Post: #1 Title: غريبة والله Author: طلحة عبدالله Date: 03-16-2013, 11:51 AM Parent: #0
لا أبو عمير ( عمر الفاروق ) لا تامبا ولا ناذر الخليفة ولا حتي الزول القاعد جمبي دا ما فيهم زول علق على الصلعة البتلمع دي .. ما عرفتو لكن .
Post: #2 Title: Re: غريبة والله Author: طلحة عبدالله Date: 03-16-2013, 11:52 AM Parent: #1
بعد كم سنة تخلص سيف الجامعة من عقدته التاريخية وظهر للناس حاسر الرأس ؟
Post: #3 Title: Re: غريبة والله Author: أيمن محمود Date: 03-16-2013, 11:56 AM Parent: #2
والله انا كنت قايل المسألة أكبر من صلعة وبس
Post: #4 Title: Re: غريبة والله Author: طلحة عبدالله Date: 03-16-2013, 11:57 AM Parent: #2
يظل الحبيب سيف الجامعة من أبدع المبدعين حتي ولو كان هلالابي رشاشة مسكين يشوف البطولات الخارجية في الحلم بس ..
ويظل عصام محمد نور ( نديده) في الصلعة البتلمع مبدع مميز هو الآخر وما يميزه أكتر مريخيته والتي جعلت صلعته أكثر توهجا ولمعانا .
Post: #5 Title: Re: غريبة والله Author: طلحة عبدالله Date: 03-16-2013, 11:59 AM Parent: #4
أبدا والله يا أيمنوف هي محض صلعة تصدق ..
Post: #6 Title: Re: غريبة والله Author: عمر الفاروق Date: 03-16-2013, 12:14 PM Parent: #5
يا طلحة .. تعرف سيف الجامعة ده من أندى الأصوات ..وأحب صوته جدددا.. بالنسبة لي موضوع الصلعة فأبشششرك أخوك عارف من زمان بس ساتر الراجل :) زماان سألت واحد كان من عازفين سيف الجامعة قلت ليهو ببببس لو خلّى لبس الطاقية ده مااا بتجيهو عوجة .. فرد لي صاحبنا العازف مع سيف الجامعة : والله يا عمر أحسسسن ليكم بي الطاقية ..الكلام ده عشاااانكم والله
كنت إلى وقت قريب جدا أسأل لماذا يخفي المطرب سيف الجماعة صلعته الكبيرة ..؟ وهل إذا أخفأها لن يعرف الناس حقيقتها ؟ و ماذا يعيب الصلعة في نجم مشهور أحبته الناس لفنه ولن ينقص هذا الحب ( شعرة) من محبية إن هو كشف عن صلعته . بالعكس الصلعة هي مأركة مسجلة للمشاهير والنجوم .. إن أشهر نجوم وعباقرة العالم هم أصحاب صلع وسيمة زادتهم لمعانا وجمالا حتي قيل في المقام : من صلعته الناس حبته .. كان البرت انشتاين أصلعا كبيرا وكذلك سقراط وبسمارك وفولتير وغيرهم من العباقرة والعلماء والأدباء وفي الكورة والرياضة نجد إن أشهرهم هم أصحاب الصلع ويكفيك من هولاء الإنجليزي الأشهر بوبي تشارلتون والفرنسي زين الدين زيدان والإيطالي أتيليو لومباردو والهولندي ياب ستام ولاعب التنس اندريه أغاسي . ومن الرؤوساء تشرشل وايزنهاور وموشيه ديان والملك حسين والسادات وغيرهم .. ومن الممثلين البريطاني باتريك ستيورات والأمريكي بروس ويلس وأحمد بدير وعادل امام وغيرهم . ويكفي من كل ذلك إن الدولار حبيب القلوب والجيوب إسمه أب صلعة .. إذن لماذا خبأ سيف الجامعة صلعته تحت عشرات الكابات والطرابيش كل هذه السنوات ؟ بالغت يا سيف ياخ .
نككككككككككتة . أصلع قامت ليهو شعرة في رأسو عمل ليها عيد ميلاد .. هاها هاها .
يا عبداللطيف مرحب بيك والله الغريبة القاصدا أنا فوق دي هي انو سيف الجامعة ظهر من غير طاقية أو كاب يغطي بيهو صلعتو .. وما في زول من الشباب المتابعين الحركة الفنية جاب سيرة للموضوع .. أما كون صلعتك تلمع وماشي بيها مع الناس في الأسواق فدي ما غريبة أبدا.. أهو عندك ود اللمين أميز ما فيها صلعتو الكبيرة وبغني بيها عادي بل واحتمال يكون لما تكون عندو حفلة بلمعا قبل ما يطلع المسرح .. الصلعة فخر لي سيدا يا أبو عبدة .. ومال إيه .
Post: #14 Title: Re: غريبة والله Author: محمد عوض السيد Date: 03-16-2013, 04:09 PM Parent: #13
.. سلامات عوافي
تعرف انا انتبهت للحكاية دي في اللقاء الاخير ومعاه الفنان الطيب عبدالله في الشروق وعاينت لزول مرتين والله حتي عرفته الفنان الجميل سيف بكون عامل نيو لوك جديد بس ياطلحة
بحبه اكتر لما يغني بالعود وكمان حا اضيف ليها ميزة جديدة وهي بدون طاقية هههه
وخاصة أغاني الحقيبة .. أول مرة إستمعت وإستمتعت بأغاني سيف من شريط كاسيت غني فيهو أحرموني ولا تحرموني وصباح النور عليك يا زهور وعذبة إنت كالطفولة وبعد كدا بقيت أستمع وأستمتع لأية أغنية يغنيها .. سيف زول جميل شديد ومثقف شديد وحريص على الغناء شديد . أحبو وأحب صلعتو اللامعة.
Quote: سيف الجامعه الذى قال فيه بروف على المك : لما اسمع صوت سبف الجامعه ببشّر بدون ما احس او قريبا من هذا .. فهو من اندى الاصوات كما علّق احدهم من الناس الفوق
مشكور يا الطيب عبدالله ع المتابعة والإضافة .. فعلا سيف الجامعة زول حلو ومكمل الحلا .
عن إذنكم يا سيكا ويا عمران ناس البوك فيس فيرست قال Maldiny Myamy اللي هو تحت
Quote: اول مره اعرف عادل امام من ذوي الصلع!!!!!ولا عايز تتم بيهو كوته المشاهير
هههههههه لا إطمئن يا حبيب الزعيم صلعتو كبيرة أوي .. ما تغشك الباروكة دي .. لكن الحقيقة أنا غلطت جبتو مع الناس ديل باعتبارو داسي صلعتو . تحياتي وشكرا للمتابعة ..
Post: #23 Title: Re: غريبة والله Author: Amir Omer Date: 03-16-2013, 07:48 PM Parent: #22
يا سلام عليك يا سيف ياخي ... صوت وصورة بدون الكاب! ويا سلام عليك يا عمران ... ياخي الزول دا جضّم (طار قلبي) لحدي ما طيّر لي قلبي معاها سمعتها يجي 10 مرات كدا :)
طلحة ياخي لقيتك كفر ووتر ... لكن
Quote: ومن الرؤوساء تشرشل وايزنهاور وموشيه ديان والملك حسين والسادات
Post: #29 Title: Re: غريبة والله Author: ناذر محمد الخليفة Date: 03-17-2013, 08:31 PM Parent: #28
بالغت يا طلحة ..!!
Quote: بعد كم سنة تخلص سيف الجامعة من عقدته التاريخية وظهر للناس حاسر الرأس ؟
سيف أعلن تخليه عن الطاقية قبل سنة ولا أكتر ما متذكر والكلام دا تم تداولو هنا في المنبر في بوست مشهور ما متذكر كاتبو منو !!
سيف دا أنا شخصيا ما برضى فيهو يا طلحة .. الزول فنان عرسي وكدة ، وقبل دا هو صديق عزيز وأنا بستمتع جدا الأيامات دي بمشي شارع النيل وبلاقيهو مطرف مع كم زول كدة نشرب اوفلتين ويمسك العود ويغني لينا (بي صلعتو الجميلة) اعذب الألحان وأجمل الأغاني حتى مطلع الفجر !! ..
بالمناسبة سيف لمن أقلع عن لبس الطاقية قال انو عندو أكتر من 150 طاقية ما عارف يوديها وين !! اغلبا جاتو هدايا من معجبين وكدا ..!!
حاجة أخيرة ..
سيف الطاقية ما بيلبسا عشان يغطي صلعتو .. الطاقية بقت بالنسبة ليهو ستايل وبصمة فنية عرفها بها معجبوهو وكدا ..!!
والله فعلا يا ناذر أتاريني بالغت شديد كان فعلا انكتب بوست بالمعني دا قبل سنة لكن خلاس اعتبر البوست دا إحياء للسيرة العطرة بعد مرور سنة على قلعو الكاب .. غير إنك يا ناذر بالغت أكتر من البولييغ بتاعي لقولك إنك ما بترضي في سيف بيد إنك ما عارف معزة سيف دا عندي لأني بحب سيف وبعزو شديد.. ويمكنك لمزيد من التفاصيل عن ريدي ومعزتي لسيف أن تسأل الأستاذ محمد عبد القادر ( رئيس تحرير صحيفة الرأي العام).. سيف دا أنا بحبو زي حبي لعصير القنقليز البارد وأكتر شوية كمان . إ
Quote: نشرب اوفلتين
دي مريسة أفرنجي يا ناذر ؟
Post: #31 Title: Re: غريبة والله Author: ناذر محمد الخليفة Date: 03-17-2013, 09:13 PM Parent: #30
سلام طلحة ..
Quote: غير إنك يا ناذر بالغت أكتر من البولييغ بتاعي لقولك إنك ما بترضي في سيف بيد إنك ما عارف معزة سيف دا عندي لأني بحب سيف وبعزو شديد.. ويمكنك لمزيد من التفاصيل عن ريدي ومعزتي لسيف أن تسأل الأستاذ محمد عبد القادر ( رئيس تحرير صحيفة الرأي العام).. سيف دا أنا بحبو زي حبي لعصير القنقليز البارد وأكتر شوية كمان .
معانا بالمناسبة ياسر طيفور أب تفة برضو من الناس السيف كاسر فيهم ضلعة .
لو ما كنت ماشي شارع النيل هسي على أمل أقابل سيف وأسمع منو كم حاجة (بي صلعتو الجميلة ديك) كنت جبت ليك روابط من مكتبتي قبل كم سنة بتكلم عن سيف واهم حاجة عن شريط لي سيف بيغني أغاني للوطن وأنا نزلتها كلها كل غنية بي بوست والبوست استمر طويل جدا وأخد حقو من النقاش والذكريات ..!!
زور مكتبتي في المنبر يا طلحة تجد فيها ما يسرك وما لا يسر عدوك وعدو سيف .!!!
والله صادق يا ناذر قبل ما أزور مكتبتك لأنك زول فنان ولما أنا كتبت بوست الأميرة نانسي إتضح لي فيما بعد إنك كاتب عنها قبليني بوست طويل عريض وما خليت ليها حاجة .. إتا زول كويس شديد يا ناذر ياخ ..
Quote: ماشي شارع النيل هسي على أمل أقابل سيف
عليك الله لو قابلتو قول ليهو تتذكر يا فنان لما مشيت عملت حفلة في جريدة الرأي العام ومحمد عبد القادر قال ليك في زول بريدك شديد واتا قلت ليهو جيبوهوا لي وقام قال ليك هو أسى مسافر ؟ لو قال ليك بتذكر الكلام دا سلم عليهو ولو قال ليك لا ما بتذكرو ..... سلم عليهو شديد .. ولو ما جبت ليهو سيرة برضو سلم عليهو.
Post: #33 Title: Re: غريبة والله Author: ناذر محمد الخليفة Date: 03-18-2013, 08:20 AM Parent: #32
ي هدية صغير يا طلحة عشان بتحب سيف .!!
Post: #34 Title: Re: غريبة والله Author: طلحة عبدالله Date: 03-18-2013, 10:16 AM Parent: #33
