عندما تموت المشاعر....#

#

هي ما سفر للعدم وموت عديل كدا وحياة كئيبه وكبدا
ما أنت قاعد تفتش في المحال كان تلقي ليك عذر
أمكن يعيد التوازن قول أويحفظ ليك الباقي أشلاء صورتك اللي أتقطعت
لا ما تعشم ما أنت من يومك نحس
وكمان تعيس بالميلاد
أنت منتظر شنو ؟ ولما العذاب يبقي واقع ؟؟
أنت بتقدر تعيش وشايل بقايا مشاعرك بين يدياك
ما هي فاتت ؟!
والفات كتير ما بنعد
وروحي عجرا وعاجزة حتي السلام في دواخلا منعدم
كل شيء مات وبكرة أكبر وهم
أي أنا عايز شنو من بكرة وأنتي ما فيها ؟؟؟

لما تموت المشاعر
الباقي ليك شنو
ولا قلب يبكيك ولا روح تناديك
أٌصبحت في سابع أرض وحل من الطين يشدني لنهايات القبور
متين يصحي ضميرك وتعمر مشاعرك بالحياة
بقيت زي ساكن الغابة وحش بوهيمي ما بفرق
بين الحب والامتلاك
أشوف البرق وأسمع الرعد
لكين خايف من بهاءك

أعشق عذابات المشاعر
وخاصة مشاعري تجاهك
و لاعايز عزاء
ولكين حيلتي شنو لما تموت المشاعر
وأنا السبب وأنتي برضو السبب!!!؟