هل سيُقلص الهلال هزائم الموسم السابق ام سيزيدها المريخ ؟!!

تمت اربع لقاءات بين المريخ السوداني وبين هلال امدرمان في الموسم السابق مابين لقاء محلي وخارجي
تعادل الهلال في اثنين منها بعد تقدم مريخي معظم زمن المبارتين
وانتصار مريخي مدمر وهزيمة هلالية نكراء في مباريتين اسفرت عن غنائم دسمة (هيثم مصطفى ،علاء الدين ).

يقع على المريخ كسيد بلد عبء ومسئولية كبيرة
فهو معنى بالمحافظة على ممارسة كرة القدم في السودان
ولكن في المقابل هزائمه المتتالية للهلال لاتخدم هذا الاتجاه ابداً
على الاخوة الصفيراب مساعدتنا والتخفيف من هزائمهم هذا الموسم حتى لو بالتعادل
فوجود فريق واحد قادر على كل شي لايطور الكره السودانية اطلاقاً


معاً من أجل نهوض المرمى (الهلال )
رغم أن (مرمى الله مابترفع )
ولو رفعوه وقع ..

هههههههههه لكن ما بالغت مع الرشاشات ديل صدقني ولا واحد فيهم ما ح يجي ماري بي هنا

تحياتي يا صفوة

مفروض المريخ يبيع المبارة للهلال عشان يكون في توازن شوية ..

فايز يا صفوة..

عاين جاي..

بوستيك دا لا يخلو من رجفة من هزيمة غير مستبعدة لمريخنا العظيم

وهو في شكل ضربة استباقية وحركة في شكل وردة كدا من شاكلة:

ماااا نحن الموسم الفات عملنا كدا وكدا وكدا..فااا قلنا نديكم ليها مرة واحدة..

والله كلامك يا فايز شكلو حا يزيد لي الحمى بتاعتي دي..

الله يستر..

..

هم مفروض خمسة كور
اتنين ممتاز و اتنين مجموعات وواحدة كاس سودان
بششناكم - عفوا رشيناكم - في الممتاز الأولى ودي ضمنت لينا الكاس بالمناسبة
اتعادلنا في اياب الممتاز
اتعادلنا في المجموعات الأولى ووقتها كان امر الصعود لم يحسم بعد
غلبتونا في المجموعات التانية و كان الفريقين صاعدين و المباراة تحصيل حاصل
اتعادلنا في الوقت الرسمي لنهائي كاس السودان و فزتوا بضربات الترجيح

يعني غلب راسو عديل و حار و مؤثر في ترتيب غير تشة بشة مافي :)