الشيخه ام ملح

المهم قصه بالنسبه لي قصة الشيخه دي دهشه مع خوف مع شنو كدا وقلت يابت امشي زوري الشيخه ام ملح قبل امشي ليها ادتني ملح جاني طاير براه اشتتو قدام باب بيت الزول العاوزاه هي حتجيبو ...ماهي طبعا ....الجماعه بتاعنها.. اها بس شلت ليك الملح من ام ملح وشتتو لمن خشم الباب بقي ملح ملح المهم قالت لي الملح قال لي عندك عارض عملو ليك ولد بت جيرانكم الصغير يوم سمايتو اشان ماعجبك اسمو قلت ليها وعيوني مفتحات زي علبة الصلصه العمرو كم سنه ؟
قالت لي كان تلاته كان اربعه انتي ماتفنجلي عيونك ديل متل علبة الصلصه
بيني وبين نفسي قلت هي قرت هواجسي سجمي جدا
اها المفيد المختصر هسه اعمل شنو اشان العارض دا يمشي
ادفعي
ادفع مال؟
نعم الاسياد عاوزين علاج
هم عيانين
ماتضحكي انتي ماعندك ايمان
لالا عندي
خلاص جيبي مية جنيه والباقي بشيلو بعد تعرسي
انبسطت ..انبسطت قلت متاكده شديدن من جماعتها ومرقت افرفر من الفرح والانبساط
حااعرس اصلا الشيله قاعده في البيت ليها كم
وصلتي البيت ضربت بت جيران ناس خطيبي قالت لي اها عرفتي؟
عرفت شنو
ودو شيلة خطيبك العاوزه تزيديها لهدي بت جيرانن والعرس بعد دورين
ايييييه ياالشيخه ام ملح الكلامك بقي لي ملح ملح

ههههههههههههه
سلام اختي مها جيت اسلم بس
بوستيك دا بكون محروس بالخدام
يقومو يضيعونا ساي ودعتك
الله وملحة ماتعتر ليك

ههههههههههههههههههه

سلام يا مها
بس هي الشيخة دي ما لقت غير الملح ياخي
ما كان تخليه سكر

على كل حال البنات العرسن بواسطة الشيوخ لا يحصن ولا يعدن

هههههههههه

هههههههههه خدام الشيخه ام ملح
خلاس سلامك وصل بس عندي ليك وصيه من الشيخ الطشت

هههههههههههه غايتو يا مها لقيتك حكّاي جنس حكي
التقول مربياك حبوبتكـ ... والله صحي
غايتو بقول ليك من هســـي تنفعي تكوني حبوبة

تحياتي

مها الحكاية
سلامات
قاليك واحدة قنعت من المنطق واتهلمت الفكي
الفكي اداها البخرات والمحايات والوصفة
شالتن وطلعت
فناداها الفكي وقاليها
مع البخرات والمحايات داير منك المساعدة
قول يا الفكي المطلوب مني شنو
قابضي قابضي