Post: #1 Title: محن الإنقاذ : (خُضرجي) يعمل طبيباً بمستشفى الجنينة منذ عدة سنوات Author: عباس الدسيس Date: 03-16-2013, 08:33 AM
Quote: (صحف) ألقت الأجهزة الأمنية بولاية غرب دارفور على (خضرجي) يعمل طبيباً بمستشفى الجنينة منذ عدة سنوات. وذكرت صحيفة (الإنتباهة) إن الطبيب المزيف واسمه «أ.أ» يحمل شهادات بكالريوس مزورة من جامعتي الخرطوم كلية الصيدلة، وجوبا كلية الطب. وأشارت المصادرإلى أن الطبيب المزيف ظل يعمل بهذه الشهادات المزورة طبيباً منذ أكثر من عشر سنوات فى عدة ولايات منها الجزيرة والخرطوم وغرب دارفور. وأضافت المصادر أن الطبيب كان يعمل خضرجياً بسوق ود مدنى بولاية الجزيرة، ولا يحمل من المؤهلات العلمية سوى شهادة الأساس.
Post: #2 Title: Re: محن الإنقاذ : (خُضرجي) يعمل طبيباً بمستشفى الجنينة منذ عدة سنوات Author: عباس الدسيس Date: 03-16-2013, 08:35 AM Parent: #1
Post: #3 Title: Re: محن الإنقاذ : (خُضرجي) يعمل طبيباً بمستشفى الجنينة منذ عدة سنوات Author: عباس الدسيس Date: 03-16-2013, 08:39 AM Parent: #2
كما يقال بالخليج ((فشلة)) عشرة سنوات الراجل من مستشفي لي مستشفي وسط وشمال وغرب . اجهزة الامن القمعية تخصصها ما قبل استلام الشهادات مع الطلبة فقط تقتل وتعتقل فيهم اما حملة الشهادات أن كانت اصلية او مزورة ليس بتخصصها ..... فشلة يا اجهزة الامن.
Post: #4 Title: Re: محن الإنقاذ : (خُضرجي) يعمل طبيباً بمستشفى الجنينة منذ عدة سنوات Author: عباس الدسيس Date: 03-16-2013, 08:48 AM Parent: #3
في عهد الانقاذ الما فيهو لحمة الخضار مفيد للصحة .... والمافيهو دواء الطب البديل الخضار دكتور تخصص جلدية ابعد من البازنجان بعمل ليك كاروشة وكثر من العجور والطماطم.
Post: #5 Title: Re: محن الإنقاذ : (خُضرجي) يعمل طبيباً بمستشفى الجنينة منذ عدة سنوات Author: جمال ود القوز Date: 03-16-2013, 08:54 AM Parent: #3
مراجعة كل الشهادات الجامعية من طرف .. والزام الجميع بتوثيقها من التعليم العالي فيه حل للمعضلة دي .. عار ف ده زي بتاع عطبره الكان بيعمل عمليات جراحية داكـ .. والغريبة كانت ماشه معاهو ... ــــــــــــــ هسه في تمرجيه عندهم خبره وفكره في الطب .. أحسن من الاتخرجوا بالقروش ديل ... والواحد فيهم تمرجي مابنفع .. لكن زولكـ الخضرجي ده صعبا شوية ..... هسه شوف الدكتور ده .... يأخ حاجه صعبة خلاس ...
Post: #6 Title: Re: محن الإنقاذ : (خُضرجي) يعمل طبيباً بمستشفى الجنينة منذ عدة سنوات Author: Jamal Mustafa Date: 03-16-2013, 09:00 AM Parent: #5
(( الجزيرة والخرطوم وغرب دارفور )) مدقس المركز والهامش وزملاء ( المحنة) عشرة سنين ولا يحمل إلا شهادة ألأساس ياخى ده عندو مؤهلات جديرة بالإكتشاف
غايتو اللوم على الأطباء الإشتغل معاهم عمل (Rounds ) وMorning Meeting Medical discussions وحاجات الدكاترة القميصة ديك
مع التقدير ،،
Post: #7 Title: Re: محن الإنقاذ : (خُضرجي) يعمل طبيباً بمستشفى الجنينة منذ عدة سنوات Author: عباس الدسيس Date: 03-16-2013, 09:21 AM Parent: #6
في مدني وقبل سنين كان هنالك تاجر مخدرات ((بنقو)) مدوخ الحكومة ما قدرت تمسكو كل ما يعملو حملة تفتيش ما القو شي والغريبه الحملة تطلع من هنا والراجل اشتغل بيع . استعانو بي مكافحة المخدرات الخرطوم وجابو ضابط قعد شهور قدام البيت مثل فيها مجنون برضو ما اتقبض . في النهاية ونتيجة لوشاية اكتشفو الراجل مجوف الجدران بخت فيها البنقو. قبضوهو حكمو عليهو بالاعدام .... اودع سجن مدني ونتيجة لتلاعب تم استخراج تصريح زيارة له للمنزل بغرض زيارته ابنته التي تصارع الموت وهي مريضة . وباتفاق قالو ليهو يا زول شتت الله معاك وسوف نبلغ عنك هربت. الراجل ركب موتر فيسبا واتجه الي الكرمك عشان ادخل الحبشه. بعد البلاغ بهروبه تم اذاعته في اذاعة مدني من يتعرف عليه الاتصال باقرب مركز شرطه برضو تلفزيون الولاية. اتقبض في مدينة الحاج عبدالله .... رحل الي مدني. الراجل كان عندو تيم من المحاميين والمحاكمة كانت دائما اطلع بيها من الجو الرسمي ليس بقصد نسبة لان الرجل امي. سألو القاضي: يا فلان انت بهروبك تؤكد للمحكمة انك مذنب ((مذنب ولا ما مذنب)) رد الراجل: يا مولانا أنا ما هربته طلعت بي زيارة لي ناس البيت دخلت اشوف بتي لقيتها عيانه عايزة تموت السجن ومرض بتي لخبت لي راسي بدل اطلع للعسكري ارجع معاهو السجن راسي لفه وبدون ما اشعر وأحس طلعت بالباب الخلفي لقيت لي موتر فيسبا ركبتو وراسي دايش الموتر مشي بي اسمع الناس كلها والرادي والتلفزيون والدنيا كلها تقول وتكورك (( فلان هرب فلان هرب فلان هرب فلان هرب فلان هرب فلان هرب)) لما قبضوني وجابوني تاني ..... أصلو انا جون قرن الدنيا كلها ساكاني. حسي الراجل عمل شنو خضرجي وبقي دكتور عشرة سنين . ما ياهو بلدنا رئيسا جزار كم وعشرن سنة الحصل ليهو شنو!!!!!
Post: #8 Title: Re: محن الإنقاذ : (خُضرجي) يعمل طبيباً بمستشفى الجنينة منذ عدة سنوات Author: عباس الدسيس Date: 03-16-2013, 09:49 AM Parent: #7
Quote: لكن زولكـ الخضرجي ده صعبا شوية ..... هسه شوف الدكتور ده .... يأخ حاجه صعبة خلاس ...
جيمي سلام يا وجيه أعتقد الراجل مفروض بعد كده ادوهو شهادة راسا عديل عشرة سنين كافية لخبرة وهذا يدل علي انو المعاهو ناس وهم من الاطباء اتخيل بالله خضرجي قاعد في الميز وبناقش في امور طبية مع اطباء دارسين لفترة زمنية بالسنين وما يكتشفوهو ... احتمال الراجل مدعوم من المؤتمر الوطني
Post: #9 Title: Re: محن الإنقاذ : (خُضرجي) يعمل طبيباً بمستشفى الجنينة منذ عدة سنوات Author: عباس الدسيس Date: 03-16-2013, 09:55 AM Parent: #8
Quote: وحاجات الدكاترة القميصة ديك
جمال سلام انت قايل قطعت البطيخه بتاعت حمرا ولا بيضاء بالسكين هينه الراجل كمان عندو خبرات ضربت اليد لا كتشاف البطيخة نيه و ل نجيضة سكب كل خبراتو في مجال الخضار بمهنة الطب ممكن اعرفك عندك نفاخ و ل طوحال بضربة يد وأهو مشت معاهو تلقي حسي ما اكتشفو الي بعد عمل شكله مع المدير الطبي أو مدير المستشفي في قروش العون الذاتي اصلو الشلاقة والطمع بجيب اجل الزول بعد عشرة سنين الانسان طموح الراجل عايز اكون وزير صحة ولائي ليه لا ما دام بلد ########ه هايصة.
Post: #10 Title: Re: محن الإنقاذ : (خُضرجي) يعمل طبيباً بمستشفى الجنينة منذ عدة سنوات Author: عزان سعيد Date: 03-16-2013, 10:30 AM Parent: #9
السلام يا عباس أنا كنت في الجنينة والمعلومات التي أوردتها الإنتباهة مغلوطة الطبيب المزعوم لم يصمد أكثر من يومين في غرب دارفور.. من حظه العاثر أنه نزل في الميز وكان في الميز إثنين من خريجي طب جوبا الذي إنتسب له عندما شك فيه الزملاء أخضعوه لأسئلة بسيطة كشفته فقد إدعى مثلا أنه عندما عمل في تشاد كانوا يعالجون الإيدز بالسيفترايكسون وهو مضاد حيوي بعد ذلك قام الزملاء فورا بتبليغ السلطات الوسط الطبي صعب إختراقه من شخص غير ملم إلا في حالات نادرة
Quote: والزام الجميع بتوثيقها من التعليم العالي فيه حل للمعضلة دي ..
الأخ جمال للأسف الشديد فإن كلا الشهادتي المزورتين تم توثيقهما من التعليم العالي والخارجية مما دعى بجهاز الأمن لترحيل المتهم للخرطوم نظرا لخطورة الأمر
