المريخ سوف يقسو على الهلال ...

ام يفسوا امام الهلال
كل المعطيات ترجح كفة المريخ
برضو حال كورتنا بقول عادي ممكن الهلال يقلب الطاولة في وجه المريخ و ربما نشاهد نشل هدف في شباك المريخ
زي بتاع سادمبا في الحضري برجله اليسرى الذي يعتبر من اجمل الاهداف
.
.
نشوف توقعات الناس شنو هتا لهذه المباراه حسب رؤيتها الفنية

يقسو بالسين :)

Quote: يقسو بالسين :)

السين خلها أهم حاجة القاف موجودة في محلها

ولي لعلك طيب يا حبيب

سلام وليد




كلامك دا شكلو كلام خوف ساكت

زي ما قالوا ليك يا كابتن وليد أنو هلال مريخ لا تخضع لحسابات بعينا..
لكن إتا قلت كل المعطيات ترجح كفة المريخ .. فماهي هذه المعطيات
يا كابتن ؟؟

الاخوه
طلحه والأمين ،،،، سلامات
المعطيات كلها ترشح كفة المريخ
لان المريخ كل نجوم اضافة الي قمر ود السبعات الزعلان وصاحب الرهان
و اليوم بفش غبينتو
امسكو الخشب لا قصدي امسكو غارزيتو

شلاليت وتكدس في خط وسط الفريقين


قسطنطين يرجح التعادل

كابتن وليد
سلام وتحاياوأشواق كثيرة
مريخ هلال يصعب التكهن بنتيجتهاولا تخضع للمقاييس والمنطق وازدحام النجوم
دربكة قدام الخط يلقاها واحد زي خليفة يدخلها وتنتهي عليه المباراة
وحتى فى حالة التقدم للدقيقة تسعين ما تضمن النتيجة مثل ما حدث من بهاء الدين بفك الكره قدام كلتشي عندما كان فى الهلال والحكم عاوز يصفر النهاية
قبل الساعة عشرة ما فى عاقل يتكلم عن نتيجة المباراة

يا وليد عنوانك واااضح فكان تواصل بي نفس الشجاعة جوة البوست..
لكن شغل مسك العصاية من النص وجوة تبدا بي أم و أو و قد فده ما شغل إحترافي ولا شغل ثقة..ده شغل زول بيكون عايز بعد الكورة تنتهي يشوف التيار ماشي على وين ويجي يشيل الحتة اللفقت ويقول أها مااا قلت ليكم ؟؟؟
قلت المريخ ح يقسو على الهلال طوااالي تجي جوة تقول وسيحقق المريخ الفوز على الهلال بي خمسة أهداف..
قلت الهلال ح يضرب المريخ طوااالي تجي تقول اربعة صفر للهلال..
قلت هلال مريخ لا تخضع للحسابات طوااالي تكتبا فوق في عنوانك..

غايتو انا البضمنو ليك في الكورة دي إنو في اقوان كتيييرة ..

كابتن وليد

سلامات

المشهد الرياضي بين الندين دايما مانشاهد الفريق صاحب السيطرة هو الذي يخسر ونتمني مباراة نظيفة أي إن كان الفائز

تحياتي

،،،،أبوقصي،،،،

Quote: يقسو بالسين :)

لا بالهاء هيثم
بالنسبة لي ياود البشرى زي ماقلت ليكم كورتنا يستحيل تضع ليها معيار
يعني انا بشوف منطقة مناورة المريخ افضل حالا من الهلال
لكن اي نطحه او جلطه من باسكال عااااادي بتركب














تعديل اسم باسكال بدلا عن سكواها

ود البشاري .. سلامات يا حبيب
قلبي حاسي ود البشرى ح ينوم سعيد ( بالسين )

كتبته هذا التعليق في بوست مجاور
=======================
بعيدا عن مهاترات هلال مريخ
المريخ أفضل من الهلال في كل خطوط تقريبا
نمسك علات الهلال
سينكارا أولا من خلال مشاهدتي له في الثلالثة مياريات السابقة وبالرغم من أنه يملك تكوين جسماني قوي ولكنه لا يملك مستوى فني عالي ولا قدرات تكتيكية ودفاعية عالية
الطرف الشمال في الغالب عبدالطيف بوي مستواهو متذبذب في الدفاع كويس وفي الهجوم أروش.
الطرف اليمين عبدرحمن كايا لاعب جديد ليست لديه خبرات في المباريات الكبيرة وفي نفس الوقت ليس بالاعب الفلته.
في الوسط إيكانقا لاعب فرفار وما عندو حاجة بالرغم من إنو سريع لكن باصاتو معظمها غلط ويلعب على الاجسام أكثر مما يلعب على الكوره
في الوسط الهجومي لايوجد صانع ألعاب بمستوى عالي ليحل مكان هيثم مصطفى
في الهجوم توري بالرغم من مستواه المميز في المباريات الاولى ولكن أعتقد بأن إعلام الهلال حاول أن يسلط عليه الأضواء أكثر مما يجب لحتمية وجود اللاعب النجم "توازنات هلال مريخ ".
أكثر اللعيبة الممكن يعول عليهم الهلال هم
عمر البخبت بالرغم من تدني مستواهو في الموسمين الأخيرين لكن يبقى من أفضل اللعيبة الذي أنجبهم الهلال في خانة الإرتكاز.
مدثر كاريكا أفضل مهاحم سوداني في الوقت الحالي
نزار حامد لاعب ذو أمكانيات مهولة ولكن لغالية هسع ما ادى بكل مستواهو
مهند الطاهر وما أدراك ما مهند الطاهر لاعب Unpredictable يوم يكون ميسي الكورة السودانية ويوم يكون ماسورة القارة الافريقية لا تستطيع أن تتوقع مستواهو ولكن لو بقى لاعب بمزاج عالي...
سيف مساوي الحسنة الوحيدة في الدفاع

مع أني متأكد أنو هلال مريخ لا تخضع للغة التوقعات

لو كانت الفوارق الفنية هي العامل الوحيد الذي سيحسم مباراة الديربي..

فالفوز حليف المريخ

وياما وياما كان كعبنا أعلى في الجانب الفني والمهاري وخسرنا أو تعادلنا أمام الهلال يا وليد..

لذلك هلال مريخ دائماً صعبة يا وليد مهما كان تواضع المستوى الفني للهلال..

كورة الليلة دي الهلال في خطي الدفاع والوسط ما عندو التكتح، وزيو وزي أي فريق من فرق الممتاز

لكن خط هجومهم مشكلة بصراحة، وخصوصاً السنغالي " ابراهيما سانيه"..

من خلال آخر مباراة للفريقين يتضح ان حال المريخ أفضل من الهلال و رغم ان هلال/مريخ لا تخضع لأي حسابات لحساسية المباراة لكن أتوقع أن تكون المباراة 2/1 للمريخ.
خليل

Quote: قسطنطين يرجح التعادل

دا ما الخوف ظاااتو يا هندسة
معاوية محمد الحسن

Quote: دربكة قدام الخط يلقاها واحد زي خليفة يدخلها وتنتهي عليه المباراة

لا حول الا بالله ، يا معاوية ياخي دا الفضل كمان يغلبنا خليفة!!! غايتو لو حصلت اليوم تكون مشكلة كبيرة..المكلوج دا ممكن يشوت و كورتو تلف و نجي قون!!

Quote: لكن اي نطحه او جلطه من سكواها عااااادي بتركب

ساكواها مين يا عم الحاج كل سنة وانت طيب

Quote: سلام وليد كلامك دا شكلو كلام خوف ساكت

خوف شنو ازول
الليله اي واحد غالب نحنا معاهو سوف نصفق له
وسوف نقوم بتحليل المباراه هنا ونشوف الحاصل شنو
... اها نبارك ليك مقدما ولا كيف يعني

Quote: يا وليد عنوانك واااضح فكان تواصل بي نفس الشجاعة جوة البوست.. لكن شغل مسك العصاية من النص وجوة تبدا بي أم و أو و قد فده ما شغل إحترافي ولا شغل ثقة..ده شغل زول بيكون عايز بعد الكورة تنتهي يشوف التيار ماشي على وين ويجي يشيل الحتة اللفقت ويقول أها مااا قلت ليكم ؟؟؟ قلت المريخ ح يقسو على الهلال طوااالي تجي جوة تقول وسيحقق المريخ الفوز على الهلال بي خمسة أهداف.. قلت الهلال ح يضرب المريخ طوااالي تجي تقول اربعة صفر للهلال.. قلت هلال مريخ لا تخضع للحسابات طوااالي تكتبا فوق في عنوانك.. ..

البعجبني فيك يا عمر الفاروق خيالك واسع وزكي ولماح
في طولك وفي عرضك انا يوم شفتني هنا بتاع تيارات تيار اسلامي ولا ديمقراطي
الافضل بقول ليهو افضل الكعب بنقول عليهو كعب عشان كدا مره ناس تقول هلالابي ومره ناس تقول مريخابي
ودا كله انا مابهمني ..
قلت المريخ سوف يقسو .... عشان في راي هو الافضل في جميع الخطوط من الهلال
دي انتهينا منها
ولمن قلت ام سيفسوا .. اقصد هل يمكن النمر يبقى نمر من ورق
يعني ياعمر خليك صاحي شوية ح نقعد نشرح الكلام البسيط دا
غايتو تلاقيك كنت معذب الاساتذه عذاب شديد

Quote: غايتو انا البضمنو ليك في الكورة دي إنو في اقوان كتيييرة

نفسنا نشوف كوره جميله لان انا بشوف هلال مريخ الان ما زي زمان عادي ممكن تكون في كوره ممرحله وتنظيم
ما زي زمان جري وضرب وغبار ...

Quote: يا وليد عنوانك واااضح فكان تواصل بي نفس الشجاعة جوة البوست.. لكن شغل مسك العصاية من النص وجوة تبدا بي أم و أو و قد فده ما شغل إحترافي ولا شغل ثقة..ده شغل زول بيكون عايز بعد الكورة تنتهي يشوف التيار ماشي على وين ويجي يشيل الحتة اللفقت ويقول أها مااا قلت ليكم ؟؟؟ قلت المريخ ح يقسو على الهلال طوااالي تجي جوة تقول وسيحقق المريخ الفوز على الهلال بي خمسة أهداف.. قلت الهلال ح يضرب المريخ طوااالي تجي تقول اربعة صفر للهلال.. قلت هلال مريخ لا تخضع للحسابات طوااالي تكتبا فوق في عنوانك.. غايتو انا البضمنو ليك في الكورة دي إنو في اقوان كتيييرة ..

تعرف يا عمر مما وليد ده سجل في المنبر دي حالتو و موضوع ماسك العصاية ده معطني معط شديد خلاااااااااااااااااااااااااااس
و إتجاهو الأحمر وااااااااااااااااااااااضح ما داير ليهو 2-3
يا وليد ياخ ما تشبكنا انا خليتها و جليتها و جبتها أمسك ليك درب واحد و تحمل نتائجه








_
و مع ذلك نحبه زيو زيو وليد الشفت و سامي حبيبنا المختفي

تشكيله الهلال المتوقعه للمباره
جمعه
كايا سيف بويا
عمر ونزار واكانقا
بشه ومهند وكاريكا
تراوري
احتياطي
المعز سنكارا فداسي خليفه محمد عبد الرحمن بكري وسانيه
تشكيله المريخ المتوقعه
الحضري
رمضان عجب - ضفر - باسكال - مصعب
امير كمال - وعلاء
هيثم
الباشا - راجي
موانزا
الاحتياطي
يسن - كبير - بله - الزومه - العجب - كلتشي وربما سليماني او السعودي
في تقديري منتخب الهلال البداي بيهو المباره افضل من منتخب المريخ البادي بيهو المباره لكن احتياطي المريخ افضل من احتياطي الهلال ما عدا حراسة المرمي.
العامل النفسي في هذه المباره يخدم الهلال اكثر في تقديري لان اداره نادي المريخ بعثت برساله واضحه للاعبي المريخ انكم بدون الحضري لن تستيطيعو هزيمه الهلال ولذلك سعو لارجاعه حتي يشارك في هذه المباره قلو بادر الهلال واحرز الهدف الاول اعتقد انه سينتصر علي المريخ
ولكني في كل الاحوال ارجح ان تنتهي المباره تعادليه

Quote: كل المعطيات ترجح كفة المريخ

يازول معطيات شنو ..؟؟
البلد كلها بقت فهم ( كيزاني ) معطيات ومعطيات ،،!!
تقصد معطيات التعادل مع هلال كادقلي في ملعب المريخ
تعادل بطعم الفوز للمريخ الذي فلت من الهزيمة يومذاك ،،
كنت اتمنى ان تكون هلال مريخ خاضعة للمعطيات لانه حينها وبالمعطيات الحالية الهلال 17 المريخ صفر ،،

طلحه اخونا وحبيبنا

Quote: زي ما قالوا ليك يا كابتن وليد أنو هلال مريخ لا تخضع لحسابات بعينا.. لكن إتا قلت كل المعطيات ترجح كفة المريخ .. فماهي هذه المعطيات يا كابتن ؟؟

نشوف المعطيات الفنية حاليا حارس المريخ الحضري افضل من المعز
ويستطيع قياده الفريق من الخلف وغير ذلك دفاعه افضل حالا من الهلال
لو ملاحظ يوجد ثبات حتى في طريقة اللعب حتى لو تم تغيير بعض اللاعبين من مواقعهم بالاخص الاطراف
لكن برضو ممكن يحصل مع سكواها زي ماحصل في مباراه هلال كادقلي
منطقة المناوره بشوف وسط المريخ هو الافضل لو ملاحظ كل المباريات السابقة
والعام السابق الباشا هو مفتاح النصر لانه يقوم بمجهود جبار عكس لاعبي الهلال
لايوجد لاعب يمكن ان يكون مفتاح نصر جميعهم في مستوى واحد
عمر بخيت شكله عمره الافتراضي انتهى عكس امير كمال الذي يركتز بطريقة سليمه
وقياده هيثم لهذا الوسط تعطي الافضلية للمريخ ...
وسط الهلال تشعر به مرهق وتعبان في كل مباراه تشاهدها لهم
كاريكا امكن هو الحسنة الوحيده الان في الهلال وسوف تكون له رقابه لصيقة
لانه يعتبر الورقه الرابحه للهلال ..
اما حسابيا في هذا الدوري
بتلاقي عدد فوز الهلال اكثر من المريخ ود لايمنع بان يكون المريخ هو افضل حالا من الهلال

الأخ وليد

لأول مرة أجد كلامك منافي للمنطق في هلال مريخ وانا دائماً كنت بتابع بوستاتك في الكورة
كلام عمر الفاروق هو الصحيح

أما ما أره في الفريقين ودون تحيز - أجد الهلال افضل بكثير عن المريخ وذلك لاكتمال خطوطه تماماً
وهجوم الهلال فقري وخطير
وسط الهلال كلو بضرب في الشبكة من مهند ونزار وبشه حبيبي عمر بخيت الكابتن
دفاع الهلال قوي وخطير رغم لعب المدرب بثلاثة مدافعين ولكن تغطية عمر بخيت ونزار حامد وبشة تكفي في حالة الدفاع
المشكلة الحقيقية هي من سيغذي هجوم الهلال القوي بالكرات الجيدة القاتلة التي كان يضربها برنس الكرة السودانية (سابقاً) هيثم مصطفى

دفاع المريخ جيد ووسطه جيد ولكن لا هجوم لديه إلا من القادمين من الخلف
كلتشي انتهى نهائي ولو ادوها هو واللجنة ما بعمل فيها حاجة
غيرو منو تاني
الباشا هو اخطر لاعبي المريخ
هيثم مصطفى يمتاز خطورته تتمحور في الباصات الخارجة للهجوم ولكن تنتهي هذه الباصات تحت ارجل كلتشي وموانزا لأنهما ليسا من طراز سادومبا مثلاً او تراوري او سانيه

بس زي ما قالو ناس الفاروق (كورتنا ما عندها قاعدة ثابتة)

تحت شعار غضبــة الحليــــــــــــــم
















ابومصطفى

امير مكي ... سلامات

Quote: بعيدا عن مهاترات هلال مريخ المريخ أفضل من الهلال في كل خطوط تقريبا نمسك علات الهلال سينكارا أولا من خلال مشاهدتي له في الثلالثة مياريات السابقة وبالرغم من أنه يملك تكوين جسماني قوي ولكنه لا يملك مستوى فني عالي ولا قدرات تكتيكية ودفاعية عالية الطرف الشمال في الغالب عبدالطيف بوي مستواهو متذبذب في الدفاع كويس وفي الهجوم أروش. الطرف اليمين عبدرحمن كايا لاعب جديد ليست لديه خبرات في المباريات الكبيرة وفي نفس الوقت ليس بالاعب الفلته. في الوسط إيكانقا لاعب فرفار وما عندو حاجة بالرغم من إنو سريع لكن باصاتو معظمها غلط ويلعب على الاجسام أكثر مما يلعب على الكوره في الوسط الهجومي لايوجد صانع ألعاب بمستوى عالي ليحل مكان هيثم مصطفى في الهجوم توري بالرغم من مستواه المميز في المباريات الاولى ولكن أعتقد بأن إعلام الهلال حاول أن يسلط عليه الأضواء أكثر مما يجب لحتمية وجود اللاعب النجم "توازنات هلال مريخ ". أكثر اللعيبة الممكن يعول عليهم الهلال هم عمر البخبت بالرغم من تدني مستواهو في الموسمين الأخيرين لكن يبقى من أفضل اللعيبة الذي أنجبهم الهلال في خانة الإرتكاز. مدثر كاريكا أفضل مهاحم سوداني في الوقت الحالي نزار حامد لاعب ذو أمكانيات مهولة ولكن لغالية هسع ما ادى بكل مستواهو مهند الطاهر وما أدراك ما مهند الطاهر لاعب Unpredictable يوم يكون ميسي الكورة السودانية ويوم يكون ماسورة القارة الافريقية لا تستطيع أن تتوقع مستواهو ولكن لو بقى لاعب بمزاج عالي... سيف مساوي الحسنة الوحيدة في الدفاع

اوافقك في كل ماذكرته
كاريكا هو افضل مهاجم حاليا ما شفت زول لخلخ الافارقة وفقدهم المنطق غير كاريكا
وماشفت لاعب يراوغ الافارقة زي الاطفال الصغار زي مهند االطاهر
ها مهند دا يعتبر افضل لاعب فنان في السودان حاليا بس لمن يكون كويس ودستورو نازل

Quote: برضو ممكن يحصل مع سكواها زي ماحصل في مباراه هلال كادقلي

يا ساتر

عمار

Quote: سيف مساوي الحسنة الوحيدة في الدفاع

يا عمار ياخي انت ما قريت بوست خليل المهم دا عن سيف مساوي
سيف مساوي

بوب يا عمر..

Quote: كايا سيف بويا

الخوف من الرصة دي ..ولو أوتينا فسنأتى من الحتة دي..
أستغرب في ظل اللعب بتلاتة مدافعين في فلسفة غارزيتو أن تلعب بي الثلاثي ده..
طالما قررت تلعب بي تلاتة مدافعين ثابتين ورا فعليك أن تلعب بمدافعين هيبة وقوة ..
كنت أفضل سيف مساوي صالح الأمين سامي عبد الله ..
ووقتها كنت بمشيئة الله أضمن ليك فوز الهلال..

يا وليد إذا ما كنت عكسك تماما فأنا ما معاك في حكاية أفضلية المريخ على الهلال
دي .. وبصراحة كدا لو كورة الليلة دي خضعت للمعطيات وأعطت الفريق الأفضل
فالهلال فائز لا محال ..

طلحة

Quote: يا وليد إذا ما كنت عكسك تماما فأنا ما معاك في حكاية أفضلية المريخ على الهلال دي .. وبصراحة كدا لو كورة الليلة دي خضعت للمعطيات وأعطت الفريق الأفضل فالهلال فائز لا محال ..]

كدي خلي واحد تاني يجي يقول طلحة طنظير وبالذات تمبس

الصادق
لا أتمني فوز الهلال ولو علي ان شاء الله الهلال دا يتلطش يمين شمال ..
......
الهلال فريق مكع وج مكع كع مبشتن ككارو قديمة يجرها حصان أعرج عندو أبو الشهيق.

Quote: وقياده هيثم لهذا الوسط تعطي الافضلية للمريخ ...

قيادة هيثم كانت في الهلال و لن تأتي أكلها في المريخ
هيثم قائد في الهلال بحكم حاجات كتيرة شديد
في المريخ هيثم يفتقد نزعة القائد و يحظي بلاعب الوسط المهاجم (سيدا).
و ده فرق كبير بين هيثم الهلال و هيثم المريخ.

الهلال سيئ لكن المريخ الشفتو في مبارة النسور وهلال كادقلي لايختلف كثيرا عنه وهجومه ليس بتلك الخطورة
ده غير لقاء الفريقين لايمكن الحكم عليه من خلال حالة الفريق ولا لقاءاته مع الفرق الاخرى
هو لقاء استثنائي مختلف متجدد دوماً لايقبل الحكم الا من خلال الـ90 دقيقة في ذات المبارة

ده غير انه اخونا طلحة تنظير ده غواصة هلالابي معروف لدى ناس كسلا وحجر الطير وفداسى ..
رغم ادعاءه بأنه من الصفوة وهو ابعد مايكون عنهم ..



اتمنى ان يفوز المريخ ..

Quote: يا وليد عنوانك واااضح فكان تواصل بي نفس الشجاعة جوة البوست.. لكن شغل مسك العصاية من النص وجوة تبدا بي أم و أو و قد فده ما شغل إحترافي ولا شغل ثقة..ده شغل زول بيكون عايز بعد الكورة تنتهي يشوف التيار ماشي على وين ويجي يشيل الحتة اللفقت ويقول أها مااا قلت ليكم ؟؟؟ قلت المريخ ح يقسو على الهلال طوااالي تجي جوة تقول وسيحقق المريخ الفوز على الهلال بي خمسة أهداف.. قلت الهلال ح يضرب المريخ طوااالي تجي تقول اربعة صفر للهلال.. قلت هلال مريخ لا تخضع للحسابات طوااالي تكتبا فوق في عنوانك.. غايتو انا البضمنو ليك في الكورة دي إنو في اقوان كتيييرة

100%

Quote: 100%

أججججي ؟؟!!!

Quote: ا امسكو الخشب لا قصدي امسكو غارزيتو

فعلا لازم الناس تمسك غارزيتو لان شكله سوف يودي الهلال في داهية

النصر للمريخ العظيم

الآن يا وليد قهمت قصدك تماماً من البوست بعد ما شفت الهلال أمس وشفت هيثم مصطفى كيف في المريخ ومعاهو علاء الدين يوسف

Quote: فعلا لازم الناس تمسك غارزيتو لان شكله سوف يودي الهلال في داهية

إنت قصدك بالبوست دا كلو انك تؤكد أنو هيثم مصطفى كان عندو حق لمن سجل في المريخ وانو هو لسه قادر على العطاء
وانو غارزيتو هو السبب في ذلك

لكن وضح جلياً أن هيثم فعلاً روحو بقت ما شيلاهو خلاص
هيثم ممكن يلعب كويس شوية ضد اتحاد مدني واهل عطبرة
لكن لا يقوى على اللعب أما الفرق الكبيرة

أنا الحقيقة كنت فاكرك رجل بتعرف تحلل كويس
الفرق بين الهلال والمريخ واضح جداً يا وليد من أول يوم في التسجيلات
اللاعبين الذين يمتلكهم الهلال اقوى بكثير وافضل بكثير من لاعبي المريخ
الهلال سجل لاعبين جيدين ويكفي ما رأيته أمس من تراوري وسانيه وإيكانقا

هيثم كان زماااااااااان وانا اقتنعت تماماً بهذا الكلام

Quote: شلاليت وتكدس في خط وسط الفريقين قسطنطين يرجح التعادل

المجد لقسطنطين معبود الرياح

Quote: الآن يا وليد قهمت قصدك تماماً من البوست بعد ما شفت الهلال أمس وشفت هيثم مصطفى كيف في المريخ ومعاهو علاء الدين يوسف Quote: فعلا لازم الناس تمسك غارزيتو لان شكله سوف يودي الهلال في داهية إنت قصدك بالبوست دا كلو انك تؤكد أنو هيثم مصطفى كان عندو حق لمن سجل في المريخ وانو هو لسه قادر على العطاء وانو غارزيتو هو السبب في ذلك لكن وضح جلياً أن هيثم فعلاً روحو بقت ما شيلاهو خلاص هيثم ممكن يلعب كويس شوية ضد اتحاد مدني واهل عطبرة لكن لا يقوى على اللعب أما الفرق الكبيرة أنا الحقيقة كنت فاكرك رجل بتعرف تحلل كويس الفرق بين الهلال والمريخ واضح جداً يا وليد من أول يوم في التسجيلات اللاعبين الذين يمتلكهم الهلال اقوى بكثير وافضل بكثير من لاعبي المريخ هيثم كان زماااااااااان وانا اقتنعت تماماً بهذا الكلام

الصادق ياحبوب
انت يظهر مخك مشى لبعيد اقول ليك شيء انا مؤيد شطب هيثم قبل 5 سنين ورغم عن ذلك هو الان افضل صانع العاب في السودان بعمره الكبير دا اها رايك شنو تاني

Quote: الهلال سجل لاعبين جيدين ويكفي ما رأيته أمس من تراوري وسانيه وإيكانقا

شفت شنو يا الصادق انت بجدك ولا شنو
على قاقرين قال تراوري افضل من سادمبا لانه بعرف يستخدم رجله اليسرى انفرد بالحارس بالله التقول ظرب الكوره بسبيبة شعره
اها ناسك ديل ليه امس مافي واحد جاب فيهم هدف في فريق وقف يتفرج عليهم مكتوف الايدي ياخي الندية الوجدها الهلال مع اهلى عطبره لم يجدها امس من المريخ
الصادق ياخي كنت فاكرك بتتفرج كويس