Post: #1 Title: وفي ابييدجان مالو جا والهلال فنان مالو ما جا Author: khaleel Date: 03-16-2013, 06:19 AM
وبدا الهلال مشوار الصعود كالعادة لدور الثمانية
Post: #2 Title: Re: وفي ابييدجان مالو جا والهلال فنان مالو ما جا Author: khaleel Date: 03-16-2013, 06:20 AM Parent: #1
غارزيتو
لو سمحت العب باربعة مدافعين
عشان الانفرادات ما تحصل
Post: #3 Title: Re: وفي ابييدجان مالو جا والهلال فنان مالو ما جا Author: khaleel Date: 03-16-2013, 06:21 AM Parent: #2
ترواري
سجل قون خارج الديار
عشان تكون زي سادومبا
Post: #4 Title: Re: وفي ابييدجان مالو جا والهلال فنان مالو ما جا Author: khaleel Date: 03-16-2013, 06:22 AM Parent: #3
مهند لا تلعب الباصات الغلط
والتي تشكل هجمات معاكسة خطيرة
Post: #5 Title: Re: وفي ابييدجان مالو جا والهلال فنان مالو ما جا Author: khaleel Date: 03-16-2013, 06:23 AM Parent: #4
مساوي دير بالك
تري
Post: #6 Title: Re: وفي ابييدجان مالو جا والهلال فنان مالو ما جا Author: khaleel Date: 03-16-2013, 06:24 AM Parent: #5
اعتقد الفريق ليس في قوة اسيك وافريكان اسبورت
نامل ان يعود الهلال بنتيجة مريحة
Post: #7 Title: Re: وفي ابييدجان مالو جا والهلال فنان مالو ما جا Author: khaleel Date: 03-16-2013, 06:25 AM Parent: #6
Post: #8 Title: Re: وفي ابييدجان مالو جا والهلال فنان مالو ما جا Author: فايزودالقاضي Date: 03-16-2013, 06:26 AM Parent: #5
رجعنا للعرض السنوى لتأكيد الصفر الدولي
الهلال اوفر حظاً من المريخ ..
سلامات ياخليل ..
Post: #9 Title: Re: وفي ابييدجان مالو جا والهلال فنان مالو ما جا Author: khaleel Date: 03-16-2013, 06:29 AM Parent: #8
Quote: رجعنا للعرض السنوى لتأكيد الصفر الدولي
الهلال اوفر حظاً من المريخ ..
سلامات ياخليل ..
هلا يا فايز القاضي
والله تعبنا واحترنا زاتو
عليك الله كان اسهل من بطولة السنة الفاتت
Post: #10 Title: Re: وفي ابييدجان مالو جا والهلال فنان مالو ما جا Author: khaleel Date: 03-16-2013, 06:33 AM Parent: #9
يستهل هلال السودان المارد الازرق مشواره الافريقي امام مضيفه العاجي فريق سيو سبورت في الساعة السادسة والنصف من مساء اليوم بتوقيت السودان الثالثة والنصف بتوقيت ابيدجان في ذهاب حساب الدور الاول للاندية ابطال افريقيا في المقابلة التي تجمع الفريقين بملعب روبرت سامبو حيث تسلح ابطال الهلال بالعزيمة والاصرار لتحقيق نتيجة ايجابية في بداية المشوار الافريقي بعد ان اكمل العدة والعتاد للمنازلة الافريقية المهمة التي تحفز فرسان الازرق للخروج منها بنتيجة ترضي تطلعات قاعدتهم الجماهيرية العريضة التي تقف مع سفير الكرة السودانية بالدعوات الصالحات لاجل اسعاد جماهير الشعب السوداني. الهلال يختتم استعداده عصر الامس بروح معنويه عالية:
. اختتم الهلال استعداده لمبارة اليوم بمران قوي وساخن عصر امس بملعب استاد روبرت شامبيو شهد تألقا جماعيا لنجوم الفريق الذين ادوا مرانا بروح معنوية عالية تؤكد جاهزيتهم البدنية والنفسية للمباراة حيث وضح ان المدرب سيدفع بنفس التشكيلة التي خاض بها مباراة المريخ والتي تتكون من المعز محجوب في حراسة المرمى وسيف مساوي وعبدالرحمن كايا-عبداللطيف بويا-ثلاثي دفاع امامهم مهند الطاهر وبشه وفي الوسط نزار حامد وعمر بخيت واكانقا وفي المقدمه الهجومية تراوري وكاريكا
بعثة الهلال تتحرك قبل ساعتين لملعب المباراة
تقرر ان تتحرك بعثة فريق الكرة بالهلال قبل ساعتين من موعد المباراة اي الساعة الواحدة ظهرا بتوقيت السودان من الفندق في طريقها للملعب وستقدمها عربة شرطة نسبة لانشغال الدراجات البخارية مع رئيس ساحل العاج بامور سياسية.
اكانقا يتخلف باديس ابابا للمشاركة مع منتخب غينيا
منحت بعثة الهلال الادارية محترف الفريق الغيني اكانقا الاذن بالتخلف بالعاصمة الاثيوبية اديس ابابا للمغادرة لغينيا للمشاركة مع منتخب بلاده في التصفيات الافريقية ويعود بعدها لمواصلة مشواره مع فريقه الهلال.
Post: #11 Title: Re: وفي ابييدجان مالو جا والهلال فنان مالو ما جا Author: عادل الباهي عبدالرازق Date: 03-16-2013, 07:04 AM Parent: #10
دعواتنا مع سيد البلد اليوم في الخروج بنتيجة تريحهو في مباراة المقبرة وقلوبنا مع أبناء المريخ غدا فالكل يلعب بأسم السودان .
هل هناك أمكانية لنقل المباراة مباشرة وعلي أي قناة ؟
خليل سلام يغشاك
Post: #12 Title: Re: وفي ابييدجان مالو جا والهلال فنان مالو ما جا Author: khaleel Date: 03-16-2013, 07:14 AM Parent: #11
Quote: دعواتنا مع سيد البلد اليوم في الخروج بنتيجة تريحهو في مباراة المقبرة وقلوبنا مع أبناء المريخ غدا فالكل يلعب بأسم السودان .
هل هناك أمكانية لنقل المباراة مباشرة وعلي أي قناة ؟
خليل سلام يغشاك
صباحو عادل الباهي
هناك محاولات من الشروق لنقل المباراة وكتبت لمحمد خير مدير الشروق في الفيس بوك
وفي انتظار الرد
Post: #13 Title: Re: وفي ابييدجان مالو جا والهلال فنان مالو ما جا Author: khaleel Date: 03-16-2013, 07:54 AM Parent: #12
غارزيتو يكشف خطة منافسه العاجي ويحذر :
. كشف المدير الفني للهلال مستر غارزيتو الخطه التي سيلعب بها منافسه والتي شاهدها من خلال تسجيل مباراته مع اسيك حيث وضح انه يلعب بطريقة 4-1-4-1 والتي تعتمد على اربعة في الدفاع امامهم رقم 19 كلاعب ارتكاز مهمته تغطية اخطاء الدفاع ومتابعة الكرة الساقطة ورباعي الوسط يضم اثنين بالارقام 24-10 الاول يتميز بالتهديف القوي من كل المساحات والثاني مهمته صناعة اللعب ويشبه في ادائه سيدي بيه كما شببه غارزيتو وريبيرو البرازيلي الذي كان يلعب في الهلال كما وصفه المعلم خالد بخيت يضاف لهؤلاء المهاجم الوحيد الذي يرتدي الرقم 24 ويتميز بالمراوغة المجدية والتهديف القوي واستغلال اخطاء المدافعين
دكتور حسن يعلن عن جائزتين لافضل نجمين باسم الراحلين سعد وصديق :
.اعلن الدكتور حسن على عيسى رئيس بعثة الهلال عن تقديم جائزتين ماليتين لافضل نجمين من الهلال في مباراة اليوم وقد اكد الدكتور ان الجائزتين ستقدمان باسم الراحلين صديق ابوادريس وسعد حسب الرسول مشيرا الى انه قصد من هاتين الجائزتين تحفيز نجوم الفريق لاداء افضل يقودهم لتحقيق نتيجة ايجابية تسهم في ترقي الفريق للمرحلة التالية اضافة لاحياء ذكرى فقيدي الهلال صديق وسعد اللذان كانا من كبار مشجعي الهلال
سنكارا يتخلف ببوركينا فاسو:
منح المعلم خالد بخيت مدافع الفريق المحترف سنكارا اذنا بالتخلف ببلاده بسبب امتلاء صفحات جواز سفره واستخراج اخر جديد يذكر ان بعثة الهلال ستغادر ابيدجان صباح الغد عبر بوركينا فاسو التي ستقضي بها ساعه ونصف انتظارا ومن ثم المغادرة الى اديس ابابا والانتظار بها ثماني ساعات والمغادرة للخرطوم وقد منح اللاعب اذنا لمدة ثلاثة ايام فقط
Post: #14 Title: Re: وفي ابييدجان مالو جا والهلال فنان مالو ما جا Author: الفاتح شلبي Date: 03-16-2013, 08:18 AM Parent: #11
الهلالابي الغيور خليل
تحياتي ,,,
بالتوفيق لهلال الملايين فى مباراته اليوم وتمنياتنا التوفيق للمريخ يوم غد
وهل من جديد حول نقل المباراة يا جماعة؟
ود القاضي
عايزين عام 2013 يكون عام نضيف نشجع من يلعب باسم السودان ... إيه رأيك ؟
Post: #15 Title: Re: وفي ابييدجان مالو جا والهلال فنان مالو ما جا Author: khaleel Date: 03-16-2013, 08:22 AM Parent: #14
Quote: الهلالابي الغيور خليل
تحياتي ,,,
بالتوفيق لهلال الملايين فى مباراته اليوم وتمنياتنا التوفيق للمريخ يوم غد
وهل من جديد حول نقل المباراة يا جماعة؟
سلامات يا الفاتح
والله منتظرين الرد من مدير قناة الشروق
لكن شايف ناس قون قالو غير منقولة
Post: #16 Title: Re: وفي ابييدجان مالو جا والهلال فنان مالو ما جا Author: khaleel Date: 03-16-2013, 10:04 AM Parent: #15
هذا هو رابط قناة ساحل العاج الرياضيه ولكن لاادرى هل ستنقل القاء ام لا:
Post: #17 Title: Re: وفي ابييدجان مالو جا والهلال فنان مالو ما جا Author: فايزودالقاضي Date: 03-16-2013, 10:20 AM Parent: #16
الفاتح شلبي ...سلامات ياحبيب ..
Quote: ود القاضي
عايزين عام 2013 يكون عام نضيف نشجع من يلعب باسم السودان ... إيه رأيك ؟
جمال السنوسي لو شجع المريخ انا ماعندي مانع اشجع الهلال في حالة النصر لكن لو اتغلب دي حاجة تانية ..
Post: #18 Title: Re: وفي ابييدجان مالو جا والهلال فنان مالو ما جا Author: وليد عبد اللطيف Date: 03-16-2013, 10:25 AM Parent: #17
تمنياتنا لهلال الملايين الفوز يا خلي واي فريق يلعب باسم السودان
Post: #19 Title: Re: وفي ابييدجان مالو جا والهلال فنان مالو ما جا Author: khaleel Date: 03-16-2013, 10:33 AM Parent: #18
Quote: تمنياتنا لهلال الملايين الفوز يا خلي واي فريق يلعب باسم السودان
بالتوفيق للقمة يا وليد
في المشوار الافريقي
Post: #20 Title: Re: وفي ابييدجان مالو جا والهلال فنان مالو ما جا Author: khaleel Date: 03-16-2013, 10:38 AM Parent: #19
وضع الفرنسي غارزيتو ثقته في نفس تشكيلة مباراة القمة الاخيرة فيما عدا الدفع بجمعة جينارو بديلاً للمعز محجوب وضمت التشكيلة كل من :
جمعة جينارو في حراسة المرمى , عبد اللطيف بوي , سيف مساوي , عبدالرحمن كايا , نزار حامد , عمر بخيت , مهند الطاهر , بشه , ايكانغا , مدثر كاريكا و محمد تراوري
Post: #22 Title: Re: وفي ابييدجان مالو جا والهلال فنان مالو ما جا Author: khaleel Date: 03-16-2013, 10:44 AM Parent: #20
يتيح موقع الهلال الالكتروني خدمة مباشر لنقل مباراة الهلال وسيو سبورت العاجي في مستهل مشواره الافريقي ببطولة الاندية الابطال والتي يتربع الفريق على عرش النادي الاكثر مشاركة بها متفوقاً علي النادي الاهلي المصري .
اكتملت كافة الاستعدادات حالياً للنقل الاخباري المباشر نسبة لتعثر نقل المباراة تلفزونياً واذاعياً ….. تابعو الاخبار المباشرة والعاجلة من موقع الحدث فقط عبر موقع الهلال الالكتروني .
و اختتم الهلال استعداده لمبارة اليوم بمران قوي وساخن عصر امس بملعب استاد روبرت شامبيو شهد تألقا جماعيا لنجوم الفريق الذين ادوا مرانا بروح معنوية عالية تؤكد جاهزيتهم البدنية والنفسية للمبا
Post: #21 Title: Re: وفي ابييدجان مالو جا والهلال فنان مالو ما جا Author: امير طمبل Date: 03-16-2013, 10:44 AM Parent: #19
من الصعب ان نتوقع تغييراً فى شكل التنظيم الدفاعى الذى يخوض به المدرب غارزيتو المباريات وان كنا نتمنى ان يشرك اربعة لاعبين فى الخط الخلفى باضافة سنكارا الى الثلاثى مساوى وبويا وكايا. لاعبى الوسط بقيادة عمر بخيت ونزار وايكانغا نتمنى ان يكونوا فى افضل حالاتهم خصوصاً وان السيطره على منظقة الوسط واغلاق المنافذ سيلعب دوراً اساسياً فى السيطره على المباراه. الحارس المعز يملك خبرة واسعه فى مثل هذه المباريات ونحتاج منه الى الابتعاد عن التهور والخروج الخاطئ لأن الاخطاء ستكلفنا غالياً. منح الغزال الحريه فى الحركه واستغلال مهاراته فى الاحتفاظ بالكره واللعب بهدوء سيعطينا الافضليه ان كان فى يومه. تراورى وكاريكا وسانيه وبكرى مهاجمين من العيار الثقيل والابتعاد عن الانانيه والتسرع سيجعل الهلال قادراً على بلوغ مرمى المنافس العاجى. تشكيلة مناسبه والقيام بالادوار المطلوبه والتعامل مع المباراه بهدوء وتركيز سيكون باذن الله مفتاح الهلال لاحراز نتيجة جيده. كلنا خلفك ياهلال الملايين. الهلال وبس....
Post: #23 Title: Re: وفي ابييدجان مالو جا والهلال فنان مالو ما جا Author: امير طمبل Date: 03-16-2013, 10:49 AM Parent: #21
الهلال بالابيض وسيوي بالازرق .. و رئيس البعثه يجتمع باللاعبين شهدت مكاتب الاتحاد المحلي لكرة القدم بابدجان الاجتماع التقليدي لمباراة الهلال وسيوسبورت في السادسه من مساء امس بتوقيت ساحل العاج التاسعه بتوقيت السودان حيث اتسم الاجتماع بروح المودة والاخاء بحضور دكتورحسن على عيسى والعقيد حسن محمد صالح ومحمد عثمان الكوارتي من جانب الهلال ومندوبين من نادي سيو العاجي وحكام المباراة المصريين ومراقبها الغيني الذي ترأس الاجتماع الذي تقرر من خلاله ان يرتدي الهلال الابيض الكامل على ان يرتدي سيوسبورت الازرق الكامل وتوصل الى خلو الفريقين من البطاقات الملونه ووضعت كافة الترتيبات الامنيه والفنيه والاداريه المتعلقه بالمباراة. من جانبه اكد الدكتور حسن على عيسى في الاجتماع ان الرياضه اساسها الاخاء والمحبة وانهم اتوا الى هذه المدينة يحملون رسالة تواصل من الشعب السوداني لشقيقه العاجي هذا وقد عقد الدكتور حسن على عيسى رئيس بعثة الهلال اجتماعا مع نجوم الفريق مساء امس مطالبا بالظهور المشرف والاداء المسؤول في مباراة اليوم مؤكدا ان جماهير الهلال المنتشرة على امتداد بقاع السودان في انتظار خبر سعيد مساء اليوم. وتقرر ان تتحرك بعثة فريق الكرة بالهلال قبل ساعتين من موعد المباراة اي الساعة الواحدة ظهرا بتوقيت السودان من الفندق في طريقها للملعب وستقدمها عربة شرطة نسبة لانشغال الدراجات البخارية مع رئيس ساحل العاج بامور سياسية.
Post: #24 Title: Re: وفي ابييدجان مالو جا والهلال فنان مالو ما جا Author: ديامي Date: 03-16-2013, 10:59 AM Parent: #23
بالتوفيق لهلال الملايين
ومع مبادرة الوقوف صفا واحدا مع اي فريق يمثل السودان
وتشجيع متصل الى نهاية المباراة
Post: #25 Title: Re: وفي ابييدجان مالو جا والهلال فنان مالو ما جا Author: سيف الدولة كامل Date: 03-16-2013, 02:46 PM Parent: #24
سلامات يا هندسة ..
نتمني التوفيق لسيدالبلد والعودة بنتيجة مشرفة .
Post: #28 Title: Re: وفي ابييدجان مالو جا والهلال فنان مالو ما جا Author: khaleel Date: 03-17-2013, 04:58 AM Parent: #25
سيف الدولة مشتاقين
قالو المكتولة ما بتسمع الصيحة
Post: #29 Title: Re: وفي ابييدجان مالو جا والهلال فنان مالو ما جا Author: khaleel Date: 03-17-2013, 05:02 AM Parent: #28
في مباراة غريبة الاطوار:
الهلال يخسر بالاربعة ونجومه يتفننون في اهدار الفرص
خسر الهلال عصر امس مباراته امام منافسه سيوسبورت العاجي باربع اهداف مقابل هدف في مباراة غريبة الاطوار شهدت تدنيا كبيرا للفرقة الهلالية في ربع الساعة الاولى التي شهدت هدفا مبكرا لسيو لخبط حسابات الجهاز الفني الذي اعتمد على الهجوم على حساب الدفاع رغم خطورة منافسه التي شاهدها في اخر تسجيل امام اسيك وقد انتهى الشوط الاول بهذا الهدف ليواصل غارزيتو في نفس الخرمجة في الشوط الثاني فبدلا من الدفع بمدافع رابع لوقف الهجوم العاجي قام بادخال مهاجم ثالث زاد الطين بله واسهم في مواصلة الهجوم على مرمى الهلال الذي اهتزت شباكه ثلاث مرات في الخمسة واربعين دقيقة الثانية واهدر سيو ضربة جزاء ارتكبها مساوي ونال بموجبها كرتا اصفرا وقد احرز تراوري هدف الهلال اليتيم من راسية محكمة مستفيدا من عكسية عمر بخيت واضاع كاريكا هدفا مضمونا في الدقائق الاخيرة كان في الامكان ان يقلص الفارق ويقرب الهلال من تعديل النتيجة في الخرطوم .
Post: #30 Title: Re: وفي ابييدجان مالو جا والهلال فنان مالو ما جا Author: khaleel Date: 03-17-2013, 05:06 AM Parent: #29
المراقب الغيني مندهش لخسارة الهلال
اندهش شريف ديالو المراقب الغيني لمباراة الهلال التي جرت امس للمستوى المتواضع الذي ظهر به الهلال وقال في تصريحات لقوون انه كان يتوقع ان يحقق الهلال نتيجة ايجابية في هذه المباراة خاصة وهناك فوارق وخبرات تفصل بين الفريقين حيث ظل الهلال في السنوات الماضية يصل لمرحلة متقدمة بعكس منافسه الذي لايتمتع بخبرات كبيرة في المنافسات الافريقية رغم الامكانيات الكبيرة التي يتمتع بها نجومه.
نقاط من المباراة
خمسة فرص لسيو سبورت مقابل فرصة واحدة للهلال في الشوط الاول
مدافعو سيو لعبوا بخشونة مع مهاجمي الهلال خاصة تراوري الذي يعتبر نجم المباراة رغم الخسارة بجانب بشة وسيف مساوي
اجرى الهلال ثلاث تبديلات في الشوط الثاني بخرج بويا وادخال سنكارا ثم خروج مهند وحل محله سانييه وخرج عمر مصابا وحل محله معاوية فداسي
ثلاثة كروت ملونة نالها ثلاثة من نجوم سيو سبورت
بشة ينقذ في الشوط الاول هدفا كان في طريقه الى المرمى الهلالي
جمعة لم يكن موفقا خلال الـ 90 دقيقة
شاهد المباراة سودانيان فقط هما ايمن محمد محمود وسامح خليل
Post: #27 Title: Re: وفي ابييدجان مالو جا والهلال فنان مالو ما جا Author: khaleel Date: 03-17-2013, 04:56 AM Parent: #24
ديامي
سلامات
راح الميعاد وزماني راح والجرح لا نام لا استراح
Post: #26 Title: Re: وفي ابييدجان مالو جا والهلال فنان مالو ما جا Author: khaleel Date: 03-17-2013, 04:50 AM Parent: #21
Quote: من الصعب ان نتوقع تغييراً فى شكل التنظيم الدفاعى الذى يخوض به المدرب غارزيتو المباريات وان كنا نتمنى ان يشرك اربعة لاعبين فى الخط الخلفى باضافة سنكارا الى الثلاثى مساوى وبويا وكايا. لاعبى الوسط بقيادة عمر بخيت ونزار وايكانغا نتمنى ان يكونوا فى افضل حالاتهم خصوصاً وان السيطره على منظقة الوسط واغلاق المنافذ سيلعب دوراً اساسياً فى السيطره على المباراه. الحارس المعز يملك خبرة واسعه فى مثل هذه المباريات ونحتاج منه الى الابتعاد عن التهور والخروج الخاطئ لأن الاخطاء ستكلفنا غالياً. منح الغزال الحريه فى الحركه واستغلال مهاراته فى الاحتفاظ بالكره واللعب بهدوء سيعطينا الافضليه ان كان فى يومه. تراورى وكاريكا وسانيه وبكرى مهاجمين من العيار الثقيل والابتعاد عن الانانيه والتسرع سيجعل الهلال قادراً على بلوغ مرمى المنافس العاجى. تشكيلة مناسبه والقيام بالادوار المطلوبه والتعامل مع المباراه بهدوء وتركيز سيكون باذن الله مفتاح الهلال لاحراز نتيجة جيده. كلنا خلفك ياهلال الملايين. الهلال وبس....
ما سمعك يا طمبل ووقعت الواقعة
صباحك خير
Post: #31 Title: Re: وفي ابييدجان مالو جا والهلال فنان مالو ما جا Author: المعز ادريس Date: 03-17-2013, 05:24 AM Parent: #26
كفارة يا جماعة باين سنة بايظة يا خليل, نرجى الجاية!
يعني باستثناء بوي نلقى كل مدافع عامل مصيبة و برضو تقولوا عايزين أربعة مدافعين؟! هسع غارزيتو دا مش كتر خيره الخلاهم تلاتة؟!
دي نتيجة (مريحة) كما تمنيت في بداية البوست يا خليل بس ما الراحة المنشودة و إنما الراحة البتخلينا نقنع من هسة و ما نقعد نحسب و نضرب في المستحيل لأنه كورة أم درمان من هسة أقول ليك 2\1 للهلال!
Post: #32 Title: Re: وفي ابييدجان مالو جا والهلال فنان مالو ما جا Author: khaleel Date: 03-17-2013, 05:28 AM Parent: #31
Quote: كفارة يا جماعة باين سنة بايظة يا خليل, نرجى الجاية!
يعني باستثناء بوي نلقى كل مدافع عامل مصيبة و برضو تقولوا عايزين أربعة مدافعين؟! هسع غارزيتو دا مش كتر خيره الخلاهم تلاتة؟!
دي نتيجة (مريحة) كما تمنيت في بداية البوست يا خليل بس ما الراحة المنشودة و إنما الراحة البتخلينا نقنع من هسة و ما نقعد نحسب و نضرب في المستحيل لأنه كورة أم درمان من هسة أقول ليك 2\1 للهلال!
عزو صباحك خير
عليك الله تتذكر اخر مرة الهلال طلع من ال 32 متين
غايتو عجوز النحس بالغ
Post: #33 Title: Re: وفي ابييدجان مالو جا والهلال فنان مالو ما جا Author: طلحة عبدالله Date: 03-17-2013, 09:47 AM Parent: #32
يا أبو الخل ياخ اتا بعدما بطلت تفتح بوستات زي دي قبل كورة الهلال رجعت تاني لوجع القلب دا .. ؟
Post: #34 Title: Re: وفي ابييدجان مالو جا والهلال فنان مالو ما جا Author: haroon diyab Date: 03-17-2013, 01:07 PM Parent: #33
هاردلك ياهندسة
وهلال الملايين قادر علي العودة في امدرمان
Post: #36 Title: Re: وفي ابييدجان مالو جا والهلال فنان مالو ما جا Author: khaleel Date: 03-17-2013, 02:35 PM Parent: #34
Quote: هاردلك ياهندسة
وهلال الملايين قادر علي العودة في امدرمان
اعتقد صعب يا هارون
Post: #35 Title: Re: وفي ابييدجان مالو جا والهلال فنان مالو ما جا Author: khaleel Date: 03-17-2013, 02:33 PM Parent: #33
Quote: يا أبو الخل ياخ اتا بعدما بطلت تفتح بوستات زي دي قبل كورة الهلال رجعت تاني لوجع القلب دا .. ؟
يا طلحة بطلنا التبو وبقينا بتاعين نصائح
لكن غارزيتو ما سمعنا
Post: #37 Title: Re: وفي ابييدجان مالو جا والهلال فنان مالو ما جا Author: عبد الله فقير Date: 03-17-2013, 09:02 PM Parent: #35
ياهندسة سلامات احسن طريقة لتشجيع الهلال انك تأمل في ضعف الخصم ليييييه لانو بي بساطة الببني امالو علي مستوي الهلال بقابض في الموية تعرف ياهندسة لقيت لي طريقة غريبة اشجع بيها الهلال بدون ما احرق اعصابي بقيت امشي ابحت عن الخصم اللاعب ضدو الهلال واتوقع لي حاجة بناء علي المعطيات العندي عن الخصم ( غالبا بكون في حاجة ثابتة تقدر تبني عليها توقعاتك ) لامن اجي احضر الكورة بكون بكون حاضرة بي نص انفعال كدة وبعد دة بحرق دمي الهلال قصر عمرنا ياخ هاردلك ياحبيب
Post: #38 Title: Re: وفي ابييدجان مالو جا والهلال فنان مالو ما جا Author: Hamad Hamad Date: 03-18-2013, 03:00 AM Parent: #26
جايين ليه ما يشتغلوا سماكة هناك ويريحونا من العك الكروى يا خليل
