Post: #1
Title: سيتأهل الهلال..ويتبدل الحديث.. قون تراوري يفرق!!
Author: عمر الفاروق
Date: 03-17-2013, 10:39 AM
بمشيئة الله و عزيمة الجمهور لا اللاعبين سيعود الهلال في المباراة القادمة ..ويتأهل لدور ال16..
كورتنا السودانية كورة نفسية في المقام الأول والأخير ..لا تحكمها قواعد ولا ثوابت ..لا يحكمها مدرب ولا لاعب ولا إداري..
متأكد بنسبة 200% إن شاء الله بتأهل الهلال ..وبصراحة سبب تأكدي وبناء على النفسية هو قون تراوري الواحد ده ..القون ده ح يفرق كتييير مع الهلال وحيعيدو للجو التنافسي..
الكورة عايزة 3 أقوان ..ما حا أقول هلال ناساروا ليست ببعيدة لكن بقول الهلال والأهلي المصري ..الشوط الأول صفر - صفر الشوط التاني 3 -صفر..
القصة قصة نفسية وكورتنا كده وعقليتنا كده ..
بعيداً من المستويات والخصم والمباراة الفاتت وبعييداً من حنك مباراة القمة هي السبب والإتحاد هو السبب وكلنا يعلم الهلال رفض التأجيل وكلنا يعلم إننا من هللنا وكبرنا لأنها مباراة إعدادية حقييقية للتنافس الافريقي..
الهلال ح يعود إن شاء الله و حتتغير الكتابات ونعود لي مربع الصفر في الحوارات والجدليات في محاولة لتشريح وفهم كورتنا ..
انا مصر إلحاحاً كورتنا ليست للفهم والنقد وليست للدراسة ومعرفة اسباب تدهورها من تطورها..
كورتنا قضاء وقدر وعلينا نتعامل معاها كده ..
|
Post: #2
Title: Re: سيتأهل الهلال..ويتبدل الحديث.. قون تراوري يفرق!!
Author: Mahmoud Mustafa Mahmoud
Date: 03-17-2013, 10:42 AM
Parent: #1
Quote:
بمشيئة الله و عزيمة الجمهور لا اللاعبين سيعود الهلال في المباراة القادمة ..ويتأهل لدور ال16..
كورتنا السودانية كورة نفسية في المقام الأول والأخير ..لا تحكمها قواعد ولا ثوابت ..لا يحكمها مدرب ولا لاعب ولا إداري..
متأكد بنسبة 200% إن شاء الله بتأهل الهلال ..وبصراحة سبب تأكدي وبناء على النفسية هو قون تراوري الواحد ده ..القون ده ح يفرق كتييير مع الهلال وحيعيدو للجو التنافسي..
الكورة عايزة 3 أقوان ..ما حا أقول هلال ناساروا ليست ببعيدة لكن بقول الهلال والأهلي المصري ..الشوط الأول صفر - صفر الشوط التاني 3 -صفر..
القصة قصة نفسية وكورتنا كده وعقليتنا كده ..
بعيداً من المستويات والخصم والمباراة الفاتت وبعييداً من حنك مباراة القمة هي السبب والإتحاد هو السبب وكلنا يعلم الهلال رفض التأجيل وكلنا يعلم إننا من هللنا وكبرنا لأنها مباراة إعدادية حقييقية للتنافس الافريقي..
الهلال ح يعود إن شاء الله و حتتغير الكتابات ونعود لي مربع الصفر في الحوارات والجدليات في محاولة لتشريح وفهم كورتنا ..
انا مصر إلحاحاً كورتنا ليست للفهم والنقد وليست للدراسة ومعرفة اسباب تدهورها من تطورها..
كورتنا قضاء وقدر وعلينا نتعامل معاها كده .. |
كدي آآآعمر النكبشر كلامك دا للتوثيق وكدي..
السنة الجاية زاتا قربت..فما تستعجلوا على رزقكم..
..
|
Post: #3
Title: Re: سيتأهل الهلال..ويتبدل الحديث.. قون تراوري يفرق!!
Author: omer osman
Date: 03-17-2013, 10:44 AM
Parent: #1
| Quote: سيتأهل الهلال..ويتبدل الحديث.. قون تراوري يفرق!! |
لمن النتيجة كانت 3 - 1 قلت لواحد صاحبي هلالابي الهلال سيتأهل بي قون تراوري على مسؤليتي !!
لمن بقت 4 قلت ليهو معليش اعفيني 
|
Post: #4
Title: Re: سيتأهل الهلال..ويتبدل الحديث.. قون تراوري يفرق!!
Author: علي محمد الفكي
Date: 03-17-2013, 10:48 AM
Parent: #3
عمر الفاروق
نتمنى ذلك
تأهل الهلال ليس مستحيل ولكن صعب جداً
ولاول مرة منذ اكثر من 7 سنوات سنرى الهلال خارج المجموعات
|
Post: #5
Title: Re: سيتأهل الهلال..ويتبدل الحديث.. قون تراوري يفرق!!
Author: فايزودالقاضي
Date: 03-17-2013, 10:53 AM
Parent: #4
ههههههههههههههههههه
المنطقة الفيها اخونا عمر ده مافيها ضل ولا شنو ياجماعة ؟!!!
|
Post: #11
Title: Re: سيتأهل الهلال..ويتبدل الحديث.. قون تراوري يفرق!!
Author: حاتم محمد حاج المهدي
Date: 03-17-2013, 11:04 AM
Parent: #5
ممكن جداً الهلال يتأهل يا عمر..
لكن المشكلة إنو حتى لو إتأهل ما حيمشي بعيد. والفضيحة في الأدوار القادمة ربما تكون بجلاجل..
بداية سيئة جداً وهزيمة عريضة من فريق ليس له أي تاريخ يذكر في المنافسات الأفريقية!! والمنافس
القادم من شمال أفريقيا، والفرق الكبيرة ستكون في الإنتظار بدوري المجموعات. أحسن نلملم عفشنا
ونتخارج من بدري علي الأقل الإحباط في الأدوار الأولى أفضل من إحباط النهايئات
|
Post: #6
Title: Re: سيتأهل الهلال..ويتبدل الحديث.. قون تراوري يفرق!!
Author: Maawya Hussein
Date: 03-17-2013, 10:54 AM
Parent: #4
اتمني انو تاهل الهلال (اذا حصل) يكون من داخل الميدان وبعرق وجبين اللاعبين ..مرمطة الخصوم في شوارع الخرطوم وازعاجهم داخل فنادقهم وشراء الحكام ما فوتنا دور الـ16 مكرر
|
Post: #7
Title: Re: سيتأهل الهلال..ويتبدل الحديث.. قون تراوري يفرق!!
Author: صبري طه
Date: 03-17-2013, 10:55 AM
Parent: #3
يا عُمر .. لا بُدّ من مُشاهدة المُباراة أولاً .. ومن ثمّ الحُكم ...
|
Post: #8
Title: Re: سيتأهل الهلال..ويتبدل الحديث.. قون تراوري يفرق!!
Author: عمر الفاروق
Date: 03-17-2013, 11:00 AM
Parent: #7
بالمناسبة وقبل التعقيب..
شاهدت الفريق الخصم في مباراة مع أسيك بثتها قوون قبل المباراة ..وعرفت من خلالها إنو الهلال ما ح يعود بي أيي نتيجة إيجابية بل كنت متأكد من نتيجة كارثية والكلام ده قلتو لي شباب في جلسة قبل المباراة بي يوم وإنو نحن شعب إحتفالي لا اكثر وبتشيلنا الهاشمية والمشكلة عادينا بيها الخواجات وانصاف المحترفين ..
رصة الجمهور في ساحل العاج ..لبس الفريق..طريقة اللعب..كلام رئيس النادي كانت كفيلة بي إنها تأكد لي إنو الفريق ده زييينا كده بيتشحن وبيفوز بي قوة الدفع الأمامي ..
|
Post: #10
Title: Re: سيتأهل الهلال..ويتبدل الحديث.. قون تراوري يفرق!!
Author: عمر الفاروق
Date: 03-17-2013, 11:02 AM
Parent: #8
يا محمود ..
صدقني نلم كلامي ده ولااا للسنة الجاية للإسبوعين الجايات بس ..
انا سوداني وأفهم نفسية السودانيين..
الشغلانة مااا عندها علاقة بي الكورة ..وكلامي القلتو ده ما بينتو على أييي شي علمي ولاا مستويات لعيبة سواء نحن أو الخصم..
ده كلام نفسي..
|
Post: #13
Title: Re: سيتأهل الهلال..ويتبدل الحديث.. قون تراوري يفرق!!
Author: وليد عبد اللطيف
Date: 03-17-2013, 11:06 AM
Parent: #7
1- | Quote: : سيتأهل الهلال..ويتبدل الحديث.. قون تراوري يفرق!! |
2- | Quote: كورتنا قضاء وقدر وعلينا نتعامل معاها كده .. |
هسه نحنا ناخد رقم واحد ولا رقم اتنين عمرما كنت كويس
عشان بعدين ما تجي تقول لينا زي صاحبك موش قلت ليكم
تعرف ياعمر ذكرتني واحده في الحله الله يرد غربتها
كان تقول
الانسان لازم يكون بسام ونظيف اجسام والعرس قسم واقسام
كان كدي خلينا نجي ننتظر قسمة الهلال
..
في رقم 2 ياعمر جبت خلاصة الكره السودانية وبلاش من التنظير في كل المواقع ووسائل الاعلام صحف ومجلات
|
Post: #9
Title: Re: سيتأهل الهلال..ويتبدل الحديث.. قون تراوري يفرق!!
Author: وليد محمد المبارك
Date: 03-17-2013, 11:01 AM
Parent: #3
Quote: اكبر مشكلة حا تواجه لاعبي الهلال من مباراة اليوم
انو حا يحصل فاقد بير جدا في اللياقة البدنية
الهلال بذل لاعبيه مجهود خرافي .. ولسوء تخطيط الاتحاد العام
سيسافر الهلال مساء اليوم والساعة الواحد صباحا حا يكونوا في المطار
معناتا ماف نوم
من الميدان يستفوا الشنط وعلى المطار
ساعتين في المطار
وساعتين ونص في الطيارة
والكنكشن ما معروف كم
يعني لاعبي الهلال ما حا يرتاحو الا بعد الساعة 12 بكره
وفيها مباراة قوية جدا
وسفر مرهق
وسهر
نفس الكلام حا ينطبق على المريخ لكن بدرجة اقل لانو لاعبي الهلال .. ما قصروا في مباراة اليوم
عكس لاعبي المريخ |
المصدر : وصدق ما قلناه وتوقعناه
|
Post: #12
Title: Re: سيتأهل الهلال..ويتبدل الحديث.. قون تراوري يفرق!!
Author: عمر الفاروق
Date: 03-17-2013, 11:06 AM
Parent: #9
يا معاوية ..
تفكيرك زيي تماماً ..
وده البتمناه..نبطل شغل الشفتنة وإدارة المباراة من الخارج بأسلوب الترهيب والرشاوي والتحكيم..
الهلال ما محتاج وسيتأهل إن شاء الله دونها ..
|
Post: #15
Title: Re: سيتأهل الهلال..ويتبدل الحديث.. قون تراوري يفرق!!
Author: وليد محمد المبارك
Date: 03-17-2013, 11:11 AM
Parent: #12
Quote: المريخ افضل من الهلال في البدائل .... ومستوى البديل في المريخ مقارب لمستوى الاساسي
لذلك اعتقد ان المريخ سينجح في المنافسات الطويلة
اما الهلال فمستوى البديل فيه ضعيف جدا والفرقة كبيرة بين الاساسي والبديل
لذلك غالبا ما ينجح الهلال في مباريات المنافسة المباشرة ( هلال / مريخ ) لكنه لن ينجح في المنافسة الطويلة |
|
Post: #16
Title: Re: سيتأهل الهلال..ويتبدل الحديث.. قون تراوري يفرق!!
Author: عمر الفاروق
Date: 03-17-2013, 11:11 AM
Parent: #12
يا حاتم :
انا ما من انصار خلونا نطير بدري الفرق الكبيرة راجية و و و..
كمان ما مقتنع بي قصة فريق مغمور و و و
الاهلي شندي كان فريق مغمور للناس بس نحن هنا كنا شايفنو ومتابعنو فريق متطور..
كوننا ما متابعين البيحصل في فرق ساحل العاج لا يعفينا..
يا فايز يا قاضي..
أخوك أسة قاعد ليهو في حتة كلها جكس ماركة السعودية ..لو في شي بيحتاج لي دخلة الضل فياها الخلعة الانا فيها أسة دي :)
|
Post: #17
Title: Re: سيتأهل الهلال..ويتبدل الحديث.. قون تراوري يفرق!!
Author: Maawya Hussein
Date: 03-17-2013, 11:12 AM
Parent: #9
فريق الهلال هذا الموسم اعتمد علي الاعلام الكاذب والضال وعلي غير العادة في المواسم الماضية التي كان يباري الهلال فرقا لها وزنها ضمن برنامجه الاعدادي ..اعتمدت ادارة الهلال في هذا الموسم علي تغيييب وتخدير الجماهير عبر صحف البرير الثلاث (الهلال وعالم النجوم والموج الازرق) ولم يؤدي الفرييق اي مباراة اعداديه لها وزنها حتي اتت الطامة والتي ستكلف خزائن البرير الكثير
|
Post: #14
Title: Re: سيتأهل الهلال..ويتبدل الحديث.. قون تراوري يفرق!!
Author: الصادق عز الدين
Date: 03-17-2013, 11:10 AM
Parent: #1
صعبة جدا مع خطط غرزيتو الداير يحضر بيها دكتوراة دي
|
Post: #18
Title: Re: سيتأهل الهلال..ويتبدل الحديث.. قون تراوري يفرق!!
Author: Maawya Hussein
Date: 03-17-2013, 11:21 AM
Parent: #14
شايف واحد من مجلس ادارة الهلال الليله داير يرمي الشماعة في المدرب من بدري بدري وبي كلو غباء صرح انو لو الهلال ما اتاهل حا نطرد المدرب ! ياها دي عقليتنا المخليانا راجعين كل موسم 10 مواسم ورا .. انا في محل المدرب دا العب بي الصف التالت واخلي الهلال يتغلب 4 صفر في امدرمان واشيل المليون دولار حقتي واكسح ..مشكلة كوتنا ادارية بحتة وعقليتنا الاداريه لو اتغيرت كوتنا حا تبقي طيش افريقيا في كل المنافسات
|
Post: #19
Title: Re: سيتأهل الهلال..ويتبدل الحديث.. قون تراوري يفرق!!
Author: طلحة عبدالله
Date: 03-17-2013, 11:35 AM
Parent: #18
ما بعيد يا أبو عمير
عادي جدا ممكن الهلال يغلب الفريق العاجي تلاتة صفر في أم درمان ويتأهل
الكورة السودانية رجالة ونفسيات ..
لكن الاعتماد على الرجالة و النفسيات بس ما بجيب حاجة مع العالم المتطور دا
الكورة السودانية عايزة مجهودات كبيرة وتضحيات أكبر عشان تصل ودا عايز
ليهو وقت أظنو ح يطول شديد .
|
Post: #20
Title: Re: سيتأهل الهلال..ويتبدل الحديث.. قون تراوري يفرق!!
Author: وليد عبد اللطيف
Date: 03-17-2013, 11:37 AM
Parent: #19
Quote: الكورة السودانية عايزة مجهودات كبيرة وتضحيات أكبر عشان تصل ودا عايز
ليهو وقت أظنو ح يطول شديد . |
وهو كذلك
|
Post: #21
Title: Re: سيتأهل الهلال..ويتبدل الحديث.. قون تراوري يفرق!!
Author: الامين موسى البشاري
Date: 03-17-2013, 11:51 AM
Parent: #20
بالرفاه والبنين ..
والله كان يتأهل ما عارف ...؟!
|
Post: #22
Title: Re: سيتأهل الهلال..ويتبدل الحديث.. قون تراوري يفرق!!
Author: Sulaiman Adam
Date: 03-17-2013, 11:57 AM
Parent: #21
خسر الهلال جولة ويستطيع التعويض باستغلال عامل الارض والجمهور وتخلى العجوز المخرف غارزيتو
عن نظرية اللعب بثلاثة مدافعين
|
Post: #23
Title: Re: سيتأهل الهلال..ويتبدل الحديث.. قون تراوري يفرق!!
Author: عصام الدين نصر ابراهيم
Date: 03-17-2013, 12:09 PM
Parent: #21
خير اللهم اجعلو خير
أحر التعازى لقيس وكل مسئولى تجمع مشجعى الهلال ، اللى هو دااااااا ،،،فى المتجمد الشمالى وما جاوره
الرد الرد ، بالمقبره ،، سابقا ،، والخرخره حاليا ...
بكره نشوف الوهاااااج
بس ما يطلع زي ابوعج دااااا
)))))
غايتو
|
Post: #24
Title: Re: سيتأهل الهلال..ويتبدل الحديث.. قون تراوري يفرق!!
Author: aosman
Date: 03-17-2013, 02:37 PM
Parent: #23
بتفق مع عمر الفاروق في رأيه
|
|