Post: #1
Title: ايمان أبو القاسم مع زوجها عبد الواحد النور/ صور من الميدان/ تعظيم سلام
Author: إحسان عبد العزيز
Date: 03-11-2013, 07:55 PM
Parent: #0
اهداء لجميع النساء فى 8/مارس/2013م
|
Post: #2
Title: Re: ايمان أبو القاسم مع زوجها عبد الواحد النور/ صور من الميدان/ تعظيم
Author: إحسان عبد العزيز
Date: 03-11-2013, 08:02 PM
Parent: #1
لك التحية ايمان ابو القاسم..
نموذجاً لزوجة قائد ميدانى..
التحية عبرك لنساء دارفور وجنوب كردفان والنيل الازرق وللمرأة السودانية حيثما كانت..
كل سنة وانت وجميع نساء الوطن والوطن بألف خير..
تعظيم سلام كمرد ايمان
|
Post: #3
Title: Re: ايمان أبو القاسم مع زوجها عبد الواحد النور/ صور من الميدان/ تعظيم
Author: إحسان عبد العزيز
Date: 03-11-2013, 08:19 PM
Parent: #2
ايمان.. يا فخر نساء الوطن
|
Post: #7
Title: Re: ايمان أبو القاسم مع زوجها عبد الواحد النور/ صور من الميدان/ تعظيم
Author: صلاح جادات
Date: 03-11-2013, 10:04 PM
Parent: #5
الاخت احسان سلام
ولك التحية ولايمان ابو القاسم التحية
والتحية لنساء السودان لقد تقدمن النضال عندما انزوي الرجال
دخلن السجون وميادين القتال وارعبن النظام
فالتحية لهن
|
Post: #8
Title: Re: ايمان أبو القاسم مع زوجها عبد الواحد النور/ صور من الميدان/ تعظيم
Author: إحسان عبد العزيز
Date: 03-11-2013, 10:13 PM
ولك صلاح جادات ألف تحية..
وانت تنصف النساء وتهتم بابراز الصور الزاهية فى مسيرتهن النضالية..
ايمان ابو القاسم نموذج لامرأة ظلت تعمل خلف الكواليس لاجل القضية والوطن ..
الم أقل لك (ايمان تستحق ألف بوست) ؟
اكرر لك التحية وفائق احترامى وتقديرى
|
Post: #10
Title: Re: ايمان أبو القاسم مع زوجها عبد الواحد النور/ صور من الميدان/ تعظيم
Author: على ميرغني
Date: 03-11-2013, 10:24 PM
Parent: #3
لها ألف تحية.. كزوجة مقتنعة بقضية زوجها.. بس حكاية موية الصحة دي شوية كدا هزمت الفكرة
|
Post: #6
Title: Re: ايمان أبو القاسم مع زوجها عبد الواحد النور/ صور من الميدان/ تعظيم
Author: طه جعفر
Date: 03-11-2013, 09:52 PM
Parent: #1
التحية و التقدير
للاخت ايمان و زوجها عبد الواحد
وهم يقدمان مثلا عاليا
لكيف يكون الازواج
صامدون بجسارة الابطال في منازلة الظلم و الطغيان
و جبنا الي جنب مع رفاقهم في ميدان المعركة
و شكرا استاذ
احسان
كل عام و انتن بالف خير
|
Post: #9
Title: Re: ايمان أبو القاسم مع زوجها عبد الواحد النور/ صور من الميدان/ تعظيم
Author: إحسان عبد العزيز
Date: 03-11-2013, 10:18 PM
Parent: #6
ألف شكر استاذ جعفر طه
Quote: التحية و التقدير
للاخت ايمان و زوجها عبد الواحد
وهم يقدمان مثلا عاليا
لكيف يكون الازواج
صامدون بجسارة الابطال في منازلة الظلم و الطغيان
و جبنا الي جنب مع رفاقهم في ميدان المعركة |
حقاً ايمان ابو القاسم كسرت القاعدة وقدمت نموذجاً مزدوجاً للمرأة المناضلة وزوجة الزعيم الميدانى لحركة تحررية وثورية اختارت الكفاح المسلح..
شكراً لمرورك وكل عام والجميع والوطن بألف خير
|
Post: #11
Title: Re: ايمان أبو القاسم مع زوجها عبد الواحد النور/ صور من الميدان/ تعظيم
Author: إحسان عبد العزيز
Date: 03-11-2013, 11:26 PM
Parent: #9
على ميرغنى
تحياتى..
| Quote: لها ألف تحية.. كزوجة مقتنعة بقضية زوجها.. بس حكاية موية الصحة دي شوية كدا هزمت الفكر |
اولاً يا على.. القضية ليست قضية زوجها، القضية قضية وطن..
بالنسبة لموية الصحة، شح مياه الشرب والعطش فى اقاليم دارفور يعتبر واحد من مظاهر التهميش هناك ومن أسباب الظلم الذى قاد الى الحرب..
طبيعى ان تستجلب المياه للمقاتلين..
يشربونها ماء صحة وتشربونها بيبسى كولا وكوكاكولا بزيانوس الخ..
هنيئاً لكم بما تشربون فقط لا تستكثروا على الاخرين مجرد شربهم للماء النقى..
بهكذا معايير ستستمر الحروب تمضى على اجساد ابناء الوطن..
كفى بربكم
|
Post: #12
Title: Re: ايمان أبو القاسم مع زوجها عبد الواحد النور/ صور من الميدان/ تعظيم
Author: إحسان عبد العزيز
Date: 03-11-2013, 11:34 PM
Parent: #11
ومن الفيسبوك..
سلامات معتصم مكاوى..
| Quote: احسان بالجد فى فرق كبير ما بين ناس فى الميدان وناس فى الفنادق والفرق وااااضح فى الصورة التانيه كدى عاينى فيها. زوجه عبدالواحد بيييييييييييضه ابيض من الناس المعاها اها هسى دى يقولو عليها فى الميدان اللهم الا جاءت تتصور معاهم يعنى شوفنى انا فى الميدان وتخلى الناس المساكين ديل وتمشى .. اللهم انصر الشعب السودانى بناس جاااااااادين غير اتكاااااااااالين |
اولاً بالنسبة للون..
ماذا تفعل أيمان فى لونها وقد خلقها الله كذلك..
(جات تتصور)..
هل يعقل أن تقطع الفيافى من مكان مهجرها الاجبارى لتذهب الى الاراضى المحررة عشان (تاخد) صورة!!!!!!!!!!!!!!!!!!!!!!!!!!
اتقوا الله يا خلق الله..
وقولوا خيراً او لتصمتوا
|
Post: #13
Title: Re: ايمان أبو القاسم مع زوجها عبد الواحد النور/ صور من الميدان/ تعظيم
Author: Ayman Khalifa
Date: 03-12-2013, 07:28 AM
Parent: #12
Quote: اولاً بالنسبة للون..
ماذا تفعل أيمان فى لونها وقد خلقها الله كذلك..
(جات تتصور)..
هل يعقل أن تقطع الفيافى من مكان مهجرها الاجبارى لتذهب الى الاراضى المحررة عشان (تاخد) صورة!!!!!!!!!!!!!!!!!!!!!!!!!!
اتقوا الله يا خلق الله..
وقولوا خيراً او لتصمتوا |
حبيبنا كلام جميييييييل ربنا يوفق بس الموية الكتيره(المعلبة ) دى شنو ومعاها معلب تانى شنو بتاجرو بقضية دارفور كلكم ايها المنافقون
|
Post: #14
Title: Re: ايمان أبو القاسم مع زوجها عبد الواحد النور/ صور من الميدان/ تعظيم
Author: على ميرغني
Date: 03-12-2013, 01:28 PM
Parent: #13
الاخت احسان لعلمك انا وإن كنت من ناس البحر لكني دارفوري المولد والطفولة
بعدين موية الصحة في المناطق الاتخدت منها الصورة مكلفة اكتر من الببسي والحاجات التانية
الذكرتيها.. لأنو ببساطة الزول يمكن يشرب قارورة بيبسي كل يومين تلاتة ولا اسبوع حتى
بس لازم كل يوم يشرب كم قارورة موية صحة
وصراحة وعشان ما ندفن راسنا في الرملة ونملس الكلام ساكت
افول ليك وصول السيدة ايمان الى مناطق العمليات في حد ذاتو
مجهود مقدر ومجازفة كبيرة.. لكن ظاهر انو الموية وبقية المعلبات التانية
جابوها خصيصا ليها هي واجزم ان الجنود وحتى الضباط
بيشربو الموية العادية دي
ونسأل الله يحفظ البلاد من مايراد لها
|
Post: #15
Title: Re: ايمان أبو القاسم مع زوجها عبد الواحد النور/ صور من الميدان/ تعظيم
Author: ابراهيم حموده
Date: 03-12-2013, 01:46 PM
Parent: #14
الغريبة ما شفت لي زول ركز على موضوع الحرب من أساسو ؟ ليه في حرب في دارفور وجبال النوبة والنيل الازرق ؟
بس مركزين على موية الصحة ، يعني ده لب الموضوع في قضية الديمقراطية والعدالة في السودان؟؟
الفاتحة على الشعب السوداني.
|
Post: #16
Title: Re: ايمان أبو القاسم مع زوجها عبد الواحد النور/ صور من الميدان/ تعظيم
Author: إحسان عبد العزيز
Date: 03-12-2013, 02:01 PM
Parent: #15
Quote: افول ليك وصول السيدة ايمان الى مناطق العمليات في حد ذاتو
مجهود مقدر ومجازفة كبيرة.. لكن ظاهر انو الموية وبقية المعلبات التانية
جابوها خصيصا ليها هي واجزم ان الجنود وحتى الضباط
بيشربو الموية العادية دي
ونسأل الله يحفظ البلاد من مايراد لها |
تسلم على ميرغنى..
كونك تشهد للجنود والضباط بشرب الماء العادى فهذا يكفى..
اما ان تكون كل هذه الكمية من قارورات المياه الصحية هى لايمان، فهذا وحده دليل اقامتها الطويلة بمناطق العمليات..
وهذا فى حد ذاته يحسب لها وليست عليها..
كسرة:
سبق احدهم الى الاشارة الى معلبات اخرى بالصورة ثم جئت انت ورددت المقولة..
اتساءل.. اين هذه المعلبات وفى اى موقع من الصورة؟؟؟
ولاّ انا ما بشوف!!!!!!!!!!!!!!!!
ولاً تقصدوا الكسرة البتاكل فيها فى الصحن دى، او ربما بصل كما يبدو.. ولاّ برضو ما بشوف سمح؟؟؟؟؟؟؟؟؟؟
شكراً لمرورك على ميرغنى
|
Post: #17
Title: Re: ايمان أبو القاسم مع زوجها عبد الواحد النور/ صور من الميدان/ تعظيم
Author: إحسان عبد العزيز
Date: 03-12-2013, 02:09 PM
Parent: #16
Quote: الغريبة ما شفت لي زول ركز على موضوع الحرب من أساسو ؟ ليه في حرب في دارفور وجبال النوبة والنيل الازرق ؟
بس مركزين على موية الصحة ، يعني ده لب الموضوع في قضية الديمقراطية والعدالة في السودان؟؟
الفاتحة على الشعب السوداني. |
تسلم حمودة
ملاحظة هامة..
يبدو اننا وبالرغم مما يحدث لاهلنا فى المناطق الثلاثة الا ان ذلك اصبح معتاداً ولا يحرك سكن الكثيرين..
لعن الله الحرب واعان اهلنا فى دارفور وجنوب كردفان والنيل الازرق عليها..
النظام يصر على عدم وصول الاغاثة ويرفض التفاوض عليها أنظر الرابط ادناه:
|
Post: #18
Title: Re: ايمان أبو القاسم مع زوجها عبد الواحد النور/ صور من الميدان/ تعظيم
Author: عمر عثمان عبد الوهاب
Date: 03-12-2013, 02:10 PM
Parent: #16
مناضلة مناضلة مافي شك وربنا يحقق مناها
بس علا الصحن كملان والاصابعين نضيييييفه
تكون لحستوم ياربي
|
Post: #20
Title: Re: ايمان أبو القاسم مع زوجها عبد الواحد النور/ صور من الميدان/ تعظيم
Author: إحسان عبد العزيز
Date: 03-12-2013, 02:15 PM
Parent: #19
ياته يا عمر عثمان؟؟؟؟؟؟؟؟
المعلبات؟؟؟؟؟؟؟؟؟؟؟؟؟؟؟؟؟؟؟
يمكن!!!!!!!!!!!!!!!!!!!!!!!!!!!!
شكراً لمرورك
|
|