سأشتري جلاكسي 4 بإذن الله وليذهب الآيفون إلى مزبلة التاريخ، من يؤيدني؟

السلام عليكم ورحمة الله وبركاته

كمستخدم لجهاز آيفون 4 لأكثر من سنتين، ورغم إعجابي بالجهاز وبنظام تشغيله، ورغم تعودي عليه، ومعرفتي بصعوبة الانفكاك من ذلك، إلا أنني قد ضقت ذرعا به، فالجهاز نظامه عقيم بكل ما تحمله الكلمة من معان! عندما أشتري جهازا بسعر يبلغ حوالي الألف دولار فإنني أحتاج أن أشعر أنه يلبي جميع احتياجاتي، وأحتاج أن أشعر أنني أمتلك هذا الجهاز، لا العكس!

أنت في شركة ابل فهذا يعني أنك في سجن، ماذا يفيد أن أشتري جهازا بمثل هذا المبلغ، ولا أستطيع أن أضيف له الملفات وقتما وكيفما يحلو لي؟ كيف لا يتسنى لي أن أضيف الصور والفيديوهات والصوتيات كما أريد؟ كيف لا يتسنى لي أن أختار نغمة الهاتف التي أريدها وأن أغيرها كلما عنَّ لي؟ ولماذا أكون أسير نغمات مملة قد لا تكون موافقة لذوقي؟

ولماذا عندما أريد إضافة شيء لا بد أن يكون عن طريق الكمبيوتر وعن طريق برنامج الآيتونز العقيم السخيف المعقد؟ ولماذا عندما أريد حذف صور أو فيديو أضفتها عن طريق الآيتونز لا بد أن أفعل ذلك أيضا عن طريقه؟ لماذا هذا التعقيد والسخف؟

ولا يعقل أن أشتري جهازا بثلاثة آلاف ريـال ولا يحتوي على راديو، بينما النوكيا بـ 100 ريالا (أبو لمبة) به راديو!! ولا يمكن أن يسألني صديقي ليرسل لي ملفا ويقول: انت مبلتز؟ عندك بلوتوز؟ فٌأقول ليهو: مبلتز إنت ده مبلتز إنت ده ^___^، فعلا هو مبلتز - هنيئا له - وأنا ما مبلتز! فالهاتف المتخلف الاسمه آيفون لا يوجد به بلوتوث! ولا بد أن ترسل لي الأشياء عن طريق برامج مثل واتس أب أو بالإيميل، أو أمشي لي سيء الذكر (برنامج الأيتونز العقيم).

ده غير أنه لا توجد به ذاكرة خارجية، وغير الكاميرا الضعيفة (5 ميقا) وصلت إلى (8) في 4 اس وفايف، والهواتف الأخرى كاميراتها في الطاشرات!!

نعم الآيفون جميل ومرتب وقوي، باعترافي وإقراري، ونعم نظام التشغيل فيه ثابت ومحدث باستمرار، وهذه ميزة يفتقدها الجلاكسي، ونعم هو مغلق وآمن، ولكن في الأخير أفتقد فيه إلى أشياء أحتاجها عندما أشتري هاتفا بمثل هذا المبلغ.

من ناحية البرامج: متجر البرامج في الآيفون لا شك أنه أفضل ومرتب بطريقة أجمل، ولكن معظم البرامج الموجودة في الآيفون لها مثيلات في الأندرويد، وكل البرامج التي أحتاجها في أي هاتف أجدها في الأندرويد، إذن مسألة المتجر لا تمثل لي مشكلة كبيرة.

في الأخير .. ضقت ذرعا بالآيفون وبطني طاااااااااااااامة منو، وبإذن الله أشتري جلاكسي 4 حالما يصل وتوفرت الإمكانية.

مين بطنو طامة من الآيفون زيي؟ :)

أوتتجلكس يا رجل وغيركـ لا يملكـُ حقّ المسكول؟

Quote: أوتتجلكس يا رجل وغيركـ لا يملكـُ حقّ المسكول؟

لعمري إن هذا شيء عجاب
.
.
.
.
.
.
.
هو بالمناسبة جالكسي 4 دا الجديد فيهو شنو ومتوقع ينزل بسعر كم

Quote: أوتتجلكس يا رجل وغيركـ لا يملكـُ حقّ المسكول؟

حبيبنا ود الصايم (دفنناهو سوا)

والله أنا ذاتي حق الجلاكسي ده هسي ما عندي
والما عندو حق المسكول ، أنا فايتو (بي حق المسكول) + الصبر :)

لاكين بس ضربتني زهجة من الآيفون ما عادية

محمد جلال سلامات
احسن مافكرت بلا ايفون بلا تعب
والله الجلاكسي دا متعة التلفونات
يلا مرحب بيك صديق في نادي
الجالاكسي
تسلم

محمد جلال تحياتى
والله الجلاكسى 4 دا للحين ما شفتو ولا بعرفو
لكن بما انى من جماعة الجلاكسى منذ عهد الجلاكسى تو اقدر اقول ليك توكل على الله
والله بالجد مافى مقارنة الايفون دا كلام فارغ واكتر من فارغ
متعة الاجهزة هو الجلاكسى .. امكانيات وسهولة وشكل وكل ما يخطر على بالك
انصحك توكل على الله واتجلكس

اتق الله يا رجل!!
فأنت كأنما تبيعُ مرسيدسا لتشتري كيا!!


أجل ..
أجل حديد!!

انتو قاصدين الجلاكسي الشكولاته ,,

الله يضوقنا احنا كمان ,,

Quote: انتو قاصدين الجلاكسي الشكولاته ,, الله يضوقنا احنا كمان ,,

يا عمار اخوى انفض جيبك وضوق بتكوش لمين فى سودان بكراه (غده) ما مضمون
بعدين انت من زمن الجلاكسى يتمنوه اسع يمين الله بقى ارخص من الجلاكسى الشكولاتة
300 ريال تشيل جلاكسى زى مافى حاجة وبالكرتونة والضمان

Quote: اتق الله يا رجل!! فأنت كأنما تبيعُ مرسيدسا لتشتري كيا!! أجل .. أجل حديد!!

ميمد اننقى
ما تنسى فرق الصرف
جالون البنزين بقى عشرة الف جنيه
انت من زمن الحديد يشتروه بالسمعة
الهوندايات يمين الله تقدل زى العروسة فى الشوارع ولا فاضية للكزس

الاخ محمد جلال
لك التحيه
سبقناك لذلك قبل شهر تقريبا ، وكمان ابو شريحتين جلاكسي جراند ، متعه ، اتوكل علي الله ، الله اقرف الاين فون و معاه الاي تون بتاعه ، تراني ما براي زهجان من الاي فون ، منعول ابوه كرهنا التلفونات .

اخوك الزبير الشويحاتي

تخريمه : يا ود الصايم مشتاقين

هشام يا معلم .. الأول أول ولو كان كُبه!!


الزبير الشويحاتي .. حبابكـ ياخ!
حبابكـ في هذا الصباح العامل كيف كيف ما عارف!!

يا شيخنا ..
كل هذه بدع يا هداك الله ..
وكل بدعة ضلالة .. وكل ضلالة فى النار ..

أما بعد ..
كل ذلك يدخل فى باب الاسراف والتفاخر والتبذير, ويفتح بابا للشيطان أن يتسلل لقلب المؤمن بشغله بامور ليست من الدين فى شيء .. سفاسف من الامور لا تغنى ايمان المرء بل تلهيه عن ذكر الله, لاسيما وأن الواى فاى أصبحت متاحا فى جميع الاماكن, مما يجعل المرء متصلا بالواتس أب والفايبر والتانغو وغيرها من محدثات هذا العصر.. هذا غير الالعاب والايميل واليوتيوب .. فمتى -بالله عليكم- يفرغ الانسان لعبادة ربه.. متى يفرغ المرء لعبادة ربه وقد ملأ وقته بهذه المحدثات .. وهذا باب شيطانى قد فتحه التبذير فى حياة المؤمن .. هلا قفلتموه .. هلا قفلتموه ..

Quote: يا شيخنا .. كل هذه بدع يا هداك الله .. وكل بدعة ضلالة .. وكل ضلالة فى النار .. أما بعد .. كل ذلك يدخل فى باب الاسراف والتفاخر والتبذير, ويفتح بابا للشيطان أن يتسلل لقلب المؤمن بشغله بامور ليست من الدين فى شيء .. سفاسف من الامور لا تغنى ايمان المرء بل تلهيه عن ذكر الله, لاسيما وأن الواى فاى أصبحت متاحا فى جميع الاماكن, مما يجعل المرء متصلا بالواتس أب والفايبر والتانغو وغيرها من محدثات هذا العصر.. هذا غير الالعاب والايميل واليوتيوب .. فمتى -بالله عليكم- يفرغ الانسان لعبادة ربه.. متى يفرغ المرء لعبادة ربه وقد ملأ وقته بهذه المحدثات .. وهذا باب شيطانى قد فتحه التبذير فى حياة المؤمن .. هلا قفلتموه .. هلا قفلتموه ..

الا تكبرون ...
لا ترموا كلام العارف بالله شيخ المشرف واطة
(وش اخدر مدردق)
وما حكم الرجل وهو يبحث عن النغمات يا شيخنا الاحمر اقصد المشرف

يا مشرّف .. خليكـ من الخطب وأمشي شوف البطل!!

نعم القرار

مرحباً بك في النادي

لو ما قدرته علي 4 خدلك 3 مافي فرق كبير بينهم

Quote: فأنت كأنما تبيعُ مرسيدسا لتشتري كيا

صدقت يا أخ العرب
صباح اليوم بتكلم مع زول قلت ليهو الايفون هو مرسيدس الموبايلات

يا ود الصائم لاحظ الشوفينية الجاية دي
اشتريت اس ثري قبل اقل من سنة ولوسف اشترى ال اس 4 فور نزوله الى الاسواق
اها ان شاء الله انبسطت؟
تكترو تقللو اكان ادي ال اس 3 لعمر بدل ما ابيعوا وادفع فرق اشتري بيهو ال اس 4

Quote: تكترو تقللو اكان ادي ال اس 3 لعمر بدل ما ابيعوا وادفع فرق اشتري بيهو ال اس 4

هههههههههههههه يا عربي!
الأسبوع الفات اتذكرتكـ ونحن بنلهط في الرياض غاليري!!
أيوا .. في اليوم الأسري أب 500 ريـال!!

يا شيخ جلال إن بقيت على الجلاكسي ما في مشكلة لكن ما كان تذم الآيفون قدر دا, تسريح بإحسان وكدا

أنا أويدك تماماً. الآيفون دا تلفون النخبة والناس الراقية ، ما مفروض يكون في يد كل من هب ودب ، عشان كدا تمش من دربك دا تشتري ليك صامصونغ وتمر على بتاع النغمات عشان الأسلمة وكدا .

أيمن الفاضل

Quote: هو بالمناسبة جالكسي 4 دا الجديد فيهو شنو ومتوقع ينزل بسعر كم

هذا هو الجلاكسي 4



أما الإمكانيات دي .. فأكيد أنه حيكون أحسن من الآيفون العقيم
والسعر أول ما ينزل بكون فوق ال 600 دولار ولو أديتو 6 شهور ممكن تلقاهو بي 450

الأخوان الكرام: سليمان القرشي

Quote: احسن مافكرت بلا ايفون بلا تعب والله الجلاكسي دا متعة التلفونات يلا مرحب بيك صديق في نادي الجالاكسي

هشام عباس

Quote: والله الجلاكسى 4 دا للحين ما شفتو ولا بعرفو لكن بما انى من جماعة الجلاكسى منذ عهد الجلاكسى تو اقدر اقول ليك توكل على الله والله بالجد مافى مقارنة الايفون دا كلام فارغ واكتر من فارغ متعة الاجهزة هو الجلاكسى .. امكانيات وسهولة وشكل وكل ما يخطر على بالك انصحك توكل على الله واتجلكس

الزبير بشير

Quote: سبقناك لذلك قبل شهر تقريبا ، وكمان ابو شريحتين جلاكسي جراند ، متعه ، اتوكل علي الله ، الله اقرف الاين فون و معاه الاي تون بتاعه ، تراني ما براي زهجان من الاي فون ، منعول ابوه كرهنا التلفونات .

الطاهر عثمان

Quote: نعم القرار مرحباً بك في النادي لو ما قدرته علي 4 خدلك 3 مافي فرق كبير بينهم

أشكركم جزيل الشكر
كلامكم ريحني وطمنني شديد
بصراحة كنت متعصب للآيفون
ولكن هذه الشركة عقمت عن أن ترضي ذوق المستهلك
وهي تحاول أن تغصب الزبون غصبا على طريقتها
ولذلك فسيتجاوزها الزمن

شاكر مروركم وتشجيعكم

د. المشرف

Quote: يا شيخنا .. كل هذه بدع يا هداك الله .. وكل بدعة ضلالة .. وكل ضلالة فى النار .. أما بعد .. كل ذلك يدخل فى باب الاسراف والتفاخر والتبذير, ويفتح بابا للشيطان أن يتسلل لقلب المؤمن بشغله بامور ليست من الدين فى شيء .. سفاسف من الامور لا تغنى ايمان المرء بل تلهيه عن ذكر الله, لاسيما وأن الواى فاى أصبحت متاحا فى جميع الاماكن, مما يجعل المرء متصلا بالواتس أب والفايبر والتانغو وغيرها من محدثات هذا العصر.. هذا غير الالعاب والايميل واليوتيوب .. فمتى -بالله عليكم- يفرغ الانسان لعبادة ربه.. متى يفرغ المرء لعبادة ربه وقد ملأ وقته بهذه المحدثات .. وهذا باب شيطانى قد فتحه التبذير فى حياة المؤمن .. هلا قفلتموه .. هلا قفلتموه ..

والله حيرتونا
نخلي التكنولوجيا تقولوا متخلفين ومتقوقعين
نقع فيها تقولوا إسراف وتفاخر وتبذير وشنو ما عارف!
بعدين أظنك تعرف أن البدعة في الدين هي الممنوعة
وأما البدع الدنيوية فجائزة ما دامت مباحة ونافعة

غايتو بس .. الما بدورك في شاشة الجلاكسي بحدر ليك!

Quote: اتق الله يا رجل!! فأنت كأنما تبيعُ مرسيدسا لتشتري كيا!!

برضوا قارن بين الجمس والكليك اقل حاجه في صرف البنزين

جنابو عمر
كيف الحال

يا اخي نحن كنا بنركب لواري القصب فوق التنده و احينا فوق البمبه ، تقول مرسيدس و كيا .

طمئنا علي الزوجه

اخوك الزبير

Quote: برضوا قارن بين الجمس والكليك اقل حاجه في صرف البنزين

يا عبعزيز

وقارن أيضا بين الرفاهية ودرجة الأمان بين الجمس والكليكـ!!

احلي حاجة

سلفاكير

محمد جلال عبد الله
تحية وتقدير ,,,


يعني في الربع الجاى نتوقع تنزل بوست :

أصــــــــــوات البــــــــورداب في الجـــــــلاكسي 4 أحـــــــــلي


لك التحية

حبيبنا ود البشرى

Quote: يا شيخ جلال إن بقيت على الجلاكسي ما في مشكلة لكن ما كان تذم الآيفون قدر دا, تسريح بإحسان وكدا

ليه هو الآيفون ده كان مرتي ^___^
والله يا عمك جاتني منو زهجة ما تتخيلها!
كرهتو عدييييييييييل

تحياتي لك

اها يا جماعه مافي واحد عاوز يغير للفور دة وناوي يبيع موبايلو القديم
انتو مسعولين من الخير الN تسعين وصل كم

انا يادوب تجكلستا بجلاكسى جراند لى كم يوم يعنى يادوب بتعرف العندو افيدنى بالامكانيات
كان عندة نوكيا n 9 تصورو طبعا فرق السماء من الارض

لكن زوجى مصر اشترى ايفون5

تجكلس يااخى


تخريمة
يادوب الموقع لميت فيهو لانو كان ممنوع عندى (السودان) يادوب لقيت برنامج فتحتو بيهو

الآيفون القديم يا ريت تبر بيهو أخوكـ
وتهادوا تحابوا .... والله صحي ()
أمشـــي طوالي يا زول آيفون شنو كمان

تحياتي

يا محمد ياخوي قاعدين نلم في القريشات عشان ال إس 3 يقوموا يطلعولنا ال إس 4
آها نسوي شنو؟

لو داير تكون مميز اشتري نوت2 ..

ود الصايم

Quote: اتق الله يا رجل!! فأنت كأنما تبيعُ مرسيدسا لتشتري كيا!!

والله المثل بتاعك ده بالضبط هو الضربتو لواحد كان محتار بين الآيفون والجلكسي
قلت ليهو: الآيفون ده عامل زي العربية الكامري القزاز والقير (كل شي عادي)
والجلاكسي ده عامل زي الهونداي سوناتا (فل أوبشن)

قلت ليهو من ناحية قيمة مادية وإسمية الكامري العادية أقيم
لكن من ناحية سهولة ومتعة وتلبية لرغبات الشخص السوناتا أحسن

الزول ده من دربو داك مشى اشترى جلاكسي
علما إني الزمن داك كنت لسة عايش في وهمة الآيفون :)

ود شاموق

Quote: أنا أويدك تماماً. الآيفون دا تلفون النخبة والناس الراقية ، ما مفروض يكون في يد كل من هب ودب ، عشان كدا تمش من دربك دا تشتري ليك صامصونغ وتمر على بتاع النغمات عشان الأسلمة وكدا .

مع إنو كلامك ظاهر التريقة
لكن شكرا على مرورك ..
ولو أنا اشتريت الجلاكسي ما بيحتاج أمر على بتاع نغمات
بنزل نغماتي براي .. يا نخبة إنتا

الأخ الكريم عبد الناصر الخطيب

Quote: يعني في الربع الجاى نتوقع تنزل بوست : أصــــــــــوات البــــــــورداب في الجـــــــلاكسي 4 أحـــــــــلي

كيييييف ده كلامك
بالجلاكسي 4 وبالزيزفون كمان

شاكر مرورك مع تقديري

Quote: هههههههههههههه يا عربي! الأسبوع الفات اتذكرتكـ ونحن بنلهط في الرياض غاليري!! أيوا .. في اليوم الأسري أب 500 ريـال!!

لاحظ دي المرة التانية خلال اقل من اسبوعين

Quote: أوتتجلكس يا رجل وغيركـ لا يملكـُ حقّ المسكول؟

شيل الجلاكسي و ارسال المس كول..زي شيل البطارية في المول

الله يديك وتشتري جلاكسي 4

لكن الزول التحت ده اديهو نظرة

Quote: الواحد يدخل سودانيز عشان يعرف البلد والدنيا ماشه كيف؟؟ يلقي موضوع فارغ يضمم بطنك من الموقع يا بتاع الايفون ده موضوع شخصي بحت البحت ...يعني بكرة ممكن نلقى بوست واحد ماشي يشتري بامية لانه زهج من البطاطس وكده...... خلي مواضيعك على قدر تفكيرك ....ما تسلفني باسووردك

Quote: كمستخدم لجهاز آيفون 4 لأكثر من سنتين، ورغم إعجابي بالجهاز وبنظام تشغيله، ورغم تعودي عليه، ومعرفتي بصعوبة الانفكاك من ذلك، إلا أنني قد ضقت ذرعا به، فالجهاز نظامه عقيم بكل ما تحمله الكلمة من معان! عندما أشتري جهازا بسعر يبلغ حوالي الألف دولار فإنني أحتاج أن أشعر أنه يلبي جميع احتياجاتي، وأحتاج أن أشعر أنني أمتلك هذا الجهاز، لا العكس!

غايته كان شايل الiPhone سنتين وما عارف الحاجات دي كلها بعملوها كيف بيه، اخير تمشي للجالاكسي.. لأنه اي حاجه انت كتبتها هنا بتتعمل بي الiPhone... وما بالضرورة عن طريق iTunes... في برامج تانية ممكن تستخدمها لو ما مرتاح في استخدامه iTunes... أرجى الراجيك، الشيخة سمارت بتصحى حسي وبتجيك...ممكن تسامحك في انك تمشي على ناس Microsoft، لكن Android!!


شيء آخر.. لمستخدم iPhone، الانتقال للجالاكسي مزعج جداً...

رغم ان البوست فارغ بالنسبة لي ولايفيدنى بمعلومة لكننى احترم اراء الناس في التعبير طالما لم يحدث ضرراً لشخص ما ومن الصعب ان ندعو جميع الاعضاء للتحدث عن السياسة اوالثقافة أو الفن اوالكورة فكل له المجال الذي يجذبه ورغم عدم استفادتى من البوست ولكن يوجد زوار أواعضاء غيري سوف يستفيدوا من البوست .
ماعلينا إلا ان نحترم اراء الناس ومذاهبهم .

Quote: رغم ان البوست فارغ بالنسبة لي ولايفيدنى بمعلومة لكننى احترم اراء الناس في التعبير طالما لم يحدث ضرراً لشخص ما ومن الصعب ان ندعو جميع الاعضاء للتحدث عن السياسة اوالثقافة أو الفن اوالكورة فكل له المجال الذي يجذبه ورغم عدم استفادتى من البوست ولكن يوجد زوار أواعضاء غيري سوف يستفيدوا من البوست . ماعلينا إلا ان نحترم اراء الناس ومذاهبهم .

ألذ زول والله ّّ!!!

فتوى مصدرها حقد طبقي

Quote: يا شيخنا .. كل هذه بدع يا هداك الله .. وكل بدعة ضلالة .. وكل ضلالة فى النار .. أما بعد .. كل ذلك يدخل فى باب الاسراف والتفاخر والتبذير, ويفتح بابا للشيطان أن يتسلل لقلب المؤمن بشغله بامور ليست من الدين فى شيء .. سفاسف من الامور لا تغنى ايمان المرء بل تلهيه عن ذكر الله, لاسيما وأن الواى فاى أصبحت متاحا فى جميع الاماكن, مما يجعل المرء متصلا بالواتس أب والفايبر والتانغو وغيرها من محدثات هذا العصر.. هذا غير الالعاب والايميل واليوتيوب .. فمتى -بالله عليكم- يفرغ الانسان لعبادة ربه.. متى يفرغ المرء لعبادة ربه وقد ملأ وقته بهذه المحدثات .. وهذا باب شيطانى قد فتحه التبذير فى حياة المؤمن .. هلا قفلتموه .. هلا قفلتموه ..

من الفيس بوك

Quote: Abdelslam Malik Ali Elhag الواحد يدخل سودانيز عشان يعرف البلد والدنيا ماشه كيف؟؟ يلقي موضوع فارغ يضمم بطنك من الموقع يا بتاع الايفون ده موضوع شخصي بحت البحت ...يعني بكرة ممكن نلقى بوست واحد ماشي يشتري بامية لانه زهج من البطاطس وكده......خلي مواضيعك على قدر تفكيرك ....ما تسلفني باسووردك

غايتو حأرد عليك برد البرلوم محمد ماهر

فوق لمزيد من الاجواء الآيفونيه

CC لى عز الدين الفحل بوبار

تحياتي يا شيخ محمد
خير ما فعلت ..العالم حاليا بقى متجه نحو البرمجيات مفتوحة المصدر والمجانية..
أبل ومايكروسوفت الاتنين بقيت اكرهم عمى عشان احتكاريتهم ..قبل كم شهر كدة
وقعت على نظام لينكس ومن يومها حبيته وبقيت استعمله وفارقت الويندوز فراق الطريفي..
على العموم الجلاكسي ونظام الاندرويد ممتاز وسهل التعامل ..

Quote: CC لى عز الدين الفحل بوبار

محمد طه من الفيس بوك

Quote: Mohamed Taha · يعمل لدى ‏‎DOH‎‏ عشان ماتلخبت علينا انت قاصد البلوم ولا البرلوم عشان فرقهم كبير....ياودالصايم بالله لوسمحت عتل الكلام لي فوق وليك أجر المناوله...لانو صاحب البوست قال علينا خارج التغطيه

أنا ما قاصد ناس الفيس كلهم بالكلام
أنا قاصد صاحبك الاسمو عبد السلام مالك ^___^
أما البلوم فقد قمت بتعديلها إلى البرلوم .. شكرا على التنبيه
لاكين بالجنبة كده .. بلوم يعني شنو يا محمد؟

الأخت نجاة محمد بابكر

Quote: انا يادوب تجكلستا بجلاكسى جراند لى كم يوم يعنى يادوب بتعرف العندو افيدنى بالامكانيات كان عندة نوكيا n 9 تصورو طبعا فرق السماء من الارض لكن زوجى مصر اشترى ايفون5 تجكلس يااخى

والله أنا بنصح أي زول ما جرب قبل كده إنو يشتري جلاكسي
لأنو لو اشترى آيفون وتعود عليهو صعب تاني يخليهو لغيرو
أنا القدامك ده الموضوع صعب جدا علي لأني تعودت على الأيفون
والآيفون مرتب بطريقة حلوة
لكن بس مشكلته إنو عقيم للغاية ولا يلبي كل احتياجاتك
وأي حاجة داير تعملها لازم باللفة ما ممكن تعملها عديل

شاكر مرورك وتحياتي

اللمين البشاري

Quote: الآيفون القديم يا ريت تبر بيهو أخوكـ وتهادوا تحابوا .... والله صحي () أمشـــي طوالي يا زول آيفون شنو كمان تحياتي

والله تستاهل يا ليمو ياخ
لاكين الآيفون كان مرق من المرة
ما حيمرق من الأولاد .. والله صحي :)

بعدين يا ليمو ياخ انت مقامك أكتر من آيفون مستعمل
إنت تستاهل كرت كرتون .. بس الحالة صعبة
تستاهل الضبيحة لاكين البهايم شردن :)

الأخ عثمان مكي

Quote: يا محمد ياخوي قاعدين نلم في القريشات عشان ال إس 3 يقوموا يطلعولنا ال إس 4 آها نسوي شنو؟

العارفين قالوا مافي فرق كبير بين الاس 3 والاس 4
عشان كده اشتري ساي قبلما ينزلوا ليك الاس فايف :)

شاكر مرورك مع تحياتي

Quote: شيء آخر.. لمستخدم iPhone، الانتقال للجالاكسي مزعج جداً...

Quote: والله تستاهل يا ليمو ياخ لاكين الآيفون كان مرق من المرة ما حيمرق من الأولاد .. والله صحي :) بعدين يا ليمو ياخ انت مقامك أكتر من آيفون مستعمل إنت تستاهل كرت كرتون .. بس الحالة صعبة تستاهل الضبيحة لاكين البهايم شردن :)

اختصر واحفظ الباندويث وقول له ابيت

Quote: اختصر واحفظ الباندويث وقول له ابيت

يا ود الفكي .. ياخ هي أبيت دي بقولوها عديل كدي؟
ما لازم نعمل فيها حبة بهارات ياخ..
أخبار صديقنا مرسي إيه بالله؟

مريم بنت الحسين

Quote: غايته كان شايل الiPhone سنتين وما عارف الحاجات دي كلها بعملوها كيف بيه، اخير تمشي للجالاكسي.. لأنه اي حاجه انت كتبتها هنا بتتعمل بي الiPhone... وما بالضرورة عن طريق iTunes... في برامج تانية ممكن تستخدمها لو ما مرتاح في استخدامه iTunes... أرجى الراجيك، الشيخة سمارت بتصحى حسي وبتجيك...ممكن تسامحك في انك تمشي على ناس Microsoft، لكن Android!! ...

أنا عارف إنو في برامج كتيرة ممكن تعمل الحاجات دي
زي الدروب بوكس وغيره وغيره
لاكين ما دام أنا ممكن أعمل الحاجات دي بالعدييييل
ليه يجبروني أعملها ببرنامج
هذا نوع من التعقيد .. يعني تخيلي زول يشبك تلفونه ويعبيهو زي ما داير
وزول تاني إلا يمشي لي برنامج سواء آيتونز أو غيره!!
أنا أملك التلفون ولا يملكني هو!

Quote: شيء آخر.. لمستخدم iPhone، الانتقال للجالاكسي مزعج جداً

دي الحاجة الخلتني أصبر على الآيفون كتير
لكن خلاص ما عاد في صبر

اسال منها اخونا عمر عثمان
لو ما حلفتني بالله والله ما بجيب سيرته
اخر اخباره مشى سوهاج (معقل حصين للاخوان) مرق منها بالجلالة
هتفوا ضده
حا شي المرشد بيمشيه (يعني حمار اكرمك الله)

المحترم الأخ جدو

Quote: تحياتي يا شيخ محمد خير ما فعلت ..العالم حاليا بقى متجه نحو البرمجيات مفتوحة المصدر والمجانية.. أبل ومايكروسوفت الاتنين بقيت اكرهم عمى عشان احتكاريتهم ..قبل كم شهر كدة وقعت على نظام لينكس ومن يومها حبيته وبقيت استعمله وفارقت الويندوز فراق الطريفي.. على العموم الجلاكسي ونظام الاندرويد ممتاز وسهل التعامل ..

أي والله تعبنا من سجن ابل وفرض الوصاية على المستخدم
أشكرك على مرورك وتشجيعك

Quote: اسال منها اخونا عمر عثمان لو ما حلفتني بالله والله ما بجيب سيرته اخر اخباره مشى سوهاج (معقل حصين للاخوان) مرق منها بالجلالة هتفوا ضده حا شي المرشد بيمشيه (يعني حمار اكرمك الله)

معناتو الفلول شغالين تش ^__^
الله ينصر مرسي .. آمين

أبرز مميزات الجلاكسي 4

Quote: وجاءت تلك المميزات على النحو التالي: 1- التوقف الذكي/ التنقل الذكي: يمكن لـ "جلاكسي إس 4" يقدم خاصية جديدة، هي الأبرز في عالم الهواتف الذكية، ألا وهي أنه يمكنك أن تصعد وتهبط بالشاشة وتغير وتقلب الصفحات بمجرد النظر إلى أعلى أو أسفل أو يميناً أو يساراً، والطريقة ذاتها يمكنك أن توقف أو تشغل مقاطع الفيديو والصوت المختلفة. 2- خاصية آير فيو: وفقاً لتلك الخاصية يمكن لأي شخص التحكم بالجهاز من دون لمس الشاشة التي تعمل باللمس فعلياً، ويمكنك أن تتحكم في بريدك الإلكتروني أو معارض الصور الخاصة بك أو تتصفح شبكة الإنترنت أو تتحكم في مسارات الموسيقى أو مقاطع الفيديو بمجرد أن تحوم بإصبعك في الهواء فوق الشاشة دون أن تلمسها". 3- اللعب الجماعي: يدعم هاتف "جلاكسي إس 4" نظام الألعاب متعددة اللاعبين، والتي يمكنها أن تربط أكثر من جهاز من هذا الإصدار مع بعضهم بعضاً واللعب أو عرض وثائق أو ملفات موسيقية أو صور أو مقاطع فيديو بصورة مشتركة. 4- الآمر الصوتي: يضيف الجهاز الجديد خاصية تلبية "الأوامر الصوتية" للمستخدم، والتي توفر على المستخدم البحث بنفسه عن اسم صديق يود الاتصال به أو تصفح حسابه الشخصي على مواقع التواصل الاجتماعي، وما إلى ذلك. 5- مراقب صحي: يتيح هذا الجوال أيضاً للمستخدم متابعة حالته الصحية عبر الجهاز، وقياس وزنه يومياً، ومراقبة مستويات ضغط الدم والسكر، عن طريق تطبيقات يتم توفيرها مجاناً للمستخدمين. 6- مجسات حرارية: يمكن لـ "جلاكسي إس 4" أن يقيس لك درجة الحرارة ودرجة الرطوبة في المكان الذي تقطن فيه عن طريق مجسات حرارية مثبّتة فيه، ومن دون اللجوء لأي تطبيقات خارجية غير دقيقة. 7- تصوير مزدوج: يمكن من خلال هاتف سامسونج الذكي الجديد أن تلتقط صورتين في آنٍ واحد عن طريق الكاميرا الخلفية ذات دقة تصوير 13 ميجا بيكسل، والكاميرا الأمامية ذات دقة تصوير 2 ميجا بيكسل، وهو ما يتيح لك التقاط صورة سريعة وأنت تجري مكالمة فيديو مثلاً. 8- التصوير والتسجيل معاً: يمكن لمستخدم الهاتف أيضاً أن يلتقط صورة فوتوغرافية ويسجل صوتاً في آنٍ واحد. 9- تصوير درامي: يمكن جمع عددٍ من الصور التي تم التقاطها في صورة واحدة، وهي الميزة التي ستكون مفيدة في الصور المتتابعة التي يتم التقاطها لشخص واحد يؤدي عمل ما؛ ما سيجعل جمعها في لقطة واحدة أكثر واقعية. 10- الترجمة: الميزة في خاصية الترجمة التي يوفرها "جلاكسي إس 4" في أنه لا يحتاج إلى اتصال بإنترنت كي تستخدم، وفي أنه لا يحتاج إلى الوقوف على الكلمة فقط كي يترجمها، بل مجرد نطقك لها أيضاً يمكنه أن يترجمها لك.. لكن الأزمة الخطيرة به أنه يمكنه الترجمة من وإلى 9 لغات ليس من بينها العربية، ويتوقع أن تصدر تحديثات له حين نزوله للشرق الأوسط تحتوي على الترجمة بالعربية. 101

يااا مطوع
رد على الزول دا ياخ!!

Quote: عشان ماتلخبت علينا انت قاصد البلوم ولا البرلوم عشان فرقهم كبير.... ياودالصايم بالله لوسمحت عتل الكلام لي فوق وليك أجر المناوله...لانو صاحب البوست قال علينا خارج التغطيه

يا ود الصائم
انت محمد طه دا ياهو ولدنا الطيار ولا اسم على اسم؟ ان ياهو ولدنا لحق ابو حسين ولا شنو؟

عندي صاحبي أنا وهو طوالي في جنس ده، آيفون قصاد جالاكسي

أنا من أنصار إنو الزول دايماً يجرب وما يكون اسير لي نظام واحد، لأن كل نظام بيضيف لي معرفتك ويوسع آفاقك ومداركك خاصة في مجال التقنية والمعلومات. وممكن بين يوم وليلة النظام الإنت باني عليهو حياتك يبقى أوبسليت. وفي مجال التقنية والعولمة ركاب سرجين ما وقاع، وممكن الواحد كمان يكون ثلاثي ورباعي النواة الدنيا ما معروفة.

مع إني بحب ال IOS لأنو شبيه بال Unix

داير نصيحة اقتني هذا الجهاز لا تقول لي اي فون ولا جلكسي فقط سوني. حيث المتعة