لو لم يكن لديهم غير هذه لكفاهم يا حمد وبعدين خلاص كملته القراصة ال 4 بوصه قبلته على غناهم ياخ!
غايتو يا طارق حمد دا الا تشوفوا ليهو شايقية عشان يقتنع ... والله صحي
بالجنبة : _____ بتكم غناية وسمحة يا طارق
Post: #12 Title: Re: يا طارق جبريل وعموم الشايقية بتبالغوا ياخ Author: حمد عبد الغفار عمر Date: 03-10-2013, 03:18 PM Parent: #6
مرحب محمد رفاعي ومشكور ياخ على الأريحية
طبعا بقصد غناء الطمبور ولأنو الشايقية ليهم باع كبير فيهو أنا سميتو السلم الشايقي
Quote: فقد غنت بالطمبور حنان النيل و سمية حسن و ختمة مروى و نسرين عوض و أحلام مساوى واكرام بت العز والكثيرات و اللاتى لم تسعفنى الذاكرة بذكرهن .
يا محمد ديل مجرد مؤديات أنا بقصد فنانة ليها تميز واضح ومنتهجة لخط غناء الطمبور ومتميزة فيهو واللفت انتباهي للمسألة دي الثراء الواضح لمنطقة الشايقية في مجال الشعر والغناء وتعصبهم لغناهم
Post: #14 Title: Re: يا طارق جبريل وعموم الشايقية بتبالغوا ياخ Author: حمد عبد الغفار عمر Date: 03-10-2013, 07:59 PM Parent: #12
مرحب عبد المنعم سيد أحمد
مشكور على الفيديو النماذج الاتنين الجبتهم أخيرا فيهم نبرة الشايقية والصوت واضح تماما بس يا جماعة منطقة الشايقية دي مفروض تطلع منها فنانات بمستوى الفنانين وبكامل الإستقلالية لأنهم محصورين خالص في غناهم
تعرف مرة جمعتنا جلسة بصديق أرقي في وادي الدواسر ، صديق كان مرهق من السفر ما غنى كتير الجماعة قالوا لي غني مع الزول دا ساعدو
كنت عايز أبدأ بأغنية نعمة (نورا) بتاعة حميد قلت عشان يكون في طرب مشترك بين الشايقية وغيرهم
معانا واحد اسمو علي برسي قال لي ستين يمين ما تغنيها دا غنا شايقية بس شوف غناكم وين
عشان كدا أنا قلت ليكم
Post: #15 Title: Re: يا طارق جبريل وعموم الشايقية بتبالغوا ياخ Author: حمد عبد الغفار عمر Date: 03-10-2013, 08:15 PM Parent: #14
هلا يا بشاري
Quote: غايتو يا طارق حمد دا الا تشوفوا ليهو شايقية عشان يقتنع ... والله صحي
تعرف يا بشاري أنا الشايقية ديل كنت مكجنم عديل كدا وبدون سبب
لكن الظروف جمعتني بشايقي مكمل الضكرنة غير لي مفهومي تماما للعكس موش كدا وبس من لحظتها أنا ابتعدت تماما من التقييم الإنطباعي والسمعي للناس
أما قصة عرس دي يا خوي ما بقدر
أنا عندي زوجة من الأيد للخشم النوع التقول ليها أديك قروش تقول ليك أعمل بيهم شنو؟
عايزني أعرس لي شايقية تقلع قروشي وتنجضني باقي عمري دا ؟