق في كل المساحات من اجل التزود بالرحيق ..وامتاعنا نحن (دهشة) به.

< ومهند الطاهر ...صاحب منصة اطلاق الصواريخ المتحركة ..من اي حتة يصيب هدفه ..وينال مراده.

< نوع مهند الطاهر دا ما بعرف مستحيل.

< مدثر كاريكا ..ابداع اخر ...جرأة في التحرك ..حلاوة في الاداء ..واهداف اكيدة في شباك الخصوم.

< ويأتي (الغول) تراوري ليزيح لنا كل مخاوفنا ..ويبدد كل الاحتمالات التى تقول ان الهلال لا يمكن ان يتأهل.

< سوف نتأهل من استاد الهلال ...من (المقبرة) الي دور الـ (16) في البطولة الافريقية باذن الله وتوفيقه.

< وفوق هذا كله ..نمتلك (جمهورا) ..في حضرته الهلال قادر على ان يفعل اي شيء.

< لا تبخلوا على الهلال بالمساندة ..والعون ..لن يبخل عليكم الهلال بالفرح والانتصار.

< نحن نثق في ان (المستحيل) ممكنا في استاد الهلال ...المقبرة لا يخذل فيها الهلال...ولا يخرج احد من استاد الهلال وهو (محبط(

< ربما نتيجة مباراة الاياب ارادت ان توسع فينا الفرح ..وتكبره عند التأهل.

< موعدنا الصبح ..اليس الصبح بقريب.

< موعدنا المقبرة.

< الدفن سيكون من اول عشرة دقائق...ما عندنا صبر للشوط التاني.

< احسموا لينا الموضوع دا من اول (10) دقائق.

< ملحوظة : وجميلة ..ولكن ما مستحيلة.

هوامش

< حسنا فعل مجلس ادارة نادي الهلال وهو يعلن عن ان مباراة الاياب سوف تكون يوم الجمعة 5 ابريل.

< الجمعة ..كلنا في الاستاد.

< الجمعة ..قيلوا وعسكروا في المقبرة.

< عندنا نظام ..بنعرفوا برانا.

< لا عاوزين تسالي ..لا عاوزين فول ...لا ترمس.

< اي حاجة تشغلنا من مهمتنا ما عاوزنها.

< كلنا نشكل حضورا في الاستاد.

< اية محاولة للتخلص او ابعاد غارزيتو في هذا التوقيت ..هى نوع من الحماقة.

< وسوف ندفع الثمن غاليا اذا ابعدنا غارزيتو في هذا الوقت.

< اعطوا غارزيتو صلاحيته كاملة ..وحاسبوه بعد انتهاء الموسم.

< المحاسبة الان ..غير مجدية.

< ناس المريخ نتيجهتم (خطرة).

< اذا ناموا على كدا ..سوف يصعد الهلال ..ويخرج المريخ.

< نتيجة الاهلي شندي ايضا خطيرة.

< الشيء الذي نثق فيه ...هو تأهل الهلال ان شاءالله.

< هذا امر مفروغ منه.

< التأهل حقنا.

< نحن (الجهجهة) دي ما بنعرفها.

< عندنا طريق واحد ...وخيار واحد ...هو ان نتأهل.

< العاوز يطلع من الدور دا خلوه يطلع.

< انتوا احرار.

< اذا عاد الحضري ...اكرم الهادي تاني بيزعل ..ويمشي البيت.

< والمرة دي اكرم ما حيكون براهو.

< اكرم ح يكون معاه (سلك).

< سلك الفوضي دي ما عاجباه.

< سلك اخير ليه (مجدي ام بدة) دغري واضح من لفلفة عصام الحضري دا.

< اصعب مباراة في المباريات القادمة بالنسبة للاندية السودانية ..هي مباراة الاهلي شندي.

< الاهلي شندي سوف يلعب في اثيوبيا.

< واللعب في اثيوبيا ..منتخبنا السوداني ما بقدر عليه.

< لكن على كل الاهلي شندي يمتلك فريقا قويا ومحترما.

< قناة الشروق اتوقع ان تتلفز مباراة المريخ القادمة من استاد المريخ.

< واتوقع كذلك ان يفشلوا في تلفزة مباراة الهلال.

< والله مجلس الهلال مفروض يرفض تلفزة المباراة.

< خاصة انهم فشلوا في تلفزة مباريات الهلال الخارجية.

< معقولة اذاعة الشباب والرياضة تتلفز لينا المباراة.

< غايتو تلفزة زي دي اصلو ما شفناها.

< الكورة كورنر للهلال.

< هدف لسيوي.

< انتوا الكورة دي كان فيها مرمي واحد.

< قيم واحد.

< العقيد حسن محمد صالح ..كلموه من هسع المباراة القادمة ما يدخل الاستاد.

< وقولوا ليه اقفل تلفونك.

< عشان ما في اذاعة تضرب ليك.

< وعوض الجيد كباشي دا من هسع ما يتكلم لينا عن الكورة.

< شوفوا لينا كمال حامد.

< عاجل : يا احمد الحاج اختفيت وين؟.

منتظرين يا مهند وجمعة ومحمد عبدالماجد

Quote: مهـنّد ده ما عمـل أي حاجة في أبيدجان هنا البخلّي يأتي بالمستحيلات شنو ? مهـنّد يعاني من عدم ثبات مستوي الأدآء يوم في السحاب ويوم في التراب !! ياخ والله جننونا وكرهونا الكورة وتشجيع الهلال أبقوا رجال وأمسحوا العار بلاش تصريحات !

عبد الله الحبيب مشتاقين يا حبيب


واننا لمن المنظرين

بي الأكتر والله يا هندسة
عارفك مـمـكون وصابر !
أولادنا كان ما ركزوا هنا
وجابوها تلاتية نضيفة ...
رجالة وعنوةً كدا واقتدارا
تبقي عوجة ومصـيبة كبيرة !

ده كلام مستهلكـ ساي ..
هم لو كان فيهم فايدة ما كانوا جونا مهزومين بالتلاته ..
خلي قال يعتزل ..
نحن ماعندنا كوره ولا حاجتين ..
والناس العلمناهم الكورة بقوا احسن مننا ..
كورتنا تدهورت بشكل مريع ..
ويدعو للأسف .....
بلا قرف معاهم ........

ح تطير يا "غزال" و بنلقاك في دافوري الممتاز

Quote: ده كلام مستهلكـ ساي .. هم لو كان فيهم فايدة ما كانوا جونا مهزومين بالتلاته .. خلي قال يعتزل .. نحن ماعندنا كوره ولا حاجتين .. والناس العلمناهم الكورة بقوا احسن مننا .. كورتنا تدهورت بشكل مريع .. ويدعو للأسف ..... بلا قرف معاهم ......

اكيد يا جمال

ولكن شن نسو مع الادمان

Quote: بي الأكتر والله يا هندسة عارفك مـمـكون وصابر ! أولادنا كان ما ركزوا هنا وجابوها تلاتية نضيفة ... رجالة وعنوةً كدا واقتدارا تبقي عوجة ومصـيبة كبيرة !

ما عندهم حل تاني يا عبد الله

ولن نحتمل الخروج من دور ال 32

Quote: ح تطير يا "غزال" و بنلقاك في دافوري الممتاز

يا طاهر

الدافوري ملحوق

Quote: · متابعةمتابعة · الأكثر تعليقا · Doha · ‏171‏ من المشتركين برشلونة انهزم من ميلان اثنين صفر وفي مباراة الاياب فاز باربعة اهداف ، لا يوجد مستحيل

لو جبنا القون الاول بدري

حا ياخدو خمسة