Post: #1 Title: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-10-2013, 10:37 PM Parent: #0
بعد إنبطاحة مجلس المريخ للحضري......نستطيع أن نقول أن الهلال يسبب رعبا للمريخ داخل و خارج الميدان.....وهذا الرعب جعل مجلس المريخ يدوس علي أي حاجة....
التحية للهلال إدارة و جماهير و لاعبين
وأتمني أن يسدد لاعبو الهلال الضربة الفنية القاضية .....حتي نثبت لهم أنه ليس بالحضري وحده يحيا المريخ...أو كما يعتقدون
Post: #2 Title: Re: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-10-2013, 10:44 PM Parent: #1
و أعتقد أن الصفوة الحقيقية من جماهير المريخ تتفق في أن ماحدث من إستنجاد بلاعب تمرد عدة مرات و أساء عدة مرات...وهرب عدة مرات...ونفذ ما يحلو له و كما يريد هو ...في حق نادي المريخ...لهو كفيل بأن تصدر بحقه ما يحفظ للنادي و جمهوره و لاعبيه ماء وجههم......هل لاعبي النادي ليسو بالكفاءة للتصدي للمهمة حتي يتم الاستنجاد بالحضري و تنفيذ كل ما يتمناه و يحلم به....طيب سجلتوهم ليه إذغ ما واثقين فيهم؟؟؟
كان تبقوا علي الحضري فقط و أي 16 لاعب أخر مدام هو يمثل كل قوة المريخ
Post: #3 Title: Re: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-10-2013, 10:49 PM Parent: #2
إذا فاز الهلال فقد سد الضربة القاضية
وإذا لم يفز فيكفيه ما أحدث من هزة في النادي الند
والعيار اللي ما يصيب يدوش
Post: #4 Title: Re: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-10-2013, 10:50 PM Parent: #3
مرحبا يا حضري في ستاد الهلال الذي تعرفه جيدا ...وسبق أن إنبطحت فيه بدل المرة ثلاث مرات
مرحبا بك لنرد لك بعض مما تفعله في أهلنا في العرضة جنوب
سيكون في إنتظارك:
1. تراوري
2. كاريكا
3. مهند الطاهر
كفاك ولا أزيد
Post: #5 Title: Re: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-10-2013, 10:54 PM Parent: #4
ولن نختزل تيم الهلال في لاعب معين كما إختزل اخوتنا تيمهم فيك
ولكننا نقول أن كل تيمنا بركة........وكل لاعب فينا يمثل الهلال بكل قيمه وادبياته و موروثاته
وأهلا بالهزيمة إذا كنا مرفوعي الهامة...
ولا تسقني كأس الحياة بذلة...بل فأسقني بالعز كأس الحنظل
Post: #6 Title: Re: الهلال يسبب الرعب للمريخ .....توجد إنبطاحة Author: Elmosley Date: 03-11-2013, 01:36 AM Parent: #5
دكتور ازيك ولعلك طيب ياخي مجلس المريخ اخطآ في حق لاعب محترف وصحح الخطا فلماذا تعتبر ذلك انبطاحه يعني الحضري ده يلعب مجانا ولاشنو؟؟؟؟ عموما ليس غريبا آن يفوز الهلال علي المريخ في وجود الحضري آو غيابه كما آن المريخ يستطيع هزيمة الهلال في وجود الحضري آو غيابه
Post: #8 Title: Re: الهلال يسبب الرعب للمريخ .....توجد إنبطاحة Author: محمد النيل Date: 03-11-2013, 02:00 AM Parent: #6
Quote: دكتور ازيك ولعلك طيب ياخي مجلس المريخ اخطآ في حق لاعب محترف وصحح الخطا فلماذا تعتبر ذلك انبطاحه يعني الحضري ده يلعب مجانا ولاشنو؟؟؟؟ عموما ليس غريبا آن يفوز الهلال علي المريخ في وجود الحضري آو غيابه كما آن المريخ يستطيع هزيمة الهلال في وجود الحضري آو غيابه
يا دكتور الموصلى سلام كتير خلاس إنت معانا ول مع الخيانة؟ تحياتى
Post: #31 Title: Re: الهلال يسبب الرعب للمريخ .....توجد إنبطاحة Author: Elmosley Date: 03-11-2013, 11:44 AM Parent: #8
الحبيب الفنان محمد النيل القصة ما كده انا مع الخيانه لكن لم يحدث مره واحده آن نوقفت عن تشجيعكم في المباريات الخارجيه وعمري لم اتمنى لكم الهزيمه خارجيا لانني سوداني في المقام الآول الوعي الوعي هههههه
Post: #14 Title: Re: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-11-2013, 06:34 AM Parent: #6
يا موسيقارنا الكبير موصلي: ادارة المريخ اخطأت كيف و اللاعب يسافر دون اخطار المجلس حتي.... خليك من انو ياخد اذن.... يعني يسافر علي كيفو وماسائل في احد .... ويقومو يلحقو يطيبو ليهو خاطرو بالدولارات طبعا عشان يلحق مباراة للهلال...... ويرجع مرفوع النخرة اكتر من الاول... انتو مافي واحد بيحس في الناس ديل ولا شنو؟ بعدين ياخي عندكم تلاتة لاعبين وطنيين في نفس الخانة ...ليه ماتراعوا لي شعورهم شوية...... وهم لولا المعايش جبارة كانوا شردوا زمان.... لانو البتعملوهوا فيهم دا يدمر اي لاعب نفسيا مهما كانت شخصيته
Post: #32 Title: Re: الهلال يسبب الرعب للمريخ .....توجد إنبطاحة Author: Elmosley Date: 03-11-2013, 11:48 AM Parent: #14
Quote: يا موسيقارنا الكبير موصلي: ادارة المريخ اخطأت كيف و اللاعب يسافر دون اخطار المجلس حتي.... خليك من انو ياخد اذن.... يعني يسافر علي كيفو وماسائل في احد .... ويقومو يلحقو يطيبو ليهو خاطرو بالدولارات طبعا عشان يلحق مباراة للهلال...... ويرجع مرفوع النخرة اكتر من الاول... انتو مافي واحد بيحس في الناس ديل ولا شنو؟ بعدين ياخي عندكم تلاتة لاعبين وطنيين في نفس الخانة ...ليه ماتراعوا لي شعورهم شوية...... وهم لولا المعايش جبارة كانوا شردوا زمان.... لانو البتعملوهوا فيهم دا يدمر اي لاعب نفسيا مهما كانت شخصيته
يادكتور لنفترض انك محترف في عملك خارج السودان بعقد ولم يصرفوا لك راتبك لعدة اشهر وهو عملك واحترافك الوحيد هل ستسكت وتشتغل مجانا؟؟؟؟؟؟ الحضري في هذه النقطة معه الف مليون حق
Post: #7 Title: Re: الهلال يسبب الرعب للمريخ .....توجد إنبطاحة Author: نزار عباس Date: 03-11-2013, 01:45 AM Parent: #1
فووووووووق
Post: #9 Title: Re: الهلال يسبب الرعب للمريخ .....توجد إنبطاحة Author: معاوية محمد الحسن Date: 03-11-2013, 06:04 AM Parent: #7
د ياسر تحياتي وصباحك خير ده بوست اسمه فوبيا الحضري وعشان عارفين الهلال لم يحدث ان فاز على المريخ فى وجود الحضري لحقتوا نفسكم بالكلام ده
Quote: وإذا لم يفز فيكفيه ما أحدث من هزة في النادي الند
Post: #10 Title: Re: الهلال يسبب الرعب للمريخ .....توجد إنبطاحة Author: الصادق عز الدين Date: 03-11-2013, 06:17 AM Parent: #9
إن شاء الله النتيجة ثلاثة واحد لصالح الهلال
Post: #11 Title: Re: الهلال يسبب الرعب للمريخ .....توجد إنبطاحة Author: جمال السنوسي Date: 03-11-2013, 06:23 AM Parent: #10
حبيبنا الموصلي
فنان ومبدع في كل شي
بس عيبه الوحيد بيحب البطيخ
Post: #12 Title: Re: الهلال يسبب الرعب للمريخ .....توجد إنبطاحة Author: فايزودالقاضي Date: 03-11-2013, 06:25 AM Parent: #10
يادكتور سلامات ..
الموسم الفات التقى المريخ والهلال اربعة مرات وفي جميعها المريخ هزم الهلال وتعادل في اثنين منها في آخر المبارة .. وكمان طلعنا كعادتنا من كل هزيمة للهلال بغنائم حرب (هيثم ، علاء الدين ) ...
سؤال يادكتور ...ليه كل نهاية موسم لمن ندقكم دق العيش فريقكم يتفرتك ويتشلع ؟!!!
اركز يادكتور ...
Post: #13 Title: Re: الهلال يسبب الرعب للمريخ .....توجد إنبطاحة Author: ياسر نجيلة Date: 03-11-2013, 06:29 AM Parent: #9
البوست ده ذكرني مقولة قديمة ... لاستاذنا بالمرحلة الابتدائية ... بقولها دايما للطلبة الفاشلين ...
ابكي قبل ان تُضرب ... وقدم العذر قبل أن تغلط ...
الحضري محترف ... بنادي المريخ ... لم يستلم مستحقاتة ... وخاصة مقدم العقد للسنة الجديدة ... تم الدفع ... وتم تسوية مستحقاته ... ومن الطبيعي يرجع صفوف فريقة ... الجرسة في شنو ...
================================ واهلنا قالو ... الفيك بدربو ... والعليك اتناساهو ... يكفي ... هذا يا صفيراب ...
Quote: وإذا لم يفز فيكفيه ما أحدث من هزة في النادي الند
Post: #15 Title: Re: الهلال يسبب الرعب للمريخ .....توجد إنبطاحة Author: محمد البحر Date: 03-11-2013, 06:51 AM Parent: #13
فوق شديد
Post: #18 Title: Re: الهلال يسبب الرعب للمريخ .....توجد إنبطاحة Author: أشرف الرحال Date: 03-11-2013, 07:00 AM Parent: #15
Quote: الهلال يسبب الرعب للمريخ .....توجد إنبطاحة
بعد إنبطاحة مجلس المريخ للحضري
تاني انبطاحــــة
لو انهزموا يادكتور نسميها شنو
ومزيد من الانبطاحات
ده سيد البلد
مودتي
الرحـــال
Post: #16 Title: Re: الهلال يسبب الرعب للمريخ .....توجد إنبطاحة Author: سيف الدين محجوب Date: 03-11-2013, 06:55 AM Parent: #13
هي إنبطاحة بس ياخ ديل راقدين رُز حيدفعوا دم قلبهم عشان يرجعوا الحضري رغم إهانته وتحقيره لهم قلبهم مقطوع وخايفين وبرجفوا من يوم ما البابور دور فيهم بعد كده ،،، نحنا ما همانا إكان غلبناهم أو غلبونا كفاية علينا إنبراشتم دي
،،، وتلحقني وتنجدني يا شيخ الحضري !!!!!!!!!
Post: #17 Title: Re: الهلال يسبب الرعب للمريخ .....توجد إنبطاحة Author: حيدر بشير Date: 03-11-2013, 06:56 AM Parent: #13
يا دكتور سلم مربع و تحية مباركة
كمان انت ما بتبالغ يعنى داير تقنع الوصيفاب ديل انههم يختشوا من البيسوا فيه دا مع الحضرى يا خوى ديل مش حا يعترفوا انه فى خطأ ديل فى كل خطأ حا يفتشوا ليه ألف عذر ما سمعتهم وهم فى استقباله و بيقولوا ليه غلطاتك مغفورة
المشكلة كلهم يجوك جارين و يقولوا ليك الحضرى محترف و داير قروشه
طيب هو ما دام محترف رفض استلام خطابات الادارة ليه و هو لو محترف رفض انه ينتقل للشقة الجديدة ليه و لو هو محترف بيسافر بدون علم الادارة ليه و لو محترف بيقول علاقتى مع المريخ انتهت ليه و لو محترف بيكون تواجده فى مصر اكتر من السودان ليه
و الادارة نفسها ما قالوا انه هو بيتعامل زيه و زى اى لاعب مشوا حنسوهو و جابوه ليه
و كمان الادارة لاعب يسيء ليهم و يرفض استلام خطاباتهم و يسافر بدون علمهم و يجوا يقولوا ليك دا محترف
قول ليهم لا بالله ما المتفرجين ديل عندهم قنابير كدى واحد من اللاعبين التانيين يغيب بس من التمارين و يجى يقول انا داير العب كان ما شاف نجوم الليل بالنهار
ديل يا خوى سجلوا الحضرى و دفعوا ليه كل الاموال دى قصاد الهلال فقط و السبب الرئيسى انهم مصرين على الكنكشة فى الادارة حالهم حال كل السودانيين اما السمعة و عزة النفس و تطبيق القانون دا ما فى حساباتهم عشان كدة كان لازم و لا بد من ان يكون هناك انبطاحة
Post: #19 Title: Re: الهلال يسبب الرعب للمريخ .....توجد إنبطاحة Author: Mohammed Mahdi Date: 03-11-2013, 08:01 AM Parent: #17
يا دكتور سلامـــــات
حقو يدوك جايزة اكتشاف مرض اسمو (المريخفوبيا) ومن اعراضه الرجفوبيا والعرض: ان يهتم الاخر بشئون الطرف البرجف
وعلى وزن الدعايه ( انت مو انت وانت بتواجه المريخ)
العلاج: خدلك حبايه ومش حبايه و قوم لخبط الاتنين في دموع ضب اعرج و اشرب معلقه مع الريق و بين الشوطين
حقو تسمي خيطك ده ( الهلال يجعر قبل المريخ - يوجد رجفي و نهفي )
مودتـــــــي
Post: #20 Title: Re: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-11-2013, 08:02 AM Parent: #17
بعدين ياموصلي ياخوي اذا سلمنا جدلا بأن الهلال لم يهزم المريخ في وجود الحضري ..... هل هذا سبب كاف للذلة والنبطاح........
Post: #21 Title: Re: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-11-2013, 08:15 AM Parent: #17
يا معاوية محمد الحسن. انا كنت فاكر انو ادارتكم المنبطحة هي العندها فوبيا الحضري ..... لكن الظاهر انو حتي المشجعين عندهم الفوبيا دي...... وكأنو المريخ دا ماعندو لاعب يقدر يفوز علي الهلال غير الحضري.........دي فضيحة و الله في حق نادي سوداني ...... اما قولي اذا لم نفوز فدا مرده لانو انا أعلم ان كرة القدم فوز وتعادل وهزيمة......ولولا اني اؤمن بالله لقلت لك ان المريخ مهزوم مهزوم........لأنكن هزمتم لاعبيكم نفسيا........كيف تجيبوا ليهم لاعب شتمكم عيانا بيانا. و شرد عيانا بيانا قدام ارجل راجل.... وتجروا وراهو و تحنسوهوا و تجيبوهوا متخم بالدولارات.... ومن المطار للميدانً........ شعورهم حيكون كيف؟؟؟؟. عموما بأذن الله الهلال سيفوز .... عشام تطووا ملف الممتاز والابطال من بدرررررري. والجضري دا خلوهوا يزرع طماطم عند الوالي
Post: #23 Title: Re: الهلال يسبب الرعب للمريخ .....توجد إنبطاحة Author: ismeil abbas Date: 03-11-2013, 08:33 AM Parent: #21
د/ياسر السلام عليكم.
Quote: لانو البتعملوهوا فيهم دا يدمر اي لاعب نفسيا مهما كانت شخصيته
كلامك صح مئة المئة يا دكتور إلا ان يكون اللاعبين ديل ما بحسوا..ألأن زى أكرم ده يعمل شنو!!!!!!!!!!!!!!؟؟؟؟؟
يجب أن نبث الثقة فى لاعبينا لكى نستفيد منهم فى المنتخب الوطنى......
ةإالسعى لأكتشاف مواهب جديدة بدلا عن الحلول الموقتة.
الهلال والمريخ كلهم رماد وسجم
تقديرى وإحترامى....
Post: #24 Title: Re: الهلال يسبب الرعب للمريخ .....توجد إنبطاحة Author: Ammar Makki Date: 03-11-2013, 09:13 AM Parent: #21
بعيدا عن مهاترات هلال مريخ المريخ أفضل من الهلال في كل خطوط تقريبا نمسك علات الهلال سينكارا أولا من خلال مشاهدتي له في الثلالثة مياريات السابقة وبالرغم من أنه يملك تكوين جسماني قوي ولكنه لا يملك مستوى فني عالي ولا قدرات تكتيكية ودفاعية عالية الطرف الشمال في الغالب عبدالطيف بوي مستواهو متذبذب في الدفاع كويس وفي الهجوم أروش. الطرف اليمين عبدرحمن كايا لاعب جديد ليست لديه خبرات في المباريات الكبيرة وفي نفس الوقت ليس بالاعب الفلته. في الوسط إيكانقا لاعب فرفار وما عندو حاجة بالرغم من إنو سريع لكن باصاتو معظمها غلط ويلعب على الاجسام أكثر مما يلعب على الكوره في الوسط الهجومي لايوجد صانع ألعاب بمستوى عالي ليحل مكان هيثم مصطفى في الهجوم توري بالرغم من مستواه المميز في المباريات الاولى ولكن أعتقد بأن إعلام الهلال حاول أن يسلط عليه الأضواء أكثر مما يجب لحتمية وجود اللاعب النجم "توازنات هلال مريخ ". أكثر اللعيبة الممكن يعول عليهم الهلال هم عمر البخبت بالرغم من تدني مستواهو في الموسمين الأخيرين لكن يبقى من أفضل اللعيبة الذي أنجبهم الهلال في خانة الإرتكاز. مدثر كاريكا أفضل مهاحم سوداني في الوقت الحالي نزار حامد لاعب ذو أمكانيات مهولة ولكن لغالية هسع ما ادى بكل مستواهو مهند الطاهر وما أدراك ما مهند الطاهر لاعب Unpredictable يوم يكون ميسي الكورة السودانية ويوم يكون ماسورة القارة الافريقية لا تستطيع أن تتوقع مستواهو ولكن لو بقى لاعب بمزاج عالي سيف مساوي الحسنة الوحيدة في الدفاع
Post: #22 Title: Re: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-11-2013, 08:20 AM Parent: #17
بعدين ياموصلي بالله بتعتبر انبطاحة الادارة دي حل لمشكلة لاعب.......ياخي لاعب ما اعترف بكل مجلس ادارتك... وقال بس بيعترف بالوالي.... اي اهانة اكبر من دي لمجلس النادي. وتبع القول بالفعل. الا يوجد من يخجل للمريخ
Post: #25 Title: Re: الهلال يسبب الرعب للمريخ .....توجد إنبطاحة Author: أمير محمد ادريس Date: 03-11-2013, 09:16 AM Parent: #22
سيكون في إنتظارك:
1. تراوري
2. كاريكا
3. مهند الطاهر
-----------------
ههههههههههههه ان شاء الله يادكتور الجماعة ديل قدام الصفوة مواسير على قول الجماعة...وزي ما قال اخونا ود القاضي اخر مقابلة بين الهلال والمريخ كانت لميييييييييييييييين .
Post: #26 Title: Re: الهلال يسبب الرعب للمريخ .....توجد إنبطاحة Author: معاوية محمد الحسن Date: 03-11-2013, 09:35 AM Parent: #25
Quote: والجضري دا خلوهوا يزرع طماطم عند الوالي
يادكتور فوبيا الحضري خلتكم تغلطوا فى كتابة أسمه أركزو الحضري لاعب وهيثم لاعب شوفوا ليكم حل ليهم
Post: #27 Title: Re: الهلال يسبب الرعب للمريخ .....توجد إنبطاحة Author: صبري طه Date: 03-11-2013, 09:51 AM Parent: #26
يا د. ياسر .. حصل في زول شرح ليك عبارة "ميتة وخراب ديار"
لو مافي أنا بشرحها ليك في البوست دا .. وهي:-
الميتة = الانبطاح للحضري
خراب الديار = إشراك الحضري البعيد عن جو المُباريات
Post: #28 Title: Re: الهلال يسبب الرعب للمريخ .....توجد إنبطاحة Author: جابر برمه Date: 03-11-2013, 10:15 AM Parent: #27
عضو جديد هل من مرحب
Post: #29 Title: Re: الهلال يسبب الرعب للمريخ .....توجد إنبطاحة Author: طارق حرسي Date: 03-11-2013, 10:23 AM Parent: #28
في نهائي كاس السودان 2010
حقق زعيم الكرة السودانية الفوز علي الهلال الصفراوي 0/2
وبعشرة لاعبين وبدون محترفين
احرز الاهداف
هنو
راجي
Post: #30 Title: Re: الهلال يسبب الرعب للمريخ .....توجد إنبطاحة Author: محمد البشرى الخضر Date: 03-11-2013, 10:56 AM Parent: #29
غايتو هي اقرب للقمار يا دكتور من الجانبين الحضري و إدارة المريخ لو فاز المريخ و تألق الحضري و منع هجوم الهلال من التسجيل سيكسب الحضري الرهان و طلباته ح تكون مجابة و سيستمر برغم راتبه العالي بالتالي لا حل سوى عودة جمال الوالي و تحنيس نافع و تحمل مساخته عشان يفتح الماسورة تاني أما لو انهزم المريخ بوجود الحضري و خاصة لو تسبب هو في الهزيمة تكسب ادارة المريخ و يشطبوه بعين قوية ويتخلصوا من راتبه العالي و احتمال كبير لا يعودالوالي
Post: #33 Title: Re: الهلال يسبب الرعب للمريخ .....توجد إنبطاحة Author: Ammar Makki Date: 03-11-2013, 11:51 AM Parent: #30
Quote: وبعشرة لاعبين وبدون محترفين
الهلال برضو كان لاعب بي عشرة لاعبين
Post: #34 Title: Re: الهلال يسبب الرعب للمريخ .....توجد إنبطاحة Author: طاهر قرشي Date: 03-11-2013, 12:29 PM Parent: #33
Post: #35 Title: Re: الهلال يسبب الرعب للمريخ .....توجد إنبطاحة Author: Dr.Elsadig Abdalla Date: 03-11-2013, 06:17 PM Parent: #28
أحسن حاجه في البوست ده هو العضو الجديد لنج ده ...
ودي أحسن اجابه ورد للحكي الفوق ده كلو ..
وبي بساطه كده البرلوم ده قال ليكم كلامكم ده عيب عن زعيم البلد وكلامكم ده بكره بتابوا..
مرحبا يازول
Post: #36 Title: Re: الهلال يسبب الرعب للمريخ .....توجد إنبطاحة Author: طارق حرسي Date: 03-11-2013, 09:53 PM Parent: #35
Quote: Ammar Makki الهلال برضو كان لاعب بعشرة لاعبين
بلة جابر تم طرده من الدقيقة 65
وسيف مساوي تم طرده في الدقيقة 81
شوفت الفرق وين ؟؟
وبرضو بدون محترفين
يعني وجود الحضري من عدمه لا يفرق ..
وتبقي روح اللاعبين وجديتهم هي التي تحسم المباراة
غايتو ربنا يستركم وشيلو شيلتكم لو مستوي مبارة الاهلي عطبرة ده مستواكم
Post: #37 Title: Re: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-11-2013, 10:04 PM Parent: #36
فايز ود القاضي
صدقني لو الهلال فاز......مريخكم تاني تشليح ما بنفع
لذلك أتوقع (لأسباب أمنية) .....سيتم عمل اللازم (-:
يا معاوية...الزول دا إسمو البرادعي........رأيك شنو؟؟؟
مرحب بالبرلوم الجديد.....منور
ود البشري.....في القمار يوم ليك و يومين عليك....لكن البرادعي دا خامش علي طووووول.....تبقي الشغلة ماقمار....غسيل عدة...يمكن
تحياتي للشباب
وراجعييييين
إتدلع يا حضري....بختك....مصايب البابور جاز ..عتدك فوائد
Post: #38 Title: Re: الهلال يسبب الرعب للمريخ .....توجد إنبطاحة Author: عمار يس النور Date: 03-11-2013, 10:17 PM Parent: #37
Quote: ان فاز على المريخ فى وجود الحضري
الهلال زعيم البلد جندل الأهلي المصرى فريق القرن، الذي يساوى عشر أمثال الوصيف، في القاهرة و بإستاده و قضى عليه مرة أخرى بأمدرمان 3 صفر أيضا بوجود الحضري. المشكلة مش في وجود الجضري او عدمه. المشكلة هي شعور إدارة المريخ أن الفريق لا يسوى شئ إلا بوجود حارس كفر البطيخ.
Post: #39 Title: Re: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-11-2013, 10:22 PM Parent: #38
نزار عباس.....الصادق عزالدين
مرحبتين
جمال السنوسي : بالله أدي البرادعة ديل بالحتة الفيها الحديدة
ياسر نجيلة.....سلامات تعرف كلكم بتذكروني بي ناس المؤتمر ....تهللوا لجماعتكم بغض النظر عن الموضوع
عموما النزال قرب......ونشوف ...هل يستحق الحضري ان تنبطحوا له و تتناسوا ال25 لاعب التانيين
Post: #40 Title: Re: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-11-2013, 10:43 PM Parent: #39
Quote: الا ان المدرب وجد انتقادات حادة من ابعاد الحارس يس وطلب منه مجلس المريخ الذي قام بالتاشير لكل اللاعبين سابقا وضع الحارس يس ضمن الخيارات المطروحة لمباراة الذهاب امام بطل انجولا تحسبا لظروف والاصابة للحارسين اكرم الهادي سليم والحضري خاصة ان الحارسين يعدان من اللاعبين الذين يمكن للمريخ ان يفقدهما في اي وقت بسبب ما قاما به سابقا من تصرفات اغضبت انصار المريخ ويتوقع ان يكون اللاعب يس ايضا احد خيارات المدرب في مباراة اليوم بعد ان فجر اكرم الهادي سليم ازمة ورفض المشاركة بخروجه غاضبا من مران امس الاول وعاد اللاعب الى المعسكر بعد تدخل مدير الكرة محمد موسي الذي حل ازمة اللاعب احتجاجا على وضع الحضري ضمن اللاعبين المشاركين في مباراة اليوم و ابعاد اكرم و يس من القائمة الرئيسية
.
وتييييييييييييب
كلام القصير ما بتسمع
قال تدخل محمد موسي قال......
Post: #41 Title: Re: الهلال يسبب الرعب للمريخ .....توجد إنبطاحة Author: معاوية محمد الحسن Date: 03-12-2013, 06:44 AM Parent: #40
Quote: وضع الحارس يس ضمن الخيارات
بالمناسبة يادكتور وعشان تعرف المسالة ليس إنبطاحة للحضري فقد سبق للمريخ اللعب ضد الهلال بالحارس الثالث (يس) ده ولم يستطيع الهلال تحقيق الفوز تاني عندكم شنو بالله
Post: #42 Title: Re: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-12-2013, 06:48 AM Parent: #40
تحت تحت كدا عرفت إنو سبب الرعب ما بابور......
سبب الاذية هو.......تراوري.....ذلك الفتي الابنوسي المرعب حقيقة
و أتاري أكرم عامل فيها زعلاان......لكنو تحت تحت مبسووووووووط.....
لقي مخارجة جاااهزة
Post: #43 Title: Re: الهلال يسبب الرعب للمريخ .....توجد إنبطاحة Author: جمال ود القوز Date: 03-12-2013, 07:00 AM Parent: #42
Quote: يعني وجود الحضري من عدمه لا يفرق ..
يارااااااجل .. قول كلام غير ده .. !!! طيب اشمعني دفعتو ليهو هسع .. ماكان تخلوه بعد مباراة القمة .. يازول المريخ المرخرخ هارش .. وهرشه ما حصلت .. وخايف من مهازل مباراة القمة .. تراوري .. كاريكا .. سانيه .. ومن وراهم مهند وبشه .. كوسط متقدم .. حيعملوا صداع للحضري أو غيره ... عشان كده انبطحتوا للحضيري .. واديتوهو قروشو .. وجريتو واطي .. أها الانبطح منو ؟ ...
ــــــــــــــــــــــــــــــــــــــــــــ
أفضل ما في الأمر قريشات الحضري الرجعت ليهو .. رواتب تلات شهور .. أها رايكـ شنو المريخ حيتغلب تلاته ..
Post: #44 Title: Re: الهلال يسبب الرعب للمريخ .....توجد إنبطاحة Author: Ammar Makki Date: 03-12-2013, 08:28 AM Parent: #43
Quote: بلة جابر تم طرده من الدقيقة 65
وسيف مساوي تم طرده في الدقيقة 81
شوفت الفرق وين ؟؟
وبرضو بدون محترفين
يعني وجود الحضري من عدمه لا يفرق ..
بلة جابر تم طرده من الدقيقة 65
وسيف مساوي تم طرده في الدقيقة 81
شوفت الفرق وين ؟؟
وبرضو بدون محترفين
يعني وجود الحضري من عدمه لا يفرق ..
وتبقي روح اللاعبين وجديتهم هي التي تحسم المباراة
غايتو ربنا يستركم وشيلو شيلتكم لو مستوي مبارة الاهلي عطبرة ده مستواكم ي تحسم المباراة
غايتو ربنا يستركم وشيلو شيلتكم لو مستوي مبارة الاهلي عطبرة ده مستواكم
يا حرسي Still الهلال لعب المباراة دي بعشرة لاعبين لكن شكلك انته نسيت هلال مريخ بتاعت 2004 في حفرة الدخان المريخ متقدم بقوون السعودي والهلال بعشرة لعيبة عادل وفاز وتقول لي الطيارة فيها بوري
فأما بنسبة لمباراة الليلة منطقيا الهلال مغلوب بثلاثة الهلال تعبااااااااان عديل لاول مره أشوف جمهور الهلال يمرق من الدقيقة تمانين والمباراة فضل ليها عشرة دقايق في مباراة الأهلي
ولكن في النهاية بنقول هلال مريخ لا تخضع للغة التوقعات بالرغم من أفضلية المريخ
Post: #45 Title: Re: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-12-2013, 09:26 AM Parent: #44
يتعمد لاعبي المريخ في مبارياته ضد الهلال علي توجيه إصابات مباشرة و متعمدة من قبل المدافعين علي أهم لاعبي الهلال معتمدا علي دعم لوجستي (تطنيش ) من الحكام ......أرجو الانتباه لهذا...معظم مفاتيح اللعب يجب الحذر و الانتباه...لأن هذه هي خطتهم الرئيسية
Post: #46 Title: Re: الهلال يسبب الرعب للمريخ .....توجد إنبطاحة Author: زول ساكت Date: 03-12-2013, 09:53 AM Parent: #45
الهلال غالب اليوم ان شاء الله برغم الحضري وبواقينا ربنا يكفينا شر الحكام وثورة الحجارة
Post: #47 Title: Re: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-12-2013, 08:29 PM Parent: #46
صراحة:
لو كان في كرومي.......المريخ دا كان إتغلب كتيييير
Post: #48 Title: Re: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-12-2013, 08:34 PM Parent: #47
بس هل التعادل ثمن مرضي لما دفع في الانبطاحة؟؟؟؟؟؟؟؟
Post: #49 Title: Re: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-12-2013, 08:41 PM Parent: #48
أضاع الهلال فوزا.......المباراة فوق الوسط.....غارزيتو بصمتو واضحة
لم أفهم أداء المريخ.....لم يضيف جديدا بعد التجديد
الهلال لعب ضد الحضري فقط
Post: #50 Title: Re: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-12-2013, 08:42 PM Parent: #48
المعز كان ضيف شرف
Post: #51 Title: Re: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-12-2013, 09:30 PM Parent: #50
سلامات إسماعيل
شفت ردة الفعل النفسية كيف عند اللاعبين
نفس الكلام الانت أمنت عليهو
وكانت أكثر وضوحا عند أكرم
لكن إدارة المريخ فضلت حفظ الكرامة الداخلية علي حساب الخارجية
وما مشكلة الحضري يشيل حالهم و يلم دولاراتهم بس هم ما ينهزموا أمام الهلال
تحياتي يا راجل يا زين
Post: #52 Title: Re: الهلال يسبب الرعب للمريخ .....توجد إنبطاحة Author: د. ياسر عبد القادر Date: 03-12-2013, 09:55 PM
وكمان عندي احساس كدا إنو أداء الباشا دا احتجاج مبطن.......
وكأنو عايز يقول نتعب و نغلب نحن.....و يجي يخمها الحضري
.