|
الحضرى قبض دولارات الوالى ويغادر للقاهرة
|
Quote: ربما فقده الاحمر امام الانجولي .. الحضري يبعثر اوراق الكوكي ويغادر الى القاهرة
لمعاودة والدته المريضة اليوم 12:09 AM الخرطوم / اسماعيل مخاوي / يغادر الخرطوم في الساعات القليلة القادمة الحارس عصام الحضري وذلك للاطمئنان علي صحة والدته المتواجدة بالمستشفي والتي قرر الاطباء اجراء عملية حراحية لها غدا او بعد غد واخطر الحضري الجهاز الفني ودائرة الكرة بذلك وسمح له المدير الفني محمد عثمان الكوكي بالسفر من اجل الاطمئنان علي صحة والدته وبهذا تأكد ان الحضري لن يسافر مع بعثة المريخ المغادرة الي انجولا يوم غد متوجهة الي العاصمة الانجولية لواندا لمقابلة ريكرياتيفو لوبوبو الانجولي بطل انجولا في دور الـ16 لبطولة ابطال افريقيا ولم يحدد الحضري فترة اقامته بالعاصمة المصرية القاهرة وهل سيلتحق ببعثة المريخ ام لا ، الا بعد الاطمئنان علي صحة والدته المريضة ومن جانبه قال الحضري انه بدا متأثرا بالحالة الصحية لوالدته حتي لاحظ كل اللاعبين والجهاز الفني ومدرب الحراس هشام السيد الحالة النفسية السيئة التي كان عليها الحضري قبل واثناء المباراة حتى سأله مدرب الحراس الا انه فضل اداء مباراة القمة ومن ثم المغادرة |
|
|
|
|
|
|
|
|
Re: الحضرى قبض دولارات الوالى ويغادر للقاهرة (Re: الحاج حمد الحاج)
|
يبقى التقصير من مجلس إدارة المريخ
طالما هو لاعب محترف لازم يكون ملزم بعقد ومن حقهم يجيبوه غصباً عن عين اللي خلفوه _ ( ما لم ) يكون عايز منهم قروش ! حسب معرفتي بالمصريين، عندهم حاجة ممكن يقيفوا فيها معاك ألِف أحمر . قطع الأعناق ولا قطع الأرزاق .
الحضري مش قاعد يتدلّع كده _ بإعتبار إنو لاعب عندو تأريخ كويس ؟ خليهم يدوهو قروشو على داير المليم وشوف لو عمل حركات تاني . وحتى لو عمل أي حركة تبقى دي مشكلة إدارية ما عندها علاقة بمشجعين أو جماهير ونحن المريخاب ديل . هسه هيثم مصطفى ده 17 سنة بلعب في الهلال وأيّ كورة غلبنا فيها الهلال كان هو سبب رئيس فيها . وبعد 17 سنة هسه بنشجعوا عادي عشان هو الآن لاعب في فريق المريخ . هسه أنا في لاعبين تلاتة عايزهم في المريخ من جوة قلبي وإنشاء الله بكرة يقولوا الهلاب الأحمر ! المشكلة وين ؟ ولو عشرين لاعب من المريخ مشوا الهلال _ فليذهبوا _ فهم يستبدلون الذي أعز بالذي أذل _ وهم ساهي :)
| |
|
|
|
|
|
|
Re: الحضرى قبض دولارات الوالى ويغادر للقاهرة (Re: الحاج حمد الحاج)
|
Quote: هسه علاقة العنوان ده بي الكلام الجوة شنو ؟
محبتي يا حبيب |
حباب حبيب نورة غايتو العلاقة الشايفة انو بعد قبض المعلوم يلتتزم بالعقد ولا ماهو كدى الحضرى لاعب محترف عندما اخل المريخ بالعقد غادر السودان على وجه السرعة طيب عندما قام المريخ بواجبه سبب واحد يخليه يسافر مافى والا اصلا جاى يقبض دولارات الوالى ويسافر
| |
|
|
|
|
|
|
Re: الحضرى قبض دولارات الوالى ويغادر للقاهرة (Re: عبد المنعم سيد احمد)
|
Quote: العميد اغلق هاتفه اليوم 09:23 AM كفر ووتر /موسي مصطفي تخلف كابتن المريخ فيصل العجب عن مرافقة بعثة المريخ التي غادرت في الخامسة والنصف من صباح اليوم الى اديس ومنها الى ساحل انجولا وتفاجأت ادارة النادي بعدم حضور اللاعب في الموعد المحدد وقام مدير الكرة المهندس محمد موسي بالاتصال بكابتن المريخ ووجد هاتفه مغلقا لتضطر البعثة المغادرة بدون اللاعب , كما تخلف ايضا اللاعب احمد الباشا..فيما لم يغادر مع البعثة مباشرة الى اديس الحارس الحضري باذن من الكوكي ليعتمد المريخ على الحارس يس فقط الى حين انضمام الحضري الى البعثة يجدر ذكره ان المريخ قد غادر الى تونس بدون مدرب احمال بعد سفر وسيم الى بلاده بعد انهاء تعاقده امس |
مرحبتن سيف الدين طلع ما الحضرى براهو اهو اكرم والعجب والباشا كلهم تمردوا باقيلك الوالى بدفع تانى وله حايشوف الموضوع بقى فوضى وحايرفع يدو واليحصل يحصل بالمناسبة سافر حارس المرمى يسن فقط مع البعثة بالله دى ماياها الفوضى زاته
| |
|
|
|
|
|
|
Re: الحضرى قبض دولارات الوالى ويغادر للقاهرة (Re: عبد المنعم سيد احمد)
|
Quote: يبقى التقصير من مجلس إدارة المريخ
طالما هو لاعب محترف لازم يكون ملزم بعقد ومن حقهم يجيبوه غصباً عن عين اللي خلفوه _ ( ما لم ) يكون عايز منهم قروش ! حسب معرفتي بالمصريين، عندهم حاجة ممكن يقيفوا فيها معاك ألِف أحمر . قطع الأعناق ولا قطع الأرزاق .
الحضري مش قاعد يتدلّع كده _ بإعتبار إنو لاعب عندو تأريخ كويس ؟ خليهم يدوهو قروشو على داير المليم وشوف لو عمل حركات تاني . وحتى لو عمل أي حركة تبقى دي مشكلة إدارية ما عندها علاقة بمشجعين أو جماهير ونحن المريخاب ديل . هسه هيثم مصطفى ده 17 سنة بلعب في الهلال وأيّ كورة غلبنا فيها الهلال كان هو سبب رئيس فيها . وبعد 17 سنة هسه بنشجعوا عادي عشان هو الآن لاعب في فريق المريخ . هسه أنا في لاعبين تلاتة عايزهم في المريخ من جوة قلبي وإنشاء الله بكرة يقولوا الهلاب الأحمر ! المشكلة وين ؟ ولو عشرين لاعب من المريخ مشوا الهلال _ فليذهبوا _ فهم يستبدلون الذي أعز بالذي أذل _ وهم ساهي :) |
والله ياحبيب ممكن نتفق مع كلامك الفوق ده ماعدا فقرة الاعز والاذل دى فدى مقلوبة تب سيظل الهلال هو البطل دائما وستظلوا تهونه رغم الوصافة ههههههه الله يعينكم
| |
|
|
|
|
|
|
Re: الحضرى قبض دولارات الوالى ويغادر للقاهرة (Re: عبد المنعم سيد احمد)
|
Quote: سلااااام يا شباب هو ذااااااااااااااتو نحن الحضرى دا جبناهو عشان كدة
العقد معاهو كدة
يلعب يمشى المطار يسافر القاهرة وتانى مباراة من المطار للاستاد وبالعكس
مش لاعبنا وعلى كيفنا؟؟
انتو زعلانين مالكم؟؟؟ |
اهلين هاشم والله شكلكم مامتفقين معاه على هذا ياخى ده وصلتوا مطار القاهرة فتح فيكم نيران تقيلة لولا دولارات الوالى لما عاد نهائيا اها اسة قبض وسافر تانى انتوا قولوا بيلعب معانا بالقطعة بنصدقكم جهزوا الدولارات سريع سريع ورسلوها على وجه السرعة والا يوم الاحد تشاهدون يسن يحرس مرمى المريخ بادغال افريقيا
| |
|
|
|
|
|
|
Re: الحضرى قبض دولارات الوالى ويغادر للقاهرة (Re: عبد المنعم سيد احمد)
|
Quote: تقول شنو بس!! تعرف يا هاشم الجماعة ديل زعلانين لأنو عندهم لاعبين دراويش ، لاعبين قونو باك مع الحضري 90 دقيقة و ما قادرين يجيبوا قون! |
لكن دايرنك تطلع النصيحة اذا كان لاعبى الهلال دراويش فما هو الوصف الانسب لاشباح كانت ترتدى شعار المريخ لاتقسو عليهم فهم من يحملون شعار المريخ الان والله اقول ليك حاجة لاتاخذك بهم رافة فقد كانوا ظل للاشباح
| |
|
|
|
|
|
|
Re: الحضرى قبض دولارات الوالى ويغادر للقاهرة (Re: عبد المنعم سيد احمد)
|
منعـم يا أصـيل .. كيف حالك والعيال ? شكـراً لك وأنت ترفض الحال المايل لدي إخوتنا المريخاب .. لكنهم راضون في خنوعٍ عجيب .. ربنا يكون في عونهم دعنا نري ما سيحدث لأكرم الهادي بعد أن تذمر جهرة وكذلك الخلوق العجب وربما الباشا كذلك ..!! الحضري يسافر في أي وقتٍ شاء..لا لوائح ولا ضبط إداري ولا يحزنون .. أما هؤلاء المساكين فلهم الله .. غايتو عايز أقول ليك : ريّح بالك ودعهم في الإهانة يتقلبون ! فما لُجـرح ٍ بمـيّتٍ إيلامُ !!
| |
|
|
|
|
|
|
Re: الحضرى قبض دولارات الوالى ويغادر للقاهرة (Re: Salah Habib)
|
Quote: منعـم يا أصـيل .. كيف حالك والعيال ? شكـراً لك وأنت ترفض الحال المايل لدي إخوتنا المريخاب .. لكنهم راضون في خنوعٍ عجيب .. ربنا يكون في عونهم دعنا نري ما سيحدث لأكرم الهادي بعد أن تذمر جهرة وكذلك الخلوق العجب وربما الباشا كذلك ..!! الحضري يسافر في أي وقتٍ شاء..لا لوائح ولا ضبط إداري ولا يحزنون .. أما هؤلاء المساكين فلهم الله .. غايتو عايز أقول ليك : ريّح بالك ودعهم في الإهانة يتقلبون ! فما لُجـرح ٍ بمـيّتٍ إيلامُ !! |
صديقى الجميل عبد الله سيتمادى هذا الحضرى اكثر واكثر طالما هو فى حماية الوالى بعد ان بدات ادارةالمريخ فى الاتجاه الصحيح للاستغناء عنه فاذا بالوالى وهو خارج المجلس يمارس سلطات ليست له ليعيد المتمرد مرة اخرى سيلعب لهم بالقطعة اذن طالما كانت دولارت الوالى جاهزة عند الطلب
| |
|
|
|
|
|
|
|