Post: #1
Title: سهرة بايخة مع القاوت ...(يوجد وجع مستمر)
Author: Mahmoud Mustafa Mahmoud
Date: 03-18-2013, 00:22 AM
أسوأ أنواع الألم
أن يفاجئك القاوت بالليل
الله كريم
.
التعديل في العنوان عديل...أبو الحرفنة زاتا يااااااخ...
..
|
Post: #2
Title: Re: سهرة بايخة مع القاوت
Author: الامين موسى البشاري
Date: 03-18-2013, 00:28 AM
Parent: #1
انه داء الملوك .. شفاك الله وعافاك من كل بلاء
|
Post: #3
Title: Re: سهرة بايخة مع القاوت
Author: Mahmoud Mustafa Mahmoud
Date: 03-18-2013, 07:02 AM
Parent: #2
| Quote: انه داء الملوك .. شفاك الله وعافاك من كل بلاء |
شكراً العزيز الأمين البشاري...
القاوت أعمى من بلة جابر دا؟؟
ياخ دا أسوأ ألم فعلاً...
..
.
|
Post: #4
Title: Re: سهرة بايخة مع القاوت
Author: أمير محمد ادريس
Date: 03-18-2013, 07:15 AM
Parent: #3
شفاك الله وعافاك من كل بلاء ربنا يواليك بالصحةوالعافية
تحياتي أخي Mahmoud Mustafa Mahmoud
|
Post: #5
Title: Re: سهرة بايخة مع القاوت
Author: أيمن محمود
Date: 03-18-2013, 07:28 AM
Parent: #4
عليك بالمواظبة على الحبوب ،،،
|
Post: #7
Title: Re: سهرة بايخة مع القاوت
Author: الفاتح شلبي
Date: 03-18-2013, 08:00 AM
Parent: #5
عافاك الله
أبتعد عن أكل التالي
اللحوم الحمراء
الفول
العدس
|
Post: #10
Title: Re: سهرة بايخة مع القاوت
Author: Mahmoud Mustafa Mahmoud
Date: 03-18-2013, 08:51 AM
Parent: #7
العزيز الفاتح شلبي...
نصيحتك غالية وشكلها إما نصيحة طبيب أو نصيحة مجرب...
نان خليت لينا شنو يابا؟؟
..
الله غالب غايتو..
..
.
|
Post: #9
Title: Re: سهرة بايخة مع القاوت
Author: Mahmoud Mustafa Mahmoud
Date: 03-18-2013, 08:47 AM
Parent: #5
أيمن محمود يا مهندسنا...
حبوب اليوريك أسيد؟؟
وحياتك دي الحاجة الوحيدة الما قادر أتأقلم معاها...
غايتو بعد كدا شكلي بالقوة لازم أواظب...
..
.
شاكر اهتمامك ونصيحتك الغالية..
..
.
|
Post: #8
Title: Re: سهرة بايخة مع القاوت
Author: Mahmoud Mustafa Mahmoud
Date: 03-18-2013, 08:33 AM
Parent: #4
شكراً يا أميرنا الصفوة...
آمين ياخ..
..
|
Post: #6
Title: Re: سهرة بايخة مع القاوت
Author: أنس عباس حسن
Date: 03-18-2013, 07:42 AM
Parent: #3
كلو من لحمة السودة السمحه دي
الله يقطع بني مالك وشيتها
أقع الجرجير
كلو يوم جيب ليك كوليقه
شفاك الله وعافاك
|
Post: #11
Title: Re: سهرة بايخة مع القاوت
Author: Mahmoud Mustafa Mahmoud
Date: 03-18-2013, 08:55 AM
Parent: #6
العزيز أنس عباس...
قلت السودة ؟؟
ياخ أنا قاعد أضرب عندهم فطور الجمعة الصباح...كبدة وعدس...
لكن شية العشاء ديك أنا عارفها بتكتلني...
غايتو لو بقت على الجرير..بسيطة..
هسي محمد ولدي يجي من المدرسة ويمشي يجيب لي دفار بتاع جرجير..
طبعاً لا تُقرأ على طريقة طلحة...
شكراً للاهتمام والنصيحة الجميلة..
..
.
|
Post: #13
Title: Re: سهرة بايخة مع القاوت
Author: ismeil abbas
Date: 03-18-2013, 10:17 AM
Parent: #11
أجر وعافية إن شاء الله.....ونسأل الله لك الشفاء.
أمراضنا بنجيبه برانا..والنفس تشتهى الممنوع دائماً....أسمع نصائخ ألأخوان وعليك بالعلاج....الحمدالله الله لا يورينا ليه......والرياضة مهمة....ويشفى جميع مرض المسلمين. خالص التحايا للجميع.
|
Post: #15
Title: Re: سهرة بايخة مع القاوت
Author: Mahmoud Mustafa Mahmoud
Date: 03-18-2013, 10:47 AM
Parent: #13
الهميم شيخ اسماعيل عباس...
حبابك ياخ..
وشكراً على الدعوات الجميلات..
آمين وإن شاء الله ما تشوف شر...
القاوت دا كوم وباقي الأمراض كوم تاني خالص..
سلمت يا أصيل..
..
.
|
Post: #14
Title: Re: سهرة بايخة مع القاوت
Author: بله محمد الفاضل
Date: 03-18-2013, 10:43 AM
Parent: #12
يعني يا لؤي بعد التحايا والأشواق المتلتلة
تقصد أنو المصطفى محاصر رقبتو بالأمراض
ولا كيف
هههههههههههه
الزول دا يا لؤي من ساعة ما خشا عليهو السكر
بقى مستسلماتي
يا اخي
دوس يا عمك ولا يهمك
وما تسمع كلام ود عباس دا
يوم الجمعة دا مخصوص بتلقاهو قدامك
طبعاً غير باقي الأيام في الفترة المسائية
عييييييييييك
بالمناسبة: مبروك خشوشك الميس يا ود عباس ما عزمتنا الحفول يا عمك
ولا دكاكيني وكدا....
يا زول سلامات والله
وليك وحشة ما بتعرف تهادن
|
Post: #17
Title: Re: سهرة بايخة مع القاوت
Author: Mahmoud Mustafa Mahmoud
Date: 03-18-2013, 10:58 AM
Parent: #14
هيااااا بلوول؟؟
كيفك ياخ؟؟
| Quote: دوس يا عمك ولا يهمك |
دوس ولا وورد بيرفكت؟؟
لقيتوني قديم موش؟؟
عاين يا بلة...أنا بعد الزرة الإنزريتا أمبارح دي...ربما أتحول نباتياً بالكامل..
ياخي وجع مستمر لدرجة إني قلت النقوم الكراع دي أفارقها بالليل دا...بس مشوار المطبخ لإحضار السكين بقى لي صعب شديد..
..
.
تسلم من كل بلاء..
..
|
Post: #18
Title: Re: سهرة بايخة مع القاوت
Author: لؤى
Date: 03-18-2013, 11:00 AM
Parent: #14
Quote:
يعني يا لؤي بعد التحايا والأشواق المتلتلة
تقصد أنو المصطفى محاصر رقبتو بالأمراض
ولا كيف
هههههههههههه
الزول دا يا لؤي من ساعة ما خشا عليهو السكر
بقى مستسلماتي
|
أخـي بلّة
سلامات
ياخـي يسـلـم من الأمراض
قصدت فقط مـمازحته
لعلـمي بـهـمّ الأمراض لعنـها الله
ولكون الرّجل حبيب إلـى النّفس
مودّتـي
|
Post: #16
Title: Re: سهرة بايخة مع القاوت
Author: Mahmoud Mustafa Mahmoud
Date: 03-18-2013, 10:53 AM
Parent: #12
أوووووهـ حبيبنا الفنان الجميل لؤي...
لكن لقيتك قناص عديل..
تصدق أول مرة أنتبه للحاجة دي؟؟؟
شكلها حبوبي مُــــتــ(لازمة) بالصدفة مع مباريات المريخ الكسيح دا..
..
.
تسلم يا حبيب...
وربنا ما يوريك قاوت لا في نفسك ولا في حبيباً ليك...
__________________
* (حبيباً) دي ولا ساءلة في حرف الجر (في)....تكتروا تقللوا معاي هسي بقوم أكتبها ليكم بالنون الواحدة دي..
..
|
Post: #19
Title: Re: سهرة بايخة مع القاوت
Author: falcon
Date: 03-18-2013, 11:39 AM
Parent: #16
أخونا محمود
اخوك دفعة في القاوت و مستمر في حبوب ال نويوريك 100 بس نصيحة مجرب للالم بتاعك دا عليك بالتين نعم التين جاف أو طازج
قطعة او اثنين في اليوم و كثر من شراب الموية و ادعوا لي
بالشفا
|
Post: #20
Title: Re: سهرة بايخة مع القاوت
Author: Mahmoud Mustafa Mahmoud
Date: 03-18-2013, 04:21 PM
Parent: #19
حبيبنا فالكون...
سلام عليك أيها المخضرم المُقِلْ...
Quote: اخوك دفعة في القاوت و مستمر في حبوب ال نويوريك 100 بس نصيحة مجرب للالم بتاعك دا عليك بالتين نعم التين جاف أو طازج
قطعة او اثنين في اليوم و كثر من شراب الموية و ادعوا لي |
ناس في مستمرة في نويوريك 100...وناس تانية متجدعة في نيويورك العاليات قصورا...ساااافر خلّ لي صورة..غايتو الله كريم..
بس الحركة بتاعة التين دي جديدة والله..أها هدى دربي عليها...
ومن هسي دي...دعواتي لك ولجميع القاوتاب لا تنقطع...
تسلم يا حبيب من كل شر...
..
.
|
Post: #21
Title: Re: سهرة بايخة مع القاوت
Author: jini
Date: 03-18-2013, 05:23 PM
Parent: #20
عليك بالبقدونس يا صديقي فسره باتع في علاج النقرس وتهدئته
وقلل من اللحوم الى اقصى حد تجنبا لايذاء كليتيك
واصنع مزيج من زيت الزيتون والعرعر واكليل الجبل وادلك به موضع الالم وعادة في اصبع الرجل
وتناول عصير الكرز والفراولة لمعادلة حامض
اليوريك
جني
|
Post: #22
Title: Re: سهرة بايخة مع القاوت
Author: Mahmoud Mustafa Mahmoud
Date: 03-18-2013, 07:37 PM
Parent: #21
جني يا حكيم جدة...
كيفك يابا...أرجو أن تكون وصديقنا الموسيقار الصغير والأسرة بألف خير..
Quote: عليك بالبقدونس يا صديقي فسره باتع في علاج النقرس وتهدئته
وقلل من اللحوم الى اقصى حد تجنبا لايذاء كليتيك
واصنع مزيج من زيت الزيتون والعرعر واكليل الجبل وادلك به موضع الالم وعادة في اصبع الرجل وتناول عصير الكرز والفراولة لمعادلة حامض اليوريك |
دا الكلام....كلام أولي الخبرة من القاوتاب..
عُلِمْ وجاري التنفيذ...
لكن النصيحة لله...القاوت حار...
..
شكراً ليك يا جميل..
.
|
Post: #28
Title: Re: سهرة بايخة مع القاوت
Author: Mahmoud Mustafa Mahmoud
Date: 03-19-2013, 00:18 AM
Parent: #23
جني...حبابك تاني وتالت ووقتما تشاء..
عاين جاي..الزول أوعك تهمله...ما شاء الله موهوب ومليان إحساس بالجمال والموسيقى..دي حاجة أصلاً ما ساهلة..
تحياتي له وقول ليهو تعال البروفات معانا..
______________
معاي واحد قريبنا كدا...اتفرج معاي على إبداعات صديقي الموسيقار الصغير...أنقر تعليقه كان شنو؟؟؟
يضع سره في أضعف خلقه...
فقمت شنو..عملت تعديل في خطة العشاء..نكايةً به...رسلت الولد يجيب فول وتميس...وأنا طبعاً مع القاوت حا أتعشى بسمكة بلطية موفرة من الغداء...
قال أضعف خلقه قال..
..
|
Post: #24
Title: Re: سهرة بايخة مع القاوت
Author: Fayez Ahmed
Date: 03-18-2013, 08:06 PM
Parent: #22
شفاك الله , قلل من اللحوم الحمراء والبقوليات اوع الفول وايك والكبده
|
Post: #25
Title: Re: سهرة بايخة مع القاوت
Author: سفيان بشير نابرى
Date: 03-18-2013, 08:40 PM
Parent: #24
ياعربي سلااام جاك
طبعاً اخوك عندو عادة من زمن كدا اتعود عليها وهي أني بتابع القنوات التلفزيونية السودانية كاتم صوت
اها امس و انا بتجول في القنوات فتحته النيل الازرق لقيت ليك مقدمة برنامج و معاها ضيف عمك كبير
كدا لابس جلابية و ممدد كرعينو قدام هناااك و ينضم و معاهم كم نفر تانين المهم كشفته في القاعدين كلهم
لا شفته لي عود لا كمنجه ولا شفته فنان قلته الموضوع دا عاضي ساااي حولته منهم لموووف افلام شفته
كيييف اها الليلة من جيت ولقيت عنوان البوست حقك دا قلته العربي المسخوت دا بكون جايب سيرة السهرة
بتاعة الزول الممدد كرعيهو و قطع شك السهرة ديك عن القاوت و ما خشيت البوست الا قبل شويه ههههه
بس للضمان يا الاخو انت كعريبي اللحم دا (يوريك) ليهو فاعمل حسابك و اهو الاخوان ال(قواته) مابخلو
عليك بالوصاية ... ومني انا ليك زيادة :- -
التين دا لو لقيت معاهو (طور سنين) تبقى عجوة معطونه في عسل .
|
Post: #26
Title: Re: سهرة بايخة مع القاوت
Author: Zomrawi Alweli
Date: 03-18-2013, 09:52 PM
Parent: #25
السلام على الموجودين فردا فردا
اخي محمود سلامتك من القاود
كان اخي الاكبر مصابا بالقاود منذ زمن بعيد
كان يتالم كثيرا ولكن عندما يقال له انه داء الملوك يتحامل على نفسه ويتقمص شخصية الملك الذي لا يتألم امام الناس على الاقل
في الفترة الاخيرة اصيب بلوكيميا وقد صرف له الدكتور المصري ادوية من ضمنها اليوريك اسيد URIC ACID فكان ان اشترى كل الادوية الجديدة ماعدا اليوريك اسيد
لانها دواء مصاحب لامراضه منذ 12 سنة وانه ليس بحاجة اليه لانه يعرفه تماما, ولكن عند الزيارة الثانية للدكتور وجد ان القاود عالي النسبة المرضية يعني 12%
قانزعج الدكتور انزعاجا فاضافه له ضمن الوصفة نفس الدواء وباصرار وكذلك طلب منه ان يشرب 3 لترات مياه يوميا والا فسوف يحقن له الماء مع الدرب.
وبدأ اخي يأكل السلطة الخضراء كنوع من الدواء وهو مكره لها وكذلك المياه النفية (3 قوارير) بوميا فبدأ يصعد السلالم دون شعور بالالم
|
Post: #30
Title: Re: سهرة بايخة مع القاوت
Author: Mahmoud Mustafa Mahmoud
Date: 03-19-2013, 00:26 AM
Parent: #26
زمراوي الولي....كيفك وسلامة أخوك ياخ..
الحقيقة الـ Uric Acid هو المصيبة زااااتو...العلاج بتاعه أشهر واحد هنا في السعودية دواء مصري إسمه No-Uric تركيزين...الخفيف مية..والتاني 300..
أنا غايتو دكتوري خاتيني على 300 ..حبة واحدة بعد الغداء...والموية من جردلين وإنت طالع..ههههههههههه
ربك يجيب الخير...
شكراً لك..
..
|
Post: #29
Title: Re: سهرة بايخة مع القاوت
Author: Mahmoud Mustafa Mahmoud
Date: 03-19-2013, 00:22 AM
Parent: #25
سفيان نابري يا صديقي...
اسمها طور سينين ياخ ما تفضحنا....ههههههههه
الكوكي شكلو ح يعمل لينا مع القاوت كوكات كتار...
الله يستر..
أبقى أسأل عن قلوبنا بالله..
..
|
Post: #27
Title: Re: سهرة بايخة مع القاوت
Author: Mahmoud Mustafa Mahmoud
Date: 03-19-2013, 00:09 AM
Parent: #24
أخونا فايز أحمد...كيفك؟؟
| Quote: شفاك الله , قلل من اللحوم الحمراء والبقوليات اوع الفول وايك والكبده |
والله بعد كدا بس فاضل ليكم تقولوا للواحد : تاكل في خاطرك بس...
الله يستر ما تمنعونا موية الله والرسول دي..
شاكر لاهتمامك ونصائحك..مع أمنياتي لك بدوام الصحة والعافية..
..
.
|
|
