Quote: ماعارف ياخي سر الكراهية المتبادلة بين اهل الزوجة والزوج شنو
عبدالله ،، تحياتي
والله سر عجيب ده وفي معظم المجتمعات بمختلف اعراقها ومعتقداتها عداوة ما بعدها عدواة ليه والله دي سرها عندالله
مودتي
الرحـــال
Post: #5 Title: Re: النسيبة وزوجة الولد Author: عبد الناصر الخطيب Date: 03-12-2013, 01:46 PM Parent: #4
أشرف الرحال ومتداخليه الاكارم تحية وتقدير ,,,
لفتت نظري العبارة دي لعبد الله فقير :
Quote: ماعارف ياخي سر الكراهية المتبادلة بين اهل الزوجة والزوج شنو
في الوضع العادي مفروض بينهم كل مودة وتقدير متبادل ... أى زوج من البداية ببزل شوية مجهود في التقرب لاهل زوجتوا لو لقي قبول كويس حيواصل في علاقة قوية لو لقي منهم برود حيمشي في علاقات كويسة بس في حدود
وفي كل الاحوال علاقة الزوج باهل زوجتوا مهم جدا تكون مستقرة باعتباره أمتداد لعلاقتوا ببتهم وبتحتاج لإدارة حكيمة ...
وفي الأخر مدام الجانبيين الزوج واهل الزوجة عارفين حدودهم ماظن تحصل بينهم مشاكل وللزوجه دور أساسي في المسالة كلها لانوا الزوجة البتعرف تدير حياته بعيد عن تدخلات أهله وأساسا ما بتديهم فرقه لحته زي دي ... بتكون ختت الأساس السليم أنو ما تحصل أى محكات بين زوجه وأهله تحصل بينهم أي نوع من المشاكل ...
تعقيبك على البوست مدخل لمناقشة هذه العلاقة المتوترة جدا وفاقدة للثقة ما بين اهل الزوج وزوجته وليس كل العلاقات متوترة ولكن الاغلبية والسواد الاعظم منها حيث تجد عدم ثقة ونفور مابينهما لماذا ؟؟ ربما هنالك نقاط ذكرتها انت من ضمن هذا الافتقادها اجواء مسالمة و ومحبة وتعاونبين اهل الزوج والزوجة او العكس
