لماذا أشركت رمضان عجب في الطرف اليمين عوضاً عن الدفع به في وسط الملعب لمساندة هيثم مصطفى
ومنع لاعبي الهلال من التقدم في ظل سلبية أحمد الباشا
والله أنا ما قادر أفهم البيض ده بعمل في شنو؟؟
Post: #3 Title: Re: حراااااااام عليك يا الكوكي.. Author: khaleel Date: 03-13-2013, 06:45 AM Parent: #2
صاح يا الهادي
اخطاء في تشكيل المريخ
بلة مفروض طرف يمين ورمضان في خط الوسط
راجي مافي داعي ليه وكان يجب ان يبدا بكليتشي والزومة مكان مصعب عمر
Post: #4 Title: Re: حراااااااام عليك يا الكوكي.. Author: محمد عبدالرحمن Date: 03-13-2013, 06:51 AM Parent: #3
الكوكى يجيب ليك المافى ...ياهم لعيبتك ...بعدين هيثم مصطفى دا من شلتو فى كيبوردك دا غلبو اللعب ... ياهدهد الزول اب تفه اللاعب قدام دا ..انت بكرشك دى لو نزلت بتلعب احسن منو ....يتلفت المباراة كلها زى بتاع الحركة .....
Post: #5 Title: Re: حراااااااام عليك يا الكوكي.. Author: شهاب الفاتح عثمان Date: 03-13-2013, 07:02 AM Parent: #4
Quote: صاح يا الهادي
اخطاء في تشكيل المريخ
2 ووهن ضعف وخنوع
Post: #6 Title: Re: حراااااااام عليك يا الكوكي.. Author: Elhadi Date: 03-13-2013, 09:15 AM Parent: #5
Quote: بلة مفروض طرف يمين ورمضان في خط الوسط
خليل إزيك..
المسألة كانت أوضح من الشمس يا خليل ما عارف الزول ده مالو قعد ينظر لينا..
بلة في وظيفتو الأساسية كطرف أيمن، ورمضان في خط الوسط كأنسب لاعب في عناصر المريخ الحاليين للعب إلى جوار هيثم في خط الوسط ومساندته في صناعة اللعب وكذلك لتخفيف الضغط و العبء والحصار عن هيثم
موش زول زي أحمد الباشا يقعد يتكل لينا على هيثم، ومنتظر من هيثم يقوم ليهو بكل حاجة ويمرر ليهو الباصات المريحة عشان هو يجري يجيب الأقوان، وهذه حدثت كثيراً أثناء المباراة من أحمد الباشا، فبدلاً من الاقتراب من هيثم
تجده ينطلق بعيداً على أطراف الملعب، لا تعرفه لاعب وسط لا تعرفه مهاجم صريح.. "جاكسون موانزا" و " راجي" المهاجمين في أحيان كثيرة كانوا بينزل للوسط ويقربوا لهيثم أكثر من الباشا
نفس الطريقة التي أتبعها غارزيتو في الهلال بوجود "مهند" و" ايكانغا" كمحوري صناعة لعب في الهلال، كان على الكوكي أن يتبعها بإشراك هيثم ورمضان عجب في وسط المريخ
ونفس الدور الذي كان يؤديه الغيني "ناراسيس ايكانغا" في الهلال بإرهاق ومشاكسة علاء الدين وأمير في المريخ كان يمكن أن يؤديه وبامتياز رمضان عجب في المريخ بتثبيت نزار حامد وعمر بخيت واتاحة مساحة لهيثم ليلعب فيها
والكلام ده حا يرجعني شوية لي وراء لنقطة فيما يتعلق بتفكير الرجلين "غارزيتو" و "الكوكي" ..
واللي هي أعتقد إنو رغم الهجوم الكثيف من الكثير من جمهور الهلال على غارزيتو لكن الراجل ده تفكيرو سليم 100% خصوصاً فيما يتعلق تثبيت "ايكانغا" كعنصر أساسي ولا غنى عنه في تشكيلة وسط الهلال وده الأدى في النهاية لشطب هيثم من الهلال
مع ان المفاضلة أصلاً لم تكن بين "ايكانغا" و "هيثم" .. "ايكانغا" ثابت في كل الأحوال في تفكير غارزيتو.. المفاضلة كانت بين من يلعب إلى جوار ايكانغا.. هيثم مصطفى أو مهند ؟؟ فأختار غازيتو مهند وأهمل هيثم ..
في المريخ الوضع معكوس وشاذ وغريب وغير مفهوم بالمرة .. فبدلاً أن يكون الوضع أو المعادلة هي من يلعب إلى جوار رمضان عجب: هيثم مصطفى ؟؟ أو أحمد الباشا ؟؟ ..
بقينا في إنو أساس المفاضلة دي زاتو ما فيش.. وبقى الكوكي يلعب "هيثم" و "الباشا" مع بعض :)
وأصبح رمضان عجب المفروض يكون هو " الثابت" و "الأساسي" قبل "هيثم" و "الباشا" بقى هو زاتو في روحو يفتش ليهو في خانة
Post: #7 Title: Re: حراااااااام عليك يا الكوكي.. Author: Elhadi Date: 03-13-2013, 10:10 AM Parent: #6
Quote: الكوكى يجيب ليك المافى ...ياهم لعيبتك ...بعدين هيثم مصطفى دا من شلتو فى كيبوردك دا غلبو اللعب ... ياهدهد الزول اب تفه اللاعب قدام دا ..انت بكرشك دى لو نزلت بتلعب احسن منو ....يتلفت المباراة كلها زى بتاع الحركة .....
محمد عبد الرحمن :)
يازول كرش شنو مالك شايل حسنا ساي..
أنا اللياقة العندي أخير من لعيبة هلال مريخ ديل كلهم، بس انت قول ما شاء الله وما تسحرنا بعينك الحارة دي..
جاكسون موانزا لعاب لكن ما لقى زول يوصل ليهو الكورة.. فحا يعمل شنو أخير ليهو يقعد يتلفت
بعدين أنا مزعلني الكوكي وأصراره على إشراك أحمد الباشا وبعد كل مباراة يجي يقول ليك أحمد الباشا لم يكن في يومه
القصة ما قصة يومه ولا ما يومه.. القصة قصة إنو أحمد الباشا حالياً لا مكان له في تشكيلة المريخ، في ناس أحسن منو
عاوز تشرك أحمد الباشا يبقى يقعد هيثم برة، وما دام هيثم لاعب "وهو أفضل من الباشا حقيقة" يبقى الباشا يقعد برة.. معادلة سهلة جداً
أما تلعبهم الاتنين مع بعض، فالفرق شنو بين أحمد وحاج أحمد ؟؟
