غايتو يامريخاب الله مرقكم..مطلوب حضور تمبس وود البشري

سيطره هلاليه كامله

لعب ممرحل
وثقه كامله للدفاع
وسط مقنع في الاستلام والتمرير والدفاع عند الفقد
وهجوم مشاكس وسريع

اكثر من اربعه فرص مضمونه
وفق الحظ فيها المريخ ولا ننكر براعة الحضري كذلك من باب الانصاف
ولو كان اكرم موجودا لكان الكرم كثيرا جدا

هلا يا دكتور ومبروك الأداء و المحافظة على الفارق
اكتر واحد مستفيد من الكورة هو الحضري, بعد دا كان قال يعملوا ليه تكرة مفتوحة وهو يختار يجي متين ما فيهم ود مقنّعة بقدر يقول ليه حاجة
وأكرم الله كريم عليه تاني

هندسه ازيك
وشكرا ليك للحضور
والليله خلينا نتفسح في الفارات ديل ياخ
تعرف اخوك كل ما مهند ولا تراوري يشوت ارفس..ولدي قال يا ابوي انت مالك بتسوي كده ههههههههههههههههههههه

ولا ننسي كذلك حضور الصديق صبري طه الشهير بي مغالطه عشان يجي يوري الجماعه ديل شعاع

ولا يفوتني في هذه السانحه ملاحظة اختفاء الصديق ود البشاري والذي حاول ايجاد مخارجه لازمته الباينه بفتح بوست بعنوان دافوري

لا ما بتحتاج صبري
الوصيفاب مافي زول فيهم بغالط مقتنعين
واسي تلقاهم متكيفين من الوالي عشان دفع للحضري
ياخ لكن نزار دا مش ببالغ

تعرف يا هندسه لو كان دخلها الكيس كان عاش عليها تمنتاشر سنه كده
بس نقول شنو
غايتو رتينزتهم قويه

هلا يا دكتور يا فردة ...

المردود الضعيف لوسط المريخ أدّى لسيطرة الهلال على الملعب بالكامل ...

لمّا أقول هيثم مُصطفى زمنو فات وغنّايو مات ما من فراغ .. حتى لو لعب لعبة لعبتين بالكعب وشنو ما عارف .. الكُرة الحديثة بتعتمد على المجهود الجماعي والرجوع لاستخلاص الكُرة وتضييق المساحات ...

ولو دامت لدامت لمارادونا .. التمّاها في نهاية مشوارو مُنشّطات ...




ـــــــ
بالمُناسبة يا دكتور عندك فكرة في الدوري السوداني في كشف للمُنشطات ولاّ لا ؟

صبري يادفعه
ياخ بركه الجيت
سمح انت وبسكويت او كما غنت غرزه ذات مساء ماطر هههههههههههه
هيثم ده انا واحد من الناس اصلو ما ردتو
وبوريك بعد شويه ليه
لكن جماعتك الا يكرمو غايتو
ياخ الطعميه دي سمحه خلاس لوووووووول

Quote: بالمُناسبة يا دكتور عندك فكرة في الدوري السوداني في كشف للمُنشطات ولاّ لا ؟

يا صبري
ياريت يكون فى لأنو من المستحيل واحد لعب لفريق الهلال بس 17 سنة الا يكون جابهو من مستشفي الولادة وسجلوه فى الهلال ، بالمنطق عمره ما راح يكو ن عمره حاليا اقل من 40 سنه وكمان ما بلعب ليه سنتين ويجي يلعب شوطين

غايتو ناس برشلونه كرهونا كورتنا
يا صبري وحات الله ميسي ده مخالت

خليكم في صفركم

تمبس منصور ..
حاضر عن المتهم التاني .. ود الصايم ..
أول حاجة قبال ما ود الصايم يجي احب اخت ليكم في الامانات واحده من زوطاته الشهيرة


بعدين يا دكتور .. عايز منك تثبت لي حاجاتي ..
وحاجاتي هي :
1- عمك حمزاوي الشهير بي همزاوي .. شايل ليهو علبه ولافي بيها لما تفتحـه بتلقاهةو كاتب جواها بالخط العريض ..

Quote: خليكم في صفركم

وهذا إن دل إنما يدل على انو الخواجـه فقد المنطق .. زي فقدتو للمنطق بتاعت الهلال لما طقطق الخرطوم اتنين في ذات دوري تمنية واللا كم ما عارف عمك همزاوي جا قال ناس الخرتوم فاتحين للهلال .. ولما ناس المريخ غلبو الخرطوم خمسة واللا كم ما عارف عمل غمران
2- بي مروري السريع وانا الجيت داخل حسع دي البوردي بتاع بكري ابوبكري ..اتضح لي انو الجماعة كابين زيت خروع عديل كدا اخوانا الفارات واتضح لي ذلك من خلال بوستات التبخيس التي على شاكلة .. دافوووري .. والهلال لو لعب كم سنة ما يجيب قوون .. وإلخ .. بس كان باقي يا دكتور بوست واحد من هارون دياب يتقسموهو هو وكيجا النص بالنص وهو البوست الشهير .. بتاع نحن في المريخ نهوى او نحن في المريخ إن اشرق صبحن وكدا ..
3- بالنسبة للزول القاعد جمب طلحـة يبدو انو امبارح ما شربو كويس .. لانو لو كان شرب لينا طلحـة كويس .. ما كان جا كتب ليهو كلام وهمي زي الكلام الكتبو لينا صباحية هذا اليوم ..
4- اختفاء اساسي .. واختفاء اخبار اخوهو السغيل .. القاليهو انا زعلان منك لانك ما شجعته الاهلي كويس .. ضد الهلال
5- اختفاء وليد الشفــت ..
6- سطوع نجم المغلواتي الكبير .. صبري طـه .. وهنا لابد من الاشارة إلى ذلك في بوست منفصل انا بصد تجهيزة حاليا ..
7- مزازاة المدعو الامين البشاري التي هي من دون جدوى .. مع العلم بأنه احد الذين احيوا سنة صلاة الشكر مساء امس بركعتين وذلك فور انتهاء المباراة بهذا الشكل
8- أخرى سيتم ذكرها من خلال الاحتفالية الاولى في الموسم دا بي الخلعة لجماهير المريخ .. ونحن الان بصدد اعداد الموسوعة الخاصة بذلك والتي هي تحت عنوان .. (الخلعـة والارهـاب باقدام تراوري اللعــاب ) واحب من هنا اوجه رسالة سريعة للقايمين بالامر في ملعب استاد الهلال .. بأن يراجعوا الابعاد الهندسية لمرمى الهلال بالذات الحتة بتاعت التمنيات دي ولو استعصى الأمر يجيبو ليهم فنيين من الفيفا وخبراء رفع مساحي من الدوحــة وهنا ارشح وليد وكيكي .. عشان نوريهم انو اي حاجة نحن عندنا بي نظام .. المسالة ما ساكت .

%

للتوضيح:
تم حضوري نيابة عن المتهم التاني ود الصايم:
لانو عندو متلازمـة البرشـا .. ومتلازمة البرشا للذين لم يسمعوا بها هي حالة تنتاب ود الصايم بكريـة اي مباراة يكون طرف فيها البرشـا ..
واهم اعراض المتلازمـة دي الوساااع طوال زمن المباراة اضافـة لي عرق وجفاف ووجع ضهـر شديد ..
عشان كدا الواحد بصحى الصباح معسم .. عندو عسر هضم .. وحاجات تانية ممكن نشرحـه في حتة تانية .
لكن للضمان كدا ليها علاقـة بي الشمش حقت اخونا فيصل ..
لكن فيصل منو هذي اتركها لفطنة القارئ (وجـه ضاحك)

هووووي يا جماعة البورد دا جنــا واللا شنـو ..؟
واللا كمان دي حركات جديدة ..؟
مع العلم انو حركات الفارات بتاعت الرفرش دي ما عملتها يعني البوردي بتاع بكري ابوبكري بقى يكتب الواحد الكلام الما كتبو كامل ..

اظن انو الشغلانة دي ليها علاقة بالكواديك بتاعت امس بالليل ..

الهلال يلحق بالمريخ هزيمة ساحقة بدون اهداف


هههههههههههههههههههههههههههههههه

تامبا
غايتو شايفك الجماعه بليتم بل العيش
وما خليت ليهم صفحه ينومو عليها