Post: #1
Title: تسعة سنين ...و ما معاك
Author: نزار المحجوب
Date: 03-10-2013, 12:48 PM
... اخيرا بعد محاوله 9 سنوات ..جاتني رساله بتفعيل اشتراكي هنا
يعني اخيرا بقيت من اصحاب الاملاك
.. الشئ الاكثر غرابه اننا بنجري زي الديكه ..للممنوع
- حاليا انا ديك بعيون بنفسجيه
- و باعتراف ضمني لم تكن مسيرتي في الوصول للهدف بكامل بكرامتها .. يعني انا اتوسلت و حنست بكري حناسة الجيعان للطعميه
- الجيعان للطعميه دي ما في محلها ...لكن غالبا الطعميه الحاره و الشطه و ست الطعميه مرتبطه بالرياله
- صورة من الجواز او الاقامه ..اول شئ رفضت رفض قاطع ثم قررت ارسلهم من غير ما اجيب سيره لزول بالكلام ده...حفظا لماء الوجه
- ماء الوجه ده زمان كان سيدو كريم ديانا... بس راحت عليه زي النوكيا ... حاليا حقن تبيض
- كل مراكز التجميل ماسكنها مدامات .. الانسات مجرد مستهلك ... حكمه الاهيه ... عشان الرجال تعبوا من الصرف .. خلي المدامات اصرفوا شويه
- سودانيز اونلاين مجمع لعقول تنحني الكلمات امامها خجلا
- الما عندو اكاونت في سودانيزاونلاين زي الما قاري .. و نحن كشعب متعلم بنخجل نقول اننا ما قرينا ... علشان كده بعتذر لكل الذين اتبوبرت قدامهم وعملت اني سودانيزاونلايني
- بس لو كان عندي اكاونت هنا قبل ان اربط و اتربط بوزارة الداخليه الزوجيه .. كنت عست ليكم الدنيا فسادا
- حاليا كل كلماتي محسوبه و مسئول عنها ... امام القضاء
- الحرية ..
- لما اكبر و اصل لمراهقة بعد الاربعين .. ح اجي اراهق هنا
- الزواج حيوان خرافي لونه اخضر
- السودان .. اخضر
- لو عاوز اعمل فيها اخصائي عظام ... كيف مع صورة الاقامه المعاكم دي؟؟؟
- كنت ابو النييييز .. حاليا نزار المحجوب ... رئيس مجلس الوزراء
- النت بدون بوبار و كذب .. زي اكل المستشفي
- كل كلماتي حاليا محكومه .. بلائحة عمل غريز اناتومي
- يا حليل زمن ريتشارد مدير المستشفي
- شكرا ابوبكر .. و حافظ علي سرية المستندات
|
Post: #2
Title: Re: تسعة سنين ...و ما معاك
Author: مزمل خيرى
Date: 03-10-2013, 02:29 PM
Parent: #1
الف مرحب بيك يا المحجوب
|
Post: #3
Title: Re: تسعة سنين ...و ما معاك
Author: نزار المحجوب
Date: 03-11-2013, 07:14 AM
Parent: #2
..مزمل
شكرا كتير يا حبيب ... و ربنا اجبر بخاطرك
|
Post: #4
Title: Re: تسعة سنين ...و ما معاك
Author: ابراهيم عبدالناصر
Date: 03-11-2013, 07:50 AM
Parent: #1
حبابك ابو النيز
عارف القضية ما قضية انتظار تسعه والا عشره سنه ..
المسألة انو المواضيع في الفتره ديك والفتره دي مختلفة تماماً وياما الواحد نفسو ينكشح في موضوع من مواضيع زمان
اسي المواضيع بقيت غير ..
أختلفت الاتجاهات والافراد هم الافراد
تخ ريما :
| Quote: - صورة من الجواز او الاقامه ..اول شئ رفضت رفض قاطع ثم قررت ارسلهم من غير ما اجيب سيره لزول بالكلام ده...حفظا لماء الوجه |
بعد الطلبات المستعصية الطلبها منك حقو انت برضو تقيف ليهو في حلقة يعمل ليك مكتبه بحر اوراقك ( الجواز والاقامه ) 
|
Post: #5
Title: Re: تسعة سنين ...و ما معاك
Author: نزار المحجوب
Date: 03-11-2013, 10:26 AM
Parent: #4
Quote: حبابك ابو النيز
بعد الطلبات المستعصية الطلبها منك حقو انت برضو تقيف ليهو في حلقة يعمل ليك مكتبه بحر اوراقك ( الجواز والاقامه ) |
تسلم يا ابراهيم
.. ههه يااخي ما تحرشنا .. يا دووب اسمي مكتوب بقلم الرصاص
يعني لو رفدني مافي زول بجيب خبري اساسا
.. تاني شكرا كتير يا راقي
|
|