Post: #1
Title: الطباخين
Author: أيمن محمود
Date: 03-17-2013, 09:44 AM
Parent: #0
في رأيي الطباخة مهنة صعبة جدا ،،، وفن راقي وجميل أكثر من كونها مهنة أكل عيش أو عمل روتيني ... وبس !
عشان تكون طباخ ماهر لازم تكون ذكي وفنان ،،، بدونهم ما ممكن تكون طباخ ماهر
عندي اعتقاد مبني على مؤشرات قوية انو الرجل افضل من المرأة في الطباخة !
ولا يخفى عليكم طبعا انو اشهر الطباخين من الرجال
المرأة السودانية ... للأسف امكانياتها محدودة في الطباخة ،،، نادرا ما تلقى واحدة طباااخة بالجد
اما الطباخين السودانيين أغلبهم جيدين وبعضهم جيدين جدا
القلة ممتازييين
ارتبطت هذه المهنة عند الرجال في السودان نوعا ما بفئة معينة (انا ما عارف السبب شنو؟!) ،،،
يحتمل تنميط ساي باعتبار انو المفهوم السائد عند السودانيين انو الشغل ده نسائي !
بس كثيرين ايضا كانو لايمتون بصلة للفئة المذكورة آنفاً
الاخراج النهائي للطبق مهم جدا جداً
grodon Ramsey
زول شفت جدا في الطباخة اشتهر من خلال برنامج ( Hells kitchen) فعلا جعل المسألة جحيم على المتسابقين - الا ملافظو كعبة 
------
انا شخصيا في الغالب بفضل اقعد جعان ولا آكل أكلة مكلفتة مهما كان بسيطة - ممكن آكل كسرة بموية أفضل لي من بوش مكلفت !
|
Post: #2
Title: Re: الطباخين
Author: فيصل محمد خليل
Date: 03-17-2013, 10:03 AM
يا ايمن الزول دا عامل لي منخولية
الواحد ما قادر يتفرج قناة تانية لانو البنات
و المرة جنهم يتفرجوا برامج الطباخة . دا شنو دا ياخي
لكن بيني و بينك طبّاخ
مطعم الزيبق
hi
|
|