Post: #1 Title: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-11-2013, 10:00 AM
ماما جابت بيبي .. بيبي حلو صغنن !!
Post: #2 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-11-2013, 10:04 AM Parent: #1
بابا جاب لي بلون .. يا عيني يا عيني .. أحمر و أصفري اللون .. يا عيني يا عيني !!!
Post: #3 Title: Re: وبعدين يا جماعة مع طيور الجنة ... نافوخنا فرأع !!! Author: نادر النور آدم Date: 03-11-2013, 10:07 AM Parent: #2
Quote: بابا جاب لي بلون ..
طار وفرأع .. طخ طخ وزعلت عا بلوني يا عمك الحال من بعضه .. انا قربت انسى شعار MBC2 والأسوأ انو يكونو نايمين وتبدا تتابع حاجة ويصحو ليك في النص
Post: #4 Title: Re: وبعدين يا جماعة مع طيور الجنة ... نافوخنا فرأع !!! Author: محمد عبد الماجد الصايم Date: 03-11-2013, 10:09 AM Parent: #3
يا فارات .. اشترو ليهم تلفزيون وريّحو أدمغتكم!! أقسم بالله البيت بقى زي المستشفى .. كل غرفة بتلفزيون
Post: #5 Title: Re: وبعدين يا جماعة مع طيور الجنة ... نافوخنا فرأع !!! Author: محمد عبد الماجد الصايم Date: 03-11-2013, 10:10 AM Parent: #4
المشكلة إنو فيييي التلفزيون المخصص دا كل واحدة من البنات دايرة تحضر حاجة
Post: #13 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-11-2013, 10:29 AM Parent: #4
ود الصايم كيف حالك !
Quote: يا فارات .. اشترو ليهم تلفزيون وريّحو أدمغتكم!!
وحياتك Done ومانفع برضو !!!
Post: #8 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-11-2013, 10:20 AM Parent: #3
نادر كيف حالك !
Quote: طار وفرأع .. طخ طخ وزعلت عا بلوني يا عمك الحال من بعضه .. انا قربت انسى شعار MBC2 والأسوأ انو يكونو نايمين وتبدا تتابع حاجة ويصحو ليك في النص
والحل شنو يا جماعة ؟
Post: #6 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-11-2013, 10:10 AM Parent: #2
لاحول ولا قوة إلا بالله .. محل ما تمشي قناة طيور الجنة المخصصة للأطفال شغااااااالة وبأعلى صوت !! وطبعا أطفالنا المساكين ديل يشيلوا ويكوركوا مع البت الحسها راح دي ... وطبعا محاولة مجارأة اللهجة الشامية مع لهجتنا الدراب دي مطلعا حاجة كده !!!
Post: #7 Title: Re: وبعدين يا جماعة مع طيور الجنة ... نافوخنا فرأع !!! Author: نادر النور آدم Date: 03-11-2013, 10:13 AM Parent: #6
Quote: أقسم بالله البيت بقى زي المستشفى .. كل غرفة بتلفزيون
دي الخايفين منها ذاتا .. وانا عندي احمد دا سلباط ما بتحلى ليهو إلا حاجة تكون عند زول
Post: #9 Title: Re: وبعدين يا جماعة مع طيور الجنة ... نافوخنا فرأع !!! Author: الحاج حمد الحاج Date: 03-11-2013, 10:20 AM Parent: #7
Quote: يا فارات .. اشترو ليهم تلفزيون وريّحو أدمغتكم!!
يا ود الصائم اشترينا ليهم واحد و ما ارتحنا!! الا نشتري التالت و زي ما قلت الا كل غرفة بي تلفزيون.
Post: #10 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-11-2013, 10:24 AM Parent: #9
الحلو صار يحبي ... إسم الله علي حبيب ألبي !! 0 0 0
بيببي !
Post: #18 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-11-2013, 11:03 AM Parent: #9
الحاج حمد وينك يا راجل والله مشتاقين
Quote: يا ود الصائم اشترينا ليهم واحد و ما ارتحنا!! الا نشتري التالت و زي ما قلت الا كل غرفة بي تلفزيون.
إتمقلبت زينا كده !! الله يخلف
Post: #11 Title: Re: وبعدين يا جماعة مع طيور الجنة ... نافوخنا فرأع !!! Author: عبدالله ود البوش Date: 03-11-2013, 10:27 AM Parent: #7
Quote: يا فارات .. اشترو ليهم تلفزيون وريّحو أدمغتكم!! أقسم بالله البيت بقى زي المستشفى .. كل غرفة بتلفزيون
دا تهرب يا ود الصائم لابد ان تحضر معاهم كمان وتسألهم من الحلقة البتفوتك وتصبر عليهم لحدي ما يكبرو ويشغلوا ليك جدو شعبان هههههههههههه يا سلام على برامج الاطفال عوضنا بيها الجبة وقعت في البير صاحبا واحد خزنير وحولب لب كم في الخط . . امي الله اديها العافية دائما تردد تربية العيال قَرِش حصحاص . . سلام يا سعادتك ابودية
Post: #22 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-11-2013, 11:32 AM Parent: #11
ود البوش سلام وإحترام
Quote: دا تهرب يا ود الصائم لابد ان تحضر معاهم كمان وتسألهم من الحلقة البتفوتك وتصبر عليهم لحدي ما يكبرو ويشغلوا ليك جدو شعبان هههههههههههه يا سلام على برامج الاطفال عوضنا بيها الجبة وقعت في البير صاحبا واحد خزنير وحولب لب كم في الخط
ود الصايم .. أقرأ كلام عبدالله ده وخلي الفوضى بتاعتك دي !!
Post: #12 Title: Re: وبعدين يا جماعة مع طيور الجنة ... نافوخنا فرأع !!! Author: مريم بنت الحسين Date: 03-11-2013, 10:28 AM Parent: #6
انا حأقول كلام أصعب من فكرة انه تجيبوا تلفزونات زيادة.. حددوا فترة القعدة قدام التلفزيون، ما تخلوها مفتوحة كده... اعملوه بالدور... طيور الجنة او mbc3 او اي قناة، الطفل محتاج تقنن شويه.. انا فاهمة جدا صعوبة الكلام ده في السعودية باعتبار انه التلفزيون وسيلة عشان نخلص من "نقّتهم"... لكن ضرره كبير جداً... الطفل محتاج يلعب بي حاجات تانية.. انا متأكده انه اطفالكم غرفهم مليانه ألعاب لكن ولا بهبشوها عشان مركزين مع التلفزيون... احنا عندنا تلفزيونين.. واحد فيه قنوات والتاني مركبينه في غرفتهم للwii... رغم انه عنده سلك ممدود من الdish لكن ابدا ما عايزه اوصّله ليهم... العائلة تكون قاعده مع بعضها ويتفاهموا حول ده دور منو .. والاطفال يحترموا الكبار والعكس... لما يمشوا يلعبوا wii أغلب الوقت بنكون إما انا او ابوهم بنلعب معاهم (بنطط زيهم ونرقص ونكورك في mario)... كده عارفينهم بتعرضوا لشنو.. وعايشين تفاصيل حياتهم كلها معاهم.. زمان محمود ولدي كان بحب طيور الجنة ولما يكون وقته في التلفزيون بكون متسمر قدامها، قاموا جوا الشرقية وعملوا حفلة... حضرناها، ومن يومها طفش من القناة... ليه! ما عارفه!
تحياتي الاخ صلاح
Post: #14 Title: Re: وبعدين يا جماعة مع طيور الجنة ... نافوخنا فرأع !!! Author: Artiga Gilani Date: 03-11-2013, 10:40 AM Parent: #12
بسم الله الرحمن الرحيم ابودية
عامر ابداً مو شاطر يلعب بالكبريت
اتارى الممكونين زى كتار
عارف الواحد قاعد فى المكتب وفجأة تلقاهو بدندن يا اطفال يا حلوين اشربو الحليب والجمبك ينفقع بالضحك
يقلع طيور الجنة
Post: #15 Title: Re: وبعدين يا جماعة مع طيور الجنة ... نافوخنا فرأع !!! Author: محمد عبد الماجد الصايم Date: 03-11-2013, 10:42 AM Parent: #14
Quote: يا اطفال يا حلوين اشربو الحليب
ههههههههههههه@ أرتيقا الحال من بعضو يا معلم!
Post: #16 Title: Re: وبعدين يا جماعة مع طيور الجنة ... نافوخنا فرأع !!! Author: Artiga Gilani Date: 03-11-2013, 11:02 AM Parent: #15
بسم الله الرحمن الرحيم
والله يا الصايم اخوى الواحد بقى ينسى الاغانى على حساب طيور الجنة دى
يا عمو تسلم أذنيك !! سواق البص العسول ! إحنا بنحبك يا زول !!
Post: #24 Title: Re: وبعدين يا جماعة مع طيور الجنة ... نافوخنا فرأع !!! Author: الحاج حمد الحاج Date: 03-11-2013, 11:40 AM Parent: #20
ياخي يوم أنا قاعد مع العزابة بتلعب كوشتينة و جريت لي كرت خمس الورق و قفل لي قمت قمت طوالي دندنت: يا اطفال يا حلوين ، عندنا صاحبنا كان جايب اولادو الصغار معاهو قاموا كملوها: اشربوا الحليب ، واحد من العزابة قال: دا شنو كمان؟
Post: #27 Title: Re: وبعدين يا جماعة مع طيور الجنة ... نافوخنا فرأع !!! Author: امجد محمد الأمين Date: 03-11-2013, 11:46 AM Parent: #24
يا اخي اشترينا تلفزيون تاني المعضلة انك تكون قاعد في التلفزيون التاني يجي يصر انو يقعد حمبك ويشغل كراميش ولا براعم ولا طيور الجنة ...
انا زمان بدندن بي تفسي في داخلك اعيان ولا الورده لو خانه الفراش هسي بقيت ادندن انا انا جزره يا ما احلي ولوني .
بوست مميز ..
وبعدين يا جمااوعه ..
Post: #40 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-11-2013, 05:54 PM Parent: #27
أمجد محمد الأمين لك التحية والإحترام
Quote: يا اخي اشترينا تلفزيون تاني المعضلة انك تكون قاعد في التلفزيون التاني يجي يصر انو يقعد حمبك ويشغل كراميش ولا براعم ولا طيور الجنة ... انا زمان بدندن بي تفسي في داخلك اعيان ولا الورده لو خانه الفراش هسي بقيت ادندن انا انا جزره يا ما احلي ولوني . بوست مميز ..
بالله إنت برضو جزرة .. أنا شابكة في راسي الليموني !! حامضة لكن طيبي .. أنا أنا الليموني !!
Post: #29 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-11-2013, 11:56 AM Parent: #24
Quote: ياخي يوم أنا قاعد مع العزابة بتلعب كوشتينة و جريت لي كرت خمس الورق و قفل لي قمت قمت طوالي دندنت: يا اطفال يا حلوين ، عندنا صاحبنا كان جايب اولادو الصغار معاهو قاموا كملوها: اشربوا الحليب ، واحد من العزابة قال: دا شنو كمان؟
الحاج ! والله صاحبك محمد نور الدائم قادينا بيها قد يوم الجمعة !!
Post: #50 Title: Re: وبعدين يا جماعة مع طيور الجنة ... نافوخنا فرأع !!! Author: احمد الأمين على إدريس Date: 03-12-2013, 11:06 AM Parent: #29
صلاح وبقية الممكونين انا حالتى متأخرة شوية لانو فاتت التلفزيون وجوة البيت ولحقت العربية حيث انهم عندهم اتنين شريط كاسيت واحد قااااعد جوة مسجل العربية اليوم كلو والتانى تحتو طوالى .. بس هم قدام شوية من زمن بابا تلفون وعصومى ووليد مرة راحو لعند الجيران.. القنوات من 1 الى 10 فى رسيفرنا(هم 2 ) عبارة عن اتنين طيور جنة وواحد ام بى سى 3 وكارتون نت ورك العربية وسبيس توون ...الخ
الله يعين غايتو وسوق سوق يا عمو برهوم اقصد صلاح يمكن البوست دا يجيب لينا حلول اسهل كما هى محاولة مريم الحسين اعلاه
Post: #61 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-12-2013, 03:53 PM Parent: #50
أحمد الأمين تحية طيبة
Quote: الله يعين غايتو وسوق سوق يا عمو برهوم اقصد صلاح يمكن البوست دا يجيب لينا حلول اسهل كما هى محاولة مريم الحسين اعلاه
ياعم مافيش حل !! سردبة بس. !! سردبوا يا جماعة سردبوا !!
Post: #55 Title: Re: وبعدين يا جماعة مع طيور الجنة ... نافوخنا فرأع !!! Author: امجد محمد الأمين Date: 03-12-2013, 01:02 PM Parent: #29
Quote: بالله إنت برضو جزرة .. أنا شابكة في راسي الليموني !! حامضة لكن طيبي .. أنا أنا الليموني !!
ههههه الليموني دا ما صادفتني . صادفتني انا البنضوره الحلوه تاكل مني لا تشبع وتصير خدودك حمره ..
دا طبعاً خلاف ريحانه ونظيف نظيف و سيد بارع والشان ذي شب وتوم وجيري اسماء في حياتنا .... انا لمن خشيت البوسط توقعت حل للمشكلة لقيت كل الشباب بيعنوا بلا حلول تذكر . تحياتي .
Post: #60 Title: Re: وبعدين يا جماعة مع طيور الجنة ... نافوخنا فرأع !!! Author: مازن الجمّال Date: 03-12-2013, 02:04 PM Parent: #29
المصيبة الانا وقعت فيها انو بقى عندي هوس بالاغاني دي بنوم وبصحى وهي ماسكة في لساني
حاسي اني حا اجن بعد شوية
الحل شنو
Post: #63 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-12-2013, 03:59 PM Parent: #60
مازن تحياتي
Quote: المصيبة الانا وقعت فيها انو بقى عندي هوس بالاغاني دي بنوم وبصحى وهي ماسكة في لساني حاسي اني حا اجن بعد شوية الحل شنو
والله حالتك دي بالضبط عند المدام وهسي هي خلاص قربت تفك منها !! فجأة كده بتكورك براها .. صوتك كنز !!
Post: #62 Title: Re: وبعدين يا جماعة مع طيور الجنة ... نافوخنا فرأع !!! Author: طارق ابراهيم ابوالفضل Date: 03-12-2013, 03:59 PM Parent: #29
انا ديمة ودايما الاولى
يلا غنو وقولوا
في المدرسة مافي مثلي
واجاباتي بالملي .....
اجمل حاجة تكون ماشي تحضر مباراة الهلال و المريخ اليوم
طيور الجنة من جهة و الجهة التانية بن 10
يا الله فلبتوا المواجع
Post: #64 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-13-2013, 10:25 AM Parent: #62
طارق إبراهيم أبوالفضل تحياتى وإحترامى وفرصة نرحب بيك فى حوش بكرى الكبير وشارعنا الصغير لك شكرى وتقديرى
Post: #75 Title: Re: وبعدين يا جماعة مع طيور الجنة ... نافوخنا فرأع !!! Author: حمد عبد الغفار عمر Date: 03-14-2013, 03:16 PM Parent: #29
سلام يا شباب
اخ أنا عندي واحدة عند النوم إلا أغني ليها (أنا) قال الثعلب لأمو اسمحيلي أروح ألعب
والحالة بتاعة الحروف ديك شينون شمس
دي لما تنتهي لو في كورة بتكون انتهت
الشفع ديل زي الجداد (الدجاج) المحل القاعد فيها انت دي هم بجوها ما تقول لي تلفزونين ولا ثلاثة
ولو طردتهم بزيدو زيادة
Post: #36 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-11-2013, 01:14 PM Parent: #17
داليا كيف حالك !
Quote: كر كلكم ممكونين ..
ممكونين .. وما صابرين !!
Post: #33 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-11-2013, 12:31 PM Parent: #14
أرتيقا ! كده ياهو إسمك ؟ تحياتي ومرحبا بك في الحوش
Quote: عارف الواحد قاعد فى المكتب وفجأة تلقاهو بدندن يا اطفال يا حلوين اشربو الحليب والجمبك ينفقع بالضحك
يقلع طيور الجنة
ههههه والله نفس الطابور وفي النهاية الموضوع بقى عادي !! الكل يردد: نسوفوا .. نسوفوا .. هيك ماما آلت !!!
Post: #26 Title: Re: وبعدين يا جماعة مع طيور الجنة ... نافوخنا فرأع !!! Author: عبد الله فقير Date: 03-11-2013, 11:45 AM Parent: #12
Quote: مريم بنت الحسين انا حأقول كلام أصعب من فكرة انه تجيبوا تلفزونات زيادة.. حددوا فترة القعدة قدام التلفزيون، ما تخلوها مفتوحة كده... اعملوه بالدور... طيور الجنة او mbc3 او اي قناة، الطفل محتاج تقنن شويه.. انا فاهمة جدا صعوبة الكلام ده في السعودية باعتبار انه التلفزيون وسيلة عشان نخلص من "نقّتهم"... لكن ضرره كبير جداً... الطفل محتاج يلعب بي حاجات تانية.. انا متأكده انه اطفالكم غرفهم مليانه ألعاب لكن ولا بهبشوها عشان مركزين مع التلفزيون... احنا عندنا تلفزيونين.. واحد فيه قنوات والتاني مركبينه في غرفتهم للwii... رغم انه عنده سلك ممدود من الdish لكن ابدا ما عايزه اوصّله ليهم... العائلة تكون قاعده مع بعضها ويتفاهموا حول ده دور منو .. والاطفال يحترموا الكبار والعكس... لما يمشوا يلعبوا wii أغلب الوقت بنكون إما انا او ابوهم بنلعب معاهم (بنطط زيهم ونرقص ونكورك في mario)... كده عارفينهم بتعرضوا لشنو.. وعايشين تفاصيل حياتهم كلها معاهم.. زمان محمود ولدي كان بحب طيور الجنة ولما يكون وقته في التلفزيون بكون متسمر قدامها، قاموا جوا الشرقية وعملوا حفلة... حضرناها، ومن يومها طفش من القناة... ليه! ما عارفه!
تحياتي الاخ صلاح
راعي البوست سلامان اختنا مريم الحسين حياك الله والله جنس كلامك الفوق دة ابى يلفق معانا كلو كلو ماعارف ليه يمكن نحنا اكيش منكم شوية صراحة البت الشايفاها في البروفايل دي نقناااااااااقة لامن بس وممكن تستمر في البكاء تلاتة يوم متواصلة عشان تفرض (اجندة ) معينة والمشكلة مع الغربة ودوامات الطويلة والشغل البباريك لحدي البيت والضغوط النفسية المختلفة ماببقي في الواحد حيل ولا اخلاق عشان يتحمل نقة فعملنا الحل القال عليهو ود الصائم برضو مانفع الاطفال مابستمتعو بالحاجة الا تكون انت وامهم معاهم فالبتالي انا ممكن اسمع كافة اغاني طيور الجنة وبراعم وام بي سي
Post: #28 Title: Re: وبعدين يا جماعة مع طيور الجنة ... نافوخنا فرأع !!! Author: Asim Fageary Date: 03-11-2013, 11:56 AM Parent: #26
غايتو المصريين عندهم مثل بقول (كل قبل ما تخلف والبس قبل ما تتزوج)
نحنا بقينا عيش حياتك قبل ما تتولد ذاتووووووووووووووو
Post: #65 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-13-2013, 10:49 AM Parent: #28
عاصم فقيرى لك التحية والإحترام
Quote: (شباب دي لرفع المعنويات فقط ما تدققو فيها)
ياعاصم .. أى زول دخل البوست ده وفهموا ده خلاص راحت عليهو حكاية شباب دى ! الشباب الجد جد ما فاهمين نحن بنقول فى شنو ؟
Post: #30 Title: Re: وبعدين يا جماعة مع طيور الجنة ... نافوخنا فرأع !!! Author: garjah Date: 03-11-2013, 11:59 AM Parent: #26
مافي حل
أرقدو نومو بس
أدرت الريموت على قناة السودان
بابا انت موش جايي تعبان من الشغل
هو تعب ساي يا بتي ...انا هلكان
طب ما تمشي تنوم ...بخبث وهي تسحب الريموت
Post: #31 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-11-2013, 12:05 PM Parent: #30
ويضلوا .. أحلى بيبي !!!
Post: #66 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-13-2013, 12:00 PM Parent: #30
قرجة تحياتى وإحترامى
Quote: أدرت الريموت على قناة السودان بابا انت موش جايي تعبان من الشغل هو تعب ساي يا بتي ...انا هلكان طب ما تمشي تنوم ...بخبث وهي تسحب الريموت
لا يا قرجة ياخ .. الجماعة ديل ما عندهم الخبث حماهم الله .. ده ذكاء حسب فهممم !!! أمش نوم ياخ .. إنت مش تعبان ؟؟
Post: #41 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-11-2013, 06:22 PM Parent: #26
عبدالله فقير تحياتي
Quote: فعملنا الحل القال عليهو ود الصائم برضو مانفع الاطفال مابستمتعو بالحاجة الا تكون انت وامهم معاهم فالبتالي انا ممكن اسمع كافة اغاني طيور الجنة وبراعم وام بي سي
ما تسمع بس ! تسمع وتحفظ كمان ولا على كيفك !!!
Post: #32 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-11-2013, 12:21 PM Parent: #12
مريم بت الحسين سلامات
Quote: زمان محمود ولدي كان بحب طيور الجنة ولما يكون وقته في التلفزيون بكون متسمر قدامها، قاموا جوا الشرقية وعملوا حفلة... حضرناها، ومن يومها طفش من القناة... ليه! ما عارفه!
والله الجماعة ديل جوا الخرطوم وعملوا حفلة في إستاد الخرطوم ... لكن الأعمى شايل المكسح ما قدرنا نخش !! إمكن لو خشينا كان إتحلينا زيكم !!
Post: #34 Title: Re: وبعدين يا جماعة مع طيور الجنة ... نافوخنا فرأع !!! Author: مريم بنت الحسين Date: 03-11-2013, 12:41 PM Parent: #32
يا شباب... انتو ما ملاحظين انو الرجال هم البشتكوا من القصة دي... يعني انا لما جيت علقت كنت عايزه اكتب عن مساويء التلفزيون المفتوح على طول للأطفال... لكن ما متضايقة لما يكون وقتهم ويتابعوا معاي... حسي احنا في البيت رغم انه مقنن، لكن برضه الشكله بتقوم بين الاولاد وابوهم... الاطفال ديل بالمناسبة أذكياء... والحركات دي كلها عشان يجذبوا انتباهكم... كدي جربوا ألعبوا معاهم دسدس مثلا.. قوموا من الكنبة وقولوا ليهم يلا غمضوا وامشوا اتدسوا... شوفوهم يشتغلوا بالتلفزيون ولا اللابتوب ولا غيره! الاطفال دي طريقتهم عشان يقولوا ليكم عاينوا لينا... عشان كده حتى لو فتحتوا ليهم طيور الجنة اليوم كله ما حتتحلوا منهم... عليكم الله جربوا الليله قصة الدس دس دي... والله ممتعة بشكل... نادر بكون شايل ليلى لانها ما بتفهم اللعبة.. ومحمود بغمض ونجري نتدسى ... ولما يلقى واحد فينا نضحك ضحك!! انا جاده مافي زول يجي يشاكلني...
طب بلاش دس دس لو اللياقة تعبانة (زي ود الصايم مثلا، وايوه دي إشارة إلى هروبك من biggest looser).. جيبوا ليدو واقعدوا علموهم اللعبة واعلبوها معاهم... كوتشينه مينوبولي... احنا قبل اسبوعين اشترينا طاولة ping pong (النوع البطبّق)، ناس ساكو جابوها ... وقاعدين نعلم محمود .. والله الاطفال عايزين انتباهكم ...
حسي انا بالنهارية ما عندي كبير غرض في التلفزيون... لكن عشان ما يفضل مفتوح ليهم، بقوم احدد وقت.. محمود بجي من المدرسة الساعة 2:30... مسافة ما يغير... بجي يقعد فيه.. هو عارف وقت الدراسة الساعة 4.. الفترة دي تلفزيون.. لما يجي وقت الدراسة والواجبات بنقفله كله كله... بخلص القراية.. وبعداك هو زاتو بنساهو.. ممكن يرجع ليه زي الساعة 6 عشان ياكوي نادر... الساعة 7 بقيف... بمشي يلعب ويخش ويمرق الساعة 8 العشا، الساعة 8:30 النوم... في الويك إند، بنعمل برنامج حافل... بنطلع غالباً ونعمل مشاوير عائلية بالكرعين... ايوه والله نطلع نمشي لينا تلاته أربعة كيلو سوا، ونرجع.. محمود ليه اسبوعين وقت الفليم بتاع mbc3 بقى يطفي نور الاوضة ويطلب popcorn.. بحضر الفليم، ولانه تعبانه بكون عين مغمضة وعين مفتحة.. وغالبا ما بتمّه.. وبنوم... والله الحاجات دي كلها (تلفزيون لابتوب، تلفون، تابلت...) غير انها تسرق منّكم ومنهم أحلى ايامكم سوا، ما فيها اي فايدة...
*كان زول كسر ليه كراع ولا حاجه وهو جاري في الدس دس ما يجي يقول دي مريم
Post: #35 Title: Re: وبعدين يا جماعة مع طيور الجنة ... نافوخنا فرأع !!! Author: Artiga Gilani Date: 03-11-2013, 12:56 PM Parent: #34
بسم الله الرحمن الرحيم
ابودية ياهو زى ما كتبتو
ابسوفو ابسوفو هيك ماما الت
كتلتنى بالضحك
ارتيقا
Post: #37 Title: Re: وبعدين يا جماعة مع طيور الجنة ... نافوخنا فرأع !!! Author: عبد الله فقير Date: 03-11-2013, 01:26 PM Parent: #35
Quote: Osman Omar Al Mahmuodالواحد قنع من التلفزيون وخلاهو ليهم بصورة شبه نهائية الغريبة بعد دا واحد يادابو بتكلم يلحقك في صرة لابتوبك ويردد جمبك فتحي ياوردة غمضي ياوردة تشبكو يا ود هوي الوردة هناك امشي لي اخوانك بعد شويتين تكتشف وانو دايرة في ال youtube وبعد توافق دير يسمعا مرتين بس المهم الواحد ممكن يتماشا معاهم لكن المصيبة الي انا ما قادر اعرفا واكون واثق منها تماما هل الكلام دا صاح بمعنى نخليهم يشاهدو القنوات دي زي ما هم عايزين ما ح يكون عندها اي سلبيات لقدام في سلوكهم ؟؟؟ والسلام ...
اخونا من الفيسOsman Omar Al والله كلامك دة كوبي بيست بس
Post: #42 Title: Re: وبعدين يا جماعة مع طيور الجنة ... نافوخنا فرأع !!! Author: محمد عبد الماجد الصايم Date: 03-12-2013, 09:03 AM Parent: #37
هههههههههههههههههه@ بت الحسين! وين الكلام دا مع الدومات السَلبة دي!! لكن آخر الأسبوع قاعد أجهجه باكاتم كويس فيما يسمى (اليوم الأسـري)! ودا طبعا ببدا من بعد صلاة الجمعة طوالي وحدي صلاة العشا .. في الغالب بكون (مول) عشان تضرب عصفورين بحجر غدا + ملاهي ثم تختما بالحديقة والتمشية بجو ناشفين
_ لكن قصة دسوسية دي ما معانا ولااا بنقدر ليها!
Post: #43 Title: Re: وبعدين يا جماعة مع طيور الجنة ... نافوخنا فرأع !!! Author: Artiga Gilani Date: 03-12-2013, 09:20 AM Parent: #42
بسم الله الرحمن الرحيم
الصايم
Quote: لكن قصة دسوسية دي ما معانا ولااا بنقدر ليها!
دى الا نزيت ركب حتى تلفق معانا
( اديها شوية من ضحكتك بدل الوش .. وضاحك دايماً ان شاء الله )
ارتيقا
Post: #44 Title: Re: وبعدين يا جماعة مع طيور الجنة ... نافوخنا فرأع !!! Author: محمد عبد الماجد الصايم Date: 03-12-2013, 09:32 AM Parent: #43
هيا أرتيقا .. تزييت شنو وشايف صورتكـ رشيق ما شاء الله أهـا لو بقيت زيّنا ناس الأوفر هندرد ح تقول شنو!!
اتدسدس دسوسيتكـ يرحمكـ الله
Post: #45 Title: Re: وبعدين يا جماعة مع طيور الجنة ... نافوخنا فرأع !!! Author: ناذر محمد الخليفة Date: 03-12-2013, 10:14 AM Parent: #44
صلاح ابو دية ..!
في واحدة اسمها أمرة ولا قمرة ما عارف دي كان لقيتا بعضيها في نافوخا !!
اقعوا قناة سنابل .. عيبوا لي ناس فولي وفولاية وجدو والجيران حبايبنا !!
ويا ابو دية .
لو قالوا سمين ما تكون حساس !! دي غايتو بناتي حافظينهم صم وأنا برضو حافظ معاهم !!
Post: #67 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-13-2013, 12:07 PM Parent: #45
ناذر الخليفة تحياتى وإحترامى
Quote: في واحدة اسمها أمرة ولا قمرة ما عارف دي كان لقيتا بعضيها في نافوخا !!
والله إسمها لا أمرة ولا قمرة إسمها مايا ياخ !! ده حسب ما مدور فى كنكوجى الداير يطير ! مايا .. مايا ... أمرايا ... واى واى وووووواااااااككككككك
Post: #46 Title: Re: وبعدين يا جماعة مع طيور الجنة ... نافوخنا فرأع !!! Author: Artiga Gilani Date: 03-12-2013, 10:18 AM Parent: #44
بسم الله الرحمن الرحيم
الصايم
ما يغرك المظهر
ركب تك
ال دسوسية ال
بالغتى معانا يا بت الحسين
ارتيقا
Post: #47 Title: Re: وبعدين يا جماعة مع طيور الجنة ... نافوخنا فرأع !!! Author: محمد حيدر المشرف Date: 03-12-2013, 10:34 AM Parent: #46
التلفزيون بالنسبة لى يارا, بنتى, حاجه مختلفه جدا .. يعنى لو عاوزه تحضر "دورا" الساعة 4 .. تفتح القناة الفلانية .. اما لو عاوزه تحضر "دورا" الساعة 6 .. فهى عارفه وين تلقى "دورا" الساعة 6 .. وكذلك الساعة 7 الخ .. وهكذا هو الحال مع تليتيبيز وبارنى ودييغو .. والاخير كما يبدو لى تربطه علاقة قرابة ما مع "دورا" ..
Post: #48 Title: Re: وبعدين يا جماعة مع طيور الجنة ... نافوخنا فرأع !!! Author: ناذر محمد الخليفة Date: 03-12-2013, 10:36 AM Parent: #46
عيبوا لي سنابل السودانية دي :
Post: #49 Title: Re: وبعدين يا جماعة مع طيور الجنة ... نافوخنا فرأع !!! Author: مريم بنت الحسين Date: 03-12-2013, 11:05 AM Parent: #48
هههههههههههههه.. والله اديتوني احساس اني بقول زي عادل إمام (خللوه)....
يا ود الصايم... جرّب الليدو... ارقد رقاد عدييييييييل كان فتران من الشغل (ده لو بتجي في وقت مناسب قبل وقت نومهم).. والله بتتحلو منّهم... اصلا انا التلفزيون لو عايزه شي احضره بمزاج، بحضره بعد ينوموا ... ليلى بتي عمرها سنة ونص... ما بتحب التلفزيون خاااااااالص ليوم الليلة... ولا بجذبها... حسي في اللحظة دي انا بكتب كلمة، وبوقف اسمع المحاضرة البتقول فيها ليها ساعة... وما بيحلى ليها تتكلم إلا لما تحس بي اني مشغولة... محمود اول ما يصل بكون عايز الوقت بتاعه حق التلفزيون... رغم اني مرات بكون بتفرّج.. لكن ما دخله... بخليه ينتظرني اتم العندي بعداك يشوف التلفزيون... مما يجيب المحطة بتاعته، بمشي يخليها... او ممكن يكون قاعد جنب التلفزيون وبلعب بي لعبة تانية... يعني ده lose lose situation...
بمناسبة سنابل يا ناذر... محمود حلف منّها عديل كده.. رغم اني بغني معاهم وبشرح ليه الحاجات ... اعتقد المشكلة انه مافي ربط بالواقع مع الحاجات البشوفها في التلفزيون... يعني ما بعرف الزير ولا العنقريب... ولا شاف حِلّة سودانية بعد كِبِر كده... اليوم داك جاني شعور قوي اني اسوقهم امشي رفاعة... اخليهم يقعدوا ليهم تلاته شهور هناك.. ولا نفتح تلفزيون ولا نعاين لحاجه... يقعدوا في التراب يلعبوا بيهو، يعجنوا الطين... والعصريات يمشوا البحر... والله حياة طبيعية وجميلة بشكل... انا طبعا اتربيت اول سنين حياتي مع حبوباتي في رفاعة...
يلا... زيّتوا الركب وقوموا العبوا مع اولادكم يرحمكم الله
Post: #51 Title: Re: وبعدين يا جماعة مع طيور الجنة ... نافوخنا فرأع !!! Author: نادر النور آدم Date: 03-12-2013, 11:13 AM Parent: #48
Quote: عيبوا لي سنابل السودانية دي
جودة تصميم الإنميشن بتاعها تجيب الحموضة!!
ثم مشتاقين يا عمك
Post: #52 Title: Re: وبعدين يا جماعة مع طيور الجنة ... نافوخنا فرأع !!! Author: نادر النور آدم Date: 03-12-2013, 11:15 AM Parent: #51
ما شاء الله تبارك الله .. ربنا يحفظهم ويخليهم ليك ويخليك ليهم
Post: #53 Title: Re: وبعدين يا جماعة مع طيور الجنة ... نافوخنا فرأع !!! Author: ملكة سبأ Date: 03-12-2013, 12:23 PM Parent: #52
سلام على احلى طيور هههههههه
من المشاكل الغير البتواجهني مع توتة حبها المفرط للبت لين الصعيدي وكل شويتين تصر اغني معاها طق طق مييييين مين بس عشان تقول لي انا لين لمن قربت اقتنع انها لين
والمشكلة التانية لمن تتقمص شخصية ديمة بشار ونكشك نكشك والشعر يوقفو ليك نيش ههههههه
ويامريم على عكسك تمام توتة ماعلقت في طيور الجنة بالشكل دا الا لمن جو هنا ومشينا وطرحت نفسها صديقتهم الحميمة -لصاحباتها واولاد خالتها- لانها شافتهم
تعرف تكتل قلبي تماما لمن تعدل في الأغنية : الأم الشطورة في البوم احلى الأمات راح نعملها صورة
وتكتل ليك قلب ابوها كل دقيقة ب تسلم يانور عيوني ههههههههه
المهم كانت مابتحب طيور بيبي شديد ومابقت تحضرها الا لمن كشت شوية من قناة طيور الاساسية بعد كليب الحرامي
عليه عليكم بهذا الكليب لو شفعكم خوافين هههههههه
اها المشكلة بقت في امها الماقادرة تتخلى عن القناة والله مرات بلقى نفسي قاعدة براعي ومشغلاها وبالذات برنامج صوتك كنز وراح نكتشفو هههههههههه
نسيت اقول القناة الممضلة لتوتة اي رقم واحد هي براعم بببا براااعم
وياناذر الخليفة اقول ليك حاجة سنابل دي نهااااااائي ابت تلفق معانا
مرات بكون شايلة الريموت وبغير ليها براحة بنلقى حاجات تشدها لكن من اجيب سنابل عينك ماتشوف الا صرة الوش وعوجة الخشم ويتخنو ليك الصوت اوب عليييييييا سنابل ؟ امي يعني مانحضر معاك هههههههههه
Post: #54 Title: Re: وبعدين يا جماعة مع طيور الجنة ... نافوخنا فرأع !!! Author: Artiga Gilani Date: 03-12-2013, 12:39 PM Parent: #53
بسم الله الرحمن الرحيم ملكة سبأ
ازيك يا سنيرة
وربنا يخلى لي ليك توتة
غايتو نحنا ما وصلنا مرحلة نتفرج برانا
بس بنغنى فى المكتب
بت الحسين
عايزة تفكيى لينا ركبة ولا تلوى لينا انكل غايتو
جااااارى التزييت
Post: #57 Title: Re: وبعدين يا جماعة مع طيور الجنة ... نافوخنا فرأع !!! Author: ناذر محمد الخليفة Date: 03-12-2013, 01:21 PM Parent: #54
سلام نادر .. وينك يا راجل .. ما باركت لي كميرتي الجديدة بالمواصفات ديك هههههههههه
Quote: جودة تصميم الإنميشن بتاعها تجيب الحموضة!!
ثم مشتاقين يا عمك
ايوة لسع بدري عليها .. شوية شوية مع توفر الامكانات الحكاية بتظبط !!
تسلم يا زعيم ..
Post: #58 Title: Re: وبعدين يا جماعة مع طيور الجنة ... نافوخنا فرأع !!! Author: ناذر محمد الخليفة Date: 03-12-2013, 01:35 PM Parent: #54
هلا ملكة سبأ ..
Quote: وياناذر الخليفة اقول ليك حاجة سنابل دي نهااااااائي ابت تلفق معانا
مرات بكون شايلة الريموت وبغير ليها براحة بنلقى حاجات تشدها لكن من اجيب سنابل عينك ماتشوف الا صرة الوش وعوجة الخشم ويتخنو ليك الصوت اوب عليييييييا سنابل ؟ امي يعني مانحضر معاك هههههههههه
ههههههههه عارفة ليه ؟!
الرسوم بتاعت سنابل والمسلسلات القديمة جدا ومعمولة بي تقنيات الزمن اتجاوزا .. وبقت ما جاذبة للطفل .. أنا هسي بناتي ديل بيحضروا الأغاني في سنابل وحافظنها صم . لكن مجرد ما يجي مسلسل قديم بيدقوا جرس ويقولو عايزين براعم أو طيور الجنة ..!
Post: #56 Title: Re: وبعدين يا جماعة مع طيور الجنة ... نافوخنا فرأع !!! Author: ناذر محمد الخليفة Date: 03-12-2013, 01:16 PM Parent: #52
سلام مريم ..
Quote: اعتقد المشكلة انه مافي ربط بالواقع مع الحاجات البشوفها في التلفزيون... يعني ما بعرف الزير ولا العنقريب... ولا شاف حِلّة سودانية بعد كِبِر كده... اليوم داك جاني شعور قوي اني اسوقهم امشي رفاعة... اخليهم يقعدوا ليهم تلاته شهور هناك.. ولا نفتح تلفزيون ولا نعاين لحاجه... يقعدوا في التراب يلعبوا بيهو، يعجنوا الطين... والعصريات يمشوا البحر... والله حياة طبيعية وجميلة بشكل... انا طبعا اتربيت اول سنين حياتي مع حبوباتي في رفاعة...
فعلا دي هي المشكلة .. أنا شخصيا بعاني منها لأني ساكن في شقة .. وأكترية الحاجات الفي سنابل القلتيها دي غير موجودة طبعا في الشقق .. هسي اكتر حاجة بيرتاحوا ليها البنات وأسعد اوكاتم لمن يمشوا بيت حبوبتم في الكلاكلة يقعدو كم يوم .. عندهم هناك ما شاء الله حوش كبير فيهو زراعة ومظلة برة وطين وحلل وعناقريب ..!! والله لمن يرجعوا أنا بحن عليهم بيشعروا بالاكتئاب في الشقة عدييل كدة .. فعلا مسالة الربط مع الواقع حاجة مهمة .. قبل فترة وديتم جنينة الحيوانات لأول مرة كانوا مفتكرين حا يشوفوا الحيوانات هناك بي شكلها الظريف الملون البيشوفوهو في قنوات الأطفال العربية وافلام الكرتون .. اقول ليهم عاينو القرد داك !! يصروا وشهم ويقولوا دا ما القرد ..! طيب عاينو الغزالة دي !! يقولوا دي ما غزالة الغزالة لونا بمبي !! أي حيوان وريتو ليهم نكروهو حطب وكمان في النهاية دقوا جرس قالوا ما بيمشوا الا يشوفوا الدب نظيف نظيف بتاع قناة براعم !! دا يجيبوهو ليهم من وين في الحر دا !!
غايتو مسألة الزول يكون اب جيد لي بنتين عمرهم قريب لي بعض وتفكيرم متسق مع بعض مسألة صعبة خلاص !!
Post: #59 Title: Re: وبعدين يا جماعة مع طيور الجنة ... نافوخنا فرأع !!! Author: ناذر محمد الخليفة Date: 03-12-2013, 01:50 PM Parent: #56
شوفوا مجموعة الأغاني دي من سنابل :
ديل بالرغم من ضعفهم التقني من ناحية الرسوم والاخراج لعدم توافر التقنية المتقدمة الا انهم بالنسبة لي يساوو باقات طيور الجنة وكراميش وبراعم كلهم !! وشايفم أفيد لي طفلاتي وقريب من واقعم باكتر من ديلاك وحتى الرسائل البتبث للاطفال من خلال الأغاني دي واضحة والطفل ممكن يستوعبا بسهولة خاصة انها بي لغتنا المحكية العادية !!
Post: #68 Title: Re: وبعدين يا جماعة مع طيور الجنة ... نافوخنا فرأع !!! Author: ناذر محمد الخليفة Date: 03-13-2013, 01:22 PM Parent: #59
يا ابو دية انت قاعد ترد بي وين وفي ياتو صفحة !!
ما في زول شايف ردودك أو حا يقراها !! تعال الصفحة التالتة ورد بي هنا !!
معقولة يا أبو السناير ؟! .. من أمبارح شايفك بترد في واحدة من الصفحات الداخلية !!!
Post: #69 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-13-2013, 01:31 PM Parent: #68
يا ناذر !
Quote: يا ابو دية انت قاعد ترد بي وين وفي ياتو صفحة !!
ما في زول شايف ردودك أو حا يقراها !! تعال الصفحة التالتة ورد بي هنا !!
معقولة يا أبو السناير ؟! .. من أمبارح شايفك بترد في واحدة من الصفحات الداخلية !!!
Post: #70 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-13-2013, 01:37 PM Parent: #69
عذراً لكل الإخوة المتداخلين .. أنا بحاول أرد لكل زول تحت المداخلة بتاعتو ! مرات بتصدق ومرات بتجى فى آخر البوست ! ليه ما عارف والله !! كدى يا ناذر راجع مداخلتك فى الصفحة 2 !!! ــــ فى ناس بقروا البوست من مداخلتم ولى تحت .. وفى ناس بمشوا الصفحة الأخيرة طوالى !! وأنا بحاول أوفق بين هذا وذاك ! والحكاية دى شكلها عامة فى المنبر ... دايرين لينا طريقة حديثة شويه للردود والكوت ول ّ شنو ؟؟
Post: #71 Title: Re: وبعدين يا جماعة مع طيور الجنة ... نافوخنا فرأع !!! Author: ناذر محمد الخليفة Date: 03-13-2013, 04:38 PM Parent: #70
!!!!!!!!
Quote: أنا بحاول أرد لكل زول تحت المداخلة بتاعتو ! مرات بتصدق ومرات بتجى فى آخر البوست ! ليه ما عارف والله !!
لأنو أنت بتفتح كم صفحة للرد ولمن ترد في صفحة وتمشي للبعديها ما بتمشي بي انتظام الصفحات الفاتحا ودا بيخلي الردود تتناثر وما تجي مرتبة ..!!
بعدين ما تنس انو الصفحة بقت تقلب سريع جدا وما في زول بيرجع ورا ..
أسلم حل تمشي أخر صفحة وتنزل تفتح ليك كم صفحة للرد وتفتح صفحة تانية ترجع بيها من محل وقفت ترد .. وترد من هناك وترسل وبي كدة الردود كلها بتجي في الأخر واي زول بيشوفا ..
حكاية ترد علي أي زول تحت مداخلتو في حالة يكون البوست ايقاعو بطي أو عدد المداخلات يكون كتير في الصفحة الواحدة قبال تقلب ..!
تسلم
Post: #72 Title: Re: وبعدين يا جماعة مع طيور الجنة ... نافوخنا فرأع !!! Author: مريم بنت الحسين Date: 03-13-2013, 07:28 PM Parent: #71
يا اخوانا في حسبة تانية عايزاكم تختو ليها بالكم... القنوات دي بتسوّق لكمية من المشتروات مبالغ فيها... ألعاب وشنط وشيبس وعصير.. والعجب ناس طيور الجنة كمان عندهم محلات عديييييييل في المول! اها ديل يسووا ليهم شنو... اخير ليكم تقوموا تلعبوا معاهم بدل ما تبقى ليكم سردبه وفَلَس....
Post: #73 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-14-2013, 10:19 AM Parent: #72
محمد حيدر المشرف شرفنى مرورك
Quote: التلفزيون بالنسبة لى يارا, بنتى, حاجه مختلفه جدا ..
برضو يارا ؟؟
Quote: كلنا فى الهم شرق !!
صحيح ! كلنا فى الهم شرق وأبوات يارات وكمان ودالصايم قال نحن فارات !!
Post: #74 Title: Re: وبعدين يا جماعة مع طيور الجنة ... نافوخنا فرأع !!! Author: Mohammed Mahdi Date: 03-14-2013, 02:45 PM Parent: #73
ســلام للكل
و الله كان لقيت طريقه كنت كسرت الستلايت زاتووواااااااا اي واحد بيعاني من الاولاد معنا دخل في طور الحمار. قولو كيف؟
ايوااااااااا
قال جدي ...
الانسان له اخمس مراحل المرحلة الانسانيه وهي المرحلة من واحد يوم الي اربعين سنه وهي المرحلة التي تسبق الزواج حيث يعيش حياتو الطبيعية قبل الزواج بحريه..
المرحلة الحماريه . بعد العرس بيكون عمرو في الاربعين تقريبا و عندو اولاد ( وهي سن الحمار التى نحن فيها الان) ما يميز هذه الفتره تلقاها (الاب ) داخل على البيت وشايل حاجات كل يوم (زي الحمار بالضبط)
(المرحلة ال######يه) عند بلوغه الستين (المرحلة ال######يه) يكون قد اتي على سن المعاش و الاولاد كبرو ودخلو الجامع و الاتوظف اتوظف و هو ( الاب) قاعد في البيت و الوق كلو في يا ولد جيب و يا بت سوي يهوهو زي ال###### تماما....
باقي المراحل ستأتيكم لاحقا
مودتـــــي
مهدي
Post: #76 Title: Re: وبعدين يا جماعة مع طيور الجنة ... نافوخنا فرأع !!! Author: tabaldy Date: 03-14-2013, 03:56 PM Parent: #74
حليل الجد شعبان وجنة الأطفال
المشكلة بعد عشرة سنة من هسه حيخشوا في وادي الذئاب وباقي مسلسلات الترك وأم بي سي 2 ويستمروا طاشر سنة كدا ويقعدوا يخشوا المنابر ويفتشوا عن حلول لمشكلة طيور الجنة
دي فاتت الاستلاب الثقافي لي مرحلة سرقة الإرث والثقافات عديل مفردات عنقريب وكنش وتبروكة حتخش قريب المتحف بس البكيف إنو المصريين برة الشغلانة دي سنابل يا ناذر عاملة زي قناة النيلين ، قناة النيلين بتنزل زيادة زيها زي دقة الفحم
تحياتي
Post: #77 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-14-2013, 08:38 PM Parent: #76
ملكة سبأ تحية مباركة
Quote: والمشكلة التانية لمن تتقمص شخصية ديمة بشار ونكشك نكشك والشعر يوقفو ليك نيش ههههههه
والله العظيم يارا بتي معطت شعرها كلو بسبب المذكورة دي !! والغيار كل دقيقة دايرة تلبس زييها غايتو الله يكون في عون أمها !!
Post: #78 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-18-2013, 08:55 AM Parent: #77
Quote: غايتو مسألة الزول يكون اب جيد لي بنتين عمرهم قريب لي بعض وتفكيرم متسق مع بعض مسألة صعبة خلاص !!
هههههه ! يا ناذر برانا بنصعبها على رقبتنا !! الجماعة ديك كلو ثلاثة أربعة سنة بجيبوا واحد/ة بس !! ده كان ما وقفوا على الأول/ة !! أما نحن والله العظيم فى واحدين فينا بكونوا ما عارفين الكبير منو والصغير منو ؟ ويجوك أنت أبوهم عشان تحكم !! ومرات بتقعد تحك فى راسك زى القرد !!
Post: #81 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-18-2013, 12:18 PM Parent: #76
tabaldy والله شرفنى مرورك عبر كبسولة الزمن !
Quote: مفردات عنقريب وكنش وتبروكة حتخش قريب المتحف
ح تخش ؟ ياخ والله العظيم فى ناس معانا فى المنبر ده ما بعرفوا الحاجات دى خليك من أولادنا !!
Quote: دي فاتت الاستلاب الثقافي لي مرحلة سرقة الإرث والثقافات عديل
ودى الكارثة هنا .. لمن بتك تقوليك : بطّلع بى عينىّ ! تقوم تصن كده وببلاهة تقول ليها : قتّى شنو ؟؟ مع النهرة طبعاً !!
Post: #79 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-18-2013, 11:30 AM Parent: #74
محمد مهدى تحياتى وإحترامى ومرحب بيك فى حوش بكرى والله ما شفت بوست الترحيب بتاعك ! برالمة الزمن ده بس فجأة كده بتلقى فى البوست بتاعك وبعد شوية يطلع قريبك وغايتو !ّ
Quote: باقي المراحل ستأتيكم لاحقا
والله العظيم يهدلنا بهدلة .. تانى فى مرحلة أسوأ من الشخبطها بكرى دى ؟؟
Post: #80 Title: Re: وبعدين يا جماعة مع طيور الجنة ... نافوخنا فرأع !!! Author: هيثم التوم Date: 03-18-2013, 12:03 PM Parent: #79
حبيبنا صلاح ابودية
سلامات
البطاطا البطاطا حيو البطاطا البطاطا . . يجيئون الى مهرولون أثناء نومي في الغرفة المجاورة يصرخون: بابا بابا .. واصحو مفزعا ! في شنو ؟ مالكم ؟ البطاطا يا بابا البطاطا ! البطاطا شغالة ! كنت قد عودتهم ان اجاملهم بعض الرقصات والدندنات اثناء حضورهم لاناشيد طيور الجنة وعندما تأتي البطاطا هذه كنت اقوم بمحاكاة البطاطا الدبة الحمراء تلك على طريقة تضحكهم فكانوا يأتون لاخباري لكي اعيد المشهد الذي يحبونه كلما ظهرت البطاطا على التلفاز براءة اطفالي لكن النافوخ طق طق جدا ...
Post: #82 Title: Re: وبعدين يا جماعة مع طيور الجنة ... نافوخنا فرأع !!! Author: صلاح أبودية Date: 03-19-2013, 01:07 PM Parent: #80
